الأخبار
أخبار إقليمية
المرضي " كنانة " يعكنن مزاج بكري حسن صالح ويتلقى صفعة "بالكف " على وجهه - صورة -
المرضي " كنانة " يعكنن مزاج بكري حسن صالح ويتلقى صفعة "بالكف " على وجهه - صورة -
المرضي


توقعات بإقالته ومطالبات من نائب السفاح بإرجاع المبلغ الذي نهبه الهندي
01-18-2014 10:55 PM
خاص: الراكوبة

أفاد مصدر موثوق بأن محمد المرضي التجاني العضو المنتدب لشركة كنانة تلقى صفعة على وجهه من نائب البشير بكري حسن صالح بعد غضب الأخير من مهزلة المحتال الهندي الذي نهب مبلغ 5 ملايين دولار من الشركة، وكان المرضي قد تم استدعائه إلى القصر الجمهوري ووجه له نائب الرئيس إهانات قاسية على الفضيحة وطالبه باعادة المبلغ المنهوب، ومنعه من السفر هو وحسن ساتى مدير سكر النيل الابيض. وتوقع المصدر صدور قرار باعفاء المرضي.

image
محمد المرضي التجاني العضو المنتدب لشركة كنانة أكبر منتج للسكر في السودان إ


تعليقات 113 | إهداء 0 | زيارات 63217

صفحة 1 من 212>
التعليقات
#891148 [بت البلد]
0.00/5 (0 صوت)

01-21-2014 02:46 AM
ما هكذا تورد الابل يا بكري ... خليك سياسي حصيف أول حاجة أنا من وجهة نظري السودان دا محكوم بعصابة كبيرة قضت على اللين واليابس ... والعصابات دايما عندها تنظيم وبدائل وشفرات وكلمات سرية... والخمسة مليون دي من الفتات والكف بتاعك دا لا ح يودي ولا ح يجيب عشان كدا نحن بنطالب برئيس العصابة... وبحكم قربك من قمة الهرم أعتقد انك تقدر تفك الشفرات وتتوصل لرئيس العصابة بسهولة ...وبعدها يمكنك أن تسدل الستار على هذه المسرحيات المتسلسلة لتكون انت البطل ... و أبدا ما تخاف لأنو البطل ما بموت وزيد على ذلك انت أقربهم الى الكرسي ... أها قلت شنووووو؟


#891101 [Shit-Observer]
0.00/5 (0 صوت)

01-21-2014 01:30 AM
funny that only the photo of the guy how got smacked, but not that of the one who did it
I guess the other is so ugly to be presented , even here


#891055 [ردود على الصوت]
4.00/5 (1 صوت)

01-21-2014 12:10 AM
(ودالباشا)

طولنا منك وين مختفى وانت من القدامى اظهر شوية جعل الله ايامك سعيدة وتحياتى


#891036 [الدبيب]
4.50/5 (2 صوت)

01-20-2014 11:41 PM
الى الامام يا بكرى كفت قدر ما تقدر بس تاتى باموال الشعب الى خزينة الدولة الفقيرة ونتمنى ان يخرج قانون من اين لك هذا ونتمنى ان يكون بيتك ليس من الزجاج لكى تحاسب الاخرين


ردود على الدبيب
United States [خالد] 01-21-2014 12:32 AM
اضرب بس مابيدك اضرب بسلاحك


#890876 [sabra150]
3.00/5 (2 صوت)

01-20-2014 07:57 PM
سلمت يداك يابكري تعال وزارة الصحة معقل الحرامية عديمي الإنسانية ،


#890802 [ودكترينا]
0.00/5 (0 صوت)

01-20-2014 05:57 PM
*** ياعثمان ميرغنى....الحكاية بقى فيها كفيت!!!يعنى انت لو الفريق بكرى عرف انك عارف الحاصل كلو فى موضوع سكر النيل الأبيض....مابعرف ح يعمل فيك شنو...عبدالوهاب..الله يرحمه...أهو الفضلو الباقين ديل...بدل يكفوتوهم ويمنعوهم من السفر...طلع الملف...ياخى سكوتك عشان عمودك يدوك فيهو أزيد من 16 مليون حرام...يعنى انت عارف الدمر سكر النيل الأبيض وكتبت لينا فى التيار بعد ما المصنع ما اشتغل فى حضور وفد بنك التنمية الاسلامى بجدة يوم الافتتاح...وطلعت الفضيحة والمرحوم استقال والرئيس رفض الاستقالة...انت فى فورة حماسك ركبت عربيتك ومشيت المصنع وقعدت كم يوم وكتبت لينا انك ح تكتب الشفتو وعرفتو وبالوثائق...وقلت انو مصنع سكر النيل الأبيض جثة مجهولة الهوية...ووعدتنا كتابة فى عمودك فى التيار انك ح تكتب مايشيب له الولدان...بعد داك ...تم...سكت...نسأل فبك ماداير تكتب...نترجاك ...برضو لا...ياخى ده تدمير لاقتصاد البلد وسكوتك ده حيجيب ليك جريمة...أنشر الملف...وأوعك تحاول تزوغ...بكرى ده ايدو لاحقة..ألا هل بلغت اللهم فاشهد...!وفلان أهو شالوهو...قوى قلبك ودق سدرك...ومزمل ما حيقصر معاك!!!!


#890773 [نوارة]
5.00/5 (1 صوت)

01-20-2014 05:14 PM
الي الصوت علي ماذا اتوب وماذا ستفعل بي حترسل حسن نصرالله يفجرني وانا في الدوحة مثلا الدوحة ممنوع يدخل فيها صورة شيعي فمابالك بشيعي نفسو وبما انك شيعي معروف فسهلا جدا يكون اسمك في قائمة الممنوعين من الدخول خصوصا شكلك يمكن التعرف عليه بسهولة لان وجهك كمصاب بمرض الدرن
وهلا وعيدك انك سوف ترد علي تعليقاتي بالفاظ جارحة وخادشة لحياء فانت معروف بذلك ولنا يخيفني ماتقوله من الفاظ خادشة لحياء لان ليس لديك حجة او منطق علي العموم انا في الدوحة ومنتظرة تهديدك هذا


#890681 [المشروع]
0.00/5 (0 صوت)

01-20-2014 03:24 PM
لا يحق لبكري حسن صالح ان يصفعه؟ نحن وين نحن؟


#890674 [عثمان]
0.00/5 (0 صوت)

01-20-2014 03:14 PM
عايزين مصارعة حرة بين بكري حسن صالح وصلاح قوش . والتذاكر مدفوعة من حزب المؤتمر الشعبي .


#890621 [أنور النور عبدالرحمن]
0.00/5 (0 صوت)

01-20-2014 02:20 PM
كل من يتلاعب ويفسد في حق الشعب السوداني يستاهل الصفعات تلو الصفعات ولوكان الرئيس عمر البشير يقوم بصفع الوزراء المفسدين والمفسدين بالنظام لاستقام الأمر رحم الله الرئيس نميري فقد سبق له ان صفع مسئولا من قبل عندما عرف تقصيره


#890476 [مريود]
0.00/5 (0 صوت)

01-20-2014 11:42 AM
يا جماعة الزول الاسمو بكري دة حارقاهو كمية الدولار الطلعت دي وانتو عارفين البلد ما فيها دولار


ردود على مريود
United States [loai] 01-20-2014 01:56 PM
وين ملهم اللص يا جماعة


#890447 [OMER]
4.00/5 (3 صوت)

01-20-2014 11:24 AM
ده مشكلة بلد تعلم ابنائها وتفتح الجامعات والكليات وتجيب اجانب يقولو عليه خبير ونحن عندنا حملت الشهادات العليا مغتربين فى الدول الاخرى ومستخترين عليهم اجورهم وانتمائتهم الحزبية اليوم الحمدالله بعد اكثر من عشرين سنة عرفنا ان التمكين والتسيس ما بتصلح وما جايبه فائدة غير ما رجعوا وراء مائتين سنة يعنى كل سنه بشعره امثالها


ردود على OMER
[رانيا] 01-20-2014 03:44 PM
صحيح


#890408 [العنطـــــــــــج]
5.00/5 (3 صوت)

01-20-2014 10:54 AM
الهندي ده منو؟؟؟؟
ما يكون الهندي عز الدين!!!


#890350 [شوشرة]
5.00/5 (1 صوت)

01-20-2014 09:56 AM
أقترح بسن قانون يسمح بصفع وضرب النهابيين للمال العام والمقصرين في أداء وأجبهم وفي الحفاظ علي ممتلكات الدولة في ميدان عام يشهده كل أفراد الشعب السوداني.


#890227 [شرقان (من هولاندا)]
5.00/5 (1 صوت)

01-20-2014 05:38 AM
صَفَعَه يَصْفَعُه صَفْعاً إِذا ضرب بِجُمْعِ كَفِّه قفاه، وقيل: هو أَن يَبْسُطَ الرجل كفه فيضرب بها قفا الإِنسان أَو بدنه، فإِذا جمع كفَّه وقبضها ثم ضرب بها فليس بِصَفْعٍ، ولكن يقال ضربه بِجُمْعِ كفِّه؛ ورجل مَصْفَعانيٌّ: يُفْعَلُ به ذلك، وقيل: الصَّفْعُ كلمة مولَّدة، والرجل صَفْعان. قال ابن دريد: الصَّوْفَعةُ هي أَعْلى الكُمَّة والعمامةِ. يقال: ضربه على صَوْفَعَتِه إِذا ضربه هُنالِك، قال: والصَّفْعُ أصله من الصَّوْفَعةِ، والصوفعةُ معروفة.
الزول دا ضربوهوا في قفاه ولا وشو؟
الزول دا بعد ما كفتوه ما بقى راجل تب . هسع بيمشي ينوم مع مرتو كيف ويقول لأولاده شنو؟
بركه المرضي المصري يستاهل أكتر من كده


ردود على شرقان (من هولاندا)
United States [kamal] 01-20-2014 01:44 PM
ده التأصيل الجد جد موش ذى ناس قريعتي راحت


#890193 [jackssa]
0.00/5 (0 صوت)

01-20-2014 03:41 AM
شكله كده الرجل ليس من عصابة ودحوش بانقا . لكن استنكحوا وماطلع تفتيحه وشايل مفاتيحها .


#890073 [كمال ابو القاسم محمد]
5.00/5 (7 صوت)

01-19-2014 11:19 PM
الخازوق ود المرضى دا زاتو يطلع (اجنبي) معاهو جواز كندى...امريكى....بريطانى...إلخ....تتدخل السفارات...والقنصليات...أصلوا الفيلم مازال في بداياتو

غايتو يا إخوانى ...زى ما قالوا الراكوباب....الحل في الجبخانة...لابد من الجبخانة وسد الخانة


ردود على كمال ابو القاسم محمد
United States [ودكترينا] 01-20-2014 06:02 PM
***با كيمو...كل عام وانت بخير ياخى...نفسك بارد الليلة!!!


#890065 [عصمت الوكيل]
5.00/5 (1 صوت)

01-19-2014 11:02 PM
رائيتك مره و اترائيت
علي جناح الخيال فريت رحلت بعيد و اضاريت
ﻻ بينت ﻻ وريت
هي رحلت بعيد و اضاريت ﻻ بينت ﻻ وريت
و عن انظاري اتواريت و خليت ليا في عنيا صوره زول
عيونك فيها شئ يحير يغير من اتجاه الزول
_____________________________________________________________
الاغنية مهداة لود المرضي...من واحد كناني يغني للسكر لاختغائه من الاسواق في كنانة...
هل تعلموا سعر السكر في كنانة اكثر بكثير من سعره في الخرطوم و مدن كثيرة في السودان؟
لماذا هذه المهزلة يرحمكم الله و السكر ينتج و يخرج من رحم كنانة؟ سوال اكيد سيظل معلقا


ردود على عصمت الوكيل
[دقيقة بالله] 01-20-2014 01:34 PM
في ضلــه وميــت بغلــه!


#890054 [تينا]
5.00/5 (1 صوت)

01-19-2014 10:44 PM
ههههههههههههههه تتجازوا يا ((( العريبية وود ابليس ))) ضحكتوزنى شديد ... والله صدقوا جادة فى كلامى ... مش عشان لونو لكن صدقوا دمه وغايتو فيهو حاجة كدا مجرد ما أشوف صورتو من قبيل بس بتخيلو مصرى ما عارفة ليه ... ولا يا ربى بشبه لى واحد مصرى ؟؟؟ برى ما بعرفو بس غايتو شايفهو مصرى وقاعد بيدمو دا ... تحياتى لكما ...


#890050 [اصلي جدا جدا]
5.00/5 (1 صوت)

01-19-2014 10:36 PM
ايوا يا بكور كفت الحراميه ديل وكمان لو بديت تكفت لينا اهل العوير المشير زي عبدالله البشير مثلا عشان نقتنع بانك راجل تماما .. ما انت في الحسبه زي عمو .. العوير ما بزعل منك وكمان هو حرامي اكتر من بتاع السكر دا .. ولا كلامي غلط يا سعادة الفريق ؟


#890038 [ود المك]
5.00/5 (2 صوت)

01-19-2014 10:10 PM
شكرا كثيرا يا بكري علي هذه الصفعة و إن كانت تأخرت كثيرا ؛ إلا أتها نزلت بردا و سلاما علي آلاف العمال و الموظفبن الذين شردهم المدعو المرضي؛ هذا الرجل هو المسسئول الأول عن تدمير أعظم صرح إقتصادي في السودان ؛ هو ومثاله يجب أن يذهبوا إلي مزبلة التاريخ ؛ - نتوقع مزيد من الإصلاح با أخي بكري بالكلف أو بالشلوت ؛ أو بغيرها من السبل ؛ المهم أن تدور عجلة الإصلاح - نتوقع كذلك أن تحصر الأموال و الممتلكات لهذا المرضي و حسن ساتي و غيرهم من الذين إمتصوا دماء الشعب االسوداني .


ردود على ود المك
United States [هدهد] 01-20-2014 08:03 AM
هذا الرجل الذى يكفت ويصفع يدل على انه بعيدا عن الفساد والسرقة ولم نسمع له بشركات ولا مؤسسات ... مثل هذا الرجل هو الذى يمكنه ان يحاسب من شاء ويصفع من يشاء فى حالة انه ثبت لا يملك شيئا ولم يسرق من هذه الاموال السائبة . نأمل ان يكون كذلك ولا يطلع لينا زى الجاز الذى كنا نحسبه الامين القوى وولكنه طلع الامين اللص الضعيف .


#890031 [بوالمحضار]
5.00/5 (2 صوت)

01-19-2014 10:03 PM
معظم الاخوه الاكارم لا يعلمون ما فعله هذا اللص في ابناء وعمال وحرفين وموظفين شركه سكر كنانه من تشريد واحاله للصالح العام وتكميم الافواه ياخي ابسط شي عملوا منع اي زول مايربي بقره حليب لشفعوا في خشم البيت


#890028 [ابوزيد]
5.00/5 (2 صوت)

01-19-2014 09:59 PM
أحييك يا نائب الرئيس ,, هولاء لاينفع معهم الكفيت ,, والشلاليت ,, بل الإعدام والمصادره


#890022 [سلطان]
5.00/5 (2 صوت)

01-19-2014 09:50 PM
إن شاء الله إكون فتل ليهو حنكو بيدو الزي الطالوش دي


#890014 [أبو أهل الكيزان]
0.00/5 (0 صوت)

01-19-2014 09:41 PM
يا بكري حسن لو راجل أتحداك تقرِّب من أخو السفاح الإسمو عبد الله البشير أو على الأقل تجيب سيرة واحد من أخوان السفاح


#889918 [أبو ذر الغفاري]
4.25/5 (3 صوت)

01-19-2014 07:05 PM
ياجماعة ود المرضي ظالم وبكري أظلم منه - ودا كلو جايز يكون ربنا استجاب لدعانا في صلاة الفجر
اللهم أهلك الظالمين بالظالمين و أخرجنا من تحتهم سالمين


#889907 [سن ألفيل]
5.00/5 (5 صوت)

01-19-2014 06:52 PM
بكره حسين خوجلي في قناة امدرمان الفضائية يقول لينا ( الصفع او الكوف هي عادة متجزرة في المجتمع السوداني وهي ضمن موروثنا الثقافي والاجتماعي واي شخص في السودان ادوهو كف سواء من الاب او الاستاذ او شيخ الخلوه او من الاعمام و كبار السن و نحن لما كنا في المعتقل ايام نميري تعرضنا لكثير من الكفوف وهي وسيلة يمكن ان تكون مفيدة ومافعلو النائب الاول فهو في سبيل تربية او وسيلة سريعة لتفادي كثير من الاخطاء )


#889893 [ودعمر]
5.00/5 (1 صوت)

01-19-2014 06:25 PM
الكفيت ده لو كان من زمان ما كان البلد دي وصلت المرحله دي. والله البشير الهبيل لو فكه يد بكري في في بني كوز ديل بقدر يادبم لينا كويس ويرجع منهم كل النهبوهو


ردود على ودعمر
European Union [الجقر] 01-20-2014 12:08 AM
وبكري ده من بني قينقاع ؟؟؟؟


#889889 [abassbest]
5.00/5 (4 صوت)

01-19-2014 06:21 PM
اللة يخضر ضراعك يابكورى ياخى المرضى يستاهل اكثر من كدى دى نجض الناس نجاض اغلب الناس المعلقين ماعارفين الفعلة المذكور فى كنانة وانسان كنانة حاجات يندى لها الجبين افتكر دى دعوات المظلومين


#889851 [AburishA]
5.00/5 (4 صوت)

01-19-2014 05:32 PM
لو كان أديتو شلوت بكراعك الغليدة دي.. كان ريحتنا منه!! لأنو ناس نظامك ديل ما بمشوا الا بالشلوت!!!


#889839 [مستغرب]
4.50/5 (3 صوت)

01-19-2014 05:23 PM
- انتو يا جماعة الانقاذ دي سقطت وجا رئيس تاني اسمو بكري واللا شنو الحاصل،،،؟؟؟؟؟؟؟!!!!!!


#889810 [ahmed]
5.00/5 (4 صوت)

01-19-2014 04:50 PM
بي صراحه المرضى يستاهل لانو فاسد فاسد وهو سبب دمار مشروع كنانه الذي يعتبر اهم مشروع تنموي في السودان .


ردود على ahmed
European Union [العريبية] 01-19-2014 08:25 PM
وسبب دمار مشروع الجزيرة بكفتون متين

نيابة الكفيت العام بدلا من قانون الثراء الحرام ومحاكم الثراء الحرام

البونى اختفى ويين وللا خايف يقع فىهو كف وبعدين يقول انا لا يدى لا كراعى انا عندى حواشة بس ومرات بنظر فى مشروع الجزيرة ساكت


#889808 [ودالباشا]
5.00/5 (4 صوت)

01-19-2014 04:49 PM
الكيزان والجبهجية كللللهم و(طبعن)ناس الحكومه اولهم من الرئيس لاصقر رئيس لجنة شعبية عايزين فجيخ فى راس بعكاكيز مضببه بعد داك تأكدوا سينتهى الفساد من البلد بعد داك الناس تقبل على مشكلة الاخلاق الباظط دى ودى عايزة دواس مختلف


#889782 [تينا]
4.75/5 (3 صوت)

01-19-2014 04:19 PM
الزول دا غايتو ما عارفة أول ما شفت صورتو افتكرتو مصرى دمه مصرى شديييييد ...


ردود على تينا
United States [ود أبليس] 01-19-2014 09:02 PM
شكلك زرقاء شديد انت يا تينا. اسه انحنا من اسمك دا قايلينك حبوبة المطر في الحمرة والبياضة

European Union [العريبية] 01-19-2014 08:28 PM
يااختى ده شكلو دمو خواجة انجليزى وللا فرنسى

ماشايفة صرة الوشى ولوية الخشم مع الكلام

اها الكف ده انشاء الله يكون ادو ليهو بالجهة التانية عشان يعدل عوجة الخشم والشاسى ما ينفتل


#889769 [ابو عابد]
4.88/5 (7 صوت)

01-19-2014 04:02 PM
كفتنى وتفنن يا يكرى !!! المهم أنا نصيبى من المحتال الهندى مليونين ونصف المليون دولار من المنهوب !!!! وبعد داك كف واحد ما مشكلة .... البلد بقى ما عندها وجيع وكل يوم فيلم جديد مره هندى ومره حبشى ودى المناظر بس ؟؟؟!!!


#889758 [مجروس]
5.00/5 (4 صوت)

01-19-2014 03:47 PM
ولا حا يعملوا ليهو شي


#889722 [محمد مى]
3.00/5 (4 صوت)

01-19-2014 03:06 PM
طبعا أنا ضد مافعلة هذا المتخلف نائب الرئيس لآن مافى مسؤل متحضر فى دولة متحضرةيضرب أنسان كف أذا كان محمد المرضى أرتكب أى أخطاء فى قانون يحاسب الجميع وأقول الى الاخ محمد المرضى لقد كان فى مكان الهندى هذا سودانى يحمل الحنسية الامريكية وكان يأخذ مرتب 12 الف دولار تم الاستغناء عن خدمات السودانى وأحضار هذا الهندى وكان يأخذ مرتب أكبر غير السيارة والسكن هل السودان أصبح ليس بة أى كفاءات علشان أجيب هندى مسخرة وقمة المهزلة علية العوض فى البلد حتى الهنود يسرقون البلد كفاية علينا بشبش ومعة حكومة الكيزان الحرامية كمان الهنود لن أقول أكثر من ذلك لان الكلام لن يغير فى الوضع شئ عند أقتراح لماذا لانفتح النقاش فى الدستور القادم ونشوف الاراء وأنا متأكد أننا سوف نرى أراء العقلية السودانيةفى هذا الموضوع وشكرا لكم


ردود على محمد مى
[ود ابو زهانة] 01-19-2014 05:38 PM
وين فى السودان القانون البيحاسب الجميع ؟؟ ده فى خيالك ياود مى؟ ونقاش شنو الداير تفتحو وانت من قولت تيت بتطفش فى الكورة . كااااااااااااااااااااااااااك .. العب غيرها


#889675 [موسى عبدالله الحاج]
5.00/5 (1 صوت)

01-19-2014 02:06 PM
حقرتى فى بقرتى هو ماشايف الهوامير الكبار ولا مابقدر عليهم نحنا مابنرجا من العسكرى خير اى دولة يحكمها العسكر فاشلة


#889672 [kamal]
5.00/5 (1 صوت)

01-19-2014 02:04 PM
شى غريب ان وافق الناس على هذا الاسلوب الهمجى فى المحاسبة و المسالة اين لقانون و القضاء ثم هل هذه هى العدالة التى يبشرنا بها النائب الجديد. لو كان الوضع سليم يحق للمكفوت ان شتكى للقضاء و تذكروا ابن عمرو بن العاص الذى كفت القبطى . لم استغرب من ناس الانقاذ و لكن استغربت من المعلقين كانهم اقروا الفعل فهل عندما تعود لنا الحرية نقبل مثل هذه الممارسات


ردود على kamal
United States [الشاكووش] 01-19-2014 04:06 PM
قانون أيه وقضاء إيه يا كمال؟ يعنى ما تابعت مهزلة قضية الأوقاف وبعد لت وعجن الوزير والمدير وبقية السفسفة طلعوا براءة؟ قال قضاء قال،،،

[ود كنانة] 01-19-2014 03:08 PM
بس لو شفت افتراء المرضي و عنجهيته مع فشله لسألت الله ان يهينه باكثر من الكف ..


#889664 [أبوديدى]
5.00/5 (4 صوت)

01-19-2014 01:58 PM
عينك فى الفيل وتطعن فى ضلو..
تكفت فى صاحب الهندى ؟! مالو الفيل مقدس ؟!!!
5مليون دولار أثارتك لو ده منطقك وسياستك يدك حتوجعك كل يوم من الكفيت ومحتاج ليك لى مدرب لياقه ﻷنو القائمه طويله .. إنتهى ردنا عليك
لكن الما إنتهى هو أن هذا الكف لايغير من الواقع شيئا فقط إتبدلت وظيفة النائب اللص من مدنى لى عسكرى وهذا الكف لن يذر الرماد فى العيون
والزول اﻹسمو المرضى ده لوكان راجل أوفيهو حبة شجاعه كان رداهو ليك بى بونيه شنو يعنى ماكلكم حرامي؟! قال 5مليون دولارقال؟!!!!!


#889647 [ود فارس]
5.00/5 (1 صوت)

01-19-2014 01:39 PM
ملاييييييان ختم في اصابعيه الما بخلي الهندي يدقسو شنو


#889645 [المستبد العادل]
4.25/5 (3 صوت)

01-19-2014 01:36 PM
مأساة السودان الحقيقية هى الإيمان بنظرية المستبد العادل !!! مما يؤكد جزئياً ما ذهب إليه هيكل فى مقاله المستفز ( السودان جغرافيا ),,, نحتاج إلى تجذير فهم مؤسسية الدولة ,, وليس الترويج والإيهام للبسطاء بأن الحل يأتى مع فلان وعلان !!!كل هذه الشرذمة من الطغمةالعسكرية ومن حولهم الفسدة والإنتهازيين التكنوقراط ليس بمقدورها أن تقدم شيئاً سوى المزيد من الدمار والإنهيار فى كافة المناحى !!!
الحل هو إقتلاعهم ,, البدء فى بناء الدولة على ما تركوه من أنقاض ..


#889631 [المتعافي]
3.00/5 (2 صوت)

01-19-2014 01:24 PM
مسكين بتاع كنانة ما عندو ضهر


#889625 [نوارة]
0.00/5 (0 صوت)

01-19-2014 01:19 PM
هذا فهم العسكر حيث لا منطق الا القوة والسلاح


ردود على نوارة
United States [نوارة] 01-20-2014 05:03 PM
حسن نصر الله حيفجرني في الدوحة ولا شنو طالما انا في الدوحة مافي عليه خوف لانو صورة الشيعي مابتدخل خلي الشيعي وانت احتمال كبير تكون صورتك واسمك من الممنوعين وخاصة شكلك معروف و لان وجهك وصورتك كامصاب بمرض الجدري فالقبص عليك very easy

[سودانى ساكت] 01-20-2014 01:02 PM
راحلك عسكرى ولاشنو

United States [صوت] 01-19-2014 11:32 PM
الـطيرةالـمبارية الســـيرة ..
الإســم بيتـغـير .. إلا الـزفــارة ريحــتا قـاعــدة ؟؟.
باين عـلـيكـي مـاتبتي ..
يا ويلك ، وســواد عـيشــتك ، ولـيلـك .


#889599 [الدرويش]
0.00/5 (0 صوت)

01-19-2014 12:52 PM
عبط ولعب عيال


#889589 [البركان]
5.00/5 (5 صوت)

01-19-2014 12:44 PM
جرأة بكوري بصفعة الرجل تأكيد لمشاركته بتعذيب المعتقلين في بيوت الاشباح و هم مخالفين له و لرئيسه و لشيخه ولنظام حكمه.
لو كان هذا البكوري راشدا لامر بايقاف المعني عن العمل و تشكيل لجنة تحقيق ثم يقوم فيما بعد بتنفيذ توصياتها اما بالاحالة للنيابة لتولي امره او بالبراءة و من ثم عودته لعمله , اما الكفوف و الضرب و التعذيب فهي سمات اهل الانقاذ التي جاءت بالارهاب يمشي علي قدمين في هذه البلاد المنكوبة و التعيسه التي جمعتنا مع امثال هؤلاء النكرات اشباه الرجال ولا رجال , لصوص المال العام و الخاص و منتهكي الاعراض .
بكري و رئيسه و ازلام نظامه الفاشي مصيرهم معروف و قريب و لا عفي الله عنما سلف و لا افلات من العقاب.


#889564 [هشام]
3.00/5 (2 صوت)

01-19-2014 12:25 PM
دى اخرة ظلم الشباب وعدم تقيمهم ماديا فى الوظائف ،عشان كدةيغتربوا وكم من شباب البلد اصحاب كفاءات ولو تم تهيئة المناخ لهم بمرتبات مجزية وتدريب كما كان سابقا لما تمت مثل هذه الاحتيالات ... يلا اشربوا يا كبار


#889550 [أبومصطفى جيفارا]
5.00/5 (6 صوت)

01-19-2014 12:16 PM
نرجو وضع ميثاق شرف يوافق عليه المشارك قبل نشر مشاراكاته ومنع المخالفين من المشاركة وبذلك نقلل من المشاركات الخادشة للحياء العام ونسهم في ترقية الذوق في ظلال الراكوبة خاصة والسودان عامة
كما أوجه نداء للمشاركين الشرفاء بالمساندة في هذا الموضوع حتى نتمكن من تصفح الراكوبة في بيوتنا وفي حضور أبناءنا وأزواجنا
[أبوأسامة المهاجر]
لنبتة...السلام...وعلو المقام...ولبنيها...الكرام...التحية والاحترام...الشرفاء...الموشحين بالاستنارة والضياء
ونأمل من الراكوبة الفيحاء...الاستجابة للنداء...وغربلة...ظلالها الوارفة من السذج ...والغوغاء....حتى يطيب لنا برحابها البقاء... وليكن لكل حقير من أمن بشبش الحقير من ظلال راكوبتنا.... الاقصاء.....
ولا نكون سذج ولا بلهاء....بكري ولا علي... ولا نافع...ولا الترابي كلهم ..سواء....غير أسوياء
المجد للجبهة الثورية...المجد ...للرفاق ....المجد للشهداء....ولتظل شعلة ..الثورة إشراق وضياء...
ولا نامت ...أعين الجبناء....
مع تحياتي....والخليج ...دوما يؤنس وحدتي..... وطيفك...والمساء


ردود على أبومصطفى جيفارا
European Union [ابراهيم] 01-19-2014 06:50 PM
أنت تريد فرض الرقابة القبلية ،،، وقد فعلتها فى الخرطوم وبارت الصحف ،،، وفعلتها سودانيزاونلاين والآن أصبحت مهجورة ،،، وبالطريقة دى إنت عايز تطلع (Deen) الجريدة دى ،،، وأنا أرى أن الإجراءات المتخذة بواسطة إدارة الصحيفة حاليا كافية !!!

[اصلاح] 01-19-2014 02:34 PM
عاجــــــــــل:(كف الفريق)اخر موضة للثوب السوداني

European Union [لا للإنصرافية] 01-19-2014 12:33 PM
نحيى الجدية !! وأضيف لابد من أن تكون الأخبار والمواضيع هادفة وبعيدة عن الإنصرافية (فتاة الفيديو ,, شاش ,, دهـ ضربو وداك سكو !!!!)
رجاءً يا مشرفى الراكوبة أن تكون المواضيع منصبة فى مرحلة مابعد النكبة ,, الدستور ,, شكل الدولة ,, البناء المؤسسى للدولة ,, تطوير المجتمع وتوعيته بحقوق المواطنة وحقوق الآخر وواجباته ,,
نحتاج لثورة مفاهيمية قبل ثورة التغيير !! لابد من العمل على العقل الجمعى وإلا صرنا كمن يحرث فى البحر ,, ديمقراطية ,, إنقلاب ,, ديمقراطية !!!


#889517 [Jaakm]
3.50/5 (2 صوت)

01-19-2014 11:53 AM
جاكم يا كلاب شوفوا لأنه قليل الكلام الأفعال ظهرت (فعالون لا قوالون) خلي الكيزان يهتفو وانت اشتغل


#889506 [ابو السارة]
5.00/5 (4 صوت)

01-19-2014 11:44 AM
بركة الصقعو كف هو وكت ما بفهم لحدي ما الهندي يغشوا المقعدوا في منصبو شنو ؟


ردود على ابو السارة
[الهادي] 01-19-2014 01:51 PM
ابو كـــــــــــــــــــــــــــــف ...وري الحرامية حاجة ..كف يا ابو كف..و الشعب معاك و كمان مرسل لك سوط عنج هدية خلي معاك تحت الطربيزة لعينة ناس الهندي و الهندي......


#889496 [اللوري حل بى]
5.00/5 (4 صوت)

01-19-2014 11:35 AM
يقدر يكفت واحد من اخوان بشة؟


ردود على اللوري حل بى
[مراد حماد] 01-19-2014 12:24 PM
أيوة ممكن روق. المنقة يا اللوري. لما بشه يشتت


#889463 [عكير الدامر]
5.00/5 (1 صوت)

01-19-2014 11:09 AM
لابد من تفعيل مبدا المحاسبه والشفافية
أذا صح الكلام فبكري شخص عفيف و ماعندو فساد يذكر وزول راجل


#889436 [عبد الواحد الميت من الاستغراب ولا معين!!]
2.99/5 (13 صوت)

01-19-2014 10:55 AM
يا اخوانا بكرى ادوهو فرصه وخلوه (يطرق صوابعو) فى الخمسه مليون ..وربما ده جس نبض من بكور عشان يشوف رد فعل البشير إذا كان موافق على الكف ولا حيقول ليهو إنت هسع مكفت الزول ده مالك ؟والله يابكور أنا خايف يوم القاك واقع فينى وفى اخوانى شليت وكفيت !! يا أخى خمسه مليون دولار ما بيستحق منك تنفعل بالطريقه دى .. انت ما شفته أنا إتعاملت مع فضيحة مصنع النيل الابيض بكل برود كيف؟..وبعدين يا بكور على عثمان ما نبهك للنص البنتعامل بيه عشان نعالج المسائل الزى دى!!هيئة علمائنا جزاهم الله عنا كل خير (نجروا) لينا (فتوه) بإسم فقه الستره مستندين لقول رسول الله (ص)من ستر مؤمنا فى الدنيا ستره الله يوم القيامه!!وكده انت تكون خالفت رسول الله وبينى وبينك وصحى لزومو شنو الفضائح وشيل الحال ؟ ولعلك مستحضر قول رسول الله (لو فاطمه بنت محمد سرقت...الخ)انت عارف لو نحن عملنا بكلام الرسول فى الحته دى ؟!!إنشاء الله بكره حتشوف عضويتنا فى المؤتمر الوطنى كلهم بكف واحد!!وإحتمال بكف ورجل واحده لانو فى جماعه منهم عملو بلاوى يرقى لمستوى الافساد فى الارض!! يا أخى خليك راجل مسالم ودع الخلق للخالق..وما تشمت المعارضه وخصوصا قراء الراكوبه فينا..الناس ديل ما بيصدقوا خبر وتلقاهم (شدوا الطار)وتعال يا ردحى!!.


ردود على عبد الواحد الميت من الاستغراب ولا معين!!
[ودعمر] 01-19-2014 06:22 PM
هههه كلامك جميل ياعبدالواحد لكن انته عارف عمك بكور ده شكلو بيشبه نميري كثير اذا الزول ده اتمكن في البلد دي ح يلطش بني كوز لطيش شديد باي اخوان البشير المجارمة

United States [كركاب] 01-19-2014 05:11 PM
تمام يا ابو عُبد
خليك من الوهم ديل وانت تمثل شريحه كبيره
ادى فى المليان وما يهمك

United States [krkasa] 01-19-2014 04:51 PM
عفوا عبدالواحد..؟؟.. بعض المعلقين ربما يتعاملون حرفيا مع النصوص... ولا يقرأون ما بين السطور لك العتبى...؟؟

European Union [العريبية] 01-19-2014 04:33 PM
عبدالواحد HIIIIIIIIII

ياجماعة الزول ده بتريق ساى

الردحى ردحتو انت فى حلايب تانى مع عمو شوقى

المكنة الجديدة كييييييييف

[هندسه] 01-19-2014 03:46 PM
الى كل من رد على تعليق عبدالواحد المستغرب

الاخ عبدالواحد المستغرب استخدم الاسلوب الساخر لتوضيح كيفية تعامل الكيزان مع مثل هكذا قضايا واستبساطها ولا يقصد الدفاع عنهم يعني ممكن برضو كان يقول يا بكري ممكن تحفظوا سورة البقرة بالمقلوب ويكون قد نال عقابه وكده حلال عليهو الخمسه مليون دولار

افهموا يا الشديتو طاركم

[نور] 01-19-2014 11:58 AM
انت الى تستاهل الكف
خليك راجل وابقى مارق جاى عشان تاخد عشرين

[ELSHAFYA A.ALI] 01-19-2014 11:46 AM
يا اخي انت انسان فارغ مثل كثير من ناس الراكوبه...
لا يعجبكم العجب ولا الصيام في رجب...
والله مصيبه اذا ذهبت الانقاذ وجاءنا امثالكم...


#889428 [ABOMREN]
5.00/5 (2 صوت)

01-19-2014 10:50 AM
اسال الله ان يعيين بكري في مهمته،وان نلجا للاسلوب الثوري في ادارة البلاد ،الحرامىه عليهم ارجاع المال خلال شهر كاملا غيرمنقوص بالاضافة الي ارجاع حق الوطن وهو الشرف والامانة والسمعه وهذه ثمنها غال (البتر والقطع من خلاف والمصادرة )والماعاجبو مايسرق والبسرق المصادرة والقطع من خلاف )
اتقوا الله ياحكام السودان فالله لايهدى القوم الظالمين ،واصلا العسكر امناء على الاوطان بشرط يكون دائما في موضع الرقابه علي المدنيين .
نريد اصلاح الحال حق المواطن والمواطنين وحق الدوله
اعلو من قيم الحق والفضيله
وانا ما متاكد من الخبر ولكن كون المراجع العام يقول ان كنانه ترفض المراجعه دي زاته علامة استفهام كبيرة من هو الذي اكبر من المساءله


ردود على ABOMREN
[YUSRI] 01-19-2014 02:42 PM
اؤيد هذا الاسلوب ... لأن الذي يعرف المرضي يقول يستاهل اكثر من كده... ده عفن في هذا المنصب


#889427 [krkasa]
5.00/5 (7 صوت)

01-19-2014 10:49 AM
اضاعوا المليارات من الدولارات... والآن يتقاتلون على خمسة مليون فقط..؟؟


#889426 [البعير]
5.00/5 (1 صوت)

01-19-2014 10:48 AM
ده من ربع قرن كان وين ( اتلم التعيس علي خائب الرجاء )


#889406 [سندباد في بلد السجم والرماد]
5.00/5 (1 صوت)

01-19-2014 10:36 AM
والله لا نملك غير الضحك على ما يجري
يعاقبوه بالكف
دا مسعول ولا تلميذ أساس
يا أخي في دنيا العصابات لما زعيم العصابة يزعل
بقول لمساعدينه ناولوني المسدس
(تاح تراح) والمشكلة المزعلاه تنحل
يبدو أنو لسه في شوية روح سياسية
يعني ما عصابة مية في المية !


#889393 [الجمبلق]
3.00/5 (3 صوت)

01-19-2014 10:27 AM
عفارم اليك والله يابكرى فرهتنا يا اخى ما تشوف لينا قروش وداد دى جابتها من وين ينوبك مننا ثواب يا ود هسن سالح.


#889386 [jafal]
5.00/5 (1 صوت)

01-19-2014 10:20 AM
تعرف فى السعودية رأى أحد السودانيين سعوديا (كفيل) يصفع بنغاليا وكعادة السودانيين إغتاظ لهذا الامر وبعد ذهاب السعودى ساله لماذا تسمح له بصفعك أجابه البنغالى لا مشكلة كف هنا 100 ريال هنا وأشار الى جيبه !!!!!!!!!!!!!!!!!1


#889385 [الدنقلاوي]
4.94/5 (7 صوت)

01-19-2014 10:20 AM
انت يا بكري سطلة رجالة بس في الناس الما عندهم ضهر ديل ..؟
اتحداك تجيب وداد واخوان الرقيص وال الجاز وغيرهم من اثرياء زمن الغفلة من المقربين اتحداك تجيبهم وتعمل ليهم لفت نظر بس بدون كف وبلنجات ..
الغريبة الكوز بتاع كنانة ما سرق لكن تم خداعه ..رجالتك سويها للناس السرقوا البلد ونهبوا عرقنا


ردود على الدنقلاوي
United States [الدنقلاوي] 01-19-2014 07:57 PM
طيب يا واحد ..
ما اختلفنا الكلام حصل في هعد المأفون على عثمان
وابو سطلة عاوز يحارب الفساد لازم اذا كان نزيه وعادل يحاسب كل المفسدين ..
ولا قصدك يا واحد يا ... الفات مات والمأكول زمان منسى وعفا الله عما سلف ؟
ولا بدأ بمحاربة الفساد نفهمها من الان ولاحقا ..
وبعدين انا دنقلاوي وما بتشرف واحد مجرم وكوز عواليق زي بكري سطلة يكون من عندنا
قلت لي ما بتحلك هههههههه

United States [واحد] 01-19-2014 05:15 PM
الكلام دا قولوا لعلي عثمان التنفيذي الأول حينها, يا المدعو دنقلاوي بكري بدأ بمحاربة الفساد والمفسدين وكل من يساندهم فأعمل حسابك ,دنقلاوي دي ما بتحلك منه.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة