الأخبار
أخبار إقليمية
مصادرة صُحف (الصحافة)، و(ألوان) و(الأيام)...القبض على صحفية وترحيلها من (الخرطوم) إلى (مدني) !
مصادرة صُحف (الصحافة)، و(ألوان) و(الأيام)...القبض على صحفية وترحيلها من (الخرطوم) إلى (مدني) !



02-04-2014 02:31 PM
مصادرة صُحف (الصحافة)و(ألوان) و(الأيام).القبض على صحفية وترحيلها من (الخرطوم) إلى (مدني) !

دشَّن جِهاز الأمن حملة جديدة ضد حُريَّة الصحافة والتعبير بمُصادرته اليوم (الإثنين 4 فبراير 2014) أعداد صحف (الصحافة)، و(ألوان) و(الأيام) بعد الطباعة، دون إبداء أية أسباب أو مُبرّرات كالعادة.

ويجىء هذا الإعتداء السافِر على حريَّة الصحافة والتعبير فى الوقت الذى تتحدَّث فيه السُلطة عن إستعدادها للحوار مع المُعارضة، وبسطها للحُريَّات، بما فى ذلك حرية الصَّحافة، والتعبير، والتنظيم، الأمر الذى يكشِف التناقُض التام فى الرسائل الصادرة من السلطة وأجهزتها القمعيّة، ويؤكِّد عدم مصداقيَّة السُلطة فى إحداث إصلاحات أو تحوُّلات جذريّة فى طبيعة النِظام القمعى الدكتاتورى.

وألقت شُرطة المباحث الجنائية القبض على الصحفية فاطمة رابح، من مقر عملها بصحيفة (الأهرام اليوم) بالخرطوم، فى حوالي الساعة الثانية من بعد ظهر يوم (الأحد 2 فبراير 2014)، وإقتادتها إلى مقر إدارة التحريات الجنائية بنيابة الصحافة والمطبوعات بمدينة مدني بولاية الجزيرة قبل أن تخلي سبيلها بالضمان العادي في الثامنة والنصف من مساء ذات اليوم.

وحققت شرطة المباحث مع فاطمة رابح بشأن مادة صحفية نشرتها صحيفة (الأهرام اليوم) يوم (السبت 1 فبراير 2014) بعنوان: (إغماء مفاجيء لوالي الجزيرة إثر نقاش حاد مع وفد من محلية أم القرى).

وتقدَّم بالدعوى الجنائية علاء الدين عبد الوهاب مدير إدارة المراسم بإدارة حكومة ولاية الجزيرة، في بلاغ رقم (403 - 2014) المواد (159) – القانون الجنائي، والمواد( 66 – 24 - 26) من قانون الصحافة والمطبوعات، مُطالباً بدفع تعويض قدره (3) مليار جنيه لإزالة الضرر النفسي عن والي الجزيرة الزبير بشير طه.

تناشد (جهر) كافة المهتمِّين/آت (الأفراد/ الجماعات/ المؤسسات) بقضايا رصد وتوثيق الإنتهاكات بالتواصل مع (جهر) عبر مختلف الطرق المُتاحة، والبريد الإليكتروني لـ (جهر) : ([email protected])


- لا لإرهاب الصحفيين، ومُصادرة الصُحف
- نحو قانون صحافة يحترم حقوق الصحفيين

صحفيون لحقوق الإنسان (جهر)
4 فبراير2014


تعليقات 27 | إهداء 0 | زيارات 8615

التعليقات
#906879 [krkasa]
0.00/5 (0 صوت)

02-05-2014 12:07 PM
رجع بنا الكيزان الى عصر الإقطاع في طريقهم الى بلوع مرحلة الخلافة...؟؟؟ هل هنالك فرق في القوانين بين الخرطوم ومدني ..؟؟..


#906314 [رزق]
0.00/5 (0 صوت)

02-04-2014 10:14 PM
ومنو البعوضّنا نحنا ديل عن ضرركم النفسي لـ 25 سنه ؟؟؟؟؟


#906271 [cour]
0.00/5 (0 صوت)

02-04-2014 09:11 PM
انا مش عارف الاغماء كان الساعة كم لاكن نفس اليوم الساعة 5 مساء الوالى كان بالشكابة فى واجب عزاء الفقيد الرائد / انور اسحق ادم لة الرحمة والمغفرة . والرجل كان بكامل صحتة وعافيتة لذلك شخصيا استبعد الاغماء وبخاصة هو عالم النفس


#906222 [جركان فاضى]
0.00/5 (0 صوت)

02-04-2014 08:25 PM
يا اخى الصحفية خليها تقول غفوة ساكت..تقول غلطت وخلطت بين الغفوة والاغماءة...الغفوة فيها سجن شهر شهرين...بس الاغماءة ممكن تجيب بيوت اشباح...وكلام تانى كتير


#906221 [كرباج]
0.00/5 (0 صوت)

02-04-2014 08:25 PM
كلام عجيب


#906217 [جدودنا زمان]
0.00/5 (0 صوت)

02-04-2014 08:22 PM
كله لعب على الدقون
خصوصا مصادرة جريدة الوان

هم سايبين حسين خوجلي يردح الليل كله
والصباح يصادرو جريدتو بتغشو في منو انتو وحسينكم

لقو انه حسين خوجلي برنامجه بقى ممل والناس بدت تبعد
قالو نعمل حركة في شكل وردة عشان نشوفه الليل يقول شنو
وبكرة يقول شنو

كفاية تمثيل وخداع ولعب على عقول الشعب السوداني

مسختووووووووووها


#906187 [kalifa ahmed]
0.00/5 (0 صوت)

02-04-2014 07:26 PM
إغماء الوالي أو اي شخص خلال العمل يمكن أن يكون رصيد له يوضح مدى اخلاصه وغيرته على اداء العمل رغم الارهاق او المرض !!!! في حالة عدم حدوث ذلك الموضوع بسيط، فقط ينفي مكتبه في بيان قصير عدم حدوث الأمر وبالتالي تكون الصحيفة ومراسلها قد فقدا المصداقية وهي رأس المال الحقيقي للصحافة وغيرها من وسائل الاعلام ......أما موضوع فتح قضية ضد الصحيفة والمطالبة بتعويض مقداره 3 مليار دا شغل جنجويد ساكت،،،،، بعدين احنا الوالي دا صحتو تهمنا في شنو أحنا يهمنا أداءه كوالي للجزيرة وليس راس حربة لمنتخب الجزيرة.....!!!!!!!


#906141 [الحاج]
5.00/5 (1 صوت)

02-04-2014 06:49 PM
طلب 3 مليار
ده ما كان عندو 3 قروش يركب بص من مدني لجزيرة الفيل
لعن الله الاخوان المسلميين العملوك والي


#906122 [فاروق بشير]
1.00/5 (1 صوت)

02-04-2014 06:23 PM
بروفسر فى علم النفس اكيد لن يؤثر عليه خبر اغماء مفبرك كما يقول.
ولماذا لا يتضرر نفسيا من اخبار الموت المحقق والاغتصابات والجوع والامراض التى تفتك بالشعب شرقه وغربه؟


#906116 [aljamed]
2.00/5 (2 صوت)

02-04-2014 06:20 PM
ثلاث مليار لازالة الضرر النفسی الذی لحق بالوالی!!!!!!!!!!!!!!!


#906107 [ابراهيم قرية ودرزوق المغاربة]
3.00/5 (2 صوت)

02-04-2014 06:08 PM
3 مليار انا متغرب من سنة 1997 في السعودية وسمعت شتايم وفلقت وفلقوني وجاني ضغط وكم مرة اغمي علي ومتوجع من فراق الاهل وبدفع الضرائب وراس مالي صفر هسي غالبني اسوي لي بيت اقعد فيهو دا علشان اغمي علية داير 3 مليار ياخي انا مستعد اخش ليكم في غيبوبة سنة وادوني نص مليار بس -_ة


ردود على ابراهيم قرية ودرزوق المغاربة
United States [جركان فاضى] 02-04-2014 06:41 PM
غيبوبة لى غيبوبة تختلف...غيبوبة الوالى فيها حسابات تقيلة...اما غيبوبتك انت شن من غيبوبة...غيبوبة خرمة تمباك


#906080 [ابو احمد]
5.00/5 (1 صوت)

02-04-2014 05:41 PM
المدعو/مصطفى عثمان أسماعيل قال الشعب السودلنى كان شحات، وبما اننى مواطن سودانى فقد أصابنى ضرر نفسى بليغ بل انكسار وعقد نفسية وزلة ومهانة، لذلك فأنا اطالب بتعويض مالى بسيط نسبيا بمبلغ مليار جنيه سودانى بالقديم ومن حق اى مواطن سودانى عنده غيره على وطنه أن يتقدم بطلب تعويض من الطفل المعجزة.
القروش كملت والجماعة فلسوا.


#906069 [ضل الدليب]
0.00/5 (0 صوت)

02-04-2014 05:32 PM
كل الصحف التى تم ايقافها تخدم النظام وليس لاصحابها هم وطنى......نرجو ان يغلق جهاز الامن البقية ونستريح من الهراء الصحفى


#906040 [سودانا فوق]
5.00/5 (1 صوت)

02-04-2014 05:06 PM
الجرائد ديل صدقوا خطاب الرئيس ام لم يفهموه وهو طبعا ما بتفهم هو قال مستعد للحوار وبسط الحريات ويكون لسه ما استعد كويس تقوموا تاخدوا راحتكم يا ناس الجرايد
الوالي المجاهد داير القروش دي كلها يعمل بيها شنو دي حالتها اغماءة ومال لو قالت استشهد كانوا حيطلبوا كم ؟
بعدين الصحفية اعتقلوها في الخرطوم وسافروا بيها مدني عشان يحاكموها هناك ام عشان تتأكد بنفسها من صحة الوالي ام عشان الوالي يديها درس في الاخلاق وبعد داك يطلب تعويض عن الضرر النفسي الذي لحق به وهل الاغماءة تسبب ضرر نفسي ؟


#906013 [Gogomri Salim KOKO]
5.00/5 (1 صوت)

02-04-2014 04:52 PM
تزعلون بالمجاني وكان زعلناكم بثلاته مليارات دي شنو دا


#905985 [محمد عبدالرحمن]
4.00/5 (3 صوت)

02-04-2014 04:24 PM
شوف ناس علاء الدين عبدالوهاب و والي الجزيرة الكلاب ديل بسو في شنو؟؟؟؟؟؟ تغرموا ليكم وليه عشان قالت والي الجزيرة اغمي عليه؟؟؟ ما تقتدوا بالمصطفي صلي الله عليه و سلم .... عندما قال فيه الناس ما قالوا امام ناظريه و لم يفعل لهم شيئا ... اسع كان قال ليها يا بيتي ما تقولي فيني حاجة ما حصلي لي (اذا فرضنا ان ما اغمي عليه) ح تجيه جلطة تكسروا يعيني؟؟؟.... من هو والي الجزيرة؟؟؟ قصة عجية .... ما يغمي عليه ..... هو لاقي الاغماء.... ولا ما داير المرض؟ ... ما عارف ان المرض كفارة ذنوب؟؟؟؟


#905979 [nasir radi]
4.25/5 (3 صوت)

02-04-2014 04:20 PM
خبر الاغماءة خبر عادي ولايستحق توقيف صحفي او مساءلته وبعدين ماهو لزوم عمل ادارة للمراسم في ولاية عاجزة حتي عن تسديد رواتب العمال ؟؟؟!!!


#905954 [بتاع بتتييخ]
5.00/5 (1 صوت)

02-04-2014 03:58 PM
لا حول ولا قوة الغرد يعنى تلاتة مليار جنيه عشان ياعينى الوالي جاو ضرر


#905946 [الممغوص]
5.00/5 (3 صوت)

02-04-2014 03:48 PM
التحية لكلاب الأمن الذين لم و لن ينسوا للحظة واحدة أنهم كلاب دربها السفاح لمداهمة أي شيئ أمامهم


#905942 [حلفاوي السوداني]
5.00/5 (1 صوت)

02-04-2014 03:44 PM
قال حريات قال !!!!!!!


#905935 [حمدى]
5.00/5 (2 صوت)

02-04-2014 03:41 PM
البنت دى ما عندها شغله ولا شنو؟
تتهم الوالى المجاهد بأغماءة مفاجئة؟ وهو على استعداد لان يموت شهيدا؟
يابنت الناس ليه سوء الظن دا


#905931 [حسكنيت]
5.00/5 (1 صوت)

02-04-2014 03:38 PM
شفتوا الوثبة دى كيف ؟...بالزانة وكدا


#905926 [ود الكوتش]
5.00/5 (1 صوت)

02-04-2014 03:34 PM
مُطالباً بدفع تعويض قدره (3) مليار جنيه لإزالة الضرر النفسي عن والي الجزيرة الزبير بشير طه.ههههههههههههههههههههههههههههههههههههههههههههههههههه ياخي عالم هايفه ورايقه كيف


#905923 [قوز دونقو]
5.00/5 (1 صوت)

02-04-2014 03:33 PM
يعني الوالي إلا يكون في نقل مباشر و يشاهده كل العالم أثتاء الإغماءة و لا شنو ؟؟؟ يعني الوالي دا معصوم من المرض أو الحالات الطارئة؟؟ يعني كل خبر عن مسؤول (لازما) يجي عن طريق الوكالة الرسمية للأخبار ؟؟ يعني لو كنت حاضر الحادثة و بالصدفة صورتها بالنقال و أرسلتها إلي وكالة أنباء ما و تم نشرها و شاهدها كل العالم هل أعاقب أم يكون الأمر (سبق صحفي )
كل الأنظمة الديكتاتورية و القمعية و الشمولية تنكر كل شئ يكشف عورتها ( و بالغلاط) و ليس بالواقع ؟؟؟؟
لقد عاصرنا أنظمة قمعية كثيرة و عرفنا كيف يصرفون شؤون الدولة متخذين من الآية الكريمة علي لسان فرعون عليه لعنة الله ( ما أريكم إلا ما أري و ما أهديكم إلا سبيل الرشاد) غافر من الآية 29
فكل ما لم يصدر منهم أو من إعلامهم فهو باطل و غير حقيقي و إشاعة (ساكت) و يعاقب من يقول بغير ذلك ؟؟

و يصدف أن يقع الحدث أمام ناظرينا تتناقله وكالات الأنباء العالمية و لكن يخرج إلينا الناطق الرسمي للحكومة بنفي ذلك الخبر و ينكره جملة و تفصيلا بل و يرمي بالكذب و العمالة لمن يقول بغير ذلك ؟؟؟
و يا خبر اليوم بفلوس و بكرة ببلاش ؟؟؟


#905920 [ود الفكي]
4.75/5 (4 صوت)

02-04-2014 03:31 PM
يعني والي الجزيرة الزبير بشير طه بقى جبان ويهرهر من مجرد خبر بسيط عادي زي ده؟ فيها شنو لما يدوخ يعني؟ هو قايل الناس حتقول عنه شنو؟ حامــل مثلاً في شهرين بيتوحم ؟


#905906 [برعي]
4.25/5 (3 صوت)

02-04-2014 03:19 PM
والي الجزيرة مفروض يدفع دمه كله نقطة نقطة ولن يزيل الضرر النفسي عن سكان الولاية


#905874 [عادل احمد]
5.00/5 (3 صوت)

02-04-2014 02:42 PM
النشوف الحكامة الليلة بتقول شنو ؟؟؟؟؟؟؟؟؟؟؟؟؟؟؟؟؟


ردود على عادل احمد
European Union [ود الغرب] 02-04-2014 04:42 PM
هههههههههههههههههههه الحكامة دي ريحتني شديد

United States [حنين] 02-04-2014 03:56 PM
الليلة حايجى مغبون خلاص مع مصادرة جريدتة الوان ...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة