الأخبار
أخبار إقليمية
مجلس الصحافة يرفع القيود عن صحيفة حزب الترابي
مجلس الصحافة يرفع القيود عن صحيفة حزب الترابي
مجلس الصحافة يرفع القيود عن صحيفة حزب الترابي
مروح: رأي الشعب بوسعها أن تعاود الصدور متى ما تمكنت من توفيق أوضاعها


بعد تلقيه اشارة من جهاز أمن حزب البشير
02-02-2014 12:36 AM

أعلن المجلس القومي للصحافة والمطبوعات في السودان، يوم السبت، أنه تلقى إخطاراً رسمياً من جهاز الأمن والمخابرات الوطني، يفيد برفع كافة القيود المفروضة على صحيفة "رأي الشعبي" الناطقة باسم حزب المؤتمر الشعبي بزعامة د. حسن الترابي.


وكان قال الحزب الأسبوع الماضي، إن السلطات الرسمية أبلغته برفع الحظر المفروض عن الصحيفة، بعد إيقافها لنحو ثلاثة أعوام عن الصدور.


وقال الأمين العام لمجلس الصحافة السفير العبيد مروح، لوكالة السودان للأنباء، السبت، إن جهاز الأمن أبلغ المجلس بقرار رفع كافة القيود عن الصحيفة، وأنه بوسعها أن تعاود الصدور متى ما تمكنت من توفيق أوضاعها الإجرائية والإدارية لدى المجلس.


وأكد مروح أنه تلقى اتصالاً من إدارة الإعلام بالجهاز في هذا الخصوص، ونقل فحواه لرئيس المجلس أ.د علي شمو، الذي شكر بدوره الجهاز على هذه الخطوة، متمنياً أن ترفع كافة القيود الأمنية على الصحف المتبقية.


يشار إلى أن جهاز الأمن أغلق صحيفة "رأي الشعب" في عام 2011 على خلفية نشرها عدداً من المواد، قال إنها تشكل تهديداً للأمن القومي، وفتح في مواجهتها عدداً من البلاغات في هذا الصدد.


شبكة الشروق


تعليقات 10 | إهداء 0 | زيارات 2283

التعليقات
#904014 [مدحت عروة]
0.00/5 (0 صوت)

02-02-2014 02:58 PM
يا جماعة جهاز الامن السودانى البطل بيشوف شغله زيه وزى اى جهاز وطنى فى العالم!!
هسع الموساد والسى آى ايى والام آى سكس وهلم جرا مش طوالى بيقفلوا الصحف ويمنعوا كتاب الاعمدة من الكتابة ويراقبوا صحف بلادهم قبليا؟؟؟ انتو قايلنهم شغالين باعداء يلادهم شغلة؟؟ابدا الموضوع ده سايبنه للبياطرة والزراعيين والاطباء زى موضوع تحرير حلايب واصلا شغل القتال ومراقبة اعداء الوطن ما شغل جيش او اجهزة امن الجيش واجهزة الامن يحموا الانظمة الجات بانقلاب من الخونة والمارقين وباقى الحاجات يخلوها للمهنيين!!!!!!!
يعنى هسع الامن والجيش يخلوا مطاردة الصحف والمعارضة ويقعدوا يسكوا فى اعداء السودان ويطردوا المحتلين من ارض السودان؟؟؟طيب والبيحمى الحكومة منو؟؟؟؟


#903879 [alakrory]
5.00/5 (1 صوت)

02-02-2014 12:45 PM
(الذي شكر بدوره الجهاز على هذه الخطوة،) هذا زمانك يا مهازل فامرحى ...بالله هل هذا الشمو وهذا المروح رجال؟؟؟؟؟ والله نحنا نستاهل اكتر من كدا لان امثال هولاء النكرات اشباه الرجال ..........


#903655 [sudanese]
0.00/5 (0 صوت)

02-02-2014 09:02 AM
بالله عليكم؟؟؟؟؟؟
انتوا دائما تفترضوا في الشعب السوداني السذاجة والهبل لكن كلامكم مردود عليكم...

(أعلن المجلس القومي للصحافة والمطبوعات في السودان، يوم السبت، أنه تلقى إخطاراً رسمياً من جهاز الأمن والمخابرات الوطني(>
المجلس القومي للصحافة والمطبوعات يرأسه اللواء أمن العبيد أحمد مروح
عشان كده يظل نظامكم هو الأسوء في العالم على الاطلاق لأنكم كذابين وآكلي السحت عليكم لعنة الله اين ما حللتم.

وهذا الوهم العبيد مروح لمن لا يعرف برغم انه يتمسكن إلا أنه قذر وتاريخه موصوم بفضيحة اجتماعية مشهورة بدأت فصولها في بداية التسعينات عندما كان شاب سوداني طموح يرغب في الزواج من شابة سودانية متوسطة الجمال تخرجت من إحدى جامعات الهند واتفقا على كل شئ والاسرتين كانتا في حالة تجهيز للزواج إذا بهذا القذر العبيد أحمد مروح يدخل على الخط مستغلا موقعه في الاجهزة الامنية والسلطة الباطشة التي يتخندق فيها منع قيام الزواج بالتهديد بحجة انه يحب الشابة وبالفعل تم له ما أراد وتزوجها بين دهشة المجتمع المحيط بهم، وفي تلك الايام كانت بيوت الاشباح على صدارة المشهد السوداني.
هذه هي عقلية افراد النظام


#903640 [محمود أحمد محمود العبيد/نيالا]
0.00/5 (0 صوت)

02-02-2014 08:41 AM
لما تم ايقاف الصحيفة سابقاً ؟ هل الحزب غير مواقفة ؟ أم هل صدر قانون جديد للمطبوعات والمنشورات ؟ ولما لم يكن لمجلس الصحافة دور في حل الازمات أم هو جزءا من الازمات ؟ وهل ماجري يعد بادرة لفك عنان الحريات في السودان أم مجرة إختبار ؟ ولما صحيفة رأي الشعب فقط ألم يكن هنالك صحف موقوفة حتي الآن ؟ ولما يتم حجب صحف عديدة من غرب السودان ؟


#903635 [محمود أحمد محمود العبيد/نيالا]
0.00/5 (0 صوت)

02-02-2014 08:38 AM
لما تم ايقاف الصحيفة سابقاً ؟ هل الحزب غير مواقفة ؟ أم هل صدر قانون جديد للمطبوعات والمنشورات ؟ ولما لم يكن لمجلس الصحافة دور في حل الازمات أم هو جزءا من الازمات ؟ وهل ماجري يعد بادرة لفك عنان الحريات في السودان أم مجرة إختبار ؟ ولما صحيفة رأي الشعب فقط ألم يكن هنالك صحف موقوفة حتي الآن ؟ ولما يتم حجب صحف عديدة من غرب السودان ؟


#903615 [أبوعلي]
0.00/5 (0 صوت)

02-02-2014 07:06 AM
المجلس القومي للصحافة والمطبوعات في السودان،

أيّ أناس أنتم؟ لا أحاسيس ولا كرامة ولا ضمائر
أمحنّطون بلا حراك أنتم! يتلاعب بكم جهاز الأمن
أيّ قوميّة وأيّ صحافة تمثلونها؟ أهمّكم المال فقط؟
ترجّل يا علي شمو ولو من أجل أولادك (الخجلانين)
العبيد المروح ، روح لبلدك ليبيا وأرحنا من سوء أخلاقك
أنت وبقيّة المنافقين معك ياأسوأ وأحطّ قدوة للمجتمع


#903609 [adil a omer]
0.00/5 (0 صوت)

02-02-2014 06:33 AM
شكلهم ضربوا الخرا دوكو وحتبدوا تحسبوا تانى من الاول

الله يا ست من الاول يا ست


#903586 [أنصاري]
0.00/5 (0 صوت)

02-02-2014 03:48 AM
((ونقل فحواه لرئيس المجلس أ.د علي شمو، الذي شكر بدوره الجهاز على هذه الخطوة، متمنياً أن ترفع كافة القيود الأمنية على الصحف المتبقية))


***!!!؟؟.


سيدتي كيفَ يَكونُ الانسانُ شريفاً

وجهازُ الأمنِ يَمُدُ يَديهِ بِكُلِّ مَكانٍ

والقادم أخطر

نوضعُ في العصارَةِ كي يَخْرُجَ منا النفطْ

نخبك .... نخبك سيدتي

لمْ يَتَلَوَّثْ مِنْكِ سِوى اللَّحْمِ الفَاني

فالبعضُ يَبيعُ اليَابِسَ والأخضر

ويدافِعُ عَنْ كُلِّ قَضايا الكَوْنِ

وَيَهْرَبُ مِنْ وَجهِ قَضِيَّتِهِ
((مظفر النواب)


#903576 [وثبة بى كسرة مرة]
0.00/5 (0 صوت)

02-02-2014 02:32 AM
الحمد لله كداالوثبة بدت !!! ياخ الناس ,كل الناس إشتاقت لى رئيساً وحبيساً !! وسبحان الله كل صيرورة بتتمحور ,, تتمحور ,, تتمحور لامن تبقى وثبة !!! يا سلللللام ياخ ,, صحى الصبر جبر ,, والحلة بصلة ,, والشكر لى حماد !!! بعد دا حقو أى واحد يعاين لى كرعينو ,, وياكل وهو واقف ,, عشان الأكل دا يمشى لى كرعينو ,, لأنو والذى لا إله إلا هو ,, راجينا جنس جرى وجنس كروفر (كدا سيبويه يجى يصلح كروفر دى !!عشان أندغم معاو بفجائية اللحظة المحورية),, ديل أتلموا تانى (كان بالصح هم كانوا مفترقين ) ,, والكارثة سجلوا أبو كلام وأبو جلابية مصرية !!!
عيييييييييك ,, إندغموا تانى ,, لكن كدا ممتاز ,, صيرورة فى شكل مخلوط (وما ضرورى تكون فى مناسبة ,, إن شاء الله يعجبكم بس ) !!


#903560 [AburishA]
0.00/5 (0 صوت)

02-02-2014 01:52 AM
اليومين دي يالترابي انت طالع كفر مع المؤتمر الوطني... المفروض تطالب بتعويض مالي وادبي .. ما بقصروا معاك ناص الجلاليب البيضا مكوية .. ولا اخدت الفيها النصيب تحت تحت... هيع هيع هيييييع



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة