الأخبار
أخبار إقليمية
حزب البشير : لا نستطيع - وحدنا - (شيل الوطن)
حزب البشير : لا نستطيع - وحدنا - (شيل الوطن)



قال : لماذا نتصارع على وطن مريض
01-23-2014 12:24 AM

أم درمان ـ إيمان عبد الباقي

نفى رئيس اللجنة العدلية بالمؤتمر الوطني "الفاضل حاج سليمان"، أن يكون للمؤتمر الوطني رغبة في تأجيل الانتخابات المقبلة. وشدد على ضرورة اتفاق القوى السياسية على المشاركة في نهضة الوطن. وقال: (إن الوطني وحده لا يستطيع (شيل الوطن) مما هو فيه، وكذلك الأحزاب الأخرى لا تستطيع وحدها سواء (الاتحادي) أو(الأمة) أو(الشعبي)، أو بقية القوى السياسية الأخرى) .
ودعا "حاج سليمان" ، إلى العمل على إشراك القوى السياسية في الدستور القادم. وشدد على ضرورة الاتفاق على برنامج يخرج الوطن (مما هو فيه الآن). وتساءل: لماذا إذن نتصارع على وطن مريض. ورأى أن تأجيل الانتخابات من اختصاص مفوضية الانتخابات، وأن (الوطني) ليس من حقه التأجيل.

اليوم التالي


تعليقات 14 | إهداء 0 | زيارات 1498

التعليقات
#893956 [غريب ديار]
0.00/5 (0 صوت)

01-23-2014 07:34 PM
هاهاهاهاهاهاهاهاهاهاهاهاهاها منو الطلع عين البلد وخلاكم تضربوا الجرسه الان


ماقلتوا 0 0 0 يعد تدمير لكل شيء ربع قرن من الزمان جايين اليوم تولولوا


مثل الحريم ؟ شوف ياالاسمك منو ورئيس شنو كده ماعارف بالمجلس الوطني الحل


ترجعوا لينا البلد زي ماكانت قبل خمسه وعشرين سنه شوغاو الريال والدولار كامو


بي كم وقفة الملاح كانت بتكلف كم ؟ والنعليم والصحة والامواصلات وربنا يديكم


العافبه بس ماتنسوا كل كلب سرق وةعمل عمارات واراضي ومزارع تقلعوها منه و


تردوها للدوله ونحنا كده نستلمها ونشيلها فوق فوق فوق بس مانسمع اي حرامي.


تانيس يقول هي لله هي لله سامع ياابوالطرش ؟ ؟ ؟


#893684 [Abdo]
0.00/5 (0 صوت)

01-23-2014 02:46 PM
متى أصيب هذا الوطن بالمرض ، و من الذي امرضه ،و مما يعاني الآن و ما الجديد الذي دعاكم لدعوة الغير للمشاركة معكم في شيلته ؟؟؟؟؟ أذهبوا و أتركوه لنا لا نريد عون منكم


#893600 [ابوطارق]
0.00/5 (0 صوت)

01-23-2014 01:49 PM
الجماعة أخذوا خير الوطن كلوا !!!! ولمن بقى ما في شئ عاوزين الناس تشيل معاهم الشيلة !!!!!
طيب قبيل لمن كنتو بتلغفوا في البلد !!!! أديتوا الناس معاك حاجة ولا اشتغلتوا بيهم !!!!!
ياخي حرام عليكم !!!!! الناس من شدة ما جوعتوهم ما لاقين الخبز !!! عشان يبلوا بيه رمقن من الجوع !!!

قال أيه : (إن الوطني وحده لا يستطيع شيل الوطن) هههههههههها !!!!!!!؟؟؟؟؟؟؟؟!!!!!!

حسبي الله ونعم الوكيل على ديل ناس .....


#893426 [نورة النور نورين أبو نورة]
0.00/5 (0 صوت)

01-23-2014 11:50 AM
وطن حدادي مداي وما بنبنيهو فرادي
ولا بالضجة في الرداي ولا الخطب الحماسية



ما قلتو كلو كلو برانا زول بينقذ البلد دي مافي جايين هسة تنفزرو غورو بلا يبلاكم


#893347 [حمزة محمد]
0.00/5 (0 صوت)

01-23-2014 10:45 AM
السؤال هو من السبب فى خراب الوطن ومرضة وفقرة ودماره اليس السياسات الخرقاء وعدم المسؤلية والتكالب على النهب وسرقة المال العام دون ورع اوخجل اليست انتم من سجن وعزب وشرد وقتل الان عرفتم ان الوطن ثقيل عليكم وحدكم وبعد اية بعد اغتنيتم واثريتم من صغيركم حتى كبيركم هذا هو كان هدفكم من فترة حكمكم التمكين ..نسيتم الشريعة وهى لله تريدوا ان تنفدوا بجلودكم وغنائمكم دون سؤال والمسامح كريم صحيح الاختشوا ماتوا


#893335 [الجمبلق]
0.00/5 (0 صوت)

01-23-2014 10:37 AM
لكن يا وسخ الخور ما سرقتو السودان براكم جايين حسع تقولوا الروب برضو ما بحلكم.


#893256 [المشروع]
0.00/5 (0 صوت)

01-23-2014 09:12 AM
اسمع كلامكم اصدقكم اشوف عمايلكم اتحير؟ هذا تمكيني اخر دخل البرلمان من باب التمكين ويريد البقاء.
وانا شخصيا من الان مقاطع الانتخابات ما لم تتوفر الظروف الديمقراطية لأقامتها منذ قبل فترة كافية لها.. كما ان هنالك دوائر كثيرة ستكون خارج الانتخابات ولن نقبل بوجود برلمان اعرج لا يمثل كل الناس؟


#893252 [الدندور أبوعوه]
0.00/5 (0 صوت)

01-23-2014 09:08 AM
لكنكم وحدكم سرقتم الوطن وافسدتوا حياة الشعب وقسمتم البلاد ونشرتم الفساد والفجور والسرقة جهارا وحليفة الزور وكل قبيح لم يكن في شعب السودان جلبتوه ونشرتم الدعاره والخنا وسياسة الإغتصاب التي جعلتوها شعارا ضد كل معارض في دارفور وجنوب كردفان والآن تمارسونها في شمال كردفان وأورتم الامه موارد الضلال سرقم باسم الدين وسياسة التمكين وزنيتم ومارستم كل الرزائل وباسم الدين وفقه الستره وإستبحتم أكل الربا باسم الدين وفقه الضروره وبعدما أفقرتم البلاد والعباد جايين تعتذروا !!! ردوا ما سرقتم للبلاد أرجعوا كل الأموال المجنبه ردوا الامواتل المستثمره في ماليزيا وأندونيسيا ودبي وتركيا وتايلاند وكوريا ردوا فلوس البترول 117 مليار دولار أولا تم نقيم المحاكم لكل ظالم حتي تثبت برائته.


#893202 [محمد علي]
0.00/5 (0 صوت)

01-23-2014 08:14 AM
الروب


#893153 [أبو أحمد]
0.00/5 (0 صوت)

01-23-2014 06:04 AM
طيب مين الكان السبب في مرضو ياخو......


#893145 [أكل مافي]
0.00/5 (0 صوت)

01-23-2014 05:25 AM
بعد ما خربتوها خلاص


#893122 [المجبورعلى الغربة]
0.00/5 (0 صوت)

01-23-2014 03:31 AM
لمن كان البلد بخيرها كنتو قادرين عليها براكم ورفضو الاحزاب ووضعتم الشروط والعراقيل ...بعد ما صفيتو دم البلد وعدمتوها العافية ونهبتو كل خيراتها ...بقيتو ما قادرين عليها براك

الصغير قبل الكبير عارف انو مشاكل البلد الحالية وازماتها كلها بسبب المؤتمر الوطني


#893116 [سوداني اصيل]
0.00/5 (0 صوت)

01-23-2014 03:21 AM
اخيرا اعترفتم بان الوطن اصبح سقيم - ومن سبب السقم يا لئمام - انتم من اضعتم السودان وحدكم لنحتكم الى التاريخ - كان الوطن واحدا - فقستموهوه وجزاتموه - كان الاقتصادى معافى - فنهبتم خيراتهم - كان الناس شرفاء ودنستم اخلاقهم - كان الخدمات مجانية الصحة والتعليم وغيرها - ففرضتم عليها الرسوم وذهبت رسومها الى جيوبكم الممتلئة باموال اليتامى والمساكين والارامل والى بطونكم المتفنة . وتاتي اليوم لتقول لا نستطيع ان نشيل الوطن لوحدنا - انتم من قتلتم الوطن وتريدون الشعب ان يحمل عنكم اوزاركم يا كلاب.


#893098 [عادة ساكت]
0.00/5 (0 صوت)

01-23-2014 02:44 AM
والمرض الوطن منو؟ اطلع انت والوطن بيبقا شديد يا كوز



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة