الأخبار
منوعات سودانية
الفنانة الشابة فهيمة عبد الله ..فصلت من جامعة القرءان الكريم بمدني بسبب نجوم الغد
الفنانة الشابة فهيمة عبد الله ..فصلت من جامعة القرءان الكريم بمدني بسبب نجوم الغد
الفنانة الشابة فهيمة عبد الله ..فصلت من جامعة القرءان الكريم بمدني بسبب نجوم الغد


أظهرها مهرجان الإبداع الطلابي بالقضارف
02-03-2014 10:58 PM
فهيمة عبد الله إبراهيم عبد الله من منطقة نعيمة بولاية النيل الأبيض وقد انتقلت الأسرة للشريف عبد الله بالجزيرة والتحقت بكلية القرءان الكريم بود مدني وكانت قبل ذلك تغني وبرزت موهبتها من خلال الجمعيات المنشطية بالمدن الطلابية بولاية الجزيرة وكانت مشهورة بأغنيات الحماس مع صوتها الرخيم .
في العام 2007م كنا في ختام فعاليات الموسم الإبداعي الطلابي بمشاركة عدد من الولايات بمدينة القضارف وهي مسابقة تقدمها إدارة المناشط بالصندوق القومي لرعاية الطلاب وظهرت فهيمة مبدعة نالت رضاء المشاركين في الليلة الإبداعية الطلابية.
عادت فهيمة والتحقت بمجموعة نجوم الغد بقناة النيل الأزرق الفضائية ونالت شهرتها الأوسع وكانت كثيرة الجدل وذات شخصية قوية لا يرضاها البعض في القنوات وبعدها دخلت في مشاكل مع كلية القرءان الكريم بود مدني وتم فصلها بناءً على الغياب المتكرر عن الدراسة ولم تستطع أن توفق بين الدراسة والغناء وفضلت طريق المال على طريق العلم ، لكنها استشعرت المسؤولية وعادت لتلتحق بكلية الاقتصاد بجامعة الجزيرة ولا أظنها ستوفق في ذلك لأنها أصبحت فنانة محترفة تسافر خارج الوطن وتشارك في المناسبات الخاصة والعامة وتتعامل مع الملحنين والشعراء وتبحث عنهم وتشارك في المنتديات.

الوطن


تعليقات 21 | إهداء 0 | زيارات 32452

التعليقات
#906484 [cesar]
4.13/5 (4 صوت)

02-05-2014 02:23 AM
من جامعه الجزيره اتفصلت وبعدها جامعه امدرمان الاهليه كليه الاقتصاد اداره اعمال السنه الثانيه بس كمان اتفصلت قبل شهر


#906390 [ايوب مبارك]
3.25/5 (3 صوت)

02-04-2014 11:20 PM
كلكم ماعندكم موضوع ودي الكلام الاخر السودان ويلريت نكون في المهم


#906172 [انس الشقيلابي]
2.75/5 (5 صوت)

02-04-2014 06:13 PM
ربنا يهديها للطريق المستقيم بغض النظر كان من نعيمه ولا الجزيرة طالما هي عندها الطموح انها تقرا


#906047 [ابو احمد]
4.98/5 (11 صوت)

02-04-2014 04:14 PM
مرة في سوق الابيض الكبير لقيت لي واحد تاجر وعندو دكان كبيير وإشريت منو وبعد شوية بقينا نتعارف من وين ووين وعندي أصحاب في ود شلعي ذكرتهم لية وبقي بيعرفهم وقال لي أنا من نعيمة وكمان أنا مشيت أقول لية أيوة نعيمة دي ما بلد ناس الفنانة فهيمه الراجل قام هاج وزعل زعل شديد وقال لي والله إنت ذاتك ما كويس كيف تعرف نعيمه دي بي الفنانات والله نعيمة دي فيها رجال يوقفوا البلد دى علي كراع واحدة ما عرفتهم بس تعرف فنانه ذي دي وقام وسب وزعل ومرقت خليو يتشهود .........


#906042 [يونس]
4.75/5 (4 صوت)

02-04-2014 04:11 PM
تعال لي الفارغة يا كاتب المقال وين زواجها الا ليس كانت متزوجة والناس كلها شاهد الرجل الكبير في برنامج نجوم الغد (محمدسليمان)ويوم يبارك ليها ويسالها اه العرس كا ن كيف ونفس اعرف الا جابة وتااااااني مش طلقوها ولا كلا م كذب واه الدراسة الا قتصاد والغناء ممكن ينجمعوا بس البعروسها دي مش بتحمل وتلد ولا كان عرس من بره بره مافيه حمل ااه رائك شنو في الفارغة دي وكلام قعدة الجبنات والحريم بعد خروج الراجل


#906028 [ابن كردفان]
3.00/5 (2 صوت)

02-04-2014 04:00 PM
طالما اختارت طريق العلم ربنا يوفقها الى ما تصوب اليه من هدف سامي والعلم نور


#906023 [ابن كردفان]
0.00/5 (0 صوت)

02-04-2014 03:59 PM
طالما اختارت طريق العلم ربنا يوفقها الى ما تصوب اليه من هدف سامي والعلم نور


#905838 [بيكانتو]
4.63/5 (4 صوت)

02-04-2014 12:56 PM
تستاهل الدكتوراه الفخرية من جامعة الجزيرة ، لما قدمته للفن

صوتها رتيب ما تتحمل تسمعوا لنهاية الاغنية

زى الزنانه فى الخريف


بالمناسبة هسع ساكنة وين مدنى القسم الاول ولا الدباغة ولا حلة حسن يمكن فى داخلية الكلية


#905707 [حامدي من دار حامد]
0.00/5 (0 صوت)

02-04-2014 10:58 AM
الاكيد انها مش طالبة بكلية الاقتصاد جامعة الجزيره ( النشيشيبه ) بس ممكن بالمعهد


#905687 [mghoor]
4.75/5 (5 صوت)

02-04-2014 10:40 AM
يا زول النصيحه صحيح مثلتنا خير تمثيل عند شريف مادقري ...........و يا رجال وشباب النعيمه الترابه في خشمكم........قال الشريف مختار قال...حليل الشرف المافيهو لعب .اللهم استر ولايانا.قولوا امين


#905670 [نوال]
5.00/5 (2 صوت)

02-04-2014 10:27 AM
كلام فاضي نحن نستفيد منها شنو ؟؟ صحابية او لها تاريخ يا ريت الكتابة توجه للمهم


#905595 [مريود]
5.00/5 (1 صوت)

02-04-2014 09:45 AM
عنوان مضلل


#905529 [بيلاوي]
0.00/5 (0 صوت)

02-04-2014 08:56 AM
تصحيح للمعلومه (الشريف مختار)قرية بولاية الجزيره محلية الحاج عبدالله ــــ وليس الشريف عبدالله


ردود على بيلاوي
United States [عباس] 02-04-2014 10:57 PM
الشريف ولامكنون يعني شنو ،ماشوف ليك شغله.


#905515 [عاصم موسى احمد]
4.00/5 (2 صوت)

02-04-2014 08:45 AM
ربنا اوفق الجميع كتير من الفنانين تركو الدراسة ولكن رجعو ا مره اخرى وتمكنو من نيل الدرجات العليا
فهيمة عبدالله هى ليست من الشريف عبدالله وانما من الشريف مختار غرب مدينة الحوش جنوب الجزيره ونعيمة بالنيل الابيض وهيى فنانة تتمتع بصوت متفرد


#905502 [محمدين]
4.00/5 (2 صوت)

02-04-2014 08:33 AM
أها وبعدين ....

كلام فارغ وبس!!!


#905497 [زول نصيحة]
4.00/5 (3 صوت)

02-04-2014 08:31 AM
شدوا من ازرها وساعدوها ياجهلاء فالفنان صوره ومراه عاكسه لقيم مجتمعه وليس العكس
فلا تحاربوها كما حاربتم من قبلها الحوت ونادر خضر لهما الرحمه عندما تغنى الاخير ضد نظام الاجهاز
سيبوا الناس فى حالهم خلوهم فى حالهم البيناتنا طاهر ومابخطر ببالهم ..........


#905484 [المستعرب الخلوى]
5.00/5 (2 صوت)

02-04-2014 08:13 AM
وإيه هى أهمية الموضوع وماذا نستفيد من الخبر أعلاه ..؟؟ لم تكن الأولى ولن تكون الأخيرة فى المجال الغنائى ..
الناس فى شنو والحسانية فى شنو .. خلونا فى المهم ..


#905472 [إبراهيم دفع الله]
2.00/5 (4 صوت)

02-04-2014 07:55 AM
الإخوة الأعزاء إنتقلت للشريف مختار مش الشريف عبدالله . ودى رسالة للأخت فهيمة أنت شكلك بنت طيبة و أصيلة و جميلة كمان مكانك ليس برنامج نجوم الغد أو بيت المناسبات و السفر للخارج لأجل الغناء على شكلة ناس ندى القلعة و إنصاف مدنى أنت مكانك بيت الزوجية أو أى شغل محترم بعد التخرج و يا سبحان الله من جامعة القرأن لبرنامج نجوم الغد . غير ظهور المرأة على الرجال و أى رجال !!! رجال الطرب و الفن هناك الكسب السحت ( الحرام ) عليك الله يا فهيمة ورينى فنان و احد مات وترك لعياله خير . عموما هذا مجرد رأى لأخت نقدرها .


#905466 [محمود]
5.00/5 (3 صوت)

02-04-2014 07:52 AM
اختارت طريق المال على طريق العلم .. لا اظنها ستوفق .. والله انت زول عجيب جداً شنو الفارغة الانت فيها دي


ردود على محمود
United States [استرليني] 02-04-2014 01:18 PM
دي ما فارغة دي حقيقة

اصلاً طريق العلم والعلم الشرعي كمان يوفق له الله سبحانه وتعالى وبالتاكيد مقارنته بطريق المال يكون الخسار واضح ... فلا تظن ان التوفيق هو جمع المال !!


#905410 [kabbashi]
4.50/5 (3 صوت)

02-04-2014 05:17 AM
Wh?o is she by the way


#905374 [loody]
4.50/5 (4 صوت)

02-04-2014 02:11 AM
استحلفكم بالله ده معقول يكون موضوع. دى معلومة لاتنفع احد قرت وين رفدوها خلوها نحن مالنا.
زول زى ده لازم يحكمو واحد زيو اعوذ بالله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة