الأخبار
أخبار إقليمية
غندور : البلبلة دفعت البشير للاسراع بتقديم خطابه..وهو ليس خطاباً للجماهير وبالتالي جاءت العبارات محكمة
غندور : البلبلة دفعت البشير للاسراع بتقديم خطابه..وهو ليس خطاباً للجماهير وبالتالي جاءت العبارات محكمة
غندور : البلبلة دفعت البشير للاسراع بتقديم خطابه..وهو ليس خطاباً للجماهير وبالتالي جاءت العبارات محكمة


البشير سيقدم خطاباً ثانياً الثلاثاء المقبل للأمة السودانية لشرح الوثبة
01-29-2014 11:53 AM
أكد نائب رئيس المؤتمر الوطني بروفيسور إبراهيم غندور، إن الرئيس عمر البشير سيقدم خطاباً ثانياً الثلاثاء المقبل للأمة السودانية لشرح الوثبة الوطنية التي أعلنها أمس الأول. وأشار غندور إلى أن البشير قدم خطوطاً عريضة لتلك الوثيقة.

وأوضح غندور في لقاء مع قادة الأجهزة الإعلامية أمس بالمؤتمر الوطني، أن خطاب الرئيس لم يكن محدداً له أمس الأول، مشيراً إلى أن البلبة التي حصلت في الشارع العام والشائعات بتنحي الرئيس وحل البرلمان والحركة الإسلامية هي التي استعجلت الخطاب. لافتاً إلى أن بعض وسائل الإعلام وقعت في فخ الشائعات.

وقال غندور ان كلمة الرئيس الاولي لم تكتب لمخاطبة الجماهيرة وانما كتبن لتوضيح وثيقة حزبية ، بالتالي جاءت العبارات محكمة حتى لا تخرج من السياق الموضوع، وأضاف" الخطأ ان القاعة كانت مليئة بالحضور، لكنهم كانوا من عضوية المؤتمر الوطني" وأشار غندور إلى ان خطاب الرئيس كان توطئة لوثيقة أعدها المؤتمر الوطني وعكف عليها.


وكالات





تعليقات 148 | إهداء 0 | زيارات 26656

صفحة 1 من 3123>
التعليقات
#922692 [كترانج]
0.00/5 (0 صوت)

02-22-2014 08:36 AM
اسع الخريطه دي قاطعين منها حلايب مالكم . ريسينكم بالتقطعا قولو آمين


#905602 [الكردفاني العدييييييييييييل]
0.00/5 (0 صوت)

02-04-2014 10:49 AM
تبرير ............. اسأ من الخطاب نفسه.....

اللهم عليك ....... بعصابات الارجاس....... اقطعهم ......... تك.......
اللهم عليك ....... بعصابات الارجاس....... اقطعهم ......... تك.......
اللهم عليك ....... بعصابات الارجاس....... اقطعهم ......... تك.......
اللهم عليك ....... بعصابات الارجاس....... اقطعهم ......... تك.......
اللهم عليك ....... بعصابات الارجاس....... اقطعهم ......... تك.......
اللهم عليك ....... بعصابات الارجاس....... اقطعهم ......... تك.......
اللهم عليك ....... بعصابات الارجاس....... اقطعهم ......... تك.......
اللهم عليك ....... بعصابات الارجاس....... اقطعهم ......... تك.......


#904785 [محمد ربيع عبد العاطي]
0.00/5 (0 صوت)

02-03-2014 01:27 PM
انا اعتقد انو الدوله خلاص وصلة الا ارزل العمر وفي الحقيقه مش هي اللي وصلة للحته دي الحكومه عامة بقت ماعارفه تعمل شنو!!!والدكتور غندور ماعارف هو داير شنو ودي ياشباب اسمها تلاجه يعني يجدعو ليكم خطاب وبعديها تنشغلو بالردود وتنسو قضاياكم لفتره منها هم يحولو يعيد ترتيب قصه جديده ربنا يعييين والمؤمن مبتلى ونسال الله السلامه


#903004 [محمد عبد الله عمر الامام]
1.00/5 (1 صوت)

02-01-2014 09:30 AM
اعتذار ابراهيم غندور بذكرني نكتة الكذاب اللي قال للجماعة انا ضربت الغزالة رجلها مع اذنها بطلقة واحدة الجماعة قالو ليهو كذاب قال لي خلى خالة ما صحيح يا خال قال ليهم صحيح الغزالة كانت بتحك اذنها برجلها والراجل ضربها بالطلقة . التفت على ابن اخته قال ليه دي مرقتك منها تاني ما تدخلني في ورطة ذي دي فيظهر ان ابراهيم غندور خال البشير هههههههههههههههههههه فيا ابراهيم ابعد من الوطات .


#902249 [سلطان]
5.00/5 (1 صوت)

01-31-2014 12:02 AM
يا غندور اختشي يا راجل تبريراتك لا تتناسب ومكانتك إنت الدكتوراه بتاعتك دي أداك ليها معلم بتاع شاورما؟؟

ياخي زي كلامك حسبو ضنب الكديس ما بيقول زيو.وإنت لو عندك منطق الشعب السوداني صابر على أذى البشير 25 سنة تقدر تقول لينا مستعجل في شنو؟قال بلبلة قال.... الله لا بلَّ ريقك.
فات أبو العفين وجانا وأبو الحصين.


#902222 [الظلم ظلمات]
0.00/5 (0 صوت)

01-30-2014 11:05 PM
ياخي احسن المسلسل
المره الفاتت كانت وثبه
انا خايف المره الجايه تبقى فسوه
مع الاعتذار للقراء


#902162 [kori ackongue]
0.00/5 (0 صوت)

01-30-2014 08:57 PM
Voice of the people, at least, internally that is the portion of struggling mood that you should not wait any word of thanks from those who are already dying for the freedom of their country. Add to it and let the world know more about no freedom of expression and that Al Jareeda Daily Newspaper is one of the target of the dictator system in Sudan


#902157 [ود مقرات]
0.00/5 (0 صوت)

01-30-2014 08:50 PM
هههههه تاني


#902145 [سكسكانية بالشطة]
0.00/5 (0 صوت)

01-30-2014 08:36 PM
يوم الثلاثاء جاي تعتذر وترجع ايامنا الزمان من وين نجيب ليك العذر
فارقونا بدون زن على رؤوسنا ولعب بعقول الناس


#902083 [kimo]
4.50/5 (2 صوت)

01-30-2014 06:37 PM
هذا الهطله جاء مخاطبا كوادر المؤتمر الوطنى ثم يقول لك يجب ان نسمو بالوطنيه بدل الحزبيه الضيقه طيب
ياخى جيب خريطة السودان الفضلت وعملا خلفيه فى المؤتمر عشان الناس يصدقو انك قومى وعندك وطنيه
موش عامل ليك مؤتمر باسم المؤتمر الوطنى ياخى خليك وطنى يوم واحد فى حياتك وافهم انو الرئيس حق الشعب كلو ما حق حزب معين وتانى تعال اتكلم عن الوطنيه والوثبه الكبيره اقصد الكزبه الكبيره .


#902053 [جركان فاضى]
4.50/5 (2 صوت)

01-30-2014 06:06 PM
انهيار تام للدولة...البشير بدأ يرى حقيقة ان السقف يقع على رأسه..اقتصاد دبزاوى كلما ادوه عصا حرن زيادة..وكان اديتو عصا تانية بيرفسك...صفوف بدأت تكثر...قدر القروش الشوية عند الناس لكن مافى هناك بضائع للبيع...البشير يريد ان يخرج سالما...بس والله المرة دى غلبتو عديل


#902052 [ابو محمد]
4.00/5 (1 صوت)

01-30-2014 06:06 PM
با جماعة سؤال برئ !! ما هي علاقة دكتور ابراهيم غندور بالعمال ؟؟ وهل كان رئيس اتحاد عمال السودان؟؟ وهل كان عاملا عصاميا قد اجهد نفسه وتحصل على درجة الكتوراة وهو يؤدي وظيفة العامل !! ام انه تم زرعه من (الجماعة) وسط العمال !! كما يفعلون وسط الطلاب ؟؟ ومكافأة لجهاده المضني تم تعيينه نائبا لرئيس المجلس الوطني ؟؟ ولدينا تحفظ على هذه المسمى لانه مجلس مكوزن بامتياز والقرار يصدر دائما بالاغلبية لصالح (الجماعة) فكيف يكون وطنيا ؟؟


#902044 [أحمد السنوسي]
4.00/5 (1 صوت)

01-30-2014 05:51 PM
يا سادة يا كرام أنا اطلعت علي بعض التعليقات و حسب ما سمعت أن الخطاب اتغير بضغوط من بعض النافذين في المؤتمر الوطني و اخافوا الرئيس بانه سيكون الضحية اذا اقدم علي خطوة غير مدروسة فيما يخص حل الحكومة والتخلص من قادة الحركة الاسلاميةالذين يمثلون العمودي الفقاري لحزب المؤتمر الوطني .. و لابد من التريث و اجراء تحرك أولي لجس نبض الشعب السوداني أولا.. وعليه بقي البشير مرغما لقبول تبديل الخطاب الذي كان يمكن ان يكون فيه شء جديد عن المألوف الامر الذي ادي لغياب بكري النائب الأول و ووزير الدفاع عن الحضور احتجاجا علي يبديل الخطاب .. وكان ذلك واضحا بان البشير لم ينمكن من قراءة الخطاب بسبب ضيق الوقت للمذاكرة قبل القاء الخطاب و للعبارات الغريبة التي كتب بها لاضافة صفة الابهام و السفسطة والتسويف لكن الشعب كان شاهدا لكن ما شاف حاجة غير انه انتقد الخطاب بطريقة غير مسبوقة نتيجة لمفاجأة الاحباط. وعليه يمكننا الانتظار لمعرفة ما يتضمنة خطاب الثلاثاء القادم
ولكم شكري و تقديري
أحمد السنوسي
الولايات المتحدة الامريكية


#902022 [jackssa]
4.50/5 (4 صوت)

01-30-2014 05:26 PM
يا بروف قوم بول . وعذرا للقراء


ردود على jackssa
[هندسه] 01-30-2014 08:23 PM
يا المجنس شكلك لاحقني لي جاي عندك شفع وفالقنك بي طيور الجنه

European Union [المـجـنس] 01-30-2014 07:30 PM
أطلب السادة المعلقين جميعهم وبالانابه عنهم نهدى البشكير(أغنية يا شهاب يا كذاب تستاهل أكل الزئاب) فى قناة طيور الجنة قال ايه قال يوم الثلاثاء القادم خطاب تانى للتوضيح الخطاب الاول


#901993 [zgzag]
4.85/5 (6 صوت)

01-30-2014 04:40 PM
ابجضوم .. كل أموركم (فِخاخ) .. و (تدابير) كما قال ثعلبكم ومحتالكم الكبير .
يا بروف .. الحقيقة .. انكم اضعتم الفرصة ..
سودان يوم الأحد الذي سبق خطاب الجنرال الأخرق ، ليست كسودان يوم الأثنين ما بعد تلك الليلة البلهاء .


ردود على zgzag
European Union [ود الجبل] 01-30-2014 06:06 PM
أحييك


#901964 [memad]
3.00/5 (2 صوت)

01-30-2014 04:07 PM
الله يبلبل كيانكم بلبلتونا


#901943 [الدم والدهب]
4.75/5 (5 صوت)

01-30-2014 03:54 PM
يمكن وصف هذا الخطاب بانه موجه الى الوثابين المندغمين فى الشذوذ الافقى (حصريا), اما الشعب السودانى فليس له نصيب من الاندغام والوثب. فليندغم المندغمون الا ان يقول الشعب كلمته.


#901887 [الأحنف بن قيس]
5.00/5 (2 صوت)

01-30-2014 03:05 PM
يابروف ماسقط سهوا شفنا وتخبط 24 سنة عشنا والثلاثاء قريب وبنشوف الصارنوا ولم يعد لدي أي عاقل رشيد أمل في صلاح الحال علي يديكم


#901803 [ود نقد]
2.96/5 (8 صوت)

01-30-2014 01:41 PM
عييييييييب عليك يابروف....بروف غندور لا يحترم عقلية الشعب السودانى ولم يجد مخرجا من الحرج الذى ادخلوا رئيسهم فيه سوى القول ان هنالك خطابا فى الطريق..ونظرا لحالة الشارع العام والشائعات تم التجعيل بالخطاب.....بالله...!!!! والله هذا الكلام لا يصدقه طلاب الاساس فى السودان..ما بين الثلاثاء والثلاثاء القادم اسبوعا واحدا فقط...متى كنتم تهتمون لحال الشارع السودانى حتى تعجلون بالخطاب!!! وماذا حمل الخطاب للشارع السودانى غير خيبة الامل الكبيرة...حتى القلة التى كانت تامل فى تصديقكم انكشف لها حالكم ومدى استهتاركم بالشعب السودانى....اذا كان الخطاب موجها لاعضاء المؤتمر الوطنى ..لماذا تمت دعوة الاحزاب والدبلوماسيين!!!!!واذا كان اعضاء المؤتمر الوطنى حضروا بدون دعوة فهذه مسئوليتكم....خيبتم ظن الرجل الدبلوماسى القدير منصور خالد وانتم تدعونه لحضور هذه المسرحية الهزيلة...هل ستطلبون منه الانتظار حتى الثلاثاء القادم لحضور الفصل الثانى من المسرحية!!!!!!حيرتم الامام والترابى ود.غازى..فقد حسوا انهم لا يعرفون كيف تفكرون....اقول للبروف خليك مع مثنى وثلاث ورباع من النساء فهو الشيئ الوحيد الذى اعتبرتموه ما يجب التمسك به فى الاسلام حسب فهمكم....وكان الله فى عوننا نحن ابناء الشعب السودانى...ترى من سيحضر ومن سيغيبه الخطاب القادم!!!!لقد زبحتم الشعب السودانى يوم الثلاثاء ولن يولمه السلخ الثلاثاء القادم.....


ردود على ود نقد
European Union [جدودنا زمان] 01-30-2014 05:26 PM
بعد كلامك مافي كلام

European Union [الرماد كال حماد] 01-30-2014 03:23 PM
عوافى عوافى


#901793 [Atbarawi]
5.00/5 (4 صوت)

01-30-2014 01:33 PM
غندو كشف المستور يعني القاعة لملمت كل أجنحة المؤتمؤ الوطني - الأصل سيد الاسم (جناح الترابي) المنقلب (جناح الرئيس و حرسه المتنحي ولسه لاصق و الجديد المالي فرصة)- الجناح الحردان (غازي و جماعته ) - الجناح الموالي (جناح الميرغني و ولده) الجناح الخفي جناح خاينة خايفة (الصادق و ولده) جناح شعب كل حكومة (ناس قريعتي راحت منصور خالد و الرهط الما عارفين ليهم شغلة البتلقاهم في كل ملمة فيها أكتر من عشرين نفر)


#901780 [البركان]
5.00/5 (3 صوت)

01-30-2014 01:19 PM
لماذا يلقي خطابا ثانيا يوم الثلاثاء ؟؟؟ من يصدق البشير ؟؟؟؟ اما اذا كان جادا فعليه:
1-تهيئة المناخ بالغاء كل القوانين المقيدة للحريات و هذه لا تحتاج لخاب موجه للامة.
2-اطلاق سراح سجناء الرأي و هذه لا تحتاج لخطاب يوجه للامة.
3-الغاء المواد التي تسمح لجهاز الامن بالتدخل في الحريات و ان يقتصر دوره في جمع المعلومات فقط مش جيش موازي للجيش النظامي و هذه لا تحتاج لخطاب يوجه للامة.
4-الغاء شرطة النظام العام و مليشيات النظام من دفاع شعبي و امن شعبي و غيرها و تسريحها فقد ارهقت الخزينة العامة و اهدرت حقوق المواطنة و هذه لا تحتاج لخطاب يوجه للامة.
5- حل كل اجهزة المؤتمر الوطني المرتبطة بجهاز الدولة و فصل الحزب عن الدولةو هذه لا تحتاج لخطاب يوجه للامة .
6- وقف حروب الانقاذ العبثيه اللعينة ضد ابناء شعبها و مخاطبة جزور المشكلة من خلال اّلية قومية متفق عليهالازالة المظالم التاريخية.و هذه ايضا لاتحتاج لخطاب يوجه للامة.
المطلوب من البشير تنفيذ مطلوبات السلام و الحرية المبينة باعلاه من ثم يخاطب الامة معلنا حل حكومته الحاليه و اجهزته التشريعية القومية و الولائية و الاجتماع بالقوي السياسية جميعها للاتفاق علي حكومة انتقالية تتولي الدعوة لمؤتمر دستوري للاجابة علي كيف يحكم السودان و من ثم الاليات التنفيذية لذلك ثم انتخابات حرة و نزيهة و مراقبة.
خلاف ذلك فانتظر الثورة الشعبية العارمة و المحمية بالسلاح لاقتلاع نظامك الفاشي من جزوره و محاكمتك انت و ازلام نظامك في كل الجرائم منذ مجيئك المشئوم و حتي اخر لحظة لكم في سدة الحكم و لا فالات من العقاب و لاعفا الله عنما سلف و كل من يوهمك بالضمانات فهو كاذب مثلك و الضمانة الوحيدة هي محاكمتك انت و ازلام نظامك امام القضاء السوداني محاكمات عادلة و نزيهه تقتص للضحايا و تسترد مقدرات الامة المنهوبة.


ردود على البركان
European Union [ابو علي] 01-30-2014 09:07 PM
كلامك عين العقل يا بركان بس مين يقول البغلة في الابريق

European Union [محجوب سليم] 01-30-2014 07:01 PM
10 وتقديم استقالتكم وهذا لايحتاج الى خطاب يوجه للامه
11 وتسليم نفسكم للمحكمة الجنائيةوهذا لايحتاج الى خطاب يوجه للامه

United States [كفاية] 01-30-2014 04:00 PM
7- محاسبة المفسدين وارجاع الاموال المنهوبة وهم معروفين بالاسم
8- تفعيل قانون من اين لك هذا وتطبيقه بسرعة شديده على كل الدستوريين الحاليين والسابقين وقيادات القوات النظامية
9- التحقيق في قضية قتلى مظاهرات سبتمبر وتبرئة الجبهة الثورية منه


#901722 [ابولكيلك]
5.00/5 (3 صوت)

01-30-2014 12:36 PM
بس خلاص ... الفيكم انعرفت واللعبة انكشفت ياغندرة واحد يطق والتانى يخلف انتهى الفيلم البايخ بتاع الوجبة عذراً اقصد الوثبة .


#901718 [أنور النور عبدالرحمن]
4.75/5 (3 صوت)

01-30-2014 12:33 PM
غندور ده بلف وبدور وحسين خوجلي قال بالأمس الأربعاء 29 يناير 2014 مافي خطاب تاني وأنا أعتقد ناس غندور هم الذين غيروا الخطاب والدائرة تدور والأرض تمور , الخطاب لا يهمنا ولا سيحل ولا سيربط , الخطاب مجرد مفردات لغوية أي مفردات عميقة المعنى وفارغة المحتوى والحصل بالضبط الخطاب الأصلي لم يعجب ناس المؤتمر الوطني , حيث أن مكرهم كبير, أما الرئيس فهو مغلوب على أمره ويقرأ لهم ما يكتبونه له بعدما حذفوا به ما يتناول قضايا الفساد وتخليه عن الحكم وربما حل المؤتمر الوطني وليس حل الحركة الاسلامية لأنه ليس هنالك حركة اسلامية واضحة وأنما هي جماعة إخوانية متأسلمة دبرت نفسها منذ أن أطاحوا بالديمقراطية حين قدومهم في يونيو1989م. وتشكلوا وتمحوروا وأنسلخوا مؤتمرين في مسمياتهم وأخيرا شعروا أن أيامهم تقترب و تتقلص بعد ذلك التمكين العجيب بعد تشليع شلعوها القوات المشلعة فقد تم تسريح العديد من الكفاءات السودانية بالقوات المسلحة السودانية مما جعلها مشلعة وصارت بها مليشيات تابعة لقيادات مدنية وهنا مكمن الخطر وإندلاع حرب أهلية من نوع جديد والرئيس يشعر بذلك وما يجعل منه قراءة لخطاب فارغ المحتوى وغندور يبرر إلحاق توضيحات ونقولهم ألعبوا غيرها بعيدا أما أحزاب المعارضة فهي أحزاب الفكة والتفكيك ولا يريد الرئيس الإنفكاك عنها ظناً منه أنها ناصريه إذا أزفت الآزفة وأخال قيادات هذه الأحزاب كالكلاب التي تنظر الذبيحة وهي تشاهدها معلقة بينما يقوم القصاب بشلع أوصالها وهي تتأهب للقفز على مايصيبها من غث وهزيل لا يسمن ولا يغني من جوع . كان الخطاب مفاجأة للرئيس نفسه لأنه كان يحمل المفاجأة الفاجعة بين مفرداته وطياته وقد تجولنا في مروج تلك المفردات التي تعج ببريق معانيها وبيانها لغة الضاد ( سمه ما شئت ولا يعنينا) أما الشعب السوداني المنتظر والذي يمتاز بتوقد القريحة هو شعب حاذق نحيف في جسده ويحمل طاقة جبارة في عضله و عقله وخبير وسابق لكل الشعوب ومعلمها ثورة وإثارة وثراءً وإيثارا.


#901685 [بدرالنهار]
4.75/5 (4 صوت)

01-30-2014 12:05 PM
يابروف وثبة الرئيس زي وثبات البين بيوتك في شرق النيل وإمتداد ناصر والنزهة


#901678 [صديق الكشيمبو]
5.00/5 (2 صوت)

01-30-2014 12:01 PM
غندور اسم غير شائع في السودان، وأظنه أتانا من مصر
غندور اسم علم مذكر عربي يكثر في مصر أكثر منها في السودان ، 1.الغُنْدُورُ - غُنْدُورُ :
الغُنْدُورُ : الغُنْدَرُ ( بفتح الدال أو ضمها ) .
المعجم: المعجم الوسيط
2.غندر - و غندر و غندور :
- حسن الشباب
المعجم: الرائد
3.غندور - غُنْدُورٌ :
[ غ ن د ر ]. " شَابٌّ غُنْدُورٌ " : حَسَنُ الشَّبَابِ ، غُنْدُرٌ ، نَاعِمٌ .
المعجم: الغني
4.غُنْدور :
جمع غنادِرة :
1 - صفة لمن كان به نعومة وجمال " فتاة غُنْدورة ".
2 - شديد التَّأنُّق في الملبس والمَظْهر " شابٌّ غُنْدور ".
المعجم: اللغة العربية المعاصر
5.غَنْدور :
اسم علم مذكر عربي ،
معناه : الغلام السمين ، المتبختر ، المِغْناج . والتسمية عامية فصيحها غُنْدُر ، وهي غَندورة وفصيحها غُنْدُروه . والغَنْدرة : مشيُ الخيلاء والدلال والتبختر .
المعجم: معاني الاسماءالمهم أنه ليس اللواء مزمل سلمان غندور، كما أن الأهم هو الحال التي وصلنا إليها، كما أنني تابعت (جعفر الميرغني) وهو يتحدث للتلفزيون بعد كلمة الرئيس، وتألمت للغته الركيكة التي تحدث بها وقلت : لماذ اأغفل "مولانا" أن يدرب أولاده على الخطابة ولغة الإعلام ، وهو الذي يمتلك كل الإمكانيات المادية واللوجستية لذلك؟ واذا كانوا يقرأون الراكوبة ، فإنني أطالبهم بان يدرس السيد الميرغني(الابن) الخطابة ، وبعض قواعد العربية من خلال أساتذة متخصصين،وليس للعلم سن أو جاه يمنع عنه، فمن يتصدى للعمل العام، ويمثل رمزية دينية، لا بد أن تكون لغته العربية سليمة لأنها لغة القرآن.والملاحظ أن(عبد الرحمن ولد السيد الصادق) أكثر ذكاء، فهو لا يرتجل خطبه، بل دائما ما يقرأ خطبا مكتوبة ، وهذه يجنبه الوقوع في الخطأ والحرج والله أعلم!أقول هذا وفي ذهني أن من تجعله الأقدار في مركز القيادة، لابد أن يتسم بصفاتها، وأقلها لسان ذرب يخاطب ويقنع ويجذب ، خاصة عند مخاطبة شعب مستنير كشعب بلادنا الحبيبة...


ردود على صديق الكشيمبو
[الكردفاني العدييييييييييييل] 02-04-2014 11:04 AM
يا اخوي ( صديق) تدريب شنو !!!!!! الراجل عاجبهم ....كده....انت ما سمعت بقصة المواطن البسيط الذي سمع خطاب وكلام سيده ..... ولما سألوه..... قال ليهو .....انت حضرت.... الجمع .... سيدنا قال ..... شنو....رد عليهم معجبابسيده......( هو كلام سيدنا بنفهم !!!!!!؟؟؟؟؟؟) فذهبت مثلا.... اي بلاء واي مصيبة اكبر من زعامة السيدين.....

European Union [ابو علي] 01-30-2014 09:11 PM
جعفر الميرعني ده الطفل المعجزة

United States [في الحتة دي] 01-30-2014 03:58 PM
والغُندرة تعني الجزمة باللهجة العراقية


#901666 [محمد التجانى]
5.00/5 (2 صوت)

01-30-2014 11:54 AM
حسن عطيه الفنان جابوه قاعه الصداقة برنامج اغانى واغانى اصلو حكاية الرقيص انتهت والركب ما شايله فاحسن يكون الحفل بالفنان حسن عطية وانا حالى ظاهر فكووووووونا قومو الى ثورتكم يرحمكم الله


#901640 [اخربا ليكم]
5.00/5 (1 صوت)

01-30-2014 11:35 AM
لقيتوها حلوة ياكلاب وثبة وثبتينبعد شوية جكة وجريه الله يقطع خيطكم


#901605 [البشير الباطل]
5.00/5 (1 صوت)

01-30-2014 11:05 AM
كنا وثبنا السكة ورود لو كلمتنا كان بالوثبة

حسبنا الله ونعم الوكيل.. الله لا بارك فيك يا عمر البشير ولا غز فيك بركة.. ياخ ما بتخجل على عمرك؟؟ انت ما قريت .. اهبل؟؟ متخلف؟؟ ياخي اتق الله .. وما تعمل فيها عوير وقاعد يحركوك ناس المؤتمر الوطني .. والله الشعب السوداني كلو في رقبتك.. حا تمشي وين؟؟


#901597 [abubker]
4.50/5 (3 صوت)

01-30-2014 11:03 AM
احسن توجهو خطاب بكرة للرجال فوق الاربعين وبعده خطاب للامهات فوق الخمسة وثلاثين وثاني خطاب للشباب تحت الاربعين وواحد للشابات تحت الخمسة وثلاثين وبعدين خطاب للاطفال والله حيرتونا


#901361 [كديس]
5.00/5 (2 صوت)

01-30-2014 04:05 AM
انتظرونا في الوثبة الثانيه لانو بشه ما بعرف يتكلم بدون نقاره ورقيص لأنو الجماعة منعوه فاضطر الي السفر لاثيوبيا يروح عن نفسو ويكشف مع الحفتي وح يجيكم الثلاثاء بمعنويات عاليه للوثبه الثانيه ... الثلاثاء وكل ثلاثاء مع وثبة البشير


ردود على كديس
Hong Kong [أسمر جميل فتان] 01-30-2014 10:17 PM
هههههههههههههههههههههههههههههههههه
الله يجازيك كل الخير يا البطحاني ضحكتنا في زمن "البكا"
اضحكك الله وابقاك

[البطحاني] 01-30-2014 12:41 PM
واحد مسطول متلحوو حـــــــرامي كل يوم جاي ناطي ويفتح الدولاب ويسرق ويهرب المسطوول فكر وقال
لازم اقبضو المهم طلع فوق الدلاب ومستني...
الحرامي دخل وفتح الدولاب المسطول نطا فيو الحرامي انخلع قعد يكووورك تبتا والله تبتا

المسطل قالي خلينا من توبتك رايك شنو في الوثبة دي !!!!


#901336 [دارفورحره مستقله]
5.00/5 (1 صوت)

01-30-2014 02:06 AM
بلا شك نحن فى دارفور لا نعترف ولا نامل خير فى النظام ..ولكن نعتقد ان هنالك تقدم فكرى على مستوى الخطاب للاسلاميين ومن خلال خطاب البشير ابرز ما فيه هو موضوع الهويه واعتقد ان ذلك بعد تفكير عميق ولكن اختلط على المثقفين الاسلاميين الامر هذا الخطاب هو ورقه فكريه ومرتكزات سياسيه ينبغى ان يقدمه الحزب للناس والاحزاب اما رئيس الجمهوريه فلا ليست من مسؤلياته تقديم افكار وانما العمل والاداره لمؤسسات دوله وبالتالى كان الناس ينتظرون من الرئيس اشياء عمليه تتعلق بعمله وهو كيفيه الحكم والاصلاحات ..اما انصراف الرئيس لموضوعات فكريه واطروحات سياسيه فهذا يعنى ارتباك فكرى وطفوله سياسيه يعيشه الموتمر الوطنى ...سالم /حركه الشمال الديمقراطيه


ردود على دارفورحره مستقله
[أحمد التوم عبد الله] 01-30-2014 06:41 PM
يا ســالم ، تســلم نحن معاك وتبعك كان شمال كان دارفور أحسن تسميها حركة السودان الديمقراطية لتبعد عن الجهوية والعنصرية


#901280 [أسمر جميل فتان]
4.85/5 (8 صوت)

01-29-2014 11:58 PM
لأكثر من 17 سنة بالتدريس بالجامعات الخليجية والسودانية .......

أول مرة اشوف "ملحق" لخطاب رئيس جمهورية ............

يا غندور يا غندور "أخجل".....

ودمتم


ردود على أسمر جميل فتان
European Union [المشتري الترماي] 01-30-2014 03:08 PM
يااستاذ كلامك ده ماصاح انت في الثانوي ياخي لما يقرروا عليكم معلقه لبيد ابن ربيعه بعد القراءة الاولي تاني كل اسبوع بيكون الشرح ولبيد وزهير اامرو وء القيس ما افضل من عمر ابن البشير ابن ابي بانقا

[Mohammed Ahmed Al Shafey] 01-30-2014 11:10 AM
يا اخوانا يا اخوانا يا اخوانا. والله عقلنا ده قرب يطرشك عديل من كترة الاستخفاف بيه. السيد الرئيس بيقول الناس كل الناس .. الناس كل الناس .. الناس كل الناس , و هذا الغندور بيقول الخطاب ليس معدا للجماهير.. يا اخوانا اخجلو .. اخجلو .. اخجلو


#901230 [ali alfred]
5.00/5 (2 صوت)

01-29-2014 10:48 PM
المؤتمر الوطني وامثالهم من الجهله نجحوا في تفريغ الوطن من العلماء وتركوا البهائم لتصول وتجول في البلاد.


#901170 [طائر الهوى]
5.00/5 (5 صوت)

01-29-2014 08:57 PM
فى الدول التى تحترم شعبها يكون للرئيس خطاب إسبوعى يشرح فيها الحاله العامه للبلاد من الناحيه السياسيه والاقتصاديه والامنيه .
لم نسمع بدوله فى العالم إستهجن الشعب خطاب رئيسها لوضاعه طرحه او ركاكه حديثه .
رئيسنا خطاباته التى تخاطب الامه قليله. اما فى الهواء الطلق لافتتاح المشاريع المخستكه او دق طبول الحرب وتجيش قوافل (المجاهدين ) وارسال رسائل للخارج مجلس الامن او المحكمه الجنائية واظهار شعبيته فحدث ولا حرج آخر خطاب موجه للشعب فى موتمره الصحفى قبل اربعه شهور من علينا فيه بمعرفة وجبة الكلب الحار فى عهده . واتبعه بخطاب الوثبه والاندغامه .
لا يجيد الا الرقص والشتم والكزب وحلف الطلاق .
اظن تتابع الخطابات ستظهر للجميع حقيقة انه شخص كيسه فاضى مما يعجل برحيله .


ردود على طائر الهوى
[بت مكوار] 01-30-2014 03:33 PM
صدقت ،الرئيس الايراني في أول خطاب قدمه للأمة كان كلو حكم قال "جئت لأبعث الحكمة وأبث الأمل " امبارح اوباما قدم خطابه السنوي مافي مقارنةبالمرة، والله بقينا نخجل من الحاصل في البلد دي،المشكلة الyoung generation المالاقين لا قدوةولا مثال يقتدوا بيهمو في البلد دي الله يكون في عونهم.


#901163 [طبيب النساء والتوليد]
5.00/5 (6 صوت)

01-29-2014 08:46 PM
بس اوعى الريس تعجبو حكاية خطاب كل شهر ويعتمدها رسميا
تبقى عاد شهرية سيئة منو


ردود على طبيب النساء والتوليد
United States [Atbarawi] 01-30-2014 01:12 PM
ما حتكون جديدة عملها النميري قبل كده يقعد يهضرب بالساعات كل شهر في ما أسماه "لقاء المكاشفة الشهري" - ما بعيد يعيد السيرة
بس حلوةحكاية (عادة شهرية دي) لكن اظنه تأثير المهنة


#901156 [abu modi]
5.00/5 (5 صوت)

01-29-2014 08:36 PM
والوثبة الاولي ما جابت حقها ولا شنو.قوموا لوثبتكم اثابكم الله


#901122 [نادى برى المارياضى ولاثقافى]
4.00/5 (1 صوت)

01-29-2014 07:32 PM
ياجماعة وياناس هووى غندور ده ماتاخدوه حتى لمن نعلب الضمنة ولا اربعطاشر ولا حريق بيقعد يخرخر كده
ويحلف بدين ايمانو انو مارمى البايظ ولاما كروتو زيادة
اعضاء نادى برى الماثقافى ولارياضى بس اجتماعى للعب الضمنة والكوشتينة حريق واربعطاشر وكش الملك
وعند انقطاع الكهرباء للعب حريانة وشدت وسكج بكج او التهام المكسرات والمعجنات التى ترسل للبروف مجانا من حلوانى البيت الشامى وحلوانى العبد


#901116 [سنكارا]
4.50/5 (5 صوت)

01-29-2014 07:23 PM
اذا كان هذا الحطاب وثبة فان خطاب يوم الثلاثاء سيكون (عفوا للتشبيه) ظرطة


#901096 [تمساح]
4.00/5 (2 صوت)

01-29-2014 06:52 PM
لو صدق القائلون بان الخطاب اتبدل تببقي كارثه وفضيحه كبيره للسيد الرئيس والقلئد الاعلي للقوات المسلحه
دعك من رئسس وقائد اعلي لبقوات المسلحه اي فرد عادي جدا هل يرضي ان يعصي في مملكته ومسؤليته
هل ي
ي بهذا العبث به وامام العالمين
لو كنت مكانه لتكايرت رؤس كثيره امام ذلك الحشد ولكن ....


#901094 [وثبان]
4.00/5 (1 صوت)

01-29-2014 06:50 PM
للإمام دائماً ينهي الخطبة بالحديث.


#901053 [ود احمد]
5.00/5 (2 صوت)

01-29-2014 05:59 PM
الثعلب فات فات في يدينو سبعة لفات والهون ضرب التلفون والجبة وقعت في البير وصاحبها واحد اسمو البشير


#901032 [ام كرتبو]
5.00/5 (5 صوت)

01-29-2014 05:40 PM
البشير ده حماااار عديل كده حمااااااااار عديل والدليل أن الراجل قاعد في الحكم 25 سنة يحضر مؤتمرات وعنده مستشار اعلامي وكل ثروات البلد تحت مقعده وكل علماء البلد رهن اشارته ..الا انه ساقط ساااااااااقط في درس المطالعة ..والله العظيم نفس هذه لاخطاء سمعتها انا في خطاب للبشير سنة 1990 في احتفال بالابيض ايام كان الحسيني عبد الكريم والياً لكردفان الكبري ..الرئيس غلط في كلمة كركدي نطقها ( قرنييييه) والله العظيم نطقها هكذا ....وبعد 25 سنة نسمع عبارات من شاكلة الاندغام وامام حضور من كافة ارجاء المعمورة بالله ده كلام ..


ردود على ام كرتبو
United States [nagatabuzaid] 01-30-2014 10:31 PM
لا هو ما غلط فيها يازول بس هو نخنخ الحلق كان ملان شحم ولغود ودهون


#901029 [كتاحة]
4.75/5 (4 صوت)

01-29-2014 05:39 PM
أها المرّة الجاية " فنجطة " ؟؟؟؟؟


#901021 [بومدين]
4.00/5 (8 صوت)

01-29-2014 05:28 PM
أورد خـبثاء الـمـدينة عـلـي صـفـحـتهـم ( شـمـارات طـازجـة ) بالـفيسـبوك ..
أن الـرئيس ( الـمـزعـوم ) بـعـد فـضـيحـة الـوثبة الـتاريخـية أم جـلاجـل ..
أده كـاتب الـخـطـاب شـلـوت بكـراعـو الـمـكـلـوجـة ، قـائلا ده خـطاب شــنو الـمدغمس ده ؟؟؟؟.
ولـقـد حـلـف كـاتب الـخـطـاب .. قـائلا :
يســألـني الله الـزول ده مـا أداني شــلـوت بكـراعـو ،
الـمصيبة ده ضـربني بكـرنك دبابة عـدييييل كــده .
وخـتم خبثاء الـمدينة روايتهـم عـلـي صـفحتهـم ( شمارات طـازجـة ) بالـفيسـبوك : قـائلـين
ولله فـي كـلـوجـته شــئون !!!!.


#901014 [واثب]
5.00/5 (5 صوت)

01-29-2014 05:20 PM
أتمنى دعوة الذين لم تتم دعوتهم في في الوثبة الاولى كي ينداحوا وثبا


#901010 [أملويا]
5.00/5 (2 صوت)

01-29-2014 05:14 PM
ابليس حزين وبكى وزعلان ومحتاااااااااااااااااااااار شديد
سألوه المزعلك شنو يا ابليس ومحيرررررررررررررررررررك كده
قال انا قاعد مع البشير ونافع وود طه 25 سنة ندقس ونوهم فى السودانيين والعالم معاهم
يجى غندور يدقسنى ويقول ... مفاجأة .. ويكملها البشير برموز ووثبات انا ذاتى ما قدرت اوثب كده.. بس اقول ليكم حاجة اى وثبة تانية منهم مااااااااااااااااااا بصدقها وحاقول بسم الله عدييييييييييييييييييييل قبل ما ابقى حبة من حبات (القندول الما نافع)


#901008 [اجاويدوا]
5.00/5 (5 صوت)

01-29-2014 05:13 PM
(((وقال غندور ان كلمة الرئيس الاولي لم تكتب لمخاطبة الجماهيرة وانما كتبن لتوضيح وثيقة حزبية ، بالتالي جاءت العبارات محكمة حتى لا تخرج من السياق الموضوع، وأضاف" الخطأ ان القاعة كانت مليئة بالحضور، لكنهم كانوا من عضوية المؤتمر الوطني" وأشار غندور إلى ان خطاب الرئيس كان توطئة لوثيقة أعدها المؤتمر الوطني وعكف عليها.)))
............................................................................................................................
شوفوا عليكم الله الكلام الاسوأ من خطاب الرئيس , هذا واحد من المتفسلفين الذين ضللوا الرئيس وجلبوا السخريه والاستهزاء بالمقام الرئاسى الرفيع , وغندور كاذب ومضلل ومفترى . كيف لم تكن كلمه الرئيس لمخاطبة الجماهير وهو نفسه قدم الرئيس لمخاطبة الجماهير , وقبل يومين فقط قال ان الرئيس سيطرح وثقة الاصلاح الشامل ,,, ثم انظروا التضليل والخداع عندما قال جاءت العبارات محكمه حتى لا تخرج من السياق الموضوع . اى احكام فى تلك العبارات الفضاضه الغامضه الذى هو نفسه لم يفهم منه شىء مثل الناس كل الناس . ان فرعون لم يفسده الا اعوانه الدجاجله المخدعين


#900986 [الفقير]
5.00/5 (4 صوت)

01-29-2014 04:55 PM
الصادق المهدي مااااافهم حاجه ..... الترابي مااااافهم حاجه ..... غاذي صلاح الدين ماااااااافهم حاجه ...... لكن ظني كده يكون البنزين زادوووووو


#900974 [رانيا]
5.00/5 (14 صوت)

01-29-2014 04:45 PM
الخريطة أعلاه لا تتضمن مثلث حلايب .. لعنة اللـه على كل خائن وعميل ..إنشاءالله ما تشموا ريحة الجنة وتعيشوا أذلة إنتوا وذريتكم ..اللهم زلزلهم وشتت شملهم بطش عزيز مقتدر ..


ردود على رانيا
[رانيا] 01-31-2014 12:28 AM
الإخوة الأعزاء ساب ونجاة .. اللـه يخليكم لي وما أنحرم منكم يارب .. والظاهر (محمد) مزغلل لأني أنا معلقة في الصفحة التانية قبله بدقيقة على الموضوع ..الحمدللـه أديت كل مجال حقه ...دمتم بود

United States [ساب البلد] 01-30-2014 02:33 PM
******* يا محمد هداك الله مافي داعي للاساءة ******* بعدين الاخت رانيا قالت شنو غلط ؟؟؟ ***** اذا كان اعلامنا برسم خريطة السودان من غير حلايب المصريين ليهم حق يقولوا حلايب حقتهم يعني نحنا بدل ما نفي نثبت ليهم ******** و لو انت مصري دي حاجة تانية ********



***** سوال ********

******* انت دايرها تبقي علي شنو اكتر من كده ؟؟؟ ********

United States [محمد] 01-30-2014 02:13 AM
يعني خلااااص بقت علي دي .... انته هبله وله شنو ؟؟

United States [ساب البلد] 01-30-2014 01:22 AM
********** طولي بالك ****** خليهم يتخارجوا ******* ح نرجع حلايب في الارض و الخرايط *******


#900970 [رانيا]
5.00/5 (2 صوت)

01-29-2014 04:38 PM
الخريطة أعلاه لا تتضمن مثلث حلايب . . لعنة الله علي كل خائن وعميل . .


ردود على رانيا
United States [nagatabuzaid] 01-30-2014 11:10 PM
وما فيها كرعين كمان يعنى السودان مقطع الاوصال بفعل الاستعمار الانتكاسى

يا محمد افندى الاهبل منو ؟ انت ولا رانيا ؟ انت غير مدرك لاهمية حلايب ولا مدرك

لاى شىء يخص القومية السودانية بس سنقرت قدام الجهاز بلا فهم


#900968 [jalabi]
4.00/5 (1 صوت)

01-29-2014 04:35 PM
تانى تانى ,و, تانى تانى تانى راجعين مرة تانى


ردود على jalabi
European Union [ربش] 01-30-2014 12:41 AM
ملاحظة تستحق الإشادة والتقدير .... الأرض و العرض سيان .


#900961 [jalabi]
0.00/5 (0 صوت)

01-29-2014 04:29 PM
تانى تانى ,, تاثى تانى تانى راجعين تانى تانى


#900957 [حسكنيت]
3.50/5 (2 صوت)

01-29-2014 04:24 PM
شكلها القصة حتدور وتبقى زى سوق تمبول ، يومين فى الأسبوع وإمكن إدوكم حبة زيادة عند اللزوم وبعد شوية حنرجع لى اللقاء الشهرى


#900951 [Saeed]
2.95/5 (10 صوت)

01-29-2014 04:14 PM
غايتو أمثال غندور ديل هم البسقطو حجر الانقاذ ما المعارضة


#900950 [مواطنx]
5.00/5 (5 صوت)

01-29-2014 04:13 PM
علمنا كيف نستخدم مصطلحات في جمل غير مفيدة،لم يستطع هو نفسه نطقها!
والأسبوع المقبل سيشرح لنا كيف نعرب تلك الجمل الغير المفيدة! عشان اتعقد من ضحكنا.

اذن فهي حصة لغو وسطلة نحو،يلا فلتعد علينا الدعارة السياسية مجددا،هو أصلا في واحد حسمعك غير الأروجازات المعاك،قال الأمة السودانية قال وانت خليت فيها أمة انت والأروجازات المعاك فضايح بدرجة امتياز.


#900943 [عتمنى]
5.00/5 (1 صوت)

01-29-2014 04:09 PM
يا جماعه عايز افهم حاجه هل ابراهيم غندور ده هو نفس الشخص الكان رشحوه ناس انقلاب مايو لرئاسة مجلس قيادة الثوره وبعدين فى اللحظات الاخيره بدلوهو بنميرى ولا انا غلطان الرجاء افادتى؟


ردود على عتمنى
United States [AburishA] 01-30-2014 04:09 PM
جميل ان يجد الانسان بعض المعلومات من القراء.. وكنت في نفسي اسأل نفس السؤال.. لقد عايشت الاخ اللواء مزمل سليمان غندور الى ان نزل المعاش من القوات المسلحة.. ان لم تخني الذاكرة في نهاية السبعينات!! وذلك عندما كان (اللواء لواء !!) حيث كان رتبة اللواء محدودة والعدد محدود بحسب معيار حجم الجيش في البلد!!! هسي الالوية على قفا من يشيل اكثر من الجنود..عجبي!!! ونأمل ان لايكون هذا الغندور قريب ذلك اللواء !!!

European Union [محجوب عبد المنعم حسن معني] 01-30-2014 11:05 AM
حبيبنا واحد
تحياتي يا غالي
نعم مزمل هو عم سليمان، وسليمان نشأ في الدويم موطن اهل والدته وكان والده يعمل في الخرطوم، انا متأكد انه من نفس الاسرة الامدرمانية المشهورة

ملحوظة انا ذكرت بالخطأ اسم سليمان بدلاً عن ابراهيم في ردي على الاخ عتمنى، ارجو المعذرة، ايضاً هناك احد اعمامهم كان يسكن في بانت شرق زاملنا احد ابنائهم في الابتدائي

United States [واحد] 01-30-2014 06:51 AM
من كلام الأخ معني فعلا ابراهيم غندور أهله بين الدويم وام درمان, اذا هو من نفس الأسرة والله اعلم

[محجوب عبدالمنعم حسن معني] 01-30-2014 12:29 AM
الاخ عتمنى
تحياتي
اللواء مزمل سليمان غندور كان وزير داخلية سابق في حكومة جعفر نميري وهو عم الدكتور سليمان غندور موضوع سؤالك، سليمان غندور والدته من الدويم واهل والده من امدرمان

مع مؤدتي

United States [bebo] 01-29-2014 07:14 PM
غلطان يا عتمنى غندور دا طبيب اسنان من كوادر الجبهة الاسلامية كان عميد كلية طب اسنان الخرطوم و رئيس اتحاد عمال السودان ( ما تسألنى كيف ههههههههههه ) ما عنده علاقة بى انقلاب نميرى

United States [المنجلك] 01-29-2014 06:42 PM
لا غندور عائلة امدرمانية وقد قد كان احد ابنائهم مشهور فى الجيش السودانى القديم ايام النميرى

United States [murmoly] 01-29-2014 05:39 PM
ياخي حرام عليك ، ايش جاب لجاب , الإسم سالم!! داك كان مزمل سليمان غندور

[الفاتح] 01-29-2014 05:38 PM
لا. داك - علي ما أذكر إسمو مزمل غندور. - لاأعرف ما إذا كانوا من نفس العائلة أم لا ؟؟

أظن إبراهيم طبيب أسنان. مش كدة يا دكتور علي؟؟

European Union [قاسم] 01-29-2014 05:27 PM
ههههههههههههههه واه هههههههه ، مبدل


#900938 [AburishA]
5.00/5 (7 صوت)

01-29-2014 04:01 PM
اقسم بالله العظيم فضيحة... فضيحة... فضييييييييييييييحة!!!
ياجماعة من الله خلقكم سمعتوا برئيس يلقي خطاب.. وبعد يومين يلقي خطاب تاني توضيحي يفسر خطابه الاول... ياخي لو ماقرينا مدرسة كلامكم ده ما يركب في الراس ..هذه من عجايب الدنيا السبع!!!
قبل شوية صرحت ياغندور قلت الشعب السوداني (متكيف) من خطاب الرئيس!! الاعادة لزومها شنو!!
لو سقط في الخطاب التاني ... معناها طرد بس!!!!


#900934 [الصوت]
5.00/5 (1 صوت)

01-29-2014 03:56 PM
لا اله الا الله .... الناس دي الجاها شنو ؟؟؟

انا خايف انه الدولة لا تصمد حتى الثلاثاء الذي يترجانا ((( المتعدرج ))) ان ((( نديه آخر يد ))) حتى ذاك الحين ...

وبعدين نشيل آخر يدنا من منو ؟؟؟

لا حول ولا قوة الا بالله .... الناس دي بتدير في دولة ولا ((( بتسوط في قُوقُر ))) ؟؟؟؟


ردود على الصوت
[وليد دارفور] 01-29-2014 04:55 PM
الناس دي بتدير في دولة ولا ((( بتسوط في قُوقُر ))) ؟؟؟؟

يا أيها الصوت بارك الله فيك كلامك الكتبته ده فاجأني أكثر من خطاب الرئيس و قد يكون فاجأ الناس كل الناس عندما ذكرت عبارة القوقر يالك من شخص وثاب لقد وثبت بي إلى تلك الأيام الدرتية حيث يحلوالقوقر بالروب و لا بأس إن أضيف إليه شىء من السكر إنها وجبة مشفعة ومشبعة

كسرة:- لماذا تشبه صواطةالرئيس بصناعةالقوقر

الجاتك في قوقرك سامحتك


#900923 [أبوالكجص]
5.00/5 (1 صوت)

01-29-2014 03:47 PM
ألا تستحوووووووووووووووووووووووووووووووووووووووووووووووووووووووووووووووووووووون.


#900921 [sudani]
5.00/5 (1 صوت)

01-29-2014 03:46 PM
المحزن ان البشير قبل 25 عام اتي لكي ينقذنا من الاحزاب . الان يريد ان يشاركهم الكعكة . و لا بواكي علي الشعب المسكين. حدي فاهم حاجة أأأأأأأأأ



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 3123>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة