الأخبار
أخبار إقليمية
القنوات الفضائية السودانية توقع اتفاقية الانضمام للقمر الصناعى عربسات
القنوات الفضائية السودانية توقع اتفاقية الانضمام للقمر الصناعى عربسات



01-31-2014 09:16 AM

الخرطوم (أ ش أ)

وقعت الهيئة العامة للإذاعة والتليفزيون والبث الإذاعى والتليفزيونى والقنوات الفضائية السودانية، مع اتحاد إذاعات الدول العربية، مساء يوم الخميس بقاعة الصداقة بالخرطوم، على اتفاقية الانضمام لخدمات القمر الصناعى "عربسات".

وقال وزير الدولة بوزارة العلوم والاتصالات السودانية المهندس الصادق فضل الله صباح الخير - فى تصريح لإذاعة أم درمان مساء اليوم - إن اتفاقيه الانضمام لنظام "عربسات" ستوفر على السودان نفقات مالية كانت تدفع لصالح الأقمار الأخرى، بالإضافة إلى ضمان جودة البث الإذاعى والتليفزيونى، وتجاوز مراحل التشويش.

ووصف الوزير السودانى، انضمام السودان لنظام "عربسات" بأنه سينقل الخدمات الإذاعية والتليفزيونية بالسودان نقلة نوعية، وأكد التزام بلاده بشراكات مع الهيئات العامة للإذاعة والتليفزيون، بتخصيص عائدات تساهم فى تجويد الأداء ودعم المضمون.

وأشار فضل الله صباح الخير، إلى توقيع أكثر 7 قنوات فضائية سودانية تحت مظلة باقة "عربسات" والاستفادة من المنصة الخاصة بعربسات لدى السودان لتقديم أفضل الخدمات للقنوات السودانية.


تعليقات 8 | إهداء 0 | زيارات 3884

التعليقات
#903360 [ود الامام]
0.00/5 (0 صوت)

02-01-2014 05:54 PM
خيرا فعلوا عندما حولوا البث من نايل سات الي عرب سات ومن ناحية فنية بحتة القمر المصري نايل سات ضعيف الاشارة في المناطق الجنوبية من السودان ففي مناطق ربك وكوستي لكي تشاهد قنواته تحتاج الي طبق بقطر لا يقل عن 90 سم ويزداد كلما اتجهت جنوبا بينما عربسات فطبق قطر 50 سم يكفي ويمكن ملاحظة ذلك من خرائط التغطية فضلا عن ان القنوات السودانية تتمتع بنسبة مشاهدة جيدة في دول افريقية مثل جنوب السودان وتشاد وافريقيا الوسطي واريتريا واثيوبيا والصومال والنيجر وشرق نيجيريا وجيبوتي وكل هذه الدول تغطيها اقمار العربسات و لا تحتاج الي طبق كبير بينما لا تغطيها اقمار النايل سات او الاشارة فيها ضعيفة جدا وهذه الدول الافريقية اقرب من الناحية الثقافية والفنية
الي السودان فبيننا وبينهم قبائل مشتركة وتمازج ثقافي ووجداني وتشابهه في العادات والتقاليد بينما لا احد يشاهد القنوات السودانية من مواطني دول الخليج والشام ومصر والمغرب العربي ولا يعرفون شيئا عن السودان وثقافته الا كلمة يازول ولا من الغناء السوداني شئ بينما في اريتريا واثيوبيا وجنوب السودان وتشاد يتغني الناس بالاغاني السودانية ويعرفون الكثير عن السودان فمن الافضل الاتجاه وتوسيع وتركيز البث نحو افريقيا ودول الجوار الافريقية حيث نجد ثقافتنا التجاوب والتفاعل المطلوب


#903108 [عمممك]
0.00/5 (0 صوت)

02-01-2014 11:42 AM
يا شباب دا كوووولو بسب راديو دبنقا .. ليهو كم يوم نزل في النايل سات

صحصحو معانا شوية الله


#902932 [الجعلي حسين]
0.00/5 (0 صوت)

02-01-2014 03:11 AM
نفس الحصل ل قناة قون جوهم ناس عربسات و حرمونا من الدوري

مع السلامة قناة النيلين قشة ما تعتر ليك

3 مليون دولار استلموها من ناس عربسات و حتتحول لي عربات و قصور في الرياض و الطايف بعد شوية

ياخ نحن لاقين ناكل علشان نشتري طبق تاني ولا نعدل و نفك و نركب

حتى الكورة ما سلمت من استهبالكم


#902925 [ود النيل]
0.00/5 (0 صوت)

02-01-2014 02:37 AM
كالعادة السودان ينجر للحرب الفضائية بين قطر و السعودية و مصر

و نفس الحصل لي قناة قون لمن انتقلت لي عربسات سيتكرر لقناة النيلين سبورتس ،

من سماحة دورينا يعني ، الدوري كلو كورتين هلال مريخ و ما فيه اي مفاجئات

بالنسبة للقنوات المشت عربسات دون عن نايلسات : سودا دراماو الخضراء و اكسير
اول مرة اسمع اساميهم كانت في الجريدة

على العموم طباقتنا ثابتة و لو عندكم لعبة مع ناس عربسات يا كيزان العبوها بعيد مننا

قال نيلين سبورتس قال ههه


#902804 [محمد العربى]
0.00/5 (0 صوت)

01-31-2014 10:35 PM
النايل سات ليس فى حاجة الى هذه القنوات الفاشلة . فلتنتقل الى العربسات ( قشة ما تعتر ليها ) فهى الخاسرة لانه ليس هنالك من شخص مستعد لتحويل الطبق للقمر عربسات . كما انه ليس هنالك من شخص مستعد لشراء طبق وتخصيصه للعربسات . انتقلوا اليوم قبل الغد حتى نرتاح منكم ومن برامجكم السمجة والتى لا يستفيد منها المشاهد شيئآ


#902641 [حلفاوي السوداني]
0.00/5 (0 صوت)

01-31-2014 04:31 PM
والله خيرا فعلوا ......
على الاقل يرحونا من قنوات الحشو بتاعة المؤتمر الوطني ....

محاربة المؤتمر الوطني لمصر بهذا الاسلوب التافه لن يضير النايل سات ولا الحكومة المصرية بشيئ .....

لو عاوزين يدعموا ( مرسي بتاعهم ) احسن يشوفوا ليهم حاجة تانية ......

هذا التوجه تدعمه قطر عبر قناة الجزيرة .......

ارجو الا يتعجل الناس في عملية الانتقال فمثلا من يرغب في متابعة قناة الجزيرة الرياضية يمكنه ذلك عبر القمر اتلانتك الموجود في مدار النايل سات .......

انا شخصيا باقي مع النايل سات واجهز طبق آخر لاستقبال قنوات القمر الراقي جدا جدا ( ياه ) وهو قمر اماراتي جديد


#902625 [ابوطارق]
4.00/5 (1 صوت)

01-31-2014 03:58 PM
خطوه متاخره لكن ان تاتى متاخرا افضل من ان لاتاتى فكونا من احفاد فرعون


#902460 [فايز]
5.00/5 (2 صوت)

01-31-2014 10:50 AM
دة الصح طز في نايل سات وفي المصريين النصابين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة