الأخبار
منوعات سودانية
معركة بـ«الشباشب» بين فتاتين بسبب رئيسهما
معركة بـ«الشباشب» بين فتاتين بسبب رئيسهما



01-22-2014 11:54 PM

الخرطوم: مجدي تيراب:

دارت معركة نسائية بالأحذية بين فتاتين موظفتين في شركة كبرى بسبب رئيسهما في العمل أرادته كل منهما لنفسها داخل مكاتب الشركة شرقي الخرطوم، وقامت إحداهن بشد شعر الأخرى واقتلعت جزءاً منه في يدها.

وتعود التفاصيل إلى أن فتاة حسناء كانت على علاقة غرامية مع شاب يرأسها في العمل ودخلت على الخط صديقة لها وأقامت علاقة غرامية مع صديق صديقتها، وعندما علمت صديقتهما بذلك توجهت إلى المكتب المجاور لها الذي توجد به زميلتها حيث بدأت بينهما مشادة كلامية وسرعان ما تطور الأمر للضرب بالأحذية وتبادلتا السب والقذف وقامت إحداهن بشد شعر الأخرى وسببت لها الأذى وتدخل الحاضرون وفضوا المشاجرة وذهبت الفتاة المعتدى عليها وحملت في يدها شعرها الممعوط من مكانه إلى قسم الشرطة التي دونت بلاغاً بالحادثة وأوقفت المتهمة رهن التحقيق وأفرج عنها لاحقاً بالضمان العادي.

اخر لحظة


تعليقات 28 | إهداء 1 | زيارات 8289

التعليقات
#921929 [عبدالله الشاقي]
0.00/5 (0 صوت)

02-21-2014 10:42 AM
شباب الواتساب ما قالوا ستة سابعهم بنتهم .وزعوهم بين البنات بالعدل
هههههههههههههههههههههههههههههههههههههههههههههههههه اموت من الضحك


#894725 [المحقق كونان]
0.00/5 (0 صوت)

01-24-2014 06:17 PM
الحب يعمل أكثر


#893921 [تينا]
5.00/5 (2 صوت)

01-23-2014 06:35 PM
((( وحملت فى يدها شعرها الممعوط من مكانه الى قسم الشرطة )))هههههههه. معركة ((( ذات الشباشب ))) على قول أستاذنا الطاهر ساتى ...


#893794 [موسى محمد]
5.00/5 (1 صوت)

01-23-2014 04:14 PM
والدون جوان وين من المعركة دي ونصيبو كان منها شنو؟


#893734 [الشاعر]
5.00/5 (1 صوت)

01-23-2014 03:24 PM
المشكلة المدير إكون بلعب علي الحبلين ..وجرب هنا وجرب هنا ...مدير كبيير من مدراء المشروع الحضاري في مؤسسة كبيرة عنده مرتبة في جزء خلفي من مكتبه لمعالجة الحالات الطارئة حتي أن الموظفات في المؤسسة البعض منهم يتحاشي دخول مكتبه ...


ردود على الشاعر
United States [سم زعاف] 02-15-2014 08:07 AM
تفتكر في واحدة منهن تتحاشى الدخول إلى عش الدبابير. الله ورسوله أعلم


#893694 [سعاد خيرى]
5.00/5 (1 صوت)

01-23-2014 02:54 PM
غايتو أنا بعرف الشعر البيتمعط هو الشعر الملصق ,, أو الشعر الموصول , أما الشعر الطبيعى لايمكن معطه إلا بالموس ,, لفطنة القراء !!!!


#893674 [رانيا]
5.00/5 (2 صوت)

01-23-2014 02:40 PM
والممعوطة ما بتطير ...(مع الإعتذار لحسين خوجلي ) !! على كل الحمد لله إطمنا على (الشباشب ) ماحصلهم حاجة !!


#893551 [سومي العسل - الدمام]
5.00/5 (1 صوت)

01-23-2014 01:11 PM
ههههههههههههههههه
ايه ده يا جدعان ...
نحن في دولة المشروع الحضاري .. دولة الفضيلة ...
الله يقطع الإنقاذ ويقطع كل من يقف معاها ... ويوم أسود يوم حكمت السودان ..
هذي النهاية ..


ردود على سومي العسل - الدمام
United States [المستعرب الخلوى] 02-15-2014 05:58 PM
يا سومى العسل .. رغم كرهى الشديد للإنقاذ وسياساتها لكن ما هو دخل الإنقاذ الان فى قصة الحب والخيانة دى ..؟؟؟ دى علاقات حب بين شاب دنجوان أحبّ فتاتين فى نفس الموقع ( منتهى الغباء ) واكتشفت إحداهن القصة فارادت ان تنتقم وكان حرياً بها أن تنتقم من الحبيب المنتظر لا من غريمتها ..
خلونا نكون واقعيين شوية وما نخلط الأوراق والكيمان ..


#893547 [واحد من النوع الفاهم]
5.00/5 (1 صوت)

01-23-2014 01:10 PM
مافي خجل ولا حياء للأسف, والبنت المفروض تخلي بالها من سمعتها في مكان عملها في المقام الاول


#893477 [ما قلنا ليك]
5.00/5 (1 صوت)

01-23-2014 12:25 PM
أرادته كل منهما لنفسها داخل مكاتب الشركة شرقي الخرطوم،
الكلام دا يعنى شنو؟


ردود على ما قلنا ليك
[Abu Areej] 01-23-2014 06:19 PM
كده


#893434 [نورة النور نورين أبو نورة]
5.00/5 (1 صوت)

01-23-2014 11:59 AM
مذا دهاكن يا مهيرات السودان بقيتو تتشاكلو وتتمعاطو في الرجال زي بنات بمبه


#893390 [الممغوص]
5.00/5 (1 صوت)

01-23-2014 11:23 AM
ما عارف ليه اتذكرت وداد و فاطمة و ابو كرعين


ردود على الممغوص
United States [رانيا] 01-23-2014 02:45 PM
أه ..بالغت لكن .. داك الإتنين يضربوه مش يضاربوا عليه !!


#893387 [MAHMOUDJADEED]
5.00/5 (3 صوت)

01-23-2014 11:20 AM
ما يعرسن الاتنين !!!. شيخ دفع رباعي أقصد شيخ دفع الله قال الرجل مصمم لأربع نساء .


ردود على MAHMOUDJADEED
United States [رانيا] 01-23-2014 02:43 PM
مصمم !!


#893373 [1+1]
0.00/5 (0 صوت)

01-23-2014 11:04 AM
ما فهمنا الصياغة[ودخلت على الخط صديقة لها وأقامت علاقة غرامية مع صديق صديقتها] كيف يعني صديق صديقتها] يعني معنى الكلام انه في واحد طرف تاني

تعرف الذ اصاغ هذا الخبر لو ما العنوان واضح من مضاربة البنتين لم تفهم في الصياغة شيء

برضو دبلوما بتاعت اعلام ام شهرين دي


ردود على 1+1
[Abu Areej] 01-23-2014 06:22 PM
صديق صديقتها هو حبيب صديقتها حسب الرواية وهي دخلت في الخط معاه (يعني الشبكة عندنا مش كويسة)..يعني الاثنين صاحبات بعض وهذا صديق الاولى والثانية اتشربكت معاه فبقي كذلك..


#893317 [Bit Messamis]
5.00/5 (1 صوت)

01-23-2014 10:20 AM
وووووووب علي يا بنات أمي!سجمكم....و الترابة كالت خشموكم لمن ما تفضل!


ردود على Bit Messamis
[Abu Areej] 01-23-2014 06:23 PM
للشايفنو ده الترابة ما بتفضل بل عايزة زيادة تراب..


#893279 [دوية]
0.00/5 (0 صوت)

01-23-2014 09:35 AM
هذا هو حال المشروع حضاري في بلدي السودان


#893266 [قرد الطلح]
0.00/5 (0 صوت)

01-23-2014 09:20 AM
مدير شنو تلقاهو واحد مظعمط ب شهادة مضروبة راسو فاضى .


ردود على قرد الطلح
United States [برعي] 01-23-2014 10:25 AM
انت غيرتا ولا شنو ؟!

United States [hythamnimr] 01-23-2014 10:21 AM
hhh klamk sa7 !!!


#893220 [Sudani1]
5.00/5 (1 صوت)

01-23-2014 08:41 AM
وحملت في يدها شعرها الممعوط من مكانه
ههههههههههه


#893186 [salah]
1.00/5 (1 صوت)

01-23-2014 07:41 AM
إستبدلك بصاحبتك برضه ممكن يستبدل صاحبتك بأخري زي الشباشب ويخلي الشباشب والمعيط والفضائح ليكم


#893177 [محمد جحا من الرهد]
0.00/5 (0 صوت)

01-23-2014 07:12 AM
.


#893138 [ده (عربي) ده يا مرسي..!]
5.00/5 (4 صوت)

01-23-2014 04:07 AM
بغض النظر عن السقوط الأخلاقي في الخبر....

صياغة الخبر بهذه الطريقة... تشير إلى تدهور صحفي مريع....

شنو .... صديقتهما.... وصديق صديقتها....ما فضل إلا يقول طبقنا طبق طبقكم....

المحرر دا مش قادي صحافة... ده قادي عربي عديل...


ردود على ده (عربي) ده يا مرسي..!
[Abu Areej] 01-23-2014 06:24 PM
حلوة طبق طبقكم..


#893125 [الفنجري]
5.00/5 (1 صوت)

01-23-2014 03:35 AM
مجدي تيراب أخجل


#893123 [halfaa]
0.00/5 (0 صوت)

01-23-2014 03:35 AM
دي اخرتها ودي اكيييد شركة تبعهم


#893110 [ساب البلد]
5.00/5 (1 صوت)

01-23-2014 03:09 AM
*********** اتشاكلن يا بنات امي ********* ليكن الحق تتشاكلن ************


****** لقد صار الرجال عملة نادرة ******* هع هع هع ******** هاكم السبب ********************* الماتوا في حرب الجنوب سابقا ***** الماتوا في دارفور **** الماتوا في جبال النوبة ******* الماتوا في النيل الازرق **** الماتوا في طريق مدني ******* الماتوا في صحراء ليبيا ******* الماتوا في البحر ماشين استراليا ****** الماتوا في الحدود الاسرائيلية برصاص الجيش المصري ****** الماتوا في انتفاضة سبتمبر 2013 ***** الماتوا تحت في بيوت الاشباح ******************** الطفشوا السعودية ****** الطفشوا الامارات ****** الهاجروا اروبا ******* الجاهم اللوتري مشوا امريكا ******** المشوا يفتشوا الدهب ******* المشوا انضموا للجبهة الثورية *****


ردود على ساب البلد
United States [وهم] 01-23-2014 12:12 PM
والماتو من المغسة


#893108 [ساب البلد]
5.00/5 (1 صوت)

01-23-2014 03:00 AM
******* اتشاكلن يا بنات امي ****** ليكن الحق تتشاكلن **********


لقد اصبح الرجال عملة نادرة ******* هع هع هع ******* الماتوا في حرب الجنوب سابقا ***** الماتوا في طريق مدني ****** الماتوا في دارفور **** الماتوا في النيل الازرق ***** الماتوا في سبتمبر 2013 ****** الماتوا في البحر ماشين استراليا ******* الماتوا في الصحراء ماشين ليبيا ***** الماتوا برصاص الجيش المصري في الحدود مع اسرائيل ******** الهاجروا اروبا ***** الجاهم اللوتري مشوا امريكا ******** المشوا السعودية **** المشوا الامارات ******* المشوا الدهب ***** المشوا الجبهة الثورية **************



******* كل ما ذُكر من اسباب ادت الي شح الرجال ***** و زادت من البايركس *******


ردود على ساب البلد
United States [رانيا] 01-23-2014 02:41 PM
هههههههههه


#893086 [صباحي]
0.00/5 (0 صوت)

01-23-2014 02:09 AM
.


#893081 [حد بيعرف احسن م الحكومه!!]
0.00/5 (0 صوت)

01-23-2014 02:05 AM
.


#893045 [الدبيب]
2.75/5 (5 صوت)

01-23-2014 01:07 AM
يا جماعة اخجلو ما فى رجال فى السودان سبحان الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة