الأخبار
أخبار إقليمية
تفاصيل أغرب عقد قران بالخرطوم : العصمة بيد الزوجة والعريس ممنوع من الزواج عليها
تفاصيل أغرب عقد قران بالخرطوم : العصمة بيد الزوجة والعريس ممنوع من الزواج عليها
تفاصيل أغرب عقد قران بالخرطوم : العصمة بيد الزوجة والعريس ممنوع من الزواج عليها


العريس «نيوزيلاندي» الجنسية والعروس سودانية
01-24-2014 12:40 AM

الخرطوم - صلاح حمد مضوي

توجت "دانة صديق عبد المجيد"-طبيبة سودانية درست في «نيوزيلندا» وتقيم الآن بأستراليا، والشاب "جوناثان توو قوود" «نيوزيلاندي» الجنسية، قصة حب امتدت لثلاثة أعوام من العاصمة "ولنجتون" بعقد قران استثنائي بالعاصمة الخرطوم عصر أمس بمسجد "سيدة سنهوري" بضاحية المنشية، بحضور العروس الشابة البكر التى طلبت تضمين ثلاثة شروط أهمها أن تكون (العصمة) بيدها، وأن لا يتزوج عليها العريس مستقبلاً. والشرط الثالث هو الاحتكام إلى (حكم من أهلها وحكم من أهله) في حال نشوب أي خلاف بين الطرفين، حتى لا تذهب أسرار الزوجية إلى ردهات المحاكم.
وحضر العريس «النيوزيلاندي» إلى المسجد وهو (محنن) ومرتدٍ الزي القومي السوداني (جلابية بيضاء) تسبقه ابتساماته الصافية، فيما شهد عقد القران حضوراً مشهوداً جرت فيه مراسم العقد السودانية. ردود العريس الذي دخل الإسلام حديثاً على يدي العروس كشرط سبق الشروط التي دونت رسمياً، وتمت تلاوتها بواسطة المأذون أمام الحضور. وفيما اعتبر العريس وهو رجل أعمال ولديه فرقة فنية تسمى (شاهد) شروط العروس (شرعية) وقانونية، وافق عليها الطرفان لتضمن في عقد الزواج، شرح البروفسير "عصام البوشي" الذي صاغ الشروط وفقا للتكييف القانوني وتلاها بنفسه، أن هذه الشروط الشرعية موجودة في الشريعة الإسلامية، وقانونية مضمنة في قانون الأحوال الشخصية للمسلمين للعام (1991)، وهي أيضا شروط قانونية ينفذها القضاء.
وعقب مراسم عقد القران جاءت سيارة العروس"دانة" مزركشة إلى شارع المسجد حيث خرج المحتفلون. وقالت "دانة" إنها تعرفت على زوجها قبل ثلاثة أعوام، ونشأت بينهما قصة حب حقيقية. وأضافت أنها وضعت شروطها لأن الشريعة الإسلامية فيها أنماط متقدمة للزواج غير أنها مهملة، وهي تعطي المرأة حق الطلاق وأن لا يتزوج عليها، بالإضافة لشرط التحكيم في حال حدوث مشكلة بين الزوجين، بحيث لا تنتقل المشاكل العائلية إلى المحاكم. وبسؤالي لها عن خيارات المستقبل قالت إنها تركتها لله سبحانه وتعالى. وينتظر أن يسافر العريسان إلى «أستراليا» حيث ينتظرهم أصدقاؤهما هناك، في احتفال خاص بالعروس التي تتدرب حالياً بمجمع للعيادات الأسترالية، وبعد ذلك يطيران إلى وجهة أخرى لم يفصحا عنها لقضاء شهر العسل.

المجهر


تعليقات 44 | إهداء 0 | زيارات 13907

التعليقات
#896414 [موجووووووووعة]
0.00/5 (0 صوت)

01-26-2014 12:10 PM
ربنا يسعدهم و يوفقهم و الله البنت حلوة و حسب و نسب و بنت عز و المابعرفك يجهلك


#895199 [omer]
0.00/5 (0 صوت)

01-25-2014 10:29 AM
نرجو من لديهم علم شرعي افادتنا بان العصمة قد تكون بيد الزوجة هذه اول مرة اسمع بها واعلم قوله تعالى " الرجال قوامون على النساء " الامر الثاني كان بامكان الفتاة الانتظار قليلا حتى يقوى اسلامه لان الزواج ليس بالامر السهل انه عشرة عمر


#895016 [الهمباتى البطحانى]
5.00/5 (1 صوت)

01-25-2014 01:56 AM
مبروووووك وبخيت وسعيد احسن لك يابنت مالك ومال الشحططة والبهدلة والوقوف في صف الرغيف


#895010 [fm3]
0.00/5 (0 صوت)

01-25-2014 01:34 AM
رد ل الدكتورة تحياتى وامانياتى يارب ان لا تجعل فى سوداننا الحبيب ولا باااايرة
بس زواج السودانيات من اجانب ؟؟؟؟ فيها ميتتتتن زوقة
لان ببساطة نحن شعب ساذج وبسط والاجانب ياااااما تعالب والسودانية بصفة خاصة ما بتقدر على الشدايد وقصة ود عمهايزوغ السبب منها هى لان بنات اليومين ديل لا يعجبن العجعب ولا الصيام فى شعبان
وقصة الاجانب هاكى واحدة بس الدكتورة الى قتلها زوجها المصرى فى رحمها اللة
سودانىىىىىىىىىىىىىىىىىىىىى وبس


#894974 [أنسان]
0.00/5 (0 صوت)

01-25-2014 12:32 AM
يعنى لو طلقتو يعتد ثلاثة شهور وعشرة يوم


#894927 [خالد]
5.00/5 (1 صوت)

01-24-2014 11:05 PM
عشنا وشفنا وكمان نيوزلندي ؟؟؟!!! خلاص قنعتي من السودان ورجالو ؟ ومشيتي جبتي نيوزلندي أغلف ؟ العيب مافيك العيب في اهلك الخلوك سافرتي وعملتي علاقة مع الأغلف دا ومامعروف المدسوس شنو !!!! ههههههه قال نيوزلندي قال الله لايبلانا


ردود على خالد
United States [خالد] 01-27-2014 07:41 AM
ياهدانا الله وإياك : أولاً : حقيقة أني مبتلى من أمثالك وهم كثر ، ثانياً : رجاءً تعلم الكتابة على الكيبورد بطريقة صحيحة ، ثالثاً : قم بصياغة ماتحاول قوله بشكل سليم ثم ادلف به لتعم الفائده ، رابعاً : أنا زهجت من الكتابة بالفصحى .
ويا بابكر دي قوية

United States [هدانا الله وإياك قول كلام غير هذا يا هذا] 01-25-2014 10:24 AM
الله لا يبلانا الله يبلاك بماذا وانت اصلك مبتلي ومعقد،، ماذا يضير لو تزوجت نيوزيلندي والله نحنا كمسلمين فرحنا اشد الفرح عند دخول هذا الاخ للاسلام وهذه نعمة تحمد عليها الله وثواب جزيل ان شاء الله عند للعروس السودانية،، سوف سوف يتم طهروه.. ماذا تفعل هل تتزوج بالحلال مادام رجل ومقتدر لا يهم جنستيه مادام انه مسلم،، هل تفعل وتمارس امور خارج الإطار الشرعي بحجة عدم وجود زوج سوداني

قال رسول الله صلى الله عليه وسم إذا تكلم احدكم فليقل خيرا أو ليصمت

مبرووووووووووك يا اختنا مبرووك والله عجنبا جدا رغم عدم معرفتنا بك ولكنه رابط الاسلام وبلدنا السودان الذي جعلنا نفرح لك

نقول لك ربنا يوقفك ويرزقك البنين والبنات وينشوا في طاعة الله وعبادته،، وانا يزرقنا ويرزق كل مسلم ومؤمن الصحة والعافية

European Union [أنا] 01-25-2014 10:09 AM
أنت الحارقك شنو ؟ تعرس نيوزلندي ولا فلاتي

United States [بابكر] 01-25-2014 02:05 AM
يا خالد الراجل طهروه بالساطور عملوا بالجلد نوبة


#894891 [واحد]
5.00/5 (1 صوت)

01-24-2014 10:22 PM
مبرووووووووووووووووك يااختنا.. بس اوعى تجيب لي بت وتسميها سودان والحركات بتاعت ناس الحركات


#894842 [SESE]
5.00/5 (1 صوت)

01-24-2014 09:22 PM
.


#894820 [بريمـــــــــــــو]
5.00/5 (1 صوت)

01-24-2014 08:59 PM
ربنا يسعد.سعيد مع سعيده .. تم مراسم الزواج بحمد الله ..
وتم قبول الشروط من قبل الطرفين ..
بس بقول : ما الفخر ملامح الوانا الزنجيه .. يدومو ..


#894814 [asd]
4.00/5 (2 صوت)

01-24-2014 08:54 PM
شكلوا دا ماغريب علي


#894806 [ردود على دكتورة]
0.00/5 (0 صوت)

01-24-2014 08:43 PM
(ودالباشا)

عديله عليك ياختى احسن لينا وليك نحنا ذاتو شبعنا شوكلاته


#894804 [ردود على الصوت]
4.00/5 (1 صوت)

01-24-2014 08:35 PM
(ودالباشا)

اخى الصوت هى قالت ود بلدى بطل الحركات ولكما التحايا


ردود على ردود على الصوت
[الصوت الاصلي] 01-24-2014 10:55 PM
يعني الواحد يا ود الباشا لسانه ما يفلت كلو كلو .....ههه‍هههههههههههههههههه تحياتي يا الغالي ...


#894786 [jini]
3.00/5 (2 صوت)

01-24-2014 08:07 PM
الف مبروك يا دكتور وعقبال الهاف كاست
سؤال برئ
انتي وكتب خايفة من التعدد مدخلاهو الاسلام ليه ما شيخ الترابي اجاز زواج المسلمة من الكتابي


#894762 [معقوله بسسسس]
5.00/5 (1 صوت)

01-24-2014 07:32 PM
Don't try this at home


#894755 [kida]
0.00/5 (0 صوت)

01-24-2014 07:18 PM
ما قلنا فيها حاجة


#894752 [Amin]
5.00/5 (1 صوت)

01-24-2014 07:12 PM
ألف مبروك ،، وربنا يسعدهم ويهنيهم


المشكلة بكرة موضة الشروط دي تفتح ...
وتبدأ منافسة أقصى شروط وأحلى قيود ،،،


والعصمة دي حتكون ثابتة


#894738 [Aqib Abdalla]
0.00/5 (0 صوت)

01-24-2014 06:42 PM
مبروك عليهم .. الناس كلهم واحد .. الزول ما مفروض يابوهو لكن ممكن يابو طبعو , و مادام بتنا أختارت لنفسها من و ما ترضاه فهنيئا لها و هنيئا له بزوجة شريكة فعلا تعرف و عندها الشجاعة أن تخنار لنفسها الخيار الصعب لو أدركت أنه الصحيح ... مفرح أن يتمكن أي أنسان من ناصية حياته و خياراته و مفرح بشكل مضاعف لما تكون أمراة تحلم جدتها قبل عقود قليلة بأبسط الحقوق . أقول ليك يا دكتورة أمسكي في حقوقك دي قوي و فكري صاح ووجهيها صاح لصالح أسرتك و ربنا يوفقك


#894727 [ابوجلاجل]
0.00/5 (0 صوت)

01-24-2014 06:21 PM
مبروك للعروسين هذه البنت من مدني.جزيرة الفيل ويوم الجمعه ناس جزيرة الفيل كانوا حضورا في مسجد السيده سنهوري حتي اني اعرف وكيلها.


#894726 [تينا]
4.00/5 (6 صوت)

01-24-2014 06:17 PM
تسلم اخوى الفاضل ((( الصوت ))) ... صدقنى كل رجال بلدى بدون فرز ومن كل جهات وقبائل السودان فى نظرى زيهم مافى فى الدنيا دى كلها ... يكفى بس اسمه سودانى ... لانى شفت الكثير من رجال الجنسيات الأخرى والله زى السودانى ما شفت ... يكفى بس احترامه لزوجته واحترام أهلها خليك من الباقى ودا شبه معدوم عند كل الجنسيات عدا السودانيين والحمد لله ... فى واحدين جيراننا فى ثقافتهم ضرب زوجاتهم عديييييل ... تحياتى ...


ردود على تينا
[الصوت] 01-24-2014 10:58 PM
ما بتقصري والله يا تينا ........ كنت امزح فقط ....لك الاعزاز كله ......


#894714 [ايمن]
5.00/5 (1 صوت)

01-24-2014 05:40 PM
في الكلام العربي كلو ما لقيت كلام احسن من قرفك دا ..عيب عليك


#894703 [المستعرب الخلوى]
5.00/5 (1 صوت)

01-24-2014 05:22 PM
والغريب شنو فى الموضوع ..
زواج السودانيات بأجانب أصبحت مسالة عادية فى ظل العولمة ..
ربنا يسعدهم ..


#894647 [الأسد المربعن]
5.00/5 (1 صوت)

01-24-2014 03:55 PM
مبروك ..
و عقبالي من فرسة لبنانية و لا سويدية ..


#894636 [ابو الطب]
5.00/5 (2 صوت)

01-24-2014 03:31 PM
هسع في داعى لدا مالنا انحنا جنس ده البخلينا نقع الحبش


ردود على ابو الطب
United States [ادروب شراب الروب] 01-24-2014 07:04 PM
ابو البيض انت ياحاسد يابقران قول ماشاء الله او اسكت اعوذ بالله منك ومن امثالك


#894608 [الغريب عن وطنو]
5.00/5 (2 صوت)

01-24-2014 02:56 PM
الف .. الف مبروك وإن شاء الله بيت مال وعيال وظاهر عليك يا اختي انك ذات خلق وعلم ما شاء الله ...
ربنا يبارك ليك في زواجك ويرزقكم بالمال والعيال .. بس نصيحة اخوية .. ركزي شديد على انك تعلميه الاسلام الصحيح .. إسلام الرحمة والترغيب مش اسلام العصبية والترهيب عشان ما تنفريه .. انا بعرف مسلمات تزوجو رجال كانو ما مسلمين واسلمو على ايدهم .. سبحان الله .. الرجال ديل حسن اسلامهم اكثر من اخواتي ديلك .. دحين يا اختي شدي حيلك وليك الاجر في الدنيا والآخرة ..
وخليك من ناس لالوبنا ولا تمر الناس ديلك ... الحسد مرض يا اختي .. وانتي ست العارفين ..
الف مبروك تاني وربنا يسترك ويستر كل اخواتنا بالحلال ..


ردود على الغريب عن وطنو
[بت الخرطوم] 01-24-2014 07:07 PM
مسلمات تزجو رجال كانوا ما مسلمين واسلموا على ايدهم ؟؟؟؟؟؟؟؟؟؟؟؟ كيف دى وهل يجوز زواج المسلمة من كتابى ؟؟؟؟؟ الغريب عن وطنو دا كلام شنو بتقول فيه


#894607 [سام]
5.00/5 (2 صوت)

01-24-2014 02:56 PM
ما اجمل لون العروس،لون بناتنا الزمان قبل جنون ديانا


#894581 [zozo]
2.50/5 (4 صوت)

01-24-2014 02:28 PM
باقى لى الشروط دى ناقصه الشرط الآتى:
إذا العروس طلقت العريس{لا سمح الله}و قام العريس{لا سمح الله} رجع لدينو القديم يقام عليه حد الردة {وفق رأى جمهور الفقهاء}
مبروك للعروسين


ردود على zozo
European Union [السنجاوي] 01-24-2014 04:17 PM
هههههههههههه


#894571 [ageed]
5.00/5 (3 صوت)

01-24-2014 02:20 PM
قال صلى الله عليه وسلم: "إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد كبير"
الف الف مبروك بيت مال وعيال


#894550 [تينا]
5.00/5 (1 صوت)

01-24-2014 01:56 PM
مع انى عندى تحفظ على زواج الأجانب عامة ... لأنو ود بلدى زيو مافى لو فتشنا الدنيا دى كلها ... لكن نقول للعرسان مبروووووووووووووك وبخيت وبيت مال وعيال وتغلبا بالمال وتغلبك بالعيال ...


ردود على تينا
[الصوت] 01-24-2014 04:28 PM
منو في عيال بلدك يا تينا ........ ال.......... و لا ال...........؟؟؟؟؟ ه‍ههههههههههههههههههه
تحياتي العزيزة ......


#894522 [قنقليس]
4.38/5 (6 صوت)

01-24-2014 01:07 PM
الخواجة دا شكلو مستهبل ، قال رجل اعمال وعندو فرقة فنية اسمها شاهد ، حد فيكم يا جماعة سمع او "شاهد" الفرقة دي، اللهم الا تكون فرقة "قرب" البيعزفوهاالنيوزيلديون ديلك وهم متقرقبين بي قراريبم المضلعة ديك
بعدين ياخي شنو الخبر هنا؟ العروس املت شروطا والعريس قبل بيها، دي بتحصل كل يوم والاف المرات، لكن المهم ما وريتونا العريس دا مسلم؟


#894509 [اوبرا]
5.00/5 (9 صوت)

01-24-2014 12:37 PM
اها طهرتو ولا لسه اغلف ؟؟؟


ردود على اوبرا
United States [عبقرينو] 01-24-2014 02:19 PM
ههههههههههههههههههههه الله يجازيك


#894498 [سلفادور]
5.00/5 (2 صوت)

01-24-2014 12:21 PM
لكن شروطها سينصدم مع القوانين الاروبية والغربية واعتقد سينهار الزواج في اقرب وقت


#894411 [بايره]
4.75/5 (4 صوت)

01-24-2014 10:32 AM
ومن الحب ماقتل

عقبالى

واريتو حالى والله يفك بورتى


ردود على بايره
[فكاك البورات] 01-24-2014 01:56 PM
أبشر انا بفكها ليك تب والرهيفة التنقد ، بس ادينى إيميلك ، بس تكون المرة التانية وانا راجل كامل الدسم ، حتى اللون العاجبك دا متوفر ، اها قلتى شنو ، بس ما بنفس شروطها هى . نعيش سوا سوا وفى هنا واخليك فى سعادة وتنبسطى وكان صغيرة ما عندى مانع نجيب اولاد أها رايك شنو ، لو عاجبك العرض اكتبى إيميلك عشان نتواصل .


#894390 [كرزاي]
5.00/5 (1 صوت)

01-24-2014 10:09 AM
والله يا السودانين لسانكم شين سيبوا خلق الله


#894371 [امير]
4.38/5 (5 صوت)

01-24-2014 09:45 AM
مبروك للعروسين _ الرجل يتمتع بصبر وحكمة اكبر عند الغضب لذلك العصمة بيده و لو ترك الامر الى النساء الباقي متروك لخيالك


ردود على امير
European Union [العريبية] 01-24-2014 10:30 AM
انت من زمن الحكمة والصبر بتاعين الرجال دددددددددددده كان زمن حبوباتك

الرجال حسى زيتهم طالع


#894364 [جدودنا زمان]
5.00/5 (8 صوت)

01-24-2014 09:37 AM
هو اصلا دينه الكان عليه بيمنع الزواج على الزوجة
يلا يا ستي شرطك ده بلي واشربي مويته
لانه ثقافتهم في حال فكر في امرأة اخرى سيتخذها خليلة


غايتو جنس فهم

وبعدين وضع الشروط المسبقة تعني الخوف ولا داعي لان تبني
حياتك على خوف وشكوك وعدم ثقة
توكلي على الله واعملي العليك

و

ادعي الله ان يحسن اسلامه ويلتزم بشرطك
ويلتزم بكل ما هو طيب


ردود على جدودنا زمان
European Union [السودانية] 01-24-2014 10:27 AM
اغتربووووووووووووووووووو تضووووووووووووووووووو


#894359 [salah]
5.00/5 (4 صوت)

01-24-2014 09:33 AM
ألف مبروك للعروسين وبيت مال وعيال - بعض الناس عايزة تعترض علي كل شئ وحتي قبل معرفة الموضوع وقبل قراءته المهم ضد وبس بدليل أن أحدهم علق (الأندونيسي مسكين - مالقيت أجمل من كده - تجارتك خسرانة)وآخر حكم بالزواج العرفي لمدة ثلاثة سنوات ياخلق الله ده زواج علي سنة الله ورسوله وبي رضاء الطرفين ووسط الأهل وبالأعراف السودانية والزواج تم في السودان والعقد في الجامع والأدهي عنوان الموضوع (تفاصيل أغرب عقد قران) وين الغرابة هنا - لاحول ولاقوةإلا بالله


#894350 [شهاب فتح الرحمن محمد طه]
5.00/5 (2 صوت)

01-24-2014 09:18 AM
ما هي الغرابة في هذا الزواج؟

كل تلك الشروط مكفولة في الشرع والشرع يتيح الفرص لأي شرط منطقي طالما ما كان في إطار المصلحة ولا يفسد العقد الأصل، فكل أنواع الشروط يمكن الموافقة عليها أو رفضها فما هي الغرابة في ذلك؟

البروفسير عصام اليوشي رجل عالم ضليع لن ينظق بغير حق فأنا أعرفه جيداً وليس ذلك فحسب بل هو صديق شخصي جداً جداً جداً

حقيقية الجهل بحقائق الشرع لا يبرر الإستغراب والتغريب


#894262 [رانيا]
5.00/5 (9 صوت)

01-24-2014 04:54 AM
الف مبروك . . اي جنس احسن من المصري . .


ردود على رانيا
United States [كاهلي] 01-24-2014 11:22 AM
صح يارانيا لا مصري

United States [ساب البلد] 01-24-2014 10:38 AM
****** ههههههههه ********** تتجازي يا رانيا ****** هم ديلك من عفاتم في زول بيقرب عليهم ***


#894250 [عجيب المناجولك]
5.00/5 (1 صوت)

01-24-2014 04:25 AM
والله كﻻم عجيب كلو كلو .لو في واحده خطيبه سوداني ما تفكر تقلد الكﻻم دة ﻻن العرس ممكن يتقلب كيتة


#894244 [FM3]
4.50/5 (4 صوت)

01-24-2014 04:16 AM
ال نسى قديموا تااااااااااااااااااااااااه
السوانيات بتعجرفن وبتنطعن وبندمن
لالوبنا ولا تمر النااااااااااااااااس


ردود على FM3
United States [fm3] 01-25-2014 04:12 AM
تحياتى يا الدكتورة بس بت العم ذاتا عندهامليون راى والقصص كتيرة بنات الزمن دة احلامن وافقهن واااااسع لا يعجبهن العجب ولا الصيام فى شعبان ومع دة اتمنى واسال اللة ان لا تكون معنا ولا بيننا بااايرة امين. واما قصة العريس من جنس تانى دى البت السودانية مااا بتقدر على الشدائد وذى ما قلت نحن شعب سطحى وبسيط (مع احترامى للكل ) والبت من تسمع كلام الحب والهيام اعصابا تبوظ .ويا اخوانا السودانى جمل شيل وبسيط وعطووووووووووف بس الجنسيات التانية منهاااااااا جكة والحوداث كتيرة القتلوها وال....
عشان كدة سودانى ولا عنب برة . و اصلا بعد الشهر الاول الحقائق تظهر
يا حليل حواء السودان زمان
ويا اخوانا العرس بالفاتحة بس ما حلال (تحياتى لصاحب الغنية)
سودانىىىىىىىىىىىىىى وبس

United States [الصوت ة] 01-24-2014 11:08 PM
يا دكتورة قالوا (( المشتهي الحنيطير يطير )) ....ما تتلفتي .... عضي الا طرف سماعتك.... وما تشوفي شر ...
اما ود عمك عفيت منه ... (( الديك كان شبع بنوم في الحراية )) ....

European Union [دكتورة] 01-24-2014 10:25 AM
والله ياالاف ام ثرى الواحدة تكون قاعدة ود عمها يعاين لبورتها ويعمل طناش ومرات يزوغ وما يغطى قدحو واول مايشوف فارس الاحلام جاها وخطفها على حصانو الابيض يبدا شغل الغيره والحساده وينضم جنس نضميك ده

بوره مافى تانى

اجانب بس


#894218 [ساب البلد]
5.00/5 (4 صوت)

01-24-2014 03:35 AM
****** الف مبروك بيت مال و عيال ****** ربنا يسعدهم ***** الحقوا سافروا سريع ****** العريس قالوا رجل اعمال ****** قبل ما يلموا فيه ناس الطفل المعجزة ******** يغشوا ليك استثمار و حنك زي دا ******* يضربوا قريشاته ******** و يطلقك حتي لو العصمة في يدك ****** و يرجع هولندا *****


ردود على ساب البلد
Hong Kong [آمال] 01-24-2014 02:28 PM
هههههههههه مالك و مالها لو كانت دي أختك كنت حتقول فيها كده

United States [رانيا] 01-24-2014 02:13 PM
وما تنسي كمان ناس (الشباشب ) ..هههههه


#894198 [الحسن والحسين]
2.94/5 (5 صوت)

01-24-2014 02:47 AM
اولا الف مبروك للعروسين وزين ما أختارت لان الطبيبه فى السودان ما بتلقى ليها عريس بالساهل وبعدين يحسنو النسل شويه


ردود على الحسن والحسين
[asd] 01-24-2014 08:52 PM
انتا فاكروا جاموس ولافرزيان


#894175 [محمدالخير بشارة]
3.54/5 (8 صوت)

01-24-2014 02:04 AM
كانوا متزوجين عرفي لمدة 3 سنين يعني؟


ردود على محمدالخير بشارة
European Union [أنا] 01-25-2014 10:19 AM
خلاص بدوا النظير ، عرفي ولا قومي أنت مالك

[أضف رد] 01-24-2014 12:30 PM
your words are very shame, you make huge sin, unless they forgive you , you word so shame , worse, you are the only one who loose much cus it indicates how do u think, who told you, why you spoke about other people whowm u do not know such speach, i hope you learn , this is not the place to speak about other people this way.

European Union [دكتورة زميلة] 01-24-2014 10:20 AM
لاغرام

لاسد مال

لاخطوبة

اجانب بس


#894153 [الدبيب]
4.25/5 (15 صوت)

01-24-2014 01:27 AM
والله الاندونيسى مسكين ح يقرض على كدا والله اكلت نيم يا جكسا طيب ما لقيت اجمل من كدا عشان تنوم فى العسل والله انت تجارتك خسرانة


ردود على الدبيب
United States [ali] 01-24-2014 01:01 PM
يا جماعه ده من الناس العندها عقدة اللون الله يشفيك .يااخي الزواج رضا وقناعه والجمال شئ نسبي ماتراه انت جميل يراه غيرك قبيح وبعدين المراه جمالها في اخلاقها وتربيتها ويكفي هذه البنت انها كانت سبب في دخوله الاسلام والا دي عندك فيها راي كمان. الشعب السوداني بس قاعد للفلسفه والتنظير في البيعرفوه والما بيعرفوه. والله اظن ان تجارته رابحه ورائجه بزواجه من امراه صالحه كانت سببا في هدايته ربنا يهديك انت كمان يا اسمك يغني عن معرفتك.

European Union [أبوطاهر] 01-24-2014 12:44 PM
والله فعلا دبيب البنية ماله سمار وحلاوة

United States [ج] 01-24-2014 11:49 AM
وانت كنت تتمناه لمين في البنات يا غيرتك فاتت الحدود

United States [اوبرا] 01-24-2014 09:32 AM
«نيوزيلاندي» يابريش ؟؟؟؟؟؟؟؟؟؟

United States [محمد علي] 01-24-2014 08:16 AM
نيوزيلندي يا الدبيب سلامة النظر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة