الأخبار
أخبار إقليمية
ثـوريون نعم ياحسين خوجلى ، لاتمكينيون!!
ثـوريون نعم ياحسين خوجلى ، لاتمكينيون!!
ثـوريون نعم ياحسين خوجلى ، لاتمكينيون!!


01-25-2014 12:08 PM

حيدر احمد خيرالله

نشكر الله كثيراً ان تمكنّا عبر هذه الصحيفة أن نميط اللثام عن حجم المؤامرة التى تستهدف انسان السودان عبر مااطلق عليه الأستاذ حسين خوجلي ( حزب السودان الكبير ) وأكذوبة النقد الذى يرتدي رداء الخشونة بينما هى مجرد مواقف معدة سلفاً وآتت أُكلها للإسلامي الذى إكتفى مما فعله من أفاعيل إغتالت الديمقراطية وأتت بهذا النظام الذى شوّه الاسلام وأفقر السودان وقسّم الوطن أيدي سبأ ، بإعتذار قميئ يسوِّق للعودة لسوح حياتنا تسويقاً يستغفل عقولنا .. ويعمل جاهداً على أن يقنعنا بأن من كانوا الأزمة سيكونون الحل .. وهيهات !! وحسين خوجلي امير الاحاجي يرى الفيل ويحارب ظله ، ويراهن على الأقوى ليستر ضعف الحجة وهشاشة المواقف .. والسودانيون يتابعون اراجوزات السياسة السودانية مثل الحسين وأضرابه من الجماعة التى أتت على أخضر ويابس هذا البلد الكظيم .. وحسين خوجلي قد قبض الثمن مرتين :

الأولى عندما قفز فتى الشرفة من وسط المجتمع الى عوالم المال والأعمال على أنقاض كرام رجال المال والاعمال الذين ظلت اسماؤهم محفورة فى ذاكرة الناس فكانت فيوض اموالهم مدارس ومشافي وخدمة للناس .. والثانية عندما قبل لقناته القيام بدور التضليل المنظم فجاءت الاعلانات تترى وربما اشياء أُخر.. والسودانيون شهوداً عدولاً يرون مايجري ولسان حالهم يقول : ( الإستحوا ماتوا ) ..

ونحاور الأستاذة اسماء محمود محمد طه حواراً مختلفاً وحسين خوجلي يقذف بالصحيفة ويمر عليها مرور اللئام .. ليبحث عن مواضع للهزؤ ويهزأ به اهل السودان .. ويطالب الرئيس بكشف مواطن الفساد والإتيان بالمستندات وتنشر هذه الصحيفة تحقيق العصر عن تزوير وزير المال وحسين خوجلي يمسك الصحيفة بيده اليسرى ويرفع يده اليمنى على شكل شبه منحرف كما يعرِّفه الهندسيون .. وتخرج الكلمات على طريقته ( ناس الجريدة ديل ثوريين ساكت) والسودانيون يميزون .. ويشكرون الله الذى فضح أكذوبة مسوِّق فكرة ( حزب السودانيين الكبير ) الذى لايرى فى اتهام وزير المالية بالتزوير فى عهد مزاعم التجديد مايستوجب التعليق عليه ، ويجريها الله على لسانه ( ديل ثوريين ) فأعطى الجريدة مقاماً تطمح للوصول اليه .. ويضحك اهل السودان على الرجل ( الوناس ) وهو يوحي لمستمعيه كأن الثورية شبهة سوء .. وهو يتحدث عن التغيير وكشف الفساد .. بينما يتجاهل اكبر قضية فساد تنظرها المحاكم ؟؟ والحسين يستدر عواطف الناس بجهاز التنفس الصناعي ويتبرع اهل السودان .. فبأي وجه سيستدر هذه العواطف النبيلة وهو يعجز حتى عن تناول ماطرحه المراجع العام باتهام صريح لوزير المالية ؟ حسين خوجلي اللعبة المكشوفة صارت مفضوحة .. وشعبنا دقيق التمييز ويعرف من الذى يعيش للشعب ومن الذى يعيش على الشعب .. نحن فى الجريدة : ثوريون نعم : ( لاتمكينيون ) ولن نكون .. وسلام يا ااااااوطن ..

سلام يا
مستشفى الخرطوم تصحو نقابتها على مؤامرة وزير الصحة واكتشفوا اخيرا :ان التفكيك مستمر والكلام دخل الحوش .. هبوا لتملأوا الحوش إحتجاجاً على هذا الإثم العظيم .. وسلام يا ..
الجريدة السبت 24/1/2014
[email protected]


تعليقات 17 | إهداء 0 | زيارات 6796

التعليقات
#896484 [الراعي واعي]
1.00/5 (1 صوت)

01-26-2014 01:14 PM
برنامج حسين خوجلي دا مرفوض على نطاق واسع وكل الناس عارفينو بزوغ ويطبل ويقبض الثمن لكن دي ما المشكله . المشكله انو زول توفرت ليهو امكانيات كبيره زي دي وشاف انو حكم الاسلاميين ديل فشل مفروض ما يشارك في خداع البسطاء الا أكان هو زاتو مشكوك فيهو وفي مالو وناس الانقاذ ماسكين عليهو قصص . الحكم دا فشل ويا حسين خوجلي عليك بمواجهته ولا في خشمك سمكه . ومافي زول حاسدو لانو معلوماتو بسيطه جدا وزي البرنامج دا واكتر منو ممكن المعارضه تقدمو ومعاه كمان بين الفواصل اغاني ثوريه وصور متحركه لزعماء سودانيين حقيقيين . خوجلي يخدع ولكنه يخدع من هو في حاجه إلى التنوير الصحيح . يخدع الاطفال وكبار السن والنساء الاميات ويفعل ذلك بقوة عين وقسوه متناهيه . الرجل يملك عماره واموال ولابد من المحافظه عليها من الفقراء امثالنا ومن الجوعى الفي كل مكان ..


#896321 [ابوحمزه]
5.00/5 (3 صوت)

01-26-2014 11:08 AM
يا جماعه مش ملاحظين انه اغلب الكتاب والصحفيين كتبوا عن برنامج الاستاذ حسين خوجلى واغلبهم كانوا بحاولو يقللوا من المواضيع البتطرح فى البرنامج او ينتقدوها ففعلا كل صاحب نعمه محسود فالاستاذ حسين خوجلى اغلب الكتاب والصحفيين حسدوه على النجاح الباهر والالتفافه الشعبيه الكبيره حول البرنامج مع انهم مفروض يشكروه لانه بقى ليهم موضوع يكتبوا عنه فالى الامام الاستاذ حسين ومن نجاح الى نجاح فى تغيير اغلب البرامج السطحيه للقنوات السودانيه وبالتوفيق يا استاذ .


#896043 [احمد فؤاد]
1.00/5 (1 صوت)

01-26-2014 04:54 AM
لمن لا يعرف حقيقه حسين خوجلي وجريده الوان ارجو من الاخوه الاعزاء الرجوع الى الاعداد القيدمه اي قبل 1999 أحد المبشرين بالمشروع الحضاري بمايحمله من شموليه وعنصريه وتعصب ....بكل اختصار


ردود على احمد فؤاد
[ابو مبارك] 01-26-2014 01:40 PM
منو اللي قال ليك حسين خوجلي ناكر الكلام، الراجل قال بالحرف الواحد في برنامجوا دا : قال نحن كسرنا الديمقراطية ونادمنين على انو انحنا جبنا ناس وصلناهم للحكم وفي النهاية ظهروا لينا انهم ناس كراسي ساكت .
وبالله ياناس ما بنقول ليكم ما تشوتوا بس قبل ما تشوتوا اعرف انتو شايتن وين؟!!


#895966 [shaib]
0.00/5 (0 صوت)

01-26-2014 12:51 AM
it is just wonderful! Ali Osman is renting a house because he does not has one.


#895824 [asd]
5.00/5 (1 صوت)

01-25-2014 09:01 PM
براحه علي الراجل راسوا مليان عمه


#895786 [ود كرف]
0.00/5 (0 صوت)

01-25-2014 08:17 PM
لسنا بأخبابٍ ولا الخائن المأجور يخدعنا.


#895648 [D A L I E]
0.00/5 (0 صوت)

01-25-2014 05:15 PM
ما شاء الله حسين اشتاق لايام مناكفات النشاط و محلق حول هذا المقال .. و لكن بعباطة كالعادة .


#895575 [ابواحمد]
0.00/5 (0 صوت)

01-25-2014 03:49 PM
الجمل ماشى والكلب ينبح يكفى حسين خوجلى انه نفس على هذا الشعب المكلوم وانا كان سوف يلفت الانظار ومعالجه الاخطاء التى ذكرها ونحن اعضاء فى حزب السودانيين


ردود على ابواحمد
[Abdo] 01-26-2014 03:37 PM
حزب السودانيين للتنفيس ؟؟؟ و بعد ما يتنفسوا ؟ إتملوا تاني و تاني يجي حسين عشان ينفسوا ، و هكذا تستمر لعبة حسين معاكم ، هنيئاً لكم التنفيس

European Union [سلطان] 01-25-2014 08:24 PM
إنما هي الكلاب التي تتبادل النباح.

United States [ناصح] 01-25-2014 05:55 PM
ليس تنفيسا بل تضليلا فالشعب لا وقت لديه ليضيعه في حديث يكذب بعضه بعضا وتنافي مقدمته خاتمته و ما فائدة التنفيس أو بالأصح التخدير ثم بصحو الشعب ليجد نفسه قد مات وهو مخدرا دون أن يكون واعيا لينطق بالشهادة لعله يدخل بها جنان الأخرة بعد أن ضيع حسين خوجلي و أمثاله على هذا الشعب جنة الدنيا

United States [حران مهموم] 01-25-2014 04:53 PM
حسين خوجلي مكتوب له أن ينفس علي السذج أمثالك و ينتقد الوزارة السابقة كيف شاء .. فقط عليه أن لا يطعن في الفيل .. بل ظله .. و تنتظر كمان ربع قرن آخر .. فهمت حاجه و لا نعيدو ؟؟؟


#895551 [أ.س]
4.75/5 (5 صوت)

01-25-2014 03:12 PM
اي واحد ماعندوا فكره او حاجه يقدمها للمجتمع يقوم يكتب لينا عن حسين خوجلى. حسين خوجلي يقول ويعمل الدايرو والناس الايام دي كلها تتفرج برنامجوا ومتفاعلين معاهوا الراجل عمل ليهو جماهير المعارضه والحركات المسلحه مجتمعه ماقدرت تعملها, المعارضه محبطه من التفاف الشعب حول حسين خوجلي, المشكله انو المعارضه ماعندها حاجه تقدمها للشعب عشان كده بقوا يهاجموا اي واحد ناجح. حسين خوجلى نجح فيما فشلتم فيه تواضعوا يرحمكم الله٠


ردود على أ.س
United States [أ.س] 01-25-2014 07:59 PM
شوف ياهمر حسين خوجلي دا ما عندوا غير خشموا. يعني داير تقنعني انوا حسين خوجلي دا هو المانعكم من الخروج واسقاط النظام من سنة ٨٩ ياراجل المعارضين تفكيرهم فى الكرسي لكن مادايرين يضحوا. والكرسي دا ما يجي بدون تضحيات. اذا كان هدفكم ازالة النظام اطلعوا الشارع زي كل الامم والشعوب. البشير مطمئن لانو عارف حال المعرضه قاعدين برا السودان ومستنيين الشعب يضحي نيابة عنهم ويقدم ليهم السلطه على طبق من ذهب

[HAMMER] 01-25-2014 04:59 PM
بس كمان المعارضة و معظم الشارع مش مقتنعين باداء الحكومة و يودون التغيير .. بينما حسين خوجلي بتاعك عاوزنا نصبر علي جماعته و يستمر مسلسل التجريب ..


#895525 [طائر الهوى]
1.00/5 (1 صوت)

01-25-2014 02:50 PM
فى احدي البرامج الحواريه جاء حسين خوجلى بضيف من البدرين و اثناء قراءة الضيف لقصيده بداء الضيف ينظر بعمق لحسين خوجلى وههو متكئاً على السبابه مظهراً سواعده الممتلئه والضيف يتابع النظر لولد المقنعه .
وحينها قال حسين خوجلى بغنج لكن ما خجلتنى ياالصافى!!!!


ردود على طائر الهوى
European Union [ابو محمد] 01-26-2014 01:02 AM
في نفس هذا الحوار قال حسين للصافي جعفر(سندس)..انا عارفك يا الشيخ مكسر في ابو بكر الصديق ده كدي احكي لينا.....تركت بقية الحوار لقلة ادب حسين في تحدثه عن الصحابة..صغار السن لا يعرفون من هو حسين خوجلي وماذا فعل في آخر ديمقراطية من فسق وفجور واطلاقا للاشاعات وتشويها للشخصيات تمهيدا للانقلاب المشؤوم


#895496 [assewar]
3.63/5 (4 صوت)

01-25-2014 02:18 PM
نحن لانقبل بدستور جديد يغض الطرف عن محاسبة الإنقاذيون المتأسلمون وحظر نشاط عصابة الهوس الديني ومنتسبيها من الأطراف الأخرى(القوات النظامية
، الخدمة المدنية، الشعبييين منظمات المجتمع المدني الإنقاذية والصحفيين المجرمين).


#895440 [باشبزوك]
2.75/5 (5 صوت)

01-25-2014 01:30 PM
و الحسين هذا الذي يطالب الرئيس بكشف مواطن الفساد و الاتيان بالمستندات !!! لماذا سكت عن النقيب ابوزيد و هو يأتي بمستندات فساد رجال الداخلية علي طاولة الرئيس .. ثم يكون جزاؤه السجن بدلآ عن الاشادة و التقدير !!!


#895421 [ابوالاء]
3.00/5 (3 صوت)

01-25-2014 01:20 PM
ليس لحسين خوجلى اى مسوق ادبى حتى يطل علينا من زاويته بقناته فقبل ان يستبيح الفضاء لبث سمه الزعاف عليه اولا ان يعتذر للشعب السودانى كل الشعب السودانى وحتى طفلتى التى ستنجب فى دول المهجر بعد شهور عما اغترفه اعلامه ابان الديمقراطية التى استلبها الترابى ذلك الاعلام الردى الذى مارسوه ضد رموز تلك الديمقراطية حتىوادوها حية ---ثانيا عليه ان يميط اللثام عن امواله من اين اغترفها وكلنا سمع عن القروض الحسنة التى لم ترد الى البنوك ___ثالثا يجب عندما يخاطبنا ان يتحلى بحيادية ولا يؤذى اسماعنا بتمجيده لسيده الترابى الذى يعرف كل السودانين انه سبب مانحن عليه وهللوا مرتين عندما سقط فى انتخابات الديمقراطية وعندما اقاله البشير


#895405 [شمال و جنوب فى محنة]
0.00/5 (0 صوت)

01-25-2014 01:03 PM
هذا الحسين ذكرنى واحد عندنا من القصة يخلق قصة يومها كن في المجلس و صاحبنا قصة وراء قصة فاردت ان اقاطعه بقصة من نوع حكاويه فختفت الكلام منو قبل ما استرسل في القصة و حكيت ( يوم ماشلى في شارع الغابة نص الليل لاقونى تلاتة رباطين شايلين سىخ و رفعو ليك السيخ و بدوا مهاجمتى و اخت لى صن فقام هو قال لى و اها الحصل شنو قلت ليه مسكت السخة و خرتها قال لى و اه قلت لى واللهى اكلت شية لمن شبعت ) امتعض و قال هسع دى لخبطة شنو قلت ليهو ما ياهو من جنس حكاويك فاخونا حسين بحفظ و بقص بس عندو هدف خبيس اكان كضب او تاليف او تلفيق


#895397 [المنفى]
4.00/5 (3 صوت)

01-25-2014 12:57 PM
والله يا حسين خوجلى انت ارجل سودانى ؟ ولا شنو يا جماعة الله!


ردود على المنفى
[أم أبوها] 01-25-2014 02:08 PM
أنت جادي ؟ ؟ أم هي ( تريقة ) و قدح بما يشبه المدح .. حليل الرجال .. ماتوا في كوش .


#895365 [عزة]
5.00/5 (1 صوت)

01-25-2014 12:33 PM
دى اسمو شحاد المرضى بتاع كنانه
خلوه ليه يوم


#895363 [الدباغ]
4.75/5 (6 صوت)

01-25-2014 12:32 PM
زعلانين من حسين خوجلي عشان ما عبركم !! وما تبنى افكاركم .. استحوووو يا أقزام


ردود على الدباغ
United States [باندا] 01-25-2014 05:08 PM
يكفي أن حسين تبني أفكار الترابي اللي ودتنا في ستين داهية و صار مليارديرآ بجاه الترابي .. بل نحن عظماء يحكمنا أقزام مثل من تلمع أحزيتهم و تلعق في موائدهم اللئيمة .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة