الأخبار
أخبار سياسية
دعوة لإلحاق الأهالي بكورسات متقدمة في "العربية" لفهم الخطب الرئاسية
دعوة لإلحاق الأهالي بكورسات متقدمة في "العربية" لفهم الخطب الرئاسية
دعوة لإلحاق الأهالي بكورسات متقدمة في


السودانيون يقابلون خطاب_البشير بسخرية لاذعة:
01-28-2014 02:20 PM

الخرطوم – مقداد خالد
فأجا الرئيس السوداني عمر البشير الشارع السوداني بخلو خطابه في قاعة الصداقة أمس "الأثنين" من أية مفآجات كان وعد بها قادة حزبه الحاكم وفي مقدمتهم رئيس البرلمان السابق أحمد ابراهيم الطاهر والذي نقلت عنه تصريحات مفادها إن خطاب الرئيس سيحمل مفاجاة ستكون اشد وقعاً من اعلان التشكيل الحكومي الأخير والذي خرج بموجبه ابرز رجالات الانقاذ عن دائرة التاثير وفي مقدمتهم النائب الاول علي عثمان محمد طه، ومساعد البشير القوي د. نافع علي نافع.
وعقب "افيشيات" اعلامية كثيفة سبقت الخطاب ووصلت بالأهالي حد التكهن بامكانية احتواء الخطاب قراراتٍ قوية نحو إمكانية تنحي البشير وتقديمه استقالته، واجراء مصالحة وطنية شاملة تضم الطيف السياسي، فضلا عن اتخاذ قرارات تزيح العبْ الاقتصادي الثقيل المفروض على المواطن السوداني؛ عقب ذلك كله خيبّ الرئيس البشير تطلعات شعبه بخطاب محشو بالمفردات اللغوية العصية من شاكلة "وثبة، اندغام، إعتساف" الامر الذي دفع العديدين لوصفه بالخطاب "الانشائي" فضلاً عن نعوت أخرى كالغموض والابهام وجعلت من العسير تنزيل نصوص الخطاب واقعا.
ومباشرة عقب انتهاء الخطاب عشية امس، تنّدر السودانيين بحسهم العالي على السخرية من خطاب رئيسهم الذي استمر زهاء الساعة. وتشارك الصحافيون في صفحاتهم والمتداخلين في هاشتاج حمل عنوان #خطاب_البشير على موقع التواصل الاجتماعي فيسبوك، تشاركوا في تعليقات تعبر إما عن خيبة املهم أو اندهاشهم من اللغة المستخدمة في الخطاب.
وعن المفاجاة التي بشّر بها قادة الحزب الحاكم قال الزميل موسى حامد (المفاجأة هي اللا مفاجأة) واتبع ذلك بعبارة متهكمة (قوموا الى مشروعكم الاسلامي اليميني يرحمكم الله) بينما لخص زميله الطيب صالح المقيم في السعودية الامر بقوله (مفاجعة –وهي لفظة سودانية تعبر عن الفجيعة- البشير كلها طلعت "وثبات" وتقطيعات) في اشارة الى استخدام الرئيس مفردة وثبة عدة مرات.
في الاثناء، سخر الزملاء الصحفيون من اللغة المستخدمة في الحوار، فقال الزميل عثمان شنقر باتجاهه لاعداد ورقة نقدية عن (التمظهرات الثقافية فى خطاب الأخ الرئيس) بينما أكد زميله عوض صديق أن (الاحزاب السودانية في طريقها لأن تطلب من المخابرات الامريكية تزويدها بمحلل خطابات بن لادن لتحليل خطاب البشير).
وبعد ان صك البشير جملة من المصطلحات السياسية الجديدة على رأسها "وثبة وطنية شاملة- ايدولوجيا سودانية" تساءلت الزميلة نضال عجيب (انتو الرئيس بمشى ياتو منتدى ثقافى ) لتنبري لها في الرد زميلتها نبوية سر الختم بقولها (قالوا ليهو الطلعو في سبتمبر ديل المثقفين لازم تقول كلام كبار يقنعهم وعمك إجتهد كتر خيرو) ذلك بوقت بدا فيه الزميل احمد حمدان في قمة دهشته واطلق تساؤل يدور في راس الكثيرين: من كتب خطاب الرئيس؟
وفي الهاشتاج الذي حمل عنوان #خطاب_البشير اطلق المشاركين وابلاً من السخرية على ما جاء في الخطاب حيث صمم المشاركين صورة لغلاف كتاب سموه "تيسير العسير في تفسير خطاب البشير" ، الكتاب الذي طبعت عليه صورة مكبرة لرئيسهم قيل انه صادر عن دار "وثبة" للطباعة والنشر. ايضا صورة ثانية تناقلها المشاركين وتظهر الامام الصادق المهدي اثناء الخطاب وكأنه نائم مع عبارة (الامام الصادق المهدي ماخد ليه نومه بين وثبتين في خطاب البشير).
بدورهم حثّ جملة من المشاركين الشعب السوداني للالتحاق بكورسات متقدمة في اللغة العربية لاستيعاب الخطب الرئاسية فقال احد المشاركين: (وضح جليا ومما ﻻيدعو للشك إنه علي الشعب السوداني وخاصة الذين يدعون الثقافة والتعليم أن يجتهدو لتكملة مشوارهم الثقافي والتعليمي ليرتقوا إلي مستوي يؤهلهم إلي فهم الخطابات الرئاسية المفاجئة). التعليق الآنف سبقه تعليق يقول (بإعادة الخطاب على تلفزيون السودان للناس الشالتو ملاحق والسقوط في العرض الأول).
وفي سياق ذي صلة، صدرت تعليقات بموازة الخطاب فوجه "آدمن" محرر صحيفة اللبخة سؤالاً للنائب البرلماني المثير للجدل حسبو نصه (هل يجوز للنساء ان "يثبن" معنا ام انه يجب عليهن الانخراط في "السيرورتين" ويستفرغن الطاقة في منازلهم حتي يحدث اندغام اسري) بينما تردد كثيرا سؤال على لسان "مسطول" قيل انه شهد الخطاب (أها يعني بكرا إجازة و لاشنو ).
الى ذلك، اقر الصحفيين بتعرض محرري اقسام الاخبار في الصحف لامتحان قاسي متمثل في كتابة خبر ذو مغزى من خطاب البشير فقال الزميل علي ميرغني (والله اني لمشفق على محرري اقسام الاخبار بالصحف.. ماذا سيكتبون غدا "اليوم") فيما نقل الزميل عزمي عبد الرازق عن احدى زميلاته انها "تولول" وتردد (وووووووب علينا مافي خبر للجريدة).
[email protected]


تعليقات 78 | إهداء 0 | زيارات 15992

صفحة 1 من 212>
التعليقات
#900989 [أملويا]
0.00/5 (0 صوت)

01-29-2014 05:00 PM
الخطاب الجاى وعلى قول حبوبتى يوم الثلاثاء قريب للحى الما مات .. حنسميه .. فرصة ثانية .. وكده نكون داخل اطول مسلسل خطابات خارم بارم لحكم طالت حلقاته ونهايته مصفرررررررررررررررررررررررررررررررررررررررررررررررررررررررررة ..


#900833 [أملويا]
4.50/5 (2 صوت)

01-29-2014 02:42 PM
يا جماعة اى حد بحضر زى الوان وبشوف مسلسل فرصة ثانية الهندي ما يستغرب من الخطاب ندى الرئيس فرصة ثانية .. وبدل خطاب انش الكتبو ياش وغيرتو العمة وطير أنش من المركز الأول .. خلونا ندى الرئيس فرصة ثانية تكون فيها وثبة ثانية نطلع منها بمفاجأة


ردود على أملويا
European Union [عابر طريق] 01-29-2014 05:05 PM
ههههههها والله ضحكتيني يا املويا ... وخلينا ندي الرئيس فرصة ثانية لمفاجأة ثانية لكنها الاخيرة وكان ما كانت كما هو متوقع فلن تقوم للرئيس قائمة مرة أخرى .


#900157 [حسن سليمان]
0.00/5 (0 صوت)

01-29-2014 02:59 AM
الصورة تذكرني مسرح العرائس


#900149 [سوداني وثاب]
3.50/5 (2 صوت)

01-29-2014 02:22 AM
انا المحيرني الترجمة الفورية... الناس ديل لو ما ادوهم نسخة من الخطاب قبال تلاتة شهور ما بقدرو يترجمو الكلام ده... و الدليل علي ذلك واحد من الاجانب ( اظن عندو حبة عربي) لما لقي الترجمة ما زابطة خلع السماعات و بقي بسمع بالعربي,, و برضو بقي منطط عيونو ساكت.. يا جماعة الكلام ده ما بتفهم باي لغة.. فشلتنا يا بشة


#900110 [معمر حسن محمد نور]
4.00/5 (1 صوت)

01-29-2014 01:17 AM
اهم ما في هذا الخطاب هو التمهيد للطبظة الجاية ..لانه عودنالما يحاول يعتذر عن طبظة بطبظ تاااني تتذكروا طبظة الهون دوق وراها الزيادات والكلب الحار؟


#900002 [التجانى الزاهى]
0.00/5 (0 صوت)

01-28-2014 10:42 PM
والله ايها الناس وكل الناس لقد وثبنا فى السودان وعلينا ان نندغم مع الناس وكل الناس وعلينا الاعتساف مع الناس وكل الناس لكى لا نفوت الوثبة والاندغام والاعتساف ايها الناس وكل الناس...
ايها الناس وكل الناس لقد وقعتم فى شر اعمالكم لان الناس وكل الناس لم يفهموا خطابى الذى وجهته للناس ولكل الناس لكى يعلم الناس وكل الناس ان الوثبة قادمة للناس ولكل الناس فالناس وكل الناس جاءوا عن بكرة ابيهم ليفهموا ان الناس وكل الناس مغفلين ولا يدرون كيف اننى خدعت الناس وكل الناس بما فيهم شيوخ الناس وكل الناس فما فتئ الناس وكل الناس الا ان يتركوا كل الناس وباقى الناس ليشاهدوانى على التلفاز القى خطابى الى الناس وكل الناس


#899967 [Dawod]
5.00/5 (1 صوت)

01-28-2014 09:50 PM
عن المفاجأة التي إنتظرها الشعب!!!

رغم ثقتي الكبيرة في كذب الرجل ولكن كنت أتمني أن يستمر الرجل في كذبه وأن لا يتنازل من رأس القيادة أو يحدث تغيير والحمدلله أمنيتي إتحققت وأنا وأعوذ بالله من كلمة أنا, ولكن إستخدم كلمة أنا هنا فقط للتعبير عن وجهة نظري الشخصي, وأحترم أراء الأخرين مهما إختلفنا..
أتدرون لماذا؟
أولاً إستمرار هؤلاء في كذبهم وتغليفهم لبضاعتهم الفاسدة نظام نيولوك وكدا للشعب,
قد يزيد الشعب إصراراً علي أن لا حل غير التنسيق مع الجبهة الثورية والخروج للشوارع في ثورة عارمة محمية بالسلاح لإقتلاع النظام والمعارضة الضعيفة الهزيلة التي تلهث وراء نظام يقهر شعبه...
ثانياً إذا حدثت أي تنازلات أو تغيير ولو طفيف من قبل النظام للاهثين وراء السلطة والجاه كان من الممكن أن يُربك الساحة الشعبية السودانية ويُحدث إنقسام وتعصف بطموحات السودانيين في إزالة الإسلاميين والمعارضة معاً ومحاكمة كل المجرمين والفاسدين والفاشلين منذ (إستغلال) السودان...
ثالثاً أي تغيير لا يشمل إزالة النظام من جذوره وتفكيك وسحق وطرد كل المليشيات الإرهابية من كافة اصقاع الأرض, من الأراضي السودانية والخلايا النائمة داخل المدن والقري وفي العاصمة الخرطوم والتي خرجت في الوقت المناسب لسحق الثوار وقتل العُزّل...
رابعاً أي تغيير لا يشمل في أولوياتها التخلص من تلك المليشيات والخلايا الإرهابية النائمة من الأراضي السودانية يهدد أمن المواطن والأمن القومي السوداني....وهذه المليشيات إذا لم تتم حسمها بالقوة العسكرية ستكون مصدر قلق وعدم إستقرار للسودان والمنطقة برمتها حتي لو تم التغيير سلمياً وتنازل الإخوان المسلمين عن الحكم..
خامساً لن ينعم السودان بإستقرار حقيقي وسلام إلا بإزالة المعوقات التي تحول دون ذلك,
من إزالة النظام وتوابعه من مليشيات والمعارضة ومؤسسات الفساده ... وبناء مؤسسات قومية ومحاسبة شاملة...
سادساً لم أتمني أن لا يحدث تغيير أو تنازل طفيف كرهاً في التغيير
و التغيير مطلوب وملح,
ولكن لا بد أن يلبي التغيير طموحات السواد الأعظم من الشعب.. وليس طموحات فئات من الشعب..
وأتمني أن يتوحد الشعب اليوم من أي وقت مضي وأن لا ينتظر مِن مَن إنتهكو حقوق الشعب وداسو كرامة الشعب ليأتو بتغيير لأن الحقوق لا تمنح وإنما تُنتزع بحمرة عين...


#899941 [المهاجر]
5.00/5 (4 صوت)

01-28-2014 09:22 PM
يعنى ما كان فى واحد شجاع جدا يملا ليه لورى كبير متفجرات ويدخل بيه قاعة السجم المليانة
بالعواليق ويفجر اللورى ويرتاح الشعب السودانى الفضل؟؟؟؟؟؟؟


#899897 [نائل]
0.00/5 (0 صوت)

01-28-2014 08:24 PM
على وزن قصيدة نزار قباني هوامش على دفتر النكسة. أبشركم يا أصدقائي باللغة الجديدة وبمفردات الدغمسة الفصيحة. وبتأتأة الرؤساء في القاعات الصديقة وببخبخة البخور عطرا يتنسمه الترابي بهذه الطريقة وبالناي والطار لا يحدث إنتصار. وهكذا عندما ينقدح في وجداني ذاك الإكتئاب .


#899875 ['طائر الفينيق]
0.00/5 (0 صوت)

01-28-2014 07:49 PM
+ تذكرت نصا للشاعر محمود درويش بعنوان (فاجأنا أنه لم يفاجأنا) !!!!!!


#899867 [عبدالحميد عبدالله عبدالحميد]
0.00/5 (0 صوت)

01-28-2014 07:44 PM
ياجماعه سؤال الناس الحضروا الخطاب دة وكانوا جالسين في القاعه قدام البشير دحين ديل ماكلهم الضيعوا السودان٠ حتي كان كلهم اتوافقوا مابصلحوا البلد الضيعوها. حايتوافقوا علي مصالحهم تاني ويتقاسموا الكعكه مع المؤتمر اللاوطني ٠ ويتواصل ضياع الشعب السوداني وفناءه٠ ياشعب قوموا لرجمهم كلهم يرحمكم الله


ردود على عبدالحميد عبدالله عبدالحميد
United States [كترانج] 01-28-2014 09:38 PM
الحمد لله القال ليهم كلام خارم بارم عشان ما يتفقو علينا تاني


#899847 [طائر الهوى]
5.00/5 (1 صوت)

01-28-2014 07:29 PM
الخطاب اصعب من امتحان الرياضيات فى الشهاده السودانيه سنه 1983 .


ردود على طائر الهوى
European Union [فخرى سليمان] 01-29-2014 08:28 PM
امشى شوفو لو ما لقيتو سوقو جيبو لو لقيتو سيبو وتعال قاليهو مشيت وما لقيو سقتو جبتو لما لقيتو سبتو وجيت......................................................................1

European Union [طائر الهوى] 01-29-2014 01:53 PM
من المتابعين لتعليقاتكم الرائعه و أصدق أنك تحصلت على تلك الدرجات تستاهل . تحياتى.

[الكوز الفى الزير التحت الراكوبه] 01-29-2014 10:28 AM
وانته يا طائر الهوى برضو بتخاف من الكبر ( بضم الكاف والباء ).
على العموم عمك الكوز القديم برضو جاب 94 فى الامتحان العقدك ده .

European Union [طائر الهوى] 01-28-2014 11:53 PM
نخن شفناه فى نمازج الامتحانات السابقه .
دفعه شنو إنت كوز قديم هاهاها.

United States [الكوز الفى الزير التحت الراكوبه] 01-28-2014 09:48 PM
تقصد الامتحان ابو ورده يا دفعه ؟


#899830 [زول متفأجي]
5.00/5 (4 صوت)

01-28-2014 07:06 PM
wecfpo .,lkmkk oiiuy oikkkj
ew23fvf@##$
@#!#;llklk وثبة qwweeokkk ..استعععععععص@##$%
@#we!!eef *$ollkjkk دغمسه@#@#$Weef
oijkjijhubhb ]ylsm دغمسة
ukjmklnjhhvgg @##R$$%gkjhhjioioookmmv
wqert pokim rtvghj شا مل @##r
[[p#$% po rrrvfjjjj rghjj




نص خطاب المش طير ...بشة


#899822 [نبض التعب]
5.00/5 (6 صوت)

01-28-2014 07:01 PM
وزراء الخارجية العرب طلبوا من سفراء أقطارهم بالخرطوم تقارير عاجلة وسريعة عن خطاب بشّه .. السفراء وأعضاء السلك الدبلوماسي بعد أن إستعصى عليهم كتابة التقارير طلبوا من وزرائهم نقلهم أو منحهم "وثبة" حتى (يندغموا) في فهم الخطاب العذاب ومن ثمّ إرسالها ــ أي التقارير ــ إليهم ، .. أما السفراء الأجانب (غير الناطقين بالعربية ولا البشيرية) فقد تقدموا بإحتجاج للوزير الأسمنتي علي كرتي بسبب طاقم الترجمة وسوء ترجمتهم للخطاب الأغرب على الصعيد الدبلوماسي العالمي .. المهم .. فإن "صيرورة" الأزمة الدبلوماسية مازالت تراوح مكانها ولم تتقدم (وثبة) واحدة للأمام وهي أزمة حيّرت (الناس ، كل الناس)!.


#899821 [semsem Alhajar]
0.00/5 (0 صوت)

01-28-2014 07:01 PM
معقولة ي بكري لبشت الراجل يااخ ...اصلو م ممكن دا بنقو سوداني ولا شاش ...بس بالمناسبة اسالو فاطمة شاش امكن كانت حاكمة جبنة الجماعة قبل يجو للخطاب.....ههههههه هااااي....(يخاطبني السفيه بكل قبح ...الخ)م


#899803 [المنبرش]
5.00/5 (2 صوت)

01-28-2014 06:40 PM
لعب عيال


#899799 [000]
5.00/5 (1 صوت)

01-28-2014 06:36 PM
الظاهر اعمامكم ديل خرفو وبدو يشطحو . لكن والله اخير كورتنا والعملو هيثم والعجب للسودان اكثر من العملو المؤتمر الوطني في 25 سنه للبلد


ردود على 000
European Union [hassan] 01-29-2014 12:51 AM
عملو شنو هيثم وعجب بتاعنك ديل؟ يا ربى طلعو القمر و اللا صنعو لينا سياره برماييه . يا ماتفضها سيره ؤتخلينا من ناس دعيط و معيط بتاعنك ديل. عليك الله العاجبك فيهن شنو؟ عووووووووووووووووووووووع على كورتكم. انتو و الفريق الثانى الااسمو الهلال. يعنى عشان خلاص واحد لعب مع البايرن؟ والبايرن غلبو 2 بس؟ يا دعايات. لى علمك فرقك السجمانه دى القرف دى و حكومتك الوسخانه دى وجهان لعمله واحده. البايرن لو كان عايز اديكم 20 صفر اكان اداكم ليها.يا خى عليك الله خلينا من الزباله و قول حاجه تنفع الناس يا حمار


#899798 [حزب الراكوبة]
5.00/5 (3 صوت)

01-28-2014 06:36 PM
"تيسير العسير في تفسير خطاب البشير" أبشركم هذا الكتاب موجود في مكتبة واحدة بس بمدينة جوبا
وهذه المكتبة متخصصة في بيع المراجع التي تسهل عملية الفهم لعربي جوبا


#899795 [زول غلبان و تعبان من السمدان]
3.50/5 (4 صوت)

01-28-2014 06:33 PM
يا بشبش كفاية دغمسة لغاية هنا ، خطابك دة كلفنا المسلسل التركي و معاهو خضراء كمان ، نحننا كمان ناقصينك ،


#899792 [Professor Khalifa Yousif Hassan]
5.00/5 (2 صوت)

01-28-2014 06:31 PM
مفيش فايده!


#899782 [مترجم الاحساس]
5.00/5 (4 صوت)

01-28-2014 06:22 PM
انا في تحليلي يكون الخطاب بدل وتفاجأ البشير بخطاب عير الذي كتبه والله اعلم


#899778 [ابومروه]
5.00/5 (1 صوت)

01-28-2014 06:16 PM
كم كنا نتمني ان تكون هناك مفاجاءه في خطاب البشير بعد الزخم الاعلامي الكثيف ولكن كانت خيبة الامل حتي اننا لم نفهم شئ لانه كان خطاب بغير لغة البشير التي عرفناها به و ليته تحدث من غير ورقه ونظن ان في الامر شئ ربما اتضح في مقبل الايام


#899774 [ابوريدة]
4.97/5 (13 صوت)

01-28-2014 06:08 PM
المفاجأة ان الرئيس لا يجيد القراءة ، ومهدي ابراهيم نسي يشكل ليهو الخطاب ، المصيبة إنو يطلع ما يعرف الجر من الرفع ، وطبعاً أكيد بعرف النصب .


ردود على ابوريدة
United States [عابر طريق] 01-29-2014 05:15 PM
هها ههها هههههههها ... والله اضحكتنا في زمن يصعب فيه حتى الابتسام

United States [sasa] 01-28-2014 08:50 PM
الله يجازى محنك يابوريدة .... لقد ابدلت بكائى بعد الخطاب التاريخى الى ضحكا كاد ان يؤدى بى


#899771 [زاىد]
5.00/5 (2 صوت)

01-28-2014 06:05 PM
بس وجدتها حتكون الدكتورة التى ناوى عملها تيسير العسير فى خطاب البشير ولا رايكم شنو


#899768 [الحاج]
5.00/5 (1 صوت)

01-28-2014 06:02 PM
الوثبة هي منطقة في ضواحي ابو ظبي فيها ميدان سباق الهجن
ويوجد فيها سجن الوثبة للعلم


#899762 [M. Ayyoub]
5.00/5 (2 صوت)

01-28-2014 05:59 PM
البشير هو ماوكلييييييييييييييييي فتى الأدغال
نظن أنه لا يزال في الصف الثاني ابتدائي:
...ووثب العجل ونط المهر وقفز الحمل....


#899759 [غايتو]
1.00/5 (1 صوت)

01-28-2014 05:58 PM
حقيقة الرئيس مياخد مغلب - وصراحة أحسن من يرتجل الخطب - بس المكتوب دا صعب شوية ودا ما كلامك السيد الرئيس .
كان من الواجب قراءة مسودة الخطاب من قبله عدة مرات قبل اللقاء.
فى حد بيحرج فى الرئيس مين هو .
غايتو الجميع بيقول ما فاهم حاجة .


#899758 [Ahmed]
0.00/5 (0 صوت)

01-28-2014 05:55 PM
خطاب سروالي لن يفهمه الا السرواليين ،


#899755 [القمر المنير في تبسيط كلام البشير]
4.50/5 (2 صوت)

01-28-2014 05:54 PM
إذا لم تفهم كلام الرئيس المشير البشير فلست وحدك
كلنا في الغباء شرق
مثل غيري من السودانيين انتظرت بفارغ الصبر خطاب الرئيس المشير البشير الخطير، فألغيت ارتباطات مهمة وأخبار القمة وطلعات الجمة وتابعت بكل همة كل ما كان وتم. فماذا قال البشير؟؟؟
تذكرت ما قيل عن تشرشل رئيس وزراء بريطانيا الأسبق، عندما طلب من إلقاء خطاب أمام البرلمان البريطاني ليحدد موقفه من مشروع هام على طاولة البرلمان، أعد تشرشل خطابه بكل عناية ثم طلب من مدير مكتبه قراءة الخطاب وإبداء الرأي، قام مدير المكتب بقراءة الخطاب مرة ومرتين وثالثة ثم قال لرئيس الوزراء(كلامك جميل يا سيدي، ولغتك رصينة ومنسقة، ولكن لم أفهم ماذا تعني بالضبط، هل أنت مع المشروع أم ضد المشروع) فتبسم تشرشل وقال: ( هذه هي الرسالة التي أريد أن أوصلها للبرلمان).
سيظل خطاب البشير لغزاً محيراً من الألغاز المستعصية التي ليس لها حل، فرغم متابعتي له وبكل عناية واهتمام حياً على الهواء الطلق وعبر القنوات الفضائية، ورغم قراءاتي له عدة مرات في مواقع الانترنت، ورغم استماعي للمحللين والمفسرين، لم أفهم ماذا يريد البشير بالضبط، هل هو مع مطالب الشعب أم ضد مطالب الشعب؟؟؟؟
استوقفتني في خطابه ثلاثة ملامح هامة:
أولاً: أن خطابه الخطير موجه لكل الناس، يعني كل السودانيين من كل جنس ولون، فأشفقت على عماتي وخالاتي اللاتي لم يفككن الخط بعد. بل أشفقت على السواد الأعظم من الشعب المعني بالخطاب من أنصاف المثقفين أمثالي. فهل كان الخطاب فعلاً لعموم الشعب أم لفئة محددة يعرفها هو ولعلهم ثلاثة فقط الترابي والصادق وغازي صلاح الدين.
ثانياً: طرح البشير رؤية حزبه حزب المؤتمر الوطني في الإصلاح السياسي والاقتصادي الشامل وطلب مناظرة الأحزاب، فما معنى كلمة مناظرة؟ يقول قاموس المعاني في شرح الكلمة: (جدال وحوار ونقاش علميّ ، وتبادل في وجهات النَّظر المختلفة يقوم فيه فريقان خصْمان بالدِّفاع عن قضيّة ما أو مهاجمتها)، ولعل أبسط ما يفهم من ذلك أن المؤتمر الوطني ما زال في غيه القديم إذا يسعى من خلال المناظرة إلى إعلاء وجهة نظره السياسية والاقتصادية والدفاع عنها بشتى الوسائل العلمية والمنطقية واستخدام الأدلة والبراهين والسلطة والثروة والسلاح للمحافظة عليها.
ثالثاً: إذا كانت هذه هي المفاجأة السارة والإصلاح الشامل الذي يبشر به البشير الشعب السوداني، فماذا تخبيء الأحزاب ومنظمات المجتمع المدني والشباب وكل الشعب السوداني من مفاجآت سارة للرئيس البشير؟؟؟؟؟
الخلاصة أن خطاب البشير لم يكن خطاباً لكافة الشعب السوداني، بل كان استعراضاً لملكة شخص خلف الكواليس على صياغة خطابات رصينة ومنسقة على شاكلة خطابات رئيس الوزراء البريطاني الأسبق ونستون تشرشل.
ماذا كنا نتوقع من خطاب البشير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أولاً: تشكيل لجنة للدستور من كل ألوان الطيف السياسي بقيادة شخصية قومية غير حزبية تقوم بوضع دستور دائم للبلاد تتوافق عليه كل القوى السياسية ويطرح في استفتاء على كل الشعب السوداني.
ثانياً: تشكيل حكومة قومية من جميع الأحزاب بما فيها المؤتمر الوطني والجبهة الثورية ومنظمات المجتمع المدني والشباب تقوم ببسط الحريات وسيادة القانون ووقف الحروب وإحلال السلام وترميم علاقات السودان مع كافة الدول، وإصلاح الاقتصاد وتهيئة الميدان لتنافس انتخابي حر ونزيه.
ثالثاً: تكليف رؤساء الأحزاب والحركات المسلحة وقيادات المجتمع المدني والشباب بالبدء في تنفيذ هذه التوجيهات فوراً من خلال مؤتمر عام.
ولأن خطاب البشير لم يحمل أي مفاجأة فإنني بكل قوة وبدون أي تردد مع ما يخبئه الشعب السوداني من مفاجآت سارة للبشير وقيادات المؤتمر الوطني، وهي مفاجأة ستتفجر خلال الأيام القليلة القادمة.


#899754 [ح .زايد]
5.00/5 (2 صوت)

01-28-2014 05:54 PM
بغض النظر عن فحوي الخطاب و مصداقية صاحبه في تنفيذ ما جاء في سياقه فان
الذي كتب الخطاب لابد ان يكون واحد من (اولاد المصارين البيض )اراد ان يثبت انه بليغ القلم و اللسان وعبقري مثلما ظلت تروج اجهزة الاعلام عنه لكنه في الواقع اثبث انه لا يفقه عن البروتوكولات و كيف تصاغ الخطب و الخطابات و كيف ان( لكل مقام مقااال ) كيف يوجه هذا الخطاب للامة بكل ما احتوي من الاستعارات اللفظية و المكنية و المصطلحات التي ماعادت تستخدم في عالم اليوم -و لماذا اللف و الدوران و الاستطالة و التكرار في مسائل واضحة و مباشرة - و رحم الله الشهيد الزبير الذي كان حديثه (الدارجي) يدخل الي قلوب المواطنين مباشرة لانه كان صادقا اذ كان حديثه كان يسري من القلب و الي القلب - و قبل ان يكتب هذا العبقري خطابا اخر للسيد الرئيس عليه الرجوع الي خطابات الرؤساء الامريكان و البريطانيين - مع ان العرب سبقوهم الي مبدا (خير الكلام ما قل و دل )
و علي كل نرجو ان يكون ما وعد به السيد الرئيس الامة- حقا وصدقا- من كفالة الحقوق و الحريات الدستورية لكافة المواطنين ومن ضمنها حرية الممارسة السياسية من خلال احزابهم المختلفة ومن ضمنها حزب المؤتمر الوطني نفسه والذي لا يستطيع منسوبوه حتي علي مستوي المكتب القيادي التعبير عن ارائهم بحرية فاصبحوا رغم مؤهلاتهم كالقطيع ( و الشاهد تجارب كاشا و كرم الله عباس و موسي هلال و غازي صلاح الدين و حسن عثمان رزق و ابو كلابيش و السائحون و غيرهم الكثير ممن كان همهم الاصلاح و حقوق المواطنين ) ثم و كفالة حق التعبير السلمي عن الراي ثم و ارساء قيم العدل المساواة بين المواطنين علي اساس المواطنة دون تمييز اقليم علي اخر و لا فئة دون اخري لان هذا هو اس البلاء لهذه البلاد و هذه الغدة السرطانية اي التمييز في بلادنا ليست وليدة اليوم و ليست من اختراع الانقاذ التي ورثتها عن وعن وعن وهي ليست مسئولية الرئيس ولا المؤتمر الوطني وحدهما بل هي مسئولية قطاع كبير من المثقفين علي امتداد كافة الكيانات السياسية حتي المعارضة في بلادنا - وعلينا الاعتراف جميعا بالظلم الفادح الذي ارتكبنا ضد اقاليم بلادنا الهامشية و مواطنيها و ان هذا الظلم هو السبب الرئيس لانفصال الجنوب و السبب الرئيسي لهذه الحروب الطاحنة في بلادنا ثم و ان نعمل بصدق من اجل رفع الظلم عنها و وعلي كف ايادي العنصريين الدخلاء من الحاقدين تاريخيا علي مواطني الهامش فهم الذين يحرضون علي الاستعلاءوتمييز البعض و ازدراء الاخرين بغرض شق الصف الوطني لصالح الاعداء


ردود على ح .زايد
United States [River Nile] 01-28-2014 10:31 PM
يا زايد
فاقد الشيء لا يعطيه


#899752 [وتفاجاء الرئيس]
5.00/5 (1 صوت)

01-28-2014 05:53 PM
اسباب الاحباط

تفاجأة المراقبون
تفاجاء الحضور
تفاجاء الضيوف
تفاجاء الشعب
وتفاجاء الرئيس
تفاجاء الخطاب والمفردات والورق والحبر بان القارئ ليس من كتب
وانتهت حصة المطالعة وتفاجاء الجميع عدا جحا
فقد علم ان الرجل يقراء الحجوة اول مرة امام العالم ولم يجد الوقت لذلك فهو مشغول بعباد وبغلة عثرت ولا حياء او احترام لشعب صبر
فقد بان انه قد فاجأته كلمات الخطاب
و تفاجاء الشعب بخواء الخطاب أو ان دابة الارض اكلت فحواه
فنسي الرجل المفاجأة بين السطور
وما تزال الدهشة قائمة و تسأل المفاجأة نفسها
غير ان الرجل متفاجئ من حيرة الشعب والحضوروالمكان
نرجو ان تكون آخر حصة مطالعة -امين-


#899749 [تفتيحة لمن فضيحة]
5.00/5 (6 صوت)

01-28-2014 05:51 PM
يا أبا بشكير... لقد إجهظلت الكرستبانة منذ أربعة وعشرين عاما وإعوذرت التيمونة لجاجا وتكأكأت علينا الرمم من كل حدب وصوب.. فهلا نأسمتها لنا بكيرزانة مدلهمة ؟!! فاكر نفسك براك منقط اللغة العربية؟ ترجم لينا (وثبتك) عشان نترجم ليك (وثبتنا).


#899734 [krkasa]
5.00/5 (1 صوت)

01-28-2014 05:37 PM
الخطاب طلع فنكوش ...؟؟


#899730 [ابومرام]
5.00/5 (1 صوت)

01-28-2014 05:35 PM
هو الزول دة قال الخطاب خلاص؟ طيب انا قاعد من امس منتظر الخطاب؟هو قال شنو؟


ردود على ابومرام
[ود ابوراس] 01-28-2014 10:40 PM
قال=قم اعمل ليك وثبه


#899727 [الكوز الفى الزير التحت الراكوبه]
5.00/5 (2 صوت)

01-28-2014 05:29 PM
على العموم أنا فى بعض اجذاء الخطاب كنت بحس كانه البشير بياكل فى سمك والكهرباء قاطعه .


#899724 [المتمحن الممتحن]
5.00/5 (1 صوت)

01-28-2014 05:26 PM
مكتب الرئيس مخترق...يا غايتو من الموساد او الcia واحتمال المخابرات المصرية او ناس الجبهة الثورية ويمكن يكون نايبو الاول ...التقعر والحذلقة ما حق الرئيس حقو الثبات والكواريك


#899722 [مانديلا]
5.00/5 (3 صوت)

01-28-2014 05:24 PM
خطاب البشير دا بالضبط زي خطاب الممثل عادل امام لمن جابوه يخاطب الشعب في الفلم بتاع (الزعيم)
دغمسة شديييييييييييييييييييييييدة


#899721 [حد بيعرف احسن م الحكومه!!]
5.00/5 (1 صوت)

01-28-2014 05:23 PM
ما فى غير العوده الى النظام التعليمى القديم 4-4-4 او ابو 6-3-3 ان شاء الله هو اللى بيساعد على "التمكين من الوثبه" ومن "النفره الزراعيه" ومن "توطين العلاج بالداخل" .. طبعن مع تحسين مفهومية ألأجيال اللى جايه ويرفع مستواهم فى العربى وألأنحليزى والحغرافيا (ويخليهم يعرفو كلمة "اطلس" تعنى شنو..سواء كانت (جبال فى شمال افريقيا) او كانت تشير الى الذئب الذى سعى الى مصادقة الشاعر الفرزدق ..او كان كتابا لخرائط البلدان وألأمصار بانواعها..رؤيتهم للأطلس فى حد ذاتها حتفتح آفاقهم ويكونوا اكثر تفتيحه و"ناقشين بالاكتر" ..
لكن ما هى انجع (انجع دى موش عايزه ليها شرح يا عبلطيف يا بونى ؟) الطرق والوسائل لتعيلّم الكبار (خاصة المسؤولين منهم) القرايه الصحيحه نطقا وقواعد نحويه اساسيه مبسّطه.. (الفاعل يظل مرفوع.. المنصوب يستمر منصوب وبس(موش منصوب عليهو).. الكبار اللى فات عليهم الزمن ما محتاجين يعرفو اعراب "ما ياتى بعد "لآ سيمأ" .. ولا "اضرب الخبر" ولا ألأستعاره المكنيه ( جايز يكونوا يحبوا يعرفوا "المكنيه الحاهله ونيّه) والتشبيه المقلوب ..
كل المطلوب برنامج تأهيلى "لتمكينهم من القراءه الصحيحه تجعل ما يقرأونه مفهوما للمستمعين" بس دا كوول المؤمل انه يحصل من "الوثبه"!!! والوثبه ما تكونش "نطّه فى الضلمه" (سواء كانت بفتح الضاد وسكون اللام و فتحة على الميم ..او كانت بضمة على الضاد واللام وتشديد الميم مع الفتح..
اها الراى شنو .. وثبه واحده هى المطلوبه بس تكون فى ألأتجاه الصحيح.. مافى "نطّيط" او "تنطيط" كتير!!
الزما لا ينتظر دراسة الخطاب ..جمع باقى التوقيعات ومن بعدو تعبئه وتصعيد يا امام يا رمز!!! ان كنت ماك قادر على "النطة الكبرى" ابعد وخليها للذين يعرفونها من الشباب ( بس ما يكون معاهم اللى قلت كان عاوز يفجّر الخرطوم وانت منعتو)


ردود على حد بيعرف احسن م الحكومه!!
[المستعرب الخلوى] 01-29-2014 12:53 AM
( حد بيعرف أحسن م الحكومة )وأكان ما اخاف الكضب ومن خلال قراءاتى لمداخلتك وما بين السطور أحسب أنك أحد معلمى الأجيال والقرون السابقة ..أسلوبك الخطابى دا ما غريب على ابدن ..
غايتو كفيت ووفيت ونأمل ان يقوم عبلطيف البونى بتحقيق مطلبك ويشرح للكل معنى كلمة أنجع .
والوثبة دى مش ياها الكنا بنقوله زمااااان أرنب نط ترانى بنط ..وتطورت بفعل العولمة إلى وثبة ..؟


#899709 [عمدة]
5.00/5 (6 صوت)

01-28-2014 05:12 PM
للأسف الشعب السودانى و(قياداته التاريخية) طلعوا (ماسورة كبيرة).

لقد بلغ بنا الكسل والتواكل مراحل متأخرة جدا حتى أصبحنا نؤمل فى المخرج بيد جلادنا. ما أضعتم من زمن وموارد ونزيف أقلام (خلال 48ساعة من عمركم) فى انتظار (المفاجأة) من جلادكم كان كفيلا للاطاحة به وبكل الديناصورات.

الحقوق لا تُمنح بل تُنتزع. ما لم نعى هذه الحقيقة فلا يمكننا التغيير.


ردود على عمدة
[sasa] 01-28-2014 08:59 PM
بلى ونعم انت الصاح يا عمدة !!!! لافائدة فى شعب يرتجى المخرج والصفح والعفو من جلاده؟؟؟

انى اشفق على نفسى وعليك يا عمدة وعلى الشعب السودانى الفضل تفوووووووووووو


#899700 [النيل الدافئ]
5.00/5 (11 صوت)

01-28-2014 04:57 PM
ندمت على أننى اضعت على ام العيال مسلسلها اليومى فقد شمتت فينى شماتة مابعدها شماتة فقد كنت متوقع ان يعلن البشير حل البرلمان وتعطيل الدستور وعزل ولاة الولايات تمهيداً لإلغاء النظم الفدرالى القاطعو من رأسه وراسه من حوله ، ولكن لم اجد سوى حصة إنشاء وانا اقول الزول دا بمهد لقنبلة جاى بس ألقاها ضرطة كبيرة ومعفنة ، وفى النهاية قلت بالله شوف الزول الأهبل دا لامى العالم والدنيا كلها عشان يسمعهم مثل هذا الحديث البايخ ، ياخ ما كان يمشى إستديو التلفزيون او يخلى التلفزيون يجيهوا فى مكتبه ويقولوا مباشرة على التلفزيون بدل الخسارات وتضييع وقت عباد الله فى ما لا ينفع بل يضر ، الزول دا حمى شوكية حا تصيبنا بالطرش او تقل الأضان لو بقى يسلك السلوك دا لانو خطير وحا يرجعنا ربع قرن من شاكلة هلمجرا وينبغى لى ، السندكالية والراديكالية والديمومة الصيرورة والعيكورة ، اللهم لا تعولقنا ولا تخوزقنا، بس امس دق ليك فى الجماعة خازوق والله خلانى انا البرة دا لمن يعرضوا الاجانب القاعدين اخجل واغطى وشئ بالله كيف قدر يكلمهم بقوة عين كدا وكلامه خارم بارم وسجم فى رماد .


ردود على النيل الدافئ
European Union [الناس في شنو وهم في شنو ؟؟؟] 01-29-2014 05:25 PM
والله يا النيل الدافئ نفس الشئ حصل لي مع زوجتي ... وبعد الخطاب المحبط تعال شوف الشماتة منها هههههههههههههههههههههههها ..

United States [ابومبارك] 01-28-2014 06:42 PM
قصة قصيرة : المفاجاة
عاد الى داره اخر الليل كعادته مبهدل الحال مشغول البال
سألته : ماااالك ياراجل؟
رد : مااالي؟!! ياوليه
يعني اتاخرتا
مواصلات السجم دي نعمل معHها شنو ؟
وبعد لمحه خاطفة لجهاز التلفزيون المفتوح امامهما عاجلها
ياولية ... سالوني .. يسل روحك ما كرهتينا بي مسلسلاتك الهندية دي
مالا مسلسلاتي الهندية مش احسن من كوركتكم الـ ...
قاطعها خلاص اسكتي اسكتي وبطلي فلسفة ، عازرك ما مخك بقا هندي
بتفوتينا المفاجاة يا وليه
مفاجاة شنو ياراجل؟!!
ياولية انتي جنيتي مفاجاة الرئيس طبعن
ما خلاص ما في مفاجاة ولا حاجة
كيف يعني؟!!
يطرشني ساعة كاملة ومافهمت حاجة ، خطابو أتقول حصة بلاغة ،المشكلة ما فيني ان شاء الله يكون هو ذاتو فهمو
ياولية بطلي قرقره وكلام فارغ
الفارغ رئيسك يا اخوي
هاكا الرموت اتفاجأ براك بس ان شاء الله ما تبقا هندي

United States [الصليحابي] 01-28-2014 06:38 PM
تعليقك هذا ينطبق على جميع المتزوجين الذين عكننوا على زوجاتهم وعيالهم بتفويت مشاهدتهم لأجمل المسلسلات التركية ويا شماتة أبلة ظاظا فينا .. شكرا يا البشير والله ماقصرت . دي آخرتها ..

United States [Quickly] 01-28-2014 05:28 PM
ههههههههه,,,,, والله انت رهييب ياخي

احييييك بحرارة


#899696 [انقادى سادر فى فساده]
5.00/5 (3 صوت)

01-28-2014 04:54 PM
قال وثبة بن منقد الملتحى
ان الخطاب المدغمس الممتلئ بالاخطاء الاملائية والنحوية لم يتعلم صاحبه شيئا يصلح لمادة الانشاء فقط واين مكمن الاهمية حيث ان القارئ يتلعثم ولم يسبق له قراءته
وخطابك دا ادا بلو وخلى البرلمان يعتبره وثيقة تاريخية ومرجعية وخطاب عمل هو اصلو الكلام بفلوس


#899674 [Abu Areej]
3.50/5 (2 صوت)

01-28-2014 04:41 PM
هو اصلاً قرأه صاح؟؟ تفجخ بس


#899672 [بشه]
4.00/5 (1 صوت)

01-28-2014 04:39 PM
الوثبة دي معناها القفز و بالدارجي النط يقول الزول ده نطه من كلامه يعني تراجع عن التزام التزم به مع الغير
عشان كده انا شايف انو البشير ده داير انط من كلامه بشكل عام و من هنا لقدام بالمعني ده مافي زول اجي اقول البشير في اليوم الفلاني في المناسبة الفلانية و لمن كان في الولاية الفلانية قال و قال وقال اها خلاص انتهينا البشير ونط
و بفهم تاني امكن داير انط بره البلد وزول كده اعرفه نط في ياتو بلد مافي و عشان ما تنقنقوا اوكامبو و لاهي و دارفور و النسوان الاغتصبوهن و البت الفيى الشريط واحد تاني بهناك اقول ضباط رمضان و فصلتوا الجنوب و القصص دي
و كل زول اشيل الفهم البريحوا


#899653 [Quickly]
5.00/5 (2 صوت)

01-28-2014 04:27 PM
اما كتاب "تيسير العسير في تفسير خطاب البشير" الذي صدر بالامس فقد نفذ من المكتبات مع ظهر هذا اليوم وذلك للاقبال الشديد عليه وتوجد نسخ قليلة في السوق الاسود ولكنها بأسعار غالية جدا مضاعفة و ربما لايستطيع شرؤها الا المتمكنيين من حزب نيافة الانبا البشير عليه السلام


#899640 [عادل]
5.00/5 (1 صوت)

01-28-2014 04:16 PM
لا جديد فيه كما هو متوقع لن يغير الثعبان جلده . لاطرح لمشكلات السودان سوى بلاغة فى اللغة العربية عرجاء النطق من الملهم وتكريس للمؤتمر الوطنى واحتواء الاخرين كان الله فى عون شعبى وامتى ياسيبويه


#899636 [سليمة بائعة اللبن]
5.00/5 (1 صوت)

01-28-2014 04:13 PM
وثبة ودغمة .. وثبة تغير حالي
لا عاوز انت تحن .. و لا ترحم حالي
ليه انت ما تعطف علي ياغزالي


#899635 [محمد احمد]
3.00/5 (1 صوت)

01-28-2014 04:12 PM
وما زال هذا الأفاق متمسكا بالدغمسة ... دغمسة الوحدة الوطنية والاقتصاد والصحة والتعليم والامن ووحدة الاراضي السودانية وأصول الدولة ومواردها الاقتصادية والبشرية


#899634 [كبسول]
4.75/5 (4 صوت)

01-28-2014 04:11 PM
ياجماعة بسيطة الرئيس يكون جرب الصنف بتاع نائبه بكري
دا راي في الوضوع .....وبعدين اضيف ايه انا غلبان


#899633 [dagdog]
0.00/5 (0 صوت)

01-28-2014 04:11 PM
This the first letter she was written by Widad. So what? whay you exepct


#899630 [ابوحبل]
5.00/5 (1 صوت)

01-28-2014 04:08 PM
غازي سليمان حيشرح ليكم الخطاب ، في برنامج (حتى تنكسر الـ .. ) في قناة النيل الأزيق . مساء اليوم بتكليف من محمد عطا بعد شكوى رعايا الجنرال .


#899629 [ود كركوج]
5.00/5 (1 صوت)

01-28-2014 04:07 PM
"المجتمع السياسي الحر ، الذي يحتكم لحكم المشروطية متصرفاً في شأنه الوطني بالحرية ، ومشاورة الناس كافلاً لحقهم في إدارة هذا الشأن ، نابذاً لحسم الخلاف إلا بهذ الوسيلة، راعياً لحقوق الجميع بالسوية ،غير متولٍ إزاء ممارسة السيادة غير الجماعة السودانية"

بس عاوز واحد يشرح لي المقطع ده.


ردود على ود كركوج
United States [الكوز الفى الزير التحت الراكوبه] 01-28-2014 06:02 PM
هذا المقطع يا ودكركوج اخرجه حسبو صيوان وصححه حسبو نسوان وهو من المقاطع الضعيفه التى تدغمست بالاسرائيليات والله اعلم .


#899626 [يونس]
5.00/5 (1 صوت)

01-28-2014 04:06 PM
يا جماعة بصراحة هل البشير فاهم الكلام الكان بيقراً فيه دا !! I doubt


#899624 [زهجان]
5.00/5 (2 صوت)

01-28-2014 04:05 PM
ووووووووووب علينا نحن الما فهمنا حااااااجة


#899617 [KODI]
5.00/5 (3 صوت)

01-28-2014 04:02 PM
يبدو إنه البشير هو من تفاجأ بالخطاب لأنه يبدو إنه ما إضطلع عليه إلا داخل القاعة فغلبته القرايةو الله أعلم لو فهم حاجة خليك من إنه يحاول يفهمنا حاجة, و الظاهر الجماعة عاوزين يحرقوه و هو ما عارف إنه حيتحرق على الهواء عشان كده عملوا ليه هيلمانة إعلامية و لحقوه أمات طه ده خبث الأبالسة


ردود على KODI
[sasa] 01-28-2014 09:08 PM
الاخوان كودى ولهيب لعل ماذكرتموه يتوافق مع الحقيقة الغائبة عن محمد احمد!!!

الراجل مقلبوه لوبيات نافع وعلى اسود الوجه وصلاح اغتصاب قوش الذين يعملون فى الدوائر المحيطة

ولان الحال من بعضو وكلوا فخار يضرب فى بعض وتصفية حسابات بيت اللصوص فلا سبيل لنا ان ننتظر اتضاح اللعبة .... وفعلا كان البشير نفسه يبشر بخطاب ((ما)) ولكن الجماعة كتلوا ليهو الدش فى ايدوا وحرق بجواكره .... وقافل كمان


حاشية:_ ( يمكن بكرى بنقوية بعد ماتصلح بدل الورق بفعل الصنف الاثيوبى)

United States [lahib] 01-28-2014 06:59 PM
والله يا كودي تعليقك اقرب تعليق على خطاب البشير .. لانو صراحة كده زول قراء الخطاب وعارفو فيهو شنو وليهو كم يوم بيقول مفاجاه تفتكر من حيكون عارف الخطاب فيهو اكيد فى اللحظات الاخيره بدلو الخطاب لانو كان المفروض يلقى خطابو الساعه 8 .. بس قدمو الساعه 9 تفتكر السبب شنو ..


#899616 [نورة النور نورين أبو نورة]
5.00/5 (1 صوت)

01-28-2014 04:02 PM
هاهاهاهاهاها
قطعتو مصارينا
وشر البلية ما يضحك
والله محن الجماعة ديل علمت الشعب السوداني النكتة اللاذعة


#899613 [موجووووووووووووووووع]
5.00/5 (1 صوت)

01-28-2014 04:01 PM
يا إخوانا أنتو نسيتو برنامج التعريب الدخلت بيهو الانكاس من يوم ما جو ما خلو شي إلا وعربو في السلم التعليمي وغيرو والخوف كمان يعربو كلية الطب وقريباتها ..... الراجل داير وريكم أنو عربي أمكن يقبلوا في الجامعة العربية .... ههههههههههههههههههههه


#899607 [حاتى اتو]
5.00/5 (1 صوت)

01-28-2014 03:58 PM
انا سمعت المعلم ده بيتكلم عن السيرورة والسيرورتين مافى واحدة تالتة نندغم فيها و نعرس بيها؟!


#899600 [الكلام الخطيرفي وثبة المشير!!!]
5.00/5 (2 صوت)

01-28-2014 03:54 PM
مش بقولوا تمخض الجبل وولدا فارا!!!!

نحنه جبلنا ماولد شئ!!! طلع حمل كاذب حتي من الفار!!!


#899599 [ود الريس]
3.00/5 (2 صوت)

01-28-2014 03:54 PM
إلي الشباب الباحثين

رسالة دكتوراه جاهزة

بعنوان

المدرك والمستدك في وثبة المشير وكلام الطير في الباقير

إشراف البروفسير غنيدير

لجنة المناقشة د. الترابي ودكتور غازي

ودقي يا مزيكا


#899597 [AburishA]
4.50/5 (3 صوت)

01-28-2014 03:53 PM
... وبذا أصبحت لغة الخطاب هي (المفاجأة)!!!!!
انتو دايرين اكتر من كده شنو!! يعني دايرين الرئيس ييفاجأكم يكسر رقبتو!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة