الأخبار
أخبار إقليمية
السودان يعلن عن إنشاء أكبر مطار بأفريقيا
السودان يعلن عن إنشاء أكبر مطار بأفريقيا
موقع المطار المزمع منذ 10 سنوات


شاهد آخر صور لمكاتب لوفتاهنزا بالخرطوم
01-18-2014 07:46 AM

سي ان ان -
وقعت السلطات السودانية اتفاقاً مع إحدى الشركات الصينية، لإنشاء المرحلة الثانية من مطار الخرطوم الدولي، ليصبح أكبر مطار في القارة الأفريقية، يستوعب ما يقرب من 12 مليون مسافر سنوياً.

وتبلغ تكلفة المرحلة الثانية لمطار الخرطوم حوالي 680 مليون دولار، بحسب الاتفاق الذي تم توقيعه مع شركة الصين للهندسة، مما يرفع تكلفة إنشاء مطار العاصمة السودانية إلى 1.38 مليار دولار، وفق ما أكدت مديرة مشروع بناء مطار الخرطوم، فاطمة عبدالله.

وقالت عبدالله، في مؤتمر صحفي الجمعة، على هامش مشاركتها في معرض الطيران بالبحرين، إن الحكومة الصينية ضمنت الحكومة السودانية في تقديم قروض ميسرة من البنوك الصينية، لإنشاء المطار، الذي تبلغ مساحته 22 كيلومتراً مربعاً، ومساحة احتياطية تبلغ 102 كيلومتر مربع، وبتمويل كامل من الحكومة السودانية، التي اقترضت المبلغ.

ودعت المسؤولة السودانية المستثمرين الخليجيين والأجانب إلى الاستثمار في هذا المشروع، الذي سيضم أكبر محطة للشحن الجوي، وخدمات التخزين، بهدف تصدير المنتجات الزراعية التي تمتاز بها السودان، وأشارت إلى أهمية التعاون بين السودان والصين، لاسيما أن الصين تعتبر أكبر مستثمر في القطاع النفطي بالسودان.

وقالت إن المطار، الذي يتوقع افتتاحه بعد أربع سنوات، سيشكل محطة تواصل بين الدول الأفريقية والعالم، ونقطة ترانزيت لشركات الطيران العالمية، والتي تعمل السودان عليها الآن.

من جانبه، أكد أحمد باجوري، المدير العام لسلطة الطيران المدني السوداني، لـCNN بالعربية، على سلامة الطيران في الخرطوم، وبعده عن النزاعات المسلحة التي تنشب في الجنوب أو في مناطق أخرى، وأن المطار مكان ثقة وسلامة من قبل منظمة الطيران العالمي.

image

image
صور آخيرة من مكاتب لوفتهانزا قبل آخر رحلة الى الخرطوم الاحد 19/1/2014م


تعليقات 26 | إهداء 0 | زيارات 11992

التعليقات
#889883 [hafiz]
0.00/5 (0 صوت)

01-19-2014 05:15 PM
يا ناس تفائلو خير الحكومة دي بتمشي وتجي حكومة جديديمكن أن تكون حكومة وطنية والناس في السودان يعيشوا أحسن من الآن السودان خيراته كثيرة بس سوء إدارة و سوء تخطيط ما شفت حتي الآن زول بيقول السودان أولاً وإدني منصب وحاسبوني عليه لو سرقة مليم من مال الدولة لو كل أنسان إدي ما عليه بضمير سوف نصل الي مبتقانا أنا بعرف ناس كانو فى مناصب كبيرة في الحكومةبدرجة وزير كانو بتوصلهم سيارات الحكومة الصباح وترجعهم الى منازلهم عند أنتهاء العمل وبيقولو للسائق أرجع العربة الى الوزارة وبيذهبو بالمواصلات لمشاويرهم الخاصة هل يوجد رجل رشيد يفعل هذا اليوم من أفراد الحكومة؟ هؤلاء هم الذين بيرفعو البلد وبيخافو الله ما زي الناس في هذا الزمن يجعلون الله خلفهم ويتصرفون بعد ذلك لنقل لهم أتقو يوماً ترجعون فيه الى الله يوم يكون فيه الحساب لو أنهم يفتدو بكل ما في الدنيا حتي ينجو والشعب السوداني يشكو بأسه الى الله والله المنتقم


#889399 [العمده]
5.00/5 (1 صوت)

01-19-2014 09:32 AM
يعني عشرين سيارة لمعاينة الموقع .. طيب عندما تنهال القروض لو كل واحد لحس 5 مليون يفضل كم لانشاء هذا المطار الاسطورة ؟ .. الناس دي مضغوطة واي قروض تجي نصفها الجيوب والباقي أمن ودفاع .. يلا بلا مطار بالا زحمة هي وين الطيارات البترك فيه..!!!


#889174 [watt]
0.00/5 (0 صوت)

01-19-2014 12:38 AM
ستتوقف رحلات الطيران الي ومن السودان بالكامل قبل نهاية العام الحالي.. حكومة المؤتمر الوطني تبني ميزانيتها على نفط تمتلكه دولة اخرى لا حاجة لها لتدفق النفط ولا سياسة لها لاستغلاله بما يخدم شعبها اذن والحال هكذا لن تتورع الحكومة عن تسيير ميزانيتها ولو بالقفز الى جدران المنازل وسرقة الدكاكين ناهيك عن فرض رسوم علي جهة ما .. وما اسهل التحصيل في شريعة الانقاذ.. الاجانب جاؤا ليخدموا ويفيدوا ويستفيدوا لا ليتم استعباد ارباحهم وعرق جبينهم.. الاتراك المرشحون للبقاء فترة اطول ما يلبثوا ان يغادروا فهم ليسوا اخوان مصر ليصبروا علي حماقات الانقاذ غالية الثمن تركيا دولة اوروييةزعلمانية مصلحتها فوق اي اعتبار وهمي لا يستند الي منطق.. هذا هو السيناريو ما لم يتوحد الشعب السوداني في ازالة الطغمة الجشعة والغبية..


#889144 [تينا]
0.00/5 (0 صوت)

01-18-2014 11:18 PM
صدقتى يا ((( رانيا ))) يا اختى عليك نور صحى وينا الطيارات الحتجينا الوكت داك ... دى فاتت على فعلا ...هههههههه غايتو الا نجتهد فى الدعاء ربنا يثبت باقى الخطوط الفضلت ما تنفد بيجلدها ...تحياتى.


#889067 [القادمون الجدد]
0.00/5 (0 صوت)

01-18-2014 09:42 PM
والمرحله الاولى الشايفاها عيني دي كلفت كم يا ترى؟


#889006 [ودالباشا]
5.00/5 (1 صوت)

01-18-2014 07:34 PM
(قروض ميسرة من الصين)

ماكفاية قروض تبلعوا فيها ويدفوا المواطنين الغلابه وبعدين مطار شنو وانتوا ماعندكم ناقل جوى وطنى بعتوا الطائرات وخط هثروا جوا كروشكم وشركات الطيران العالميه كلها قنعت واوقفت طيرانها وشمعت مكاتبها الهفوا ساااااكت بس ماتبيعونا بالقروض للصين ولا غيرها خلوا حاجة للجايين


#888970 [Abu ali]
5.00/5 (3 صوت)

01-18-2014 05:54 PM
شعب عجيب ..الطائفية راكباهوا سرج و نحن فى القرن الواحد و عشرين لسة فى ناس يبوسوا ايديهم و مستمتعين بخيرات جهلهم فى لندن و القاهرة و ما عارف وين و هم ما لاقيين يأكلواو يدوا املاكهم لسيدى عشان شنوا ..عشان سيدى يدخلهم الجنة ... اى واحد متنطع يطبلوا ليهوا و اى رئيس فاقد تربوى يجروا يطبلوا ليهوا .. الوطنية فيهم منعدمة حنى الدهشة قاعدين 24 سنة يطبلوا للكيزان و هم عارفين انو الكيزان منافقين و كذابيين لكن لسة بنافقوا فيهم عشان كدة هم فاعدين ما فى بلد راجعة لى ورا زى البلد دية و لسسسسسسسسسسسسسسسسسسسسسسسسع


#888919 [منصور بن محمد بن صالح ال عباس]
5.00/5 (1 صوت)

01-18-2014 04:28 PM
حكومة الإنقاذ إنجاز وراء إنجاز


#888916 [الشاكووش]
0.00/5 (0 صوت)

01-18-2014 04:27 PM
وفاطمة عبدالله دى مينو؟؟ هل واحدة كتكوتة من كتاكيت المؤتمر المؤتمر الوطنى؟؟


ردود على الشاكووش
European Union [عصمتووف] 01-18-2014 07:41 PM
مالك وخصوصيات الناس تعليق سخيف وسمج


#888892 [موسى]
5.00/5 (5 صوت)

01-18-2014 03:46 PM
كم مره هو المطار بيوقعوا عقد علشان يعملوا ؟؟ يعني كل 5 سنوات مثلا ؟؟ بقت زي حكاية موية بورسودان كل انتخابات مزوره يوقعوا عقد ويقولوا حنمد مياه النيل لبورتسودان! بلد السرقه فيها من غير لف ولا دوران


ردود على موسى
Hong Kong [رانيا] 01-18-2014 07:27 PM
والله صدقت السرقة واااااضحة


#888842 [تينا]
5.00/5 (1 صوت)

01-18-2014 02:30 PM
أها وحيكون وين المطار دا ان شاءالله ... لسة فى الصالحة ولا غيروهو كمان ... ترانا مستنين ...


ردود على تينا
[رانيا] 01-18-2014 07:36 PM
ههههههههههههه على قولك ماورانا حاجة لكن وين الطيارات الحتجينا الوقت داك


#888820 [سمسم]
5.00/5 (5 صوت)

01-18-2014 02:16 PM
وهل هناك حاجة أصلا لمطار جديد - هاهو مطار مروى مطار بكل المقاييس الدولية - و لكن لم يستقبل و لاطيارة واحدة - لأن أصلا كل شركات الطيران الدولية أوقفت رحلاتها للسودان و شركات الطيران المحلية أقفلت و أوقفت نشاطها - يعنى مافى طيارة طايرة فى سماء السودان أذن لزوم المطار الجديد شنو ؟؟ فشخرة على الفاضى بس و دول ناس عاوزة ليها أى مشروع و همى علشان ينهبوه - اللهم ألعن الكيزان لعنا كبيرا .


#888813 [aljamed]
3.50/5 (2 صوت)

01-18-2014 02:01 PM
قفا نبكی قليلا من ذكرا حبيب ومنزلی.......


#888775 [الجــــزيرة ابا]
5.00/5 (4 صوت)

01-18-2014 01:18 PM
المطار اخو المدينة الرياضية هههههههههههه
يا خليجيين ويا صينيين ويا بعاعيتيين ادونا قروض قروش مفلسين

فى حاجة بس ممخولة لى راسى من الكيزان ديل جو البلد ... قضية التضخيم .. اكبر فى افريقيا واﻻول فى افريقيا والوطن العربى وﻻول مرة فى افريقيا .. انتو افريقيا دى شايفنها بياتو عين يا سجم الرماد ؟ الجامعات والمدارس اسمائها كلها هلامية وضخمة والشركات ... لو ما طلعتوا من العقدة دى حتظلوا كضابين ونفاخين فى قربة مقدودة الى ما شاء الله .


#888765 [jackssa]
0.00/5 (0 صوت)

01-18-2014 12:58 PM
لا يكون مشروعكم دا ذي المشروع الحضاري . اولا مكنوا هذا الشعب المغلوب علي امره قي تمكينه ان يتناول وجبتين في اليوم بعدين سوقوا لمشاريعكم الوهميه دى . بطلوا دا واسمعوا دا .


#888736 [النيل أبونا والجنس سودانى]
5.00/5 (3 صوت)

01-18-2014 12:29 PM
المرة المضت الحقير الوضيع البشير سرق ١٥ عمود إناره من المطار الجديد وركبهم فى مزرعته
الموجوده فى السليت ياربى المره دى ناوى يسرق شنو?


#888734 [radona]
0.00/5 (0 صوت)

01-18-2014 12:25 PM
ارى ان يتم العمل بايقاف عمليات الطيران تماما بالسودان ..
وتكون وسائل المواصلات المعتمدة هي الشاحنات للمناطق الامنة
والمناطق غير الامنة يتم استخدام الدواب وايصال الرسائل عن طريق الحمام الزاجل
وبذلك نكون طوينا تلك الصفحات المؤلمة لسودانير والسكة حديد والبريد ومشروع الجزيرة والنقل النهري ونكون قطعنا الطريق على الفساد
وعلى الحكومة التفرغ التام لتصفية التمرد خلال 2014م حسب الوعد المضروب
وبعد كده نفكر نعمل شنو بمنطق
سيروا وعين الله ترعاكم


#888721 [بت حبوبتها]
0.00/5 (0 صوت)

01-18-2014 12:13 PM
( وتبلغ تكلفة المرحلة الثانية لمطار الخرطوم حوالي 680 مليون دولار )

مأكلة جديدة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


#888642 [الصليحابي]
4.79/5 (6 صوت)

01-18-2014 11:03 AM
كضــــابين ، ولا بعد 100 سنة ، مشروع مأكلة وبس ، انتو دمرتو مشروع الجزيرة والسكة حديد والنقل البحري والنهري والخطوط الجوية السودانية والمصانع والمستشفيات والمدارس ودمرتو حتى الإنسان السوداني قتلتم وحرقتم وشردتم واعتصبتم ونهبنم وسرقتم وأكلتم الأخضر واليابس ، وعايزين تنفذو مشروع المطار ، مشروع المطار دا لينا 20سنة بنسمع عنوا وما حصل أي حاجة ، وين مشروع المدينة الرياضية ، وهل تفتكروا الخليجيين ديل ناس مغفلين علشان يكبوا قروشهم في بير ما ليها قرار بير النهب المصلح زي قال كبيركم الذي علمكم السحر .. قالت أيه.. قالت أكبر مطار في إفريقيا ، ما كنتو أكبر دولة في إفريقيا ، عملتو ليها شنو قطعتوها وخليتوها ذي شطر البقرة ..


#888618 [أكامبو]
2.50/5 (3 صوت)

01-18-2014 10:35 AM
أهو كلام ..من قبل 5 سنوات سمعنا إنو المطار الجديد ح يتم إنجازه فى خلال 6 سنوات، الآن أضافوا 4 سنوات جديدة !!


#888613 [شهاب]
4.80/5 (9 صوت)

01-18-2014 10:31 AM
وقود طائرات معدوم ودولار مافى
وعماله مدربه مافى واجواء مغبره طول العام
وحراميه يشرطوا العفش وحراميه يسرقوا المال العام

بهدف تصدير المنتجات الزراعية التي تمتاز بها السودان يوم
واحد انا ما شفت منتج زراعى فى الخليج لا بصل لا عجور ولا طماطم
لا قريب فروت ولا فجل ولا حتى البلح المالى الشماليه وما لاقى تسويق
وحتى قطن الجزيره اختفى ولا جرجير ولا بطيخ ولا شمام ولا خيار
حالة شلش وعبط واحلام اكبر منكم ولكن ارض السودان يمكن لها اكبر من
ذلك لو رحتوا يا كذابيييييييييييييييييييييييييييييييين


#888590 [عزة]
4.88/5 (6 صوت)

01-18-2014 09:53 AM
ههههههههههههههههههههههههههههههههههههههههههههههههههههههههههههههههههههه
وبن مطار الصالحه
وين القرض الكويتى لانشاء مطار الصالحه
الناس دى ما بتستحى
دمكم تقيل
حراميه وعينوهم قويه


#888587 [عنبر عمر الطيب]
5.00/5 (1 صوت)

01-18-2014 09:50 AM
و هل الحلم حرام ؟


#888571 [جركان فاضى]
4.79/5 (6 صوت)

01-18-2014 09:27 AM
المطلوب حاليا كيفية توفير وقود الطائرات فى مطار الخرطوم...بعدين نجى للكلام الكبار كبار دا


#888559 [ابوعلي]
4.75/5 (5 صوت)

01-18-2014 09:02 AM
السودان سيبني اكبر مطار في افرقيا وليس له طائرة واحدة . دولة ناشئة لها مطار وطائرات تجوب معظم الدول .


ردود على ابوعلي
Hong Kong [رانيا] 01-18-2014 07:25 PM
ههههه والله صحي هو فضل في أي خطوط طيران عندنا !!!


#888527 [kartgi]
5.00/5 (5 صوت)

01-18-2014 08:03 AM
الصورة اكبر شاهد علي تصريح مدير سلطة الطيران المدني ان كان هناك طيران مدني اصلا . الطيران الموجود هو عسكري مهمته الابادة الجماعية اليومية بجبال النوية! !



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة