الأخبار
منوعات سودانية
جلد طالبة جامعية سرقت لابتوب
جلد طالبة جامعية سرقت لابتوب



02-03-2014 11:10 PM


امدرمان- إيمان

أصدرت محكمة جنايات دار السلام برئاسة مولانا سليمان خالد موسى حكما بالجلد (50) جلدة على طالبة جامعية أدانتها بموجب المادة (174) من القانون الجنائي لسرقتها جهاز لابتوب من منزل بمنطقة أم درمان وجاء قرارها مراعاة لظروفها الدراسية بعد أن تنازل الشاكي عن حقه الخاص، وحسب الاتهام تشير الوقائع إلى أن المدانة تمكنت من سرقة جهاز لابتوب اثناء وجودها داخل منزل مناسبة بالمنطقة إلا أنه تم ضبطها وبحوزتها الجهاز واقتيدت للقسم للتحقيق وعند اكتمال التحريات وجهت لها النيابة التهمة وأحالت البلاغ للمحكمة التي أصدرت قرارها عليها بالجلد (50) جلدة

اليوم التالي


تعليقات 14 | إهداء 0 | زيارات 2974

التعليقات
#906326 [Amin]
0.00/5 (0 صوت)

02-04-2014 10:36 PM
التوسع في عقوبة الجلد ,,,, إذلااااااال


الجلد ليس العقوبة المناسبة في السرقات


#906246 [daan]
0.00/5 (0 صوت)

02-04-2014 08:49 PM
ورونى محلها وين طلاق ارسل ليها واحد ؟ البت محتاجة ليهو


#905973 [ست الدار]
5.00/5 (1 صوت)

02-04-2014 04:13 PM
قال نبينا الكريم صلى الله عليه وسلم: «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري].. مع العلم أن الشاكي تنازل عن حقه الخاص رأفة بها


#905912 [انصاري]
4.00/5 (1 صوت)

02-04-2014 03:26 PM
صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال
______________

التحية ل((شاعر الشعب ـ الأستاذ محجوب شريف))


#905873 [mama@]
5.00/5 (1 صوت)

02-04-2014 02:41 PM
الغريب دا الحال الوصلنا ليهوا مع عصابة السجم و الرماد دى ربنا يورينا فيهم يوم أسود مثل يوم عاد و ثمود


#905786 [gasim]
5.00/5 (1 صوت)

02-04-2014 12:56 PM
البت دايرة تدخل فيس حراااام


#905722 [rudwan]
5.00/5 (2 صوت)

02-04-2014 12:08 PM
قضاء بائس اليسرق لابتوب يتعاقب واليسرق مليارات يسرح ويمرح الهلاك قريب


ردود على rudwan
[رانيا] 02-04-2014 03:18 PM
فعلا ..ما تستحق الجلد .. قضاء حقير يبرئ مغتصب الأطفال ويجلدوا المسيكينة دي !


#905682 [سودانيه]
5.00/5 (2 صوت)

02-04-2014 11:35 AM
ياحليلها يكون نفسها في لابتوب محتاجه ليهو وأهلها ماقدرو يجيبوا ليها حرام عليك ياسيد الابتوب مدام لقيتو كان تشيلوا منها وخلاص وتسترها بدل تضيع مستقبلها وتدخلها أقسام البوليس


ردود على سودانيه
United States [ساب البلد] 02-04-2014 02:17 PM
******** بقت عليها ميته و خراب ديار ****** انا داير اعرف صاحب الحق عفا ******* لزوم الجلد شنو يا ناس ؟؟؟ *********


#905673 [osman]
5.00/5 (1 صوت)

02-04-2014 11:29 AM
والله حرام يحكموا على طالبة ب50جلدة-ياخي انهروها وشاكلوها ووعوها فقط بدون عقاب-ولو في انسان قاضل وكريم يشتري لها لاب توب وثابو عندالله -والله نحن مادارين ثواب الله؟؟؟؟؟


ردود على osman
[رانيا] 02-04-2014 03:17 PM
صح والله


#905631 [مسكين]
5.00/5 (1 صوت)

02-04-2014 11:04 AM
لعن الله الحوجة ..... المجتمع هو الجريمة


#905601 [مريود]
5.00/5 (1 صوت)

02-04-2014 10:49 AM
يا جماعة استروا على العرض .


#905496 [Tarig Amman]
5.00/5 (2 صوت)

02-04-2014 09:31 AM
اى حاجة فى السودان بقى يودوها القسم ..و الشرطة و القضاء ما فالحين الا لجنس زى ده . ما كان فى واحد كبير فى المناسبة دى يدى الطالبة دى كفين و يسوقها بيت ابوها و يوريهم الحصل من بتهم ..و لا فقه السترة ده ما يستخدمهو الا لناس المؤتمر الوطنى.. و قال الشاكى اتنازل عن حقه ..بعد شنو ...هاذى طالبة يعنى تكون لسه قاصر و ما تدرك من الدنيا شى .سبحان الله ..و كيف دايرين تتقدموا بطريقتكم دى ..و قال 50جلدة ..و الله الحقو يجلدوه هو القاضى ده ..اللى ما شطب البلاغ و اده البت نهرتين و قال ليه روحى .


#905418 [مصعب]
5.00/5 (1 صوت)

02-04-2014 07:01 AM
الجلد ما يزيد عن 10 عند المالكيه في الاحكام غير المنصوص عليها. اللابتوب بي كم؟؟


#905352 [ساب البلد]
5.00/5 (1 صوت)

02-04-2014 01:41 AM
********* ال 50 جلدة لزوم شنو ؟؟ ************** ياربي تكون كانت سكرانة جلدوها 40 ************** و عشان سرقت جلدوها 10 *************** اجمالي عدد الجلدات 50 سوط ********** احكام ما انزل الله بها من سلطان *********



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة