الأخبار
منوعات سودانية
الشاعرة الشابة تسنيم الفاتح : أنا من سلالة الشيخ القرشي ود الزين اخترت دراسة الزراعة عن رغبة ولا أعرف روضة الحاج
الشاعرة الشابة تسنيم الفاتح : أنا من سلالة الشيخ القرشي ود الزين اخترت دراسة الزراعة عن رغبة ولا أعرف روضة الحاج



02-03-2014 11:47 PM

من خلال وجودنا ببورتسودان كانت الطالبة تسنيم الفاتح صالح الطالبة بكلية الزراعة جامعة الخرطوم ضمن وفد أمانة الصندوق بولاية الخرطوم للمشاركة في مهرجان السياحة والتسوق السابع وقد برزت بصورة ملفتة في تقديم الشعر من خلال مشاركتين مما جعلنا نتنبأ لها بمستقبل واعد واستأذناها لنحاورها داخل البص في رحلة العودة للخرطوم فماذا قالت:
أنا من ولاية الجزيرة من قرية طيبة الشيخ القرشي وجدي لأبي الشيخ القرشي ود الزين أستاذ المهدي المعروف والوالدة ميمونة مهندسة من منطقة ود الترابي وهي الأخرى منطقة دينية ولهذه المناطق تأثير روحي وصوفي في حياتي وأعتز بذلك.
تعلمت في الخرطوم وكان لمدرسة الطيب سعيد الأنموذجية الأساسية بكوبر ببحري تأثير كبير في حياتي الأكاديمية والمنشطية ثم مدرستي الحاج مصطفى والملك فهد الثانويتين دور مهم واخترت كلية الزراعة في جامعة الخرطوم عن رغبة ونسبتي كان يمكن أن تدخلني الطب وكانت هي رغبة الأسرة فأنا أهوى البستنة والخضرة ولذلك تأثير على الفكر والأدب والفنون.
شاركت في منتديات الجامعة كشاعرة وبدأت الكتابة فعلياً وأنا في بداية الجامعة .
قلت لها هل تأثرتي بطريقة روضة الحاج في الكتابة والإلقاء فقالت لم أشاهدها ولم أسمعها في حياتي رغم أنها نجمة وشاعرة كبيرة فلي شخصيتي.
إدارة المناشط بولاية الخرطوم أسهمت كثيراً في تطوير مستواي في الكتابة والإلقاء وسفرية بورتسودان الأولى للولايات للمشاركة ولن تكون الأخيرة وقد بهرتني المدينة بجمالها ونظافتها.
بعد التخرج سأهتم بالعمل في مجال الزراعة لأن السودان بلد زراعي ويحتاج لسواعد بنيه في التطور ولن أتجاهل الشعر والوالد ظل يدفعني باستمرار للتميز وأنا أسير على درب توجيهاته ولا أتخطاه في شيء والوالدة مهندسة بوزارة التقانة وتكتب الشعر أحياناً وتوفق جدا بين العمل الشاق والتربية في البيت ولأنني البنت الكبرى أساعدها في المطبخ وأكتب الشعر بكل مدارسه وأميل للشعر الحر وأحياناً الدوبيت.

الوطن


تعليقات 17 | إهداء 0 | زيارات 4111

التعليقات
#917657 [هيبة ملك]
4.00/5 (1 صوت)

02-17-2014 01:46 AM
استغفر الله العظيم ،متين تسنيم قالت الكلام ده ،والله الصحفي ده ربنا يحاسبو ،يا ناس هي قالت ما سمعت ليها بالقدر البخليني أتأثر بيها مش ما بعرفها نهائي


#908456 [بت صالع]
5.00/5 (1 صوت)

02-06-2014 10:59 PM
لابد ان هذا تهويل من الصحفي الذي اجرى الحوار مع الطالبة تسنيم الفاتح قد تكون الطالبة قد سمعت بروضة الحاج ولكنها لم تسمع لها او انها لم تستمع لها بالقدر الذي يجعلها تتاثر بها في كتابة الشعر والقاءه .. كما انني اعتقد ان هذا اضافة لما لتسنيم من تميز ان يعتقد فيها الصحفي ان بها ملامح من روضه الشاعرة الفذة المشهورة واتوقع لها مستقبل مزهر ان واصلت تنمية موهبتها .

تربطني بتسنيم الفاتح معرفة شخصية ..


#906243 [بكري الملك]
0.00/5 (0 صوت)

02-04-2014 08:47 PM
ناقص تقولي ما بعرف محي الدين الفاتح والله سند كمان طيب الشعر انتو بتتعلمو تنظمو مفرداته كيف اذا ما سمعتو السبقوكم ...ذاكري ياختي وتعالي


ردود على بكري الملك
United States [lolo] 02-23-2014 04:57 AM
ما تهاجموا البت ساي...لكن بيني و بينك...جيل الزمن لا بعرف محي الدين الفاتح لا مصطفى سند..!!...مرة بالصدفة جات سيرة شاعر النخلة..قام أحد المتفلسفين أنصاف القراء...قال و بحليفة إنو محي الدين الغاتح دا أساسا فنان و من الشمالية!!
رحم الله زمان الشاي باللبن...و طابت الشيخ عبدالمحمود...!!


#906032 [ابو احمد]
5.00/5 (1 صوت)

02-04-2014 05:02 PM
أحيييكي وأحيي البزعه عامة يا سليلة بيت الحسب والنسب الرفيع


#905978 [كفاية]
0.00/5 (0 صوت)

02-04-2014 04:19 PM
مغرورة على الفاضي لن تنجحي في الشعر ولا في الزراعة صدقيني


#905964 [daan]
0.00/5 (0 صوت)

02-04-2014 04:06 PM
الاخت فلبنية ؟ ماسمعتى بروضة الحاج اكيد سمعتى بندى القلعة وحنان باوبلو ؟عالم بتجوبوها لية ياناس الراكوبة الشاعرة نزار قبانى


#905961 [ابوعابد]
0.00/5 (0 صوت)

02-04-2014 04:02 PM
كونك لاتعرفين روضة الحاج غهذا يخصم منك الكثير ولا ينقص شيئا من خنساء السودان . وهذا دليل قاطع على ضحالة معرفتك بالشعراء والشعر في السودان، حاولي الاطلاع كثيرا ولاداعي للغرور انت لسه مافي حد بيعرفك فقدمي نفسك للناس في شكل لائق بالشعر


#905928 [رانيا]
0.00/5 (0 صوت)

02-04-2014 03:37 PM
يا ستي الأستاذة روضة الحاج الكل يعرفها ويتمنى يسمع شعرها وصوتها الرخيم ..كيف ما تعرفيها ولا تستمعي لها ولو من باب الفضول ؟؟ نص عمرك ضايع ..


#905852 [عبدالرحيم]
5.00/5 (1 صوت)

02-04-2014 02:21 PM
للأمانة لا اعرف روضة الحاج المقنطرة في العنوان دي ما قالتها الطالبة تسنيم قالت " لم أشاهدها ولم أسمعها في حياتي رغم أنها نجمة وشاعرة كبيرة" والفرق واضح ولا ننسى اشارتها الى انها نجمة وشاعرة كبيرة.
قول يا لطيف


#905794 [الشايل المنقة]
0.00/5 (0 صوت)

02-04-2014 01:09 PM
... نكتة..
زميلها: بتعرفى العتود ..؟
زميلتو: لا ما بعرفو.!
زميلها: ما بتعرفى العتود..!؟
زميلتو: والله العظيم ما بعرفو..!!!
زميلها: يا زولة إنتى فى الجامعة وما بتعرفى العتود..!!
زميلتو: والله ما بعرفو ولا شفتو, ليه هو قال بيعرفنى..!؟؟
...الغريبة اى واحد او واحدة يزور بورتسودان يقول اندهش واتعجب وانبهر من نظافة وتنظيم المدينة ,الظاهر الاخ العزيز باقان اموم ما غلطان,,فك سلفا كيير اسره..!


#905718 [سامية]
0.00/5 (0 صوت)

02-04-2014 12:06 PM
اذا لم تكونى قد شاهدتى ولم تسمعى بالشاعرة روضة الحاج في حياتك فهذا يدل على محدودية متابعاتك الشعرية و ضعف ثقافتك العامة و عليكى أن تتابعى الساحة الشعرية فى السودان و الوطن العربى ان كنتى ترغبى فى تنمية موهبتك الشعرية.


#905646 [محمود]
0.00/5 (0 صوت)

02-04-2014 11:11 AM
ههههههههه كل العالم سمع بى روضة الحاج إلا انتي


#905546 [اوبرا]
0.00/5 (0 صوت)

02-04-2014 10:07 AM
لم أشاهدها ولم أسمعها في حياتي رغم أنها نجمة وشاعرة كبيرة pppppppppppppppp


#905461 [ابو مازن]
0.00/5 (0 صوت)

02-04-2014 08:50 AM
سلامات --- لا بد ان تكون الطالبه تسنيم الفاتح متميزه --- لانو امها هى اخت الترابى واسمه ميمونه الترابى --- وابوها من قرية طيبه الشيخ القرشى ود الزين كان رائد فى جهاذ الامن وقت الترابى وهو من سلالة الشيخ القرشى


#905449 [زول كادح]
0.00/5 (0 صوت)

02-04-2014 08:38 AM
لم تشاهد وتسمع عن روضه الحاج !! عجبي


#905436 [محمد]
0.00/5 (0 صوت)

02-04-2014 08:20 AM
للأسف عدم معرفة روضة الحاج دليل جهلك وقلة ثقافتك


#905381 [sudani]
5.00/5 (1 صوت)

02-04-2014 03:28 AM
بسم الله الرحمن رغم انني لم احظي بسماع الشاعرة الا من خلال الحوار ولكن اظهر انها مغرورة حبتين او ثقافته العامة تعبانة كيف لم تسمعي بخنساء السودان التي رفعت رؤسنا في شاعر المليون والجنادرية تابعي لتتعلمي ولا داعي لحورات غير مفيدة يا ناس الراكوبة جزيتم خيرا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة