الأخبار
أخبار إقليمية
يا كمال ليه تنتقد الترابي في ندوتك أمبارح"؟! الترابي إنت ما بتساوي جزمته،،شد حيلك وأرجى الراجيك واتحمل المسئولية"!
يا كمال ليه تنتقد الترابي في ندوتك أمبارح"؟! الترابي إنت ما بتساوي جزمته،،شد حيلك وأرجى الراجيك واتحمل المسئولية"!
يا كمال ليه تنتقد الترابي في ندوتك أمبارح


01-19-2014 09:07 AM
كمال الجزولي : تعميم صحفي

تلقت صحيفة الراكوبة " تعميم صحفي " من الأستاذ كمال الجزولي



* مساء 16 يناير 2014م شاركت مع أ/ نعمات كوكو عضو اللجنة المركزية للحزب الشيوعي في ندوة عقدت حول ذكرى الاستقلال بدار الحزب بمدينة الخرطوم بحري. كان الجزء المخصص لحديثي في الندوة يتعلق بأوجه القصور التي وسمت الحراك الفكري والسياسي للأحزاب الكبيرة على أيام الاستقلال، مما طبع أداءها في مقبل السنوات بطابع سلبي. وذكرت على سبيل المثال الطابع "الشكلاني" لتعاطي القوى السياسية التقليدية مع قضية "الديموقراطية" في دولة ما بعد الاستعمار، وأبرز نموذج لذلك إقدام "الجمعية التأسيسية" على تعديل الدستور، مما مكنها من حل الحزب الشيوعي وطرد نوابه من البرلمان عقب ثورة أكتوبر. وأشرت إلى ما عُرف، وقتها، بـ "القضية الدستورية" التي رفعها وكسبها الحزب الشيوعي بقرار الدائرة الدستورية بالمحكمة العليا القاضي ببطلان الإجراءات المذكورة. ثم أشرت إلى الموقف الخاطئ الذي اتبعته الحكومة و"الجمعية التأسيسية" برفضها الانصياع لذلك الحكم، باعتباره محض "حكم تقريري" غير ملزم، كون الجمعية هي التي أصدرت الدستور نفسه، ولذا فإنها تعلو عليه، وعلى المحكمة المنشأة بموجبه! وحمَّلت د. حسن الترابي النصيب الأوفر من المسئولية عن ذلك الموقف، كونه هو الذي رمى بثقله الفكري القانوني وراء التبرير الخاطئ لذلك الموقف، ليس داخل الجمعية فحسب، بل وفي الشارع أيضاً، حيث أصدر، آنذاك، كتيبه الموسوم بـ (أضواء على المشكلة الدستورية)، والذي تكفلت المطبعة الحكومية بطباعته! وقلت إن د. الترابي قد تخصص أصلاً، برسالة الدكتوراه التي حصل عليها من السوربون، في "الطرق الديموقراطية" لتعويق "الديموقراطية" نفسها، كإعلان الطوارئ وما شابه!

* في أو حوالي الثامنة من مساء الجمعة 17 يناير 2014م اتصل بي كمال عمر، رئيس المكتب السياسي للمؤتمر الشعبي، يحتج هاتفياً على ذلك الحديث، وخاطبني بتوتر، قائلاً بالحرف: "يا كمال ليه تنتقد الترابي في ندوتك أمبارح"؟! أجبته قائلاً: "ومنذ متى توقفت، أصلاً، عن نقد الترابي، سواء في كتبي، أو مقالاتي، أو ندواتي"؟! ردَّ متسائلاً بتوتر أكثر: "لكين تنتقده في دار الحزب الشيوعي"؟! قلت له: "لم أكن أعلم بأنه قد تم تنصيبك مسئولاً عن دور الحزب الشيوعي"؟! لم يتركني أكمل بل قاطعني هائجاً وهو يرغي ويزبد بلهجة تهديد غاية في العنف: "الترابي إنت ما بتساوي جزمته، وعلى أي حال طالما المسألة بقت كدا، وما عايز توقف البتعمل فيهو دا، شد حيلك وأرجى الراجيك واتحمل المسئولية"! عند هذا الحد رددت عليه بلهجة لا تقل عنفاً، قائلاً: "إنت ولد قليل أدب، وأعلى ما في خيلك أركبه" .. وأغلقت الخط!



* والآن، أريد أن أقول لرئيس المكتب السياسي للمؤتمر الشعبي، وبالفم الملآن، إنه أخطأ العنوان، فأنا امرأ لا يرهبه التهديد، ولا يخيفه الوعيد، وقد شبعت منهما، ومن شبح الموت الذي كانا ينشران رعبه، صباح مساء، في سجون الإنقاذ الأولى، وفي زنازين بيوت أشباحها، عندما كان الترابي في قمة سطوته، وكان الآمر الناهي وحده، وما كان كمال عمر، وقتها، شيئاً مذكورا! لذا أرجو أن يبقى متيقناً من أنني سأظل أجاهر بنقدي لمواقف وكتابات د. الترابي، كما سأظل أجاهر بنقدي لتحالف المعارضة الذي يصر على التشبث بشراكته معه؛ وعلى أيَّة حال إن لم تكن ثمة منجاة أمامي حتى من الموت نفسه إلا إذا تراجعت، تحت التهديد والوعيد، عن الجهـر بما أرى، فباطـن الأرض، عندئذٍ، خير من ظاهرها!


تعليقات 92 | إهداء 1 | زيارات 20547

صفحة 1 من 212>
التعليقات
#890619 [محجوب عثمان]
5.00/5 (1 صوت)

01-20-2014 02:18 PM
تعليق على الصورة



ليس السياسي من بات شبعان وشعبه جائع !!




قيل لسياسي:
مالك تشبع وأنت على خزائن فارغة؟
أجاب: أخاف أن أجوع فأتذكر الجائعين (الشعب).
وهذا استحقاق دستوري


#890322 [عماد عثمان - جدة]
5.00/5 (1 صوت)

01-20-2014 09:37 AM
العالم يتقدم بسرعة الصاروخ و من يسمون أنفسهم بمناضلى و نخب السودان يتبادلون التهم و السباب فى الندوات و الاتصالات الهاتفية. كمال عمر شخص جاهل لم أسمع عنه خيرا أبدا حتى جيرانه و زملاء دراسته يؤكدون جهله و فقره الفكرى فكيف اذن ندعم معارضة من بين قادتها هذا المعتوه الذى يتوعد و يهدد الناس و قد يأتى يوما وزيرا فى أى حكومة قادمة فكل شيئ جائز فى السودان.

حتى كمال الجزولى فقد يكون شخصا ذو شأن وسط أنصاره من قبيلة اليسار لكنه بالنسبة للسودان لا يمثل و لا يعنى شيئاً.

البلد محتاجة ولد و الصالحون من أبناء هذا البلد لا يجدون فرصتهم لاعلاء شأنه و المساهمة فى اصلاحه و تطويره فهم منزوون بفعل فاعل تملأ الحسرة قلوبهم و هم يرون بلدهم ينحدر نحو الهاوية و أيديهم مغلولة و الماسك بزمام الأمور ذو جهالة و المعارضون لهم من أمثال العمرين يتساببون و يتوعد بعضهم بعضا.

لك الله يا وطنى


#890211 [Rashid]
3.50/5 (2 صوت)

01-20-2014 04:58 AM
الهم أرسل لينا ربع سيسي بس انتهى لينا من كل الاسلامين في السودان انشاء أجي من اسرائيل حبابوا عشره التحية لسيسي مصر مع أنوا انقلب على نظام منتخب لاكنوا حل مصر من ورطة كانت ممكن تغطسها الى سابع ارض


#890174 [الجن الكلكى]
5.00/5 (1 صوت)

01-20-2014 02:39 AM
انتو يا جماعة الترابى دا شغال شنو يعنى قصدى عنده مهنة بيكسب منها ولا شغال فينا طق حنك ساكت


#890172 [ابن السودان]
0.00/5 (0 صوت)

01-20-2014 02:29 AM
رد المدعو د. نادر
كتبت كلاما لا حصر له فيه الكثير من الأكاذيب والتلفيق
والله العظيم وكتابه الكريم ليس لي علاقة بالدكتور الترابي، لكن ليس من العدل والامانة بسبب كراهيتنا لشخص نستخدم الكذب تماما كما تفعل شلة الحرامية والأفاكين الذين دمروا بلادنا.
مثلا الاخ كمال الدين الجزولي كاتب محترم وشجاع وصاحب مواقف مشهودة يعرفها الجميع وعندما ادخل المعتقل في بدايات حكم الحرامية كان يسبهم ويشتمهم في وجههم وكانوا هم يخافون منه ويرتعدون منه لذلك لم يقوموا بتعذيبه لأنه اخافهم منطقا وحجة وقوة وعلم. كمال الجزولي لم يحدث يوما كذب في صراعه مع ديكتاتورية (الانقاذ) لأنه نظيف اليد واللسان ولأنه يمتاز بقوة الحجة والمنطق لذلك لا يكذب ابدا ومن هنا يحترمه الجميع.
أما انت يا مسمي نفسك د. نادر ينبغي إن كنت تحب الاستاذ كمال الجزولي أن تتأدب بأدبه وبأخلاقه، فإن أكثر من يهز مشاعر الناس ويهز قناعاتهم الشجاعة في قول الحق والامانة في القول وليس الكذب.
الاستاذ كمال الجزول متعه الله بالصحة والعافية له تلاميذ وعشاق ومحبين لأن ما يكتبه يغزي نفوسهم ويرتقي بهم، وأنا واحد من الذين تأثرني كتاباتهم لما فيها من أدب جم ومن علم واسع ومن معرفة ومن جميل اللغة وطريقة ايصال المعلومة، كمال الجزولي مدرسة من مدارس السودان الحديثة التي لا يعرفها إلا من تذوق حلاوة مقالاته.
وهو اي كمال الجزولي يعلم بان محاولة اغتيال الرئيس المصري الاسبق حسني مبارك ليس للترابي يد فيها، وحتى المخابرات المصرية كانت تعرف ذلك، وحتى عمر البشير لم يكن يدري شيئا عنها إلا بعد فترة طويلة.
ثانيا اعدام شهداء 28 رمضان لو كنت تدري مسؤولية الرئيس عمر البشير وبكري حسن صالح ووزير الدفاع بالنظر عبدالرحيم محمد حسين- والترابي لم يكن له معرفة باعدام الضباط، وعندما تباحث مع الرئيس على ان يرحلوا لسجن بعيد فاجأه الرئيس بقوله (لقد اعدمناهم من الصباح)..!!.
الترابي انقلب على الديمقراطية صح- و ساهم في حرب جنوب السودان التي مات فيها كما تفضلت 2 مليون انسان.
هناك مخازي الترابي نفسه لم ينفيها لكن لا بد أن نكون أمينيين لأن الكتابة مسؤولية وأن المعلومات التي تكتب لا يمكن مسحها من أدمغة البشر لانه كتبت وقرأت.
والامر المهم ان المدعو كمال عمر قال هذا لكلام لكن الترابي لم يقل والاستاذ كمال الجزولي يعرف تماما بأن الترابي لا يشتم ولا يسب، وكثير من المتداخلين قالوا ذلك لأن الترابي لو سمع ما قاله الاستاذ كمال الجزولي في الندوة لا يفعل ما فعله هذا المدعو كمال عمر، والترابي قد تعود على نقد الآخرين، ثم أن نقد وتناول الاستاذ كمال الجزولي للأشخاص ليس فيه شتم البتة ولا فيه لغة الردحي، وهو من أكثر المثقفين السودانيين احتفاظا بوقاره وأدب وعلمه.
والتحية للاستاذ المثقف الحقيقي كمال الدين الجزولي متعه الله بالصحة والعافية.


#890135 [ابونديبو]
4.00/5 (2 صوت)

01-20-2014 01:10 AM
الأستاذ الكبير كمال الجزولي

ياريت لو تجاهلت التهديد من الناقص كمال عمر فهو من الهتيفة وحملة السيخ وجاهل وربما صدق
انه من اعمدة السياسة في بلدنا والآن بانت حقيقته ..... هو ماراجل ولو كان انت في عمر شقيقه
ان كان له اسرة ......كلب وابن ستين كلب


#890131 [Amin]
5.00/5 (3 صوت)

01-20-2014 01:02 AM
يبدو انه 'ً قلة الادب'' صفة ملازمة للكيزان أينما كانوا وحيثما حلوا


#890109 [مجدي دفع الله الجوكر]
5.00/5 (1 صوت)

01-20-2014 12:13 AM
غايتو البتجي سيرتو في الراكوبة ده؛امانة ما وقع.


#890035 [د/ نادر]
5.00/5 (4 صوت)

01-19-2014 10:06 PM
لدي تعليق بسيط الي ما ذهب اليه الاستاذ المناضل كمال الجزولي
اولا كنت اتمني ان يكون الاستاذ اكثر وضوحا ويكشف حقيقة هذا الرجل وانا اقول وبكل بساطة ان هذا الرجل الذي اسمه الترابي لم يكن ابدا له اي ايجبيات في الحياة السودانية ولا يذكر له اي موقف ولا اعرف له اي عمل انساني ولم اسمع اي شيء اسمه ما شاء الله سمعته عن هذا الرجل حتي من تلاميذه ولو من باب الاساطير الذي يحكي عن الشيوخ كل ما اعرفه ان هذا الرجل وانا عشت الديمقراطية الثالثة انه عمل بكل جد علي افساد الحياة السياسية في السودان في تلك الفترة ومسالة صب الخبز ليست اكذوبة بل انها حقيقة وانا لم احصل علي هذه المعلومة من صحف سياسية او في بيوت الاتراح والافراح بل من زملاء اعرف تاريخهم ومنهم من كان ضابط شرطة وشاهد بام عينه في منطقة الكماين بحلة كوكو.
كل الذين عاشروا هذا الرجل يعرفونه انه لا يوفر قذارة والا استخدمها للوصول الي السلطة اي ميكافيلي من الدرجة الاولي
انا لا اريد الخوض في تاريخ الرجل البعيد فقط اذكر بعض المصابين بالايزهايمر المبكر ما فعله هذا الرجل بنا :-
اولا الرجل هو من اتي بقوانين سمتمبر او اقل ما يقال انه ساهم في تركيبه وايده بشدة وبايع الرئيس نميري امام الملأ اماما للمسلمين. تخيلو كم من السودانيين اهينت كرامتهم وهتكت اعراضهم بهذه القوانيين.
ثانيا الرجل ساهم في اعدام محمود محمد طه واقل ما يقال كان بامكانه ايقاف هذه الجريمة وبدلا من ذلك حضر عملية القتل هذه مع بعض الغوغائيين في ساحة كوبر.( اذا كان بامكانك ايقاف جريمة ولم تفعلها فهي جريمة و القضاء المصري فعل ذلك في محاكمة حسني مبارك).
ثالثا دبر وخطط ونفذ هذا الرجل انقلاب 30 يونيو 89 اي انقلاب علي الشرعية والبرلمان المنتخب من الشعب ولم اسمع في الدنيا من انقلب علي نظام ديمقراطي ان يشكل حزبا سياسيا ويريد ان يحكم فقط بكلمة اسف علي الميكرفون فهذه الجريمة حكمها الاعدام في كل دساتير السودان وهو نفسه اعدم 28 ضابطا قبل ساعات من هيد الفطر المبارك.
رابعا شن هذا الرجل حربا لم يعرفه تاريخ افريقيا علي جنوب البلاد وقتل اكثر من 2 مليون شخص وفقا لتقرير الامم المتحدة.
خامسا فتح المعتقلات في عهد هذا الرجل وبيوت الاشباه بطريقة غير مسبوقه ومات اناس كثر تحت وطاة التعذيب ومنهم الدكتور علي فضل.
سادسا شوه الرجل سمعة السودان في كل اصقاع الارض وانا اذكر انني غادرت السودان في فترة الديمقراطية الثالثة وكانت الحصول علي تاشيرة بالنسبة للسودانيين لمعظم دول العالم اسهل ما يكون حيث كنا نتحرك في معظم الدول الاوربية بكل سهولة ولكن هذا المعتوه اساء الي علاقات السودان الخارجية بصورة لم تسبق لها مثيل.
واخيرا نريد ان نري سودانا جديدا لا الترابي ولا الصادق ولا الميرغني سودان جديد عماده الشباب واقول لمن يري الاستفادة من الترابي للاطاحة بالانقاذ انهم لن يقبضوا الا السراب
والافضل لنا جميعا ان يكون لنا هذه الفرصة التاريخية للتخلص من هذه الديناصورات والذين لم نجني منهم الا الدمار والخراب والتخلف والجوع والمرض والتشرد واصبحنا متسولين بالملايين خارج بلادنا لنعود عبيدا بعد 150 عاما من انتهاء العبودية في العالم


ردود على د/ نادر
[Salaheldin.usa] 01-20-2014 12:55 PM
الاستاذ محمد خليل بعد التحية والاحترام
أدى نفسك فرصة وارجع لمشروع محمود محمد طه و مستوى طرحه وفكره حتي تستبين من الامر بعدها احكم علي الرجل ، انا لا اريد اخفي إعجابي بمستوي فكره ولكن نحن فى كل المراحل لا نطرب لمطرب الحى ، لذلك اذا وجدت زمن قليل فقط 15 دقيقة كل يوم اقرأ محاضراته وندواته وكتبه سوف تجد عالم سوداني بل من أميز المفكريين والمجددين السودانيين علي الإطلاق

European Union [محمد خليل] 01-20-2014 10:30 AM
اذا كان للترابى اسهام فى اعدام محمود محمد طه فهذه محمدة للترابى و ليست منقصة. فقد سعى محمود مخمد طه لهدم الدين من أسسه و لم يترك شئ من أركان الدين الا سعى فى هدمه بدأ بالصلاة و الزكاة و لو قدر له أن يعيش أكثر لهدم جميع الأركان كما انه قد سعى لألغاء سنة رسول الله صلى الله عليه و سلم و بدل الزواج السنى المعروف بالزواج الجمهورى و لكن الحمد لله فقد أخذه الله سبحانه و تعالى أخذ عزيز مقتدر و لم يفلته و حاشاه. و مما يؤسف له أن يكون هناك مثقفون ما زالوا يمشون على خطاه و بدلا عن البحث عن الهدى فى كتاب الله و سنة رسوله صلى الله عليه و سلم يبحثون عن الهدى فى ضلالات و شطحات و خزعبلات محمود محمد طه التي زينها له ابليس. نسأل الله السلامة و العافية.

United States [ابن السودان] 01-20-2014 02:28 AM
المدعو د. نادر
كتبت كلاما لا حصر له فيه الكثير من الأكاذيب والتلفيق
والله العظيم وكتابه الكريم ليس لي علاقة بالدكتور الترابي، لكن ليس من العدل والامانة بسبب كراهيتنا لشخص نستخدم الكذب تماما كما تفعل شلة الحرامية والأفاكين الذين دمروا بلادنا.
مثلا الاخ كمال الدين الجزولي كاتب محترم وشجاع وصاحب مواقف مشهودة يعرفها الجميع وعندما ادخل المعتقل في بدايات حكم الحرامية كان يسبهم ويشتمهم في وجههم وكانوا هم يخافون منه ويرتعدون منه لذلك لم يقوموا بتعذيبه لأنه اخافهم منطقا وحجة وقوة وعلم. كمال الجزولي لم يحدث يوما كذب في صراعه مع ديكتاتورية (الانقاذ) لأنه نظيف اليد واللسان ولأنه يمتاز بقوة الحجة والمنطق لذلك لا يكذب ابدا ومن هنا يحترمه الجميع.
أما انت يا مسمي نفسك د. نادر ينبغي إن كنت تحب الاستاذ كمال الجزولي أن تتأدب بأدبه وبأخلاقه، فإن أكثر من يهز مشاعر الناس ويهز قناعاتهم الشجاعة في قول الحق والامانة في القول وليس الكذب.
الاستاذ كمال الجزول متعه الله بالصحة والعافية له تلاميذ وعشاق ومحبين لأن ما يكتبه يغزي نفوسهم ويرتقي بهم، وأنا واحد من الذين تأثرني كتاباتهم لما فيها من أدب جم ومن علم واسع ومن معرفة ومن جميل اللغة وطريقة ايصال المعلومة، كمال الجزولي مدرسة من مدارس السودان الحديثة التي لا يعرفها إلا من تذوق حلاوة مقالاته.
وهو اي كمال الجزولي يعلم بان محاولة اغتيال الرئيس المصري الاسبق حسني مبارك ليس للترابي يد فيها، وحتى المخابرات المصرية كانت تعرف ذلك، وحتى عمر البشير لم يكن يدري شيئا عنها إلا بعد فترة طويلة.
ثانيا اعدام شهداء 28 رمضان لو كنت تدري مسؤولية الرئيس عمر البشير وبكري حسن صالح ووزير الدفاع بالنظر عبدالرحيم محمد حسين- والترابي لم يكن له معرفة باعدام الضباط، وعندما تباحث مع الرئيس على ان يرحلوا لسجن بعيد فاجأه الرئيس بقوله (لقد اعدمناهم من الصباح)..!!.
الترابي انقلب على الديمقراطية صح- و ساهم في حرب جنوب السودان التي مات فيها كما تفضلت 2 مليون انسان.
هناك مخازي الترابي نفسه لم ينفيها لكن لا بد أن نكون أمينيين لأن الكتابة مسؤولية وأن المعلومات التي تكتب لا يمكن مسحها من أدمغة البشر لانه كتبت وقرأت.
والامر المهم ان المدعو كمال عمر قال هذا لكلام لكن الترابي لم يقل والاستاذ كمال الجزولي يعرف تماما بأن الترابي لا يشتم ولا يسب، وكثير من المتداخلين قالوا ذلك لأن الترابي لو سمع ما قاله الاستاذ كمال الجزولي في الندوة لا يفعل ما فعله هذا المدعو كمال عمر، والترابي قد تعود على نقد الآخرين، ثم أن نقد وتناول الاستاذ كمال الجزولي للأشخاص ليس فيه شتم البتة ولا فيه لغة الردحي، وهو من أكثر المثقفين السودانيين احتفاظا بوقاره وأدب وعلمه.
والتحية للاستاذ المثقف الحقيقي كمال الدين الجزولي متعه الله بالصحة والعافية.


#890002 [محمد عبدة]
5.00/5 (1 صوت)

01-19-2014 09:19 PM
ادا وصف الطائي بالبخل مادر وعير قس بالفهاهة باقل
وطاولت الارض السماء سفاهة وفاخرت النجم الحصا والجنادل
فيا موت در ان الحياة دميمة ويانفس جدي ان دهرك هازل
ومن كمال عمر حتي يتحدث الي كمال الجزولي وكمال الجزولي من سارت بدكره الركبان وبدل من عمره النفيس فداء لوطنه بلامن ولا ادي ياكمال عمر انت وترابيك *غض الطرف انك من (نميري)فلا نقد بلغت ولا كمالا


#889981 [alkarb]
5.00/5 (1 صوت)

01-19-2014 08:53 PM
فتح الله عليك تعليق زول فاهم وقارئ جيد لما خلف السطور


#889980 [Dawod]
5.00/5 (1 صوت)

01-19-2014 08:50 PM
علي الشباب السوداني الوحدة والإتفاق وتجاوز الإنتماءآت الحزبية والطائفية والقبلية والفكرية. لتجاوز آفات الساسة والقيادات الديناصورية الطائفية القبلية المتلونة بالأديان الخادمة للأجندات الخارجية حباً للسلطة والمال والجاه وحباً لأنفسهم وعائلاتهم وكرهاً أعمي للشعب السوداني والشباب السوداني.
٥٨ عاماً منذ إستغلال هؤلاء الكهنة إستغلالاً لم يراه الشعب السوداني حتي من قبل الإستعمار الذي حاربه الشعب وصمد وقدم تضحيات من أجل إستقلال السودان.. وكل السودان بأقاليمه المختلفة شاركت وحسمت معركة إستقلال السودان.
يا إخوتي في الوطن السودان غربا وشرقاً وجنوباً وشمالاً..
الشعب السوداني توحد في ظروف صعبة تحت الإستعمار البريطاني ورغم قوة المستعمر ووجود طابور خامس ولكن توحد الشعب فلم يصمد أمامهم قوة الإستعمار..
والآن أمامنا إستعمار وإستغلال منذ أن توحدنا وطردنا الإستعمار..
أولاً لا بد للشعب وخاصة شباب وشابات السودان الوحدة
ثانياً مراجعات عامة للأخطاء والإخفاقات التي أدت إلي هذه النتيجة الكارثية المؤلمة... والتي أدت إلي شبه إنهيار كامل للدولة...
ومن الأسباب التي لا يختلف عليها إثنان هم الأحزاب الفاشلة الغير وطنية حقاً والقادة الفاشلين الغير وطنيين..وإذا إختلف معي أحد بحكم إنتماءه الحزبي أو الطائفي أو الفكري أو الديني. فاليسأل نفسه هل إذاً نحمل الشعب مسؤولية فشل القادة السياسين؟
ماذا حققت وقدمت الأحزاب السياسية والقادة السياسية منذ إستغلال السودان, للسودان وللشعب السوداني؟
هل تمكنو من توحيد الشعب ووقف الحروب والقتال؟؟
ولماذ لم يجدو حلاً لقضية جنوب السودان؟؟
واحد ناطي بهناك يقول دة مؤامرة وهل أحزاب وقادة لا يستطيعون منع المؤامرة عن الوطن والمواطن قبل منع المؤامرة عن حزبهم ويستسلمون للمؤامرات والإملاءات الخارجية وبل ينفذونها بالحرف وبدون خجل تصريحات هنا وهناك مؤامرة, حتي يتحير ويندهش الأجنبي علي هذه الخدمة المجانية.. وهل يستحقون مثل هؤلاء بتمثيل الشعب السوداني أو حكم الشعب أو التحدث بإسم الشعب؟
هؤلاء باعو حلفا و أهلها وشاركو في تهجير قسري للشعب السوداني من حلفا ودفنو ثروات الشعب السوداني إلى الأبد تحت بحيرة النوبة من أجل مصلحة دولة أجنبية على حساب الشعب السوداني, وأخفقو في إتفاقية مياه النيل المشؤومة عام ١٩٥٩. واليوم يتلكعون وما زالو علي نهجهم حب الذات وكره الشعب السوداني وهذا واضح في نهجهم خدمة مصلحتهم الخاصة الشخصية والحزبية ووالفكرية الضيقة وخدمة الأجندات الأجنبية وتأيد ومساندة الأنظمة الدكتاتورية القمعية الفاشستية لقمع الشعب وقهره وإبادات جماعية ,
بدل الدخول في تفاهمات مع دول حوض النيل والتوقيع علي إتفاقية عنتبي بعد مراجعة كاملة للإتفاقية لمصلحة الشعب السوداني وشعوب منطقة دول حوض النيل..
لا بد من الإستفادة من الإخفاقات منذ ثورة التحرر من الإستعمار مروراً بثورة جنوب السودان وكارثة حلفا وثورتي أكتوبر وأبريل وإنقلاب الجبهة الإسلامية بقيادة الترابي وضباط الجبهة الإسلامية علي ثورة أبريل.. تصفية الضباط (شهداء رمضان) إعلان حرب ذات طابع ديني ضد جنوب السودان وتغيير الطابع السياسي لقضية جنوب السودان منذ فرض السفاح النميري شريعة الترابي عام ١٩٨٣.. قتل وإبادات جماعية للشعب السوداني في جنوب البلاد وجبال النوبة,إبادات جماعية في دارفور, قتل الشعب السوداني فى شرق البلاد وفي أمري وكجبار,ضحايا نظام الجبهة الإسلامية في جنوب كردفان والنيل الأزرق,ضحايا هبة سبتمبر... وتشريد الملايين, وما هي الأسباب؟
لوضع حلول علمية عملية دقيق ووضع برنامج ورؤي واضحة لإزالة كل آثار هذه الأحزاب والقادة السياسين والفكريين والعسكريين والعاملين مثقفيين تحت إمرة هؤلاء الآفات السياسية والفكرية والدينية والمثقفاتية..
الإتفاق على وضع إستراتيجيات لإسقاط وإزالة النظام والمعارضة معاً...
ومنع جميع القادة السياسين من السفر وممارسة أي عمل سياسي لعدم ثقة الشعب في هؤلاء.. إلي حين الإنتهاء من التحقيقات والمحاكمات...
إسقاط كل مؤسسات الدولة الفاسدة (جيش-شرطة-أمن-مخابرات-المؤسسة القضائية.)
ممكن واحد تاني يسأل لية مؤسسات الدولة بس نزيل النظام.. ولكن من الأفضل ذهاب هؤلاء.. لماذا؟ لم يحمي الجيش السوداني الشعب السوداني ولم يحارب سوا الشعب السوداني في الداخل ولم يخوض حرب ضد عدو خارجي,وكان بالمرصاد للشعب السوداني بفرض قادة من مؤسسة الجيش لقمع وقهر الشعب. الأمن أيضا ليس لخدمة أمن الوطن والمواطن وإنما لقهر وتعذيب المواطن وحارسة لأمن النظام وليس المواطن, الشرطة آلة من آلات قمع الشعب وقهره.. إذاً الجميع ضد الشعب ومع النظام إضافةً إلي فاقد تربوي وعلمي كبير وسط هذه المؤسسات...
ولماذا المؤسسة القضائية؟
المؤسسة القضائية غير مستقلة ومستغلة وخاضعة تحت سلطات تنفيذية.. يعني بالواضح واحد فقير مبهدل وما منتمي لأي جهة زي العبد الفقير شخصيتي الضعيفة لا ينصفني القضاء الجهة الوحيدة المناط بتحقيق العدالة والمفترض أن تكون سلطة مستقلة عن السلطات الأخري لتحقيق العدالة.. فلماذ لا يتم إسقاطهم مع بقية مؤسسات دولة الفساد؟
وإعادة بناء مؤسسات دولة قومية علي أساس الكفاءة...
وحدة الشعب والشباب السوداني لإستخدم كل السبل والطرق المتاحة لإزالة النظام والمعارضة..وبناء دولة حديثة علي أيدي الشعب والشباب السوداني وحماية ثورتهم على المديين القريب والبعيد للإستفادة من أخطاء ثوراتنا السابقة. بالإضافة إلي ما يدور داخلياً وإقليمياً ودولياً لتحقيق إستقرار سياسي إقتصادي أمني داخلي والمساهمة ولعب دور أساسي في الإستقرار الإقليمي والدولي مع إحترام الشؤون الداخلية للدول الأخري...


#889976 [ودالباشا]
5.00/5 (1 صوت)

01-19-2014 08:46 PM
صحن اللحمة السودانية الواحد لمن شما ريحتو احسن لينا من مهاترات الكمالين


#889973 [عمر العمري]
5.00/5 (1 صوت)

01-19-2014 08:41 PM
والله كمال عمر غلطان وألف غلطان ,, رجل قانون يجب أن يحترم رأي الناس في الترابي , والترابي ليس فوق النقد وهو انسان عادي يخطئ ويصيب يجب أن نترفع جميعنا عن الشتائم والسب في الراكوبة لأن هذا ليس من خلق الأسلام .. شد مال آلمني كلام الأخ مدحت عروة في حق اي شخص في الحركة الأسلامية . يا اخوتي يجب ان نحترم خيارات الآخرين العين بالعين تترك المجتمع مجموعة من المصابين بالعور اللهم اهد الجميع .


#889967 [ابن كوش]
5.00/5 (1 صوت)

01-19-2014 08:26 PM
والله يا استاذ كمال انت مدرسة فما هذا المدعو كمال عمر الا تبيعة وبوق لرجل ارتكب كل الموتقات في حق الشعب و تربيهم قائمة علي الافلاس والعنف وضيق النفس. لعنة الله علية وعلي ترابيه.


#889966 [ساب البلد]
4.50/5 (2 صوت)

01-19-2014 08:23 PM
********* يا ناس الراكوبة ****** ما ترفقوا الصور مع المواضيع حتي لا ينصرف الناس عن الموضوع الاساسي ********** هسي الناس خلت الموضوع ******** بقت تعلق علي صينية الترابي ************


******** انا اشك ان كمال عمر غواصة للموتمر الوطني ******** اتزرع في المعارضة ******* هسي فضح نفسه ******* لا فرق بين الوطني و الشعبي ******** عشان كده التجمع كسيح **********


#889963 [جحمان لحمة]
4.50/5 (4 صوت)

01-19-2014 08:16 PM
يا شيخ حسن إن شاء الله اللحمة الكتيرة تعمل ليك gout وترفع ليك ال uric acid تعملو ليك 20 عشان تحبى حبيان.
نحن موية الفول عملت لينا بهق


ردود على جحمان لحمة
European Union [عبد الحميد عبدالله] 01-20-2014 06:34 AM
ياخي تعليقك ضحكني شديد وحقيقي الزول الوحيد البكرهو في الدنيا دي هو المنعول الترابي ده ضيع شعب كامل بسبب نزواته المجنونه

European Union [الجن الكلكى] 01-20-2014 02:21 AM
وتعمل ليهو renal stone ينتهى بrenal failure عشان موية الفول زاتا ما يقدر يشربا


#889949 [الفقير الي الله]
4.00/5 (1 صوت)

01-19-2014 08:00 PM
كان بامكان هذا المرء ان ينفع السودان واهل السودان
وان يعلي من شأن بلده حين اتيحت له الفرص مرات عديده
ولكن حب النفس والسلطه والانانيه والنفاق كل هذه الاسباب
موجوده في هذه الافه النتنه التي تدعي الترابي ضيع البلاد والعباد
واحرق الحرث والنسل وسعي في خراب بلده وكذب علي شعبه اللهم العنه لعنا كبيرا
واجعله اسفل سافلين وفي الاذلّين اللهم امين


#889937 [hoy ya nas]
5.00/5 (1 صوت)

01-19-2014 07:38 PM
حديد لاقى حديد
رجعت سياسة الفتوات
سياسيو الستينات ما زالوا يفرخون امثالهم واولادهم


#889927 [أبو عكف]
3.00/5 (1 صوت)

01-19-2014 07:20 PM
يا أخوان مافي عدالة في التوزيع .. الشيخ دا براه لما يلتهم 7 صحون البقية ياكلوا شنو .. ماشاء الله عليهو لسع أتوجه للكسرة .. وبعد داك ح يقزقز بالبطاطس ..عفيت منك يا اللخو ...


ردود على أبو عكف
European Union [ما اصلو] 01-20-2014 02:36 AM
9 والله بي قدح (الشتة)


#889876 [عصام دبلوك]
5.00/5 (1 صوت)

01-19-2014 06:07 PM
ياكمال احمد عمر ولا كمال عمر عيب تهدد الراجل واذا الحكاية فوضي وتهديد فلكمال الجزولي انصاره ومريديه وقبلها اهله وين نحنا في غابه اتق الله ياخي


#889867 [ود حنيطير]
5.00/5 (3 صوت)

01-19-2014 05:56 PM
زعم الفرذدق ان سيقتل مربع---فابشر بطول سلامة يا مربع

يا كمال عمر وشيخك صاحب الماضي الجريح اركبوا اعتي ما في خيلكم والاستاذ كمال الجزولي ثروة سودانيه مثله مثبل النيل ولم يكن ملكا للحزب الشيوعي وحده ولكن ملك لكل ابناء شعبنا فكمال الجزولي منارة من منارات التنوير التي يخشاها الظلاميون اصحاب الشعارات التي لاتتسق مع الافعال.
فحينما يكتب او يتحدث كمال الجزولي تتسع مساحة الوعي وتنداح المعرفه بين الناس .كمال الجزولي المناضل الانسان كان عونا لكل من احتاجه من المناضلين الشرفاء الذين غانوا من قسوة زنازينكم سوي ايام النبوتجيه الاولي قبل1999 او النبوتجيه الثانيه التي يحرسها المرتزقه من مالي والنيجر وشاد.
فكلنا فداء لهذا المناضل الالمعي فلن تستطيعوا ان تاخذوا من راسه شسيبعرة يا معشر العلوج الزنادقه.


#889859 [كركاب]
4.50/5 (3 صوت)

01-19-2014 05:39 PM
خيراً فعل استاذ كمال الجزولى بنشره لهذا التعميم
حيث يعتبر هذا تهديد مباشر لحياته من التور الهائج كمال عمر
واى حاجه تحصل لكمال الجزولى انشاء الله كان عتر فى الشارع ساى المؤتمر الشعبى هو المسئول

بعدين وهو فاكر يمثل منو الان فى المعارضه ، انت يا اخوى تمامه عدد للزياده ليس اكثر
والحكومه دى اول ما تمشى سوف تقدمون الى المحاكم انت وشيخك الجزمه هادم امال السودانيون


#889858 [ود الصدديق]
5.00/5 (1 صوت)

01-19-2014 05:37 PM
يقاء الانقاذ افضل من تلاقي الشعبي والشيوعي


#889846 [Usher]
4.50/5 (2 صوت)

01-19-2014 05:26 PM
الترابي التراب ألما مرق من ششيشتو هذا من ضيع السودان الكافر الجبان وكمال عمر واحد من تيوس التربي النتنه


#889814 [جورنات]
0.00/5 (0 صوت)

01-19-2014 04:54 PM
هسسسسسسسسسس!خلوني نشبع خلوني!!الله.


#889805 [القرمان]
0.00/5 (0 صوت)

01-19-2014 04:47 PM
ياناس الراكوبة ماتراعو مشاعرنا لكن

صحن الشية ده مااكلنا فى خاطرنا

الصورة دى انا عارفة قديمة وجبتوها اكتر من مره وكلو مره صحن الشيه الملان ده بشتن حالى

الزول ده لو للان بياكل شية يبقى مباااااااااااااالغة

اضرب صحن الشية بس 3كيلو * 70 الف * 30 يوم بتتطلع فى الشهر بيكم


ردود على القرمان
European Union [بت الناس] 01-19-2014 08:39 PM
اكل السوسة والعافية مدسوسة


#889794 [ابومروه]
5.00/5 (1 صوت)

01-19-2014 04:28 PM
مهما كان خلافنا مع الترابي لم يحدث قط ان صدرت منه مثل هذه الالفاظ ولكن امثال كمال عمر هم من ياتون بالاساءه الي الترابي


ردود على ابومروه
European Union [العريبية] 01-20-2014 05:29 AM
ياياسر ياخوى

الspelling غلط الgrammer كييف

اجتهدت برضو عاد القرامر ده مافى فى الدكشنرى

المهم فى الآخر you got it

United States [ياسر] 01-19-2014 10:22 PM
العريبية :
barking not "parking'
and seldom not "seldum"

أرجع للدكشينري ساااي !

European Union [العريبية] 01-19-2014 08:49 PM
يعنى الترابى مابعرف للهوهو عشان يجيب له كلب يحرسو ويهرش الناس بالنبيح ياخوى

وللا فقد المنطق عشان يفك كلابو فوق الناس

على العموم ياكمال الجزولى الانجليز عندهم مثل ظريف وبعجبنى من ماكنت بتعلم الانجليزى بالدكشنرى

parking dogs seldum bite


#889779 [سعد احمد]
5.00/5 (2 صوت)

01-19-2014 04:14 PM
من زمان تلك العجوزة الشمطاء تسير الفتن
ولها من الدنياملز وطاب مجد مدثر بالخداع
علي حساب الشعب الغلبان شخصية ماكرة انتهازية
همها امتاع نفسها وفقط وتستغل البسطاء هزا الكهل
صعدعلي حساب الطلاب والجاهدين الزين ظنوا ان الحق ان تترك امتحان
الجامعة وتزهب للقتال ففقدتهم اسرهم والمجاهدين البقوا احياء الان
اين هم منهم من عرف الخدعة وانزوي ولهم راي في الحركة الاسلامية لان من
اندس حول الترابي امثال كمال عمر لم يجاهد او عرف له دور اسلامي بالجامعة
غير الخلط في الكافتريات وحتي الان لايتقن غير النقد والقشرة بالعربة الكامري
واكيد بينهري بصينية افخم من حقت شيخة--- واكيد بنفس الهمة والاندفاع
---بس للاسف لهو لاشيخه لايتقنون قضاء الحاجة وليس حوائج الامور والبيب بالاشارة
يفهم---- ولنا عودة فللحدث شجون


#889774 [تينا]
0.00/5 (0 صوت)

01-19-2014 04:08 PM
ازيك يا ((( المشتهى الكمونية ))) وحمدا لله على سلامتك اخوى ... وينك طولت الغيبة ... وياحليلك بعد ماجيت راجع لسة مشتهى الكمونية ولا شنو ... فى فترة غيابك دى ما لميت فيها ؟؟؟ هههههههههه خلاص حاول كمل ملى عينك من صينية الترابى دى باقى فيها كل المطايب الأهم من الكمونية الا الهوت دوق والبيتزا ... تحياتى ...


#889773 [عكير الدامر]
3.00/5 (2 صوت)

01-19-2014 04:06 PM
ي جماعة اسمعوا الكلام دا المعارضة اصبحت تدار من قبل اجهزة المؤتمر البطني حيث اصبحت الحياة عبارة مصالح فلماذا اعادي النظام ومصالحي ماشة


#889764 [طــــه]
5.00/5 (4 صوت)

01-19-2014 03:56 PM
غايتو منظر الشيخ الثمانيني وهو يلتهم هذه الصينية لوحده، فيه تلخيص لمدى المسافة الفاصلة ما بين الشعب الكادح وهؤلاء. صاحب الكاميرا يستحق جائزة أفضل صورة للعـام 2013


ردود على طــــه
United States [رانيا] 01-19-2014 05:40 PM
فعلا


#889762 [مدروش]
0.00/5 (0 صوت)

01-19-2014 03:51 PM
خلافاتكم دي بتصب في مصلحة النظام يا هؤلاء


#889759 [مدني الحبيبة]
5.00/5 (1 صوت)

01-19-2014 03:50 PM
حقيقة نرفض المجاملة تماما ومهادنة حزب المؤتمر الشعبي الذي اجرم في حق الشعب السوداني ، نريد معارضة نضيفة وذات مبادى حتى ولو استمر النضال عشرات السنين ، واطلب من كمال الجزولي وفاروق ابوعيس وررئيس حزب المؤتمر السوداني وساطع الحاج وبقية القوى المستنيرة عدم الدخول في اي اتفاقات تكتيكية مع كل العناصر الرجعية والمتخلفة ،


#889752 [كونان]
5.00/5 (1 صوت)

01-19-2014 03:40 PM
اتصلت على كمال عمر ونفى نفيا قاطعا أن يكون قد سمع بالندوة أو اتصل بالجزولي أو أنه يعرف تلفون الجزولي حتى يكلمه بهذه اللهجة وقال لي (أنا راجل قانوني وكمال الجزولي زميل مهنةومقاتل معي في خندق المعارضة ومستحيل أن اشتمه بهذه الكلمات وأنا لا توجد هذه الكلمات في قاموسي ... وقبل ان تنتهى المكالمة هزتني زوجتى بعنف وقالت لي ( يا زول المتمدد ليها شنو لى هسع .. الليلا الكفيل بيطردك) ههههههههههههههه


ردود على كونان
United States [ود كركوج] 01-19-2014 09:06 PM
ما تكتب اسم مستعار تطلع مين انت يا كونان الكلام صادر من كمال الجزولى ويكون 100% معتمد وحقيقى بس يمكن ما يكون بالطريقة دى...كمال عمر او كمال الجزولى كلاهما معارضة ولهم هدف مشترك هو اسقاط النطام ويجب ان ينطلقوا من ارضية مشتركة واتمنى ان يكونوا سمن على عسل.


#889747 [NjerkissNajrta]
5.00/5 (1 صوت)

01-19-2014 03:38 PM
السودان هو بلد الأرهاب
الأرهاب يوجد في جينات و وجدان معظم السودانيين


#889745 [محجوب عثمان]
5.00/5 (1 صوت)

01-19-2014 03:35 PM
أتمنى من الأخ/ كمال عمر أن يتحدث باسم المؤتمر الشعبي وليس باسم الشعب السوداني, لأن الشعب السوداني غير قاصر وقد بلغ الرشد من سنين عدده, وأتمنى ان لا تطاوع نفسك في جرح أخيك بلسانك, ولو تسببت فيه هذا الجرح فإنه سيكون جرح غائر لن يشفى منه, وليس الشديد بالصرعة, إنما الشديد الذي يملك نفسه عند الغضب, وللأسف الشديد إن السياسي في بلادي مفلس الفكر, لأنه شتم هذا وقذف هذا وأكل مال هذا وسفك دماء هذا, وأتمنى من الأخ/ كمال عمر أن يكون رده بالموضوعية والمنطق والحجج والأثبات والدليل ليفند ما ذكره الأخ/ كمال الجزولي كتابة وليس من وراء حجاب, وأن من أخلاقنا السودانية وأدبنا الرفيع أن لا نتلفظ بالقول الفاحش والبذيء, وأن يكون تعليقنا بأطايب الكلام وبأحسن الألفاظ, وأخيراً الم تعلم يا أخي أن الله يكره الفاحش البذيء واللعان والطعان, وعليك بالاعتذار لعل يكون هذا الاعتذار بمثابة شفاعة لك في الدنيا والأخرة وكما نعلم جميعاً بأن الاعتذار فطرة الأنبياء والرسال والصالحين. هذا بكل اسف حال السياسيين السودانيين اليوم الذين لم يبلغوا الرشد السياسي بعد ونتمنى من تلقاء أنفسهم أن يترجلوا جميعاً بدون استثناء, لأناس الله يحبهم ويحبونه ويحبون أهل السودان.
وتعليقي على الصورة
اللهم زد وبارك, إنها سياسية التمكين وعدم الاعتراف بالأخر وحب النفس. ويحسب السياسي الجاهل الشعب السوداني أغنياء من التعفف, تعرفهم بسيماهم لا يسألون الساسة ألحاقا.
دعاء
يا كريم اللهم يا ذا الرحمة الواسعة يا مطلع على السرائر والضمائر والهواجس والخواطر لا يعزب عنك شيء, أسألك فيضة من فيضان فضلك وقبضة من نور سلطانك وانس وفرجاً من بحر كرمك. أنت بيدك الأمر كله ومقاليد كل شيء, فهب لنا ما تقر به أعيننا وتغنيننا عن سؤال غيرك من السياسيين, فإنك واسع الكرم كثير الجود حسن الشيم فببابك واقفون ولجودك الواسع المعروف منتظرون يا كريم يا رحيم.


ردود على محجوب عثمان
United States [بربندي] 01-19-2014 05:39 PM
كلامك الجميل ده للناس البتعرف السياسة وبيحبون بلدهم وشعبهم اما تعرف ان كل سياسي بلدي منذ خمسة ثمانون من القرن الماضي هما افشل من امتهن السياسة في السودان واين السياسة وانت حاكم ومعارض وانا كفرد اهان وازل واتضور جوعاً واتحمل امراض كل الدنيا في جسدي واموت كموت الفراخ في المسالخ وانتم الساسة معارضة وحكومة همكم النهب والكرسي وانا والله قنعته من كل سياسي ولو كان بيدي لاعدمت كل سياسي وكل من استوزر وبقي في محل السلطة منذ سنة خمسة وثمانون حتي اليوم واعدمت معهم كل مواطن فاسق وحرامي ولو ماتو مليون من وجهة نظري المليون لايساون شي مع الخمسة وعشرون مليون الفضلو حتي ينعم الخمسة وعشرون في نعيم وخير وامان لك مني وللراكوبة لاتاحتها هذا المنبر الحر

United States [كاكا] 01-19-2014 05:26 PM
ما لازم واحد يتكلم باسم الشعب ولا انت عايز كل واحد يقيف في الشارع ويصيح ما صحنا في سبتمبر في الشارع وما لقينل زول يقودنا او يتحدث باسم الشعب


#889741 [مدحت عروة]
5.00/5 (1 صوت)

01-19-2014 03:32 PM
هو كمال عمر ده يا اخ كمال الجزولى لحد هسع ما عارف ان جزمة مواطن سودانى مسلم او مسيحى او حتى لادينى وملوثة بالبراز اشرف واطهر واكرم من اى زول فى الحركة الاسلاموية سودانى او عربى او عجمى ؟؟؟
كلام واضح ولا عايز ليه ترجمة؟؟؟؟
هو ناس الحركة الاسلاموية ديل قايلين البلد دى حقت امهم ولا ابوهم؟؟؟
هؤلاء الواطين ما ينفع مهاهم الا الدواس السفلة الاوغاد!!!
قول ليه ترابيك هذا جاب هذه الحكومة التى هوت بالسودان فى هاوية سحيقة كمان عايز تهدد هذا الترابى يستحق المحاكمة بتهمة الانقلاب على حكومة ديمقراطية شرعية مهما كان اداؤها او اخطاؤها فلا تغير بانقلاب وسخ واطى قذر يذل اهل السودان بالفصل من العمل والتعذيب وشنق ناس العملة الخ الخ الخ!!!!
وكمان ما يخجلوا يتكلموا ويهددوا!!!!
قول ليهم قوموا كده جاكم بلا يخمكم كلكم اسلامويين قذرين حاكمين ومعارضين والله لا علاقة لكم بالسلام لا من بعيد ولا من قريب!!!!!!
حاجة تفور الدم ويبدوا ان امثال هؤلاء ما ينفع معاهم الا الكلاش!!!!!


#889735 [عبيد الله]
0.00/5 (0 صوت)

01-19-2014 03:22 PM
بالهناء ياشيخنا الجليل بس كان تعزم زول يونسك ساكت نحنا ماحاسدين لكن بقرانيين .


#889726 [mansour]
0.00/5 (0 صوت)

01-19-2014 03:13 PM
وجبه خاليه من الكليسترول


ردود على mansour
European Union [واحده من معشر الحريم] 01-19-2014 09:00 PM
كلسترول شنو الخاليه منو

ده الكلسترول يوجد بنسب عالية جدا فى اللحوم الحمراء بعكس البيضاء

والبروتين النباتى زى الفول والعدس اكثر صحة لانه خالى تماما من الكلسترول

وشيخنا عارف الحقيقة دى وياما الدكاتره حذرو منها

لكن نقول شنو لطفاسة النفس وضعف الاراده


#889724 [الخمجان]
0.00/5 (0 صوت)

01-19-2014 03:08 PM
وانت يا الجزولى يا شجاع يا بتاع الاشباح والتعذيب نشرت الكلام دة فى الاعلام عشان خايف من الموت دى مجرد مهاترة بين خصمين لا تصلح للنشر ولكنك واضح جدا انك خايف من الموت عشان كدة عملت ساتر


#889716 ['طائر الفينيق]
0.00/5 (0 صوت)

01-19-2014 03:04 PM
حل الحزب الشيوعي عام 65 وفي ظل نظام ديمقراطي, كان أمرا خاطئا دستوريا وقانونيا وكانت بواعثه سياسوية محضة.. انجرت فيها للأسف الأحزاب الكبيرة خلف مؤامرات "الأخوان المسلمين" والاسلام السياسي:

1. مناقشة قضية حل الحزب الشيوعي مشروعة ويجب أن تكون مفتوحة على الدوام- ولكن بعيداً عن التهاتر والكيد السياسي- وانما من أجل تنظيف الطريق أمام نمو الديمقراطية في السودان في الفترة القادمة بعد ازالة هذا الكابوس أو تفكيكه سلمياً عبر الكوديسا السودانية.

2. من المؤسف أن حزبي الأمة والاتحادي انجرا خلف مؤامرات قادة الاسلام السياسي واخوان السودان .. في قضية شخصية ضعيفة الحيثيات اذ لا يمكنك أن تدين حزب سياسي على جرم عضو فيه-ف ان وجد- علما بأن الحزب أدان تصرفات (شوقي محمد على) وقال أنه ليس عضوا معهم ... وفي كل الأحوال لا يمكن أن تكون عقوبة ذلك طرد نواب منتخبين من الشعب من قبل أعضاء مثلهم في البرلمان منتخبين بذات الطريقة.

3. المشكلة أن الحزب الشيوعي ارتكب جريرة أكبر من الحل نفسه عندما شارك أو دعم انقلاب مايو 69 .. فاذا كان الحل غير دستوري فالانقلاب شطب الدستور كله والغى جميع الأحزاب .. واذا كان الشيوعيون ووجهوا بعنف سياسي ولفظي فان الانقلاب قتل آلاف الأنصار في الجزيرة أبا ودفن معظمهم أحياء في جريمة حرب كبيرة !!!

4. الترابي أصدر كتيبا أسماه (أضواء على المشكلة الدستورية) ورد عليه محمود محمد طه بكتيب أيضا.. وقد كان رد الأستاذ محمود -مع أنه غير متخصص في القانون والدستور- مفحما وعرى فيه آراء الترابي وكشف تهافت حججه مما أدي الى كراهية الترابي لزعيم الجمهوريين ومن المؤكد أنه لعب دورا ما في اعدامه أو أنه فرح على الأقل للتخلص من خصم فكري وسياسي شرس مثل الأستاذ محمود طه... من الضروري الآن اعادة طباعة الكتابين !!!

5. من المفارقات أيضا أن بابكر عوض الله رئيس القضاء الذي استقال بسبب حل الحزب الشيوعي باعتباره غير دستوري, عاد وعمل رئيسا للوزراء في حكومة الانقلاب على الديمقراطية بقيادة العسكري نميري الذي شطب الدستوره كله؟؟؟؟


ردود على 'طائر الفينيق
United States [ابو احمد] 01-19-2014 08:36 PM
للأسف أن هذه الحقائق يجهلها معظم جيل اليوم ويتجاهلها البعض.
أن حزبى الامة والاتحادى الديمقراطى كانا أقوى الحزبين فى الساحة ولو تكاتفا وابتعدا عن المهاترات التاريخية ولم يسمحا للاحزاب الصغيرة الاخرى وقتها لأستقر السودان ونجح سياسيا ولزادت قوة الحزبين ولكن للأسف الشديد أختلف هذان الحزبان وأنشغلا بتدمير بعضهما البعض فأستغل الصغار الفرصة فأستولا على السلطة بالقوة مرتين وكانت نتيجة حكم الصغار هو الدمار الذى نعيشه الان ولا نعلم نهايته.


#889714 [شمسون الجبار]
5.00/5 (1 صوت)

01-19-2014 03:00 PM
الله ينتقم منك ياالترابى والله جوعتنا بى صينيتك دى ونحنا حق الفطور ماعندنا


ردود على شمسون الجبار
United States [رانيا] 01-19-2014 05:39 PM
الله يرزقنا جميعا يا أخي


#889710 [طائر الهوى]
5.00/5 (1 صوت)

01-19-2014 02:53 PM
العسكرين والمحامين عليهم الابتعاد عن السياسه نهائياُ فقد ثبت فشلهم .
العسكر للثكنات والمحامين للقاعات خربتوا السودان الله لا يسامحكم .


#889688 [عجيبة]
0.00/5 (0 صوت)

01-19-2014 02:26 PM
با الله دهفى حاته الامين السياسى للحزب ..... عجيييييييييييييييييييييييييييييبة


#889685 [مواطن تاني]
5.00/5 (4 صوت)

01-19-2014 02:21 PM
كتب مواطن تعليقا على هذه الصينية في وقت سابق


عليكم الله هسة دى وجبة ولأ عزومة !
دى وجبة زول فى التسعين ؟!
ليه يا حاج انت سادومبا ...!
الناس الفى سنك الموية ماقادرين يشربوها..!
وكمان مشمر..!!!!!!!!!!!؟

جدى اصغر منك بقى ذى تلفزيون زمان
نطلعو العصر وندخلو الساعة 11.
اللحمة فى طشت عديل ! اللة لا يوفقك !
ونفسك مفتوحة كيف ودم الالاف فى رقبتك
صحن شطة !..والله يا شيخنا انت معجزة..!
انانى حتى فى الأكل ما داير زول يزاحمك !
جرجير دا؟ احسب أنه خص !

اول مرة اعرف انو التسعين عمر الزهور عمر الهنأ !
جمعت الويكة والشبس فى صينية واحدة !..طول عمرك مبدع يا الشيخ !
ايهما الذ يا شيخنا الجليل السلطة بالانقلاب ام السلطة بالطماطم والجرجير؟
ام الاثنين معآ ؟
مانكون ازعجناك واصل يا الشيخ محل ما يسرى.....


ردود على مواطن تاني
United States [محمد احمد] 01-20-2014 01:30 AM
اجمل تعليق، ضحكتني شديد.

European Union [العريبية] 01-19-2014 09:17 PM
وانتو لسه ماشفتو التحلية والمشروبات الساخنة والبارده والفواكة عقب الغداء

والله قالو ليك الترامس بتاعة القهوة والشاى بس فى صالون الترابى عجبة

الترامس قالو فى قصور الامراء بتاعين الخليج مافى زيهن

وانا مره شفت بى عينى والكهربا قطعت وقعدن يبرقن برق فى الضلمة قلت دى عينى لكن الكهربا مارجعت برق قبل ما اهبر وقول ليهم كلبكم وينو

United States [نوارة] 01-19-2014 06:24 PM
ههههههه ههههههه موتني بالضحك الله بجازي محنك

United States [موسى محمد] 01-19-2014 03:14 PM
يا راجل قول ما شاء الله وما تسحر الشيخ.


#889667 [الدرويش]
5.00/5 (1 صوت)

01-19-2014 02:00 PM
دد تهاتر السفيه مع خايب الرجا


#889660 [المشتهي الكمونية]
4.00/5 (11 صوت)

01-19-2014 01:53 PM
يا ناس الراكوبة صورة صينية الترابي دي حمتنا متابعة المقال ، الواحد كلما يقرأ ليه سطر يمشي يعاين للصينية ويجي راجع ، أصلوا نحنا محرومين من الحاجات الزي دي عشان كدة منظرها بيحمينا القراية


ردود على المشتهي الكمونية
European Union [المشتهي الكمونية] 01-20-2014 07:22 AM
يا فتمان صينية الترابي ما مستفزانا بس ، دي مسيلة لعابنا عديل

European Union [fitman] 01-19-2014 11:20 PM
انتو ناس جعانين بس مالكم ومال السياسه همكم في بطنكم عشان كده الزي الترابي لاعب بيكم كورة شراب والدليل صينتو المستفزه 45

United States [سامية] 01-19-2014 09:57 PM
صدقت يا المشتهى الكمونية صينية الترابى تشهى الأكل، ديل ناس الأبراج العاجية موائدهم عامرة بما لذ و طاب و كل من حق الغلابة و الا قولو لى الترابى شغال شنو عشان تكونوا صينيتو عامرة بالشكل دا و الصادق و الميرغنى كلهم عواطلية و عايشين من حق الشعب.

United States [رانيا] 01-19-2014 05:37 PM
تصدق مع العلم إنهم بيجيبوا الصورة دي دائما لكن أنا برضه ريقي بيجرى على صحن الكسرة .. اعصابي بتبوظ هههه وللأسف أنا ما بعرف أعملها وبنشتريها من محل لكن بتكون ( سيئة ) ما ظابطة ..


#889654 [زول مكتوي بنار الكيزان]
5.00/5 (2 صوت)

01-19-2014 01:47 PM
كلو فالسو/وشايتين وين ما معروف


#889652 [محمد عبد الرحمن محمد]
5.00/5 (1 صوت)

01-19-2014 01:44 PM
من هو كمال عمر ومن هو الترابي اهو الانسان الذي اوصل السودان الي هذا الدرك الادني بين الشعوب وهجر جميع الكفأءات من البلد وهو من جعل بالسودان طبقتين طبقه فوق السماء واخري تصارع الموت من اجل وجبة واحدة في اليوم والله الواحد بقي يختشي لمن تجي سيرة الترابي ؟؟؟؟؟؟؟؟؟ اسأل من تدافع عنه هل فكر في الحج مرة


#889649 [سيف الله عمر فرح]
5.00/5 (1 صوت)

01-19-2014 01:43 PM
(( الترابي إنت ما بتساوي جزمته، وعلى أي حال طالما المسألة بقت كدا، وما عايز توقف البتعمل فيهو دا، شد حيلك وأرجى الراجيك واتحمل المسئولية )).

سبحان الله ، الانسان الذى كرمه الله ، وخلقه فى أحسن تقويم ، لا يساوى فى نظر الأستاذ كمال عمر جزمة الترابى ! .. بالله تأملوا القدسية والهالة التى صنعها تلاميذ الشيخ الترابى لشيخهم الكذوب ! .
يا أستاذ كمال عمر ، لو فى نظرك أستاذ كمال الجزولى الذى يحترمه ملايين السودانيين لشجاعته ومواقفه النبيلة ، وعلمه الغزير ، لا يساوى جزمة حسن الترابى ! ، كيف تقيم نفسك أنت مقارنة مع الترابى ؟ ، هل معنى هذا أنك لا تساوى طاقية أو عمة الترابى ؟ ..
بالغت يا أستاذ كمال عمر ، أنا كنت فاكرك أكبر من هذه التفاهات ، مهما غضبت وحردت ، وأنت خير العارفين أن القوى هو من تمالك عن نفسه عند الغضب .

أظن الكيزان كبيرهم وصغيرهم ، مثقفيهم وغوغائهم محتاجين إعادة تأهيل وتربية فى قيم ديننا الحنيف .


#889634 [محجوب هجا]
5.00/5 (1 صوت)

01-19-2014 01:27 PM
لم تكن شيئا مذكورا ! يا سلام عليك يا استاذ ! بلدا غاب منها التمساح يقدل و يتضرع فيها كمال عمر ! الذي لم و لن يكن شيئا قبل وبعد و غير الشعبي الذي هو اصلا لاشئ غير ود أبزهانه !


#889632 [حمد ابوادريس]
5.00/5 (3 صوت)

01-19-2014 01:24 PM
معليش استاذ كمال الجزولي ... إنت اصلك غلطان لمن تجيب سيرة الترابي في دار الحزب الشيوعي بتكون وسخت دار الحزب.
أرجوك لما تكون في الحمام ممكن تتكلم عن الترابي و حزب الترابي و على فكرة الترابي ما عنده دزمة فهو في حال تمرغ مستمر


#889626 [حسن سليمان]
5.00/5 (4 صوت)

01-19-2014 01:20 PM
قمة التمكين للاخوان المسلمين ... يعني ما ممكن عايزين تسيطروا على الحكومة والمعارضة يا اخوان الشياطين ... ده شعب شنو ده الما عايز يفهم بأن جميع الاسلاميين مرتزقة باسم الله ورسوله قراد عايزين يعيشوا ويركبوا الفارهات ويسكنوا القصور ويمتصون دم الشعب السوداني دون وجه حق بي الله قال والرسول قال ليشعلوا معارك دون معترك وكأن هناك من يغالطهم في مقال الله ورسوله


#889565 [بكري الصائغ]
4.82/5 (6 صوت)

01-19-2014 12:25 PM
الأستاذ كمال الجزولي ثروة قومية، مكتبة نادرة متحركة، شاعر لايقل شأنآ عن شعراء الأدب العربي القدامي امثال البحتري والمتنبي وعمرو بن كلثوم ولو كان مولودآ في زمانهم لكان اشعرهم، واديب بمعني الكلمة، وصحفي لايكتب الا في الشئ المهم، وكاتب عنده اسلوب يجبر الكل علي احترام مايكتب، وسياسي ملتزم وفي التزامه لايخاف.. ولا يحابي.. ولا يميل.. ولا يخنع.. ولايجامل..ولايداهن، وقانوني ضليع في مجال مهنته، متواضع للغاية........ارشحه بشدة لان يكون رئيسآ للجمهورية عام 2015، اللهم اسألك ان تحقق أمنيتي انك سميع مجيب.


ردود على بكري الصائغ
United States [بكري الصائغ] 01-20-2014 01:39 AM
أخوي الحبوب،
مرتاد عكاظ
تحية طيبة،
شكرآ علي هديتك القيمة وبيت شعر المتنبي، واهديك بدوري شئ من شعر الاستاذ كمال الجزولي:

تَرْنِيمَةٌ لِلذَّاهِبِينْ!……….
هَا هُوَ النِّيلُ القَدِيمُ يَسرِي،
ــــــــــــــــــــــــــــــــــــــــ الآنَ،
ـــــــــــــــــــــــــــــــــــــــــــــــــــــــ مِنْ
ــــــــــــــــــــــــــــــــــــــــــــــــــــــــــــــ خَلْفِ
ـــــــــــــــــــــــــــــــــــــــــــــــــ الأَضَالِعِ،
ــــــــــــــــــــــــــــــ ـــــــ واهِنَا،
هَا هُوَ النِّيلُ القَدِيمُ اليَسْتَجيشُ،
ــــــــــــــــــــــــــــــ كَانَ،
ــــــــــــــــــــــــــــــ نُضْرَةً،
ــــــــــــــــــــــــــــــ عَلَى ضِفَافِ القَلْبِ،
ــــــــــــــــــــــــــــــ دَانِياً ومُمْكِنا،
هَا هُوَ ذَا يَفِيضُ، الآنَ، بِالوَهْمِ
ــــــــــــــــــــــــــــــــــــــــ الفَصِيْحِ،
ـــــــــــــــــــــــــــــــــــــــــــــــــــــــ قَبْضِ
ـــــــــــــــــــــــــــــــــــــــــــــــــــــــ الرِّيحِ،
ــــــــــــــــــــــــــــــــــــــــ والسَّرَابْ،
يَغْمُرُ جِذْعَهُ الشَّبَحِيَّ تَحْتَ ..
ـــــــــــــــــــــــــــ الوَهجِ الحَارِق،
ـــــــــــــــــــــــــــ والسَّمكِ النَّافِق،
ـــــــــــــــــــــــــــ والدِّيدَانِ،
ـــــــــــــــــــــــــــ والتَّمَاسِيحِ الكسَالَى،
وفِي الزَّوَارِق الحُطاَمِ،
ـــــــــــــــــــــــــــ والكُهُوفِ الكَابِيَاتِ،
ـــــــــــــــــــــــــــ طِوَالَ النَّهَارِ،
ثُمَّ يَعُودُ،
ـــــــــــــــــــــــــــ فِي المَسَاءِ،
يَنْفُثُ الدُّخَانَ،
ــــــــــــــــــــــــــــــــــــ والقِطْعَانَ،
ــــــــــــــــــــــــــــــــــــــــــــــــــــ والزَّبَدَ
ــــــــــــــــــــــــــــــــــــــــــــــــــــ النَّدِيْفَ،
ــــــــــــــــــــــــــــــــــــ والعُبَابْ،
فَيَا أيُّهَا الذَّاهِبُونَ،
ــــــــــــــــــــــــــــ خَبَباً،
ــــــــــــــــــــــــــــ فِي ..
ــــــــــــــــــــــــــــ طَريق الذِّهَابْ،
أيُّهَا المُوغِلُونَ فِي ..
ــــــــــــــــــــــــــــ الرَّحِيلِ
ـــــــــــــــــــــــــــــــــــــــــ المُرِّ ..
ــــــــــــــــــــــــــــ والغَيَابْ،
لَرُبَّمَا لَمْ تعُدْ ..
ــــــــــــــــــــــــــــ فِي دِنَانِ صَبْرِكُمْ
ــــــــــــــــــــــــــــ قَطْرَةٌ،
لَرُبَّمَا لَمْ يَعُدْ ثَمَّةَ مَا يُغْوِي فِي ..
ــــــــــــــــــــــــــــ سِلالِنَا العِجَافِ
ــــــــــــــــــــــــــــ بِالإِيَابْ،
لَكِنَّنَا
ــــــــــــــــــــــــــــ نُقْسِمُ
ـــــــــــــــــــــــــــــــــــــــــ أبِاللهِ
ــــــــــــــــــــــــــــــــــــــــــــــــــــ العَظِيْمِ،
“نَلْحَسُ سِنَّةَ القَلَمِ،
نَلْعَقُ ذَرَّةَ
ـــــــــــــــــــــــــــــــــــــــــ التُّرَابْ”،
سَوْفَ تَبْقَى فُصُودُكُمْ مَنْقُوشَةً،
ــــــــــــــــــــــــــــــــــ أَبَدَ الدَّهْرِ،
ـــــــــــــــــــــــــــــــــــــــــــــــــ عَلَى
ـــــــــــــــــــــــــــــــــــــ جِبَاهِنَا،
وأَهَازِيجُكُمْ نَدِيَّةً،
ــــــــــــــــــــــــــــــــــ عَلَى الدَّوَامِ،
ـــــــــــــــــــــــــــــــــــــــــــــــــ فِي
ـــــــــــــــــــــــــــــــــــــ شِفَاهِنَا،
فَذَرُونَا ومَا حَفَرَتْ أَيَادِينا،
ذَرُونَا ومَا حَفَرَتْ أَيَادِينا،
ذَرُونَا ومَا حَفَرَتْ ..
ـــــــــــــــــــــــــــــــــــــــــــــــــ ذَرُونَا،
واعْذُرُونَا،
واذْكُرُونَا،
(مِثْلَ ذِكْرَانَا لَكُمْ)،
مِثْلَ ذِكْرَانَا لَكُمْ .. يَا أَيُّهَا الأَحْبَابْ!

United States [بكري الصائغ] 01-20-2014 01:34 AM
أخوي الحبوب،
عماد خضر،
تحية طيبة،
امرؤ القيس..طرفة بن العبد..الحارث بن حلزة..عنترة بن شداد..
عمرو بن كلثوم..زهير بن أبي سلمى..لبيد بن ربيعة..النابغة الذبياني.. الأعشى..أحيحة بن الجلاح ..الأسعر الجعفي..الأسود بن يعفر النهشلي..
القارظ العنزي ..الأفوه الأودي..أوس بن حجر..بشر بن أبي خازم..بلعاء بن قيس الكناني..حاتم الطائي..حاجز بن عوف الأزدي..الجميح الأسدي ..الحارث بن ظالم المري..حسان بن ثابت..الخرنق بنت بدر..الحصين بن حمام الفزاري..ذو الإصبع العدواني..زبان بن سيار الفزاري..زهير بن جناب الكلبي..سلامة بن جندل..صفية بنت ثعلبة الشيبانية..صيفي بن الأسلَت..السموأل..الطفيل الغنوي..عبد الله بن العجلان النهدي..عبيد بن الأبرص..عدي بن زيد..علقمة الفحل..عمرو بن الأخرز بن الأخضر.. عمرو بن قميئة..الفند الزماني..قيس بن الحدادية..كليب بن ربيعة..لقيط بن زرارة..عمرو بن مالك بن القرار العنزي..المتلمس الضبعي..المثقب العبدي..المرقش الأكبر..المسيب بن علس..مغلس بن لقيط..المهلهل بن ربيعة..هدبة بن الخشرم..هند بنت عتبة.

United States [بكري الصائغ] 01-20-2014 01:18 AM
ابو منفاخ،
مساءك نور، هل هناك مايمنع وان احلم برئيس جمهورية مثل الاستاذ الشاعر المحامي كمال الجزولي?!!...
ياأخوي الحبيب، حتي الحلم عاوزين تحرموه مني?!!

United States [مرتاد عكاظ] 01-19-2014 10:59 PM
واسعة أوي ... إنت أكيد يا شيخ بكري ما قرأت للمتنبي ولا للبحتري يا حبيبي اسمع المتنبي (طوى الجزيرة جاني خبر فزعت فيه بآمالي الى الكذب .. ... شرقت بالدمع حتى كاد يشرق بي) هسع كمال الجزول ده كان سألتوا معناه ساكت ما بيعرفوا ليك تقول أشعر منو؟؟ يا حبيبي ما تنفخوا ساكت

European Union [عماد خضر] 01-19-2014 02:08 PM
شاعر لايقل شأنآ عن شعراء الأدب العربي القدامي امثال البحتري والمتنبي وعمرو بن كلثوم ولو كان مولودآ في زمانهم لكان اشعرهم ! ! ! ! ! !وتااااااانى .

United States [ابو منفاخ] 01-19-2014 01:43 PM
رئيس حته واحدة... زول ما رضى واحد يتكلم معاه وهو في وضو الجربان الهسع...دايرو بعدين بعد يبقا رئيس يسمع كلام زول ولا شعب؟؟؟!!!


#889556 [عبد الباقى حمد]
5.00/5 (2 صوت)

01-19-2014 12:21 PM
من زمان والتاريخ اهو بثبت كل يوم ان لا ثقة فى الاسلاميين وان تدثروا بثياب الملائكة ..

وليس بغريب ان يأتى من كمال عمر مثل هذا التهديد وهو مازال صبيا للترابى وما درى ان كمال الجزولى .. هو صاحب فكر .. وحقيقة وصاحب الفكر والمبدأ لا يهدده الموت لأن ما اقتنع به هو المحفز والداعم للحياةعزيزاً او الموت بشرف...

وحقيقة انا كان عندى رأى الشخصى فى انضمام المؤتمر الشعبى لتحالف المعارضه ..لأن من كان سبب فى وأد الديمقراطية لايمكن ان حامى لها فى يوم كان ...

فالشعبى والوطنى وربايبهم من الاسلاميين لايمكن ان يكونوا محل ثقة .... والحمدلله الشعب المصرى اعطانا نمذج حقيقى لفضح تجربة الاسلاميين ... وهم سيان اينما كانوا ...

اخيراً فاليسر كمال الجزولى رافع الرأس لايخوفه تهديدات تلك البراميل الفارغه.


#889544 [موسى الضو]
5.00/5 (2 صوت)

01-19-2014 12:12 PM
وانت يا كمال الجزولي لسه واقف في محطة (الترابي حل الجزب الشيوعي)... ياخ القطر غادر المحطة دي من 60 سنة وانت لسه مالقيت ليك موضوع غيرها


#889534 [mmmmm]
5.00/5 (2 صوت)

01-19-2014 12:04 PM
الله ينتقم منك ياالترابى والله جوعتنا بى صينيتك دى ونحنا حق الفطور ماعندنا


ردود على mmmmm
United States [سم زعاف] 01-19-2014 12:44 PM
بس الشيخ دا ما عارف مبادئ التغذية بعد أن بلغ من العمر عتيا وما زال يتحنطر ويلهط بالخبز الأبيض بدلا عن الأسمر.


#889525 [سوداني]
5.00/5 (4 صوت)

01-19-2014 12:00 PM
لماذا لا تبادر يا ود الجزولي بالغداء بهما قبل ان يتعشيا بك إذا انت متأكد بأن قتلهما ليس حرام بمبدأ انهما مفسدين في الأرض اضع لهما خطة وخلص البلد منهما وخاصة كمال عمر لأنه بيدافع عن الترابي أكثر من الترابي نفسه


#889501 [MAHMOUDJADEED]
5.00/5 (2 صوت)

01-19-2014 11:39 AM
كمال عمر ده شكلو داير كف محترم من بكري . هههههههههه .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة