الأخبار
أخبار إقليمية
بحث توفير ضمانات للمغترب لاستجلاب أمواله الى الداخل...تكوين لجنة لمراجعة قرار فرض ضرائب جديدة على المغتربين
بحث توفير ضمانات للمغترب لاستجلاب أمواله الى الداخل...تكوين لجنة لمراجعة قرار فرض ضرائب جديدة على المغتربين
بحث توفير ضمانات للمغترب لاستجلاب أمواله الى الداخل...تكوين لجنة لمراجعة قرار فرض ضرائب جديدة على المغتربين


01-31-2014 12:59 AM

الخرطوم (سونا) - ثمن الأستاذ بدرالدين محمود عباس وزير المالية والاقتصاد الوطني مجهودات المغتربين مؤكداً ضرورة التفكير في حقوقهم قبل واجباتهم، ودعا خلال لقائة وفد جهاز تنظيم شؤون السودانيين العاملين بالخارج برئاسة الدكتور كرار التهامي الأمين العام للجهاز الي اهمية سعي الجهاز لتنظيم الهجرة وتأهيل المغتربين السودانيين من حيث المهنة وتدريبهم في مجالاتهم قبل الخروج، ووجه الوزير بتكوين لجنة من الجانبين لمراجعة قرار فرض الضريبة على المغتربين.

وكشف الوزير عن إمكانية استقطاب المغتربين للاستثمار في مشروعات حكومية كمشروعات السكر واستصلاح الأراضي الزراعية واستخدام الوسائل الحديثة في الزراعة وتشجيعهم على ذلك بعدم مطالبتهم بأي رسوم على أن يقوم المغترب باستجلاب قدراته المالية الى الداخل بعد توفر عدد من الضمانات.

من جهته طالب الامين العام لجهاز تنظيم شؤون السودانيين بالخارج دكتور كرار التهامي وزارة المالية بإعادة النظر في قرار فرض ضرائب جديدة على المغتربين والسعي نحو إيجاد بدائل تشجيعية لاستقطاب استثمارات ومدخرات السودانيين بالخارج كبديل ناجع ومستمر.

وقدم التهامي خلال اجتماع تنويراً ضافياً حول مفهوم الهجرة والتنمية، مبيناً الدور الإيجابي لتحويلات المغتربين كمورد مهم في التنمية وأنها المكسب الحقيقي، مستعرضا في ذات الإطار مكاسب عدد من الدول من تحويلات مغتربيها.

وثمن التهامي إسهامات المغتربين في مشروعات التنمية بالبلاد ومشروعات المعرفة بصفة خاصة، مشيراً الى ضرورة إيجاد تسهيلات وحوافز لتشجيعهم على تحويل مدخراتهم وارتباطهم بوطنهم بصورة أكبر.


تعليقات 34 | إهداء 0 | زيارات 7803

التعليقات
#902961 [بكري الملك]
5.00/5 (1 صوت)

02-01-2014 06:25 AM
نحن ما المغتربين .. نحن المعذبون في الارض


#902952 [؟؟؟؟]
5.00/5 (1 صوت)

02-01-2014 04:58 AM
حاولت ان اجد تعليق واحد من المغتربين يوافق الحكومة الرأى او ان يكون راضى عن الحكومة فلم اجده.. الله ينعل ابوك دى حكومة .. حكومة كلها حرامية..حكومة تقول ليك يا تقدم استقالتك هسع يا مافى اغتراب .. واذا قدمتها ما بيوصلوها المالية وياكلو مرتبك ومعاشك.. انا بعد قدمت استقالتى مديرة الحسابات ما مضتها ولا ختمتها قلت ليها وين الختم قالت ما ضرورى ولمن وديتها حسابات الوزارةطالبونى بالختم وقالو لى هى عارفة انو مهم ورجعت ليها وخسرت زمن وايجار امجاد..وفوق عينها ختمتا.. كان دايرة تاكل السحت..


#902917 [أبو النور]
5.00/5 (1 صوت)

02-01-2014 01:48 AM
ههههههه والله بالغت يا التهامي يا رضاع عرق الغلابة .
صورة معبرة البيرضع واللابس فستان هو التهامي ذاتو ، والمرضعة الصبورة المغلوب على أمرها هم المغتربون ، حان الفطام يا أنجاس


#902897 [نكدالدولة سخطان]
5.00/5 (1 صوت)

02-01-2014 01:03 AM
ورسوم تجديد الجواز كل سنتين والسودان الدولة الوحيدة فى العالم التى تصدر الجواز لمدة عامين فقط حدث هذا غى ايام النميرى رحمه الله حين واجهت الحكومة أزمة مالية حتى مرتبات الدبلوماسيين فى الخارج كانت تعتمد على دخل السفارات من مثل هذه الرسوم واستمر هذا الوضع والله أعلم يمكن الانقاذ تخفض المدة لسنة واحدة عشان القروش...
قال جذب مدخرات المغتربين وناس فى الحكومة بيشترو اراضى بملايين الدولارات وبيشيدو عمارات والاولاد بيدرسو فى انجلترا وأمريكا وما عارف وين....ز
لمو قريشاتكم عليكم وعلمو اولادكم وما تسمعو كلام الكيزان دة.....


#902870 [كباس درايز الليل]
5.00/5 (1 صوت)

02-01-2014 12:06 AM
هههههههههههه هو خلاص فلسو لي الدرجة دي تبا لكم ياناس الموتمر الوطني


#902851 [ابوبدر]
5.00/5 (1 صوت)

01-31-2014 11:37 PM
ثلاثون عاما دفعنا الضرائب والخدمات والزكاة والخدمه الوطنية وووووو كثيرة ..........
من ايام المشير نميرى وكنت مقترب فى الامارات العربية المتحدة بلد زايد الخير ...........
واقسم بالله اننى كنت مقيم فى الامارات كاننى مواطن اماراتى هذا البلد الرائع....
ولكن بعد رجوعى الى السودان لكى اقيم فى بلدى ومع اهلى اجد نفسى اننى ليس مواطن
سودانى .... واعتبر نفسى غريب فى موطنى
حتى قطعة ارض لم اجد من الحكومة بعد الضرائب والخدمات والخدمه وما شابة ذلك.......دفعنا من دم قلبنا ولكن ياحسره ... ااااااااااااااااه لم ينتهى .......
نشتكى ل الله ......... البلد ماشى من سوء الى اسوء .. خلاص وصلنا الى الهاوية......


#902810 [nagatabuzaid]
5.00/5 (1 صوت)

01-31-2014 10:43 PM
انتظرونا

سؤال ما سر اختيار من اسمهم محمود وحمدى وزراء للمالية ؟ وهم غير محمودى الفعال


#902780 [ابو كمد]
5.00/5 (2 صوت)

01-31-2014 09:51 PM
يا جهاز العاملين بالخارج رجا ..تكوين لجنه قوميه لزياره الدول الاتيه الفلبين, مصر,الهند,الباكستان,

المغرب,لبنان,مهمتها دراسه وفهم و تقييم خبرتهم فى الاستفاده من مواطنيهم فى الخارج . لو كنتم جادين

لخدمه السودانيين والبلد


ردود على ابو كمد
United States [تمساح] 01-31-2014 10:34 PM
يا خي ما اظن في مغترب لسه عندو اي ثقة فى حكومة الجبايات دي ولو ما في ثقه ما في مغترب ح يجازف بمدخراته خاصة انو ما في اي ضمان انو القرار البصدروهو الليلة بكرة ما يتغير ولو اكلوا حقك عديييل كده ما في جهة تحميك عشان كده احسن ينسو الموضوع ده والمغترب العندو قريشات يكبها في قطعة ارض وخلاص


#902737 [د. محمد عبد الرازق سيد احمد]
5.00/5 (5 صوت)

01-31-2014 08:16 PM
بسم الله الرحمن الرحيم ..

لقد اصبح الاغتراب طريق اليائسين من الحياة في السودان .. ولوكانت الحكومة رشيدة لما اغترب ابناء السودان لأن الله وضع مصادر رزق كثيرة في السودان .. لكن الحكومة تصادر هذه المصادر بدلا من فتح آفاقها حتي ضاق الناس عامة والشباب خاصة ذرعا .. الحكومة تشكل عقبة كأداء امام الناس ولم يتبقي الا ان تفض رسوم وجبايات علي الهواء بعد ان فرضته علي الماء ...

ليس لحكومتنا الما رشيده عيون تري بها ما يحدث لمغتربي الدول الأخري وكيف ترعي رعاياها في وطن المهاجر .. حتي اذا مات المغترب تتسلم سفارته جثته وترسلها الي الوطن مكفنه .. اما حكومتنا فهي تسعي لقتل مواطنها المغترب وتنتظر من يكفنه ويدفنه لها .. حسبي الله ونعم الوكيل من حكومة المؤتمر الواطي هذه .. كل يوم تزداد خبالا كمصاص الدماء لاتشبع تلاحق حتي من يهربون من جورها
الي عدل الله في ارضه يضربون في ارضه تحت سمائه يبتغون من فضله فتلاحقهم هذه الحكومة التعسه لتنال مما يرزقهم الله تحت مسميات الجبايات .. وتنسي انهم رعاياها ..كم عاد قبل ايام من من السعوديه الي السودان مبعدين .. ما ذا فعلت لهم الحكومه ..السوداني المغترب اشد اهل الارض عذابا لأنه لم يتمكن من العيش الكريم في وطنه بسبب سياسات الحكومة الخرقاء ولم يتمكن ان يستفيد من جهود اغترابه بسبب سياسات الحكومه العوراء ...

والآن تفكر الحكومه في مزيد من الضرائب علي المغتربين .. والمغتربين سيتركون حتي زيارة السودان
وسيحاول من يستطيع ان يستقدم اهله في مهجره ويحاول مجبرا ان ينسي السودان .. نتيجة كل هذا الجور والتعسف من الحكومه ..

لنضرب مثلا بالمغرب .. المغترب المغربي عند زيارته فقط لبلده يدخل سيارته بدون جمارك واثاث بيته بدون جمارك ولا يدفع اتاوات ولا زكاه ولا كراهه .. يجدد جوازه بنصف القيمه وفي نفس يوم طلبه ..ويحول مندخله لأهله فيصرفونها بنفس العمله التي حولها بعد خصم رسوم تحويل بنكي لا تتجاوز 2% وهو قب ان يغترب كان موظفا في بلده اذا حصل علي عقد يحصل علي اجازه من وظيفته طوال فترة اغترابه فقد يسدد جاري المعاش خلال فترة اغترابه .. نفس الشىء عند المصريين والهنود والباكستانيين .. لقد اهتزت شخصية المغترب السوداني .. لأسباب كثيره منها سياسات بلده نحوه ومنها اغتراب بعض غير الكفاءات من السودان مع وجود منافسة من دول اخري مما سيفقد السودان جزء كبير من سوق العمل الخارجي .. وجماعة الحكومه سواء في السفارات او في السودان مازالوا يفكرون بعقلية حلاب الغنم والبقر والضان .. والاغتراب ليس مناجم ذهب وانما تقديم عمل من خلال خبرات ومؤهلات يسكبها المغترب انهار من السهر والقلق ومعاناة الدم .. كل دولار نقاط من دمه ..وجهاز اضطهاد السودانيين العاملين بالخارج من جهته في مكاتب مكيفه يفكر ويبتكر اساليب لتجعل المغترب يفتقر ويرجع الي المربع الذي كان فيه يوم ان هاجر من السودان .. فأي غباء هذا وأي احتكار هذا والسوداني المغترب مازال يجود ولسان حاله يقول : اذا الجود لم يرزق خلاصا من الآذي فلا الحمد مكسوبا ولا المال باقيا .. ولك الله ياسودان وياسوداني داخل السودان او خارجه
اذ تسلط عليك المتسلطين .. ولا يتورعوا ان يحرموك حق الحياه ان استطاعوا ومازالوا يبحثون عن الوسائل لذلك ..وما اله بغافل .. عن ما يفعل ذئاب النهب وثيؤران النطح في السودان ارضا وشعبا وفجر الخلاص قريب ..وقد اختلف اللصوص وسيقضون علي بعضهم البعض ..ودلائل ذلك انهم دخلوا دوائر الأكاذيب والخطب البلهاء بعد السياسات الرعناء ..فأصبحوا يتخبطون كمن مسهم مس الشياطين ونراهم كالسكاري لايفقهون ما يقولون .. وليس عندهم مخارج من اغلا ل كبلوا بها انفسهم ولا يدرون ماذا سيفعلون والطوفان قادم ..وانه لعظيم ان شاء الله .


ردود على د. محمد عبد الرازق سيد احمد
United States [رانيا] 01-31-2014 09:13 PM
معظمهم عنده جنسية أخرى ولو على الفلوس أكيد مأمنين وضعهم لكن النهاية دي ما يأمنوها أبدا .. ربك كريم ..خليهم في مكرهم ..والله خير الماكرين .


#902736 [AburishA]
5.00/5 (5 صوت)

01-31-2014 08:15 PM
قلتوا ضرايب ...دفعنا
قلتوا تحويل الزامي... دفعنا
قلتوا تحويل الزامي ...دفعنا
قلتوا رسوم قناة فضائية..دفعنا
قلتوا دمغة جريح ..دفعنا
قلتوا ضريبة جهاد... دفعنا
قلتوا لمرضي الكلى والقلب ...دفعنا
قلتوا رسوم تجديد جواز ..دفعنا
قلتوا حق اضافة ابناء..دفعنا
قلتوا حق قسيمة طلاق.. دفعنا
قلتوا حق البوسنة والهرسك...دفعنا
غير مصاريف الاهل
عير الاجازة
غير الجمارك عند الاجازة
غير حق الخروج
غير حق الترب تيك

^^ بندفع من زمن حكومة نميري...حكومة الاحزاب. وحكومة الكيزان براها(لربع قرن) والساقية لسه مدوره!!

اعوذ بالله من عين لا تشبع ومن قلب لا يقنع...تاني دايرين مننا شنو... !!
نحنا ما دايرين منكم أى حاجة..بس اقطعوا وشكم مننا !!!


ردود على AburishA
United States [AburishA] 02-01-2014 05:42 PM
لك التحية رانيا على المرور..
والله صحي (الجماعة)ديل أصلهم ما بقعدوا ساكت!!...يحبو يحكّوا راسهم ويجتهدوا عشان يلقوا ليهم اي حاجة..المهم تسبب نكد للانسان المواطن.. لو جوا السودان او برّا .. عشان كدا اغلب المغتربين اصبحوا مهاجرين.. مهاجرين الى الدول التي تمنحهم المواطنة وجواز السفر..

[رانيا] 01-31-2014 09:08 PM
ههههههههههههه ضحكتني لمن كنت حترمي من الكرسي .. لكن تصدق الناس ديل عندهم حب الظهور بطريقة عجيبة حتى السفاح ده ما يحب يقعد ساكت تلقاهو عايز يظهر بأي طريقة في الأخبار ..إنه راح إنه جه إنه سافر ويموت في الشتايم والمشاكل بيتهألي إنه بيتشاكل مع( ضبان)وشه!! وأنا المحيرني الصرصرة البسبب والبدون سبب دي شنو ؟؟ مافي أي زول وراه إنه( تبسمك في وجه أخيك صدقة ) ؟؟ حسه حيحاول يعمل حاجة( تا يتحركش فينا)على رأي الشوام وأهو ..أكيد حنتسلى ..


#902695 [سودان وضااااااااع]
5.00/5 (2 صوت)

01-31-2014 06:51 PM
وقفوا لينا جماركم العاملة 500% وضرايبكم البتخلي الزول مايجي اجازة واالإجراءات التعسفية وقوانينكم المقيدة والفجائية عذبتوناوكرهتوووووووونا لا خليتونا نشتغل في وطنا ولا وظفتونا ولاخليتونا نشتغل في سوق الله اكبر كمان دايرين تحصلونا هنا وتألمونا اسأل الله العلي القدير أن يأخذكم أخذ عزيز مقتدر ..


#902694 [تينا]
5.00/5 (1 صوت)

01-31-2014 06:48 PM
صدقت يا ((( السنجاوى ))) يا اخوى ... هههههههههههه تلقوها عند الغافل ... المغتربين خلاص فتحوا ...


#902692 [سيد اللبن]
5.00/5 (1 صوت)

01-31-2014 06:44 PM
غايتو الجماعة ديل ليهم 25 سنة وهم مدخلين روسينم جوه المخالي ويسفسفوا براهم زي الحمير -الله يكرم السامعين - ومن لا يعرف معني التشبيه فقد درج أصحاب الحمير عندما يريدون اطعامها بوضع "العليقة" من حبوب الفتريتة وغيرها في مخلاية وتعليقها على أذني الحمار ليتناول الحمار كامل طعامه ومنع أي غنماية أو حمار آخر متطفل من "سرقة الباك".

عذراً وأكرمكم الله جميعاً


ردود على سيد اللبن
[اسامه الشايقي] 02-01-2014 12:19 PM
هههههه لكن المخلاية انقدت والعليقة اندفقت وراحت !!! الحمار بشه ده تاني الا يلفخكم كان ما دفعتو !!!

[المسافر وحيداً] 02-01-2014 01:00 AM
ههههههههههههههههههههههههههه يا سيد اللبن الله يفرج همومك ياخي لي زمن ما ضحكت إنت قدرت تختصر الوصف كلوا بي مخلاية الحمار دي ده وصف في قمة البلاغة


#902676 [krkasa]
5.00/5 (1 صوت)

01-31-2014 06:09 PM
اصبح المغترب هو البقرة الحلوب والضرع الوحيد الذي بقي للحكومة، ترضع منه وهي مستلقية على ظهرها...؟؟؟!!


#902669 [الأبراهيمي]
0.00/5 (0 صوت)

01-31-2014 05:44 PM
المغتربون قوة لا يستهان بها فهذا المارد الجبار إذا خرج من القمقم فسوف يصنع لنفسه المعجزات ، لو تكاتفوا وأسسوا شركات في أي بلد غير السودان فسوف يكتب لهم النجاح .
استغرب من شخص يُهان في بلده وبأمواله التي يدفعها صاغراً لهؤلا الكيزان بدلاً من أن يقفوا له "تعظيم سلام " يسألونه كالمتهم عن كل فلس لم يدفعه لهم وهي أصلاً غير شرعيه ووين بتمشي ؟
ممكن لكل مائة مغترب أنشاء أي مشروع زراعي صناعي في تنزانيا أو اثيوبيا مثلا ، طبعا العددية على حسب مقدرة الشخص في شراكة رأس المال 10 أو 20 فرد الخ
يجب سحب البساط من هؤلا اللصوص .
تصعيد القضية بصورة أوسع لمنظمات حقوق الأنسان في الأمم المتحدة كما فعل وفد المغتربين المكون من وزراء سابقين و أطباء ومهندسين وقضاة .


#902636 [المزغلل]
5.00/5 (1 صوت)

01-31-2014 04:12 PM
تاااااااااااني ندخل قروشنا لناس الانقاذ؟؟؟؟!!!المرة الاولي كنتو غلطانين عشان كنا ما عارفنكم , لكن تاني البدخل قروشو يبقي هو الغلطان


#902596 [مراقب]
0.00/5 (0 صوت)

01-31-2014 03:14 PM
التويل للسودان في خلال خمسه دقايق اي مبلغ بي فوق للحيطه تقول لي بنوك تاني نههههي نههههي


#902594 [د/ نادر]
5.00/5 (1 صوت)

01-31-2014 03:12 PM
يا ناس الحكومة دي لو عايزة تستفيد من امكانات المغتربين في حاجة ساهلة جدا يسويها ليكون فاتحة لحسن النوايا وهي موضوع التحويلات يعني واحد حول عملة صعبة يستلمها في السودان عملة صعبة ككل بلدان العالم حتي الفقيرة جدا تتم عملية التحويل بطريقة سلسة جدا مثال علي ذلك بنقلاديش ومصر القريبة دي وانا قبل يومين حولت 500 دولار الي مصر واستلموها 498 دولار يعني رسوم رمزية


ردود على د/ نادر
[د/ نادر] 01-31-2014 10:01 PM
ردي علي Quickly]
يعني كدة يا اخي البنوك في السودان حيكون فيها دولارات وممكن الواحد يحتفظ بدولارات في حسابات مصرفية في البنوك المحلية طالما الزبون ممكن الاستفادة منها في اي لحظة وانا عارف كثير من زملائنا الاطباء يحتفظون بمبالغ كبيرة في البنوك السعودية لان بعض الناس تري الاستثمار في الاراضي اقل فائدة من الاحتفاظ بالعملة الصعبة
يعني باختصار ما كل الناس حتسحب فلوسها طوالي والناس لو شعرت بالامان سيترك المال في البنوك الي حين.................

European Union [Quickly] 01-31-2014 05:23 PM
طبعاً اكيد البلد حتستفيد من مثل هذا القرار لكن هم ما بفتحوها بالطريقة دي اذا عملوها حيستفيدو كيف ؟؟ تجار العملة الكبار في البلد كلهم اعضاء ومتنفذين كمان في الحكومة لن يجد قرار مثل هذا طريقه للتنفيذ ولو بعد مائه عام طالما الجماعة ديل قاعدين في السلطة الدولار يرتفع مافي عملة صعبة في البلد مافي دواء مافي غذا مابهمهم ,,,,,,,,,, فتخيل مدى الفساد الحاصل في البلد ياعزيزي
جماعة ماسونية تغتني على حساب الشعب وافقاره وتدمير اقتصاده


#902562 [السنجاوي]
5.00/5 (2 صوت)

01-31-2014 02:12 PM
هههههههههههههههههه
تلقوها عند الغافل
قال مدخرات قال
الما عارف أقول عدس


#902552 [سوداني]
5.00/5 (2 صوت)

01-31-2014 01:47 PM
اخواني واخواتي المغتربين الاحرار يا من حملتم مسئولية اسركم ربع قرن هانذا اقولها لكم لن نحول لحكومة الحرب دولار واحد ليقتل به مسلم في دارفور ولن نحول فلسا واسرنا منتظرة منا حق العلاج وحق المعيشة وحق الدراسة ونحن نعلم ان حكومة الحرامية هي المسئولة . انها اتفه واقذر حكومة في التاريخ حتى التتار ما كذبوا ولا نهبوا ولا قتلوا مثل حكومة القشير .........عليه اهلكم اولى بفلوسكم ولتذهب حكومة حمدي واخر حرامي في المالية للجحيم تلاحقها لعنات البسطاء الذين لو اقسموا على الله لابرهم........لذا نعلنها داوية لن نحول لكم ونحن علمنا اخلاقياتكم فالمجرب لا يجرب ........ وفلوسنا في كروشكم مرضا والما وسحتا وخزيا تلاقون به الله الذي كذبتم باسمه ونهبتم باسمه وقتلتم باسمه وحكمتم باسمه ....... ولا خزي اراه الا تهافتكم على احزاب معارضة فاشلة وهذا لا يعود الا لفشلكم ........حينما قسمتم البلد كنتم اسوأ حكومة فهي حكومة العار... يا من نكست العلم ورقصت طربا مع قيقم ايها الاحمق فجعلك الله مسخرة الشعب يا مندغم يا بتاع الاحابيل وانت لا تدري معناها.......ونعود لما بدأنا به لن ترى فلسا ايها اللص ولا حكومة العار سنحول لها والله يدمركم وهو القادر


ردود على سوداني
United States [كيلانيي] 01-31-2014 05:33 PM
صدقت يا سوداني لن نحيد لن نحول بل سنقاوم حتى اسقاط الكاذبين باسم الله.وعندما يعيد البشبر وعصابته فلوسنا المنهوبة من سويسرا وماليزيا سنحول لهم الله يلعنكم ما بتشبعوا سؤال هو حزبكم الهلامي ده انقسم لاربعة احزاب وبرضو عندكم نفس الشعبية ولماذا يترك الاسلامين السائحون وغازي والترابي ويتبعون نافع وبقية الحرامية وحتى بشيركم حينما يخاطب الامة يخاطبها باسم الحزب خسئتم


#902530 [بالله شوف!!]
0.00/5 (0 صوت)

01-31-2014 12:56 PM
خلاص رضعوا الجوه لامن ضرعن جف!!

بيعاينو للبره المعزبنهم ضريبه وسف!!

ماتصدق حرامي ولا كذاب لو بي يمينو حلف!!!

بكره ينهبك ولو قلت الروب بيدك بالكف!!!!

ولي ماليزيا دولارك بيودعو ولي عرقك اكيد بيلهف!!


#902506 [المظلوم]
5.00/5 (2 صوت)

01-31-2014 12:14 PM
لدينا نحن المغتربون تجارب مره مع الحكومه اخرها كان عملو جمعيه بيطريه للاطباء البيطرين بالسعوديه وتحت رعاية وزير بيطرى وقالو ادفعو 2000ريال عن كل عضو وح يكون فى مشاريع دواجن وابقار ومزارع سمكيه وان شاء الله تكون نواه لاستقراركم فى السودان واستفادة البلد من خبراكم00000000000000000و ودعم المشروع الوطنىو الكلام المعسول داك فى ناس صدقو ودفعو اكثر من سهم وبعد خمسه سنوات سالنا من المشروع قالو معليش نقلو الوزير والامور باظت وياخى تعال شيل فلوسك من السودان او وكل حد لكن ح نديك بالجنيه مايعادل 900ريال00 يعنى خسران 1100وكمان سعر الصرف بالبنك المركزى00فنحن فقدنا الثقه خلاص


ردود على المظلوم
[رانيا] 01-31-2014 01:30 PM
الله يعوضك إن شاءالله وبما إنك في السعودية أعمل عمرة وأدعي على السرقوك وأدعي للسودان ربنا يفك
كربته ويجلي غمته ..


#902410 [ساب البلد]
5.00/5 (5 صوت)

01-31-2014 09:03 AM
******* هع هع هع ******* هذه احابيل جديدة ***** لابد من سيرورة و اندغام**** و انعاش الخزينة ****** انها وثبة كيزانية كاملة ***** تلقوها عند الغافل *********


ردود على ساب البلد
[رانيا] 01-31-2014 01:25 PM
سرقة ممنهجة للناس .. كل الناس


#902378 [حلايب سودانية]
5.00/5 (3 صوت)

01-31-2014 07:43 AM
تشموها كدحه يادوب عرفتوا انو فى مغترب مظلوم


#902376 [أبوعلي]
4.50/5 (4 صوت)

01-31-2014 07:33 AM
خلاص لحست أموال الأقطان وقبّلت على المغتربين؟
تشوفها في الشاشة ، شوقك يا سارق عرق المزارع


#902373 [داوودي]
4.50/5 (2 صوت)

01-31-2014 07:17 AM
يا سلام فعلا ونعم التثمين. . . .


#902369 [Mohamed]
5.00/5 (2 صوت)

01-31-2014 06:56 AM
ما تعشما علي قروشنا بتقبضوا الريح قروشنا اضمن في البنوك الغربية
بارك الله فيكم اهتموا بأموالكم اما اموالنا في ايادي آمنه


#902364 [ما مرتاح ....وما مرتاح]
5.00/5 (5 صوت)

01-31-2014 06:17 AM
الضرائب ما زادت وخلاص... والحد الادني للضريبة 9 دولارات وتدفع من 2013م وانت طالع وحسب الوظيفة..
الخدمات كانت 65 الف واصبحت 145 الف رسوم التأشيرة اصبحت 62 الف ..رسوم الخدمة الوطنية 75 الف
الزكاة هبر ساكت وبمزاج موظف التقدير....الفلوس دي كلها ماشة وين؟الله اعلم!!!!اكيد اموال مجنبة وجاهزة للاختلاس ....اها الفهم شنو يا كرار التهامي عايزين تزيدوها تاني ولا تشيلوها من كاهل المغترب...اسألك بالله ماذا تقدمون للمغترب من خدمات نظير هذه الاموال التي تاخذونها منه؟وماذا استفادت البلد من هذه الاموال ..قاتلكم الله يا جامعي السحت ..ان شلء الله يدخل عليكم بالساحق والماحق لكل من اخذ قرشا من دون وجه حق ..


#902336 [البعاتي]
5.00/5 (1 صوت)

01-31-2014 03:52 AM
لو البترضع دي بقت " وده " ، ما بقصر أكب عملات لمن تنفقع


#902325 [كمال ابو القاسم محمد]
1.88/5 (9 صوت)

01-31-2014 03:02 AM
الصورة معبرة....البقرة سعيدة جداً بأن تحلبها (رضاعة) السيدة ميشيل أوباما...سيدة البيت الأبيض

من يحلب الشعب السوداني ومغتربيه.....ياربي....ويرتضع خيراته غصبا....

أنظروا إليهم في ثيابهم الناصعة البياض...وشالاتهم المزركشة....و(مراكيب ) النمر التى تنبيء عن ثقافتهم (الحيوانية والبيئية)....وفي خدودهم المتوردة...من يحلبون شعبنا ويرضعون خيراته...انظروا لهم في موائدهم الممتلئة دسما وشبعا وخيرا وفيرا 0مقطوع 0 بالكامل من جوع ومسغبة وهزال وضياع و (دوخان وشلل)الشعب السوداني الفضل....جيوش الفقراء والبسطاء والمهمشين...في مقابل شريحة الإنقاذيين والمتاسلمة ...بلافتاتهم المختلفة....حينما تتأمل حسين خوجلى وهو ممتلىء عافية....حين تتأمل صينية(شيخ حسن ترابي)والتى (تحندكنا بها الراكوبة مرارا)....حين يتلمظ لسانك لورك دجاجة في يد المتعافى....حين تنداح في بسطة عصام البشير رغم الضمادة الكذابة في معصم يده....وهو يدلق الكلام الشبعان....تامل مسغبة الشعب في عافية وداد....وحوض سباحة منزل حرامى سندس...جعفر الصافي وهو يلاعب حفيدته على حواف حوض السباح في منزله 0المنهوب من عرق الشعب الفضل0 ونحن الأكثر علما بثروةصاحب الذكر والذاكرين...ونحن أبناء السجانة...الأصحاء ذاكرة...وعنفا.....جوعنا نعاينه وهو (مكوم)...عند اللنش...اليخت الباذح....للولد الباهى لونو...محمد نافع على نافع....سيعرف أبيه كيف ناحت أم على وليدها...وما تزال....وكيف (يشخب ) أب دموعه الثخينة الحارة بصمت تحت بطانيته حتى لا ينكشف ضعفه...وحرقته حيال الغائب الذى ما عاد يتنحنح معلنا قدومه...أو يطرق الباب....

ما أسعد بقرة ميشيل....(الكافرة)....وما أتعسنا حين يحلبنا المؤمنون من تلاميذ الترابي وسدنته...ولنا أن نرضى ب(حلبهم)...لأنو مش على كيفنا...هذا قدر... و كلو لله في لله....!!!


#902319 [bosh]
5.00/5 (4 صوت)

01-31-2014 02:53 AM
المغترب الناجح هو من يستثمر فى امريكا و اوربا ولا يلتفت الى المخنثين وتجار الدين امثال التهامى وبدرالدين


#902307 [sas]
5.00/5 (1 صوت)

01-31-2014 02:32 AM
كان بترضعنا جنس البترضع دي قبلانين


#902306 [الهمباتى البطحانى]
5.00/5 (2 صوت)

01-31-2014 02:30 AM
خلاص الاراضي كملتوها قبلتو علي المغتربين ماباقي الا هذه البقرة الحلوبة خلوها تصرف علي المساكين الهناك ديل شوفو غيرها


#902304 [سليمان]
4.75/5 (3 صوت)

01-31-2014 02:24 AM
يعني قاعد فس السودان بيشربو من دمك...............قاعد برا السودان ترسليهوم الدم عشان يشربوهو بمزاج.............. والباقي دا لو خلو فيهو باقي يدوهو لاهلك الإنت اصلا اغتربت عشان تريحوم


يعني بالعربي الجنسية السودانية مكتوب عليها انو دمها بتشرب من الكيزان في كل مكان في الكره الارضية

الله ياخدكوم في يوم واحد


ردود على سليمان
European Union [ودالباشا] 01-31-2014 01:07 PM
ما تزعل انتظر لمن هم يجيبوا قروشهم البره ويستثمروها داخل البلد او رييح نفسك وغير الجنسية بس كلنا محتارين زييك واذا عندك شوية قريشات امشى اى بلد خالى من الكيزان واستثمر على بركة الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة