الأخبار
أخبار إقليمية
غندور : وثيقة الرئيس موجهة لكل اهل السودان وتم الاعتكاف علي اعدادها منذ يونيو
غندور : وثيقة الرئيس موجهة لكل اهل السودان وتم الاعتكاف علي اعدادها منذ يونيو
 غندور : وثيقة الرئيس موجهة لكل اهل السودان وتم الاعتكاف علي اعدادها منذ يونيو


01-28-2014 12:48 AM

الخرطوم (سونا ) عبر البروفيسور ابراهيم غندور مساعد رئيس الجمهورية مسئول شئون الحزب بالمؤتمر الوطني عن تقديرهم لكل القيادات السياسية والفكرية والوطنية وممثلي البعثات الدبوماسية والاتحادات ومنظمات المجتمع المدني الذين لبوا الدعوة لحضور خطاب السيد رئيس الجمهورية.
واوضح في مستهل تقديمه للسيد رئيس الجمهورية لتقديم خطابه مساء اليوم بقاعة الصداقة بالخرطوم ان الخطاب رسالة من رئيس المؤتمر الوطني رئيس الحكومة لكل القوى السياسية وعبرهم لكل الشعب السوداني، مبينا انها وثيقة تم الاعتكاف لاعدادها منذ يونيو الماضي .
وذكر ان الوثيقة اشتملت علي مرتكزات اساسية لاجراء أعمق حوار وطني في التاريخ السياسي للبلاد من اجل ايجاد حلول للقضايا الوطنية المختلفة.


تعليقات 22 | إهداء 0 | زيارات 2368

التعليقات
#900090 [fm3]
0.00/5 (0 صوت)

01-29-2014 12:54 AM
من علامات قيام الساعة اذا وسد الامر لغير اهلة
هؤلاء الاقزام لا يقوى بحكم بيوتهم
فكيف بحم بلد وشعب
اليك المشتكى يا ربنا


#899807 [راشد الشفيع]
0.00/5 (0 صوت)

01-28-2014 06:43 PM
الخطاب يدعو الي (حمار) وطني


#899601 [ود البلد]
0.00/5 (0 صوت)

01-28-2014 03:55 PM
معقول كذبة البرفسير تبع العسكر
تكون ظاهرة فى عدد واحد من الراكوبة


#899560 [المشروع]
5.00/5 (1 صوت)

01-28-2014 03:35 PM
الخطاب ليس من رئيس الحكومة للشعب وانما من رئيس حزب المؤتمر الوطني عن برنامج الحزب الوطني وبرضو الى الآن شغالين تتضللوا في الشعب قولو كلمة حق واحدة في حياتكم وتذكروا يوم الآذان ؟ ما هو يوم الآذان
(واذن مؤذن ان لعنة الله على الظالمين ) صدق الله العظيم سورة الاعراف


#899543 [أهل العوض]
5.00/5 (1 صوت)

01-28-2014 03:28 PM
أي طالب من الإبتدائي زمان قبل ثورة تعليمكم المزعومة ممكن يكتب في دقائق موضوع إنشاء أفضل 100 مرة من خطاب القشير ده.فعلا شعب عملاق يقوده أقزام.!!!!


#899376 [radona]
0.00/5 (0 صوت)

01-28-2014 02:04 PM
والله يابروف غندور ومع الاحترام
لو كلفني الرئيس بوثبة لاعددت له وثبة افضل من التي ظل الاعداد منذ يوليو
وكذب من اطلق عليها وثبة .. حقيقة هي انزلاقة
يعني عليك الله يابروف
... دايرين نناقش موضوع الهوية والتنوع العرقي والثقافي بعد ضياع الجنوب والبترول يعني هسع انت ماعارف هويتك شنو ولا الرئيس عارف هويتو تقدر تقول انك عربي او افريقي بسيطة نختصرها..افروعرب..
... يعني انتشال المواطن من الفقر ما معروف كيف هل قدمتم مختلسي المال العام سودانير وسودان لاين والتقاوي والمبيدات الفاسدة والحج والعمرة والاوقاف وجوكية البنوك ومن يقف خلفهم والذين يجنبون المال العام والذين يحصلون خارج اورنيك 15 او بنموذج منه للمحاكمة وهل تصدى احدكم بما تملكونه من بلاغة ودهاء لمنظمة الشفافية العالمية .. ببساطة الفساد قضى على الاخضر واليابس ومازال يرتع..
... يعني قومية السلام وانتم تديرون حوار منذ عقود اما ان ينصاع لكم المتمردون وتمنحوهم مناصب دستورية واموال مثل اركو مناوي او بالعدم تحاربونهم .. يعني صعبة اعلان عفو عام مكفول من قبل الامم المتحدة ومجلس الامن والاتحاد الافريقي وجامعه الدول العربية بما ان الطرفين المتنازعين حول السلطة والمال الحكومة والمتمردين بيحاوروا بعض منذ عقود دون فائدة
... يعني الاحزاب مثل حزب الامة والاتحادي الذين يشاركوكم الحكم تبهدلونهم البهدلة دي كلها وتجيبوهم على ملا وشهم ليحضروا كلام زي ده وماذا يفيدكم اذا اشتركوا في انتخابات 2015 م وانتم منحتوا كل واحد منهم وظيفة مساعد رئيس احدهم لايعرف النيل الابيض من الازرق ولا شمال من جنوب كردفان والاخر ليس له الا الخيل ومالمصارعة وهم راضيين ومبسوطين .وولكن السؤال هل ينجر المؤتمر الشعبي الى الانتخابات ولو بعد 5 سنوات خليك من السنتين الطلبهم وهل ينجر حزب المؤتمر الوطني للانتخابات وهو رفض تلبية الدعوة من اساسه كانه يقرأ الغيب سبحان الله ..
يابروف غندور دعكم من كل ذلك ووفروا قروش الانتخابات وجيبوا مكاين غسيل كلى بقروش الانتخابات
واعيدوا هيكلة الحكومة الى اقل من 15 وزارة و5 اقاليم للحكم لانه الجيش العرمرم من الدستوريين من حولكم ما زادوكم الا خبالا ومصير الشعب يقوم عليكم نتيجة الجوع والفقر والمرض في صباح يوم اغر لو استمررتم في هذا النهج .. على ميفكم لكن والله قناعة الشعب بدات تتشكل وتتبلور لاطاحة بل واجتثاث هذا النظام اسوة باخوان مصر وقد اصبح المصريون مثالا لكل سوداني في مجالسهم وفي اتراحهم وافراحهم وفي المواصلات والاسواق .. افيقوا


#899325 [jalabi]
0.00/5 (0 صوت)

01-28-2014 01:30 PM
الاعتكاف يتم للعبادة لغة وروحا وفيه أجر عظيم لكن إعتكافكم والله أعلم لهو إثم كبير لانه لم ولن يعود بمنفعة للمسلمين وبالمناسبة لم نسمع تهليل وتكبير كما جرت العادة


#899200 [عمر أحمد]
5.00/5 (1 صوت)

01-28-2014 12:19 PM
واحد خاوي والثاني مخاوي ،،،،،،، قال إعتكاف قال


#899175 [الجمبلق]
5.00/5 (2 صوت)

01-28-2014 12:04 PM
والله خطابكم المعفن دا انا فى ستة دقائق اكتب احسن منو قوم لف بلاء يخمكم كلكم عالم عفن.


#898810 [عصمتووف]
5.00/5 (1 صوت)

01-28-2014 09:26 AM
6 شهور الديك والدجاج راكضا في البيض الفساد وكاااك كاااك وكك كااااك و ظيطة وظبريطة خلاصتها بيضة ديك


#898654 [الحسن والحسين]
5.00/5 (3 صوت)

01-28-2014 06:22 AM
والله السودان فى أيدى أمينه والناس دى بتتعب عشان نحن نرتاح معتكفين من شهر يونيو وما أرتاحو ولا يوم الا امبارح بعد الخطاب ويا ترى الاعتكاف ده كلف الخزينه كم دولار بلى يخمكم يا سجم الرماد


#898642 [sudani]
5.00/5 (2 صوت)

01-28-2014 05:50 AM
وذكر ان الوثيقة اشتملت علي مرتكزات اساسية لاجراء أعمق حوار وطني في التاريخ السياسي للبلاد من اجل ايجاد حلول للقضايا الوطنية المختلفة. بالله ده كلام انت لو ماعارف الحلول ليه حاكم السودان ربع قرن سخف واستهبال ومضيعه وكسب للوقت واستخفاف بعقل الشعب السودان وهو دليل علي خوف البشير من الطوفان والتغيير القادم سوف تزهبون الي جهنم ومزبله التاريخ انشاءالله,


#898595 [هاشم عباس]
3.75/5 (3 صوت)

01-28-2014 04:20 AM
اعتكفتم لها - وكتبتموها بماء الذهب - على ورق من استبرق وصغتوها بالغة الاتمنسيكية ونطقتوها بفم كاذب لا ترتقي لمستوى حاكم يحكم باى دين من الاديان السماوية - ام تتابعوا مواقع التواصل الاجتماعي والصحف وصوت الشارع عن تطلعات الشعب السوداني -تطلعات الشعب السوداني هو ان ترحلوا من سدة الحكم لا غير - ارحلوا لو كان فيكم مثقالة زرة من خير وكفى


#898593 [ودالبله]
5.00/5 (3 صوت)

01-28-2014 04:13 AM
بالله شوف الراجل ابو شنب الاسمو غندور الخيخة ده شعب شنو الموجه ليهو الخطاب ياباطل انت نفسك مامقتنع بيهو كلام الطير ده


ردود على ودالبله
European Union [ود النوبة] 01-28-2014 07:45 AM
ياود بله فى سودانى ود بلد اسمو غندور ياخى بلا حلب مخلوطبلا عفن


#898549 [سوداني و بس]
5.00/5 (2 صوت)

01-28-2014 02:55 AM
يا اخوانا قولو آمييييين :
.اللهم هذا عمر حسن احمد البشير، ولي نفسه علينا هو و عصبته، اللهم انا ندعوك باسمك الاعظم الذي اذا دعيت به اجبت، اللهم انت اعلم بحالنا لا يخفي عليك، يا قيوم السموات و الارض، يا مالك الملك يا الله، اقصم ظهر البشير و اعوانه، اللهم احصهم عددا و اقتلهم بددا و لا تغادر منهم احدا، اللهم شق عليهم كما شقوا علينا، الهي انت اعلم بحالنا و حالهم، اللهم بكل يوم تمرغوا فيه في نعيم ابدلهم به يوما مقداره خمسين الف سنه في الجحيم يا رب العالمين، يا الله يا الله يا الله ..اللهم انهم اجاعوا الاطفال و يتموهم، و قتلوا الرجال و اخزوهم و رملوا النساء و شردوهم، اللهم خذهم اخذ عزيز مقتدر كما اخذت فرعون و هامان و جنودهما، اللهم اصبهم في اموالهم و بدنهم و اهلهم، اللهم اجعل نومهم كابوسا و صحوهم عبوسا، يا منتقم يا جبار، يااااارب.
اللهم آميييييين
..


ردود على سوداني و بس
United States [sasa] 01-28-2014 04:38 PM
اللهم آمين اللهم آمين اللهم آمين

United States [سوداني حر] 01-28-2014 10:29 AM
اللهم آمين اللهم آمين اللهم آمين


#898545 [sad]
5.00/5 (1 صوت)

01-28-2014 02:52 AM
الشغل دا والله اعلم شحدة بي فوووووق الزول ده فتر من سك القروش
دي فكرة امكن يلقي ردووود


#898539 [حد بيعرف احسن م الحكومه!!]
0.00/5 (0 صوت)

01-28-2014 02:45 AM
(1)ست شهور قاعدين يا غنضور تكتبوا فى الخطاب دا.. والله ما ابأسكم فكرا وصياغة وما اباسها من قراءه وما اسوأه من طرح.. على كوولو حال انت يا غنضور برأت ذمتك بتصريحك يوم السبت فى برنامج الواجهه وبينت انه ليست هناك مفاجأه.. والمسأله ترتيبات عاديه لكن بالنسبه لكارتر وغيرو البعيدين من السودان وما معتادين على الكضوبات بيفتكرو انو فى جديد زى ما قال ليه البشير!! طبعا متعودا.. دايما.. وصدقك البشير قولك للناس.. كل الناس!! انه لا فى مبادره او مفاجاه ولا يحزنزن .. عادى.. كلام .. كسب وقت..
(2)ألأمام الحبيب الرمز قال ما بيعلّق الا بعد ما يدرس الخطاب!! زمان نميرى (الله يرحمو) سألوه عن رايو فى خطاب السادات لما اعلن (السادات) انه حيمشى اسرائيل ..نميرى رد انه حيدرس الخطاب .. استدعاه السادات للتشاور (بس بعد ما كان اتخذ قرارو.. السلدات ما طلع الآ بعد ساعتين لمقابلة نميرى,, وحين خروجو من مكتبو ودون ميقول لنميرى السلام عليكو:: فاجأه السادات بقوله:: من امتى يا قعفر انت بتدرس الكلام اللى انا بؤولو .. ايه اللى حصللّك ,, تكونش محتاق لدكطور!! كمان يا امام يا حبيب يا رمز "ايش قاب لقاب" هوّ فين الخطاب اللى انت عاوز تدرسو ؟ هوّ فى حد فهم حاجه؟ لأنو ما حدش بيعرف او بيفهم احسن م الحكومه!! بس نسألك (1)وين وصل موضوع التوقيعات والتعبئه والتصعيد ؟ ماذا اصطدت اليوم يا حبيب يارمز "اررنب ولاّ فيل بحالو" ايه الجديد اللى اتى به البشير.. ؟
وسؤال آخر لعبحميد الفضل وكاتم السر : ايه السر فى "التقاء السيدين" عبرحمن وقعفر(الصادق) المهدى والاميرغنى ( دون غيرهما من الحاضرين) فى لبس الزى ألأسود فى لقاء اليوم ..بينما 98% من الحاضرين كانوا ما شاء كووولهم" بياض الفل (ياخى جننى)" هل كان تلاقيهما سوادا اليوم "متفقا عليه..؟ ولاّ صدفه واسود صدفه !!


#898515 [مرتضى الحاج]
0.00/5 (0 صوت)

01-28-2014 02:14 AM
ههههههه هسي عليك الله وثيقتكم دي قاعدين فوقها من شهر يونيو !!
ياخ دي راس مالها الله يكرم السامعين من تخش الحمام وقبل تجر المقعد المفروض تكون انتهت !!


#898451 [ساب البلد]
5.00/5 (1 صوت)

01-28-2014 01:25 AM
******** دا معتكفين ليه من يوليو ؟؟؟؟؟؟؟ ***** طلع كده ******* ما عارف لو اعتكفتوا ليه الاسبوع الفات ح يطلع كيف ؟؟؟؟؟؟ *************


#898436 [ابو الخير]
0.00/5 (0 صوت)

01-28-2014 01:15 AM
الحلبي الكلب يمشي يشتغل مع السيسي ولا مرسي ايش دخله في السودان
الخطاب كلام الطير في الباقير
والله مافهمت منه شيء
غير انه مكرر ومعاد مليون مرة منذ 25 سنة


#898432 [القعقاع الفي القاع]
3.50/5 (2 صوت)

01-28-2014 01:14 AM
"تم الاعتكاف عليها منذ يونيو"
يعني مئات الشهداء في سبتمبر كانوا مجرد "شوشرة" و لذا تخلصتم منهم بدم بارد!!! و الله عفارم عليكم يا أبالسة يا كلاب


#898420 [ابومروان]
1.00/5 (1 صوت)

01-28-2014 01:08 AM
اولا كونوا المؤتمر الوطني يقر بفشل سياسته ضمنيا بتقديم خطاب هذه محمده وممكن نقول الخطاب بيمهد لانعطافه مابين 90 الى 180 درجه في السياسة ومهد لها بالتنصل من التمكين وابعاد الابقار المقدسة وكل هذا محمده ولكن تقول لي الخطاب لعامة السودانيين فهذه خدعه لان لغته كانت صفوية للغاية فهي مالايخاطب به العامه الخطاب موجه للاحزاب لاسيما الامة والشعبي والاصلاح لكي ينخرطوا مع الوطني يتحملوا وزر الانقاذ لكن يجب على الناس والامه والشعبي والاصلاح وسائحون ان يصدقوا لانه من خدعنا بالايمان انخدعنا له من اجل عيون السودان ومستقبل اولادنا يجب على الجميع ان يعملوا من اجل السودان في هذه المرحلة حتى الانتخابات المقبلة وبعد داك التخلص من المؤتمر الوطني لكي لا تنزلق البلد الى هاوية


ردود على ابومروان
United States [ديموقراطية] 01-28-2014 02:17 AM
يا خوي الخطاب لا صفوي ولا حاجة ده خطاب (صفري ) من الصفر بائس المحتوي ركيك العبارة ويبدو انه من نفس بالوعة المصطلحات المستحدثة في 25 عاماً الماضية (اندياح- توالي - وماشابه) خاوي من الفكرة وضعيف الاسلوب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة