الأخبار
أخبار إقليمية
تصريح من الناطق باسم الحركة الشعبية : خطاب البشير وهمّي وهلامي ومدغمس وإستفزازي وتمهيدي لتمرير كارثة
تصريح من الناطق باسم الحركة الشعبية : خطاب البشير وهمّي وهلامي ومدغمس وإستفزازي وتمهيدي لتمرير كارثة
تصريح من الناطق باسم الحركة الشعبية : خطاب البشير وهمّي وهلامي ومدغمس وإستفزازي وتمهيدي لتمرير كارثة


أكد تصميم الجبهة الثورية على إسقاط نظام الخرطوم
01-28-2014 01:12 PM
خطاب البشير وهمّي وهلامي ومدغمس وإستفزازي)وتمهيدي لتمرير كارثة
دلمان: خطاب البشير ( وهمّي) و(هلامي) و(مدغمس) و(إستفزازي) وتمهيدي لتمرير كارثة

المناطق المحررة

شنّت الحركة الشعبية لتحرير السودان هجوماً عنيفاً على خطاب البشير أمس ووصفته بالوهمّي والهلامي والمدغمس والاستفزازي، وقالت أن البشير يسعي من خلال الخطاب تمرير قرارات أقتصادية ستزيد من معانأة الشعب السوداني،وأكدت الحركة الشعبية تصميمها والجبهة الثورية مواصلة النضال وإسقاط نظام البشير وهيكلة الدولة السودانية علي أسس جديدة تستوعب تعدد السودان وتنوعه وتحافظ علي وحدته وتماسكه الأجتماعي.

وقال سكرتير الأعلام والمعلومات الناطق باسم أقليم جبال النوبة / جنوب كردفان جاتيقو أموجا دلمان في تصريحات صحفية أن خطاب البشير ليس فيه جديد سوي إقراره بالفشل الأقتصادي وأضاف" الخطاب وهمي وهلامي ومدغمس وأستفزازي يسعي البشير من خلاله ترويض القوي السياسية والتقليل من حالة التذمر والسخط في أوساط المجتمع السوداني لتمرير قرارات أقتصادية يظن البشير بأنها سيتفاى بها حالة الإنهيار الأقتصادي الوشيك،وأكد دلمان أن خطاب البشير مثله وخطاباته السابقة جاء أنشائي وعديم القيمة السياسية ولم يجاوب علي اي سؤال من القضايا المطروحة في الساحة السياسية فضلا علي أنه محبط حتي لـ (أعز أصدقاء المؤتمر الوطني أمثال الصادق المهدي الذين كانوا ينتظرون حكومة أنتقالية منزوعة السلطات والصلاحيات) ،وقال دلمان أن طرح البشير لمسألة الهوية بهذه الطريقة السطحية يؤكد أن المؤتمر الوطني يعيش أزمة فكرية مميتة وأن الطرح يتناقض مع طرح سابق دفع به البشير في 2011م بالقضارف،وسخر دلمان من دعوات الحوار الوطني وقال علي البشير أن يحاور منسوبي حزبه أولاً في أشارة ( لمجموعات غازي وسائحون).

وجدد دلمان تصميم الجيش الشعبي والجبهة الثورية على إسقاط نظام البشير وهيكلة الدولة السودانية علي أسس جديدة تستوعب تعدد السودان وتنوعه وتحافظ علي وحدته وتماسكه الأجتماعي.


تعليقات 22 | إهداء 0 | زيارات 7274

التعليقات
#900536 [Kantoosha Khamis]
0.00/5 (0 صوت)

01-29-2014 11:38 AM
انا و الله مسكتنى حممى و رجفة من خطاب عمر التليفة, واصلوا يا ناس الجبهة الثورية, الشعب السودانى بسلاح و بغبره ميتين, الامل و الرجاء فى الله و بيكم انتو, بالتوفيق يا اصيلين.


#900383 [سامي]
0.00/5 (0 صوت)

01-29-2014 10:15 AM
البشير وحسين خوجلي وربيع عبد العاطي كلو مرض فى مرض يااخوي زهجنا خلاص


#899786 [ابوريدة]
0.00/5 (0 صوت)

01-28-2014 06:27 PM
لا جبهة ثورية نافعة ولا جن احمر ناس الجبهة الثورية ديل أظرط من المؤتمر الوطني وكلهم سجم في سجم .


#899746 [حسن - الخليج]
0.00/5 (0 صوت)

01-28-2014 05:48 PM
طيب تعال انت احكمنا ما هي هاملة و الله و الله راسك فاضي اكتر من بشه كمان قال نسقط الحكم قال


#899732 [حلفانكيل]
5.00/5 (1 صوت)

01-28-2014 05:37 PM
جلس ابليس ينصح ابنه قائلا يا بني لاتظن ان اغواء البشر بالامر اليسير ؛؛اغوه بالنقود اذا وجدته فقير؛؛ واذا قام لصلاة الصبح ذكره بدفئ السرير؛اذا كان مزارعا اغوه بسرقة الحمير واذا كان مهندسا اغوه بالاسمنت والجير.. فقم يا بني الى عملك طيييير فقال ابليس الصغير يا ابي وان كان سوداني؟ فبكى ابليس بكاء مرير وقال لابنه لا تكن شرير؛؛ دع السوداني فأمره عسير انه في دنياه يعيش في السعير دعه يا بني فعمره قصير وكفى ان عنده (( عمر البشير )) الا يعرف قلبك الرحمه ياصغير ؛؛


#899718 [الدندور أبوعوه]
4.00/5 (1 صوت)

01-28-2014 05:19 PM
قال البشير عندو مفاجأه وطلعت فسوة ديك هاهاي . الانقاذيين يعتقدون أن الشعب السوداني جهلاء لا يفقهون شيئا وأنهم حازوا علوم الأولين والآخريين وحازوا العلم المكتسب واللدني ( علم الخضر عليه السلام ) حتي قام هذا الغبي بتلاوة خطابه (( فسوة الديك)) وحسب جهله ومستوي فهمه ظن واهماً أن الشعب سيسمعه ويصفق له كالمنافقين المجتمعين حوله فإنفض سامر الانقاذ وأحزاب الفكه والسيدين المراوغين وكل يتساءل أين المفاجأه ؟؟؟ فالبشير كما عهدناه يرغي ويزبد في لا شيء ويعرض ويتراقص وجنوده يفرون من المعارك في جنوب كردفان والنيل الازرق وجنوب دارفو


#899690 [Al-kalis]
0.00/5 (0 صوت)

01-28-2014 04:50 PM
لافض فوق يا دلمان


#899668 [عادل]
4.75/5 (3 صوت)

01-28-2014 04:37 PM
انتم وهم كبير دمرتتم البلد ووقفتم عقبة فى طريق اى سلام او تفاهم وتحلمون بان تحكموا السودان ( حلم الجعان عيش) اتركوا هذه الغطرسة على الفاضى وتعاونوا مع الرئيس الراجل مازال يمد يديه وانتم تصرون على القتال وهى ما رجاله ولا فهلوه ولا مصالح شخصيه الحكايه تحل بالتفاهم والتعاون من اجل مصلحة البلد


ردود على عادل
European Union [المارد الصعب] 01-28-2014 09:22 PM
فعلا كلامك عين العقل واللى يرفض ياخد على قفاه وبكل قوة


#899651 [العبادي]
3.50/5 (2 صوت)

01-28-2014 04:27 PM
الخطاب دة مالو ما كان واضح وصريح المافهمو تكون المشكلة مشكلتو البشير كان واضح وقال ليكم دة تمهيد للجايي يعني بعد 25 سنة تانية حاتكون نتائج الخطاب ظاهرة


#899567 [سوزان]
1.00/5 (1 صوت)

01-28-2014 03:38 PM
وانحنا معاكم إلى النصر


#899547 [توتال]
5.00/5 (1 صوت)

01-28-2014 03:29 PM
والله انت قاعد تظر زي دا عمرك ما تقلب نظام هو النظام دا ملصق ب طين والله انت عربية ماتقلبها


#899539 [abuahmed]
0.00/5 (0 صوت)

01-28-2014 03:25 PM
الناس وكل الناس الناس وكل الناس حاجة تحير خلوهم والله والله بسلموها للشعب براهم اللهم أجعل كيدهم في نحرهم


#899528 [solli]
3.00/5 (2 صوت)

01-28-2014 03:17 PM
يجب علي كل حادب علي مصلحه البلد ان يعمل ما يفيد وليس كل من يجمع قبيله ويعمل خراب ويقول ثواربلا ثوار بلا كلام فارغ ثوار علي ايه اذا كل الشعب السوداني يعارض بالطرق السلميه


#899433 [نبض التعب]
4.50/5 (2 صوت)

01-28-2014 02:37 PM
مسدار الوثبــة =========================== أحمد مجذوب

وثبـة ووثبتيـن والتالتة بـرة الدولة
والقافلين عليك خسرو الرهان والـجولة
يسألك الكريم رب العباد المولي
حلقات المسلسل ام خطابك اولي ؟


يا عمر البشير انا معترض..ما راضي
ممكن انسي ليك كل الحصل في الماضـي
الواجعني منك .وفي سبيلو بقاضـي
يا خسارة المسلسل زمنو راح في الفاضي


اتلاقو الجميع كل عِمّة تضرب عِمّة
والناس يا عمر.. آمالا كان في القمة
نسمع بالخطاب قلنا الحكاية مهــــمة
دا الجامعنا ليهو من العصر بالذمة ؟!

يا عمــر البشير الدولة رسبت رسة
وأضحت للجهاز .. نص البلد مُنتسبة!!
السبب القبيل خلي الخلوق مُحتسبة
قنبلة الرئيس طلعت اشاعة ووثبة!!
يا عمر البشير حبل الصبر اتمطي
والـسودان يسير ..بس إلا زي البطة
منتظرين قرارك وقلنا زي الشطـــة
يوم طلع القرار القصة طلعت نطـــة


يا عمر البشير الوثبة تب مرغوبـــة
نتمني العمار لي ارضنا المحبوبة
في عز الخريف ما تشكر الراكوبة
لكن بالخطاب فعلا قلبتا الهوبة
يا عمر البشير هاك الكلام الواعي
البترول يطير ..سودانا ارضو زراعي
خليك للسلامة وللتقدم ساعـــي
لكن للخطاب صدقني مافيش داعي


يا عمر البشير ..ضيعتا زمن الامــة
قلنا لقيت علاج ممكن يزيل الحمي
عاملين للخطاب قومة وشمار و هلمة
قايلنو اسكريم.. لكن طلع داردمــــة!!


#899432 [سام]
0.00/5 (0 صوت)

01-28-2014 02:37 PM
البشير امن في الخرطوم ولا يهمه ان ضربتم ام برمبيطة او حسكنيته


ردود على سام
European Union [سام] 01-29-2014 11:27 AM
افهم تعليقي اولا ثم رد

[شنقول] 01-28-2014 04:25 PM
كذلك كان الديكتاتور شاوسسكو آمنا في عاصمته بوخارست في قصر المشيد ..
وهكذا كان القذافي آمناً خلف دروع حرسه الشرس بالعزيزيه المحصّنه عصيّه الاختراق ..
برضو رئيسك آمن في عاصمته الخرطوم ..


#899423 [هيثم الخلا]
0.00/5 (0 صوت)

01-28-2014 02:29 PM
حقيقة كلام البشير كان صفوي جدا وكأنه موجه إلى فئة محددة من الناس، ولم يخاطب فيه أحمد أو حاج أحمد أو كوكو الموجود في كهوف الجبال ولا حتى الأمهات الثكلى وأهل الصفة من جموع الشعب السوداني وهم الغالبية. فهي رسالة مخزلة جدا، وإن لم يتبعها بقرارات فورية تعكس بعض ممن حاول إظهاره وكأنه تنازل في الخطاب سيكون الأمر جد سخيف ومهول وسيجرنا إلى المجمهول أكثر وأكثر.


#899406 [Mohamed]
0.00/5 (0 صوت)

01-28-2014 02:24 PM
خير الكلام ما قل ودل.


#899386 [متى الانقلاب يا بلد :]
0.00/5 (0 صوت)

01-28-2014 02:13 PM
متى يا ناس الحركة الشعب كاد ان يحترق من شدة البؤس والفقر والعوز الذي اصاب كافة اهلنا ،


متى سيكون تخليص الشعب السوداني من البشير وزمرته هل ستطول القضية ام ان لديكم هبة قوية حتى مراكز القرار متى الاطاحة بهؤلاء الاوباش .............. لكن انتم كذلك لا تصلحوا لان تحكموا عليكم فقط بازالة النظام .


والرجال موجودين الصادقين وكل شخص حمل السلاح ضد الشعب السوداني لن يحكمه .


#899384 [نبض التعب]
0.00/5 (0 صوت)

01-28-2014 02:10 PM
( عمــر البشير الدولة رسبت رسبــة
لﻸمـــــــــن الجهاز نص البلد منتسبة
السبب القبيل خلي الخلوق محتسبة
قمبلة الرئيس طلعت اشاعة ووثبــــــة
... يا عمر البشير حبل الصبر اتمطـــي
والـسودان يسير بس اﻻ زي البطة
منتظرين قرارك وقلنا زي الشطـــة
يوم طلع القرار القصة طلعت نطـــة!!

(ودالمجذوب).


#899355 [عزة]
0.00/5 (0 صوت)

01-28-2014 01:50 PM
كل الناس وخلى ابان دقون طلعوا زى الناس
روح يا نسناس
شعب عجيب و وناس


#899313 [ود النوبة]
0.00/5 (0 صوت)

01-28-2014 01:23 PM
والله يأستاذ جاتيقو افضل رد لهؤلاء : بأن تصدروا بيان مكون من اربع او خمس كلمات فقط و هى كألاتي ( خطاب البشير لا يعنينا في شيئ و السلام) بس هذا ابلغ رد لهؤلاء .


#899307 [تايسون]
0.00/5 (0 صوت)

01-28-2014 01:21 PM
دا كلام صاح



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة