الأخبار
أخبار إقليمية
مقتل باكستاني بضربة على رأسه بـ"عصا" على يد سوداني في حائل السعودية
مقتل باكستاني بضربة على رأسه بـ"عصا" على يد سوداني في حائل السعودية
مقتل باكستاني بضربة على رأسه بـ
العقيد عبدالعزيز الزنيدي


02-02-2014 12:13 PM
لقي وافد باكستاني مصرعه الجمعة في مدينة حائل إثر تلقيه ضربة على رأسه بواسطة عصا في مشاجرة مع وافد سوداني في مطعم.

ووفقاً للمتحدث الإعلامي بشرطة منطقة حائل العقيد عبدالعزيز الزنيدي فإنه في الساعة الثالثة أمس الاول حدثت مضاربة في أحد المطاعم بأحد أحياء مدينة حائل بين وافد سوداني الجنسية عمره 37 عاما، ووافد باكستاني الجنسية عمره 30 عاما، نتج عنها إصابة الباكستاني بإصابة خطيرة في رأسه.

وأضاف العقيد الزنيدي، أنه تم نقل المصاب للمستشفي ومن المعاينة ظهر أن الأداة المستخدمة عصا، لافتاً إلى أنه في الساعة الخامسة أبلغ ضابط الاتصال بالمستشفى عن وفاة الباكستاني متأثرا بإصابته، وتم القبض على الجاني من قبل الدوريات الأمنية في محل الحادث وبالتحقيق معه اعترف بما نسب إليه، ولا يزال التحقيق جاريا معه.

اخبار 24


تعليقات 25 | إهداء 0 | زيارات 13885

التعليقات
#928095 [فل نقف على ابوابها]
0.00/5 (0 صوت)

02-27-2014 01:30 PM
دع الايام تفعل ماتشاء وطب نفسا اذا حكم القضاء ولاتجزع لمنازلة الليالي فما لحوادث الدنيا بقاء
أتمنى من الله ان نرى او بل أصح نسمع كل ماهو جميل بيننا نحن المسلين نحن اكبر اكثر من قول اخوه بل نحن جسد واحد حمل كل مفاهيم الانسانية والأخلاق مهما كان البعد
أتمنى للجميع دوام التوفيق


#904743 [عباس التحت اللباس]
3.00/5 (4 صوت)

02-03-2014 12:45 PM
انا في السعودية منذ سنة وضارب هندي وبنغالي وقبل اسبوع قربت اضرب واحد سعودي بس الله ستر


ردود على عباس التحت اللباس
United States [رد على عباس التحت اللباس] 02-03-2014 07:03 PM
اعمل حساب لعباس ال ..........

[سامي] 02-03-2014 04:28 PM
اعمل حساب رأسك

United States [عباس التحت اللباس] 02-03-2014 04:24 PM
ارقص لي عشرة بلدي هههههههههههههههههههههههههه

United States [أنا] 02-03-2014 02:17 PM
يعني نصفق ليك ؟


#904626 [سودانى]
3.00/5 (3 صوت)

02-03-2014 10:43 AM
السودانيين طيبين العشرة ومسامحين لكن ما برضو الحقارةو الاهانة ودا الباكستانى بكون استقل طيبة الرجل وناس ما فى معلوم ديل حقارين بجد وخوافين ..الله ينصر كل الاخوة السودانيين المهاجرين عن وطنهم.


ردود على سودانى
United States [عاشق النورس] 02-03-2014 07:24 PM
القال منو هسع السودانين كلهم طيبين يعني

وفرضنا هسع الرجالة الفي تصرف الزول ده شنو اها ضيع عمرو في حماقة
نحن عيبنا اننا ناس ماعندنا منطق نهائي يا ابيض يا اسود وده سلوك سئء جدا

غايتو ربنا يفك اسره ويلطف بيهو وياريت الناس تتريث وتعالج المشاكل بشي من الحكمة والصبر


#904433 [الدو لى]
5.00/5 (1 صوت)

02-03-2014 02:37 AM
فى السعودية دى طول لسانك وقصر يدك والسلام كلنا ناس ا بنحب الحقارة (الله يفك كربة اخوناده )


#904250 [شمال و جنوب فى محنة]
3.00/5 (1 صوت)

02-02-2014 09:01 PM
الزول ما قبل الحقارة و ده الخلاهو اهاجر لانو شاف الظلم من كل من ملك السلطة في هذه الدولة التعيسة الم فيك عسكير لا ىسوى شى اسوى فيك الدايرو هسع نحن كلنا ما بنرضى الحقارة بس مفروض نعرف بننا في دول المهجر نواجه بقوانين محترمة تاخذ للوافد حقو قبل اهل الوطن و الهى لو قصيت ليكم تقولو كضاب من الاحترام البلقاهو السودانى المحترم في بلد المهجر لكن يا جماعة ما كلنا واحد فينا الطالح و فينا الامى و كمان في جنسيات بشبهونا و متداخلين معانا في اللون و نحن زاتنا نشك نقول ديل اولاد عمنا و كمان فيهم حريم شارطات عينا و مخجليننا وسط زملانا في الشغل الواحد اقول ليك البارح لقيت ليك زولة طلعت معاى و اشياء كثيؤة و كلو من وراء المتاسلمين الخلونا لحم راس


ردود على شمال و جنوب فى محنة
European Union [الهمباتى البطحانى] 02-03-2014 12:26 AM
والله كلامك صاح يا محنة والله هناك جنسية تشبهنا في الشكل وبعضهم يملك جنسيتنا وجوازنا والله رمو عمتنا في الواطة


#904248 ['طائر الفينيق]
0.00/5 (0 صوت)

02-02-2014 09:00 PM
+ لست قانونياً, لكن في القانون الانجليزي ومعظم قوانين العالم شكل هذا النوع من الجرائم يسمى (manslaughter) وليس ( murder), لأنه لا توجد نية مبيتة مسبقة لقتل المجنى عليه.. خاصة أن هناك تشاجراً ومضاربة وربما استفزازاً سبق الضربة على الرأس التى أدت الى موت المجنى عليه..

+ غياب عنصر ال premeditation يجعل الجريمة غير متعمدة (أي فعل القتل غير متعمد) لكن يبدو أن في السعودية كل قتل هو متعمد ..الا أظن في حوادث السير !!!

+ حدث تطور قانوني كبير في السعودية في السنوات الأخيرة ونتمنى أن يدخلوا تعديلا على القانون الجنائي المتعلق بالقتل (الخطأ أو شبه المتعمد).. وخاصة حكاية انتظار ولي الدم اليافع حتى يبلغ ثم يقرر يعفو أم لا .. فهنا يكون الجاني أخذ عقوبتين معا (سجن مؤبد واعدام) , في حال رفض ولي الدم الذي بلغ لتوه العفو!!

+ جريمة مثل هذه عقوبتها في السودان لا تتعدى ال 8 أو العشر سنوات سجن..في تقديري !!

+ الباكستانيون في الغالب سيقبلون بالدية !!


ردود على 'طائر الفينيق
United States ['طائر الفينيق] 02-03-2014 04:49 PM
+ والقانون الجنائي السوداني لعام 1991 مأخوذ من وين يعني ؟؟؟

+ المادة 130 القتل العمد في السودان عقوبتها الاعدام.. لكن لا تحقق الا بوجود عنصر القصد الجنائي المتمثل في وجود تفكير ونية مبيتة للقتل .. وهذا لا يبدو أنه متوفر في هذه الحالة حيث هناك حالة شجار وربما استفزاز والضربة واحدة فقط !!(اذا كانت الضربات كثيرة في القانون السوداني المنبني على الشريعة كذلك ترجح التعمد, لكن في حالات الشجارات والاستفزاز غالبا ما يعتبر القتل شبه عمد أو غير عمد وبالتالي العقوبة سجن)!!

+ هنالك ارث قانوني مشترك وكثير من القوانين في العالم متشابهة (نميري عمل لجنة لدراسة التوافق بين القوانين الوضعية والشريعة, فوجد نسبة التوافق عالية جداً - راجع منصور خالد) !!

+ منو القال ليك كل قانون وضعي معناتها معارض لمبادي الشريعة ؟؟

+ دونت السعودية مؤخرا الكثير من القوانين(لم تكن مدونة في السابق) وسمحت بالمحاماة ونظام الشراكات العدلية وهذا كله تطور ايجابي وليس من المستبعد أن تدخل تعديلات في القانو الجنائي بحيث يكون القصاص في القتل العمد فقط !!!

الموضوع يا الفقير بالله هل هذا القتل عمد أم لا..هل يتوفر القصد الجنائي ؟؟؟؟

European Union [الفقير الي الله] 02-03-2014 01:24 PM
طائر الشفق الغريب ياخوى الزول دا ضربو ضربة اودت بحياته
والباكستاني مات خلاص ما تجي تقول لينا القانون الانكليزى
نحنا عندنا قانون الله في كتابو الكريم وسنة نبيه الامين
الحق لابد ان يقال وكفانا عنصريه (ولكم في القصاص حياة .....)


حكاية غريبه


#904189 [أبو أمين]
3.50/5 (2 صوت)

02-02-2014 07:36 PM
قدر الله وما شاء الله فعل ربنا يرحم الميت ويكون في عون السوداني .تذكروا دوما عند الغضب حديث رسول (ص) ( ليس الشديد بالصرعي انما الشديد الذي يملك نفسه عند الغضب ). فاذا تملك الغضب من أحدكم فليستعذ بالله وبغير الهيئة التي يكون عليها ان كان واقفا يجلس وان كان جالس يضطجع ومن الوصايا في هذا المقام الوضوء لأن الوضوء يطفأ نار الغضب .


#904163 [رانيا]
4.94/5 (7 صوت)

02-02-2014 07:08 PM
إحنا ما نلقى عكاز ذي ده على راس السفاح ؟؟؟


ردود على رانيا
European Union [ودالباشا] 02-02-2014 10:47 PM
والله ضحكتينى رغم حزنى على ابن بلادى العكاكيز عايزنها الكيزان كلهم واذنابهم نحنا محتاجين انتفاضة عكاكيز واعواد


#904155 [ابو الطب]
3.50/5 (2 صوت)

02-02-2014 06:49 PM
قبل يومين شوفتا لى هندى قصو راسوا يا جماعة النوم طار من عيونى بقى مافى والاكل تهبش الله لايبلانا الله يرحم المرحوم ويفك كربة السودانى تانى التوبة ياحبوبة


#904129 [اسامه الشايقي]
4.82/5 (6 صوت)

02-02-2014 06:10 PM
الله يرحم الميت وينقذ رقبه السوداني ان شاء الله ... بس نصيحه لكل المغتربين الجدد انت ما في بلدك وبصراحه الغربة فيها شويه انكسار ودوس علي الكرامه ومن فارق داره قل مقدارو .. لازم توسعو صدوركم شويه وتمشو شويه .. ود اختنا جينا ليهو فيزا بي 13 الف غير الاجراءات عشان يساعد اهله خلال اسبوعين كسر عمود نخره سعودي في الشارع بقينا في التخارجو ترجعو سالم بس !!! ولا حظت الحكايه دي عامه في المغتربين الجدد فيجب الاعتبار والعظه ... واخيرا الله يرجعنا كلنا سالمين وينعل الكان السبب !!!


ردود على اسامه الشايقي
[ربش] 02-03-2014 02:45 AM
كلام عقل .... كتر خيرك .


#904059 [HAMID BARGO]
4.00/5 (2 صوت)

02-02-2014 04:05 PM
لله معاه
يجب ضبط النفس وعدم الانسياق الى الشيطان
لايوجد افضل من كلمه الله اسامحك
تجدها فى الدنيا وفى الاخره

Well Said
Amen


#904039 [تينا]
5.00/5 (4 صوت)

02-02-2014 03:28 PM
لا حول ولا قوة الا بالله ... تغمده الله برحمته الواسعة ... ربنا يلطف بالسودانى ... يا اخوانى السودانيين أنتم رجال على خلق و صحيح لا ترضون الحقارة ولكن عند الغضب معظم الرجال السودانيين لا يتمالك نفسه وفورا يبتدىء مد يده ويضرب ... مرة تشاجر سودانى مع مصرى بالقاهرة وفورا بدأ السودانى بضربه فأصبح المصرى يصيح فيه طب قول لى انعل امك طب اشتمنى انتو تضربوا على طول ؟؟؟ فيا اخوانى أوصيكم بتمالك نفسكم عند الغضب وعدم مد أيديكم ... الآن هذا الأخ ضيع نفسه ومستقبله وقد يكون القتيل مخطىء عليه ولكنه ضيع نفسه بضربه ... نسأل الله اللطف بالجميع ...


ردود على تينا
United States [رانيا] 02-02-2014 07:06 PM
صح كلامك ..الراجل ضيع نفسه وإن شاءالله ربنا يساعده وفعلا رجالنا بالذات لازم يخلوا الحمق عند الغضب لأنه غير مأمون العواقب وخصوصا السفارة والقنصلية السودانية ما بتعبر أي سوداني ولا بتساعد بأي شئ اللـه يحفظنا ويحفظ الجميع .

United States [mohmd] 02-02-2014 05:26 PM
ابنتنا تينا، تحية طيبة، في الحديث الشريف، عن أبي هريرة رضي الله عنه قال: قال النبي صلي الله عليه وسلم( ليس الشديد بالصرعة، ولكن الشديد من يملك نفسه ساعة الغضب) متفق عليه.

[ابونصر] 02-02-2014 04:29 PM
كلامك صحيح مافي شك . مد اليد بالضرب يؤدي مما لايحمد عقباه . نسال الله ان يفك اسره ويرحم الله الباكستاني .
سوداني


#904025 [ود الدكيم]
2.50/5 (2 صوت)

02-02-2014 03:12 PM
العكاكيز لناس مصطفى عثمان اسماعيل زي قال بكوري لكن لمن تسافروا خلوها في السودان


#904016 [مالك الحزين]
5.00/5 (12 صوت)

02-02-2014 02:59 PM
المشكله أنه الراجل حيروح فيها ,, نطلب من الجميع التعاون كما قال الأخ ساهر لفك ضيقته والشيطان شاطر ,, وهنا في السعوديه مافى شيء أسمه القتل الخطأ أي عدم قصد القتل ,, يعنى السيف في رقبته لو ماتدخلتوا يا ناس الخير,, أعملوا صفحه في الفيس لجمع التبرعات ,, وأنا عارف الباكستان يكمنهم قبول الديه ,, وليتصور أي واحد منا أنه شقيقه ,, وجزاكم الله خيرا


ردود على مالك الحزين
United States [ام احمد] 02-02-2014 07:33 PM
والله كلامك سمح بس نخاف كل زول يشيل عكأزو ويضرب من طرف يقول جماعه الخير بلموا الديه وديل بقبلوها تبقي فوضي عشان الزول يبقي حليم عند ألغضب جأء القصاص دأ غأيتو لا مانع من التبرع من اين نبدا

United States [krkasa] 02-02-2014 06:13 PM
هذا عين التحيز الاعمى..!!.. على ماذا إستندتم لجمع التبرعات لشخص قاتل للنفس حتى قبل معرفة الاسباب ..؟؟..وهذه رسالة سالبة مفادها ان اي هلفوت يشرع في قتل من يشاء من الناس وخاصة اولئك الذين يقبلون بالديات ..؟؟!!..وهذه فيها تحقير استخفاف بالبشر والناس سواسية...

United States [سمسم] 02-02-2014 03:32 PM
نؤيد أقتراحك بقوة - وأنا أول المتبرعين - و حسب تعاملنا مع الباكستانين والهنود والفلبينيين - جميعهم يقبلون مبدأ التسوية و قبول الدية - يلا يا جماعة الخير .


#904006 [حمور]
4.00/5 (1 صوت)

02-02-2014 02:46 PM
اللهم لا نسألك رد القضاء ولكن نسألك اللطف فيه ، القتل له مسبباته وإستثناءات في الشريعة الإسلامية ، فاستعمال حق الدفاع الشرعي يمكن ان ينتج عنه قتل و تعرض الجاني لإستفزاز شديد ومفاجي قد يؤدي به تصرف يكون نتيجته القتل .... الخ لذا لا نفقد الامل يجب تولي مكتب محاماة للقضية


ردود على حمور
[الأنصاري] 02-02-2014 04:16 PM
أخي حمور 000 كل الدفوع القانونية المعمول بها في السودان والتي تكون سببا راجحا في تخفيف عقوبة القتل لا قيمة لها هنا لذا لا فائدة من ذلك والنص الشرعي عنهم واضح وبين كما قال ربنا(ولكم في القصاص حياة) الأية - صدق الله العظيم000 المطلوب الترتيب مع السفارة وزيارة أهله ومشاركتهم واجب العزاء وتكفلهم بنقل الميت الي بلده اذا رغب أهله ومن ثم فتح الكلام في أمكانية التنازل والصلح ولكن لن يتم ذلك الا خلال سنين حتي يقوم القضاء كلمته000 اللهم أرحم المقتول وتغمده بواسع رحمتك وأجعل قبره روضة من رياض الجنة000000000


#903983 [ارون]
5.00/5 (13 صوت)

02-02-2014 02:30 PM
في شعوب ما بتمشي الا بالجزمه زي الهنود والباكستانيين والبنغاله والمصريين والفلسطينيين


ردود على ارون
European Union [ABOALKALAM] 02-02-2014 03:43 PM
والسودانيين


#903978 [موسى محمد]
4.75/5 (3 صوت)

02-02-2014 02:24 PM
الآسيوين ديل ناس رمم وضربهم واجب بس كمان ما يصل القتل عشان ما يعدموك يا سمارة.


#903977 [الصبار]
5.00/5 (1 صوت)

02-02-2014 02:24 PM
دا ضيع نفسه والقى بها في بحر المهالك -- الله ارحمه واجهز نفسه لنهايته الحتمية ، ودا طبعا الغباء المستفحل فينا حتى خارج السودان ، في النهاية الواحد بضيع وبضيع معه اهله .

لان اهله ارسلوه لصلاح الحال المائل وكمان الواحد اجيب ليها قتل حرام الله ارحمك بس نقول واصبر اهلك.

لانك قد تهلك لا محالة اجلا ام عاجلا نتيجة لتصرف الغبي . وستدفع ثمنه حياتك .


#903948 [سودانى فغقط]
4.00/5 (1 صوت)

02-02-2014 01:53 PM
.


#903941 [حزب الراكوبة]
4.50/5 (2 صوت)

02-02-2014 01:47 PM
لو صبــر القاتــل لمات المقتـول


#903935 [omeira]
4.75/5 (5 صوت)

02-02-2014 01:40 PM
اطالب كل الاخوان السودانين بالخارج الوقوف مع السوداني بعمل حملة كبيرة في كل الدول بتنظيف الدول من الجاليات الاخرى وضربهم حتى يرجعوا الى عقر دارهم لانو نحن بين امرين اما البقاء بالخارج او العودة الى البشير، ويتفق مع الجميع بعدم العودة الى البشير، وعشان نعيش في راحة بال لابد من ضرب كل الجاليات الاخرى وطردها الى بلادها حتى لا تزاحمنا


ردود على omeira
[ود الامام] 02-03-2014 11:15 AM
يا عميرة انت بتطالب الاخوان السودانيين ولا الاخوان المسلمين حتي تقول اقتراحك الفيهو اقصاء للاخر وعدم احترام لحقوقه... الله يرحم المقتول ويفك كربة القاتل

United States [محمد المزمل] 02-02-2014 07:24 PM
ههه هههه عه عه عه عه (لالوب بلدنا ولاتمر الناس )(وطنى ولا ملئ بطني)

United States [مسكين] 02-02-2014 06:36 PM
الواحد يقول شنو بس - لكن كلامك يدعو للتفكير

European Union [ABOALKALAM] 02-02-2014 03:45 PM
هاها اجلد عميرة


#903923 [sandy ali]
4.50/5 (2 صوت)

02-02-2014 01:26 PM
ربنا يسهل
ويخفف من مصيبته


#903913 [خمو وصرو]
4.00/5 (1 صوت)

02-02-2014 01:15 PM
دة ح يلحق امات طة


ردود على خمو وصرو
United States [Aboahmed] 02-03-2014 12:48 PM
تقول لي ح يلحق امات طه ... ده خلاص لحقن وانتهي الموضوع ...


#903884 [ساهر]
3.50/5 (15 صوت)

02-02-2014 12:47 PM
اللهم لا اعتراض في حكمك. نسأل لله أن يرحم الضحية ويخفف على الجاني.
نأمل أن تقوم القنصلية السودانية بتسويد خطاب استرحام ومخاطبة أهل الضحية وإقناعهم بالعفو مقابل دفع الدية، والتي يجب إطلاق حملة تبرعات لجمعها من المقيمين بالسعودية كما تفعل دولة الفلبين.

كما آمل من أخوتي العاملين بالخارج ضبط أعصابهم، وتفويت التوافه من سقطات ألسنة البعض وعدم استخدام الأيدى والمدافعة في أي إشكالية والاكتفاء باللسان فقط.

تذكروا أخوتي الأمثال السودانية السيارة: يا غريب كن أديب. ودارهم أن كنت في دارهم الخ.

تطلب السفارة الأمريكية من مواطنيها في أي بلد تظهر فيه بوادر انفراط أمن أن يتمسكنوا (تو كيب لو بروفايل). إذا كان المواطن الأمريكي يتمسكن في الخارج فمن باب أولى أن نتمسكن نحن، وأن لا نرفع أصواتنا بنبرات جهورية في المطاعم والمقاهي لكي لا نلفت الانتباه لنا. عدد عاملينا بالسعودية لا يقارن بعدد الباكستانيين ولا البنجلاديشيين ولا المصرييين ولكننا نحن الأظهر دوماً ونتصرف وكأن الرياض هي الخرطوم أو حائل هي الحصاحيصا.

ربي لا نسألك رد القضاء ولكن نسألك اللطف فيه.


ردود على ساهر
United States [عباس] 02-02-2014 09:56 PM
ناس القصاص والعياذ بالله ما بحسوا بخدمة الخمس نجوم البتقوليها دى الله لايوريك ديل الواحد النوم بكون طاير منو كل يوم يحلم بانو رقبته تحت السيف وربنا ما يوريك السيف ولا السياف قولى ربنا يحفظنا ويرد غربتنا .

United States [المغتربة] 02-02-2014 06:46 PM
ياعباس اريتو سجن السرور -- السجن فى السعودية ترررررررررررررطيييييييييييبة

وخدمات خمسة نجوم

بس مايقصو وانشاء الله يلقى فاعل خير يدفع عنو الدية --- وفى الرقاب والغارمين ياناس الزكاة فى المملكة والسودان

United States [krkasa] 02-02-2014 06:23 PM
اي (هلفوت) يقتل نفس بشرية يجمعوو ليه تبرعات ..؟؟!!..اذا متى تستقيم الامور وهل الاسلام يأمر بذلك ..؟؟..وهذا الكلام المسيء الذي تشتم منه رائحة التحقير لبعض رعايا الدول الفقيرة وكأن السودانيين قادمون من المريخ..

United States [عباس] 02-02-2014 06:02 PM
ده والعياذ بالله حا يمكث فترة طويلة فى السجن على بال مايصلوا لتسوية الدية وده اذا رضوا الناس بالدية يجب على المغتربين ان يتحكوا فى اعصابهم خاصة فى السعودية لان اللف والدوران فى المحاكم غير موجود والقاتل يقتل إلا فى حالةالقبول بالدية ودى موضوعة طويل يكون الواحد عفن فى السجين اعملوا حسابكم يا اخوانى المغتربين وموضوع اخذ الحق باليد كما عندنا فى السودان اتركوه حتى ترجعوا السودان وسوا رجالتكم هناك .

European Union [مغترب] 02-02-2014 03:23 PM
يعني كل ما سوداني يرتكب حماقة وﻻجريمة يجي المغتربين يدفعوا الدية .في سودانين عاشوا في السعودية ثﻻثين عام ورجع الي السودان بدون ان يرتكبوا مخالفة مرورية وكانوا في قمة اﻻدب و اﻻنضباط .يعني كل ما واحد يرتكب جريمة تدفع عنه الديه كانما نشجع الناس علي الخروج علي القانون ..اي زول يرتكب جريمة يجب ان يتحمل المسؤلية حتي يكون عظه وعبره لغيره

[د.حكيم] 02-02-2014 02:01 PM
سلمت يا ايها الساهر لغة رصينة وكلام مفيد

United States [ابو وعد] 02-02-2014 01:49 PM
صدقت حتي ان السوداني يرغب ان يتم معاملته كانه في السودان و ان الناس غريبة في تعاملها معه و ان ما نراه غريباً هناك من يراه عادياً في حين ان السعودية تضم عدد كبير من الاجناس منها العربية و الاسيوية و الافريقية و الاوربية و حتي السعودية و جمعيهم يختلفون في الطباع و طريقة المعاملة مع الاخر يجب علي الشخص ان لا يلزم الناس و هو خارج السودان ان تتعامل معه كم يود رغما ان كل بلد له لوائح و اجراءات و قوانين و تقاليد تنظم وجود الاجنبي بها و شكراً

[Abdulkareem Al-Haj] 02-02-2014 01:25 PM
يا سلام عليك .. كلام ناس كبار ... عين العقل ان ترجح عقلك قبل قلبك .
نسأل الله ان يلزمنا الصبر .. وان يرحم الميت .. ويلطف بالقاتل ..


#903875 [عزة]
4.88/5 (10 صوت)

02-02-2014 12:43 PM
الله معاه
يجب ضبط النفس وعدم الانسياق الى الشيطان
لايوجد افضل من كلمه الله اسامحك
تجدها فى الدنيا وفى الاخره



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة