الأخبار
أخبار إقليمية
تغييرات الولاة تشطر عضوية حزب البشير لـ(نصفين)
تغييرات الولاة تشطر عضوية حزب البشير لـ(نصفين)



01-13-2014 07:23 PM

الخرطوم: شاذلي السر
كشفت مصادر مطلعة وجود خلافات داخل المؤتمر الوطني بسبب التغييرات المرتقبة التى يعتزم الحزب اجراءها على مناصب ولاة الولايات، وقالت مصادر متطابقة ان تيار وسط العضوية بالحزب يرى الاستمرار فى طريق الدفع بالقيادات الشابة لتولي زمام المبادرة بعدد من الولايات ، فى وقت ينادي آخرون باهمية تسمية عسكريين حكام على الولايات التى تعاني اضطرابات امنية خاصة على الحدود الجنوبية ودارفور، واكدت المصادر ان التغييرات المرتقبة ستطال والي سنار احمد عباس ووالي النيل الابيض يوسف الشمبلي وتوقعت تحريك كل من والي نهر النيل الفريق الهادي عبد الله ووالي ولاية البحر الاحمر محمد طاهر ايلا لمواقع يجري التشاور حولها، فيما يزال والي الجزيرة البروفسير الزبير بشير طه متمسكا باستقالته التى رفضها مجلس الشورى والمكتب القيادي بولاية الجزيرة.

الاهرام اليوم


تعليقات 25 | إهداء 0 | زيارات 11433

التعليقات
#885398 [radona]
0.00/5 (0 صوت)

01-14-2014 01:09 PM
اطردهم كلهم ماعدا والى البحر الاحمر ايلا
ينشطروا الى اثنين ولا عشرة
ماهؤلاء الا ارزقية لافائدة منهم والفساد يعشعش تحت عمائمهم
ديل بغاث طير
ويكيفينا 5 ولاة مثل ايلا لخمس اقاليم حكم
وبالمرة ارجو تسريح 45 وزير والابقاء على 15 وزير فقط
هذه عطالة مقنعة ولاحاجة للوطن لهم وخصوصا اولئك مايسمون بالمجالس التشؤيعية وماادراك مالمجالس التشؤيعية .. هذا بيت الداء


#885352 [كاشتا]
0.00/5 (0 صوت)

01-14-2014 12:28 PM
الخبر الاكيد سوف يتم نقل الوالي محمد طاهر ايلا لولاية الخرطوم ... نسبة لمرض الخضر ونصيحة الاطباء له بعمد ممارسة العمل


#885104 [المشروع]
0.00/5 (0 صوت)

01-14-2014 08:50 AM
الجايين والماشين احمد وحاج احمد والبيت جمب الجامع وكلهم واحد؟

القاعدة الأولى:
لا يُرجى خيرا قط من شخص يتخذ الدين والوقار المصنطع سلماً للقبض على ذمام السلطة والعض عليها بالنواجذ والتمسك بها ؟

القاعدة الثانية:
ان الذي يخدعك المرة الاولى والثانية لن يترك الخداع اطلاقا لم تسمعوا قول الله تعالى (ومن اهل المدينة منافقون مردوا على النفاق) كلمة مردوا على النفاق معناها تعودوا على النفاق منذ نعومة اظافرهم واعتادوا عليه حتى انهم الفوه..

القاعدة الثالثة والاخيرة:
لقد خدعونا اول مرة عند استلام السلطة سنة 1989م ووقف الشعب من وراءهم وقفة رجل واحد وصبروا عليه فطعنوه من الخلف بالتمكين ولا يزالون وليتهم يتنازلون عن ولايةواحدة ؟


#885102 [ادم ابكورة]
5.00/5 (1 صوت)

01-14-2014 08:47 AM
والله ووالله ووالله يا السيد الرئيس احقد انسان خلقه الله في اﻻرض هو عثمان كبر حرامي ولص وسراق ومنافق وكذاب ومجرم وشيطان وابليس وجن ودجال ومشعوذ وود حرام في نفس الوقت ولو داير تقيمو اكتب اسمه لكل شعب السودان في النت لكي يقيموه لك اذا ما غيرت نسال الله ان لا يجعل فيك الخير ابدا مع العلم انا مؤتمر وطني


#885082 [حسن]
0.00/5 (0 صوت)

01-14-2014 08:10 AM
والي البحرالاحمر ايلا ده
حيقلبهامملكة عديل وحينصب ولده ولياللعهد
لوماشمله التغيير


#885047 [ام نيروز]
0.00/5 (0 صوت)

01-14-2014 06:03 AM
غير المدعو بالكبر الكبر انشاءالله جنجويدي
مسكيين يا شمال دارفور وعموم دارفور الحبيبة التي اصبحت وليمة

للعتصرييين .


#884995 [الجمبقلى]
0.00/5 (0 صوت)

01-14-2014 02:13 AM
كله زىنظام لازم بعضه ،الثوم ريحته واحده ،الحكايه خربانه من فوق ،النظام لازم يتغير كاملا

من البشكير لأصغر خفير ،الى مزبلة التاريخ


#884989 [سوداني حر]
0.00/5 (0 صوت)

01-14-2014 02:08 AM
يا ابو ريشه الله يديك العافيه
والله تعليقك اجمل تعليق
ياخ الهيصه بتاعت تغيير وتبديل وتحويل دي مااااالافقه معانا كشعب
نحن دايرين تغيير جزري يعني البيغير ده هو زاتو عايزنو يتغير
يعني فكرتك دي طالما انهم بيهومنا بتغييرات وكلام فارغ كده كتير فكرتك احسن فكره
يشقلبو البلد دي كدي يمكن تستعدل معاهم


#884983 [أمير الحبوب]
0.00/5 (0 صوت)

01-14-2014 01:53 AM
يا ناس الفايده شنو من تغيير الأشخاص ما دام العقلية الحاكمة والسياسه هي ذات السياسه دي ملهاه ومضيعه زمن ساي ، ذي تغيير السواق والباص ومتعطل تماماً وقاطع جاز


#884965 [ابو محمد]
0.00/5 (0 صوت)

01-14-2014 01:06 AM
الحرامي كبر شوف لنا بديلو يا السيد /الرئيس


#884960 [عبد الشكور]
0.00/5 (0 صوت)

01-14-2014 12:55 AM
ماذا عن سلطان الولاة هل سيبقى في موقعه ك اقدم والى في السودان والي شمال دارفور الاستاذ كبر الذي يعتمد عليه البشير في الدجل والعرافين والسحرة ..فوالي شمال دارفور يعتمد سياسة فرق تسد


#884947 [الهمباتى البطحانى]
2.00/5 (2 صوت)

01-14-2014 12:27 AM
ياناس جيبو لنا عسااااااااكر وحاسبو ديل شوفوهم دخلو بي كم ومرقو بي كم وبعضهم بسجلو باسماء اقرباهم


#884917 [عبد الله]
5.00/5 (1 صوت)

01-13-2014 11:26 PM
وزول كسلا محلو شنو من الاعراب ؟ جمع مذكر سالم ولا واحد من ان واخواتها


ردود على عبد الله
European Union [habbani] 01-14-2014 11:23 AM
دا حرف علة زى البشير


#884908 [AburishA]
5.00/5 (2 صوت)

01-13-2014 11:10 PM
بعد ده ما تغيروا الولاة.. الافضل تغيروا الولايات نفسها وتحويلها.. مثلا ولاية شمال دارفور تجيبوها محل ولاية الخرطوم.. ولاية نهر النيل تودوها جنوب كردفان.. النيل الازرق تجيبوها محل ولاية الجزيرة.. والجزيرة الى غرب دارفور..


#884889 [الدابي]
4.00/5 (2 صوت)

01-13-2014 10:35 PM
يوسف الشنبلي افشل والي في السودان حرامي ومنافق ودمر النيل الابيض تماما مفروض يحاكم لانه اصبح يمتلك ثروة هائله من مليارات وفنادق وعمارات شاهقه لايمتلك اي مقدرات والي فاشل سيء الخلق والاخلاق . ماقدم اي شيء في الولايه مفروض يطرد من الولايه تماما ولانسمع اسمه خالص دمر المؤتمر الوطني خلق مجموعه من العصابات السياسيه والمترديه نهبوا كل اموال الولايه وباعوا كل المواقع الاستثماريه في الولايه وحولوها في حساباتهم الخاصه . تفشي السل والتيفوئد والملاريا اصبحت الولايه مريضه في كل شيء نسال الله ان يعزبه في الدنيا قبل الاخره


ردود على الدابي
European Union [ود المالحة] 01-13-2014 11:18 PM
كأنك يا الدابي تصف في والي شمال دارفور المحتال كبر الا ان الفرق بينهما ان الاخير اكذب مخلوق في القارة السمراء ..يبكي امام البشير حتي يبيض جبينه ويبح صوته وما ان يخرج من القصر يضحك كثيرا هو رجل الفتنة الاوالي فتن الزغاوة بالميدوب ،الرزيقات بالمسيرية ،فتنة جبل عامر،البرتي والزيادية،والان الميدوب والبرتي في طويشة


#884883 [زول ساي]
5.00/5 (1 صوت)

01-13-2014 10:21 PM
لاحول ولاقوة بالله حقتنا الاسمو (كبر),ولاذكر في الونسة ساي ،لوجاء تاني حايكون بلوي عدييييييييييييل


#884860 [ساب البلد]
5.00/5 (1 صوت)

01-13-2014 09:49 PM
******* game الشطرنج ما حينتهي ؟؟؟ ************


#884844 [عصمتووف]
0.00/5 (0 صوت)

01-13-2014 09:26 PM
علي بالطلاق وحرم الزبير بشير طه بتعزز كشكره ساي منو معقولة القليب والنفيس فيها يابوها


#884843 [عبدالعزيزمبارك محمد]
5.00/5 (1 صوت)

01-13-2014 09:26 PM
الحرب قادمة لامحال استعدو لها ياشعب السودان


#884839 [عبدالعزيزمبارك محمد]
5.00/5 (2 صوت)

01-13-2014 09:24 PM
التغيير فى المركز وليس الولايات ياشعب السودان افيقو من نومكم المؤتمر الوطنى باع السودان كله بقليل من الدولارات افيقو@


#884832 [عزة]
0.00/5 (0 صوت)

01-13-2014 09:08 PM
بس غير لينا الجقر دى
تكون ريحة العالم كله


#884821 [المسياب]
5.00/5 (1 صوت)

01-13-2014 08:42 PM
الفوكس بتاع الدامر دة مافى حتة بتقبلو دة كارثة متحركة


ردود على المسياب
United States [واحد] 01-13-2014 09:08 PM
حقيقة كارثة متحركة


#884815 [واحد]
5.00/5 (2 صوت)

01-13-2014 08:25 PM
أن شاء الله يشمل والي الخرطوم التي تحتاج لشخص فعال وليس قوال,


#884811 [ابومروه]
0.00/5 (0 صوت)

01-13-2014 08:20 PM
المكتب القيادي و مجلس الشوري ولاية الجزيره كيف تم اختيارهم ومن هم هل يمثلون الولايه حتي يتمسكو بالوالي رغم الدمار الذي ضرب الولايه و مشروع الجزيره و الفساد الذي يدور في الولايه حسب تقرير المراجع العام ام انهم يخافون علي مواقعهم و التي حتما سيفقدوها و لو بعد حين


ردود على ابومروه
[يونس] 01-14-2014 11:25 AM
مطتب شن وقيادات وشوري شنو دي كلهم صعاليق وحرامية وعاوزين الوالي الوالي الخروف عشان يسعو في الولاية فساد وسرقة ولالي كلمة كبيرة عند الله لذلك الزبير بشير طه اخر من يكون والي عن نفسه وليس عن ولاية بحجم الجزيرة لا راي له ولا فهم وعوير وبسمع كلام الوهم البيضحكو وعلية ويلبعوا في ضنبو وغير مسموع ليه اي قرار في الولاية لذلك اخر من يرده ان يمشي هولا ءالحرامية ليس لي حبهم فيه بلا لي عوارتة الشديدة والولاية ليه رب يحميهاوشعب جائع يعرف مكانتها


#884810 [abo abda]
5.00/5 (1 صوت)

01-13-2014 08:20 PM
لاجديد كلو احمد وحاج احمد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة