الأخبار
أخبار إقليمية
دكتورة شيخة : إجتماعات منظمة المرأه العربية تهدف لتفعيل دور المرأه فى المجتمع
دكتورة شيخة : إجتماعات منظمة المرأه العربية تهدف لتفعيل دور المرأه فى المجتمع
 دكتورة شيخة : إجتماعات منظمة المرأه العربية تهدف لتفعيل دور المرأه فى المجتمع


عقب لقائها السيده الأولى وداد بابكر
01-24-2014 07:42 PM

الخرطوم (سونا) إلتقت السيدة الأولى وداد بابكر بقاعة الصداقة ظهر اليوم بالدكتورة شيخه سيف الشامسى مدير منظمة المرأه العربية من دولة الأمارات وذلك على هامش إجتماعات المجلس الاعلى لمنظمة المراه العربية الذى ستبدأ فعالياته غداً بقاعة الصداقة.
وأعربت الدكتور شيخة عن شكرها وتقديرها لحكومة وشعب السودان لكرم الضيافة والترحاب مشيرة الى ان لقائها بالسيده الأولى كان هاماً ومثمراً تناول قضايا المرأه على مستوى الوطن العربى .
وأكدت فى تصريح ( لسونا) عقب اللقاء أن من أهداف منظمة المرأه العربية وحدة الصف العربى ودعم الآفاق الإستراتيجية للمرأه فى كل الوطن العربى بجانب النهوض بالمرأه وتفعيل دورها فى المجتمع واشراكها فى اللجان الاستشارية على المستوى الفنى والادارى .
وكشفت عن قيام منتدى بالتضامن مع دولة المغرب لبحث قضايا المرأه فى كافة المجالات.

وأعربت شيخة عن أملها أن يخرج المؤتمر بتوصيات تكون فاعلة على كافة الأصعدة .


تعليقات 19 | إهداء 0 | زيارات 3904

التعليقات
#896336 [ابوماجد]
0.00/5 (0 صوت)

01-26-2014 11:22 AM
السيده الاولى في شنو ؟؟؟؟
صحيح هي الاولى في السرقه والنهب .... لكن غير كده الطيش في كل شيء .....


#895644 [أبو حسن]
5.00/5 (2 صوت)

01-25-2014 05:08 PM
في صحيفة المجهر عدد اليوم السيد الهندي عزالدين ينتقد تعليقات الخبر اعلاه ويعتبرها إساءة للسيد البشير والسيدة وداد ويتحدث عن الرمز الوطني عن اي رمز تتحدث عن الرمز الذي اصبح اصبح اخوانه وزوجاته من اثرياء القوم بمال الشعب السوداني ولا عن اعضاء حسبه الذين فاضة اموالهم في بنوك العالم تتحدث عن رمز يقف شعبه في صفوص الخبز والغاز والسودان من اكبر الاراضي الزراعية في العالم وعن تتحدث عن الرمز الذي دمر كل مرافق الدولة الحيوية باسم الخصخصة عليك يالهندي ماتفلقنا من زمزك دا كان انت مستفيد منو ومن حكةمتو دي حاجة خاصة بيك لانو انت من صحفي مغمور لرئيس مجلس ادارة ودا كلو من عمايل زمزك الكبير دا والله انا شخصياً لا ارائ فيك اي إمكانيات ولا مؤهلات تخليك في موقعك دا في مليون واحد احسن منك ياخي عايز تصادر حتي تعليقات الناس عن خبرة لسيدة كانت مغمورة في مطبخ بيتها وبين يوم وليلة تبقي سيدتنا الاولي والله لو سيدتك انت برأك انت حر بس ماسيدتنانحنا والله بشيرك دا الإساءات الدنيا دي كلها شوية عليهو ياخي ارحم نفسك وارحمنا معاك يامرتزقة.


#895321 [موجووووووووووووووووع]
5.00/5 (1 صوت)

01-25-2014 12:06 PM
كلي ياكمي قبل فمي .......... في وطني الحبيب العديد أو ثلث بناته على درجة من التعليم لا يستهان بها فمنهن الوزيرة وأعلى من ذلك فلماذا وداد السيدة اللا أولى في السودان ولا حتى الأخيرة ........ عذراً وطني ...... فأنت في إنتظارنا نحن من ولدنا في رحم فرن الانكاس


#895120 [العريبية]
5.00/5 (1 صوت)

01-25-2014 08:54 AM
المراة السودانية والحمد لله دورها فى المجتمع مفعلاهو تالت ومتلت

ساده خدمة فى البيت وفى التكل تهبهب فى الحطب لانو الغاز مافى والفحم غالى

وبدبر فى حلتها بالمرقة والرشوشة لانو الويكة غاليه واللحمة ولافى الاحلام

مالاقية الطايوق تمسح بى الدوكة عشان تعوس او تقطع العصيدة مااصلو الخبز بقى مافى والذرة غالى

وشيلن القرقريبة وعوسن وسفسفن اصلو العيش ده مافى واحسن تعرفن


#895095 [وروار]
5.00/5 (1 صوت)

01-25-2014 08:01 AM
والله يا بت هسن اءسا هيرتينا معاك هندي ولا نرجع!!!!


#895069 [الرباطابي]
5.00/5 (3 صوت)

01-25-2014 05:10 AM
الولية السمينة دي خاتا ليها صندوق مناديل على اليمين وصندوق مناديل في الأمام . العبارة شنو؟ قاعدا ليها في بيت بكا ولا شنو؟ غايتو جنس تخلف وعباطة ومشاترة


ردود على الرباطابي
European Union [امل] 01-25-2014 03:35 PM
بكون عندها نزلة

United States [قوز دونقو] 01-25-2014 12:38 PM
المفروض الطاولة الكبيرة دي يضعوا فيها (علبة حلوي سعد) و بجانبها كأس ماء بااااااااااااااااااااااااااارد لأنه الضيفة دي جاءت من منطقة مكيفة شديد و أكيد لما تصل إلي القاعة مكان الإجتماع (ريقها يكون نشف خلاص ) ياأخونا أخبار حلويات سعد شنو ؟؟ أصلي كنت متذكر كانت تعرض حلويات في السوق الحرة بمطار (هيثرو) بلندن .. يا حليل حلويات سعد و بعدين يا أخونا(جبرا ) دا كان عندو كسرة ثابتة عن خط هيثرو صحيح عملوا فيه شنو؟؟؟


#895067 [عوض ياسين]
0.00/5 (0 صوت)

01-25-2014 05:03 AM
حسب علمنا المتواضع أن وداد بابكر هي الزوجة رقم (2) في ترتيب نساء الرئيس عمر البشير . فكيف أصبحت السيدة الأولى ؟ المفروض إنها السيدة الثانية . والحق ما بيزعل .


ردود على عوض ياسين
[ابوماجد] 01-26-2014 11:24 AM
يا اخي كل شيء في السودان ده ماشي بالمقلوب ...

European Union [فرح ود تكتوك] 01-25-2014 11:49 AM
إذا كان رب البيت ظالمآ ، والعلماء المنافقون يحيطون بالظالم ، والصحفيون الدجالون كثر ، فالزوجة التى لا تخاف الله ، تشتغل بيزنس ، وتصير هى السيدة الأولى فى السودان ، يا شيخ عوض ياسين .


#895063 [رانيا]
5.00/5 (4 صوت)

01-25-2014 04:36 AM
أخي الساهر . .المظهر يعكس عدم نظام وسبهللية وإنعدام ذوق ورقي . .يعني بلدي خالص! ! حتى زوجها دايما مجلسه عينة . . يا الطربيزة معووجة ومافي وسط السجادة يا خاتي صناديق مناديل عجيبة من كل بحر قطرة . .يا قاعد غلط وماخد راحته على الآخر! ! الناس بتفتكر إنه دي سفاسف لكن العكس صحيح ده المفروض يكون عنوان لقمة هرمنا ودبلوماسيتنا . . لرئيسنا وحرمه المصون السيدة الاولى . .


#895047 [Faisal]
5.00/5 (1 صوت)

01-25-2014 03:27 AM
إنشاْ.. يعني نضم والسلام (تفعيل وتعزيز وووووووو).. طق حنك وقلة حياْ


#895003 [الساهر]
3.75/5 (4 صوت)

01-25-2014 01:25 AM
تفعيل دور المرأة العربية ،،، طيب هن نايمات يعنى ولا شنو ..

بعدين يا وداد ،،، دقستى المرة دى ،، الديكور زى الزفت ،،، حتى المرة العربية القدامك دى قاعدة على امشاطها من قلة الذوق والجوطة الفى الحتة دى ،،،،، الكرسى اللى انت غاطسة فيها دى فى جهة ،،، وتوبك فى جهة ،،، والتربيزة الصغيرة كأنوا جايباها من السوق الشعبى ،،،

حتى الفوط الفى الترابيز كأنك جايباهن من سوق ليبيا ،،،

احرجتينا قدام بت العرب ،، يا بت النوبة ،،،،


ردود على الساهر
European Union [العريبية] 01-25-2014 08:43 AM
كان لبست ليها توب ابيض فيهو نقشة خفيفة على الاقل يمشى مع فوط سوق ليبيا دى

ويمشى مع المناسبة الرسمية بدل التوب العجيب البجنن الحربوية والله ماماشى مع اى شئ غير فهمهاوذوقها وهى الهبلة قايلة نفسها مطقمة مع الكرسى بالبطشة البنيه احمد الله ياخوى الماجات ماليه ادينا حنة

بت العرب الفوق عز بلدهاغالبها تلبس الوان الحربويه الانت لابساها دى

ماشايفاها لابسه كاجوال والوان بسيطة ولكل مقام مقال

توبك ينفع لسماية وللا طهور شتااااااره شديده

اما النضم نحمد الله الماسمعناهو


#894997 [mghoor]
5.00/5 (2 صوت)

01-25-2014 01:19 AM
يعني يا اخونا واخوتنا نفهم ان بقي في السودان سيده اولي وسيده الطيش. والضره تبقي الاولي والاولي تبقي التانيه.ولا الاولويه بتاول حسب تسلسل الحروف الهجائيه ذي ما قالت ستهم...... يا ستهم..... بعدين سيد السودان عنده علم بالسياده دي يعني سيادت حريمه للسودان .ولاعلمه للموضوع دا ذي علمه عن( الهوت دوق )والدهب الهديه من الاميره هديه الكان ماشي البنوك البريطانيه.واترعت البطانيه ورجعوها الاجوديه...والله يا السودان محن...محن ..سمعنا بي رائدات السودان لكن اجن نسوان اهل العوض ابقن سيدات السودان (الاولي) اولي مره واحده كده ..يعني نحن السودانين نغير من كسير التلج نقلب نكسر (شاف و طلح) ؟؟؟؟؟؟؟ محن والله محن


#894959 [أبو حسن]
0.00/5 (0 صوت)

01-25-2014 12:07 AM
طالما البشير الرجل الاول فما في دهشه وداد بابكر تكون السيدة الاولي الناس زعلانين في شنو لو رضو ان يكون البشير وامثاله في قمة السلطة وبكري واللمبي وزير الدفاع بالنظر والله نحن نستاهل تكون السيدة الاولي عندنا ودادالكانت في المطبخ وبقت رئيسة مؤتمرات الله يرحمك يأبراهيم شمس الدين تموت انت وترتاح وتخلي لينا وداد تمغص فينا


ردود على أبو حسن
European Union [جارتها] 01-25-2014 08:29 AM
وهو الطبيخ قالو ليك كانت بتعرف ليهو

والله كنت جارتها وماضقت ليها ملاح ظابط

ياخوى الشفت شفت فى اى حاجة كان طبيخ كان دكتره

والوهم وهم فى اى شئ كان نضم كان طبيخ

غايتو ختوها لينا شرط عين


#894936 [ali alfred]
0.00/5 (0 صوت)

01-24-2014 11:25 PM
السيدة الأولى عندهاشهادة التطعيم ضد الحصبى


#894904 [nagatabuzaid]
5.00/5 (1 صوت)

01-24-2014 10:40 PM
قريبا جدا ومن بين المفاجعات المفجعة التى تنتظرونها حصول المدام على الدكتوراه من السربون


#894884 [سودانيه]
5.00/5 (1 صوت)

01-24-2014 10:11 PM
قبل كده مش قلت ليكم اشتروا ليها شهاده دكتوراه من اي لفه ولا زقاق شن الله كثر بلا الشهادات اللبيع علي الاقل لمن تقابل ذي ناس د شيخه تكون عينه قويه نفسي اعرف بتناقشها في شنو الوزيرات كثار في البلد حمله الدكتوراه المانع شنو يقابلوها هم علي الاقل نستفيد من اللقاء المجامله في شنو دي حتي تنظيم نسائي في الحي ماكانت مشاركه فيه خافوا الله فينا صحي الاختشوا ماتوا قبلنا بالسرقه كمان تمثل النساء في السودان والله كثيره


#894855 [سب]
0.00/5 (0 صوت)

01-24-2014 09:48 PM
مايسمى بالسيدات الأول فى الدول العربية.. فكرة قديمة تجددت

منتج معروف من منتجات المخابرات الأجنبية


#894836 [عصمتووف]
0.00/5 (0 صوت)

01-24-2014 09:12 PM
عشنا وشفنا


#894830 [سومي العسل - الدمام]
0.00/5 (0 صوت)

01-24-2014 09:08 PM
هسي ياجماعة وداد بتعرف تتكلم ولا تكون فضحتنا ساااي ...


#894784 [رهييب]
0.00/5 (0 صوت)

01-24-2014 08:05 PM
تصنيف السيدة الاولي لوداد بابكر بيزعل بت عم بشةولا ديك المراءالاولى ينعي هو ازوجها اول ولا بت عمو ؟؟؟ غتي قدحك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة