الأخبار
أخبار إقليمية
البشير الكضاب يعد العرب بإزالة معوقات الاستثمار الزراعي
البشير الكضاب يعد العرب بإزالة معوقات الاستثمار الزراعي
البشير الكضاب يعد العرب بإزالة معوقات الاستثمار الزراعي


01-21-2014 08:02 AM

الخرطوم – طلب الرئيس السوداني عمر البشير من الدول العربية تكملة البنى التحتية من كهرباء وسكك حديدية وطرق وموانئ في بلاده والدخول في شراكات استراتيجية معها لتأمين الغذاء العربي.

وأقر بوجود معوقات للاستثمار تعكف الدولة على إزالتها. ووصف البشير لدى مخاطبته الجلسة الافتتاحية للاجتماع الاستثنائي للمجلس الاقتصادي والاجتماعي للجامعة العربية بالخرطوم الزراعة بأنها (الذهب) الحقيقي، والمورد الذي لا ينضب، والوسيلة الأسرع للتنمية. ويأتي انعقاد الملتقى تلبية لمبادرة الرئيس البشير لتحقيق الأمن الغذائي العربي التي طرحها في قمة الرياض العربية التنموية الاقتصادية والاجتماعية.

وأشار البشير إلى أن السودان يوفر البيئة للاستثمار بالسعي المستمر لإزالة المعوقات، وقال: (نقر بمعوقات تشريعية وإدارية وهيكلية تعوق الاستثمار في بلادنا)، وتابع: (عكفنا على معالجتها وأزلنا الكثير منها ونسعى لإزالة ما تبقى).

وأكد الرئيس أن الدعم العربي أسهم في إكمال العديد من المشروعات التي تهدف إلى تحقيق الأمن الغذائي العربي في السودان، خاصة تلك المرتبطة بالبنيات التحتية مثل: (مشروعات سد مروي، وتعلية خزان الرصيرص، وسدي أعالي نهر عطبرة وستيت)، وهي مشاريع تسهم في زيادة المساحات المروية، والتوليد الكهربائي.

وأضاف أن بلاده ووفقاً لدراسة أعدتها شركة (لامير) الألمانية، بحاجة إلى مزيد من الدعم العربي، لتكملة البنيات التحتية من كهرباء وسكك حديدية، وطرق وموانئ، مما هو ضروري للتوسع في المساحات الزراعية والحيوانية.

واعتبر الأمن الغذائي في الدول العربية، تحدياً حقيقياً وكبيراً، يواجهه العرب حالياً ومستقبلاً، ما يتطلب معالجات شاملة وناجعة. ونوَّه إلى أن أقطار الوطن العربي أكبر مستورد للحبوب في العالم، وتستورد ثلثي حاجتها من السكر، ومعظمها من اللحوم واللبن، وجميعها من الشاي، وقسماً كبيراً من حاجاته من البذور الزيتية والزيوت والفواكه والخضار، في ظل تزايد سكاني ملحوظ في المنطقة العربية.

وقال البشير إن أمام الدول العربية فرص للتضامن والتكامل الاقتصادي، وتكثيف الجهد في مجال الإنتاج الزراعي والحيواني لتوفير الغذاء، بالاستثمار في الأراضي الواسعة، بعملٍ عربي مشترك وفعّال وبنظرة استراتيجية.

وطالب الدول العربية بتخصيص رأسمال من عائدات النفط للاستثمار الزراعي، والعمل على تحسين وإصلاح الزراعة وتطويرها قومياً، والتعاون في توفير وصناعة الآليات والوسائل، والأدوات التي تساعد في الخدمات الزراعية.

وأشار إلى أن السودان يبقى منطقة وفرة غذائية ومصدراً لإنتاج غذائي غزير حال أقبل إليه المستثمرون بأموالهم في شتى المجالات، زارعة وصناعات غذائية، وخدمات زراعية، ومنتوجات حيوانية. وجدَّد البشير التزام السودان بقبول أي مبادرات عربية تعود بالفائدة والمصلحة للكافة، وإتاحة الفرص أمام الشباب العربي لينعم بخيرات وثروات السودان الواعدة، وأكد تلقي بلاده لمبادرات قيمة من مؤسسات عربية عديدة.


تعليقات 15 | إهداء 0 | زيارات 2660

التعليقات
#891777 [ودحوش بانقا قد دناء عذابه]
5.00/5 (2 صوت)

01-21-2014 05:17 PM
انتو ابوجاعورة ده لمن اخدو ليه الصورة دى كان مزنوق "خراء" وداير يمشى يقطع الجمار ولاشنو؟
السؤال موجه لاسحق فضل والكارورى خبراء القاذورات ومايخرج من السبلين


#891756 [ابو شهاب]
4.50/5 (2 صوت)

01-21-2014 04:59 PM
ماتخلوا يكذب وحسب فتوى العلماء ان الكذب فى مصلحه البلد تعتبر كذبه بيضاء لاغبار عليها والرئيس ماحصل كذب على المواطنيين والبقوله صاح 100% ويوعد ولا يخلف بس حسب امكانيه البلد وفى كله مره وعبر اى خطاب القاه للجماهير يوفى بوعده خاصه فى التنميه والبنيه التحتيه البحر من جنوبه الى شماله اتملىء كبارى وعليكم الله فى واحد قريب ده شاف ليهو مركب فى البحر شايله ناس وحتى البنطون بقى دقه قديمه

خليكم صاديقين مع انفسكم يفتح الله عليكم ابواب السماوات والارض واذكروا الموت

وزمان كان حبوباتنا بيقولوا لينا الكذب حرام والقبر قدام

وقالوا كان ما مرقك الصدق الكذب ما بمرقك طبعا دى بقت بالعكس لو ما كذبته حتروح فيها

وخلوا العالم فى حاله يكذبوا يصدقوا الله موجود


#891710 [ابو العلاء الجديد]
5.00/5 (3 صوت)

01-21-2014 04:01 PM
لا خير في البشير فالرجل فاسد حتي النخاع


#891695 [ابوبشير]
5.00/5 (3 صوت)

01-21-2014 03:42 PM
وطالب الدول العربية بتخصيص رأسمال من عائدات النفط للاستثمار الزراعي، والعمل على تحسين وإصلاح الزراعة وتطويرها قومياً، الكلام قوله لنفسك


#891610 [تينا]
2.00/5 (2 صوت)

01-21-2014 02:12 PM
الصحن البيسارو شكله عنب ... لكن البيمينه يا ربى فيهو شنو ... بشبه اللقيمات ... لكن معقول يكون لقيمات ؟؟؟ مستحيييييل ... ياربى دا شنو ياربى دا شنو ياربى ... اعمل حسابك يا ريس اليومين ديل شايفين صحتك بقت ما تمام ... حاول سيب المطايب وركز على الفواكه من عنب وخلافه ...


#891603 [radona]
5.00/5 (3 صوت)

01-21-2014 02:03 PM
ما كضاب ولاحاجة
ما عندك شركة عارف مثلااستثمرت في سودانير وطلعت كسبانه ورابحة
في السودان تستطيع ان تفتح استثمارك بنفسك وتنجحه وبيدك ان تغلقه وتخسر
وعلى المستثمرين ان يتجهوا للسودان للاستثمار فورا
سيجدون الكثير من المسئولين في انتظارهم لتسهيل استثماراتهم او مشركتهم لو شاءوا
السودان يمتلك طاقم اداري حكومي من نوع متقدم جدا في تقديم التسهيلات الممكنة وغير الممكنة
وعلى المستثمرين عد الاعتماد على تقرير منظمة الشفافية العالمية التي تصدره كل عام وتبند السودان من افشل الدول وتعاني من فساد اداري فهذه المنظمة يهودية تعادي السودان ويمدها بالمعلومات طابور خامس اعداء للدين والوطن ومندسين
على جميع المستثمرين جلب دولاراتهم الى السودان للربح والمستقبل الباهر
السودان حيث النظام المصرفي المتقدم النزيه
السودان حيث الشفافية والحرية والسلام والامن والاطمئنان
السودان حيث الشفافية وانعدام الفساد تماما
السودان حيث السلام يعم ربوعه والتماسك الاجتماعي وحسن ادارة التنوع الثقافي والعرقي
السودان حيث سودانير في خدمتكم وشبكة السكة الحديد وخطوط البحرية السودانية تخدمكم
السودان حيث البريد يخدمكم ويرسل رسائلكم لكل انحاء الدنيا
السودان حيث تجد علامة الصلاة والصلاح في وجوه المسئولين ومدراء مكاتبهم
السودان حيث الخدمة المدنية الاسلامية وتجد الموظفين يصلون الظهر ويجتمعون حول حلقة التلاوة
السودان حيث لايترك موظف طاولته ويفطر بسندوتش ولا يقول ابدا تعال بكرة
السودان حيث الرشوة تعد جريمة لمن يرتكبها منتهى العفاف والنزاهة
السودان حيث توقف سيارتك ولا احد يسرق مراياتها او علاماتها ولا يوجد شماسة
السودان حيث الطرق النظيفة والانارة ولا تكاد تشتم رائحة عفن المجاري
السودان حيث لا يتبطل الناس عند ستات الشاي وليس هنالك عطالة
السودان حيث تجد كل ناس في سعادة من رخص الاسعار وفرط الرفاهية ورغد العيش
السودان حيث تجد الوجوه مبتسمة منذ الصباح حتى المساء لا يكدرهم غلاء ولا ندرة
السودان حيث تنساب حركة المرور ولا يقوم المرور بكشات في الصينيات والاماكن المزدحمة
هيا علينا جاي جيبوا دولاراتكم وتعالوا ساكت وماتسمعوا كلام عزول


#891584 [كمال الشناوي]
5.00/5 (1 صوت)

01-21-2014 01:42 PM
انا أحزر الدول المستثمرة ان لاتسمع كلام عمر بشير ولله الذول الكضاب حايورطكم تاني تفكروا في الطريقة عشان تخارجو ما تلقوها والله اعملو حسابكم


#891551 [سام]
5.00/5 (2 صوت)

01-21-2014 12:58 PM
انت حرامي يا بشبش وقد اتهمك علي الحاج بنهب اربعة بليون دولار بعد المفاصلة وطلب منك الصحفي محمد طه ان تبرئ زمتك ولكنك عملت اضان الحامل طرشة،حرامي فاسد،فاسد حرامي..منو بستثمر في وكر لصوص


#891548 [بعشوم]
0.00/5 (0 صوت)

01-21-2014 12:55 PM
والهبل مصدقين طبعاً !!


#891520 [مبروك]
4.00/5 (1 صوت)

01-21-2014 12:36 PM
ووصف البشير لدى مخاطبته الجلسة الافتتاحية للاجتماع الاستثنائي للمجلس الاقتصادي والاجتماعي للجامعة العربية بالخرطوم الزراعة بأنها (الذهب) الحقيقي، والمورد الذي لا ينضب، والوسيلة الأسرع للتنمية.

هاها ها هاااااايا ..... الكلام دا كان وين قبل ضياع البترول؟


#891444 [الممغوص]
5.00/5 (5 صوت)

01-21-2014 11:39 AM
تاكل السم يا دجال أي صورة ليك و خاتين ليك صحنين السم الهاري ديل ياخي أخجل و لو مرة واحدة في حياتك و أعمل ليك صورة فيها تقليد لسنة الرسول الأعظم (ص) و أربط ليك طوبة في كرشك المتدلية دي يا أهبل. أعوذ بالله منك يا سفاح


#891437 [عدوله]
1.00/5 (2 صوت)

01-21-2014 11:35 AM
الحمد لله ان الرئيس يمضى قدما من اجل اكتمال النهضه فى السودان ولا يعر اهتماما لاى الفاظ بزئيه او معارضه يائسه او احقاد وضعاين سياسيه لا تقدم ولن تؤخر باذن الله لان سعادة الرئيس يحمل يقينا ايمانا قاطعا ان معه قلوب الملائيين من ابناء الوطن اللذىن يساندوة ويؤيدوه فى مسيرته الظافره باذن الله ومن اجل عيون الوطن وليس من اجل عيون البشير


ردود على عدوله
United States [Ashraf] 01-21-2014 10:23 PM
طز فيك وفى البشير.

European Union [بتاع بتتييخ] 01-21-2014 05:34 PM
بالله كان انتا كلب حكومة امش هوهو بعيد

[ودالبلد] 01-21-2014 01:30 PM
عدوله ياكبير ! يعني أنت (كوز) (كلجة) إسمو عادل ، وبعدين (بزيئه) و(ضعاين) و(الملانيين) و (يساندوة) دي شنو ؟؟؟ قريت عربي وين ؟؟ في معهد سيدك المجرم ؟؟؟

European Union [ود الجزيرة] 01-21-2014 12:35 PM
معارضة شنو يا ود الناس انت عائش بره السودان ولا شنو
تم تدمير مشروع الجزيرة في عهد المدعو البشير
تم تدمير الصحة في عهد المدعو البشير
تم تدمير التعليم في عهد المدعو البشير
زادت الضرائب في عهد المدعو البشير
بيع خط هيثرو في عهد المدعو البشير
بيعت اراضي الدولة في عهد المدعو البشير
تعال وريني حسنة واحده في عهد المدعو البشير
الفضائح باعتراف رئيسك البتشكر فيهو ده والاختلاسات اذكمت النفوس
النعرات القبلية ظهرت تاني في عهد البشير
اطفال المايقوما ما تديك الطريق في عهد بشبش
يا زول 25 سنة من الدجل والكذب والنفاق باسم الدين
البشير راجل كذاب وما زال العبد يكذب ويتحرى الكذب حتى
يكتب عند الله كذابا

European Union [كمال] 01-21-2014 12:12 PM
دافعين ليك كم ياأهبل ؟


#891382 [ود الجزيرة]
5.00/5 (2 صوت)

01-21-2014 10:43 AM
البشير بقي يضرب في كل الجبهات
اطفال درداقات
مغتربين
سرقة اموال العرب
فرض رسوم زيادة على كل من يتنفس هواء السودان
الله يفكنا منو ده بلوة شنو ده لايوق لياقة مبالغ فيها


#891336 [داوودي]
5.00/5 (3 صوت)

01-21-2014 10:08 AM
وقال: ( نقر بمعوقات تشريعية وإدارية وهيكلية تعوق الاستثمار في بلادنا )، وتابع: (عكفنا على معالجتها وأزلنا الكثير منها ونسعى لإزالة ما تبقى).. المشكلة فيك انتا ي بشة .


#891276 [Ali Mustafa]
4.00/5 (2 صوت)

01-21-2014 09:24 AM
وينو السودان يا ريس..ادوغرب السودان تقرير مصيروالشرق كمان و لو فى باقى قسمو مع الختميةو الانصار.. وكل من عليها فان..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة