الأخبار
أخبار إقليمية
الوالي : الحركة الشعبية تسيطر على (15) محلية في جنوب كردفان من بين(17) محلية
الوالي : الحركة الشعبية تسيطر على (15) محلية في جنوب كردفان من بين(17) محلية
الوالي : الحركة الشعبية تسيطر على (15) محلية  في جنوب كردفان من بين(17) محلية


01-30-2014 12:11 AM


الخرطوم

كشف والي جنوب كردفان آدم الفكي عن سيطرة الحركة الشعبية قطاع الشمال على(15) محلية في جنوب كردفان من بين(17) محلية ـ كلياً وجزئياًـ حيث أكد أن الحكومة تسيطر على محليتين بشكل كامل، وقال: ( إن الولاية تعيش مشاكل حقيقية في جميع مجالات الحياة من صحة وتعليم وعدم توفر الخدمات الأخرى من مياه وكهرباء) ومن جانبه قال أحد القيادات البرلمانية في الملتقى: ( إن لا أحد استفاد من تجربة الجنوب قبل الانفصال حيث حدثت مذابح ودمار هناك) مبيناً أن ذلك يتكرر في دارفور وجنوب كردفان.

الميدان


تعليقات 24 | إهداء 0 | زيارات 9945

التعليقات
#902663 [ابن السودان]
0.00/5 (0 صوت)

01-31-2014 05:28 PM
التغيير قادم قادم وهزه الوثبة سباقة لها لكنها بححاجة الي اجنحة لكي تعمل اولا ابدا حسن النية بالعمل وزلك بالعفو ثم وضع التفاقيات مع كافة حاملين السلاح و اطلاق سراح جميع المعتقلين و والانسحاب من جبال النوبة كليا مع منحها السلطة الزاتية الي حين الانتخابات القادمة و من ثم تقييم السلطلة الزاتية او الحكم الزاتي بالاستفتاء البقاء او ان يكون ولاية زاتية و من ثم اعادة توزيع الثروة.


#902210 [ارض المحنه]
0.00/5 (0 صوت)

01-30-2014 10:34 PM
اذا كلام الوالي صحيح او ما صحيح لا يختلف الناس ات موازين القوى تميل لصالح الجبهة الثورية بعد سنتين و نص من الحرب ...الحل ان الحكومة تجلس لحل المشكله السودانية و الطرف القوي الجبهة الثورية و تخلي المكابرة و العتاد و التعامي عن الحقائق و الوطن حق الجميع و مافي زول بحل مشاكلنا غيرنا و الدم السوداني محلرم و غالي في كل مكان و السلطة ما دائمه و ان لم تكن في صالح الناس تبقي نغمة و غش


#902193 [عصمتووف]
5.00/5 (1 صوت)

01-30-2014 10:11 PM
قاعد تعمل شنو ما كان تمنحهم المحلتين وترحل انت ام فكو


#902119 [اب زنقلة]
5.00/5 (3 صوت)

01-30-2014 07:40 PM
الخبر ده ناااااااااقص ومبتور زي القال ويل للمصلين وركع بالناس
المصداقية الصحفية تتطلب نشر تعليق الوالي كاملا منعا للالتباس واحتراما لعقول القراء بدون كلمة جزئبا وكليا دي طالما ذكرتا ارقام واصل ارقام او لاتذكر ارقام جزئية وقول الخبر كامل
وده تصريحو وشوفو الفرق بين تصريحو والبتر هنا
( اعلن والي جنوب كردفان ادم الفكي عن وقوع 3 محليات من جملة 17 محلية بالولاية تحت سيطرة التمرد تماما بجانب وقوع 8 محليات تحت سيطرة التمرد بنسبة 5% و4 محليات بنسبة 20% فيما توجد محليتان فقط نظيفتان تماما من التمرد وتحت سيطرة الحكومة .)


ردود على اب زنقلة
European Union [Al-kalis] 01-31-2014 12:19 AM
اترك كلام الوالي وكلام الجريدة يا ابو زنقلة اقول ليك الزول البنكر الهزائم وبيقول محاصر الناس وفي النهاية يطلع كذاب ويطلب وقف اطلاق النار يعتبر مهزوم ليس هنالك محلية سليمة في جنوب كردفان ان اردت احق من الحقيقة زاتو حتى كادقلي نفسها مجزاة وكذلك الدلنج وابوجبيهة وتلودي نفسها وما تنسى التوغل في غرب كردفان في اكثر من محلية + النيل الازرق + دارفور دلالة على ترجيح كفة القوة للثوار


#902056 [senba]
5.00/5 (1 صوت)

01-30-2014 06:09 PM
حين تم ترفيع هذا الوالى من معتمد الى والى اتى باجندة جيدة جدا وتخاطب الحوجة الحقيقية للناس هنا وهى عبارة عن السلام والتنمية والحوار الداخلى ... الخ ولكن المستفيدين من هذه الحرب قابلوهوا مكشرين انيابهم


#901952 [الهمباتى البطحانى]
0.00/5 (0 صوت)

01-30-2014 03:59 PM
الوالي ده شكله خائف بس معقول باقي محليتين بس !! والله مفروض يشيل عفشو ويتوكل يعني عندو اثنين من المعتمدين بس
والصيف الساخن ده وصل وين والمتحركات دي وطائرات السوخوي دي بتضرب وين !!


#901781 [كفاية]
0.00/5 (0 صوت)

01-30-2014 01:20 PM
انا لو مكان الوالي لسلمت المحليتين الباقيتين واستمريت في صرف مخصصاتي من الحركة الشعبية القاعد ليها شنو ؟ 15 محلية من جملة 17 خلاص الولاية بقت حركة شعبية


#901725 [ali alfred]
3.00/5 (2 صوت)

01-30-2014 12:37 PM
أنشاء الله جنوب كردفان ستكون المقبرة للمليشيات المؤتمر الوطنى و المدفوعون المضللين من الخرطوم


#901682 [ود تقلى]
2.88/5 (5 صوت)

01-30-2014 12:04 PM
اخيرا عرف الشعب السودانى الحقيقه
كل متحركات الجيش والمليشيات تم القضاء عليها تماما من قبل الجبهه الثوريه والجبهه الثوريه الان تسيطر على 90% من جنوب كردفان وقريبا سيبدا الزحف نحو الخرطوم
اما الحاصل الان من وثبه وما ادراكما وثبه فهو خوف الحكومه والصادق والترابى والميرغنى من المصير المحتوم لذلك اوحوا الى الرئيس بعمل مبادره للم شملهم قبل الطوفان


#901680 [Al-kalis]
2.88/5 (4 صوت)

01-30-2014 12:02 PM
الاعتراف اخيراً, ولم تذكر محلية لقاوة الكبرى ماعدا مدينة لقاوا وباقي قرى وعن ما قيل في جنوب كردفان حقيقة لا ينكرها الا شخص متكبر وناكر للحقيقة - كادقلي المدينة فقط + تلودي المدينة فقط + الدلنج المدينة فقط وانسى الباقي


#901669 [Al-kalis]
0.00/5 (0 صوت)

01-30-2014 11:57 AM
الاعتراف اخيراً, ولم تذكر محلية لقاوة الكبرى ماعدا مدينة لقاوا وباقي قرى وعن ما قيل في جنوب كردفان حقيقة لا ينكرها الا شخص متكبر وناكر للحقيقة - كادقلي المدينة فقط + تلودي المدينة فقط + الدلنج المدينة فقط وانسى الباقي


#901590 [ودامدرمان]
2.50/5 (2 صوت)

01-30-2014 10:56 AM
طيب ما تسلم المحليتين للجبهة الثورية وتنضم ليها راجي شنو يا غبي


#901570 [krkasa]
2.75/5 (3 صوت)

01-30-2014 10:43 AM
اعمل ليك -وثبة- وتعال الخرطوم....


#901491 [بدريتو]
2.75/5 (3 صوت)

01-30-2014 09:50 AM
هههههههه ومنتظر ايه ؟ منتظر الرى ما كده بقيت عمدة بدون أطيان


#901489 [علي باحش الدكوك]
2.88/5 (4 صوت)

01-30-2014 09:49 AM
التحية والتجلة والتقدير والنصر والسؤدد للجبهة الثورية السودانية الباسلة، والخزي والعار والهزيمة والأندحار لما يسمى بقوات الشعب المسلحة العميلة وكل المليشيات الحكومية المأجورة التابعة لها.

مع خالص أمنياتنا بتحرير المحلتين المتبقيتين في جنوب كردفان والخلاص العاجل لكل التراب السوداني من براثن الخسة والغدر والخيانة الوطنية التي أستمرت 58 عاماً حسوما.


ردود على علي باحش الدكوك
European Union [الهمباتى البطحانى] 01-31-2014 03:43 AM
.


#901481 [أمنجى]
2.00/5 (2 صوت)

01-30-2014 09:45 AM
الكلام ده يا آدم الفكى ،،،، حتى لو بقيت فكى جد بالجد ،،،، تنتظر التلاتاء ،،، حتتشات يعنى حتتشات ؟؟؟ وأبقى راجل وما تجقلب ،،، وبلاش أنا ما كنت قاصد !!! أو الكلام ده ماعندوا أساس من الصحة ،،، أو بدلو كلامى ،،،،، أتفقنا ؟؟؟


#901474 [مجدي]
3.50/5 (2 صوت)

01-30-2014 09:40 AM
هذا الكلام غير صحيح مطلقا و الذي اعرفه من واقع وجودي و معرفتي بالولاية ان الحركة الشعبية موجودة في محلية هيبان +جزء من محلية الدلنج منقطة جلد تحديدا + جزء من محلية البرام+ام دورين.....فكيف يصدق هذا الكلام و اللي عارف غير كدا اسمي المناطق باسمها ولا يطلف الكلام هكذا


ردود على مجدي
[kommba] 01-30-2014 01:47 PM
دعت القوات المسلحة لإعلان وقف إطلاق النار فوراً في ولاية جنوب كردفان بموافقة الحكومة والمتمردين، وطالب مفتش عام القوات المسلحة الفريق أول ركن محمد جرهام عمر خلال لقاء تفاكري لقيادات ولاية جنوب كردفان بالبرلمان بإعلان وقف العدائيات بموافقة الطرفين، وشدد على أن الأمر يعد الخطوة الأولى لجلب السلام.


WHAT DO YOU UNDERSTAND FROM THE ABOVE STATMENT FROM SUDAN ARM FORCE ???!!!!


#901467 [الصبار]
2.00/5 (2 صوت)

01-30-2014 09:35 AM
الازلال والمهانة للحكومة السودانية ووزير دفاعها الهش الضعيف ولوزير داخليتها الغبي الجاهل ، وللحركات المسلحة الكلاب المسعورة لا الحكومة تستطيع هلال تلك الحركات نهايئا ولا الحركات تستطيع ازالة النظام من جذوره - انتم جميعا مشتركين في تدمير البلد بشكل ممنهج ايها الاغبياء ، يا حسالة الامم المدعية ويا افشل امة بشرية ، لقد دمرت البلاد والعباد قاتلكم الله انى كنتم ...


من الخاسر من تلك الحروب ايها الاوباش المواطن السوداني انظروا لبلدنا كيف اصبح وترديه الاقتصادي والاجتماعي والاخلاقي بسببكم انتم يا حركات ويا حكومة انتما فاشلين بمعنى الكلمة ايها الاغبياء .


على شعبنا الفضل يجب ان يثور ضدهم حتى يتسلم الحكم اناس رجال من صفوة ابناء السودان الخلص.


#901447 [bader]
5.00/5 (2 صوت)

01-30-2014 09:08 AM
هذا كلام عيرصاح ولو كان صاح مافي مشكلة
ببساطة يتحول الاخ الوالي الي معتمد للمحليتين
المتبقيتين ومافي داعي للحرب والموت والازعاج


#901432 [الفارس]
3.00/5 (2 صوت)

01-30-2014 08:51 AM
طيب إنت قاعد تعمل إيه ما تشوف ليك طريقة تتخارج


#901366 [ساب البلد]
3.00/5 (2 صوت)

01-30-2014 04:19 AM
****** شهد شاهد من اهلها ******* التحية لثوار السودان ******* اسود الجبال ****** النار تاتي من الاطراف لتلتهم الوسط ******* الي الامام ********


#901345 [محمد سليمان]
2.13/5 (6 صوت)

01-30-2014 02:28 AM
سودانيات يحكين مأساة حرق قريتهن
https://www.youtube.com/watch?v=ERbo-lEHEpc#t=241



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة