الأخبار
أخبار إقليمية
لوفتهانزا توقف رحلاتها إبتداءً من الأحد
لوفتهانزا توقف رحلاتها إبتداءً من الأحد
لوفتهانزا توقف رحلاتها إبتداءً من الأحد


آخر شركة طيران أوروبية تسير رحلات مباشرة إلى السودان
01-15-2014 11:58 PM

قالت شركة الطيران الألمانية لوفتهانزا إنها ستوقف رحلاتها إلى الخرطوم مطلع العام القادم لأسباب اقتصادية، وأفادت الشركة في وثيقة بأن الرحلات بين فرانكفورت والخرطوم ستتوقف اعتبارا من الأحد 19 ينايرمن العام الجاري المقبل.


وتعد الألمانية آخر شركة طيران أوروبية تسير رحلات مباشرة إلى السودان، وقال المدير العام لفرع لوفتهانزا في السودان في الوثيقة إن الشركة توفر لزبائنها شبكة من الرحلات حول العام وتراقب ذلك بصورة دائمة، وبناء على ذلك قررت تعليق رحلاتها من فرانكفورت إلى الخرطوم.


وقال مصدر يعمل في صناعة الطيران في السودان إن الخطوة جاءت بعد 51 عاما من خدمة لوفتهانزا في السودان.


وفي بداية العام الجاري أوقفت الخطوط الجوية الهولندية كي إل إم رحلاتها بين أمستردام والخرطوم بسبب ارتفاع التكاليف.



وتعمل بعض الخطوط الجوية في العاصمة الخرطوم مثل التركية، وشركات أفريقية وشرق أوسطية تقدم خدماتها.


شبكة الشروق


تعليقات 10 | إهداء 0 | زيارات 3135

التعليقات
#887659 [حلفانكيل]
0.00/5 (0 صوت)

01-16-2014 08:58 PM
اناشخصياً مرتاح من الحكومة لاني خارج البلد


#887330 [سومي العسل - الدمام]
1.00/5 (1 صوت)

01-16-2014 01:59 PM
لووووووووووووول ..
عجبني وسر بالي ... وعقبال باقي الخطوط وخاصة الخليجية ... واحصدتوا ما زرعتوا .. وإنشاء الله مطاركم ده يبقى زريبة بهائم ...


#887240 [osman]
0.00/5 (0 صوت)

01-16-2014 12:43 PM
لاادري ان كان الشعب السوداني يعرف هذه الماسي التي تتوالى عليه من ماسي الانقاذ-بلد انتهت تماما لم يبقى فيها شئ-تدمرت بالكامل –بيعت وتدمرت الخطوط البحرية السودانية- بعد ان كانت تجوب العالم رافعة علم السودان في المواني العالمية-الان انتهى اسم السودان من الموانئ العالمية وماعاد له وجود-ثم تدمرت الخطوط الجوية السودانية تماما ولم تتبقى منها طائرة واحدة تطير بجناحيها –وماعدنا نرى علم السودان القديم بالوانه الثلاثة والذي كان مرسوما عليها ماعدنا نراه في مطارات العالم-انتهت السكة حديد بقطاراتها التي كانت تجوب انحاء الوطن شمالا وغربا وشرقا وجنوبا –وانتهت مراكز السكة حديد في عطبرة والتي كنا نسميها عاصمة الحديد-الان اصبحت هذه العاصمة الحديدية خاوية على عروشها –تسكن مبانيها الكلاب والهوام- وانتهت تلك الايام الزاهية حيث كانت مواعيد القطارات ومساراتها تضبط عليها الساعات-انتهت هيئة الموانئ النهرية-انتهت كل مصانع النسيج –انتهت المدابغ – انتهت المطبعة الحكومية -باختصار انتهت البلد تماما وماعاد لها وجود الا في اخبار الدمار والحروب والامراض الفتاكة والجوع –وانتهت كما نرى المطارات – وتمت مقاطعتها من كل خطوط الطيران العالمية الا القلة المغلوبة على امرها ونحن السودانيين اكثر شعب مغلوب على امره بفضل عصابة الانقاذ المجرمة –نسال الله ان يدمرهم كما دمروا البلد وافقروا العباد وجعلوا معظم اعزة اهلها اذلة ومرضى ومشردين في مجاهل الارض ومتاهاتها–اللهم ياالله يالله نسالك بكل اسم سميت به نقسك او استاثرت به في علم الغيب عندك ان تدمر البشير وعصابته واهله ومن والاه ومن ساهم في تدمير هذا لبلد الطيب الكريم اهله المشهود لهم بالشهامة والنجدة والكرم وان تهيئ له رجالا منه ينتشلونه من وهدته التي تردى فيها بفضل هذه العصابة المجرمة- وكما هيات ياالله لاهل مصر السيسي لينقذهم من براثن الاخوان –تهيئ لنا الف سيسي لينقذونا من براثن البشير وعصابته المحرمة –قولوا معي امين امين امين يارب العالمين.


#887088 [اخخخخ انا]
5.00/5 (1 صوت)

01-16-2014 10:47 AM
حليلك ي خط هيثرو


#887013 [الغاضبة]
3.00/5 (2 صوت)

01-16-2014 09:57 AM
يكونوا تنفسوا الصعداء وارتاحوا من مطار الخرطوم، عقبال باقي الخطوط التانية، ان شاء الله يا مطار الخرطوم تاني ضبانة (ذبابة) ما تنزل فيك ...


ردود على الغاضبة
United States [ابو شهاب] 01-16-2014 11:22 AM
ايتها الغاضبه نسال الله ان يرسل عليك مدرا من السماء علها تغسل غضبك ووتوقف شركه الطيران من المرور بمحطه الخرطوم اقول مرورا وهذا يعنى ان طيران لوفتهانزا والهولنديه ليس لديها سفريات مباشره للخرطوم مثل الشركات الاخرى السعوديه وناس والمصريه والتركيه ومرورا تعنى ليست الجهه المقصودة للرحله ولو توقفت او لم تمر باجوائنا اصلا فنحن غير متضررين فى كلا الحالتين

وانتى بتدعى على مطار الخرطوم نفسه والله القائمين على امره الطيران المدنى والاثنين ماعندهم دخل بالموضوع لانه دى شركه اجنبيه وهذا قرارها نمشى نقوم ليهم عليكم الله تعالوا انزلوا عندنا

معليش اذا وقفت السعوديه وناس والمصريه ( الرحلات المباشره نقوم حيتضرر المواطن السودانى القادم الى ارض الوطن وكفايه المطار مافيه مكان لطائرات والحمد لله خففوا علينا زحمه طيارات الامم المتحده الطالعه ونازله والله انا مره جيت لقيت المطار من شده ما مليان طيارات عملوا محطات للركاب فى مهبط الطيارات

وانشاء الله يالغاضبه تصحى تلقى نفسك فى مطار ملكال عرفنا ما خليتوا لناس للمؤتمر الوطنى جنبه يرقدوا عليها كما قبلتوا على مطار الخرطوم الدولى بس اوعه المره الجايه تقبلى على الميناء البرى لما عزوز يوقف السفر الى مدنى

تاكدى من السبب اولا بعدين اكتبى وكان عندك وقت فائض اذكرى فيه الله


#886938 [قرد الطلح]
0.00/5 (0 صوت)

01-16-2014 08:54 AM
خمو وصرو يا عربجية الطيران المدنى والله انسب مكان ليكم دردقات فى السوق المركزى باللة مطار غير القبح ما تشوف فية شى واللة مش الخطوط الالمانية بس بعد شوية يحولو المطار ملجة خضار واهو ما محتاجين لخضرجية زيتك فى بيتكم قبح اللة وجوهكم الى يوم الدين


#886921 [مريود]
0.00/5 (0 صوت)

01-16-2014 08:31 AM
طيران الإمارات أكبر مشغل ل ( بوينج )

( 250 ) طائرة تقريبا.

بالعربي لو واحد عندو عشرة ركشات مفروض بعد خمسين سنة مع الإدارة الجيدة يكون عمل كم ركشااا ؟؟؟

تيب لو واحد مسكوه عشرة طائرات وبعد عشرين سنة بقن واحدة مهلهلة يعني دا يكون شوووووووو؟؟؟؟؟؟؟


ردود على مريود
United States [ابو شهاب] 01-16-2014 11:24 AM
يكون حصار اقتصادى والسبب الشعب السودانى الذى ترك الحبل على القارب


#886823 [حكومة السجم]
0.00/5 (0 صوت)

01-16-2014 02:47 AM
حكومة السجم


ردود على حكومة السجم
[ابو شهاب] 01-16-2014 11:27 AM
الحكومه دى تطير عيشته تعمل شنو والله شنو خلوا الامور تمشى والعافيه درجات


#886769 [Ali]
0.00/5 (0 صوت)

01-16-2014 12:58 AM
الله يرحمك يا سودان


ردود على Ali
[ابو شهاب] 01-16-2014 11:25 AM
ايش الدخل السودان فى ده خلاص يا اخونا الشماعه بقى مافيها مكان تعلقوا فيه


#886748 [ودالباشا]
0.00/5 (0 صوت)

01-16-2014 12:25 AM
ابكى يا وطنى المحبوب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة