الأخبار
أخبار إقليمية
مفاجآت، لا نود معرفتها
مفاجآت، لا نود معرفتها
مفاجآت، لا نود معرفتها


01-24-2014 08:06 PM
منى بكري أبوعاقلة


رغم التشاؤم الذي يملؤني بحيث لا يترك لي مجال للتفاؤل حين سمعت عن المفاجأة التي سيعلنها الرئيس، وخاصة، أن البلد وصلت إلى حد الإغراق وأن إنقاذها يتطلب أكثر من إعلان المفاجآت. رغم ذلك، تساءلت في نفسي حول المفاجأة وماذا ستكون؟؟؟.

دار بخلدي أن البلد تدور في رحى حروب ممتدة طالت لعشرات السنين بدءاً من دارفور، جنوب كردفان والنيل الأزرق، فهل ستكون المفاجأة هي وقف نزيف الحروب وقتل الأبرياء في القرى، والحد من النزوح والتشرد.
عدم الترشيد في الإنفاق، وتوجه الحكومة الي إنفاق ملايين الدولارات على الأمن والدفاع والتسليح بدلا من دعم الفقراء ، ربما ستكون المفاجأة هي توجيه الإنفاق بدعم الفقراء وتوديع الفقر في السودان.

الارتفاع المتزايد على أسعار السلع والخدمات والتي أصبح للسلع سعر في أول النهار وسعر أخر في أخره، والتلاعب بالأسعار من التجار والوسطاء، وعدم وجود رقيب أو حسيب. ربما ستكون المفاجأة بتحقيق الرخاء وتخفيض الاسعار وخلق رقابة صارمة على المتلاعبين بقوت الشعب.

الفساد وما أدراك ما الفساد الذي أصبح جهاراً نهاراً، وله دلائل وشواهد وملفات ووثائق، ربما أن المفاجأة هي انتهاء عهد الفساد وإحالة المفسدين إلى المحاكم ولا كبير أمام القانون.
ارتفاع معدلات التضخم وانخفاض الجنيه السوداني إلى أدنى مستوياته أمام الدولار وإحجام رؤوس الأموال الأجنبية عن الاستثمار. ربما تكون المفاجأة هي التحول إلى دولة زراعية منتجة وابتداع سياسات جاذبة وخلاقة.
هنالك قائمة من المسئولين المطلوبين للمحكمة الجنائية الدولية وعلى رأسهم الرئيس. ربما ستكون المفاجأة هي تسليم المطلوبين للمحكمة الجنائية الدولية، طالما أن القضاء الوطني عاجز عن تحقيق العدالة.

شهدت البلد في الآونة الأخيرة موجات من الصفوف المتراصة ابتدأت بصفوف الجازولين، ثم البنزين. ودون سابق إنذار أتت صفوف الرغيف، والغاز وهنالك من يقول بأن سيكون ندرة في الدقيق والسكر الخ.. ربما تكون المفاجأة بانتهاء كل الأزمات الأقتصادية وتحقيق الوفرة.

جثمت حكومة الإنقاذ ربع قرن على صدر المواطن السوداني ذاق فيها طعم الويل والديكتاتورية والاستبداد، ربما ستكون المفاجأة هي الاستقالة الجماعية لحكومة الإنقاذ (وبالطبع ستكون هنالك محاسبة ومساءلة أمام القانون) وانتهاء الكنكشة بإفساح المجال لحكومة انتقالية والاعلان عن انتخابات رئاسية وبرلمانية.
إن لم تكن المفاجأة هي كل ما ذكر أعلاه، فلا حاجة لي لمعرفة ما سيعلنه الرئيس في الساعات المقبلة، فقناعاتي تذهب إلى أنها ستكون مضيعة أخرى ومزيد من الفشل والإحباط الإنقاذي.
[email protected]


تعليقات 25 | إهداء 0 | زيارات 11021

التعليقات
#896897 [ودالرضي]
0.00/5 (0 صوت)

01-26-2014 08:12 PM
الكوزة منى ..
ده ما ياهو رئيسكم والكِضب اتعلمو منكم ومن شيخكم الضلالي .. فهو الذي جلب الجنرال و مكّن لهذه العصابة ..
انتم جزء من هؤلاء .. حنقول كدا لغاية ما يسقط النظام ووقتها سيكون هناك كلام تاني معاكم ..

ارجوا الراجيكم .. عفا الله عما سلف دي سقطت زماااان وخليناها عشان ما تتكلوا عليها كتير .


#896357 [المشتهي الكمونية]
3.50/5 (2 صوت)

01-26-2014 11:33 AM
قالوا المفاجأة المرتقبة إنو البشير حا يعلن توقفه عن الكذب ، يعني تاني ما حا يكضب كلو كلو ، أيوووووووي أيووووووووي زغردن يا بنات رئيسنا خلى الكضب


#896045 [جاكومه]
0.00/5 (0 صوت)

01-26-2014 05:08 AM
والله انتى عاقله وصحيح انو جدك ابو عاقلة . مفاجات شنو المنتظرنها ؟؟ ما كفاية انتظرنا ربع قرن !!

فينا من انتظر وقضى نحبه ووو..الخ .

الداير ينتظر يمشى لى ود الامين " فى انتظارك يا حبيبى ..الخ .

وله تغنو معايا وتقولو حكاوى مع ابو عركى البخيت .


#896015 [الكجنكي]
0.00/5 (0 صوت)

01-26-2014 02:56 AM
اليت علي نفسي انو ما اقرا حاجة من تحليلات التوقعات للمفاجآت واتمنيت لو الناس سكتوا ساااااااااااااكت ونشوف المشير حيفاجئ الناس بي شنو.. هسة بي كلامكم دة الحكومة عرفتكم متوقعين شنو كان تخلوا الكلام لحدي بعد المفاجآت.. شكرا ليكم برضو


#895958 [طال الانتظار]
0.00/5 (0 صوت)

01-26-2014 12:38 AM
والله يا منى حفيدة ابوعاقلة ربنا يديك الصحة والعافية وكلامك ده عجبني جد بالحيل وما عندي حاجة اقولها غير ابيات الشعر ديل
بـحْـلـَــم معـــاك إنـــو الحُـــزن غــيــمـــه وخــــلاص رحَــلــــتْ بـعـيـد
وإنــو الـلـى باقـى مـن الـسَّـفـَــر مـن عـُـمــرى كـلــو بعـيـشـــو عِـيـــد
إن شاء الله طـُـول ما فــرحـى بـيـــكْ ما نـعـيـش زمـن قـاسـى وعَـنـيـد
****
خلينا نحلم شوية ونرتاح من همنا والزول ده خلاص قال الروب يحلو الحل (بلة)


#895723 [كاهلي]
0.00/5 (0 صوت)

01-25-2014 06:59 PM
مفاجة ناكل مانزرع


#895707 [جدو دنيقيله]
0.00/5 (0 صوت)

01-25-2014 06:40 PM
!!!!!!!!!!


#895704 [ممكون وصابر]
0.00/5 (0 صوت)

01-25-2014 06:38 PM
ما زمان قال اعتكاف حكومة جديدة واصطفاف
25سنين عجاف دمار وحروب وفساد واسراف
شعب مسكين عايش كفاف ادونا بس عرض اكتاف


#895667 [حداثة صالح]
0.00/5 (0 صوت)

01-25-2014 05:40 PM
الخبر اليوم بفلوس وباكر مجاني ننتظر نشوف المفاجاءة يمكن يكون صرف قروش للمواطنين !


#895643 [القعقاع الفي القاع]
5.00/5 (4 صوت)

01-25-2014 05:03 PM
سلام يا مدام منى أبو عاقلة و حسنا فعلت بأن صرحت بأنك لا تريدين معرفة مسرحية مفاجأة السفاح وحزب تجار الدينن. يكفيكم مفاجأة واحدة من السفاح عمر البشير: عندما إعتقلوا و عذبوا زوجك و كتوقيع إسلاموي أصيل وقعوا على جسمه بالمكواة الكهربائية الساخنة. يكفيكم و يكفي الشعب الصابر مفاجأات بيوت الأشباح التى أذلوا فيها خيرة أبناء و بنات الوطن. و لا نريد من السفاح إلا أن يكون على مستوى الرجولة التي يدعيها و يقدم نفسه لمحاكمة الشعب يقتص منه إقتصاصا ثم يقدم نفسه بعدها -لو كان رجلا فعلا- لمحكمة الجنايات الدولية. و دمتم


#895642 [كاسترو]
0.00/5 (0 صوت)

01-25-2014 05:03 PM
يا ميمى اادركتى اننا كنا على حق؟


#895532 [المشروع]
3.00/5 (1 صوت)

01-25-2014 02:54 PM
مفاجأة شنو؟ نحن نعيش الى هذا الحال لمتين؟ الرئيس عندو مفاجاة نحن شفع ؟ ولا في القرن الاول الميلادي هل نحن في زمن نيرون حريقةفيها بلد وسياسةلو كانت بالطريقة؟


#895436 [محمد حسن أحمد]
3.00/5 (1 صوت)

01-25-2014 01:28 PM
أكيد مفاجأة الخنزير الخائب الرقاص بائع أرضه وعرضه ستكون قرار بإيقاف التحقيقات مع مجموعة شباب فيديو الإغتصاب ومنحهم وسام الإغتصاب لجمهورية قطيع الخنازير تكريما لهم على تطبيقهم نظريات ونهج قائد القطيع وسيتناول القرار الإشادة بشاب حفرة الدخان ومطالبة بقية الشباب بأن يحذو حذوه فذلك أفيد لهم بدلا من الجلوس في مقاهي الأنترنت والتعليق على سياسات النظام


#895359 [جدو دنيقيله]
4.00/5 (2 صوت)

01-25-2014 12:28 PM
!!!لازم محاسبة ومسائلة!! دي أغبى جملة توعد بيها زول مسيطر على شيء وتكافئه بالعقاب إذا تركه!!!
إنتو ذاتو بي طريقتكم دي والله لو إستقالوا يكونوا أغبياء وحمير
المسامح كرييييييييييم!!! وخليهم لي الله بس


#895270 [factman]
2.00/5 (1 صوت)

01-25-2014 11:17 AM
المفأجاة ان لايستقيل بعد كل هذا الدمار


#895217 [ابو خالد الدمام]
0.00/5 (0 صوت)

01-25-2014 10:46 AM
لك تحياتي اخوك الدرديري


#895213 [كحل الشيخات]
3.00/5 (1 صوت)

01-25-2014 10:45 AM
يا ناس الراكوبة ما تجيبو لينا كتابات فجة زي دي المشكلة يا بتنا ما في الخطوات الاصلاحية الي ذكرتيها , المشكلة منو البنفذها كيف بعد ده كلو نرجو من الناس ديل الاصلاح والله انتو طيبين جنس طيبة ياهو ذاتو عجز القادرين علي التمام القالو


#895167 [Sudani]
5.00/5 (1 صوت)

01-25-2014 10:01 AM
الساعات القادمة دي ما انتهت - لكن

صدقوني سينطبق علية المثل البيقول تمخض الفيل فولد فار

و بكرة حنقعد جنب الحيطة و نسمع شنو ....... الظيطة


#895149 [عاطف]
5.00/5 (1 صوت)

01-25-2014 09:46 AM
خمسة وعشرون سنة كذب ونفاق وضلال وحرم وطلق ومنتظرين مفاجئة


#894977 [fm3]
5.00/5 (1 صوت)

01-25-2014 12:39 AM
واللة البصدقوا بكون ساذج ذيو
متذكرين اعتكاف رمضان والصحفيين لما سالهوا قال ليهم(واللة ما اداهوا ليهو بس وراه ليهوا ورجعوا)
كرت ادروب الاحمر
قال للصحافة انتوا فهمتوا الاعتكاف بطريقة تانية
يا اخوانا هذا لا يمكن ان يقول كلمة قبل ما يتلقى من مرشد الماسونية التعليمات


#894903 [صديق حليم براغ]
0.00/5 (0 صوت)

01-24-2014 10:38 PM
كانت تابيتا بطرس فى دولة الامالات لحضور مؤتمر الطاقة البديلة ، ربما رجعت بخطط خمسية للاستغناء عن البترول والغاز !!؟


#894866 [سوزان]
5.00/5 (1 صوت)

01-24-2014 09:57 PM
انفك وحلنا .حلنا الحل بله


#894864 [الفنجري]
5.00/5 (1 صوت)

01-24-2014 09:56 PM
كارتر كلمهو فتوهو ليهو وانحنا اولاد البلد قاعدين منتظرين قال مفاجئة قال


ردود على الفنجري
United States [رانيا] 01-24-2014 11:44 PM
على رأيك ..


#894826 [الاسمر الوهاج]
5.00/5 (1 صوت)

01-24-2014 09:06 PM
كلو وارد بس حقيقه انا مامتفايل بانو البشير ده بتطلع منو حاجه مفيده كلها ساعات ونشوف


#894794 [الحارث]
5.00/5 (1 صوت)

01-24-2014 08:21 PM
مفاجأة مفاجأة مفاجأة
احنا لاعبين كرتله و لا توتو كورة
مخاطبه للشعب بمنتهى الاستخفاف و فرعنه تنتهى فى النار



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة