الأخبار
منوعات سودانية
الفارسة الصغيرة "آلاء" ترفع اسم البلاد وعلمها عالياً
الفارسة الصغيرة "آلاء" ترفع اسم البلاد وعلمها عالياً
الفارسة الصغيرة


01-24-2014 11:28 PM

الخرطوم – عثمان الأسباط
رفعت الفارسة آلاء منتصر سر الختم اسم السودان عالياً في مضمار الفروسية في القفز من (د – ج) بعد أن تدرجت من الفردي إلى الجماعي وحققت انتصارات كاسحة. رغم صغر سن آلاء إلا أنها ظلت تمارس هوايتها المحببة منذ خمس سنوات خلت، ورغم أن كل الأسماء التي يرد ذكرها في إسطبلات الفروسية من أبناء الأسر الكبيرة وأبناء الساسة ورجال المال والأعمال ولا مكان للفقراء في هذه الرياضة الحصرية على الأثرياء لأن الخيل التي تشارك في السباق يبلغ سعر الواحد منها أكثر من (20) ألف جنيه وتصل منصرفاته السنوية من تدريب وعلاج وعلف إلى ما يكفي لسد معاش أسرة بأكملها لعام كامل، إلا أن آلاء ورثت الفروسية من أسرتها حيث كان جدها ناشطا في مضمار سباق الخيل وورث والدها الرياضة ذاتها، وتدرس الفارسة الصغيرة التي تقطن حي كافوري العريق في جامعة الخرطوم كلية العلوم الرياضية قسم (آي تي)، وتقول إنها ورغم صعوبة التخصص الذي تدرسه إلا أنها قادرة على التوفيق بين الدراسة وممارسة رياضة الفروسية، وستشارك آلاء في إحدى المسابقات الكبرى بالصين ممثلة لوطنها السودان في أغسطس المقبل، وتتمنى آلاء أن ترفع اسم البلاد عالياً في المحافل الدولية بجانب تشجيعها لبنات جيلها للولوج في هذه الرياضة الجماهيرية كما تصفها وتتمنى التوفيق للمنتخب السوداني في تحقيق إنجازات لافتة في بطولة التقاط الأوتاد وأبدت فخرها الشديد بالمنتخب حتى حال خسارته اللقب، وتملك الفارسة الصغيرة اثنين من الخيول.

اليوم التالي


تعليقات 8 | إهداء 0 | زيارات 2993

التعليقات
#896044 [ود الحارث]
0.00/5 (0 صوت)

01-26-2014 03:59 AM
اطعام اسرتين لمدة عام حرام واللة حرام صاح يا ناس السخييييييييييييييينة


#895392 [السنجاوي]
0.00/5 (0 صوت)

01-25-2014 11:52 AM
بالتوفيق إن شاء الله رغم حال البلد المائل


#895371 [ابوايمن الحلاوى]
0.00/5 (0 صوت)

01-25-2014 11:36 AM
برضو بت مصارين بيض طالما ساكنه فى كافورى وتمتلك اتنين من الخيول ،، وزى ما ذكر تكلفة الحصان من تدريب وعلاج وعلف يكفى لاسرتين فهذه الاميره تملك غذاء اسرتين لعام كامل ولو باعتهم فيكفى حياه كريمه لعدد من الاسر !!!! ولكن كاتب المقال تحامل وتجامل فى وضع الفارسه فى خانة الفقراء وهذا جزافا كذبا.. ونحن فى حوجه لرفع اسم السودان فى مناحى اخرى ولا اريد ذكرها والله من وراء القصد ......


#895265 [asd]
0.00/5 (0 صوت)

01-25-2014 10:16 AM
الرياضه دي قاسيه علي غشاء البكاره مفروض تلعب بعد الزواج


#895266 [ودبري]
0.00/5 (0 صوت)

01-25-2014 10:16 AM
خبر جميل من زول فقير يسعد به أهل السودان الفقراء بدلاً من كذب الأغنياء الفبيح


#895180 [Kudu]
0.00/5 (0 صوت)

01-25-2014 09:14 AM
أمس شاهدت مسابقة السودان الدولية لقلع الاوتاد نقل حي شاشة النيل الازرق وكانت مسابقة مميزة من حيث الفوضى حتى لم نتعرف على الفرق المشاركة ومن الفائز وكان يوجد مذيع داخلى يحاول الترجمة الفورية ويكثر من الأخطاء وكأنهم اكتسفوا للتو ان المكان يعج بالاجانب وبالتالي لابد من ترجمة فورية.. تم تقديم عوض رياضية هزيلة ليس لها علاقة بالمسابقة مثل تقديم فرقة عسكرية تسمس الفرقة التاسعة المحمولة جوا لتدريبات في التايكوندو يمكن لأي فريق من رياض الاطفال تقديمها.. أعقبها بتقديم سوري لعروض روتينية من قوة التحمل والأسوأ هو ارتجاله لخطبة بدون مناسبة كسر فيها تلج دراش .. بدا الصادق المهدي عجوزا فوق المعتاد كما جلس ابنه الفارس عبدالرحمن مع نائب الرئيس حسبو ومال عليه وهو يتكلم بضراوة بالغة ولا يبدو ان السيد حسبو المنتفخ زهوا كان يستمع لما يقوله..


#895148 [ود الحضري]
5.00/5 (2 صوت)

01-25-2014 08:46 AM
البت دي قريبتك ولا شنو بعدين رفعت اسم السودان وين وفي ياتو دولة ويعني شنو ( د . ج ) اذا انت مهتم بالفروسية عارف مصطلحاتها انت بتكتب لي ناس كتير منهم ما عندهم فكرة عشان نقدر نعرف هل دا انجاز ولا انحياز بعدين قدمت لينا البطلة ( الصغيرة ؟؟؟ ) علي اساس انها كسرت قاعدة احتكار الاسر الكبيرة للرياضة اتوقعتك بعد داك تقول لينا انها جاية من عامة الشعب وبي امكانيات متواضعة صنعت المستحيل تجي تقول ساكنة كافوري وجدها كان بمارس الرياضة دي وعندها حصانين التكلفتم 40 الف جنيه والعيشتم تعيش اسرتين طوال العام ( زي ما قلت ) دا كلام شنو الفطير دا يا انت احوص فكر يا اما بتكتب لي ناس فكرهم احوص
واكرر ليك السؤال تاني ( انت البت دي قريبتك ولا شنو ؟؟ )
معليش يا بتنا انت ممكن تكوني احرزتي انجاز ورفعتي اسم السودان جد جد لكن الزول دا بالخبر دا شوه ليك انتصارك وما مشكلة لو الرياضة برجوازية لكن ما في داعي لادعاء البطولات وزي ما في رياضات برجوازية في رياضات للعامة عندك مصارعة النوبة دي في زول من كافوري بفوز فيها


ردود على ود الحضري
European Union [ود امدرمان] 01-25-2014 04:19 PM
شكرا يا ود الحضري قلت الكلام الكنت عاوز اقولوه باستثناء السؤال عن انو البنت قريبته... يا اخي و الله خبر مكتوب بطريقة تغيظ و يديك احساس انو الكاتبه بني جاهل بابسط قواعد الكتابة.. مش الكتابة الصحفية


#895141 [ام احمد]
0.00/5 (0 صوت)

01-25-2014 08:37 AM
الي الامام وبالتوفيق ان شاء الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة