الأخبار
أخبار إقليمية
الجيش الشعبي يبدأ الزحف في جبهة النيل الازرق
الجيش الشعبي يبدأ الزحف في جبهة النيل الازرق
الجيش الشعبي يبدأ الزحف في جبهة النيل الازرق


01-18-2014 01:54 AM
مبارك أردول

قالت الحركة الشعبية لتحرير السودان إن قواتها قد بدأت الزحف في جبهة النيل الازرق، وذلك بتدميرها لمعسكر منقطة جبل (ملكن) وتشتيت القوات الحكومية وتكبيدها أفظع الخسائر فيها، وذكر الناطق الرسمي للحركة الشعبية الأستاذ أرنو نقوتلو لودي في بيان صدر قبل قليل، إنه في تمام الساعة السادسة مساءاً وبقيادة اللواء جوزيف تكا علي، تمكنت قواتنا من تدمير دبابة وعدد من العربات المقاتلة التي تتبع لمتحرك قوات ومليشيات المؤتمر الوطني في منطقة جبل (ملكن) بجبهة النيل الأزرق، وأضاف أرنو لقد إستطاعت قواتنا من الإستيلاء على عدد إثنين دبابة بحالة جيدة، وعدد ثلاثة مدفع (D-30 ) بعيد المدي و(17) عربة مختلفة الأنواع وعدد من المدافع وكميات من الزخائر المختلفة، كما أكد أرنو سقوط عدد (74) قتيل من القوات الحكومية وعشرات الجرحي.

وإختتم أرنو بيانه قائلا " هذا الإنتصار يعتبر بمثابة رد عملي لخطاب البشير في الدمازين في الأسبوع المنصرم، ونقول له لقد بدأنا الزحف نحوك في الخرطوم من النيل الأزرق، ولا ننسى أن نشكر السيد وزير دفاعك على هذا الدعم السخي لثورتنا المنتصرة ".


تعليقات 13 | إهداء 0 | زيارات 7391

التعليقات
#889167 [sami]
0.00/5 (0 صوت)

01-19-2014 01:24 AM
اها يا ناس الراكوبه قنعتو من جنوب كردفان قلتو احسن نعمل لينا حركه في النيل الازرق!!! بصراحه انتو بتنفخو في قربه مقدده وبتخلقو في انتصارات وهميه ما بيرح بيها الا الهبل العشمانين في ازلال الكيزان. كلامكم بقي ما بيتبلع وشافع ما بيخش في راسو. قرفتونا الله يقرفكم انتو والكيزان ويخلصنا منكم.


#888996 [kori ackongue]
0.00/5 (0 صوت)

01-18-2014 07:49 PM
Al Bashir has visited Juba after 18 hours of his badly military defeat lesson in Nuba Mountains, I do not know after visiting Asmara in Eretria where will he plan to go since Arnu Said something in the language of war media and proven pictures perhaps. Khartoum is a word but will be reached in that complex civilian and military defeat of Al Bashir armed men, nothing is strange here only that war is war and every day we get something new to differentiate between lies of Khartoum and what is really going on in the fighting fields. Al Saw Armey Khalid Sa’ad, where are you? Today is 18th January/2014 and you promised people to enter Kauda and other major parts of the region on 31st December / 2013, but we are still waiting, crossing the line of your promise, despite that you have been supported by new war plans and new very developed artillery distant target guns, with something like targets by poisons to wipe out every living creature in the two region and in Darfur, what happened so far my big failure, singer of thieves and the secretary of the king of liars globally??


#888860 [مهمش]
0.00/5 (0 صوت)

01-18-2014 03:53 PM
يا اخوانا و لله الحركة الشعبية دي بقت مضحكة ...

زحفكم دا شكلو ما حينتهي ...


ردود على مهمش
[شاس] 01-18-2014 08:02 PM
مضحكة لأمثالك يا خايب ناس بتقاتل و تموت و انت تشوف الامر مضحكة


#888737 [ابو مرام]
5.00/5 (1 صوت)

01-18-2014 01:30 PM
الحركة الشعبية دى مما ربنا خلقها تزحف فى النيل الازرق ما فاتت الكرمك وده كان فى الزمن الجميل بتاعهم حسع بقت ملكن وما بعرف شنو..؟بعدين هم زاحفين عشان شنو؟ دايرين يعملوا لينا سودان جديد..ما كفاية السودان الجديد بتاع الجنوب والحاصل فيهو..انتو ما سمعتوا بالمقولة التى تقول ان السعيد يشوف فى غيرو والشقى يشوف فى نفسو....مالكم علينا...!!!!


#888688 [مجدي]
0.00/5 (0 صوت)

01-18-2014 12:39 PM
الفي الصورة دي اخوات نسيبة بتوعكم؟؟؟؟؟؟؟؟؟؟؟؟؟طيب لمن طردوكم من ملكن ليه ما طلعتو بيان فرار ؟؟؟؟؟؟


ردود على مجدي
[حسنين] 01-18-2014 05:12 PM
وانت يا سجم الرماد حكومتك ما طلعت بيان الان بعد الهزيمة ليييييييييييه


#888616 [ودامدرمان]
5.00/5 (1 صوت)

01-18-2014 11:35 AM
مبروووووووووووووووووووووووووووووووووووووووووووووووووووووووووووووووووووووووووووووووووووووووك و ان شاء الله كل يوم وانتم في انتصار جديد علي فلول النظام الفاسد القاتل


#888551 [aldufar]
5.00/5 (1 صوت)

01-18-2014 09:40 AM
ايها الاوباش الاغبياء والله بتزيدوا فقط في تدمير البلد ولن تحققوا شيء لانتم ولا حكومة البشير الجميع فقط يهدم في هذا الوطن وتقتيل شعبه ماذا حققت الحروب لاي دولة في العالم هل حققت تقدما ايها الاغبياء انتم تقاتلون في من تقتلون اخوانكم واخوالكم والحكومة مشتركة معكم في هذا الجرم ، انظروا كيف دمرتم السودان وشعبه ومعكم الحكومة الفاشلة ونظامها الجاهل انتم جميعا حركات وحكومة السبب في تدمير هذا البلد المعطاء اليس منكم رجل رشيد ؟

اعلموا حكومة وحركات ان الحرب لن تقدم الاوطان ولن تشبع الجعان ،

انظروا للمواطن الذي ظل يحترق بنيران هذه الحرب اللعينة ولمتى؟


ردود على aldufar
[AL KIRAN] 01-18-2014 12:55 PM
Just go to your country we are not need you we are not slave like you we are an African we are loves each other and we are like to fighting together we loves fighting because of you

European Union [shaban] 01-18-2014 12:28 PM
سفهيه القوم ما عندك موضوع .


#888540 [علي باحش الدكوك]
4.75/5 (6 صوت)

01-18-2014 09:19 AM
ألف ألف مـــــــــبروك لشعبنا الأبي أنتصاراته المجلجة والباهرة على فلول ومليشيات الخيانة والأرتزاق والغدر والعنصرية المعروفة أصطلاحاً بـ "قوات الشعب المسلحة"، وشعبنا برئ من ممارساتها وأفعالها المشينة من قتل وسحل وترويع للأطفال والنساء والعجزة، التي أستمرت دون أنقطاع أو توقف على مدى نصف قرن من تاريخ إنشاءها في 1956 م.

أننا ننتهز هذا السانحة وبمناسبة الهزيمة المزلة لما يسمى بالجيش السوداني "الجيش الحكومي"، ونرفع أسما آيات التهاني والتبريكات لأبناء شعبنا في مناطق الهامش سوداني ونهنئهم بأنتصارات أبناءهم في الجبهة الثورية على فلول الغدر والخيانة الوطنية. ونحي أخوتنا من أبناء قبائل المسيرية والنوبة والأنقسنا على صمودهم الباهر ووقفتهم الصلبة والشجاعة في وجه مليشيات التبضع والمرتزقة وهزيمتها في تروجي والخرسانة وملكن وطردهم شر طردة.

تجرجر أذيال الخيبة والإنكسار عادة إلى مدينة الأبيض لتعيس فيها الفساد وأنتهاك حرومات الأبرياء وتستبيح عروضهم المصونة. ومن هنا فأننا نناشد شعبنا في الهامش بالتضامن والتآزر والوقوف خلف أهلنا البديرية والغصاص من المليشيات المأجورة التي روعت أهلنا في قرية الهشابة.


ردود على علي باحش الدكوك
European Union [ابو ابراهيم] 01-18-2014 01:57 PM
أيها الدكوك الباحش ليس هناك ما يسمى بالجيش الحكومي إنه الجيش السوداني الذي قاتل في الحرب العالمية الثانية حتى تحقق الاستقلال الذي لا يعرفه الباحشون أمثالك وأنت و الاغبياء الذين يزرعون الفوضى متأكدون أنكم لا ولم ولن تستطيعون هزيمته ولو خربتم ألف سنة فإتقوا الله في أهلكم وفي السودان


#888494 [المنجلك]
5.00/5 (1 صوت)

01-18-2014 05:54 AM
ازحفوا ساى بعد شوية حتكتشفوا البلد فاضية


#888476 [ود بري]
0.00/5 (0 صوت)

01-18-2014 04:09 AM
انتو كضابين ،ما عندكم موضوع قال زحف بلا يخمكم انتو والمواتمر الوطني لامين ليكم بتين وسبعة رجال وعايزين تحريرو بيهم السودان ومن منو ماناس المواتمر الوطني واضحين. لاكن نقول شنو كل يوم نسمع بيان تمكنت الحركة الشعبية من احتلال مدينة .............اسماء ما سمعنا بيها عينكم علي الفاشر والجنينة وكادقلي والدمازين مدن ادخلوها واستلموها بعدين قولو حررناها.


ردود على ود بري
European Union [Al-kalis] 01-18-2014 03:45 PM
في حاجة اسمها استراتيجية حرب وغوريلا يا باشا اضرب وكر وفر فكادقلي لو عايزنها في ساعات يا وهم فماذا يكون مصير الابرياء داخل هذه المدن من الحكومة المجرمة فبيحصل اغتيالات عشوائية وانتهاكات وقع ليك يا شاطر


#888450 [Sudani]
5.00/5 (1 صوت)

01-18-2014 02:58 AM
congratulation lions of Blue Nile,and especial regards to Josph Taka Ali the commander of blue nile .we are waiting for zero hour .


#888433 [ساب البلد]
5.00/5 (5 صوت)

01-18-2014 02:24 AM
******** مبروك اسود الجبال ***** فرسان الميدان ******* الي الامام يا ثوار السودان ******* الزحف نحو الخرطوم ******* لاسقاط الطاغية ******* انقلب الصيف علي الكيزان حار جاف ******* نناشد كل الجنود و ضباط الصف و الضباط بان لا يقتلوا انفسهم من اجل حماية كرسي البشير و هو اخوانه و بطانته اولي بان يدافعوا عن ثرواتهم التي سرقوها من دمكم ***** لا تكونوا وقود حرب ***** لا تكونوا كباش فداء ****** انظروا فقط الي ابنااءهم ما بين دبي و ماليزيا ****** و انتم من معركة الي معركة ***** من مات منكم لا احد يفتقدكم سوي ابناءكم و امهاتكم و زوجاتكم **** و من اُسر منكم ينكركم اللمبي و الصورامي ثلاث مرات قبل صياح الديك ******** ثم يتبرأون منكم ******** علي الاقل كونوا محايدون فقط ***** لا تكونوا حجر عثرة في طريق الثورة************ فهم علي حق و البشير علي باطل ******* ان لم تقفوا مع الحق فلا تصفقوا للباطل ******* يكفي تهميشكم يوم جاءوا بالجنجويد فوق رؤسكم وانتم تنظرون ***** اعوا الدرس و لو مرة واحدة ********** قبل فوات الاوان *******


#888430 [بت حبوبتها]
5.00/5 (2 صوت)

01-18-2014 02:23 AM
الكلام دخل الحوش !!!!


ردود على بت حبوبتها
United States [ادم اسحق] 01-18-2014 02:43 PM
حوش وين؟ ديل ناس درديق ساي, والكيزان المناحيس ناس فنجيض والبلد ضاعت بين التعيس وخايب الرجا. واذا منتظرين ديل بديلا لبني كوز عليكم الانتظار الي ما لا نهاية , لانهم حيكونوا في حالة زحف الي ما لا نهاية .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة