الأخبار
أخبار إقليمية
الهلال ده ما حا يجيب كأس من بره إلا العمل المعمول ليهو اتفكّ، لأنو عندو عارض، أما ناس المريخ لو كانوا جوني قبل ما يمشوا قطر ما كان اتغلبوا من (بايرن ميونخ)!!
الهلال ده ما حا يجيب كأس من بره إلا العمل المعمول ليهو اتفكّ، لأنو عندو عارض، أما ناس المريخ لو كانوا جوني قبل ما يمشوا قطر ما كان اتغلبوا من (بايرن ميونخ)!!
الهلال ده ما حا يجيب كأس من بره إلا العمل المعمول ليهو اتفكّ، لأنو عندو عارض، أما ناس المريخ لو كانوا جوني قبل ما يمشوا قطر ما كان اتغلبوا من (بايرن ميونخ)!!


بلة الغائب : أنا عندي علم ما عند أي زول،
01-18-2014 11:15 PM


«بلة» - الذي اصطادته (المجهر) وأجرت معه حواراً قصيراً - تحدث في كثير من الأمور.. وقال إنه لا ينتمي إلى (المؤتمر الوطني)، لكنه يتوقع أن «البشير» سيستمر في الحكم لمدة (31) عاماً و(25) يوماً.. كما عرّج بالحديث عن مسؤولين - لم يسمهم - قال إنهم يأتونه!! ولم ينس قطبي القمة (المريخ والهلال).. فإلى ما قال:

}«بلة الغائب».. سطع نجمك في الأيام الماضية وأنت تتوقع استمرار حكم الرئيس «البشير» إلى أن يكمل (31) عاماً؟!
- أنا عندي علم ما عند أي زول، وأنا قلت الكلام ده منذ منتصف التسعينيات، وأنا ما مؤتمر وطني، وما عندي شغلة بالسياسة، لكن «البشير» سيستمر في الحكم لمدة (31) عاماً و(25) يوماً، وسيفوز في الانتخابات القادمة بلا شك.
} المعارضة قالت إنها ستفوز في الانتخابات ماذا تقول لها؟
- المعارضة بتفرفر فرفرة مذبوح.. هو في معارضة في البلد دي؟! أنا لا أراها أين هي؟!
} هل صحيح أن هناك مسؤولين زاروك لتساعدهم بما يبقيهم في مناصبهم؟
- حصل جوني مسؤولون سابقون عشان أشوف ليهم الخيرة وعشان يبقوا في كراسيهم، لكني رفضت وقلت ليهم (البقعدكم عملكم ما أنا).
} قيل إن وفداً من الحركة الشعبية زارك قبل الانفصال.. لماذا.. وماذا قلت لهم؟
- أيوه.. جوني «سلفاكير» و»باقان» و»عرمان» في صالوني ده، وعرضوا عليَّ قروش - بالكرتونة - لأساعدهم في تغيير النظام الحاكم، فلم أستجب، وقلت ليهم أمشوا، الناس ديل ما قصروا معاكم، احترموكم وأكرموكم.
} إنت طيب كده ما مؤتمر وطني عديل؟!
- أنا ما مؤتمر وطني والله، ولم ألتقِ الرئيس «البشير» إلا (3) مرات فقط، ولا أحب السياسة، ولا الواسطات، وأولادي كان عندهم رغبة يبقوا ضباط، قلت ليهم ما عندي ليكم واسطة.. أمشوا حضروا برّه السودان، وقد كان.. والآن أحد أبنائي طيار.
} ناس الكورة أخبارهم شنو.. معاك الهلال والمريخ؟
- الهلال ده ما حا يجيب كأس من بره إلا العمل المعمول ليهو اتفكّ، لأنو عندو عارض، أما ناس المريخ - ووالله أنا لا مريخابي ولا هلالابي - لو كانوا جوني قبل ما يمشوا قطر ما كان اتغلبوا من (بايرن ميونخ)!!
} سؤال أخير، الشيخ «حسن الترابي» ماذا تقول له؟
- أنصح العم الشيخ «حسن الترابي» أن يرجع إلى قواعده ويتنازل عن السياسة.
} اضطرابات دارفور والصراعات في الجنوب ماذا تقول فيها؟
- اضطرابات دارفور ستنتهي بعد (6) شهور هذا العام، وما يجري فيها حالياً هو نهب مسلح وليس حرباً. أما الحرب في الجنوب فسببها «سلفاكير»، وسيحدث فيها تحقيق كبير عن المقابر الجماعية التي دُفن فيها أبرياء

المجهر


تعليقات 32 | إهداء 0 | زيارات 6162

التعليقات
#890132 [سودانى ساكت]
0.00/5 (0 صوت)

01-20-2014 01:02 AM
المورفعين لافى فى الغابة وشايل ليه عروق قال للحيوانات انه بعالح الاسهال وهو الاسهال يوم ماوقف منه.طيب يا بلة وقت انت بتعمل الحاحات دى كلها للناس حاسد نفسك مالك؟اريت الاسهال الما يخليك 31سنة و30 يوم. 5ايام منى ليك لزوم زعل بس


#890042 [ميرغنى جمعة]
0.00/5 (0 صوت)

01-19-2014 10:20 PM
الراجل ده إياهو زول أغنية ( بلة .... يا يلة وينو بله بلة ود عشة)


#889875 [كيس الموز التحت السرير]
0.00/5 (0 صوت)

01-19-2014 06:05 PM
يجب القبض على هذا الخنزير واعدامه فى الشارع العام


#889831 [ابوامنة]
0.00/5 (0 صوت)

01-19-2014 05:14 PM
هذاشيطان من شياطين الانس وهوا ساحر مشرك بالله يتعامل مع الشياطين ويجب قتله هوا وامثاله ممن يدعون بعلم الغيب وانهم اولياء صالحين ولهم كرامات امثال الشيخ البرعي والتجانى ود حسونه وغيرهم من الاسماء المشهورة فى عالم اولياء الله الصالحين واهل الكرامات وكل من اراد ان يعرف الحقيقه يدخل اليوتيوب ويكتب الساحر التائب حامد ادم وهوا كان من اكبر واخطر السحرة فى السودان الحمدلله تاب الله عليه وسوف تعرفو وتشوفو العجب والله المستعان


#889690 [سوداني]
3.00/5 (1 صوت)

01-19-2014 02:28 PM
السيسي قال حامت انو بيحكم مصر والبشير حلمو ليه انوحيحكم السودان 31سنة يعني الانتخابات الجاية البشكير جاي جاي حينشف ريقكم ابو الكراع المعوج


#889621 [السنجاوي]
4.00/5 (1 صوت)

01-19-2014 01:11 PM
لا يعلم الغيب إلا الله
إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ ۖ وَمَا تَدْرِي نَفْسٌ مَاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ


#889616 [الباشا]
0.00/5 (0 صوت)

01-19-2014 01:06 PM
ناس نيجيريا قاعدين اترشوا زي الترتيب ! تقول لو جوني ما كان انغلبو ؟ قوم فز .....


#889604 [كرري]
5.00/5 (1 صوت)

01-19-2014 12:55 PM
- حصل جوني مسؤولون سابقون عشان أشوف ليهم الخيرة وعشان يبقوا في كراسيهم، لكني رفضت وقلت ليهم (البقعدكم عملكم ما أنا).
______________________________________________________________________________________
- الهلال ده ما حا يجيب كأس من بره إلا العمل المعمول ليهو اتفكّ، لأنو عندو عارض، أما ناس المريخ - ووالله أنا لا مريخابي ولا هلالابي - لو كانوا جوني قبل ما يمشوا قطر ما كان اتغلبوا من (بايرن ميونخ)!!
______________________________________________________________________________________
اظنها الفكرة وصلت (البقعدكم عملكم ما أنا)(لو كانوا جوني قبل ما يمشوا قطر ما كان اتغلبوا من بايرن ميونخ)
دي يحلوها كيف حدد هويتك يا شيخنا انت قادر علي تغيير
الاقدار ولا no .في نكتة جميلة ذهب ابليس لزيارة فرعون
فطرق باب قصرة فصاح فرعون من الطارق فرد علية ابليس
افتح يا اهبل لانك لو كنت ربنا كما زعمت لعلمت من الطارق.
سبحانك اللهم وبحمدك استغفرك واتوب اليك


#889532 [adams]
0.00/5 (0 صوت)

01-19-2014 12:04 PM
يا جماعة الذول المشطين دة جبتو من وين


#889510 [krkasa]
0.00/5 (0 صوت)

01-19-2014 11:50 AM
بلد يتوهم فيه الناس انو حتة عرق او حبة كمون يمكن ان تعالح 300 نوع من الامراض الفتاكة ..؟؟..فليس من المستغرب ان يصبح امثال بله هم مفكريها..؟؟!! الذين يسودون بهم الصحائف.


#889479 [سوداني حر]
0.00/5 (0 صوت)

01-19-2014 11:23 AM
يا ناس الراكوبة والله انتو زاتكم بتشتركوا في الاثم دااا معقولة لكن شغلكم الشاغل يكون بلة الغائب ولا الحاضر دااا ،،، خليكم في هم البلد والمواطن وبطلوا نشر لمثل هذه الخزعبلات والبدع ،،،
كذب المنجمون ولو صدقوا،،، وما تدوا الشخص داا اعلام اكتر واهمية اكبر وخلوا الهندي بن عزالدين ينشر براهو في جريدتو دي .


#889449 [بركة البركة]
0.00/5 (0 صوت)

01-19-2014 11:03 AM
لكنه يتوقع أن «البشير» سيستمر في الحكم لمدة (31) عاماً و(25) يوماً -طيب وبعدها مصير البشير شنو - حيموت ولا يغتل ولا بعيش ولا بيقبضوه ناس الجنائية - وانت يابله بتكون وقتها حي ولا ميت - ( قل لا يعلم من في السماوات والارض الغيب الا الله ومايشعرون أيان يبعثون ) صدق الله العظيم


#889441 [امين الشريف]
5.00/5 (1 صوت)

01-19-2014 11:00 AM
انا بقول لي بله الغايب انت لو راجل وعندك علم صحي صحي امشي اشتغل الشغلانة المهببة دي في السعودية


ردود على امين الشريف
United States [طه طه] 01-19-2014 01:54 PM
والله كان يقطعوا راسوا بين يوم وليلتا

[المسافر وحيداً] 01-19-2014 12:17 PM
ههههههههههههههههههههه يا أمين الشريف داير تضيعوا نهائي


#889368 [أبوديك الديناري]
5.00/5 (4 صوت)

01-19-2014 10:08 AM
بلة الغائب و ما أدراكما بلة الغائب هو دجال ومشعبذيتعامل مع الجان والسفلي ولا علاقة له بالصوفية أهل الله الأتقياء الأنقياء الأولياء الأبرار الأطهار ,,, من أهلنا البقارة سجنه النميري وكان كلما سجن يفتح الجن زنزانته ليجدونه خارج الزنزانة ,,,, كان بالرهد أبودكنة أرسل الله عليه جيشاً من نحل فهرب بلا رجعة ,,,, رجل سخيف وجاهل والمجهر أسخف منه,,, أنعي علي الصوفية سكوتهم علي تطاول الجهلاء وإدعاءات الزنادقة والسفهاء .


#889344 [سامر]
5.00/5 (2 صوت)

01-19-2014 09:50 AM
كذب المنجمون.


#889330 [shigla]
5.00/5 (1 صوت)

01-19-2014 09:39 AM
بلة يابله دق الرقم جلة وييييييييييييييييينو بلة


#889307 [المتغرب الأبــدي]
3.50/5 (5 صوت)

01-19-2014 09:08 AM
لعنة الله عليك بكرة وعشياً .. أنت ساحر ومصيرك في الاسلام معروف إن لم تتب ..


#889276 [esan salih]
1.00/5 (1 صوت)

01-19-2014 08:14 AM
لا لا و الله حلفناك و خسمناك يا البشير كان ما تحكمنا الخمسين سنة الجاية دى لو خليت الحكم بصيبنا الجنون و ح تعضينا النملة و ما ح نلقى هوت دوق و لا بتزا وأنا كنت قايلة البشير ح يحكم لغاية ٢٠٩٩ لكن يجى الشيخ الطبال الأنتيكة ده و يفجعنا و يقول إنه فضل ليهو خمسة سنوات و نص و خمسة و عشرين يوم فقط بعداك نمشى لمنو ولا نقبل على منو.


#889270 [abdelkhaleq mohammed]
5.00/5 (1 صوت)

01-19-2014 08:00 AM
فعلا دة زمن الرويبضة ,,,, قوم لف عليك الله ,,, غير اسمك دة وبعدين تعال أفتي لينا


#889266 [علوب]
5.00/5 (1 صوت)

01-19-2014 07:48 AM
لا حولا ... الزول ده كضاب جنس كضب !! لو في شريعة الزول ده ينجلد لمن يعرف حاجة ... شوف الدجل و الكضوبات !! ما قلتو ناس عرمان و سلفاكير و باقان علمانيين و ما بيؤمنوا بالدجل بتاعك ده ... يا راجل قول كلام تاني ... مرة واحد صاحبي عيان مشى للكضاب ده ، أداهو دوا و قال ليه لو ما طبت تعال تف لي في وشي ، الدوا قرّب يكتلوا إلا سافر الأردن اتعالج ، قلت لصاحبي أرح نتف ليهو في وشو ، بس صاحبي راجل طيب ، رفض . الدجل يزدهر في مجتمعات مغيبة مثل تلك التي ينتجها المشروع الفسوي أقصد الحضاري ... بله الكضاب يدعي علم الغيب ، قوم لف يا فساي .


#889246 [مواطن x]
4.50/5 (2 صوت)

01-19-2014 06:21 AM
يا بله في واحدة اسمها "lady gaga" زيك كده لو بتريد اللحم الأبيض،أما لو بتريد الخدرة في واحدة اسمها "beyonce"،حيريحوك شديد،علمك المابعرفو زول ده سخروا عشان يجيب لك ديل هم نفسهم محتاجين ليك شدييييد، وبالمره كده خلي ولدك الطيار يعدي عليهم يرفعهم في الطيارة ويجيبوهم لك.




أرحمونا يا ناس الراكوبة هي ناقصة خبل!! قال 31 عام و25 يوم،والخمسة ايام الشطبتها دي شنو؟ البشير حتجيهو دورة بيريود ولا شنو؟ بله يتبل ريقك بمويه مطحلبة مكهربة،منجم آخر زمن.


#889232 [somebody]
5.00/5 (1 صوت)

01-19-2014 04:53 AM
يابلة دا شرك والعياذ باللة شنو لو جونى ماكان اتغلبو انت فى يدك شنو الامر بيد اللة وحدة والبجيك لوظيفة دا زول مشرك اذا وزير او غفير قال 31 سنة 0 شاحد اللة 31 سنة فى كوبر اهو تعال غطس حجرى لو الامر بيدك ارسل كل شواطينك


#889210 [رانيا]
5.00/5 (2 صوت)

01-19-2014 03:20 AM
ما بعيدة بكرة يترشح للرئاسة كمان ! ! أهو قال لكم عنده (علم ) . .


#889205 [Alihassan]
5.00/5 (1 صوت)

01-19-2014 02:47 AM
ذججججججججججججججججججججججججججججججججججججججججججججججججال ورب الكعبة


#889193 [ود اوقر]
5.00/5 (1 صوت)

01-19-2014 02:17 AM
ياجماعة انتو زول ساحر ودجال زى ده تدوه فرصة كيف عشان يتكلم الزمن ده كلامو ده مابلقى ليه زول يصدقو ده مشرك اولا كزب المنجمون ولو صدقو ده شمهروش حقو ده كبير مرة واحدة بكون تابع للاخوان المسلمين لعنهم الله هم سبب هذه البلاوى فى البلد دى


#889169 [watt]
0.00/5 (0 صوت)

01-19-2014 01:28 AM
I must meet this Balla...
شغال شنو ووين الغايب دة..؟؟
ما بحب تقيف قدامي حاجات زي كدة
داير اعرف الحكاية من اولها لي آخرها
حكاية بلة الغايب مش الحكم والمريخ والذي منو .. دة موضوع تاني خالص


#889168 [بلد مافيها وجيع]
4.00/5 (1 صوت)

01-19-2014 01:27 AM
انحنا حانعيش كدة بلد اتملت دراويش الله يعينا بس


#889154 [k/j]
3.00/5 (2 صوت)

01-19-2014 12:44 AM
يا اخوان اعقلوا معقول في انسان بعلم علم الغيب مالم يأتيه وحي من السماء وهل الوحي ينزل على غير الانبياء
وبعدين كل شيء مسطر ومكتوب عند مليك مقتدر
قال ما كان اتغلبوا من باير ميونخ لا عليك الله كان تلعب معاهم
انا لا هلالابي ولا مريخابي لكن الزول دا كدي يورينا مباراة المريخ الجاية مع ريدبول ح تطلع كم والبجيب الاهداف منو وفي الدقيقة كم
والله يحينا ونشوف يا العامل نفسك علام الغيوب
استغفر الله العظيم من كل زنب عظيم واتوب اليه


#889142 [asim]
4.00/5 (3 صوت)

01-19-2014 12:15 AM
غريبة جدا من ادارة الراكوبةان تفسح مجالا لمثل هذا الغبي المدعو بله ام هو نوع من الدعاية لهو اعتقد هموم وطننا اكبر ومشاكلنا اعمق من ان نسلط الضوء لدجال مريض مثل بله . بلدنا اغتصب والمغتصب هو الحركة الاسلامية التي مزقته واشعلته فتن ونارا تحرق الابرياء .وياتي بعضنا ليسلط الضوء على دجال مرتزق محاولا عن طريق الاعلام ان يجد ممرا لقصر الكيزان المهوسين بالسفلي و الدجالين .


#889137 [Abdelwahab Yousif Babiker]
0.00/5 (0 صوت)

01-19-2014 12:09 AM
Aarid Elhilal huwa Abdallah Elbasheer.


#889126 [عصمتووف]
0.00/5 (0 صوت)

01-18-2014 11:53 PM
المجهر الصحيفة الخائبة لزيادة مبيوعاتها تعرض لنا في معرضها مثل هؤلاء الزواحف ماذا يستفد منه القارئ ي راكوبة هاتوا لنا شهادة الهندي لله لنشوي قفاه بدلا من هذا عليك الله امشي السعودية عشان نرتاح منك


#889119 [مجروس ق ش م]
4.00/5 (3 صوت)

01-18-2014 11:47 PM
عليكم الله يا ناس الراكوبة فكونا من الزول الوهم دة و ماتصبعوا وقت للعباد في هذا العبث .واستفيدوا من هذه المساحه لمناقشة قضايا تهم الناس .يعني خالص مشاكل السودان كلها اتحلت وماباقي لينا اﻻ هذا للدجال ؟؟؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة