الأخبار
أخبار إقليمية
20 شخصاً بالحصاحيصا يكسرون أضلع طبيب وطبيب آخر يتعرض الى كسر في عظم الرأس وثالث يعاني من رضوخ
20 شخصاً بالحصاحيصا يكسرون أضلع طبيب وطبيب آخر يتعرض الى كسر في عظم الرأس وثالث يعاني من رضوخ
20 شخصاً بالحصاحيصا يكسرون أضلع طبيب وطبيب آخر يتعرض الى كسر في عظم الرأس وثالث يعاني من رضوخ


إضراب ألأطباء بحوادث الحصاحيصا
01-15-2014 10:58 AM

الحصاحيصا / حسن وراق
تعرض ثلاثة من الأطباء بمستشفي الحصاحيصا إلي اعتداء من قبل حوالي 20 شخصا يرافقون احدي المريضات أسفر الاعتداء عن كسر 3 أضلع للطبيب المعالج بينما تعرض زميله إلي كسر في عظم الرأس و يعاني الطبيب الثالث من رضوخ شديدة في جسمه .

وذكر أحد الأطباء إنها ليست الحالة الأولي إذ تعرضت زميلتهم قبل أيام الي تهديد من قبل مخمورين يدعيان أنهما يتبعان لقوة أمنية هذا وقد نفذ الا طباء إضرابا عن العمل ما عدا الحالات الطارئة فقط شريطة ان تتوفر لهم الحماية ومن ناحية أخري تطالب الجهات الأمنية عن مقابل مادي شريطة توفير الحماية الخاصة هذا ويعاني أطباء الامتياز من ظروف سيئة في السكن والإعاشة بالإضافة الي ضعف نثرية النوبوتجية 24 ساعة مقابل 5 جنيهات فقط والحافز الشهري الذي لا يتجاوز 90 جنيها مما شكل عزوف أطباء الامتياز العمل بمستشفي الحصاحيصا.



تعليقات 38 | إهداء 0 | زيارات 10895

التعليقات
#887152 [عمر علي]
0.00/5 (0 صوت)

01-16-2014 11:35 AM
شكراا لكم لتصحيح الاية الكريمة ( النقر عثمان - ابو محمد )


#886783 [عمر علي]
5.00/5 (1 صوت)

01-16-2014 01:27 AM
لي ياخي لي يذبحوهم و الله شهادة لله و الله على ما اقول شهيد الاطباء دييل بيعملو المستحيل من اجل المرضى ممكن الطبيب ممكن يعدي اليوم لا فطور لا غداء و لا حتى مياه شرب الى المغرب لمن قدوم المرضى تخف شوية حتى الصلاة دي ما يقدرو يصلوها في موعدها . و اذا جينا لاي موظف حكومي اخر عندو زمن للفطور عندو زمن لكباية الشاي عندو زمن للصلى عندو و عندو و عندو . غير كدا الطبيب بيقوم بمهامات ليست من مسؤلياته و هذا من اجل المريض . و مرات الطبيب ما يقدر يساعدوو في اشياء . يعني مثلاا مرة انا موجود في مستشفى جراحي بدون ذكر الاسم الساعة الواحدة ظهراا تبداء العمليات الصغيرة الاطباء جاهزوون لبدء العمليات فتفاجئو ان محضر العمليات لم يجهز الشاش المعقم في اوانه فتذمر المرضى و مرافقيهم من الوضع فشرح الاطباء الامر لهم و لمذا تاخر موعد العمليات ليس للطبيب يد في تاخيرها فقال لهم انا موجود هنا امامكم عندما يجهز غرفة العمليات سوف نندهكم بلذي اتا اولاا الى عند مجيء مريض في حالة حرجة تتطلب التدخل السريع فاصبح المرضى و مرافقيهم يتذمروون و يشتموون في الاطباء و الى ذالك فاتى طبيب الى احد المرضى المنتظريين فحالته حرجة فقال له ما رايك ان اكتب لك روشتة تجلب لي شاش معقم من الصيدلية بمالك لان حالتك حرجة و الشيء الناقص هوا الشاش المعقم . كان يمكن لهذا الطبيب ان لا يقول شيء فهذه ليست مسؤليته . فذهب المرافق الى الصيدلية و وجد الصيدلي غير موجوود فرجع الى الطبيب فصرخ في وجه . فما ذنب الطبيب في هذه الحالة يستمع الى الكلمات الجارحة و المذلة و لاكنه ايضاا يضع المريض فوق كل اهتمام و كان يريد ان يحل لهذا الشخص معضلته . فيا سادة هذه مثال لما يتعرض له الطبيب من اساء ظلما . اذا كان مثل هذا الخطاب في احد دواوين الحكومة فيا تراى ما كان ليحصل بين الموظف و قاصد الخدمة . اتقو الله و لا تظلمو الاطباء


#886775 [عمر علي]
5.00/5 (1 صوت)

01-16-2014 01:14 AM
لي ياخي لي يذبحوهم و الله شهادة لله و الله على ما اقول شهيد الاطباء دييل بيعملو المستحيل من اجل المرضى ممكن الطبيب ممكن يعدي اليوم لا فطور لا غداء و لا حتى مياه شرب الى المغرب لمن قدوم المرضى تخف شوية حتى الصلاة دي ما يقدرو يصلوها في موعدها . و اذا جينا لاي موظف حكومي اخر عندو زمن للفطور عندو زمن لكباية الشاي عندو زمن للصلى عندو و عندو و عندو . غير كدا الطبيب بيقوم بمهامات ليست من مسؤلياته و هذا من اجل المريض . و مرات الطبيب ما يقدر يساعدوو في اشياء . يعني مثلاا مرة انا موجود في مستشفى جراحي بدون ذكر الاسم الساعة الواحدة ظهراا تبداء العمليات الصغيرة الاطباء جاهزوون لبدء العمليات فتفاجئو ان محضر العمليات لم يجهز الشاش المعقم في اوانه فتذمر المرضى و مرافقيهم من الوضع فشرح الاطباء الامر لهم و لمذا تاخر موعد العمليات ليس للطبيب يد في تاخيرها فقال لهم انا موجود هنا امامكم عندما يجهز غرفة العمليات سوف نندهكم بلذي اتا اولاا الى عند مجيء مريض في حالة حرجة تتطلب التدخل السريع فاصبح المرضى و مرافقيهم يتذمروون و يشتموون في الاطباء و الى ذالك فاتى طبيب الى احد المرضى المنتظريين فحالته حرجة فقال له ما رايك ان اكتب لك روشتة تجلب لي شاش معقم من الصيدلية بمالك لان حالتك حرجة و الشيء الناقص هوا الشاش المعقم . كان يمكن لهذا الطبيب ان لا يقول شيء فهذه ليست مسؤليته . فذهب المرافق الى الصيدلية و وجد الصيدلي غير موجوود فرجع الى الطبيب فصرخ في وجه . فما ذنب الطبيب في هذه الحالة يستمع الى الكلمات الجارحة و المذلة و لاكنه ايضاا يضع المريض فوق كل اهتمام و كان يريد ان يحل لهذا الشخص معضلته . فيا سادة هذه مثال لما يتعرض له الطبيب من اساء ظلما . اذا كان مثل هذا الخطاب في احد دواوين الحكومة فيا تراى ما كان ليحصل بين الموظف و قاصد الخدمة . اتقو الله و لا تظلمو الاطباء


#886751 [عبد]
1.00/5 (1 صوت)

01-16-2014 12:30 AM
داكلام فارق


#886727 [Professor Khalifa Yousif Hassan]
0.00/5 (0 صوت)

01-15-2014 11:50 PM
FTاختلط الحابل بالنابل الحل هو تغيير من مدير عام حتي الوزير عندها صدقوني ينصلح حال السودان


#886695 [العازة]
0.00/5 (0 صوت)

01-15-2014 10:34 PM
والله أنا شخصيا قرفت من كثر الأخبار التي تغم عن السودان / دا دكتور ضربوهو ودا فلقوهو ودا زعمطوهو خليكم شعب متحضر وعليكم بالرقيص لآخر رمق ) فهو الحل لكل داء عضال أيها الشعب العظام الذي لا يسر حالك عدو ولا صديق يا من نمت حتى زهج النوم منك ولا عايزين نقول ليكم// أدونا السيوف هاكم رحاطتنا// وكل علقة وفضيحة جديدة وأنتم طيبين


#886689 [ود ام بعللوو]
5.00/5 (2 صوت)

01-15-2014 10:24 PM
ما تبقو رجال تدقو ناس المرور ولا ناس المحلية الماكلين لحمكم فالحييين لي دق المساكييين ديل بعالجو فيكم بالانسانية , توووووووووووووففففففففففف اخخخخخخخخخخ توووووووووفففففففف .


#886660 [سكسك]
1.00/5 (4 صوت)

01-15-2014 09:03 PM
بصراحة الدكتور في السودان لو تعامل مع المريض واهله بزوق وادب واهتمام والله لو قطعتو لهم مريضهم والله مابيسالوك واذكر ان في قريتنا كان عندنا تمرجي فاتح عيادة في مدينة صغيرة وفي دكتور عنده عيادة في المدينة الصغيرة والله التمرجي زباينو اكثر من الدكتور السبب المعاملة والذوق والطيبة والله العظيم اذكر ان هذا التمرجي مرات يحوم بحماره علي المرضي والزمن داك مرضنا ياملاريا يا وجع بطن بالكثير ومرات الناس تجي ترفض مقابلة الدكتور وتقابل التمرجي عمنا علي يقوليك ده مفلسف وبزهج فينا والدكاترة عنده اغلبهم مرض العظمة والعشرين نفر ديل ماتلومهم ياوراق العيب في الدكتور وزملايه لانه مامعقول عشرين كلهم جهلاء او صعاليك وياريتو عقلاء الحصاحيصا يجلسون مع من بيده الامر في المدينة ويحلون مشكلة الدكاترة المادية لانه بحالة الدي الطبيب بستحق الذكاة والصدقه لانه خمسة جنيه دي ماتجيب ترمس ياكيزان الغم


ردود على سكسك
United States [ali] 01-16-2014 12:00 AM
والله كلهم جهلاء وصعاليك وانت اولهم. الشعب السوداني عندو عقده اسمها الاطباء الواحد من الباب يدور مشكله مع البواب او بتاع الاستقبال مرورا بالشخص الذي يقوم بتنظيم هؤلاء الرجرجه والدهماء وخاتمة العكه تكون مع الاطباء وهنا الكل يحاول ان يفش غله في هؤلاء المساكين وفي اشياء في الغالب الاعم لا ناقه لهم فيها ولا جمل. يا اخي اذا حصل اي تقصير هنالك اداره للمستشفي ووزاره ومجلس طبي , واذا ده كلو ما جاب ليك حقك امشي النيابه بدل ان يتحول الامر الي فتونه وبلطجه والكل يتبع سياسة الغاب وياخذ حقو بيده , لانني لا استبعد بعد كده تلقي الطبيب قاعد في عيادتو او المستشفي وعصيتو تحته وبعد داك الحشاش يملا شبكته.


#886651 [سامي]
1.00/5 (4 صوت)

01-15-2014 08:42 PM
إذا كان الطالب بدخل كلية الطب بنسبة 60% ديل نقول عليهم أطباء ام بتاعين كرتة أمشوا لفوا بلا أطباء بلا يحزنون الواحد يدفعوا ليهو 30مليون في السنة عشان يتخرج يكتل الناس أحرق ابو الكيزان نايم قايم


#886643 [جوف بلا خوف]
5.00/5 (1 صوت)

01-15-2014 08:07 PM
آه يا دكاترة .. حالتو ديل ناس الحصاحيصا اللي قلنا طيبين ..؟.. يمين تاني الا الهجرة .. الجري ..ده اوسخ شعب في العالم!


#886635 [المزغلل]
5.00/5 (2 صوت)

01-15-2014 07:42 PM
ما دي الحاجات الخلتنا نكره السودان والدول المجاورة كمان


#886604 [الواقعي]
5.00/5 (4 صوت)

01-15-2014 06:40 PM
والله لو كنت محلكم مااشوف اي مريض والشعب السوداني مايستاهل العلاج خليهم يموتو لانهم جبناء وبعدين تعالو انتو الشقالين ليها شنو المرتب مايكفي يوم واااحد قوموا اتخارجوا السعوديه ولا الامارات وطظ في البلد دي


#886574 [Amin]
0.00/5 (0 صوت)

01-15-2014 05:41 PM
يجب أن يتضامن جميع أطباء السودان مع أطباء الحصحيصة
لا يجب أن يتهاون الأطباء في الحفاظ على قدرهم وإحترامهم .

كانت للإطباء حركة فاعلة في السنوات السابقة لتحسين بيئة العمل ووضع الأطباء أين هي ??????

والذين يشكون من خريجي الإنقاذ ... كثير منهم خريجي مدارس وجامعات الإنقاذ ......ده الموجود ..... .......وهداك الفيل

في ناس في السودان الواحد يدفع للحكومة- وهو صاغر - رسوم ودمغات وأتاوات بالآلاف..وهو راجع في الحافلة يشاكل الكمساري ويصرصر ليه في حبة قريشات !!!!!!!!!!!!!!!!!


#886562 [NjerkissNajrta]
0.00/5 (0 صوت)

01-15-2014 05:28 PM
الدولة لا تقدر المتعلمين و يجد الأغنياء و رجال الطرق الصوفية تقدير و أحترام من الدولة و الأفراد
الأطباء لا يحترمون و لا يخلصون للمرضى رغم أن الأنسان السوداني يكبر و يجل الطبيب
كيف تحل هذه المعادلة؟


#886502 [تينا]
0.00/5 (0 صوت)

01-15-2014 03:52 PM
هههههه صدقت يا ((( مالك الحزين ))) يا اخوى ... الله لا أحزنك ...


#886478 [في البئر ومتلب فيها فيل]
3.00/5 (2 صوت)

01-15-2014 03:27 PM
الحصاحيصا نموزج مصغرللفساد في البلد هنالك اخطاء طبية بالجملة ولايوجد حسيب ولاحمايةللمرضي من خريجي ثورة التعليم العالي بالاضافة للظروف التي يعمل فيها الاطباءغيرصالحة للعمل ويظل المواطن حقل تجارب الي ان يصادفك العلاج بعد سلسلة من التخمينات وربنا يكون في عون اهلنا في الحصاحيصا


ردود على في البئر ومتلب فيها فيل
United States [النقر عثمان] 01-16-2014 09:48 AM
الرد على : عمر علي

الآية الكريمة في سورة الحجرات هي : ﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ (6) وليس إذا أتاكم فاصق ،، لذا لزم التنويه وصدق الله العظيم

United States [أبو محمد] 01-16-2014 03:30 AM
يا عمر علي فاسق تكتب كذا وليس فاصق .... ده قرآن يا سيد.

United States [عمر علي] 01-16-2014 01:51 AM
سال واحد شنو العرفك انو المشكلة خطاء طبي ( اذا اتاكم فاصق بنباء فتبينو ان تصيبو قوم بجهالة فتصبحو على ما فعلتم نادمين ) و الخطاء الطبي انواع في شيء كان من المحتمل انو يحصل و في شيء استهتار او عدم المام او عدم اتخاذ الاجراء الصحيح في الوقت المناسب ما ساااااي بس خطاء طبي في لجنة بتقعد و تنظر الى القضية من كل الجهات و بي خبرتهم بقولو هل هذا الطبيب غلطان و لا لاء ما ساااااي كدا بس . في قصة واحدة حامل جات الى غرفة الولادة حالتها تطلبت عمليا قيصرية مستعجلة و شرح لذوي المريضة و مضاعفات العمليا القيصرياا و على ما اعتقد انو اغلبيت الشعب عارف انو مرات ممكن يحصل نزيف عشان كدا بقولو ليهم جهزو دم للمريضة و طبعاا الزمن ما مكفي مشى واحد من الاطباء الامتياز الى بنك الدم عشان يشوف للمسكينة دي ثلاث زجاجات تكون جاهزة و متجانسة اذا احتاجوها و عارفيين انو اذا النزيف دا ما وقف الخطوات البعدها شنو في خطوات لوقف النزيف و اذا لم تفلح اخر خطوة انو يستاصلو الرجم يا المسكينة تمووت . فا الطبيب دا عمل الصااح الافضل ياتو تموت المريضة و هيا محتفظة بي رحمها و لا يشيلو الرحم و هيا تعيش . و برضو دا شيء بنفسرها للمرافقيين و بيوقعو على اقرار العملياا و بنقراء ليهم نص الاقرار . بعد دا كلو جوو جاضوو في الدكتور و اهجمو عليه و هوا هوا في الحقيقة انقذ المريضة من الموت المحقق فا كان جزائه كم شلووت على كم بنيا و كربونة و طوبة في الراس .


#886472 [ابوطارق]
4.75/5 (5 صوت)

01-15-2014 03:20 PM
ياسبحان الله في لدي الحبيب !!!!!
الطبيب يكافأ ب 90 جنية في اشهر ( حافز ) !!!!!!!
في حين أن العنقالة البقيفو خلف المسئولين بيأخذو حوافز بالملايين ؟؟؟؟؟؟؟؟
آآآآآآآآه يابلدي الحبيب ؟؟؟؟؟؟؟؟!!!!!!!!!


#886466 [التبيشة]
4.75/5 (5 صوت)

01-15-2014 03:11 PM
بالفعل حال الدكاترة في السودان لايسر حتي العدو ...مرتبات ضعيفة...بيئة عمل غير مهيئة بصورة جيدة..

مواطنين قرفانين من هذا الوضع .. لم يقدروا الظروف وشالتهم الهاشمية.. فيجب تكوين لجنة لمعرفة الدوافع التي أدت لهذه المشكلة .. ومحاسبت الجناة.. ومعالجة جزرية للدوافع والظروف التي أدت لذلك؟


#886397 [المزغلل]
4.50/5 (11 صوت)

01-15-2014 01:54 PM
انتو منتظرين شنو يا دكاترة ؟؟؟!!!زماااان الدولة تدفع وانت تقرا فوجب عليك تسديد فاتورة الوطن !!اما الان اهلك دفعوا دم قلبهم عشان تقرا وتشيل الشيلة مش عشان تتمرمط وتمرمطهم معاك كمان... تعال شوف الخليج اقل دكتور او اصغر دكتور بياخد اكثر من رواتب مستشفي الحصاحيصا البتكسر جماجم وضلوع الدكاترة ؟؟؟مالكم كي تحكمون؟؟!! بالله عليك انحط مخي ستة سنوات طب عشان تقول تاخد حافز في الشهر 90 جنيه يعني 40 ريال ثمن كيلو لحمة ؟؟ليه ؟؟!!والله انا ما دكتور لكن ابدا ما رضيتها ليهم ..بلد ما تحترم اطبائها ما جديرة بالخدمة


#886376 [مجدي]
0.00/5 (0 صوت)

01-15-2014 01:27 PM
هزة البلد لا تحترم العلم ولا المتعلمين وكان اللة في عون اولياء الامور الواحد يدفع دم قلبو علشان يطلع للمجتمع ابن صالح يحصد في النها ية الندا مة


#886372 [مصطفى الرقيع]
0.00/5 (0 صوت)

01-15-2014 01:25 PM
والله فضيحة يااهل الانقاذ ووزارة الصحة الولائية والقومية وبس !!


#886364 [بيكانتو]
3.00/5 (2 صوت)

01-15-2014 01:09 PM
السبب شنوا ؟
عشرين شخص مرافقين لمريضة واحده - ديل جايين فوق رآى - وسمعوا حاجة عن الدكاتره ديل - لعمنوا المسألة ما بالساهل كده تقوم فيها ضرآبه ولا شنو خبارك


#886344 [مالك الحزين]
3.50/5 (2 صوت)

01-15-2014 12:53 PM
وتولولو ا عندما تضرب طبيبه سودانيه في السعوديه بالعقال ,, يعنى بالحبل,, عالم وهم


#886328 [جركان فاضى]
3.00/5 (2 صوت)

01-15-2014 12:45 PM
مرة فى مستشفى امدرمان بسأل فى غفير عن متى حضور الطبيب...لكن الاخ قال لى انا الطبيب...اصبحنا من المظهر لانفرق بين الغفير والطبيب...بؤس فى كل شئ...لذلك فر الاطباء بالالاف من السودان


#886314 [ابومروه]
0.00/5 (0 صوت)

01-15-2014 12:27 PM
بكري حسن صالح معاكم امس في الحصاحيصا هل علم بالذي يحدث لكم و لناس مدني نقص في مسكنات مرضي السرطان و صفوف مرضي الكلي و بقية الولايه المنكوبه


#886297 [Rahrah]
0.00/5 (0 صوت)

01-15-2014 12:18 PM
الله لو بس إتحاد المزارعين وهب للمساكين ديل 1% من ميزانية الضيافة والتكريم والمحلية 1% من الجباية وناس المؤتمر الوطني 1% كان إرتاحوا المساكين من الأطباء وأدوا دورهم ، لكن بكل أسف هذا عصر الجهلاء والمتسلقين... لك الله يابلدوعليكم السلام أيها الأطباء


ردود على Rahrah
United States [صبري فخري] 01-15-2014 03:28 PM
بس 1/ من ميزانية القصر أو الجيش والأمن للصحة ....


#886292 [shafie]
5.00/5 (1 صوت)

01-15-2014 12:13 PM
بالله دا كلام دا


#886287 [عبدالله ادم محمد]
5.00/5 (2 صوت)

01-15-2014 12:10 PM
عشرون فرد يرافقون مريضة اية يعني ماعندهم شغلة !! مش معقول كل هذا العدد مرافقين !! بعدين مش اية السكبوا من الاعتداء بهذه الطريقة على هؤلاء الدكاترة المساكين الذين لاحول لهم ولا قوة .زالله الجهل مصيبة.


#886276 [أربجاوي]
5.00/5 (4 صوت)

01-15-2014 11:57 AM
قمة العشوائية والسبهللية والإستهتار بحياة الأطباء ..
أين أمن المستشفى ..؟؟
وإذا تكررت هذه الحالة لماذا لم تضع إدارة المستشفى حراس أمن 24 ساعة تفادياً لمثل هذه الحالات .. ؟؟

مشكور الأخ حسن وراق على هذه التغطية ، ونحن نسأل عن أسماء الأطباء الذين تعرضوا لهذا الحادث لأننا من منطقة الحصاحيصا ولدينا العديد من الأطباء يعملون في المستشفى ..

ونسأل الله عاجل الشفاء للأطباء


#886242 [الغاضبة]
5.00/5 (2 صوت)

01-15-2014 11:16 AM
ونحتج على جلد السعودي للطبيبة !!! طيب ديل اطباء وشغالين في السودان وفي الحصاحيصا مفروض انو المواطنين بس يوفروا ليهم الحماية حتى لو الحكومة ما قامت بالواجب واصلا هي ما ح تقوم بواجبها، خلاص اتجردنا من النخوة والشهامة والرجولة ...


ردود على الغاضبة
United States [محجوب عبد المنعم حسن معني] 01-16-2014 12:34 AM
اختنا العزيزة القاضبة
حمدلله على السلامة


مع مؤدتي


#886241 [عماد الدين الفضل على]
0.00/5 (0 صوت)

01-15-2014 11:16 AM
اها رايكم شنو ضرب الاطباء في السودان وليس السعودية


ردود على عماد الدين الفضل على
United States [ابو التعليم ذاتو] 01-15-2014 03:46 PM
اطباء ثورة التعليم العالي يستاهلوا الذبح مش الضرب بس ديل ما ناقشين حاجة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة