الأخبار
أخبار إقليمية
مواطن ينقذ طبيبة شرعت في الإنتحار
مواطن ينقذ طبيبة شرعت في الإنتحار
 مواطن ينقذ طبيبة شرعت في الإنتحار


02-02-2014 09:28 PM

الخرطوم:

شرعت طبيبة في العقد الرابع من عمرها تعمل بإحدى مستشفيات ولاية الخرطوم في الانتحار، وفوجيء صاحب سيارة كانت تقف بشارع أبو سن بوجود فتاة ملقاة على الأرض أمام عربته والدماء تسيل من يدها وبجانبها حقيبة بها مبلغ (3) آلاف و(711) جنيهاً ومادة «صبغة» وحقن فارغة بالإضافة إلى عدد من الأوراق التي تحوي رسائل وتوصيات كتبتها بخط يدها، وسارع صاحب العربة بالاتصال بشرطة النجدة والعمليات والتي خفت لموقع الحادثة وقامت بإسعاف الطبيبة إلى مستشفى حوادث الخرطوم لتلقي العلاج، وباشرت إجراء التحريات اللازمة حول القضية
.

وتفيد متابعات أن الطبيبة المعنية تسكن بأحد أحياء الخرطوم جنوب وأنها خرجت من منزل ذويها قبل (4) أيام ودونت أسرتها بلاغاً بفقدانها بالرقم (501) بالقسم الجنوبي، وأوضح شهود عيان أن الطبيبة تماثلت للشفاء بعد أن تلقت جرعات علاجية بالمستشفى وأنها قامت بنزع الأجهزة الطبية و«الدربات» بعد أن عاد لها وعيها مباشرة في محاولة للانتحار مجدداً.

وقالت مصادر إن أوراقاً وجدت بحوزة الطبيبة تحوي وصية كتبتها لأحد أقاربها ربما تشير لوجود أزمة عاطفية في حياتها هي وراء قصة الانتحار.

آخر لحظة


تعليقات 40 | إهداء 0 | زيارات 21132

التعليقات
#905459 [سنا البرق]
0.00/5 (0 صوت)

02-04-2014 08:48 AM
في خبر تاني عن طبيبة تانية غيرت دينها وتحولت للمسيحية...الدكتورات ديل مالن علاقتن بالدين بقت كدا؟؟؟


#905386 [سودانى طافش]
0.00/5 (0 صوت)

02-04-2014 03:59 AM
غايتو ناس علم النفس بيقولوا دى إسمها عملية للفت الأنظار إليها وجذب بعض الحنان , فالمحاولة غير جادة وإختارت موقع أمام العربة لكى ينقذها صاحب السيارة فى الوقت المناسب حتى أداة الأنتحار غير مميتة وسريعة الفعالية .. على أى حال يجب ألايطلق سراح صاحب السيارة حتى تتماثل للشفاء ومن ثم يتزوجها وذلك حسب الأفلام الهندية ..


#905168 [زول نصيحه]
5.00/5 (1 صوت)

02-03-2014 08:54 PM
ياحلفانكيل بصراحه انت اللى طلعت غنمايه وبااااع كمان.....وبصراحه باين انو كل الناس اللى تحت الراكوبه فاهمين ماعدا انت....رجل لايدرى ويدرى انه يدرى فزلك جاهل فعلموه...بس اريتك تتعلم وتبطل المكابره .


#905108 [متحرى]
5.00/5 (2 صوت)

02-03-2014 07:35 PM
انتو فى محاولة الانتحار ولافى قزازة البيبسى الفى الصورة عاينو ليها كويس ملانة بول


ردود على متحرى
United States [التكيكه] 02-04-2014 01:08 AM
هههههههههه ضحكتني والله
ملاحظة قوية ههههههه


#904950 [aburadi]
5.00/5 (1 صوت)

02-03-2014 05:07 PM
لا يمكن أن يفكر إنسان عاقل في الإنتحار الإ إن إنسدت في وجهه كل السبل !!!!
أيعقل أن الطبيب الإنسان الذي يفترض أنه أعرف الخلق بربه أن ينهج هذا السلوك؟
لا حول ولا قوة الا بالله العظيم .....
يا لللأسف ..... يا للأسف ....


ردود على aburadi
[عبد الله] 02-03-2014 08:33 PM
لا تاسف يا صديقى
ضغوط الحياه والفشل المتكرر يردى الى الاحباط وذلك بدوره يقود للاكتئاب وهذا الاخير يقود الى الانتحار .. الانسان ليس دم ولحم وعظم فقط ولكنه روح وعقل وعاطفه كلهم فى صراع خفى ..فقد تنتصر العاطفه على العقل وقد يحدث العكس ...الانسان يتمتع بكثير من القيم والاخلاقيات والمثل ولكن قد تاتى لحظه ينهار كل ذلك ...الطبيبه المذكوره فى حوجه الى علاج نفسى قد يطول وقد يقصر لان رغبتها الان هى الانسحاب من الحياه . نسال الله لها الشفاء العاجل من جروحها الاخليه التى تنزف ونحن لا نراها .


#904877 [سوداني موجوع على الوطن]
5.00/5 (3 صوت)

02-03-2014 03:34 PM
ثوبي إلى رشدك يا أختنا الطبيبة و استغفري الله العظيم فإن الله يغفر الذنوب جميعا مهما عظمت و ما أعظم درب الرجوع إلى الله ففيه الراحة الأبدية و السعادة ...و التائب من الذنب كمن لا ذنب له ..


#904710 [عزو]
5.00/5 (6 صوت)

02-03-2014 12:10 PM
لا حول ولا قوة الا بالله
والله خبر حزين جدا نسال الله ان يقوي عزيمتها وينور طريقها ، يا ريت اسرة الفتاة تكون قريبة منها فهي تحتاجهم بشدة واتمني ان تباشر علاجها اخصائية علاج نفسي واجتماعي بعد ان تستقر حالتها السريرية فعندما يصل الانسان لحالة الشروع في انهاء حياته عندها يكون عقله محجوبا وعيونه لا تري غير صحراء البؤس وهي نهايات نتجنبها بالتزام جانب الله والوثوق به حبا واملا لا ينقطع رجاءه.
اللهم احفظ بنات السودان


#904654 [asd]
4.00/5 (3 صوت)

02-03-2014 11:08 AM
البنت دي وثبت وثبه قويه جدا كادت تخسر الدنيا والآخره
في فيلم امريكي مااتذكر الاسم لكن موضوعه عدم الاحساس مدينه بدون احساس اذا اكتشقوا عندك احساس تقتل البنت دي عندها احساس يجب ان تقتل


ردود على asd
European Union [عمادالدين] 02-03-2014 06:46 PM
انت يا اخى تتكلم عن الإحساس وفى نفس الوقت تسخر بلا مبالاة من محنة إنسانة لانعرف ما وراءها ومن وراءها.إنها تحتاج مؤازرة وتعاطف.مش كدا؟؟؟


#904591 [عتمنى]
4.69/5 (5 صوت)

02-03-2014 10:12 AM
الدرس المستفاد أن شريكة الحياه لهل أحاسيس وشعور على كل زوج مراعاتها ولا تطلقوا الكلام جزافا وكذلك التى أحبتك وبنت آمالها عليك والقسوه حاره والله من الطرفين عليكم بفهم الحياه وأبسموا فى وجه الحبيبه حتى ولو مجامله وكذلك الحبيبه عيشوا احباء فألحياة جميله والعمر قصير.


#904587 [كوكاب]
5.00/5 (2 صوت)

02-03-2014 10:11 AM
ام البنات دي يمكن بناتها بايرات وكذلك رانيا عشان كدة كلامهم ماسخ والله السوداني الانتو شايفنو هوين وما بستاهل دا يقدر يجيب اروبية او امريكية ويختار بمزاجة عيون خضر او بنية اقعدن لي لكلامكم الفارغ دا .


ردود على كوكاب
United States [ام البنات] 02-04-2014 08:06 AM
نسوى ليكم شنو قاعدين وكاسرين كرونه فى بيوت العزابة ومادايرين تعرسو بنات بلدكم وحجتكم الفلس لاقدرتو فكيتو بورتكم باجنبيات وللا سودانيات ولاقدرتو نفضتو الكيزان الخلوكم عذابة مزمنين وهم بستمتعو بالفل اوبشن بتاع مثنى وثلاث ورباع

انا اثور اذا انا موجود


#904583 [جركان فاضى]
5.00/5 (1 صوت)

02-03-2014 10:08 AM
قالت مشكلة عاطفية...هو الانقاذ دا ما نشف عواطفك كما نشف عواطفنا...احمدى الله ان عندك شوية عواطف


#904570 [ود الامام]
1.00/5 (1 صوت)

02-03-2014 09:54 AM
انا شخصيا لا اصدق هذا الخبر اولا ورد في الخبر ان الدماء كانت تسيل من يد الفتاة والظاهر في الصورة لا يشبه الدم اطلاقا الا اذا كانت الصورة في واد والخبر في واد اخر ثم قال انها كانت تحمل مادة الصبغة فما الذي دفعها الي عدم استعمالها وخاصة انها اسهل واسرع بل وهي المادة التي تفضلها الفتيات والنساء اكثر من قطع شرايين اليد المؤلمة


#904548 [ابو الشهييق]
4.38/5 (5 صوت)

02-03-2014 09:39 AM
أفو أنا قاعد والدكتورة عندها مشكلة؟
أكّان مشكلتا عرس أنا جاهر وكان شيتاً تاني قدر قدرتنا وعرفتنا بنسويهو بس كلام الطرطشة وقلة العقل دا التخليهو .... لأن الدنيا ساعة وهذه الساعة ما أجملها حينما يكون أنيسك فيها رب العزة والجلالة ويرحل قبلك شوقاً وهياماً وحباً لرسوله صلى الله عليه وسلم ، وقمة السرور والرضاء عندما تزرع بدل اليأس والقنوط أمل وتفاؤل وابتسامة في حياة إنسان ..
دحين يا بت أمي شيلي الصبر مافي عقدة وما ليها حلال والدنيا ياهو دا حالها يوم تضحك ويوم تبكي ومرات ايام وما تخسري دنيتك واخرتك بسبب أمر دنيا وخليك ريلاكس وأكيد ربنا عندو ليها صرفه.
وخليتك في أمان الله .


#904538 [ناصر موسى الصديق]
5.00/5 (1 صوت)

02-03-2014 09:30 AM
لاحول الله ...
ربنا يعينها ويرفع قدمها

بامانة شديد .... الناس بتقول فى كم عانس لكين ماف زول بتذكر فى كم راجل ما قادر على تكاليف الزواج


#904513 [حواتي]
1.00/5 (2 صوت)

02-03-2014 08:58 AM
ثاني أكسيد المنجنيق كان ممكن يؤدي الغرض بسرعة ... لو مافي .. عليك بالكهربا يا بتي .. حاولي اتبلي بشوية موية قبل تلمسي السلك عشان التأثير يكون سريع .. قومي لفي كده .. شايلة ليك تلاتة مليون في شنطتك ودكتورة وعايزة تنتحري؟ ..


ردود على حواتي
United States [زول نصيحه] 02-03-2014 07:14 PM
ههههههههههههه تلاااااااااته مليون ودايره تنتحر؟


#904502 [ابزرد]
1.00/5 (1 صوت)

02-03-2014 08:49 AM
حيرتي المرحوم سيد خليفه في قبرو لانو غني تنقذني الطبيبه وليس انقذت الطبيبه الله يهديك


#904478 [سوداني]
3.00/5 (2 صوت)

02-03-2014 08:15 AM
المسألة فيها إنة يا الدكاترة دققو في الكشف عليها / المشكلة ما بحلوها بمشكلة اكبر منها لو في واحدة الدكتورة دي ما كانت امينة مع نفسها و دايرة تقتل نفسها كيف نأمنها على ارواح ناس تعالجهم / مفروض زي دي يمنعوها من مزاولة مهنة الطب


ردود على سوداني
United States [امل] 02-04-2014 07:59 AM
شفت الناس البتخاف من الموت مابتنتحر كلو كلو مستعدين ياذو غيرهم ويكتلو ويبيدو ابادات جماعية وانتحارية عشان مايموتو زى بشه مثلا ---والعكس صحيح

[الدنقلاوي النوبي] 02-03-2014 11:12 AM
ليس كل من رغب في الانتحار، يرغب في إيذاء الآخرين


#904475 [mutasim]
4.00/5 (4 صوت)

02-03-2014 08:03 AM
حواء السودانية كل الود و التقدير .... اتمني ان تكوني اقوي في زمان امتلاء باشباه الرجال .


#904465 [حسن جحا من كوستى]
2.00/5 (2 صوت)

02-03-2014 07:12 AM
ولزومه شنو يا اختاه؟؟ طبيبة ومن المفترض تكوني فاهمة والف من يتمناكى ومن الراكوبة كمان


ردود على حسن جحا من كوستى
European Union [أنا] 02-03-2014 10:35 AM
يعني أنت


#904463 [هجا]
4.75/5 (5 صوت)

02-03-2014 07:04 AM
الاطباء. كل الاطباء .الطبيات . كل الطبيبات ! أكثروا من قول لا اله الا الله . وفي روايه ، الناس ، كل الناس ! قولوا لا اله الا الله تفلحوا ! والجاتك نتيجة الوثبه اصابت الناس ،كل الناس ! و الله يكفينا شرور الوثبات الجايات . و ليل الانقاذ لا يزال طفلا يحبو !


ردود على هجا
United States [نوارة] 02-03-2014 11:30 AM
ههههه تعليقك اضحكني والله لافض فوك


#904454 [حسن سليمان]
4.00/5 (4 صوت)

02-03-2014 05:17 AM
قايتو الشباب السوداني اصبح جاهل بشكل ... يعني لو انتو الناس العندهم انترنت ومعهم شيخ قوقل عشان يبحثو عن اي معلومة تنقصهم ولا يعرفون أن (في العقد الرابع) تعني عمرها في الثلاثينات يعني من 30 سنة الى 39 سنة و 11 شهر و29 يوما --- السودان واطاتة اصبحت وعلى البشير وعصابته الاسلامية ان تمد رجليها وتحكم 25 عاما اخرى طالما أن المحكوم ليس بافضل حالاً من الحاكم


ردود على حسن سليمان
[حسن سليمان] 02-04-2014 09:14 AM
الله يسامحك يا حلفانكيل ولعن الله الجهل والكيزان والترابي ليوم الدين ههههههههه اوعك تكون كوز ونكون غلطنا فيك

[ليلى الشيخ] 02-04-2014 08:59 AM
حلفانكيل ياخي شيء مؤسف أن تكون جاهل ولا تعلم بأنك جاهل وهنا المصيبة
كان من الممكن تبحث عن الموضوع وانت جالس في الانترنت قبل ما تسيء للرجل العايز ينوركم
تكون أنت في العقد الاول من 1 - حتى نهاية عامك التاسع
وتكون عايش في العقد الثاني من 10-الى نهاية عامك 19
وتكون في العقد الثالث من 20-الى نهاية عامك 29
وتكون في العقد الرابع من 30= حتى نهاية عامك 39
وتكون في العقد الخامس من 40 = حتى نهاية عامك 49
إن شاء الله تكون فهمت حاجة

United States [حلفانكيل] 02-03-2014 05:10 PM
العقد الرابع عمر الاربعين يا غنماية

ما تسوي نفسك براك فاهم والراكوبة كلها ناس عاقلين ما عدا انت ومعاك بشة بتعك دا


#904447 [ود جبل حلة]
1.00/5 (1 صوت)

02-03-2014 04:40 AM
ومن الحب ما قتل


#904445 [أمير الفنون]
0.00/5 (0 صوت)

02-03-2014 04:19 AM
يا دكتورة عليكي الله عشان خاطري ما تنتحري
الدنيا دي اصلها كده واصبري ... و الله حنني الخبر يا ناس
الله يحفطظها من كل شر


#904441 [شاكوش اربعة كيلو]
5.00/5 (3 صوت)

02-03-2014 03:48 AM
انت عارفه انا متاكد وانتي في بداية مشوارك الطبي اتقدم ليك عدة شباب ومنهم من هو ليس بطبيب ولكن اولاد ناس وقعدتي تختاري وتنقي وتعزلي وتجلي ده ومرات الامهات هم سبب البورة وتصدي داك وكم صديقة جابت ليك عريس وانتي تتدللي وكم من الاهل جاءك برضو نفس الرد والزمن مشي وزول الشاكوش شافك عبرتي شارع الاربعين وفكر وقدر وعشان كدي يامتعلمات الراجل الذي ترضون دينه واخلاقه ماتفتوه والا شارع الاربعين مصيركم والله يهديك ويديك ابن الحلال


#904440 [بت البلد]
4.94/5 (6 صوت)

02-03-2014 03:40 AM
يا بتي ما تصبري مستعجلة مالك انت ما عارفه انو أقرب من حبل الوريد؟ وانو انتحارك ما بفيدك لأنو نهاية حياتك مش بايدك ... وتذكري دائما أن له في خلقه شؤون وكل شئ بأمره وبأوانه... وما تدري نفس ماذا ستكسب غدا...وأحذرك من محاولة أخرى قد تنجح ويكتب لك سوءالخاتمة ... يا بتي قولي بسم الله الرحمن الرحيم واستغفري ربك وأحمديه انو أعطاك فرصة تانية توبي فيها فهو يحب عباده التوابين والمتطهرين واستغفر الله لي ولك ...


ردود على بت البلد
European Union [ود فليل] 02-03-2014 04:12 PM
جزاك الله خير

United States [خرباش] 02-03-2014 10:25 AM
بارك الله فيك يا بت البلد الاصيلة ..


#904406 [ss]
5.00/5 (1 صوت)

02-03-2014 01:30 AM
عندها 3الف 711جنيه وتحاول الانتحار ده كلام ده


#904395 [Ahmed]
5.00/5 (2 صوت)

02-03-2014 01:02 AM
حالة اخير منها الموت
حب شنو، الجماعة عايزين
يغتوها، النسوان ما بنتحرن
عشان الرجال خاصة لمن يصلن
الاربعينات

القصة ضائقة حياتيه، لكن البقول
البغلة في الابريق منو


#904384 [أسمر جميل فتان]
5.00/5 (12 صوت)

02-03-2014 12:44 AM
في العقد الرابع من عمرها .....!!!!!!!!!! يعني في عمر الزهور؟
لانو عمر الزهور قالوا اتعدل هو كمان .. ايام وردي كان من 19 - 22 وايام البشير ده اصبح من 29-49 سنة فلسه بدري عليك يا بنيتي!!!!!

بعدين بدل ما تفكري في الانتحار فكري في الحاجات "الجميلة والمشرقة" العندك ... خريجة كلية طب وشغالة في آمان الله وفي مهنة تسمي بمهنة الانسانية وكونك تساعدي المحتاجين وتخفيي من الالامهم دي حاجة ما ساهلة خالص
ولعلمك مرات كتيرة بنصحوا الناس الذين يمرون بلحظات اكتئابية انو في لحظة الاكتئاب دي يقدموا مساعدة لواحد محتاج لمساعدة ... وانت ما شاء الله عملك كله في مساعدة الناس ومسح احزانهم....
استغفري الله وقولي الحمدلله انو كتب لي عمر جديد وخليها ذكرى طيبة تنسيها بمرور الايام....

وبعدين زي ما قالت ليم "أم البنات" ما في واحد بيستاهل!!! الموت عشانه مع التحفظ على كلمة يا الهبلة ونبدلها بالحلوة ...
ودمتم
وكما قالت احدي الظريفات هم كلهم جزم!!! في النهاية حاتلقي ليك جزمة مقاسك
هههههههههههههههه


ردود على أسمر جميل فتان
United States [جاد الرب] 02-03-2014 04:20 PM
أسمر جميل فتاااااااااااااااااااااااااااان
كلامك ابداع وفي محله

European Union [البايرة بورة اب شرا] 02-03-2014 01:44 PM
ااااااي هم كلهم جزم ، لكن عليك امان الله عمرك شفت ليك واحدة
فيهن ماشة حفيانة.
عاد ياختي الدكتورة سويتي افرش وتخين ، يعني سويتيها ظااااااهرة ،
نحن فايتنك بالصبر حبيبتي.

[سوداني عندو راي] 02-03-2014 11:28 AM
هههههههههههههههههههه
جزم عديل كده ..... اجمل تعليق حتي الان


#904371 [nagatabuzaid]
4.38/5 (4 صوت)

02-03-2014 12:23 AM
مشاكل الحياة متعددة وشائكة لكن علينا ان نلجاء الى الله ديننا الحنيف ملىء بالوصفات العلاجية علينا ان نلجاء الى الاستغفار والصلاة على النبى صلى الله عليه وسلم ونتوهط فى الواطة ونمسك المصحف فهو مشفى كامل وخاصة سورة يوسف والله نحن لوما بندخل مسشفى القران وموستوصف الاستغفار كنا زماااااااان سحلبنا من بلاوى الانقاذيين ربنا يشفى الطبيبة ويهديها ويقوى ايمانها بريها وتنتبه لاداء ما خلقها له وتترك له سبحانه ان يدبر امورها وتجعله امامها فى كل خطوة


#904342 [وادى صاولي]
4.00/5 (1 صوت)

02-02-2014 11:49 PM
الاختيار المتكرره والمتنوع للعريس سبب لها فشل في كيفية اختيار شريك حياته


#904338 [الزين الزين]
4.88/5 (11 صوت)

02-02-2014 11:41 PM
طبعا ده تاثير خطاب البشير-


#904326 [ودالباشا]
4.94/5 (5 صوت)

02-02-2014 11:13 PM
القلم بقى سبب البلم


#904309 [ج]
3.00/5 (3 صوت)

02-02-2014 10:59 PM
شاكوش جامد دة ؟ بتاع الدكاترة ما قوي لكن


#904301 [ايوب مبارك]
2.07/5 (6 صوت)

02-02-2014 10:51 PM
دي تعتبر فاقد تربوي اية طبيبةحاولت الانتحار دى ضعيفةايمان ودين وعقل مابتصلح تكون طبيبة مهما كانت الاسباب هو في حاجة اسمها عاطفة او اذمة عاطفية العوين البقن زى الرجال والانقاذ ماقصر الناس مدورة ف حلقة واحدة نسال اللة لها الهداية


ردود على ايوب مبارك
[خال مزن] 02-03-2014 12:19 AM
يارجل قول بسم الله ضعف الايمان لا يمكن يتصف به طبيب الطبيب بشر من لحم ودم ومشاعر واحساسيس معرض للاكتئاب وحتي محاوله الانتحار لست بصدد الدفاع عنها ربنا يهديها بس صراحه استغرب بعض الناس من العامه حتي يتخيلوا بان الطبيب لايمرض.


#904300 [ساب البلد]
4.58/5 (8 صوت)

02-02-2014 10:51 PM
******** شرعت طبيبة في العقد الرابع من عمرها **** بايرx عايزة تلحق القطر الصيني الخستك امس ******* الظاهر في واحد غشاها و لا يخاف عقباها ***** و الدكتورة مسخت ليها الدنيا ***** قالت احسن نخلص *****

****** الطبيبة المعنية تسكن بأحد أحياء الخرطوم جنوب وأنها خرجت من منزل ذويها قبل (4) أيام ******* الاحتمال الثاني ****** ان الطبيبة كانت منتظرة (المفاجأة) و بعد سماع خطاب (الوثبة) لحدي النهاية و اصيبت باحباط و فكرت في الانتحار *******


**** دا كلام فارغ بالذات من انسان ناضج كم و 40 سنة ****** لو قلنا مراهقة معليش **** دا ضعف ايمان ***** شفاها الله و هداها الي الصراط المستقيم *************


ردود على ساب البلد
[ابزرد] 02-03-2014 05:44 AM
يااستاذ ساب البلد فى العقد الرابع يعنى ان الدكتورة فى الثلاثينات وليس الاربعينات

ومن الحب ماقتل

وهو فى اخلاص زى ده الزمن ده والله انا ماعارف ليه مابقع فى زى دى كلو العرفتهن بالبدرة بحنكونا وتدخل عليك دخلة سمسار

United States [nagatabuzaid] 02-03-2014 12:13 AM
نعم هداها الله


#904295 [السودانى]
4.00/5 (4 صوت)

02-02-2014 10:45 PM
دكتور غبية ما تعرف موادة شديدة السمية توديها للاخرة فى لحظة


ردود على السودانى
[دكتورة جنها وجن السرحان فى ملكوت مهند ونور] 02-03-2014 05:39 AM
ده كلو بكون من تاثير المسلسلات التركية ورمانسية ناس مهند ونور سوت للناس غسيل مخ 000مالهم ناس فاتن حمامة وعمر الشريف ومنى زكى واحمد عز والله رمانسيتهم تخليك تحب الحياة والشواكيش


#904287 [ام البنات]
4.00/5 (9 صوت)

02-02-2014 10:21 PM
يا الهبلة مافى راجل بستاهل صدقينى


ردود على ام البنات
United States [سامي علي] 02-03-2014 07:04 PM
والله صدقتي ... لو كانت المحاولة دي ٠(بسبب عاطفي...هايف).. حرم ما في واحد بيستاهل... وازيدك من الشعر بيت برضه ما في واحدة برضو بتستاهل .. دا سوء خاتمة والعياذ بالله .. والرجال والنساء علي قفا من يشيل

United States [؟؟؟؟؟؟؟؟؟؟؟؟؟؟] 02-03-2014 11:46 AM
هي ما هبلة هي بتعيش مراهقة متأخرة وفيها خلل في شخصيتها وتركيبتها، ثاني حاجة إن كنت في تعليقك مازحة فشكرا لخفة دمك،،
وان كنت جادة وبدون ما تزعلي مننا يا اختي الكريمة اجزم بأن علاقتك بزوجك واخوانك واقربائك من الرجال ليس على ما يرام فيها نوع من عدم الاحترام وعدم الثقة والصدق
فهذا ليس مقياسا لكل الرجال الذين نعتيهم بأنهم لا يستاهلون فبقولك ما يستاهلوا لم تنصفي اباك ولا زوجك ولا اخوك ولا ابنك،، مع كامل احترامي لك يا ام البنات ربنا يسعدك انت وبناتك ويرزق بناتك الازواج الصالحين الذين يخافون الله ويتقونه فيهم

United States [خالد] 02-03-2014 05:04 AM
لاحظي إنك جاية من صلب راجل

[رانيا] 02-03-2014 12:37 AM
صح كلامك وأضيف مافي أي شخص يستحق التضحية دي .. الوحدة تخسر آخرتها على شنو ..الحمدللـه لحقوها وبإذن اللـه ربنا يزيل ما بقلبها من هم وغم .


#904282 [ساهر]
5.00/5 (8 صوت)

02-02-2014 10:02 PM
حمداً لله على سلامتها. ولكن! كيف لقلب يكون عامراً بالحب المُضفي إلى الانتجار، يكون فارغاً من حب الله؟
من يحب الحب الحسي لابد أن يكون له محبوب روحي.

أختاه: الدنيا لم تزل بخير، إن ضاع حبيب فيسعوضك الله بمن هو خير منه.

لقد انقلب المجتمع السوداني انقلاباً كبيراً لم تسطتع الجهات التربوية والتعليمية والدينية ملاحقته وكبح جماحه. حضور حلقة واحدة من برنامج (سارة ابو) على قناة النيل الأزرق، تجعلك تهرش رأسك لكي تتأكد هل أنت موجود أم مفقود وهل أنت تمت بأي صلة بهؤلاء المتصلين.

أكبرة فائدة جنيناها من الغربة هي أننا (تعلبنا) داخل الشقق الباردة تماماً كنباتات ظل، ولم نتأثر بما حدث في بلادنا من انقلاب اجتماعي خطير. المهم أننا حافظنا على ما تبقى من هويتنا بفضل تقنية التعليب هذه، ولكن عندما يرجع أحدنا فسوف يكتشف أنه من أهل الكهف.


ردود على ساهر
[أسمر جميل فتان] 02-03-2014 11:42 AM
التعليب نفسه يمكن تقسيمه الي تعليب اورباواميركا وتعليب الشرق الاوسط والخليج والثاني تعليبه طويلة المدي لانو في بالهم انهم راجعيين راجعيين عشان كده هم حايصبحوا اهل الكهف القادمون ويكفي انو من المطار الجماعة بيشوفوك انك "كيكه" ريالات ماشه؟؟؟!!!!

[البيان الواضح] 02-03-2014 09:38 AM
ياساهر لامست شغاف مشكلة ظلت تؤرقنا نحن المغتربين بعد انتهاء فترة التعليب إذا كتب الله لنا عمر ، لكن الأصعب والأمر والأشد أثراً هو ماذا سنقول لأبنائنا عندما يرجعون إلى السودان ويصابون بالدهشة بل والاستغراب الذي لا يعرفون له تفسير عند الصدمة القاتلة بواقع الحال الأخلاقي بالسودان ، وأيضاً ماذا سنفعل لنستطيع إفهامهم شيئا مما يجري أمام أعينهم ، الظاهر أننا جميعاً سنحتاج إلى أطباء نفسسين ومرشدين اجتماعيين ومصلحين أسريين لتعديل الحال المايل ولو بنسبة 60% ، والله المستعان

[Kudu] 02-03-2014 08:41 AM
فعلا يا ساهر التغيرات الاجتماعية التي تحدث في السودان تحدث سريعا لا يمكن تتبعها لسرعتها والشئ المخيف انها تغيرات نحو الأسوأ دائما.. التعليب كما ذكرت له فوائده اذ يمكن ان تجد هوية سودانية اصيلة معلبة في بلد ما!!!

United States [julgam] 02-03-2014 08:05 AM
والله فعلآ نحن من أهل الكهف ..المشكلة ليست فينا المشكله فى أولادنا ..أى سودانى عندهم عمو وأى سودانيه خالتو..بس انشالله نرجع بعد سنين عددا ونلقى الوطن اللى كان ..والناس اللى كانوا حتى لو (ورقنا هذه) ما جابت لينا مريسة تام زينه نرجع نتعلب تانى أو نصير نسيآ منسيا..كله يهون عشان وطن الجدود أبو قدود..

[ابوجمال] 02-03-2014 07:29 AM
بس اهل الكهف كانو فتية امنو بربهم

European Union [Wadalfa7al] 02-03-2014 01:05 AM
ههههههههههههههههههه
والله ساهر انت أحلي واظرف زول يا معلب انت
هههههههههههههه


#904271 [جبريل]
4.94/5 (5 صوت)

02-02-2014 09:42 PM
دكتورة تنتحر ؟ طيب المساكين يعملوا شنو؟؟؟


#904265 [ابو طارق]
5.00/5 (10 صوت)

02-02-2014 09:33 PM
لا حول ولا قوة الا بالله هل نزع الايمان لهذه الدرجه بينها وجهنم دقائق اللهم فرج عنها وعن جميع اهل السودان


ردود على ابو طارق
United States [خالد] 02-03-2014 05:05 AM
اللهم آمين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة