الأخبار
أخبار إقليمية
(1620) أجنبي يديرون (156) مطعماً بالديوم والسجانة
(1620) أجنبي يديرون (156) مطعماً بالديوم والسجانة
(1620) أجنبي يديرون (156) مطعماً بالديوم والسجانة


01-14-2014 09:42 AM
الخرطوم:
كشفت محلية الخرطوم عن اتجاه لتشكيل لجنة مشتركة بين لجنة أمن المحلية ومواطني منطقة الديوم لمعالجة المطاعم العشوائية (الجنبات) داخل الأحياء والبالغ عددها (156) مطعماً يديرها نحو (1620) أجنبي والتي أسهمت بشكل كبير في انتشار المظاهر السالبة وتضرر منها نحو (5600) منزل بالديوم و(187) منزلاً بالسجانة لافتاً الى أن المصلحة تكمن في إزالة تلك المطاعم العشوائية.
وأعلن اللواء عمر نمر معتمد المحلية لدى مخاطبته ختام احتفالات منطقتي الديوم والسجانة بأعياد الاستقلال عن خطة شاملة لتطوير منطقتي الديوم والسجانة وفقاً للتقسيم الإداري الجديد للوحدات الإدارية بالمحلية الذي تمت إجازته مؤخراً من مجلس حكومة الولاية والذي أقر إنشاء وحدة إدارية خاصة بالمنطقتين.
وأشار المعتمد إلى قيام برنامج متكامل لتفعيل العمل الثقافي والاجتماعي، كاشفاً عن خطة لتطوير البنيات التحتية بمنطقتي الديوم والسجانة تشمل إعادة سوق الديم وإنارة عدد (16) ميداناً بالأحياء وإعادة سلفتة الطرق وتبليط عدد (35 شارع داخلي، إضافة إلى تأهيل جميع مصارف الأمطار، لافتاً الى أن العمل سيتم وفق اتفاق شراكة بين الولاية والمحلية ومواطني المنطقة.

الميدان


تعليقات 21 | إهداء 0 | زيارات 6256

التعليقات
#886247 [المشروع]
0.00/5 (0 صوت)

01-15-2014 11:21 AM
شنو المشكلة مطعم يديرو اجنبي ولا ود بلد؟ انتو تدعو المستثمرين بي جهة وتقوموا على الاجانب بي جهة اخرى ؟ ما كلوا استثمار ؟ انتو عايزين الاجنبي يقعد في البلد مربع يديه؟ لو اشتغل الاجنبي اشتغل لو قعد الاجنبي قعد ؟ خلوا الناس في حاله مع وجود الضوابط التي تنطبق على المطعم وعلى المواد المقدمة بالمطعم وليس على صاحب المطعم. فلا تاخذنا الحمية في الفاضي والعالم كله سودانيين يديرون محلات ومطاعم وووالخ
امل ان لا يتمتد الظلم حتى على الاجانب .. نحن ترانا بنستحمل الظلم غصبن عننا


#886093 [لصق]
0.00/5 (0 صوت)

01-15-2014 09:29 AM
الحبشة كأنها الهند حضارة عريقة وجمال .وبينظروا الى اهل السودان نظرة اجلال واحترام.ثم هنالك مصالح مشتركة قادمة.فليس أحرى ان نقدم السبت لكى نجد منهم الاحد؟


#885867 [عصمتووف]
5.00/5 (1 صوت)

01-14-2014 11:56 PM
نمر يتنمر علي الاحباش وفار علي المصريون والسوريون والاردنيون واللبنانيون الاحباش في نظر هذا الاهبل افشوا الرزيلة في المجتمع بالله من شاهد منكم حبشية تقف للخطف في الشوارع او حبشي يتبول في الشارع او متسكعا هؤلاء يمتهنون اعمال البناء والجرسونية واعمال النظافة هل الشاب او الشابة تعمل واصحاب البيوت مستفيدون منهم ومن اكبر الاضرار اجر منزلك لسوداني غير خراب المنزل والمماطلة في الطلوع وقلة الادب اقفل تلك المطابخ واستعد لبيوت الدعارة العلنية والسرية


#885845 [New Sudan]
5.00/5 (3 صوت)

01-14-2014 11:13 PM
الى كل بلاد العالم يأتى مهاجرون و يقيمون فى تلك البلاد و يؤسسوا أعمالهم الخاصة من متاجر و مطاعم و غيرها و بذلك يدعمون اقتصاد تلك البلاد و يصبحوا جزءا من بنيتها الاقتصادية و الاجتماعية هذا شىء ايجابى و متبع فى كل العالم, الاثيوبيون و الارتريون هم أقرب الشعوب للشعب السودانى و يتقاسمون معه ملامح كثيرة غير الشكل ملامح ثقافية و فنية و يكنون للشعب السودانى احترام و حب كثير , لذا وجب معاملتهم بنفس القدر من التقدير و الاحترام طالما أنهم لا يسيؤن لأحد أو يعملون ضد القانون, لم نسمع أبدا بأن هنالك اعتراض على المطاعم السورية أو التركية أو المصرية, على من يقيمون فى الديوم أن يتركوا التحامل و البرانويا و يتركوا هؤلاء المهاجرين من كسب عيشهم المشروع بسلام.


شكرا كتير يا مواطن وانت تعبر عنى .


#885825 [الحقيقة مرة]
5.00/5 (1 صوت)

01-14-2014 10:40 PM
اهلنا الحبش شعب عريق وجميل ومتنوع وودود وعشري وارتباطنا الانساني بيهم جيني قبل ما يكون ثقافي والحبشي المستودن والسوداني المستحبش دايما بتلقاهم بزايدو على هويتم المكتسبة كانو اكتشف نفس الشي لكن بشكل مختلف وبقت حياتو ثنائية البعد وهم جزء من نسيجنا الاجتماعي والاقتصادي وعلينا كمواطنين وبشر مضطهدين زيهم في البلد الماشة بالبركة ساي دي ما نزيح شعورنا بالظلم الاجتماعي الى الاضعف مننا اخوانا المهاجرين السودانيين بالعشرة والاكتساب والتجنس لانهم احسنو الظن في ضيافتنا وما نتحامل عليهم زي ما وردي غنى عدد ما فوقو ما تحتو سند للارضو محتلة ومدد للايدة ملوية وحنبنيهو


#885744 [ودالخرطوم غرب]
5.00/5 (1 صوت)

01-14-2014 08:32 PM
ياخوانا دلوقت كان فرضنا الحبشية الموجودة في الصورة اعلاة فاتحة مطعم في الديوم ورجاء بتاعت اتحاد الحريم والمؤتمر الوطنى فاتحة مطعم في العمارات تفتكرو انا بدخل ياتو مطعم


#885736 [مواطن]
5.00/5 (2 صوت)

01-14-2014 08:15 PM
الى كل بلاد العالم يأتى مهاجرون و يقيمون فى تلك البلاد و يؤسسوا أعمالهم الخاصة من متاجر و مطاعم و غيرها و بذلك يدعمون اقتصاد تلك البلاد و يصبحوا جزءا من بنيتها الاقتصادية و الاجتماعية هذا شىء ايجابى و متبع فى كل العالم, الاثيوبيون و الارتريون هم أقرب الشعوب للشعب السودانى و يتقاسمون معه ملامح كثيرة غير الشكل ملامح ثقافية و فنية و يكنون للشعب السودانى احترام و حب كثير , لذا وجب معاملتهم بنفس القدر من التقدير و الاحترام طالما أنهم لا يسيؤن لأحد أو يعملون ضد القانون, لم نسمع أبدا بأن هنالك اعتراض على المطاعم السورية أو التركية أو المصرية, على من يقيمون فى الديوم أن يتركوا التحامل و البرانويا و يتركوا هؤلاء المهاجرين من كسب عيشهم المشروع بسلام.


ردود على مواطن
[ساب البلد] 01-14-2014 10:58 PM
****** ما تنسي المطاعم المصرية و هم مصابين ب فيروس الكبد الوبائي ***** غير قلة ادبهم و عدم احترامهم للشعب السوداني ****** بس تقول شنو يا اخوي مواطن انت عارف عقدة الحمار من (حمرة) *********


#885638 [ana ana]
5.00/5 (1 صوت)

01-14-2014 05:02 PM
يعنى لو مشوا بلدهم مشاكل البلد خلصت؟؟ولا هم الشماعة تعلقو فيهم ايحاجة .احترموا عقولنا ياناس الحكومة


#885613 [NjerkissNajrta]
5.00/5 (1 صوت)

01-14-2014 04:36 PM
الآف السنين و النيل الأزرق و نهر عطبره و القاش بيدفق في الماء و الطمي على ارضنا هل يمكن أن نقدر كم قيمة ما أتى منهم؟
تزوجوا منهم و أتركوهم يعيشوا معنا بسلام ولا البديل حايكون أولاد بمبه


#885608 [نوبي حلبي]
5.00/5 (3 صوت)

01-14-2014 04:33 PM
لا شمال بدون جنوب ولا جنوب بدون شمال
لا سودان بدون اثيوبيا ولا اثيوبيا بدون سودان
والما عجبه ويعتقد انه عربي والسودان دولة عربية اسلامية خالصة وينكر افريقيتنا فاليبحث عن ارض جدوده خارج السودان ويتركنا في حالنا مع اهلنا الجنوبيين والاثيوبين . حلوين نحبهم شينين نحبهم كويسين نحبهم كعبين نحبهم متخلفين نحبهم متعلمين نحبهم فهم اهلنا وقدرنا ونحن قدرهم


ردود على نوبي حلبي
European Union [فرج دابي] 01-14-2014 08:17 PM
ينصر ديييييييييييييينك
نعم التعايش فيما بيننا في وطن يسع للكل ولكن هؤلاء بلعبو بعقول الشعب واذا افترضنا طرد هؤلاء يعني حله ازمه السودان


#885550 [ودالباشا]
0.00/5 (0 صوت)

01-14-2014 03:42 PM
هكذا بدات مشكلة فلسطين والحمدلله كانوا من ناحية الشرق وليس الشمال الذين ضاقت بهم الارض وتراكمت الكتل السكانية وتقلصت الاراضى الزراعية وسوف تتناقص ميائهم رضوا او ابوا وليس لهم حلول سوى التوجهوا شمالا ونتمنى اهل الشرق ان يسدوا الشواغر اهلنا ويشبهوننا وصفاتهم حميدة وناس حارة وليس لديهم الخبث والدسائس والدهنسه والحقد وسهولة البيع واشياء كتيرة انتم وهم اعلم بها


#885533 [عتمنى]
4.00/5 (1 صوت)

01-14-2014 03:32 PM
ديل أهل حضاره يا ناس قريعتى راحت


#885489 [زول]
5.00/5 (1 صوت)

01-14-2014 02:49 PM
نحن ناسنا كتار مشو الحبشة وعملو شغل ممتاز وارباح ممتازة ومافي زول قالهم حاجة ومقارنة حجم البسنس حقنا هناك اكثر من ناحية راس المال والارباح وليس عدد الاشخاص فدعوهم يعملون بس نحتاج لرقابة صحية


#885458 [salmon]
0.00/5 (0 صوت)

01-14-2014 02:12 PM
والله ما شايف اي مشكلة في انو يشتغلوا في السودان بشرط احترام البلد وسياسته وعاداته وتقاليده
وهذا مايحدث في كل العالم


#885404 [ادريس محمد شاويش]
3.00/5 (6 صوت)

01-14-2014 01:14 PM
اجانب اجانب كرهتنا البلد الحبش يااهلنا ليس اجانب بل هم اهلنا الحبش اهل حضارة ياناس قرعتي راحت الحبش بهم السالب والصالح المستفيدون انت اهل الديم والسجانه من ايجار العقارات ومنو اعطي تصاريح فتح المطاعم هل هي محلية اديس ابابا بل محلية الخرطوم وبالرسوم باهظه ومنو المستفيد الاول والاخير من رسوم المطاعم اليس محلية ودنمر وكيف كانت الديم من زمن هل هي امره اسلامية والديم مع احترمنا لاهلنا ارجو انتقولوا خير


ردود على ادريس محمد شاويش
[سيييك كع] 01-14-2014 07:28 PM
شكلك كده يا حبشي أو من ناس الأقاليم وكدي يا أخوي إنت قول خير أو أمشي شوف ليك واحد تفتيحه كده عشان يونسك عن الديم والسجانه لأنو ثقافتك دي شكلها إنقاذية حاقده.... وبعد داك فكّر كويس قبل الإساءة لقلب الخرطوم النابض...فهمت يا الأخو!!!
شنو وجع القلب ده....تقول نحنا ناقصين


#885391 [قرفان من جكسينا الشين]
3.00/5 (3 صوت)

01-14-2014 01:01 PM
يا جماعة انا محتار, الاثيوبيين والارتريين ديل اصولهم شنو؟؟!! اصلوا الناس ديل حلويين شديييييد وصراحة مافي زيهم في الجمال في افريقيا.


ردود على قرفان من جكسينا الشين
[NjerkissNajrta] 01-14-2014 04:30 PM
الرجال و النسوان جايين من بطن واحدة!!! شوف رجال السودان الضعيف و السمين عنده كرش و الواحد فيهم لو قعد في كرسي يقعد زي النايم.
النسوان عندنا كلهم سمان و مغطيهم التوب و البنات بيغيروا ألوانهم و ما عندهم ثقة في النفس و بيفتكروا ان الجمال فقط في الشعر المسدل و اللون الفاتح

European Union [أنا] 01-14-2014 02:24 PM
أصلهم من ايطاليا معقول ؟ أنت ما عارف,,


#885346 [ود الديم]
0.00/5 (0 صوت)

01-14-2014 12:23 PM
للاسف كل هذة الجنبات لايدخولها الا الساكنيين برة الديم من امدرمان وبحري وناس سوق الجمعة والسوق الشعبي وسوق الديم واغلبيتهم من الجزيرة والبطانة ومن غرب السودان وبرضو من اولادنا الديامةوالله العظيم بيتنا علي شمالنا حبش وعلي يمينا حبش ورانا حبش يعني جيرة سودانية مافي عشان كدا اخواني اتزجوا وسكنو برة الديمبس الفرج قريب باذن الله


#885333 [الباسل بابكر]
3.00/5 (2 صوت)

01-14-2014 12:14 PM
مرحبا بالاجانب الحلوين!!!!!

ياناس حرام عليكم والله الاثيوبيين ديل مننا ماهم اجانب ولاحاجة الناس ديل دمهم دمنا وكل شىء فيهم مننا خلوهم عليكم الله يعيشوا معانا...عليكم الله شوفوا الحلاوة دى كيف والزورية تجنن اموت فى اديس


#885308 [قرفان]
0.00/5 (0 صوت)

01-14-2014 11:49 AM
ده كلام كويسة سودانيين في الديم بقو كتار لازم يمشو مع اهلهم الصحافة اركويت و الديم ده حقتنا


#885297 [سييييك كع]
4.50/5 (2 صوت)

01-14-2014 11:42 AM
ههههههه....الآن أفقتم للتباكي على الديم والسجانه....من منح التراخيص لهذه المطاعم بالعمل؟ ومن سمح لهولاء الأجانب بالقدوم وإحتلال أعرق مناطق الخرطوم؟
تدمير هذه الأحياء العريقه والنابضة بالحياة يسأل عنه اللئيم أسود الوجه المدعو علي عثمان محمد طه الذي كان كثير التردد أو لربما اقام لفترة من الزمن في منزل قريبته المرحومه الداية حواء حسن سالم طيب الله ثراها بالسجانه...عرف هذا الماكر الخبيث أن هذه المناطق ستشكل خطراً على نظامه نظراً لدورها إبان ثورة أكتوبر وإنتفاضة أبريل فكان من أولويات مهامه طمس هوية ومعالم هذه الأحياء كغيرها من أحياء العاصمة العريقة فجعل السجانه كلها عبارة عن سوق وتم إغراء مواطنيها لبيع منازلهم لتجار السيخ والأسمنت الذين لا نعلم من أين جاؤوا ومن لم يرحل قام بتأجير نصف منزله وكذلك الحال في منطقة الديوم التي أصبحت كأنها إحدى حارات أديس أبابا وليست ديوم الخرطوم التي أنجبت عمر عبده ومزمل وطارق أحمد آدم.
مأساة الديم والسجانه ما هي إلا صورة مصغرة تحكي قصة إعدام وطن بواسطة جحافل غزاة لم ولن تعرف معنى الحياة.
وأخيراً السجانه التي خرج من رحمها الرائع عثمان حسين هي نفسها التي قدمت الصافي جعفر وشتان ما بين الإثنين...وآاااااااه يا زمن


#885233 [حميد]
5.00/5 (1 صوت)

01-14-2014 10:53 AM
انتم راس المشكله افراد المحليه هم مستاجرين المحلات ولهم فيها دخل يومي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة