الأخبار
أخبار إقليمية
إتفاق لتطوير وتأهيل المنطقة المحيطة بمطار الخرطوم الدولي
إتفاق لتطوير وتأهيل المنطقة المحيطة بمطار الخرطوم الدولي


01-24-2014 06:13 PM
كتب مركز حزب البشير الصحفي
الخرطوم (smc)

توصل الاجتماع المشترك بين محلية الخرطوم وشركة مطارات السودان القابضة إلى تعميق الشراكة بين الجانبين، فيما يختص بتطوير وتأهيل المنطقة المحيطة بمطار الخرطوم الدولي.
وثمن معتمد محلية الخرطوم اللواء عمر نمر خلال الاجتماع الذى رصدته (smc) مع مدير عام شركة مطارات السودان القابضة الاستاذ محمد عبد العزيز، الجهود التي تقوم بها الشركة، والتي أثمرت عن مشروعات متعددة في إطار الخضرة والتجميل والتطوير شرقي المطار،لافتاً إلي ضرورة استكمال أعمال الإنارة في الجانب الشرقي وإزالة جميع المخالفات علي امتداد السور الغربي للمطار قبالة شارع أفريقيا باعتبار إن الشارع يعتبر مدخل الزائرين للبلاد.
من جانبه، رحب مدير عام شركة مطارات السودان القابضة الاستاذ محمد عبد العزيز بمواصلة التعاون مع محلية الخرطوم ودفع الشراكة بين الجانبين لرحاب أوسع، معلناً عن التزام الشركة بالإسهام في إنارة الحدائق شرقي المطار ومشروع الشريط الأخضر علي شارع أفريقيا وتأهيل المدخل الرئاسي الشمالي حتى شارع النيل.


تعليقات 14 | إهداء 0 | زيارات 5480

التعليقات
#896291 [محمد]
0.00/5 (0 صوت)

01-26-2014 09:49 AM
كم تبلغ قيمة إنشاء المطار الجديد عليه اعملوه شركة مساهمة المعتربين لوحدهم سيشيدوه
داء مطار أم هرم كل المطارات التي زرناها عبارة عن بلاط ابيض وتسوير زجاجي وكل شيء يلمع من البلاط الى الزجاج فقط اعطونا الارض ودعوا الدراسات والقيمة يحددها المغتربون في أسهم شركتهم المزمعة


#895618 [Abdulrhman]
5.00/5 (2 صوت)

01-25-2014 03:37 PM
المطار الجديد وينو ؟!!


#895583 [الراصد]
5.00/5 (2 صوت)

01-25-2014 03:00 PM
انشاء المطار الجديد لا يعني بالضرورة الاستغناء عن المطار القديم... فبالمطار القديم بنية تحتية هائلة ومكلفة من مدرج للطيران والهبوط ومخازن عملاقة ومنشآت ضخمة للصيانة والتخزين ليس من الحكمة اطلاقا الحديث عن هدمها او بيعها خصوصا وانها سيرة يسيل لعاب تجارالاراضي من مسئولي الخرطوم وحكامها...والاسلم ان يظل المطار الحالي كما هو بعد تطويره وترقيته بيئيا وعمرانيا في حدود تضيف للمدينة ولاتأخذ منها...ليكون مناسبا كمطار بديل في حالة الطوارئ اوالا ستقبالات الرسمية اوان يخصص للسفريات الداخلية فقط...كما يمكن ان يكون في مستقبل أفضل قادم مهبط مخصص لشركة الخطوط الجوية السودانية كميزة لها في داخل المدينة...


ردود على الراصد
United States [عباس] 01-25-2014 05:25 PM
الناس بيتكلموا عن المطار القديم ما جابو سيرة المطار الجديد لانو داك صار نسيا منسيا حولوا ميزانيته لجهة اخرى ووقف العمل فيه .


#895567 [طه جعفلر]
5.00/5 (1 صوت)

01-25-2014 02:36 PM
جميــــــــــــــــل ... دي تبع التمكين ولا التوالي ولا الحضاري ... ( اللبيب بالاشارة يفهمو)


#895544 [aborafat]
0.00/5 (0 صوت)

01-25-2014 02:05 PM
والله الافضل قتح المجال لشركات اجنبيه لاحداث النقله والتطور الدى يتمناه المواطن لواجهة البلد المطار يجب ان يكون بالمستوى المطلوب


#895268 [كيس الموز التحت السرير]
3.50/5 (2 صوت)

01-25-2014 10:16 AM
المطار اساسا متهالك واصبح وسط البلد ؟ والبفيظ اكثر كلمة مطار الخرطوم الدولى ؟ ياجماعة الخير الخدمات تعبانه شديد والمطار محتاج لاضائه اقوى من كده او بعدين لبس العاملين فى المطار يجب ان يكون من القماش ذو اللون الفاتح ( كلو ناس المطار اللبس بالبنى ) نحنا بشرتنا سمراء يجب ان يغير اللون البنى وكذلك الموظفين شكلهم كئيب . يجب تحسين مرتباتهم . انا عاوز المسئولين فى الطيران المدنى ديل اسافرو خارج السودان عشان اشاهدوا المطارات على الطبيعه وبعدين اشوفو الفرق والبون الشاسع .


#895074 [سكسك]
4.00/5 (4 صوت)

01-25-2014 04:42 AM
تطوير المطار عمالك وعسكرك وضباط عليك الله خلي لبسهم محترم وجميل ومكوي وبلاش سبهلليه واي زول داخل بيخدم في معارفه تطويرك اصلح سقف الصالات الواقع وبعضه مافي تطويرك جيب شركة اعلانات محترفه ومهندس اضاءة محترف تجد مجهودك ظهر حاجات بسيطه تعمل الكثير والحمامات والبنات الكثار ديل خليهم يتعلمون البسمة والظرافه وكذالك الرجال انتم عنوانا والنظرة الاولي بتقرر انا كزاير وسايح هل دي بلد بتستاهل ام ان اتورطت والله انتم اهمه لنا من اي شي والله يساعدك وانسي المحسوبية جيب الزول المحترف الصادق الامين فهل تسمعني ام انا باذن في مالطا


ردود على سكسك
European Union [محمد] 01-25-2014 11:11 AM
هههههههههه،، صدقني مالطة قريييييبة


#895066 [رانيا]
4.50/5 (4 صوت)

01-25-2014 03:58 AM
الظاهر نووا يبيعوا المطار . . وآهو كله إستثمار لصالح البلد هههههه وما تخافوا هم بيعمروا مطار جديد في مكان ما يوما ما حنسمع بيهو ههههه . .


#894979 [سعاد خيرى]
4.50/5 (6 صوت)

01-24-2014 11:41 PM
بالله أهتموا بالحمامات المتسخه في المطار , والتي لايوجد بها ماء ورائحتها كريهه مثل أدبخانات السوق,, والله شيء مخجل ,, شيدوا احمامات حضاريه جميله ومريحه تليق بمطار الخرطوم ,, حمامات البيوت أجمل من حمامات المطار ,,شيء بسيط لكن كبير في معناه انتبهوا أيها الساده ,, والكلام ليك ياسعادة اللواء الفاعل النشط والايجابى ,اللواء عمر نمر


#894968 [علي طه]
5.00/5 (1 صوت)

01-24-2014 11:16 PM
بدل تطوير المطار تتطوير ماحوله امامه الفيل يطعن في ظله


#894890 [بياع الطماطم]
4.50/5 (2 صوت)

01-24-2014 09:16 PM
والله ياداوودي انا نفس الشئ فتحت الخبر المايع ده قايله بتكلم عن المطار الجديد. وقلت خلاص الواحد لمن يرجع بعد عمر طويل يلاقي ليه مطار يشبه مطار قريه اوروبيه ولا حتي افريقيه ناميه! لكن طلعوا بتكلموا عن بوابة القمامه بتاعتهم دي. بالله الواحد بعد مايسدوا نفسه جوه المطار تاني بقدر يشوف شارع افريقيه! وبعدبن خضرة شنو البتكلموا عنها دي هم ماشافوا العالم وصلوا وين؟ هو العرب الماعندهم مويه حلوه ديل قلبوا الصحراء جنه تقول لي خضره واناره ! انتوا لسه ورررا ورررا خالص.


#894808 [الغاضبة]
5.00/5 (3 صوت)

01-24-2014 07:47 PM
ان شاء الله تكونوا نظفتوا المطار من جوة بس، والسير بتاع العفش ان شاء الله تكون غيرتوهو، والمناظر القبيحة نظرتوا في امرها ولا لسة، قال المنطقة المحيطة بالمطار، يا حرامية يا نصابين مالها المنطقة المحيطة بالمطار ما زي العجب، عاوزين تنهبوا باقي الفلوس قلنا لكم بس نظفوا المطار من جوة وبس ورتبوهو زي ما بترتبوا بيوتكم .... حيطة تقع فيكم كلكم ان شاء الله


#894779 [Abdulsalam]
5.00/5 (1 صوت)

01-24-2014 06:58 PM
ده فتح لباب مأكلة وفساد مالي .... اشهدوا علي كلامي هذا .. سوف ياتي تقرير المراجع العام السنة الجاية ويظهر هذا


#894773 [داوودي]
5.00/5 (1 صوت)

01-24-2014 06:51 PM
قلتا احتمال الكلام دأ عن المطأر الجديد. .....الله يعين بس



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة