الأخبار
أخبار إقليمية
عاملات منازل سودانيات للسعودية
عاملات منازل سودانيات للسعودية
عاملات منازل سودانيات للسعودية


02-03-2014 05:21 PM
د/ عادل عبد العزيز الفكي

قصدت أن يكون عنوان المقال (عاملات منازل) وليس (خادمات منازل) منعاً للشعور بالصدمة والرفض التلقائي للطرح. أدعوك عزيزي القارئ أن تمر على ما يلي من كلمات بعين العقل والمنطق لا بعين العاطفة.

ورد في الأخبار أن من ضمن الوظائف المتاحة بالمملكة العربية السعودية للأشخاص حاملي الجنسية السودانية وظائف خادمات منازل. قرأت تصريحاً لأحد مسئولي مكاتب الاستخدام يشير فيه الى أنهم لن يسمحوا بتوظيف السودانيات في هذه المهنة. ولم يوضح سبب الرفض. غير أنه من الواضح أن المسئول المذكور يعتبر الأمر فيه إساءة للسودان وللسودانيات. وهذا كلام فيه نظر. ما هي المعايير التي يستند اليها؟ وعن أي مجموعة بشرية سودانية يتحدث؟ وهل أجرى مسحاً عاماً أو محدوداً وقف من خلاله على نسب الراغبات أو الممانعات في هذا النوع من الوظائف؟

موظف الحكومة هو بالانجليزية Public Servant وترجمتها الحرفية خادم الحكومة. ولا تثير الكلمة أي حساسية. بالمقابل اذا احتجنا لشخص يعمل بالمنزل ماذا نسميه: خادم منزل، مدبر منزل، عامل منزل. في الحقيقة هي مترادفات لمهنة شريفة لها مهام محددة تؤدى بالمنازل. واذا كانت الأنظمة في المملكة العربية السعودية تشير لهذه المهنة باسم خادم أو خادمة منزل فينبغي ألا يثير هذا الأمر أي حساسية. إنها مهنة كغيرها من المهن. يعمل فيها الرجل أو الأنثى بكامل حريته ولا تتضمن مواصفاتها العبودية أو امتهان الكرامة.

من ناحية ثانية تشير إحصاءات الاقتصاد السوداني الى أن نسبة البطالة في قطاع القادرين على العمل تتجاوز 20%. وأن نسبة السكان تحت خط الفقر 46.5%. الظروف المحيطة بالاقتصاد السوداني في الوقت الحالي لا تنبئ بإمكانية تقليل هذه النسب خلال فترة قريبة. وبالتالي فإن أي فرص للتشغيل داخل أو خارج السودان مطلوبة بشدة لإخراج أكبر عدد من السكان من دائرة الفقر. أما الموافقة على امتهان مهنة معينة فهذا اختيار فردي مرتبط بالشخص نفسه. فما لا تقبله أنت حسب تعليمك أو ثقافتك أو بيئتك قد يرتضيه شخص آخر يحتاج أو تحتاج الآن للعمل بشدة للخروج من دائرة الفقر ومساعدة الأسرة. وليس للحكومة أو أي سلطة عامة أن تتدخل أو تتحكم في هذا الاختيار الفردي ما دامت الوظيفة مشروعة وليس فيها استعباد أو امتهان لكرامة الإنسان.

قد يجادل البعض بالإشارة لحوادث حصل فيها انتهاك لحقوق الإنسان في بعض الدول للعاملات في المنازل. والرد يكون هل هذا هو الأصل؟ وهل القوانين في هذه الدول توافق على هذا الانتهاك أم تعاقب عليه؟ الأمر الواضح أن التصرفات الفردية لا ينبغي أن تعمم على كل المواطنين والأسر في تلك البلدان التي تحترم من يعملون لديها. وواجب الدولة أن تعين ملحق عمالي في كل دولة فيها عمالة سودانية كثيفة للتأكد من شروط الاستخدام المناسبة والمرتبات الجيدة وغيرها.
مطلوب من منظماتنا النسوية على وجه الخصوص النظر بعمق لمثل هذه القضايا. وعدم التقوقع في اطار ثقافة معينة أو مستوى اجتماعي مخصوص. عليها النظر للسودان الكبير في كل اطرافه. وللفقيرات طالبات العمل من أجل سد الرمق والخروج من حالة الفقر وهن كثيرات. وبالطبع فإن هذه المنظمات على علم بأن البدائل للجائعة أو الفقيرة قاسية وصادمة وغير مقبولة. والله الموفق

السوداني
[email protected]


تعليقات 270 | إهداء 0 | زيارات 48796

صفحة 1 من 512345>
التعليقات
#932489 [خالد ازيرق]
0.00/5 (0 صوت)

03-04-2014 12:52 PM
تف عليك ابها الكلب العقور .........اترضي لاختك
ان تعمل بالسعودبة..


#932285 [محمد]
0.00/5 (0 صوت)

03-04-2014 10:34 AM
للأسف أنا لا أعرف شيء عن الدكتور عادل عبد العزيز و لكن الذي جاء به من تبريرات لهي أمر مما يمكن أن يلحق بمهيرات السودان من عار . يا دكتور أنت تربيت وين ؟ قصدي في هذا السودان ولا في بلد آخر ؟ ما تقول لي حرية اختيار وخط فقر و حاجة و بطالة دا كلام فارغ و بعدين عمرك سمعت بالسودان صدر خادمات لأي جهة في العالم ؟ يا دكتور أنت لو بتعرف أي حاجة عن حالة الخادمات في السعودية ونظرة المخدم لهن ما بتقول مثل هذه التبريرات الفارغة .


#932270 [مجدي عثمان]
0.00/5 (0 صوت)

03-04-2014 10:20 AM
ياكاتب المقال , لتعلم ان الاسر الخليجيه لاتحفظ كرامة هؤلاء الخادمات
ولو انت راضي بيها رسل اخواتك وبناتك يشتغلن وبعد سنه كده ورينا الوضع كيف

قال لسن خادمات وانما عاملات منازل هههههههه
شر البلية مايضحك
قوم لف


#930723 [السوداني سوداني]
0.00/5 (0 صوت)

03-02-2014 03:54 PM
العودة هوامير البورصة السعودية > > الاسهم السعودية
تحديث الصفحة بعدغضب اليمن - السودان يرد على وزير العمل السعودي بشأن تصدير خادمات سودانيات للسعودية
اسم العضو حفظ البيانات؟
كلمة المرور


التسجيل اضف الموقع لمفضلتك بحث جوجل فوركس هوامير التقويم





الذهاب إلى الصفحة...







بعدغضب اليمن - السودان يرد على وزير العمل السعودي بشأن تصدير خادمات سودانيات للسعودية

--------------------------------------------------------------------------------

اليمن.. السودان: قوانيننا تمنع تصدير العاملات المنزليات
السفير السوداني: لم نتلق أي طلب رسمي من المسؤولين في المملكة
عبدالحافظ إبراهيم




2011-09-20 2:51 AM
توالت ردود أفعال مسؤولين مقيمين في المملكة على تصريحات نائب وزير العمل حول استقدام العمالة المنزلية، فبعد السفير اليمني أكد نظيره السوداني عبدالحافظ إبراهيم محمد أمس، في خطاب بعثه إلى "الوطن"، أن قوانين بلاده لا تسمح بتصدير العاملات المنزليات، مشددا على رفض المجتمع السوداني مثل هذه الفكرة من الأساس.
وقال السفير عبدالحافظ إن القوانين السودانية تمنع تصدير عمالة منزلية نسائية للخارج، مشيرا إلى أن بلاده لم يسبق أن صدرت عمالة نسائية منزلية إلى أي دولة في العالم.
ونفى السفير، في البيان تلقي السودان أي طلب رسمي من قبل المسؤولين في المملكة بهذا الشأن، موضحاً أن بلاده بحاجة إلى مثل هذه الشرائح العمالية الأمر الذي دفع مسؤولين في السودان للعمل على استقدام عمالة من الخارج لسد النقص.
ونوه إلى أن المجتمع السوداني لا يقبل أي فكرة من هذا القبيل، منطلقاً من عاداته وتقاليده المحافظة، مذكراً بأن بلاده ظلت ولعقود طويلة تسهم في تنمية وبناء واستقرار الدول العربية الشقيقة من خلال رفدها بكفاءات عالية في كافة الميادين، الأمر الذي ظل محل تقدير وإشادة من قبل المسؤولين بتلك الدول في أعلى مستوياتها.
وأكد عبدالحافظ أن وزارة العمل في السودان تقف ضد هذا التوجه بيد أنها تؤيد منح تأشيرات وفتح فرص عمل للسودانيات في المصانع والمؤسسات والشركات والمنشآت بشرط وجود عقود عمل واضحة.
فيما أعرب عن شكره وتقديره لحكومة خادم الحرمين الشريفين لرعايتها للعمالة السودانية في السعودية وما تجده من عناية واهتمام من قبل القيادة الرشيدة ومن الشعب السعودي الأبي.
ويأتي رد السفارة السودانية بعد يوم من استدراك وزارة العمل لبيانها حول فتح باب الاستقدام من اليمن، وتوضيح وزيرها أن الأمر يختص بالرجال فقط، ومطالبته بحسن الظن ممن "تهجم على القرار واعتبره إساءة لدولة شقيقة".
وأعاد المتحدث الرسمي باسم وزارة العمل حطاب العنزي في تصريح إلى "الوطن" أمس التأكيد على أن مصطلح العمالة المنزلية لا يختص بالنساء فقط، وأنه يندرج تحت هذا المسمى 13 مهنة أغلبها تختص بالرجال.
وكان وزير العمل المهندس عادل فقيه أوضح في بيان أول من أمس أن مصطلح العمالة المنزلية يشمل الوافدين من الرجال والنساء ولا يقتصر على العاملة المنزلية فقط، حيث يشمل مهنا مختلفة كممرض خاص، حارس منزلي، أو حارس لممتلكات الفرد كالعمارة والمزرعة، طباخ منزلي، مضيف، بستاني، عامل، وسائق وغيرها من المهن التي تصدر لرب الأسرة للعمل بالمنزل أو خارجه في غير الأغراض التجارية.
وأشار إلى أن الوزارة تستخدم مصطلح العمالة المنزلية للتفريق بين العمالة المستقدمة لصالح فرد وما بين العمالة المستقدمة لصالح منشأة خاصة بتصريح عمل كشركة أو مؤسسة خاصة


ردود على السوداني سوداني
[عبدالرحمن] 03-04-2014 06:30 AM
لا أدرى ماهي الفكرة بإعادة نشر موضوع قديم تم نشره في 2011-09-20 2:51 AM - أهو إستخفاف بعقول الشعب السوداني. أم هي وسيلة لإسكات الأراء التى اجمعت على سخف طرح الخبير الإقتصادى الذى لم يكلف نفسه عناء البحث في مسببات التدهور الإقتصادي بالبلاد ومن ثم العمل على إيجاد حلول تخرج البلاد من دائرة الفقر الذى أشار له بمقاله ، الذى لا يصلح أن يخرج من شخص عادى في المجتمع ناهيك عن أنه يوصف بأنه خبير إقتصادي عضوء بهيئة متشارين مجلس الوزارة. نعم الهيئة ونعم الشورى ي .
نخلص أن الدولة ماضية في بيع شرفها حرائرها حتى يخرج السودان من دائرة الفقر!!! سبحانك ربي !!!


#928290 [دابي الكر]
0.00/5 (0 صوت)

02-27-2014 04:54 PM
التعليقات اكفتنا الكثير من الأراء التي تحمي أخوات مهيرة - ولكن كاتب المقال إذا كان هو د. عادل الذي تستضيفه القنوات الفضائية كخبير اقتصادي وهو والله العظيم لا يفهم شيئاً ولا أعرف كيف حصل على الدكتوراة وربما يكون اجتهاد أكاديمي فقط - هو كوز كبير شأنه كباقي الكيزان - يتنقل في المناصب حيث يشاء - والكيزان كما نعلم ويعلم الجميع يعملون من أجل تدمير الوطن والمواطنين - وإلا ما سبب بقائهم في السلطة بعد أن دمروا الخدمة المدنية والمشروعات الكبرى مثل مشروع الجزيرة وشردوا الموظفين ( الصالح العام) وقسموا البلد انفصل الجنوب ودارفور وجنوب كردفان وجبال النوية والنيل الأزرق في الطريق وافقروا الناس بالجبايات والضرائب وخلقوا طبقة من المترفين الفاسدين المفسدين (من الكيزان طبعاً) ودمرو اقتصاد البلد بسبب كراهية الأسرة الدولية برمتها لهم بسبب سبهم للغرب وتعاملهم مع ايران هم لا يفهمون في السياسة (انظروا كيف أصبح قيادات السودان بسببهم مطلوبين للعدالة الدولية - إن كانوا يريدون بالسودان خيراً فليذهبوا وكل شيء سيعود إلى وضعه الطبيعي - د. عادل هذا يريد أن يضرب آخر شيء في السودان وهو المرأة السودانية - النصيحة يا عادل واضحة إن لم تكن علاقاتك جيدة مع المجتمع الدولي فستسحق اقتصادياً فانصح كيزانك بأن يذهبوا حتى وإن دبروا انقلاب - لينفتح علينا العالم ولا نحتاج أن تعمل حرائرنا في بيوت الخليجيون أو غيرهم - أرحمونا يرحمكم الله


#924085 [abuhamza]
0.00/5 (0 صوت)

02-23-2014 04:13 PM
حسبنا الله ونعم الوكيل على من اوصلونا لهذه الدرجة ويا اخوتي ايهما اكرم لنا المايقوما التي نشأت في عهد هؤلاء الكفرة ام العمل الشريف ؟؟؟؟؟؟؟؟؟؟؟؟؟؟؟؟؟


#921282 [راعي غنم ابليس]
4.00/5 (3 صوت)

02-20-2014 03:30 PM
لكم كنت فخوراً متباهياً، يملؤني العجب والغرور وأنا أتنبّر قائلاً بأن بلدي الحبيب لا يسمج لحرائره بالعمل كخادمات منازل خارجياً سواء أخليجية كانت أم غيرها. ولكن، وللأسف، فقد انقلب ذلك العجب والفخر والمباهاة إلى إحباط وخزي بعد قراءتي لمقال د/ عادل عبد العزيز الفكي بإيراد ذلك الخبر المفجع مع التبرير له وإيجاد المسوغات والحجج المبررة له من ضيق حالٍ وشظف عيش وفاقة. ولكن لا عجب، فإن من فصل جنوبنا الحبيب وبتر أرجلنا وجعلنا كسيحين، لن يطرف له جفن لبيع عرضنا.
ولكن أخي العزيز لا أجد مبرراً ولا مسوغاً لما تحججت به. أنت لا تعرف ما يجري في بيوتات أهل الخليج من امتهان ومهانة واستغلال لمثل أولئك النفر المستضعفين مهيضي الجناح. أولاً، ليس هناك حفظ لكرامة وإنسانية هذه الفئة. فعندما تدلف تلك الخادمة ذلك الباب تصبح ملك يمين لأولئك النفر، لا حقوق لهم ولا كرامة. تصحو الواحدة منهن من نومها قبل أي فرد من أفراد تلك العائلة وآخر من ينام في البيت. تقوم بكل الأعمال دون استثناء إلى جانب "حاجات تانية حامياني". أتتخيل أخي أنها تقوم بتفريغ سيارة كفيلها المعبأة بالغاز وقوارير المياه وكراتين الخضروات والفواكه التي تهد الحيل!!!
وحين كان بلدي ذلك الشاب المزدهي نضرة وفتوة "مُحدِّراً طاقيته المنسوجة بيدي محبوبته، بنت القبيلة وفخارها، من الحرير الأحمر، وتزين ذراعه سيور جلد من جلد خروف رعي خريف بلادي، ومن تلك السيور تتدلي سكين حادة تجز رقبة كل من قلّ الأدب وتطاول – وما أكثرهم في وقت تكاثرت فيه بنات آوى وضباع الصحاري الجائعة الباحثة عن الجيف التي تشبهها وتألفها.
وحال بلدي الحبيب كحالي يوم أذّن مؤذن بالرحيل فقلت:
في العصير ساعة الغروب
ساعة الشمس ورّدت وجنات الأفق
حضنت أولادي الصغار
بلهفة الخايف الفراق
وفلاتي بالدرب تكرن
أمشي وأخب لمن الكرعين بققن
لا وين أقبِّل!!!
والله ما عارف لي قبلة
والدروب من عيني اختفن!!!!!

فهلاّ أرعويت وارتدعت عن هذه الطريق العوجاء التي تقود إلى التهلكة وذلك المنحى والسابقة الخطيرة التي ستقودنا إلى درك قاعه وخيم!!!
اللهم احفظ حرائرنا الكرام بنات العز والشرف والنخوة
فلتعلم يا هذا أن الحرة لا تأكل من ثديها!!!


#920641 [علم الدين محمد أحمد]
0.00/5 (0 صوت)

02-20-2014 02:34 AM
من هو سعادة الدكتور
بحثت بمحرك البحث Google لإطالع من هو عراب الإقتصاد السوداني والخبير بمشاكل مجتمعه والذى يجب محاكمته هو والطغمة الفاسدة التى أتت به وأمثاله والذين لولا هذا النظام لم يكن لأحد بأن يسمع لهم :
من هو الدكتور عادل عبد العزيز الفكي :
http://www.advisors.gov.sd/index.php?option=com_content&view=article&id=87&Itemid=94


· نستعرض في هذه المساحة جانبا من السيرة الذاتية للواء ( م) د. عادل عبد العزيز الفكي عضو قطاع الأمن والدفاع بهيئة المستشارين حاصل على الدكتوراه في الاقتصاد جامعة الزعيم الأزهري وليسانس الحقوق جامعة القاهرة فرع الخرطوم وشهادة تنظيم مهنة القانون ودبلوم علوم الشرطة كلية الشرطة السودانية.

· حاصل على وسام الخدمة الطويلة الممتازة.

· عمل بعدة مواقع منها إدارة تقنية المعلومات بوزارة المالية والاقتصاد الوطني ، سفارة السودان بالمغرب وإدارات مختلفة بالأمن والشرطة.

· عمل محاضرا بمعهد تدريب الضباط والأكاديمية العسكرية.

· تلقى العديد من الدورات التدريبية في مجال تخصصه.

· عضو في العديد من المؤتمرات منها وفد السودان لمؤتمر قمة الدول الإسلامية بالدار البيضاء 1995 ووفد السودان للمؤتمر الوزاري للمنظمة العربية للتنمية الصناعية والتعدين.

· قدم العديد من الأوراق العلمية في مؤتمرات محلية وخارجية.

له العديد من النشاطات الرياضية منها توليه منصب السكرتارية للاتحاد السوداني لبناء الأجسام ومحاضرا معتمدا في تحكيم كرة القدم.

له العديد من المقالات العلمية في عدد من الدوريات والمجلات والصحف المتخصصة


#920127 [محمد الحلاوي]
5.00/5 (1 صوت)

02-19-2014 02:10 PM
كان من المفترض موضوع النقاش الحلول الايجابية لمشكلة الاقتصاد وانما استقلال الحرائر لتحسين الاقتصاد فهذا ادني سبل الفكر الانحطاطي للكاتب ايعقل لم تجد من يحسن اقتصادك غير كرامتك وماذا بعد فقد الكرامة لو صار السودان افضل من دول العالم الاولي .
وعجبي انهم يدعون انهم اسلاميون ايقبل بلد مسلمه تطلق العنان لنسائها التحرر .


#919703 [علم الدين محمد أحمد]
0.00/5 (0 صوت)

02-19-2014 05:25 AM
استهل تعليقي : ماذ يعرف د/ عادل عبد العزيز الفكي عن المجتمع السعودي !! وماذا يعرف سعادة الدكتور عن مجتمعه السوداني ؟ تحدثك عن مشاكل الإقتصاد السوداني بهذه السذاجة دونما محاولة تقديم حلول عملية لمشاكل المجتمع Socio-Economic وكيفيفة إعادة صياغة المجتمع وفق رؤية تستوعب الجانب العقلي والعاطفي الذى إستهللت به مقدمتك لهذا الطرح المعيب . حقيقة تقززت وأنا اطالع هذا السفه الذى يقدمه شخص يتقدم إسم حرف الدال !! تظن أن مشكلو مجنمعك تكمن فى عدم قبول لفظ خادم أو خادمة !! يامة ضحكت من جهلها الأمم.. كأنك بهذا الطرح الفقير تسوق فكرة إستغلال المرأة بأى وجه حتى تخرج عن دائرة الفقر..


#918749 [مخو]
0.00/5 (0 صوت)

02-18-2014 12:31 AM
يعنى عاوزنا نفك بناتنا واخواتنا عشان نفك ازمتك العملتها ده ، ياأخى خلى المناصب الماسكه ده لبعض الشباب انت ومن معك وازمة البلد حاتروح انت النقر وةير وعضو مجلس ادارة بنك ورئيس شركة اجمع واﻻ اطرح ماعارف وضابط فى جهاز اﻻمن يعنى ديل كم وظيفه بتلقى ليها وقت بتين واﻻ هى خم قروش وبس. اها وديت جواز منو فى محارمك


#918493 [khilo]
0.00/5 (0 صوت)

02-17-2014 06:28 PM
والله كﻻم عجيب يعنى امثال هذا الشخص المتسلق يريد ان يشغل حرائرنا فى سعودية السجم ، هو عارف ليه السعوديين فتحو الفرصه للسودانيات ﻻنو الفلبين واندونيسيا رفضو يدوهم خدمات بسبب مشكلة الخدامه اﻻندنوسية التى لم تعطى راتب لمدة خمسه سنوات واهلها ﻻيعرفون عنها شى ، يعنى ده عربى بهين عامله كل هذه الفتره فمن يضمن لك ان تعامل السودانيه معامله حرة اذا افترضنا او سلمنا بعمل السودانيه. اللهم عجل برحيلهم


#916883 [falo alo]
0.00/5 (0 صوت)

02-16-2014 11:05 AM
قبحك الله يا هذا يا صاحب الدال غير الفاعلة
ان كنت تعتبر السعوديين ملائكة ويحنون علينا بهذه الوظائف الوضيعة فانت واهم فالسعودية لم تلجا اليك لا بعد ان اغلقت امامها كل ابواب العالم في هذا المجال خاصة اندونيسيا وغيرها
وانت اكيد غير ملم بطبيعة هذا الشعب فالخامة متاحة ومباحة للكبير ولتعليم الصغير
ما بكم كيف تحكمون


#916536 [قبحك الله وقبح طرحك المنحط]
0.00/5 (0 صوت)

02-16-2014 12:02 AM
قد يجادل البعض بالإشارة لحوادث حصل فيها انتهاك لحقوق الإنسان في بعض الدول للعاملات في المنازل. والرد يكون هل هذا هو الأصل؟
نعم هذا هو الأصل، انتهاك حقوق الخادمات هو الأصل وهو الواقع الذي ليس فيه جدال، إذا كنت ترضى هذا لأمك وأختك وإبنتك وخلتك وعمتك، فإن الشعب السوداني كله لا يرضى هذه المهانة، وأقول لك مهانة لأننا نعرف كيف تعامل الخادمات في تلك البلاد، بل كيف يعامل الكل بما فيهم الأطباء وأساتذة الجامعات وغيرهم من حملة الشهادات العليا الذين يعانون الأمرين من التعالي والاحتقار والإذلال والمهانة، ورغم ذلك يتحملون ويصمدون لا لشيء وإنما كما أقول أستاذنا الجليل (الأولاد بيذلوا الراجل)، فكيف الحال بنساء ضعيفات لا قدرة لهن ولا احتمال وقد تعودن على الاحترام والتقدير وسط الأهل والأقارب والجيران والحبان.
إن من ينادي بأن تذهب المرأة السودانية لتعمل خادمة في دول الخليج هو جاهل مغرور وأعمى لا يرى وأصم لا يسمع، بل هو يدعو للفتنة لأن ما ستتعرض له السودانيات في دول الخليج لن يحتمله السودانيون بطبعهم الحامي ودماءهم الحارة، فأقول وأعيد قبحك الله وقبح طرحك.
نعيش الفقر ونربط الأحزمة على الجوع والمرض وتعيش نساؤنا شريفات طاهرات موفورات الكرامة، ولا نتسول بهن لقمة العيش.
نعم قبحك الله وقبح طرحك وأنت تدعونا لمثل هذا في زمن المهازل والإنحطاط.


ردود على قبحك الله وقبح طرحك المنحط
[hafiz basha] 02-16-2014 11:24 AM
الغيرة زينة الرجل وهي حليته وهي كمال رجولته بل هي وربي الكنز المدفون في أعماق قلبه وهي أم الفضائل وسيدة الجمال وتاج الحسن good good


#916496 [ود السعادة مغترب]
0.00/5 (0 صوت)

02-15-2014 11:07 PM
نحن كسوداننين في أي مكان لا نقبل هذه الإهانة مهما كلف الأمر ونحن شعب الواحد يعمل لأجل أهله وإخوانه بغض النظر عن الأخوات نعمل لهن المستحيل ناهيل عن إهانتهن بهذه الطريقة ،،،
فالسعودية أصبحت غير راغبة في عمل الكل ونحن مهما وصل بنا الحال لا نساوم بشرفنا وكرامة المرأة تهمنا كما أوصى بها ديننا الحنيف ونحن قوامون قوامون قوامون بإذن الله تعالى والله يكون في عون من يناقش هذه الأمور فلو أنت صادق أرسل بنتك أو أختك يا ديوس والله من وراء القصد هاشم محمد موسى


#915378 [نافع الما نافع]
5.00/5 (2 صوت)

02-14-2014 11:46 AM
تعرف يا دكتور ان دايرك تقعد تتخيل في روحك لمن تموت ودى طبعا حال كل البشر.
اولادك جعانين.
زوجتك مشت السعودية خدامة.
مطهرة طهورة سمحة.
كل يوم بعد تنظف وتتعب تمشي تتدلك وتتدخن للسعودي سيد البيت.
واخر مزاج.
وكله حلال في حلال ما ايمائكم وكدى.
وبعد يزهج منها ترسل تجيب بتك الكبيرة.
واخر مزاج.
لكن اخر الشهر القروش تمشى كتيرة لاولادك الجعانين في السودان.
انت موت موتك وان شاء الله اولادك دى حايكون مصيرهم.
واخر مزاج.


#915329 [montasir]
5.00/5 (1 صوت)

02-14-2014 10:35 AM
في النهاية الموضوع بيرجع لكل انسان وظروفه في ناس في السودان صراحة ظروفها كلمة صعب قليله عليها فما ممكن تلوم ناس زي ديل لو قبلو انوا بنتهم تشتغل خدامة او مساعدة في منزل لكن اللوم على الحكومة اللي وصلت المواطن السوداني للمرحلة دي ويا يريت يوقف على كدا


#915238 [العساف]
5.00/5 (3 صوت)

02-14-2014 05:47 AM
أنا سعودي ولكن واللة لا إرضاء ان الأخت السودانية تعمل خادمة فى مجال الطب او التمريض او المشغل لا باس


#915119 [ابراهيم الحسني]
4.50/5 (3 صوت)

02-14-2014 12:03 AM
بسم الله الرحمن الرحيم نحن فى السعوديه عندنا من الشغالات الاندنوسيات عشرات الالاف وكذلك الفلبينيات والسرلنكيات والان من كينيا الكثير فجميعهم الا القليل القله عندهم مشاكل اتكلم عن نفسي كانت عندى شغاله اندونوسيه جلست اكثر من خمس سنوات معززه مكرمه تقوم بعملها وفى رضى تام ولاتربد تسافر لولا وفات امها والان عندى شغاله كينيه انتها عامها الثانى ولاتريد السفر فنحن لسنا وحوش فى صوره بشر نحن نعامل الناس بالحسنى ولا نتكبر على احد ابدا ولا نهين من عمل عندنا طبعا فيه شواذ وناس قله يتكبروا حتى على اعز الناس لهم عموما اشكركم كل الشكر على اخلاقكم النبيله .


#911602 [ABAS]
4.00/5 (1 صوت)

02-10-2014 03:57 PM
قول لي الراجل ده (واشك في انو راجل) اديني اختك تشتغل خادمة عندي في البيت وبديها 100000 ريال سعودي قال عاملات قال


#911155 [القلع]
0.00/5 (0 صوت)

02-10-2014 09:58 AM
انت فاكر السعودين ديل ملايئكه ديل كان الله بالعون بس
ولا انت فاكر فعلا في وظايف عشان اجلبوها ليها خادامات ديل سماسره دايرين اتاجرو بي البشر بس
امش اقرا في الجرايد اعلانات بيع الخدم وين الرجوله ياناس


#910585 [أبوطالب]
5.00/5 (2 صوت)

02-09-2014 02:58 PM
والله عينة المتفلسفين الزى دة هم السبب فى كل الاستخفاف والاستحقار . عليك الله شوف الزول منطقو يا زول ارجل ,انت هسة عامل فيها الاساءة ما بتوصلك . هم السعوديين الطبيبة جلدوها بالعقال ناهيك عن الخادمة . قال الناس محتاجة ان شاء الله تحتاج للهبوب الهابة دى بركة الله .


#910098 [أبو أمين]
3.07/5 (6 صوت)

02-09-2014 07:56 AM
الدكتور عادل عبد العزيز الفكي تناول هذا الموضوع بعلمية ومنطق واحصائيات .نسبة العطالة بلغت 20% بين القوة العاملة القادرة علي العمل . نسبة الفقر 46.5% . الجماعة الذين يرفضون هذه الفكرة عليهم أن يطرحوا لنا بدائل لحل مشكلة العوائل الفقيرة وقد قرأت قبل قليل أن أحد الشباب حاول الانتحار لنه فشل في شراء دواء لوالدته المريضة.الي هذا الحد وصل بنا الحال في أغني بلدان العالم بالموارد الطبيعية .


#907585 [المنجلك]
2.13/5 (5 صوت)

02-06-2014 04:23 AM
ابيت الكلام المغغط وفاضى زعلانين عشان حواء السودانية ستذهب خادمة بصورة رسمية وما الجديد والغريب فى ذلك. الاشياء المعيبة كثيرة(تعليم صحة تغذية قدوة حسنة الاسرة الفساد الاستغلال الجهل الحرب الفقر المخدرات وهلم جرا) ولعل الخادمة اقل الشرور. اذا اردت الاطلاع على احوال دولة عليك بدراسة وضع النسوة فيها.

معليش للمغتربين خاصة السعودية لقد هربنا للغربة حفاظا" على الكرامة ولكن يجب ان نعلم ان كرامتنا فى القتال من اجل الاوطان وحتى تشرق شمس حواءنا مرة اخرى.


#907521 [خال فاطمه]
2.00/5 (9 صوت)

02-06-2014 01:09 AM
سيادة د/ عادل عبد العزيز الفكي
عندي لك شغله لاحد من افراد محارمك اختك او ابنتك او حتي زوجتك براتب ضعفين راتبك بالدولار انا جاد جدا ان تشتغل خدامه او خليها احسن مديرة منزل لصديق ثر ي جدا في الجزائر العاصمه وهاك رقم التلفون
( 00213772094451) حدد المرتب بشرط ان يكون ضعف مرتبك سوف تعامل تلك الحدامه احسن معامله . واوعدك الوظيفه موجوده . شفت كيف دكتوراتك الخدامه تفوقت عليها بالمرتب . نحن في انتظار ردك الرجاء ارسال صورة من جواز اختك او اي وليه من محارمك يا دكتور


ردود على خال فاطمه
European Union [مبارك احمد عبدالرحمن] 02-14-2014 01:49 AM
ياسعادت الدكتور والله لوشغلتني انشا الله سايق تاكسي ربنا يدخلك الجنه انت عارف ليه لاسباب كتيره لوحابي تعرف منها ده رقمي 0912424417 الله يخليك للسودان


#907434 [رامى]
3.38/5 (7 صوت)

02-05-2014 11:25 PM
والله انك زول سافل واشك انك سودانى واخو نسيبة التى هى عزة وكرامة وشرف كل سودانى بالداخل والخارج الاصيله الرزينة بنت بلدى يا فخرى وعتزازى . معقول تكون جارية وخادمه تحت ارجل السعوديين . نحن نعرف اية الخادمات من الجنسيات الاخرى والتى تعمل بالبيوت اية بصير ليهم , لا تبيع اخى كرامتك وشرفك من اجل لا شفى النهاية غير الاهانه للسودان ككل وترتضى ان حراير السودان يخدمن فى بيوت مثل ديل , لك الله يا بنت بلدى ونسال الله تعالى ان يكفيكهن شر اللذين يتاجرون بعروضكن وشرفكن , لكم الله يا بنات السودان من كل شر ,,


#907399 [kk]
2.25/5 (5 صوت)

02-05-2014 10:44 PM
موش عارف الناس دي زعلانه ليه السودان فيه عده ثقافات في ناس الشرق والشمال والوسط مثلا فى ثقافتهم الكلام دا عيب واحتمال ناس السودان الجديد ما عندهم مشكله حتي بعض حريمهم في ثقافتهم صناعه المريسه موش عيب فالعمل كخادمات ليس فيه شئ وعلي الحكومه ترك الامر لاصحاب الشان وثقافتهم


ردود على kk
European Union [Alsafara] 02-06-2014 01:50 AM
really ( KAAKA)i


#907300 [booka]
4.13/5 (6 صوت)

02-05-2014 07:32 PM
اولا يا استاذ ان جاز لنا وكنت اهلا لهذه التسمية ترجمتك الحرفية السطحية هذه لا تؤدي المعني الذي يدور في مخيلتك الخربة فشتان بين المفردتين هذا ان كنت متعلما من الاصل . ثانيا : كيف نزج بسائنا في احضان الرجل السعودي المكبوت و الذي لاتامنه اخته و امه في البيت ,,


#907247 [لبني]
3.88/5 (4 صوت)

02-05-2014 06:20 PM
هندسة ومنذر، انتو معترضين من اجل الاعتراض ولا شنو، ويا هندسة انت معقول هتكون لأنو شغلك تمانية لخمسة يعني عندك وقت كتير في يدك ترقع بيه ماهية الهندسة، اصلو البلد ياداب شغلين بيغطو الحال ولا الدكاترة الذي ازواجنا شغالين طول الوقت وخالين لينا المسئولية برانا، اها العربي يتعلمو من منو اذا انا براي البيتكلم حواليهم، انا زاتي ما كنت عارفة انو السودانيات بيشتغلو بس مع المجموعات البقت تجئ بدون أزواج او لظروف خاصة!!! فمن باب أولي قلت انا اشوف لاني جد في حوجة ، مع انو ماعارفة هيكون سهل علي ولا لا!!! لمن قريت لزوجي الموضوع وردود الفعل قال الناس لسع بتتكلم عن السودان علي انو اي شي بيمس الكل !! وانا ما اخفي عليكم أني مستنكرة زيكم ، بس الظروف اتغيرت وما ممكن نحكم علي الكل من موقع اننا مقتدرين ومما ممكن نقبل بالوظيفة دي هنا ولا في اي بلد!!! انا قلت لروحي ما بتخيل لي نحنا السودانيات هنكون مناسبين لأنو ذي العمل ده انت في بيوت الناس وبتعرف أسرارهم والمفروض تتصرف كأنك لا تري ولا تسمع ولا تتكلم!!! ونحنا مع عرفتنا باللغة هنكون حجة نظرية!!! هيفصولنا من اول يوم!!!


ردود على لبني
European Union [ود بري] 02-13-2014 03:37 PM
ياأختي العزيزة جدا علي رغم عدم معرفتي بك ( المهم انك سودانيه )
هنالك مليون خيار لحل مشاكل الحوجة رجاءا لا تفكرو في الخيار رقم مليون وتتركو ال 999 الاخرى
انتو بتكاوو فينا ولا شنو ؟؟؟؟


#907144 [الأحنف بن قيس]
3.05/5 (8 صوت)

02-05-2014 04:21 PM
لأخ د عادل نشكر إجتهادك وإن جانبت فيه الصواب ، ربماظننت وبعض الظن إثم ، أن عمل السودانيات كخدم منازل في السعودية سيحسن دخلهن ، ويعود للبلد بدولارات يحتاجها ويخفف البطالة ، ولكن يبدو انك تجهل تماما ماتلاقيه الخادمه في السعودية من استعباد واستغلال ومهانة ، وإساءة معاملة تفوق حد التصور ، الأمر الذي حمل الكثير من الخادمات لقتل من يعملن لديهم او أطفالهم ردا أو إنتقام لما يلاقينه من معاملة تشمل الضرب والتجويع والحبس والإغتصاب والإساءة والعمل من الفجر الي قبل الفجر بقليل ، مقابل راتب لايتعدي الألف ريال أو دونها ، فأصبحت الأندوسية الوديعة المسلمة المسالمة قاتلة ، فمنعت أندنوسيا عمل بناتها خادمات بالسعودية ، وبعد عجز السعوديون عن إسترضائهم فتحوا الإستقدام من أثيوبيا ، فحصلوا علي خادمات أقل صبرا علي الظلم ، لم يحتج بعضهن سوي أياما قلائل ليتحولن لقاتلات ، ملأت أخبارهن الصحف قصصا ، وملأت قلوب ربات البيوت رعبا، فأوقف السعوديين الإستقدام من أثيوبيا ليبحثوا عن ضحية جديدة نربأ بأنفسنا أن تكون من بناتنا وإن قتلها الفقر . وقد إعتبرناك حسن النية فكان ردنا عليك مارأيته وإلا كان الرد خلاف ماتري والسلام


#907056 [تينا]
2.00/5 (5 صوت)

02-05-2014 02:57 PM
اخوانى الأفاضل ((( أسمر جميل فتان و أبو عكف ومواطن اكس وام نور وعلى جرقندى والمشتهى الكمونية وابو مصطفى جيفارا ))) ... عاجزة جدا عن شكركم ... الحمد والشكر لله الدنيا لا زالت بخير ولا زال بها أناس محترمين وفاضلين مثلكم ... أسأل الله أن يمتعكم جميعا بالصحة والعافية ... وأن يرفع بكم شأن وطننا ... حفظكم الله ورعاكم اخوتى الكرام ... لكم خالص شكرى وتقديرى واحترامى جميعا ... تحياتى ...


#907053 [عاشق المنطق]
2.25/5 (7 صوت)

02-05-2014 02:54 PM
الإخوة القراء : أرجو أن تتأكدوا هل هذا الكاتب الخائب (سوداني) ؟ لا يمكن , نحن شعبنا لم يسمح بخادمات حتي في السودان نفسه ونسواننا ياخول بستخدمن خادمات أجنبيات برضائهن , فكيف يسافرن ليتعرضن للتحرش والإهانة , أين البعد الشرعي والشرف عندك يارمة .


#907011 [ابو مازن]
4.04/5 (6 صوت)

02-05-2014 01:57 PM
اثلج صدرى وصدور جميع رجال ونساء السودانين الشرفاء ما قرأتة من تعليق وردود فى هذا الموضوع. فقط لان نتوقف عند الرد خلونا عملين ونحالو نجد حلول لاخواتنا الباحثات عن عمل شريف. اقترح على الاخوة اصحاب الفكر والتعليم ولهم الخبرة ان يجدو لنا مشروعات للاسر المنتجة كما تفضل احد الاخوة وتقدم بالفكرة وانا على ثقة يوجد من ابناء السودان من هو قادر ان يقدم مشروعات مفيده ومثمرة لاخواتنا. ايضاً ارجو من الاخوة القانونين ان يجدو لنا طريقة لتأمين هذه المشروعات من دولة الكيزان الحرامية حتى لا يخطفو اللقمة من افواه الغلابه.والتحية لكم ابناء بلدى صفاً ويداً واحده.


ردود على ابو مازن
European Union [امير] 02-05-2014 09:45 PM
انت ما عارف ان ستات الشاي وماسحي الاحذية وعمال الدرداقة بيدفعوا ضرائب


#906953 [أبومصطفى جيفارا]
2.97/5 (8 صوت)

02-05-2014 12:57 PM
ويحي ونبتة ...ما تزال... تلح في السؤال كيف تغفو كيف تنام ..وما تزال جحافل المغول والتتار
تغتال الإشراق فيعتمُ وجه النهار... تعيثُ فسادا من دارٍ لدار...أجبتها ترفقي فدتكِ روحي... بان فجر
الانتصار..آتٍ آت... وتباشير النصر لاحت وهاهم أبناؤكِ رجال الجبهة الثورية عازمون على مواصلة النضال
الأستاذة/تينا...كلُ..إناءٍ بما فيه ينضحُ.. هؤلاء شراذم النظام أرباب أمنه..يدخلون بأسماءٍ مستعارة لينفثوا سمومهم وحقدهم على بنو نبتة الراشدين المستنيرين...محاولين شق الصف وتعميق الخلافات بإثارة النعرات العنصرية والقبلية والجهوية...ليمتد ويطول بقاء المتأسلمين على سدة الحكم، والإساءة لروضتنا الغناء الفيحاء..(الراكوبة)..التي سنظل نحافظ على نضارتها...وظلالها الوارفة..ما ذكرتِ الوارد أدناه يدل على رهافة حسكِ...ورقي دواخلك....لا تلتفي لمثل هؤلاء دوامي على المتابعة سيدتي الفاضلة... فبنو نبتة أكبر من ذلك وجل مرتادي روضتنا على قدر من الوعي والمسئولية ،هؤلاء يشيعون الإحباط والإنهزامية ....وكما تقول الأستاذة..رانيا..
. . فالبعض أصبح حكيما والغالبية أصبحت حزينة, كئيبة وحادة الطباع وفوق كل هذا . .هشة . .مع الأسف.:
[تينا]
أخيرا أيى شخص (((لم يعجبه حديثى هذا أطلب منه عدم شتمى واساءتى لأن الاساءات الشبعت منها فى هذه الراكوبة لم أسمع وأتشتم بها طيلة حياتى ويكفى هذا ... فقط أطلب منه أن يبدأ هو ويرسل أمه وأخته وزوجته (((... اللهم بلغت اللهم فاشهد ...

الدكتور/عادل...قصدت أن أبدا تعليقي ...على مقالكم ..بحثي السيدة الفاضلة تينا..لمواصلة دورها البناء وإثراء الساحة بالمتابعة ..يقول الغربيون السيدات أولا...ونقول نحن أولا..وثانيا...وثالثا..الخ...الخ...
ندين لنبتة بالفضل الكبير إذ أنجبت لنا أجدادا و أباء ...علمونا كيف نحيا الحياة، وحين ينظر المرء منا في المرآة...يري شخص أمامه.. يُقيمه هل جدير بالاحترام؟؟أم لا؟ هكذا تعلمنا..من الرفاق أن نكون ملتزمين هنداما وسلوكا..والأشياء الصغيرة تُكون الحياة حتى الإزار للقميص أو الجلابية ولن تكون دون عمامة الجلابية نلتزم العفة قولا وفعلا هكذا تخرجنا من مدرسة اليسار حدثونا بأننا نمثل الاستنارة والرشاد حثنا ود المكي أن نكون كل الرحيق وننير عتمة الطريق ونقوم اعوجاج الآخرين ..بالديمقراطية..شاناٍ ومعنى...لذلك لك الحق فيما تقول د/عادل يجب عليك فهم سيكلوجية هذا الشعب ومراعاة العرف والتقاليد وأن تكون ملماً بما تود طرحه...لن نسيء لك أو لغيرك مهما كان طرحهم.....وأن كنا نكتب باسمنا الحركي ..فالذات واحدة علمنا محجوب شريف احترام الذات لأننا نمثل أنفسنا في كل الظروف ، ظن المتأسلمين أن سنوات التمكين والصالح والنظام العام والأطعمة المخلوطة بدهن الخنزير أتت أُكلها وما عاد بأرض نبتة ..من يُغير ولكن خاب أملكم فها هن بنات نبتة يقطعن قول كل خطيب...لله درهن...... بعض طرحك و تعليقات... الأفاضل صابر ودكتور هو.. يأتي أدناه:-
(قصدت أن يكون عنوان المقال (عاملات منازل) وليس (خادمات منازل) منعاً للشعور بالصدمة والرفض التلقائي للطرح. أدعوك عزيزي القارئ أن تمر على ما يلي من كلمات بعين العقل والمنطق لا بعين العاطفة.)

[صابر]
عادل عبد العزيز هذا أمنجي إنقاذي تنقل في عدة وظائف أمنية من بينها قنصل في المغرب. لا أدري أي جامعة باعت لعادل عبد العزيز درجة الدكتوراة ولكنه شخص فارغ يتحدث في كل شيء تستضيفه قنوات الإنقاذ مرة كخبير اقتصادي ومرة كمسئول وزاري.
[Doctor Who (أُحس...نفسك الغاضبة....لله درك....وكل إناءٍ بما فيه ينضحُ )
وَنَشْرَبُ إِنْ وَرَدْنَا المَاءَ صَفْـواً
وَيَشْـرَبُ غَيْرُنَا كَدِراً وَطِيْنَـا
إِذَا بَلَـغَ الفِطَـامَ لَنَا صَبِـيٌّ
تَخِـرُّ لَهُ الجَبَـابِرُ سَاجِديْنَـا
المجد للشعب ...المستنير..سلوكا..وفكرا...المجد للشهداء دوما...وأبدا..على مر العصور...المجد لرجال الجبهة الثورية مالك عقار والحلو ونصر الدين الهادي المهدي ومناوي والتوم هجو وجبريل وعبد الواحد نور وياسر
عرمان وجبهة الشرق.... وبقية العقد الفريد من بنات وأبناء نبتة الغر الميامين الشرفاء..... فأين الجهوية والعنصرية... والديكتاتورية ؟؟؟ مع تحياتي


#906936 [Wad Darfur]
3.13/5 (4 صوت)

02-05-2014 12:51 PM
Continuation of the current Kizanic regime with the same policies will bring more problems to Sudan, and instead of talking too much about ridiculous issues. People of Sudan should work hard to get rid out the current regime and clean it from the bloody Kizan.


#906924 [ezt]
2.25/5 (6 صوت)

02-05-2014 12:44 PM
هل تعرف الحقيقة التي امام عينيك انت لاتعرف قيمة المراه السودانية هي ام واخت واخ وابو في السودان ونت ديوس وليسة سوداني واعلم ان كنت تحمل الجنسية السودانيه فنها حملتها عن الطخاء
يا دكتور " السجم " ومن معاك إذا استطعت أن تصل لمبتغاك يا أيها الحثالة فلا تنسي بأن تبعت أخت وأمك وزوجتك وخالتك في الفوج الاول

حقيقة
قلت لي دكتور في شنو ؟
القلم ما بزيل بَهم .


#906920 [ابو درقة]
3.35/5 (6 صوت)

02-05-2014 12:38 PM
الراجل ده ما تلوموه يا اخوانا
ما دام شهادة الدكتوراة دي بقت تتباع في سوق الخدار وفي زنك اللحمة
وبعدين السودان الكبير ده كله منذ الأستقلال كان عدد حاملي درجة الدكتوراة معروفين وجابوها كيف كمان معروف لكن حسع الأعمى والمكسر عنده دكتوراه
هذه نتائج ثورة التعليم والستمائة وستين جامعة الفتحناهم


#906840 [سوداني]
3.32/5 (5 صوت)

02-05-2014 11:33 AM
يكون في علمكم .. في سودانيات شغالات خدم في المنازل في السعودية الان وانا شخصيا بعرفهم.. بعضهم داخلات بجواز سفر ارتيري وبعضهم بجواز سفر تشادي لكنهم سودانيات 100% . ويعضهم داخلات بجوزازنا عديل مهنة عاملة مشغل او مديرة منزل
ديل شغالات مش حيشتغلوا
يا اخوانا نحن وصلنا لمرحلة صعبة جدا من الذلة والمهانة


#906810 [حميد]
2.63/5 (4 صوت)

02-05-2014 11:06 AM
هل تعرف الحقيقة التي امام عينيك انت لاتعرف قيمة المراه السودانية هي ام واخت واخ وابو في السودان ونت ديوس وليسة سوداني واعلم ان كنت تحمل الجنسية السودانيه فنها حملتها عن الطخاء


#906775 [Ismail]
4.04/5 (7 صوت)

02-05-2014 10:47 AM
تصحيح Public Servant ترجتها خادم العامه او الشعب وليس الحكومه


#906728 [Abo Obayda]
3.00/5 (6 صوت)

02-05-2014 10:23 AM
*اول شيء اظن و بعض الظن اثم.. انك واحد من من يعملون بمهنة الاتجار بالبشر او على الاقل صاحب مكتب خدمات تهدف الى إستغلال بنات بلدك من اجل ازدهار اعمالك بعد استغلال ابناء بلدك. و ما تخمنا بلقب دكتور دا ، لأنو اي واحد ممكن يكتب موضوع يطالب بتقنين الدعارة حتى و يطلق على نفسه ما شاء من الالقاب ، و حتى لو كنت دكتور فانت دكتور ما عندك مخ و اهبل و تهرف بما لا تعرف ، كلنا نعلم طبيعة الامور في السودان و ضيق الحال و الفقر و الحاجة ، لكننا نعلم ايضا معاناة العاملات المنزليات و ما يتعرضن له من امتهان لكرامتهن و اذلال لهن و احتقار ، و لو اردت امثلة من ما كنا عليه شهودا سنورد لك آلاف الأمثلة إن كانت انسانيتك تتحمل سماعه، و مهما حرصت العاملة او الشغالة او االخادمة على سلامتها و كرامتها فهي في خطر.
**هل تصدق أن بنغلاديش الدولة الأفقر في آسيا لا تسمح للنساء بالعمل خادمات خارج بنغلاديش حفاظا على كرامتهن و انسانيتهن.
*** كان بامكانك توظيف جهدك و دكترتك المزعومة و مقالك هذا في الدعوة لتغيير الوضع الذي جعلك تدعو الى عمل المرأة السودانية كخادمة منزلية و جعلها هي ترزح تحت الفقر ، لكنك لا ترى الا مصحلتك الخاصة و لو على حساب كرامة بنات شعبك و انسانيتهن.


#906655 [الكردفاني العدييييييييييييل]
2.69/5 (7 صوت)

02-05-2014 09:31 AM
انت ما زلت ..... كغيرك ......يا د. الفكي ..... ما عارف ما يجري للخادمات في الخليج ... انت تتكلم عن اشياء فردية .... وانا اقول لك.....انها ثقافة عامة....الا ما ندر ...ان العامل او الخادمة...... لا قيمة انسانية....ولا حقوق قانونية....لها .....

اما سمعت بمن اقيم عليها الحد ( بالسيف) ...قريبا ....( اندونيسية)..... لاتهامها بقتل طفل رضيع وبناءا على ..... شهادة المشتكي نفسه... ولم تفلح .... كل وساطات الاندونيسيين.... ثم ان الاهانة التي سوف تتلقاها السودانية ..... سوف تجعلها تنتقم من اهل البذخ .... ابتداءا من ربة الاسرة..... ترى....... مازالت القلوب...... حارة لم تبرد ..... ولم تتبرد.....

الهدف هو .....مزيد من الدولارات .... ليستمتع بها...... الارجاس...............

اللهم عليك بعصابات الرقاص............. اقطعهم .........تك......
اللهم عليك بعصابات الرقاص............. اقطعهم .........تك......
اللهم عليك بعصابات الرقاص............. اقطعهم .........تك......
اللهم عليك بعصابات الرقاص............. اقطعهم .........تك......
اللهم عليك بعصابات الرقاص............. اقطعهم .........تك......
اللهم عليك بعصابات الرقاص............. اقطعهم .........تك......


#906628 [كتاحة]
4.07/5 (7 صوت)

02-05-2014 09:18 AM
يا دكتور " السجم " بنفس منطقك " العديم الفهم دا " بقول ليك .... أسمح لزوجتك وبناتك وأخواتك وجميع بنات أهلك .... إمشوا يشتغلوا " خدامات " أقصد عاملات بالسعودية .... وبعدين تعال ورينا " فهمك " في الموضوع دا .

" كتاحة صغيرة "


قلت لي دكتور في شنو ؟

القلم ما بزيل بَهم .


#906598 [سوداني وافتخر]
3.00/5 (4 صوت)

02-05-2014 08:55 AM
ياخي احترم نفسك يا كاتب المقال واصلا شكلك لا تعرف عن السودان والسودانيين والسودانييات شيئا.

ثم نحن حسا ما فاضيين لنوعك دا


#906592 [مهندس محمد الحاج]
2.50/5 (4 صوت)

02-05-2014 08:48 AM
تحية تفدير لحواء السودان
نحبها ان تكون درة مصونة دوما لاننا رجاااال ولا نرتضي الهوان لبناتنا السودانيات مهما كانت ظروف الحياه قاسية علينا بسبب ارعن مخاليق الله بالارض
العمل شرف صحيح بس نحن لا نترزق من حيض النساء يا كاتب مقال الشؤم


#906575 [حمدالنيل]
2.13/5 (4 صوت)

02-05-2014 08:32 AM
يا اخوانا انتو متأكدين إن الزول ده سوداني؟ وهل فعلاً دكتور حسب الدال الموضوعة قبل اسمه؟ على كل هذا نموذج جيد لدكاترة الانقاذ. والله لو ذكرت هذا الكلام أمام أبصت سوداني يعمل في تربية المواشي والرعي في الخليج لصفعك كف ..


#906546 [شفقان]
2.97/5 (8 صوت)

02-05-2014 07:34 AM
أنا شخصياً لا أعرف من هو كاتب هذا المقال ولكني إذا أردت فهمه بشيءٍ من حسن النية فهو ساذج بسيط في تفكيره أما إذا حذفت حسن النية ووصفت الأمر كما هو فيُعْتَبر هذا المقال ترويجاً وتمهيداً لقيام شركة لتصدير النساء السودانيات إلى أسواق النخاسة والدعارة المقنّعة في دول الخليج والسعودية خاصة ( وإذا كان لدى كاتب المقال النية في القيام أو الشراكة في مثل هذا العمل فيُعْتَبر قواداً)إذ يبدو ان أعداد من تم إضطرارهم إلى الغربة من الرجال ومردودهم المالي لم يعد كافياً لتمويل الفساد والمفسدين في سوداننا الحبيب. هؤلاء الكلاب عميت عيونهم وأعموا عيون بعضهم بعضاً فأصبحت المسخرة أمراً مقبولاً لا غرابة فيه ولا غبار عليه في مناخات الإتجاه العام أو ما يعرف ب mainstream ( كانوا لا يتناهون عن منكر فعلوه لبئس ما كانوا يفعلون) يبعون بالرخيص كل ما هو غالٍ وعزيز ولا يرمش لهم جفناً، يختصمون ويصطلحون وهم في الجرم واللؤم وإنعدام الضمير متفقون. هذه حقائق مؤسفة وتنذر بأن التغيير الذي يخلِّص السودان من حفر التخلف والظلام لا بدّ أن يكون جذرياً ويحتاج لجمع كلمة القوى المثقفة الحرة وتوحيد صفوف الذين يعون عمق المشكلة والبحث في سبل إجتثاث الورم السرطاني الذي حاول الشيوعيون القضاء عليه في السنوات التي تلت 1964 وفشلوا امام تجذر الوباء في أرض خصبة بالجهل والفقر والشعوذة وأتفق مع الشيوعيين في تشخيص الحالة المرضية للمجتمع السوداني المرحوم محمود طه ومعه أتباعه من الحزب الجمهوري ولكنهم إرتطموا بذات صخرة الرفض الشعبي المبني على الجهل، الذي إستطاعت قوى الرجعية والطائفية توظيفه جيداً للوقوف أمام ايّ تطوّر فِعْلِي يهز مخلفات الجهل والشعوذة التي بُنِيَ عليها سلطانهم.


#906497 [سوداني ممكون و زهجاااااااان و قرفاااااااان]
2.13/5 (8 صوت)

02-05-2014 04:41 AM
من الذي أوصلنا إلي هذه الدرجة من الذل والهوان؟؟!!!!!!!!!!!!!!!!!ملايين من درة شبابنا ماتوا في الحروب بإسم الدين ومشروعكم الحضاري التافه والكاذب الخسيس والان تريدوا ذل ماتبقًي من أعراضنا و بناتنا وتشريدهم و تحويلهم الي خادمات في البيوت؟؟ بل وأخذ الاتاوات والضرائب منهم أيضا"؟؟ وعند من؟؟ السعوديين؟!!!!هذا زمانك يا مهاذل فأمرحي!!!!!!

من مقالك الرخيص" قرأت تصريحاً لأحد مسئولي مكاتب الاستخدام يشير فيه الى أنهم لن يسمحوا بتوظيف السودانيات في هذه المهنة. ولم يوضح سبب الرفض. غير أنه من الواضح أن المسئول المذكور يعتبر الأمر فيه إساءة للسودان وللسودانيات. وهذا كلام فيه نظر. ما هي المعايير التي يستند اليها؟ وعن أي مجموعة بشرية سودانية يتحدث؟ وهل أجرى مسحاً عاماً أو محدوداً وقف من خلاله على نسب الراغبات أو الممانعات في هذا النوع من الوظائف؟" "أتستغرب لرأفة وإحترام هذا المسئول (الغريب) لكرامة السودانيين وحفظ ما تبقي من ماء وجوهنا بعد أن جفًت من وجه حكومتك ومن وجهك(هذا إن تبقًي منه شئ) يا بطل البطال؟؟؟

والله قد حاولت مجاهدا" عدم الإقتراب من مستواك الفكري الضحل والفاضح ومقالك الجبان وتجاهله وعدم إعارتك أدني إهتمام لأنك أتفه من أن يرد عليك, ولكن خانتني القدرة علي تمالك نفسي وعدم الرد وخصوصا" بعد أن أعاروك الناس الشرف بالرد عليك!!
قبُح الله وجهك وأراك الذل والهوان في نفسك وجعلك من الإمُعة دائما أبدا"...قد نسيت أن هذه الدعوه لن تحرك فيك شيا" لأنك أصلا"فاقد محتواها!!!!!!!!!!


#906493 [wad~musa]
3.35/5 (6 صوت)

02-05-2014 04:00 AM
السلام عليكم ..
التحيه لكاتب المقال و( للمعلقين , ياريت الكاتب يوسع صدره للردود .. ويتجاهل الجارح والخارج عن النص ويواصل دفاع لارأئه .. اتفق معاك ,, حقو الناس تنظر للموضوع بكل جوانبه .. الخدمه في البيوت مهنه وما فيها أي حاجه ..انسان شريف وبياكل من شغله .. ما ايي زول عندو شهاده عشان يشتغل دكتور ولا مهندس والناس ظروف الظرفه بجبره بشتغلها ,, وبرضو زول شريف .. وما عندها أي علاقه بالدعاره ولا العبوديه ولا أي شي تاني !
حقيقه نحن كان عندنا مرتين بجو بخدمو في بيت الاسره حيث تسكن جدتنا .. لا ينظر لهم احد نظره عبوديه ولا غيره .. ( علي الاقل عندنا والشفتوانا ) حاجات محترمات من الحله .. يساهمو في توفير احتياجات بيوتهم بعملهم ,, وحتي الصغار سنا .. يعملون في كتير من البيوت والناس كلها بتعاملهم عادي .. وبتلقي في كتير من البيوت الخدامه بتبقي من ناس البيت وبتتعامل كاخت ..ليه يعني ما تشتغل خدامه ؟ امشو شوفو الشباب السودانيين من الجنسين في اوروبا وامريكا .. بكونو بقرو بالنهار .. وبالمساء شغالين عشان يوفروا مصاريفهم .. شفالين في محطات بنزين وفي مطاعم .. خدمه! .. هل بقول شغالين مهنه ما شريفه ِ! او اقول ناس ما كويسين ولا جايين من اسر ما كويسه اهلهم خلوهم يشتغلوا خدم !! ناس محترمين نتمني ليهم التوفيق ..الشغل ما عيب .. والما برضاها يحمد الله انو الظروف ما جبرته يرضي بالقوه.. في ناس متيتينهم طالع في البلد الماعارفنها ماشه لوين دي .. الواحده اَّذا ظروفها كعبه ولقت طريقه تمشي وتشتغل , مالو تخت شروطها من الاول البنفع معاها والما بنفع في واحدات يشتغلو مع مرضي واحدين يشتغلوا غسيل واحدين يمسكو الاطفال أي زول وقدرته . تمشي امكن ربنا يفتحها عليها .. تلقي شغل كويس وناس كويسين .. ويفتحها عليها اكتر وتجيب اخوانا من البلد دي ( السالف ذكرها ) .. وترسل فيزا تجيب امها العيانه وكانت مرميه تعالجها .. لانو الناس بقت تنظر بس .. والمحتاج ليهو الله .. تحسسن وضع اسرتها .. واكيد لو ما كانت مضطره ما حتمشي ..
والسلام عليكم ورحمه الله :)


ردود على wad~musa
European Union [ساب البلد مجبور] 02-10-2014 11:36 AM
يا ود موسي أنت بتقارن الرجال بالنساء في هذه المهن ...أنا مثلا كنت في ليبيا في بدايات حياتي العمليه وإتعرض علي أن أعمل كنادل في فندق ثلاثة نجوم ولم أعترض شغل الرجل في هذه المواقع ليست بعيب ولا يعرضه للخطر ...
الآن أقدم لك عرض بأننا لدينا وظائف شاغرة لأخواتك في فنادق خمس نجوم مش خدم في السعودية أو الخليج ...يتأمر عليهم الجاهل و السفيه ..الكبير والصغير ..تمتهن كرامتهم في اليوم ألف مره ..
بسرعة أرسل ال cv أيها الجاهل ..


#906437 [سالم]
3.00/5 (5 صوت)

02-05-2014 01:42 AM
الخليجين ما عاوزين خدامات مصريات او يمنيات لماذا رغم الفقر المدقع والضنك المزرى فى اليمن ومصر


ردود على سالم
[الكردفاني العدييييييييييييل] 02-16-2014 10:07 AM
سؤال وجيه............. موجه ..... لسعادة ...... الدكتور..... !!!!!!!!

United States [nagimoneim] 02-05-2014 11:15 AM
لكسر كبرياء السودانيين وعزتهم ونخوتهم ياسالم


#906423 [JAMAL]
4.04/5 (6 صوت)

02-05-2014 01:14 AM
يلا يا جماعة سيبكم من الخزعبلات الجات في المقال الفوق ده وتعالوا نكون أكثر ايجابية بعدما عرف رأينا في مقالو الكارثة دة ، وبعد ما وضعنا يدنا على الجرح المتمثل في الفقر والحوجة نقدم اقتراحات لحل المشكلة .
كل مجموعة من المقتدرين سواء كانوا من المقيمين في السودان أو من المغتربين يمكنهم ان يستثمروا جزء من اموالهم في المناطق التي ينتمون اليها داخل السودان بعيدا عن وصاية الحكومة التي بدورها ما حنطلب منها أي مساعدة ،،، بس ما تمد يدهأ عشان تقلع اللقمة من هؤلاء المسكينات ،، ومثال للمشروعات الممكن تساعد في حل الأزمة بدل الحل الجابو أخونا الفوق دة :
1/فكرة مستوحاة من الصورة اعلاه ،، أنشاء مشاغل لأعمال الخياطة والتطريز في كل حي يتكون من مجموعة من اللاتي لديهن الموهبة أو الرغبة في تلك اﻷعمال تحت إشراف خبيرة أو عدد من الخبيرات ﻹنتاج الملابس والستائر والمفروشات ووو...الخ.
2/ أنشاء مؤسسات صغيرة لعمل المأكولات واﻷغذية الشعبية الخفيفة اليومية مثل الكسرة والقراصة والفطائر والاحتياجات الموسمية كالحلومر في شهر رمضان والخبائز بجميع أنواعها في اﻷعياد
3/ أنشاء رياض لﻹطفال على نطاق أوسع مما هو متعارف عليه بحيث تشمل أكبر عدد من الراغبات في العمل مع تعدد اﻷنشطة التي تساعد في تنمية قدرات الطفل الذهنية والمهارية.
4/
5/
6/
العندو أفكار يكمل


#906414 [لبني]
3.54/5 (6 صوت)

02-05-2014 01:01 AM
انا بفتش لواحدة سودانية تعمل معاي لمن امشي السودان احازة علشان عاوزة العيال يتعلمو العربي ما بلقي خالص ولمن اسمع بأنهم بيعملو مديرات منازل في دول الخليج !! حتي هنا في امريكا بفتش لي لواحدة تساعدني مع العيال ًالزول بيقول الجنس علي الجنس رحمة.


ردود على لبني
United States [منذر] 02-05-2014 03:25 PM
ههههههههههههههههههههههههههههههههههههههه عشان شنو يتعلمو العربي؟؟ وانتي بتسوي في شنو يا مرة العديل والزين انتي ما بتعرفي عربي ولا الكلام الكتبتيه دا ترجمتي من قوقل

[هندسة] 02-05-2014 01:51 AM
امريكا عديييييييل يا لبنى انا راجل ضكر ومهندس لكن مستعد اشتغل ليك دادة سودانيه بموصفات فليبينيه


#906408 [مواطنx]
3.12/5 (10 صوت)

02-05-2014 12:48 AM
ياجماعة أنا قاعد مسمر قدام الكمبيوتر ساعة كاملة حاسس نفسي حجن!!!!وأنا بقرا في كلام النجس ده!!! ولله الموت اهون ولا يحصل كلام زي ده !!!وغير الدين،دي كرامتنا الربنا انعمها لينا يجي واحد زي ده يكتب كده!!!!!أنا يا اما جنيت يا اما بحلم معقووووول وصلنا للحضيض لدرجة يتنشر كلام زي ده!!

والحارق دين حناني كلمة public servant دي!!!!!

دي آخر وأوسخ جرايم الكيزان الاعلامية


#906396 [كاره أعوان اليهود]
2.00/5 (9 صوت)

02-05-2014 12:26 AM
هذا جس نبض لمعرفة تأثير المشروع الحضاري العلى عثمان أتى اكله ولا لا ولكن يبدو ان المعدن السودانى أصيل ومازال بخير


#906379 [عجرفة]
3.54/5 (11 صوت)

02-05-2014 12:00 AM
الزول دة دكتور في شنو اههههههه
والله عشنا وشفنا ..والله شكلك كدة اكثر سوداني راسو
فاضي ..يعني قرعة عديل
وانت اذا موافق ودي اول حاجة اخواتك وعماتك
عشان بعد 9 شهور و10 يوم حضر الدايات للنفاس اههههه..


ردود على عجرفة
European Union [osama saad] 02-10-2014 01:31 PM
ما خاتي عليه .. رحيني تعليقك والله يا عجرفة .. ياخ كل واحد ما عار جايبنو من وين يمشي يفتح كتابي الأول يأخد حرف يجي يكتبه قدام اسمه يقعد ينظر لينا .. ياخ عهر فلسفي غريب جداً
سؤال بسيط (للدكتور/ عادل عبد العزيز الفكي) أساله نفسك في الأول ياخ لو جات أختك قالت طايرة تشتغل الشغلة دي بتقبل ؟؟
إذا الإجابة :
1/ نعم ( أنت واحد عجل وواحدديوث ونصيحتي ليك فتش عن معنى الرجولة في كل لغات العالم )
2/ لا ( انت راجل كلس وأخو أخوان وما بتدور الكعبة لأخواتك وبنات الفريق وحتى بنات بلدك لأنك عارف انو المرأة مسئوليتك أنت وواجب وإلزام مغلظ عليك إطعامها وكسوتها حتى تذفها الى بيتها عزيزة كريمة او الى ربها مكرمة .. حتى لو قطعت من لحمك لانو دي مسئوليتك . مش تقول ليها سافري اشتغلي خدامة منازل والله أعلم ح تشتغل شنو تاني ولو غصب عنها ... )
رجال آخر زمن .. يا خسارة حرف ال (دال) ال قدام اسمك دا
الله لا كتر من أمثالك بركة سيدي رسول الله صلى الله عليه وسلم


#906339 [مواطنx]
2.38/5 (7 صوت)

02-04-2014 10:54 PM
الأستاذ الدكتور حنزل مستواي أنا الشاب لدرجة الدكتوراة بتاعتك دي وأقول لك بالسعودي العامي
"""""كل زق انت ومقالك ومنطقك وظف وجهك بالله من السودان ومن شعبه"انت آفة كبيرة على المجتمع!!


أين منطقك هذا من ديوان الزكاة المفروض يكفل البتتحدث عنهم؟أين منطقك في حق كفل تعليم"عالي،جامعي،مهني" للبتتحدث عنهم ليخرجوا من البلاد متعلمين كما تريد ويوظفون في بيئة عمل تكفل حقوقهم كنساء؟؟ منطقك تجاوز كل هذا وجيت تقول بكل بساطة نطلع خادمات احترم نفسك يامن تدعي بمثقف!وخاف ربك ولو انت حريص فعلا على رزق هؤلاء كان ناديت ليهم بالأفضل مش ترضى ليهم بالأسوأ والأظلم والبقتل كل طموح وأحلام ليهم وكمان تروج بمحاولات بائسة نجسة لاقناع الناس!!ياخ ناس الأمم المتحدة ومنظمة الصحة ببنوا مدارس وخيم عشان يعلموا الناس ويأكلوهم والبطلعوا لجوء الدول بتكفل ليهم مهنة ذات بيئة مناسبة،وببحثوا وبناشدوا بحلول ،وانت كمثقف سوداني جاي بكل بساطة وسذاجة جايب حل زي ده وبتقول منطق!!!!!والسعودية كمان!!! ياخ كان أقلاها تقول يمشوا يشتغلوا شغالات في اي دولة تاني،وبعدين لو انت وطني وهاميك شديد حال العطالة كان درست المجتمع السعودي ومشيت هناك وشفت بعديها تكتب نجاستك دي يا نجس،باين عندك مكتب عايز تشغلوا يا نجس،يا أناني انت عايز تكسر كل الأعراف الحلوة البنتميز بيها وعايزنا نبقى في أسرع وقت ديوثيين بالكامل!،كل الدول بتسعى انو تحافظ على هيبة وتقوي هيبة مواطنتها بقدر الأمكان،وانت عايزنا نتجاهل حقوق الدولة اتجاه المرأة ونرميها في بحار الظلام عشان تتحول لحيوان !!ياخ احترم نفسك أترضى بمثل هذا لمرأة بلدك!!!؟

ألف تحية احترام واجلال وتقدير لبت بلادي الشريفة الواعية المنطقية "تينا" وتحية "لآسمر جميل فتان"
وعودة حميدة وماتوقفوا كتاباتكم طالما في أمثال هذا الأبله البستغل جهل العقول وبسوق أفكار نجسة ليلقي بها أناس أبرياء لا يعلمون ماذا ينتظرهم ومقابل ماذا؟؟!!

وآسف على الألفاظ البذيئة ولكن منطق هذا الداعر مستفز جدا،نحن ندعوا للحرية وهو يروج لأستعباد نسائنا!!!!!قمة التناقض الخائب


#906331 [بت البلد]
2.50/5 (5 صوت)

02-04-2014 10:39 PM
لا خير في حكومة تدعي الاسلام... ولها الكثير من دواوين الزكاة تصرف ببزخ على العاملين عليها وتقوم بتغيير طلاء عرباتهم بالملايين من مال الفقراء والمساكين... وترسل نساءها ليعملن الساعات الطوال في بيوت نساء أخرياتا اعتدنا النوم حتى الضحى على حساب الكادحات الفقيرات ... اتقوا الله انكم مسئولون أمام الله ورسوله فيما قمتم به من فساد وضياع وحسبنا الله ونعم الوكيل ...


#906306 [عمار جده]
2.13/5 (7 صوت)

02-04-2014 10:02 PM
يا عادل الفكي والله حرام اقوليك الاستاد او الدكتور لانك امكن ما تفهم شي انت فالح وشاطر في الكلام ده وبس لكن لو سالت اي زول في السعودية يوريك معنى شنو شغاله او خادم زي ما بتفوول لان الشغاله ماهي الا داعرة منزليه وملبية لطلبات المراهقين بالقوة ومنهم من يدعي التهديد في حال عدم الرغبية بالقبول (للجنس) فكيف ترضى لامك او اختك ان تمر بهذا الموقف. اذا انت قبلت ان امك او اختك او حتى اختك الصغيرة تقبل بالعرض المغري ده نحنا بناتنا محترمات يموتو فقر ولا يموتو داعرات.
ياريت تسمع وتقرا الكلام ده كويس بالعقل و العاطفه والسودنه؟
وهل انت سوداني اصيل او حبشي او فيك ريحة عبيد.


ردود على عمار جده
European Union [العبد لله] 02-21-2014 06:04 AM
خليك في مشكلتك وبلاش اساءةللناس قال حبش وعبيد قال وانت شنو ما عب برضو في النهايه بلاش مركب النقص دا يا مسكين, العرب يمرمطوك برة يا خال وحكومتك مطلعة عينك وما قادر تفتح حنكك ولا فلاحتك تتفاصح على الغلابة والمساكين ديل بس وعامل لي فيها حر !! بالله السودان دا يتعدل بي ويين وفيهو العغليات المريضة دي اللهم لا تؤاخذنا بما فعل السفهاء منا


#906290 [ود الدكيم]
3.00/5 (5 صوت)

02-04-2014 09:34 PM
غايتو يا الراكوباب الله يدينا خيركم طفشتوا علينا حسبو ضنب الكديس هسع لو دايرين نسمع رأيه نلقاهو وين؟؟


#906284 [abusuliman]
2.00/5 (8 صوت)

02-04-2014 09:28 PM
This article does not mount to doctorial degree holder thinking



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 512345>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة