الأخبار
أخبار إقليمية
ردا على مقال عاملات منازل سودانيات بالسعودية!!
ردا على مقال عاملات منازل سودانيات بالسعودية!!
ردا على مقال عاملات منازل سودانيات بالسعودية!!


02-05-2014 03:04 AM
بسم الله الرحمن الرحيم

أسماء الجنيد

رفقا بالقوارير ايها الكاتب !!

مع إحترامي لكاتب المقال لكن من نقطة البدايةالمقال متناقض فكرة ومضمون!! وهذا هو الدليل ... كتبت الفقرة الآتية :
( قصدت أن يكون عنوان المقال (عاملات منازل) وليس (خادمات منازل) منعاً للشعور بالصدمة والرفض التلقائي للطرح!!)
عدم قناعتك بمقالك هذا،وتحديدا كلمة ( خادمة هي التي جعلتك توسوس بردة فعل القاريء) ودي في حد ذاتها تناقض كبير , يعني الطرح من البداية مافي اي داعي له وكنت متوقع ردة فعل الناس،لذلك حبيت تتكلف وتلون في المسميات ! اسمح لي ان اقول لك بالسوداني البسيط (الأصبع الواحد ما بغطي الوش)!!

ثم طلبت من القاريءالحصيف ما يلي:(أدعوك عزيزي القارئ أن تمر على ما يلي من كلمات( بعين العقل والمنطق لا بعين العاطفة)

بصراحة لا يوجد منطق ولا عقل فيما اشرت له في لب مقالك الغريب هذا !! ومثل هذه مواضيع لا تتحكم فيها العاطفة بقدر ما يتحكم فيها العقل الذي وهبنا وميزنا به الله سبحانه وتعالى دون سائر المخلوقات! ويجب ان نتبع ما يأمرنا به ديننا الحنيف ، الذي كرم المرأة، قال :

صلي الله عليه وسلم ( رفقا بالقوارير ) وقال صلى الله عليه وسلم (لايكرمهن إلا كريم ، ولا يهينهن إلا لئيم ) ثم لا تنسى عاداتنا وتقاليدنا السمحة التى بحمد الله ورثناها عن كبارنا المثقفين بالفطرة وحكماء بالوراثة ، علمونا كيف نحترم المرأة ونقدرها ! هذه العادات والتقاليد ترفض ما اشرت له جملة وتفصيلا ! ونعتبر مقالك هذا إهانة لحواء السودانية التي ناضلت مع رجالنا الأشاوس ضد المستعمر حتى حررت البلاد ، وطرد العدو ورفع علم الإستقلال عاليا خفاقا !! كيف سمحت لك نفسك ان تخاطب نفس هذه المرأة حفيدة مهيرة وعزة الوطن ، سلالة الجود والكرم ، ان تعمل ( خادمة في بيوت الغرباء خارج ارضها ) هل هذا هو منطقك وعقلك ؟ كان اولى بك الصمت !! بل يجب عليك الإعتذار..

قبل الخوض في تفاصيل المقال اسمح لي يا دكتور ان اقول لك ايضا يؤسفنى ان من يكتب مقال بهذا الإسلوب ويطرح هذا الطرح!ليس هذا السوداني الذي نخبره !! ودليلي حسب ما ورد في مقالك إنك تفتقر لأهم صفات السوداني الأب والأخ والجارالقلبو حار على عرضه ! تفتقر للنخوة والشهامة وعزة النفس،, ! توصلت لهذه النتيجة بناء على ما ورد في هذا المقال الظالم ومجحف في حق كل بنات بلدك في كل ربوعه ! السوداني الذي نعرفه، من شبينا لن يرضى بالحقارة والهوان ولو على رقبتو سيف!! كيف يقبل الذل والمهانة لأخواته وبناته وبنات جلدته ، أن يمتهن هذه المهنة الوضيعة ! نعم وضيعة ولا تغني ولا تسمن من جوع !! تقبل ان تعمل بت بلدك بل تؤيد عملها ومخالطتها مجتمعات غريبة عليها ومع أناس خبرناهم وعايشناهم ونعلم طباعهم مع الوافدات من ( خادمات منازل ومربيات أطفال) !! منوالبقبل لبنته أواخته أو حتى جارته ان تعمل خادمة وتسكن وسط اسرة لا تحترم حتى خصوصيتها!!! وإعلام تلك البلاد هو الشاهد على مشاكل يشيب لها الولدان بين سيدات المجتمع الخليجي والخادمات الوافدات من معظم الدول الأسيوية وغيرها من دول سمحت لرعايها بمزاولة هذه المهنة !

هل تقبل ان ترى سودانية تعمل خادمة وتذل وتهان امام روؤس الأشهاد في المجمعات والأسواق والحدائق العامة من اجنبي ؟ وأنت تقف تتفرج ؟؟ هذا هو حال الخادمات الأجانب في كثير من الدول في الأماكن العامة وامام كل المارة !! وما خفي اعظم !!

ما يحدث خلف الأسوار لا يعلمه إلا الله ؟ ماهذا الهوان؟ هل نضب إحساسنا بالمسؤولية؟ هل دفنت نخوتنا؟ هل اختفى وتلاشى ( الزول الحار ) المأمون على بنوت فريقه؟؟ لا اظن اخي الكريم ؟ نعم الكيزان سرحوا ومرحوا وغيروا وبدلوا الكثير من ملامحنا السمحة العتيقة!! لكن الحمد والشكر لله ما زلنا نتنفس العزة ونتوسد الكرامة والكبرياء! ولا نرضى كمجتمع محافظ له عاداته وتقاليده التي تفرد بها عن معظم المجتمعات الآخرى، لا نرضى ولن نقبل ان تعمل سودانية في هذه الوظائف التي لا تشبهنا ابدا! لم ولن يحدث هذا من قبل ! ولن يحدث مهما كانت الحوجة للمادة! توجد عشرات البدائل لوظائف شريفة ومحترمة مهما كانت رواتبها شحيحة! لكن القناعة هي الكنز الذي لا يفنى ابدا !!واهم شيء لازم تعرف ان المباديء لا تتجزأ ! واهمها اننا نرفض حتى إهانة الشباب في بعض دول المهجر من بعض اصحاب العمل حتى وإن كانوا قلة !! فكيف ترضاه للمرأة التي لا حول ولا قوة لها! وفي غربة ومسجونة بين اربعة حيطان !!!

السوداني معروف للبعيد والداني في كل دول الخليج ، وبشهادة ابناء الخليج نفسهم ، إن السوداني له باع طويل وبصمة واضحة في نهضة التعليم في كل دول الخليج منذ عشرات السنين،، و ساعد في النهضة عموما والعمران في تلك الدول،، نعم كل موظف يعمل براتبه ,, لكن الأهم السمعة الطيبة ، وسمعتنا دائما وبكل فخر الحمد لله إن السوداني معدنه اصيل و لن يصدأ ابدا .. كانوا وما زالوا منارات للعلم والثقافة والأمانة,, و عنوان للمثل التي توارثناها عن جدودنا البواسل ، في كل بلد يوجد الشواذ ، لكن الغالبية لم تتبدل ولن تتحول بفعل تردي الإقتصاد وجور الحكام وسياساتهم المدمرة ! ما زلنا بحمد الله نصدر الخبرات الثرة ، وخيرة شبابنا وكبارنا اصحاب عقول راسخة من خريجي الإقتصاد والقانون والعلوم والأطباء والمهندسين والعمال المهرة الخ هم سفراء السودان في تلكم الدول!

لا تتوقع ان نتغير ونتبدل بسبب الفقر مهما طالت عمامته ولا نتقهقر لهذا الدرك السحيق! نقولها لك بالفم المليان ، مقال مثل مقالك هذا لا نتوقعه من سوداني من بطن هذا الشعب الحر الأبي !! اما تغييرك لكلمة خادمة بكلمة عاملة في مقالك يدل على دفن رؤسكم في الرمال!! ودس السم في الدسم !! لكن مهما ( زينت لغة خطابك ) لن تنطلي اساليبكم على الحرائر من بنات بلدنا ولا على رجالنا فخر اوطاننا ، الرجل السوداني الأصيل لا يقبل لأي سودانية لما اشرت له في مقالك هذا!! رجالنا هم حوبتنا وقت الحارة وهم ضرانا وسند ضهورنا مهما جار علينا الزمن!! ومهما قست الحياة واصبح الوضع لا يطاق ! الم تسمع أخي كاتب المقال بإحتفال المرأة السودانية المناضلة بمرور 62 عاما لنهضتها ؟ كيف لك ان تجرح كرامة الآلاف من حرائر بلدك وعلنا دون حياء او مواربة؟!!!

متاوقة
تحتفل المرأة السودانية في بلادي بكل فخر بمرور 62 عاما على تأسيس الإتحاد لنسائي السوداني،التحية لكل الرائدات من نساء بلادي وهن يواجهن قهر وظلم وجبروت النظام الحاكم!!ولم يسلمن من بعض الأقلام التى اقل ما نقول عنها تابعة لهذا النظام الجائر وإعلامه الذي يطبل له لشيء في نفسه!! الكوز سوف يظل كوز وإن طالت لحيته وقصرت عمامته،، ومع قصر العمامة يتقلص الفهم لدرجة العدم !!!
أسماء الجنيد


تعليقات 116 | إهداء 0 | زيارات 14977

صفحة 1 من 212>
التعليقات
#908475 [د/ نادر]
0.00/5 (0 صوت)

02-06-2014 11:22 PM
يا اخواني هنالك طريق سهل للغاية لحل كل هذه السجالات وهو توفر الامانة وابسط قواعد الاخلاق هنالك حوالي 3 مليون مغترب تقريبا واذا تواضعنا وقلنا الواحد يدفع 300 ريال زكاة سنويا (انا شخصيا ادفع 900 ريال سنويا) ودون النظر الي الرسوم الاخري من تجديد الجوازات واصدار جواز جديد وخروج وتوثيق الوثائق المختلفة في السفارات .
نضيف 3 مليون ايضا من الداخل والذين يدفعون الزكاة ولهم القدرة علي ذلك والتي نجدها ايضا في كثير من المعاملات التجارية و تسجيلات الاراضي وخصم من الرواتب وغيرها يكون الرقم الكلي حوالي 6 مليون مضروبا في 300 ريال تكون الجملة مليار وثمانمائة مليون واذا قلنا ان هنالك 100 الف فتاة مستعدة للعمل كخدم منازل وهذا رقم كبير للغاية ستكون نصيب الواحدة من الزكاة 18000 ريال سنويا اي حوالي 1500 ريال شهريا وهوما يعادل راتب اجعص موظف ولكن لا اقصد هنا موظفي الجماعة


#908044 [سودانى ساكت]
5.00/5 (1 صوت)

02-06-2014 01:49 PM
لك التحية

رجاء الاشارة الى اي تعليق يستحق الحذف لاجراء اللازم

فكلنا يجب ان نراقب ونهتم بذلك


ردود على سودانى ساكت
United States [د.أحمد] 02-06-2014 02:56 PM
الحمدلله بأن كل التعليقات هنا ماعدا 5 أو 6 تعليقات،عكست مدى احمرار تلك الخطوط،أضم صوتي لك نرجو حذف أي تعليق الغرض به تشويه سمعة بنات السودان أو يضلل أوغير مفيد في مثل هذا الموضوع الحساس الذي لا يحتمل التأويل والمهاترات السطحية.


#907991 [جابر]
4.00/5 (4 صوت)

02-06-2014 01:02 PM
معظم المعلقيين علي هذا الموضوع الذي وجد اهتماما كبيرا من القراء, كانت تعليقاتهم مبنية علي امور عاطفية وان لا اختلف مع من يرفض عمل المرأة السودانية كخادمة خارج الوطن . ولكن دوعنا واقعيين ولو قليلا . نحن نستقدم خادمات من الخارج للعمل في بيوتنا ونرفض عمل بناتنا كخادمات في الخارج . كان المفروض ان نمنع استقدام الخادمات من الخارح ونعطي فرصة لمن يرغب العمل من الداخل رغم ان ظاهرة الخادمات اصبحت شىء اشبه بالموضة ومثار تفاخر في مجالس السيدات . اري مثل هذه الامور كان الواجب ان يعمل لها ورش عمل تضم المختصيين من اخصائيين اجتماعيين وغيرهم لاعطاء الموضوع حقه بدل ان نترك الناس يستعرضون وطنيتهم فكل الناس يحبون اوطانهم حتي لو اختلفوا في رايهملاختلاف ثقافاتهم.


ردود على جابر
European Union [دياكه فايته الحد] 02-07-2014 02:41 AM
لان الحره السودانية ما بتشتغل خدامه لا في الداخل ولا في الخارج
ما بتفهم ياخي
من اين أتى هؤلاء

United States [منذر] 02-06-2014 09:15 PM
لايك بالمايك يا جابر هذا هو المنطق الحلول الوثبات والنطيط غير مجدي البتة


#907928 [متابع للشارع السياسي]
5.00/5 (2 صوت)

02-06-2014 12:18 PM
السودان تقريبا عدد سكانه 35 مليون نسمة،في هذه الأرض الواسعة،و تقريبا 25%من عدد السكان يقطن الخرطوم والولايات الوسطية،ونسبة المهاجرين والمغتربين فاقت ال5%،من العيب ومن السفاهة ومن الغباء ومن السذاجة بل ضرب من الجنون طرح مثل هذا حل لمشاكل الفقر وارفاق المشاكل الأقتصادية مع هكذا حل !!!!!!!!

مثل هذه الحلول تلجأ اليها الدول الفقيرة ذات التعداد السكاني الكثيف والتي لا يوجد لديها عائق اجتماعي يتمثل في أغلبية قد ترفض مثل هذه حلول وهو شرط أساسي ليضمن سلامة الأمن العام،غير ذلك يتوجب توفر شرط آخر أن لا تمتهن اغلبية ساحقة لمهاجريها ولمغتربيها مهن رفيعة خارجا أونسيج فعالفي تلك المجتمعات.
آمثلة لهذه الدول الفقيرة:
اثيوبيا التعداد السكاني 91 مليون،اندونيسيا التعداد السكاني 246 مليون نسمة وغيرهم

آمثلة آخرى لدول فقيرة وتعداد سكانها عالي لا تتوفر فيها أيسط شروط علم الأجتماع السياسي التي ذكرتها:(مصر،باكستان،بنغلاديش،المغرب،اليمن وغيرها من الدول)

فبكل بساطة من السخيف والمبكي أن نتحدث في هكذا حل،ولا نخلق الحلول الجذرية البسيطة الحقيقية،ولمن يتحدث عن الفقر ويتهم العادات والتقاليد ويتهم العاطفة هؤلاء أفراد سأترفع فوق مستواهم الفكري السطحي،وسأورد لهم نصيحة بالسوداني العامي"عيييييب تتكلموا بسطحية زي دي لو انتم اتعلمتوا تعليم خارم بارم فالزي اتعلم من a-z وكتاااار في البلد،بطلوا شغل الكيزان وتفتيت السودان ده وتغييب الناس ومحاولاتكم لسلخ المجتع وهو حي"


ردود على متابع للشارع السياسي
United States [متابع للشارع السياسي] 02-06-2014 02:45 PM
شكرا أخت أسمهان لتصحيحك،كتبت تعليقي هذا ويتملكني الشعور بالغثيان من سذاجة وتضليل الطرح الذي أتى به كاتب المقال،الموضوع خط أحمر وكفى عبثا وتلاعبا بالمصطلحات،منطقيا وعمليا هذا ليس حل جزئي يقبل السودانيين أن يناقشوه حتى لأسباب اجتماعية وعلمية وكفى.

United States [أسمهان] 02-06-2014 01:59 PM
آثيوبيا واندونيسيا دول فقيرة تسمح بايفاد الخادمات لدول الخليج، والأمثلة الأخرى للدول التي ذكرتها فقيرة أيضا لكنها لا تسمح،شكرا أخوي لهذه الأضافة الرائعة،فعلا جد من السخيف واحد يسوق لينا أفكار سطحية المراد بها الأنتفاع الشخصي فقط،ومن المعيب حتى أن نرد عليه ونقول لا لتقنيين لمثل هذه الفضيحة،ويجب متابعة مثل هذه الأرهاصات بحذر فنحن لا نعلم ماذا تقوم تلك الشركات والمكاتب الوهمية بالعاصمة.،وبصفة شخصية اي حد يتكلم بموضوعية في هذا الموضوع فلينقطنا بسكاته لأنه هو الأخر فضيحة بأمتياز مثل كاتب المقال.

United States [متابع للشارع السياسي] 02-06-2014 01:30 PM
آسف لم أورد نوعية الحلول،فلقد ذكرتها مفرده في تعليقي دون ذكر نوعها،(حلول جزئية).


#907901 [ابو سكسك]
5.00/5 (3 صوت)

02-06-2014 11:54 AM
الاخ سالم شكرا على تفهمك
الاخوة "د.احمد"، "سوداني"، و "من غرفة مكيفة" شكرا على الرد. انتو زعلتوا واللا شنو؟ في الواقع ما كنت اريد ابدا ان ينحو النقاش هذا المنحى. الموضوع شائك ولا يمكن علاجه بالهتاف.

(د).احمد اختلاف الرأي لا يفسد للود قضية ولكن ناقشني على قدر فهمي فمنكم نتعلم، ولا تستخدم معي مصطلحات مثل عقدة نقص ودونية وغيرها من الدمغات الجاهزة التي توضع في الجيب الامامي وتخرج عند اول منعطف. مثل هذه الكروت اصبحت بالية ولا تخدم اي غرض. على اية حال سنواصل النقاش.

الاخ "في غرفة مكيفة" ياخ موضوع الدياثة موضوع كبير خلاص لو فتحناه الكواريك بتكتر.

الاخت "بت البلد" للاسف لا استطيع رؤية الفديو الان وباذن الله سأراه خلال هذا اليوم

حأرجع ليكم


#907817 [منذر]
5.00/5 (2 صوت)

02-06-2014 10:47 AM
المثل السوداني بقول المجنون يتكلم والعاقل يتصنت اي يسمع ... فالنسمو بافكارنا دعونا نكون واقعيين حتي ولو لمرة واحدة في حياتنا انا ليس من انصار عمل المراة السودانية كخادمة حتي داخل بلدها ناهيك عن ان تعمل في الخارج اي كان المكان او الزمان ... ولكننا اخذنا ننهش في لحم كاتب المقال ونسينا ان لكل رقيب عتيد بدون وضع الحلول وصدقوني الباب لو فتح كلامكم دا كلو لن يفيد ولن يجدي وسوف تمتلئ السعودية بالخادمات السودانيات ابينا ام رضينا لحوجت اخواتنا وامهاتنا المادية المعاشة في السودان ومن شاف ليس كمن سمع ... ومن الحلول يا من تخافون علي عروض مهيرة ان تتبني اي جهة كانت من داخل الراكوبة او خارجها مشروع نموذجي للبداية بتشغيل السودانيات داخل السودان وانا متاكد لو كل واحد من المعلقين الاشاوس الغيورين علي عروض مهيرة دفع مبلغ بسيط فقط لبدأنا بمشروع يكون مدروسا ومن هنا نبدا ودعو عنكم النقة الكثيرة الما جيبه حقها دي ... اللهم الا بلغت فاشهد


ردود على منذر
United States [منذر] 02-06-2014 09:10 PM
لك كل الود الاخ سوداني ساكت علي الاستجابة والرد وارجو من ادارة الراكوبة ان تتبني الموضوع بجدية وهذه احدي الحلول من وجهة نظري وانا كلي ثقة يان الاشخاص الذين ذكرتهم لهم القدرة علي ادراة الدفة وسحبنا الي بر الامان وانا مني الفان جنيه (ولا يكلف الله نفساالا وسعها) وجاهز بس شايف الجماعة زاغوا .... واللـــه المستعان

United States [سودانى ساكت] 02-06-2014 04:58 PM
شكرا اخى منذر طرح المشروع..لكن المشكلة كيفية قيام المشروع ونحن القراء علاقاتنا كالتنظيم السرى.لا نعرف بعضنا الا عبر المسميات الكودية.مثلا الاخت تينا لا اعرفها معرفة شخصية ولكننى واثق انها ليست اقل من مهيرة فى حرارة القلب وافضل من كل وزيراتنا اذا اوكل اليها مثل هذا المشرع الخيرى الكبير والمشتهيان السخينة والكمونية وبقية الكوكبة وانا اثق ثقة عمياء اى واحد فيهم ممكن يدير السودان افضل من الذين يحكمونا لان القراء ناس نضيفين.فلنشارك ونساهم ونفكر فى كيفية قيام المشرع.اعتبارا من هذا الشهر مساهمتى خمسون حنيها لصالح المشروع حتى يرى النور.وفقكم الله.


#907621 [سوداني]
0.00/5 (0 صوت)

02-06-2014 07:16 AM
يتوجب تنظيم وقفة أمام مبنى ديوان الزكاة الرئيسي،ويجب على كل المنظمات النسوية المشاركة بفعالية وعلى النساء المشاركة،وعلى اتحاد المرأة تحديد موقفه لكي لا يخرج مثل هذا الخبل ليبخس في حق المرأة السودانية بهذا الشكل. اقلاها نسترد جزء بسيط من كرامة المرأة السودانية المهدرة.


#907602 [د.أحمد]
0.00/5 (0 صوت)

02-06-2014 06:38 AM
بعد قرائتي لمقال الأرعن الذي يدعي بأنه سوداني،تقيئت!!وأحسست بأني أتقيأ هويتي السودانية.
وبعد قرائتي لما سردته يداك يا أخت وردود المعلقين هنا وهناك استغفرت ربي وحمدت ربي بأنني سوداني،وأدركت بأن مقال ذلك الأرعن ليس سوى سم آخر مضاف لجسد حكومة الأنقاذ التي تحفر قبرها بيديها هذه الآيام. اللهم اسكن شهداء سبتمبر منزلة الشهداء العليين شكرا لكم اخوتي.


#907594 [أحمد الروبي]
5.00/5 (1 صوت)

02-06-2014 06:00 AM
تمام تمام وحلو كلامك أسماء،والأحلى ردود وعدد المعلقين المتمسكين بكرامتهم وكمان المعلقين المتمسكين بالمنطق المستنير بالحلول الحقيقية وتحية ليهم،عموما نشر كلام الأسمه عادل بالطريقة دي من غير مراعاة مشاعر غالبية عظمى داخل وخارج السودان،نتيجته فعالة جدا وأتمنى يوجه لأسقاط النظام بثورة عارمة،خلاص يبدو أنه بدأت تتعرى خطط وألاعيب هؤلاء وفسادهم،وحقيقي لكل اللا يعلم سقوط هؤلاء حكشف فساد مالي ضخم جدا على المستوى الأقليمي بأسم الدين،ده غير الفساد الضريبي الحدخلوا بيه جماعة الكيزان وأنصارهم مجموعة غينتس ودي حقيقة و واقع،ده غير الأراضي المباعة بتراب القروش وبصورة غير قانونية للأجانب،ده غير مغاسل الأموال المنتشرة بكثرة في الخرطوم،باين الناس البسيطة يادوب لاحظت انو الحكومة غشتهم بكم برج اتبنى وبكم شارع اترصف خلال ربع قرن كامل،و جهوا الغضب الحزن صح للآفة الحقيقية،ولازم وضروري جدا ذكر تبعيات سقوط ومغادرة نظام الكيزان للأبد،الحروب االأهلية حتقيف من ناحية مبدأ ومن ناحية آخرى ستكون أمام أمر واقع المشاركة السياسية،رجال الأعمال السودانيين بالخارج والسياسين والمثقفين وأصحاب العقول المهاجرة كل هؤلاء سيعودون تلقائيا وبصورة تدريجية تصاعدية،مراسيم وجبايات مستحدثة من العدم ستذهب للعدم،البلد لسى ما ضاعت وذكرى سبتمبر جاياكم في الطريق،الشباب الماتوا ديل وغيرهم من الماتو في الجنوب والأغتيالات الحصلت في الربع القرن،ما تحكموا على كل ديل بالفطايس وتحكموا على تاريخكم بالتحول لتراب،القضية الحقيقية اليوم انقاذ بلد والا مافي اي قضية ونسلم البلد لحكم الأندثار،وفرصة غير سعيدة انو كنا سودانيين عايشين مع بعض في بلد اسمه السودان عاملين فيها أصحاب كرامة.


#907590 [مواطنx]
4.00/5 (2 صوت)

02-06-2014 04:58 AM
سلمت يداك أخت أسماء فبعد قرائتي لردك،عاد صوابي ورشدي بعد أن كان تائها ليس فقط بسبب كلام الرجل البعيد كل البعد عن الحلول المنطقية السليمة التي تضمن وئام المجتمع،بل أكثر ماآلمني حزنا لقب "دكتور" +المصطلح الأنجليزي الذي أرفقه في مقاله النجس الذي يريد به طمس حقوق هؤلاء الغلابة في وطنهم، ورميهم بجهل وأنانية هكذا نحو المجهول المرير،ومقابل ماذا؟

مقال الرجل أناني وأمني بصورة بحته المراد به جس نبض العامة،واستغلال الفقر ليغلب على منطق من تضرع ألما وجوعا،وآخيرا لكسر وطمس ماتبقى من أخلاقيات المجتمع السوداني.

هذا الموضوع هو يعلم جيدا الحديث عن تقنينه وترسيمه سيكون كارثيا على الصعيد الأجتماعي،ولكنه برغم هذا طرحه وطرحه بهذه الصورة التي لا تشمل أبسط أبجديات علم الأجتماع+عدم ذكر أبسط الحلول الأيجابية المنطقية الحقيقية الكثيرة،وهذا ان دل يدل على شي واحد بأن هذا الرجل ضد السودان أرضا وشعبا فقراء كانوا أم أغنياء.

1-لا يخفى على كل من يسكن الخرطوم وجود ذاك الكم الهائل من العمالة الأجنبية سواء عمال بمقاهي أو فنادق أو عاملات بمنازل كما سماهم هو وستات شاي و..و..الخ،ولا يخفى أيضا ما يتقاضوه،على سبيل المثال راتب عاملة المنزل الأجنبية يتراوح ما بين 600 وألف جنيه (بالجديد)،لا أعلم لماذا لم يستطرد ولو بالقليل! من تجربة تلك الدولة التي ذكرها وخرج لنا بالسودنة طرحا منطقيا لمثل هذه الوظائف!.

2-لماذا لا نتسائل الى أين تذهب عوائد أموال المغتربين المتحصل عليها من الحكومة التي تجاوزت كل الأرقام الأقليمية وبجدارة وتفوق!الى أين حقيقة تذهب الى جيوب من؟أظلوا يدفعون ربع قرن هؤلاء ليخرج عليهم مثل هذا مقال؟لبنان باكستان مصر،موريتانيا،وغيرهم اقتصادهم والمشاكل الأجتماعية تستشفي من حوالات المغتربين دعك عن الضرائب! ويخرج مثل هذا ويطرح طرح مظلم وظالم مثل هذا!!،أم هو مقال يحاول به اشعال نيران كرامة المغتربين،ليدفعوا مزيدا من الضرائب؟

3-الحكومة تقصف وتقتل وتجوع الفقراء،والآن بمثل هذا الطرح سيحل مشكلة الفقراء ومشاكل الميزانية!،أليس هذا الطرح ليس سوى تهجير قسري مقنن ضد فئة الفقراء؟فالذي يتجاهل ولا يورد تلك الضرائب المفرضة مثلا على "ستات الشاي" تلك الضرائب العبثية ذات العوائد العالية لجيوب ضباط وأفراد بالحكومةويطرح حل معيب ومنافي للحقيقة ليس سوى أداة عميلة تسوق لأفكار نجسة غير وطنية.

4-ديوان الزكاة ماذا يفعل وماموقعه الاعرابي في جمهورية السودان؟موقع الكتروني ومبان على أحدث المواصفات والمقاييس وعربات فاخرة،وهيكل اداري وأمانة عامة ودائرة تخطيط الجباية!!!كل هذا ونقرأ نحن المواطنيين طرح كهذا أليس من المعيب بل من الاجرام!مخاطبة عقولنا بكل سفاهة هكذا؟!

5-الكرامة ليست من العادات والتقاليد،بل هي من أخلاقيات المجتمع السوداني وقد تلوثت منذ قدوم هذا النظام للسلطة،ولكن مازالت هناك خطوط حمراء لتلك الأخلاقيات ان كسرت فبكل بساطة سندخل في حالة انهيار كامل الدسم للسلم والأمن العام الأجتماعي الذي هو شبه منهار أصلا!.

آخيرا هذا الطرح يسرع في سقوط الأنقاذ ليس الا،فهو يمس أي مواطن من كل الطبقات والفئات.


ردود على مواطنx
United States [AburishA] 02-06-2014 10:23 PM
لك التحية... ما تفضلت به وتحديدا البند 5 هو ماا نخشاه.. لكن والله الخطوط الحمراء قد انتهكت.. هؤلاء اي (النظام) جعلوا السوداني ( عزيز قوم ذُلّ) والمسكوت عنه (خجلا) كتير وكتتتتير ما ليهو حد. نسأل الله السلامة..


#907583 [صداح]
0.00/5 (0 صوت)

02-06-2014 04:04 AM
خلاص يا أستاذة يا مثقفة . ما يشتغلوا في السعودية عاملات . خليهم للجوع والفقر والنزوح وطائرات الأنتينوف تقصفهم عشان خاطر العادات والتقاليد التي تعتقدي وهما أنها تعبر كن كل السودانيات وانت مخطئة في هذا . المؤسف إنو الرأي يطلع من دولة بتفتكر إنها ضد الكيزان . راجعي نفسك و فكري قبل ما تكتبي باندفاع . دا الخذلان المبين لحقوق المرأة في العمل تحت شعار العادات والتقاليد الرجعية


ردود على صداح
United States [صداح] 02-06-2014 11:20 PM
يا أخ محوري بعض النظر عن مطالب السعوديين وبغض النظر عن قبيلة المرأة ، البحث عن عمل ليس عيبا وباختصار لو كاتبة المقال مشمأزة من أنو سودانية تعمل في البيوت معناه ضمنا التعالي على من يعملون في هذه الوظيفة وهذا هو الخطأ بعينه . حق العمل والبحث عن لقمة العيش يجب أن يكفل للمرأة . ولعلمك السعودية فيها مشاكل فقر وعطالة وناس بتعاني من العنصرية وانعدام حريات للمرأة على وجه الخصوص . لماذا نجرم ونستقبح وظائف بعينها لشئ في أنفسنا ؟ في ثقافات كثيرة في السودان المرأة تعمل مع الرجل وأكثر.

European Union [حمورى] 02-06-2014 11:01 PM
لتصحيح معلوماتك السعودين والخليجين عامة طلبوا سودانيات لون بشرتهن فاتحة ولونهن ابيض يعنى من الشمال النيلى او البيشبهوهن اما الذين يتعرضون للنزوح والجوع وضربات طائرات الانتنوف هن ذوات بشرة سوداء داكنة الون ولسن المقصودات ولا يرغب فيهن السعودين والخليجين ومن هنا نوعية الوظائف دى فى الخليج سيكون حكر على فئة معينة


#907580 [سجمان]
0.00/5 (0 صوت)

02-06-2014 03:51 AM
الاخت بت الجنيد
ادمعت عيناي بعد ان انتهيت من قرأة مقالك . ولا تعليق لاننا اصبحنا رجال عاجزون عاجزون عاجزون اه اه ....


#907528 [ابو سكسك]
5.00/5 (6 صوت)

02-06-2014 01:21 AM
الاخ ود الغرب، الباشا، الغريب، الصادق شكرا على الرد.

انا شخصيا لا اسمح بأن تعمل والدتي او اختي او بنتي خادمة في السودان او السعودية او في أي مكان اخر لأنني قادر على توفير احتياجاتهم ولله الحمد، ولكن جارتي التي بكت فرحا يوم اعطيتها 50 جنيه عندما طلبت مني فقط خمسة جنيهات سيغمى عليها من الفرح لو وجدت عقد خادمة في السعودية بألف ريال.

وظائف الخادمات يا سادة لا تخصكم انتم الذين تكتبون من الغرف المكيفة، ولكنه خاص بأخريات لا ينتمين لطبقتكم لا تستطيعون انتم معرفة الامهم واحاسيسهم، فلا تفرضوا خياراتكم على طبقة لا نتنمون لها.

الاخ "غريب"
انت كتبت الاتي:
"وأقسم بالله أموت من الجوع ولا تعمل أختي أو امي أو زوحتي خادمة يازبالة"

انت هنا تتحدث عن نفسك بصورة انانية للغاية وانك ستموت (انت) من الجوع ولا تعمل اختك او امك او زوجتك خادمة وهذا خيارك (انت) وليس خيارهن. ولكن لو انت طفل او رجل عاجز فانني اقسم لك بالله ومتأكد مية المية ان امك واختك لن يتركنك تموت من الجوع ولو يشتغلن خادمات.
ثم اني اسألك ماذا لو كان سيادتك مريض وعاجز عن العمل ورأيت امك واختك تموتان من الجوع؟ هل ستتركهن يموتن من الجوع معك؟ يا اخي هذا بالضبط ما يحدث في المجتمع، ولو انت ايدك في الموية الباردة احمد ربك حمدا كثيرا ولا تحاول ان تمنع اخرين اياديهم في الموية الحارة من الكسب الحلال.


ردود على ابو سكسك
[AburishA] 02-06-2014 03:21 PM
لقد وضعت النقاط في الحروف يا ابا سكسك.. وأفصحت عن المسكوت عنه!!! لقد اضح عجز المنطق لدى الكثير منا.. نلف وندور في:
انت ما سوداني..
ديوث ....
تقبلها لامك واختك....
ما عندك كرامة... وهم ما عارفين بأننا فقدنا الكرامة منذ أتى هولاء....

United States [ههههههههههاي!] 02-06-2014 12:57 PM
ياخي انت ضحكتني ضحك،لأنك جدادة مابتعرف تكذب،قلت لي جارتك(يعني عندها بيت أو مأجرة)أديتها 50 بعديها بكت من الفرح!!!!ياخ معقووووولة انت قايل الناس هنا مسحلبة ولا مسطوولة ولا شنو؟ياتو زول في السودان مأجر ببكي عشان 50!!!ياخي حتى البتسولوا مما ببكوا لو اديتهم خمسين قوم دور بعييييد هم شفع سواكن بأجروا السراير بعشرين جنيه للمعتمرين والحجاج وبدقوا فيها جرس،تجي تقول لي المره بكت عشان 50!!!!،ههههههههاي يلا برا كااااااك كااااااكو

ودي خمسين مني لك جوه فهمك ده...

United States [ابو سكسك] 02-06-2014 12:31 PM
ايها السادة، كل الجوطة والجقلبة الحاصلة هنا ليس من اجل كرامة المرأة السودانية ولا يحزنون، الامر عندكم لا يتعلق بشرف المرأة السودانية والغيرة عليها كما تحاولون ان تصوروا للناس....لالا ابدا، فلو كان الامر كذلك لكانت ثورتكم هذه اتجهت نحو عدد غير قليل من السودانيات اللائي يخرجن عبر مطار الخرطوم بفيز سياحية متجهين نحو دول الخليج والكل يعرف الظواهر الغير كريمة التي تصدر منهن في المولات والاسواق والمطارات وغيرها من اماكن. لماذا لا تفور دمائكم الحارة و لم نسمع لكم صوتا في مثل هذه الظواهر السالبة التي تصدر منهن هل هن معفيات من ثورتكم هذه؟. لماذا لا تكتبون عن هذا الموضوع وهو يمس شرفكم بصورة مباشرة لا لبس فيها.... لماذا؟ لقد كتب بعض الاخوة في هذه الصفحة عن هذا الامر ولكنكم "عملتوا رايحين" لماذا؟ ايهما اخطر بالنسبة لكم ان تعمل المرأة خادمة ام عاهرة؟. هل من المعقول ان يثور الرجل لأن امرأة ما اشتغلت بمهنة خادمة، قد تخطئ وقد لا تخطئ، ويدفن رأسه في الرمال من اخريات يمارسن دعارة عابرة للدول يعلمها القاصي والداني؟ لماذا؟

سأكرر مرة تلو الاخرى، لا احد يتمنى ان يرى بنت بلده تعمل خادمة، ولا توجد اي امرأة تتمنى ان تكون خادمة.
نقرأ تعليقاتكم ونواصل

[ودعمر] 02-06-2014 11:24 AM
حديثك به كثير من العاطفة تجاه فقراء بلادي وهذا جيد لكن لايمكن ان نحكم علي الاشياء بناءاُ علي العاطفة فعلي سبيل المثال اذا كانت هنالك امراءه والديها مشلولان وله ثلالثة اطفال ايتام ورايتها تشحد هل يمكن ان تؤيد ان تمد يدها للشحده!؟ عني انا لا لان هنالك اعمال كثيرة يمكن ان تسلكها هذه المراه لاعالة اسرتها والشحدة خيار ضعفاء النفوس وعديمي الكرامة!! اعلم الكثير من السودانيات اللائي جاهدن جهاد عظيم في مغالبة ظروف اسواء مما ذكرت وحافظن علي كرامتهن(هنالك من تعمل في بيع الكسرة ومن تعمل في بيع الطعام باطراف الاسواق للعمال البسطاء مثل الجلكسات واشياء لاتعرفها اخي هذه الاشياء تحتاج الي راسمال اقل من 50 جنيهك ويمكنها استرداد راسمالها في ايام معدودة ان كانت قد استدانته) وقد خرجن من هم الان اطباء ومهندسين. من يقول ان العمل ليس عيب هذا مفهوم خاطئ هنالك اعمال تعتبر عيب حسب ثقافة الوطن الذي تعيش فيه الكسب الحلال لايكون بالعمل كخادمة خارج البلاد مما مما يجعلها غير قادرة علي رفع راسها داخل بلدها وتكون عرضة لكل ماهو سيء بالاضافة الي اشانة سمعة بلدها من خلال هذا العمل الوضيع !!!

[سالم عبد الله] 02-06-2014 10:38 AM
يسلم لسانك يا أبو سكسك

ديل كلهم بتكلموا من منطلقات عاطفية و كلام من النوع ده


هل الخدمة عيب ؟ بغض النظر عن محفوفة بمخاطر ما يحدث من المخدم أم لا ؟

لماذا لاينظرون لحال البلد و الناس بقى التسول عندها أمر هين ! هل هنالك إنكسار


أكثر من التسول ! .

United States [من غرفة مكيفة] 02-06-2014 08:29 AM
هوي يازول كدي سيبنا من بربرتك الفاضية دي،انت لو ماعندك كرامة وعايز الناس كلها تكون ماعندها كرامة زيك وبصورة رسمية دي مشكلتك مع نفسك مالنا ومالها،لكن بس عليك الله ما تقعد تتاجر لينا متاجرة دياثة بأسم الفقر،،ورد على "ود الغرب" مالك زغت منو؟؟؟؟؟ليييييه ما رديت عليه طالما عامل فيها عندك لسان؟؟
قال "طبقة لا تنتمون لها"!!،الدول الذكرها لك ود الغرب فقراء مما اتخلقوا ولا فكروا يجيزوا طرح زي طرح دكتورك الوهمان،عارف لي؟لمن تعرف ساعتها حتكون عرفت معنى الحياة نفسها،قال أديتها 50 انت عيان الله يشفيك.

United States [د.أحمد] 02-06-2014 08:06 AM
بالمناسبة انت بردك هذا على من انتقدوا تعليقك،عكست مشاكل نفسية تعاني منها قد تصل درجة الخطورة!!
*حديثك عن المسكينة التي تصدقت عليها بمبلغ 50جنيه ثم تعقيبه بأتسخفاف لاشعوري بحالتها التي لا يرثى عليها،دعني أزف لك بشارة ان كانت نيتك صادقة في هذه الصدقة قد ضاع أجرك بكل بساطة بمجرد ذكرك للمبلغ!!وأنا شخصيا ارى أنك مستجد نعمة والا لما كنت ذكرت المبلغ وبهذا الأسلوب،وتعاني من عقدة نقص.

*حديثك بأن هذا الموضوع يخص الفقراء فقط،لا يعكس عاطفتك بهم بل العكس يعكس بأنك تريد تعتيم وتهميش هؤلاء وايمانك الأعمى بهكذا حل.

*أعود لمسألة ال50جنيه التي سبقتها جملة "أنا شخصيا لا اسمح بأن تعمل والدتي او اختي او بنتي خادمة في السودان او السعودية او في أي مكان اخر لأنني قادر على توفير احتياجاتهم ولله الحمد"،أنت بكل بساطة يا أخي تعاني من عدم ثقة في النفس والا لما اوردت لنا هذه الأيضاح الغير مبرر ذكره وغير مفيد!.
وحديثك عن المغتربين بهذا التعميم وبهذا الأسلوب يعكس عرض نفسي آخر لديك لاأعلمه،جعلك تتناسى لب الموضوع وتبعيات مثل هذا حل على المجتمع السوداني،لذا أقترح لك أن تبعد بقدر الأمكان عن مواقع التواصل الأجتماعي،حتى توسع آفقك وتثق في نفسك،لأن التعليقات السالبة قد تعود عليك بالضرر النفسي.

United States [سوداني] 02-06-2014 07:06 AM
وظائف الخادمات يا سادة لاتخصكم.......الخ الفسلفة البلهاء التي لا تنتج لنا بخير!
وردك على "غريب" بأنه أناني،وأنت أيضا أناني وأنانيتك هذه أسوأ منه،كيف تخص موضوع كهذا بفئة الفقراء،اذا انت فعلا اديت جارتك 50 جنيه،مابخصنا نحن العندنا قروش نحذر المساكين السودانيين الزينا من مغبة شي ماعارفين نتايجه وأضراره،ما بخصنا نقول ليهم انت عندكم حقوق في الوطن ده أقيفوا معانا عشان نسترد حقوقكم،مابخصنا نقول ليهم الناس الشغالين برهوالجوه الزينا ديل بدفعوا ضرائب عشان انت تنستروا بس الناس ديل ما بوصلوها ليكم!! كل ده مابخصنا؟؟

"غريب" أناني لكن أقلاها عايش بمبدأ الكرامة،وانت أناني عايش على مبدأ الفردية ومامؤمن بشي اسمه مجتمع حتى وانت بتنصحه أحمد ربنا وأسكت،يعني حتى تنوير لله ساااي كده مايديه ليهم،ياخي ما أقبح أنانيتك التي تقتل رقي وتحضر المجتمعات،حتى أنك حديثك عن الأنسانية حديث متعجرف،ألم تخبرك تلك الأنسانية بأن المال ليس كل شي ألم تخبرك تلك الأنسانية بأن طريق الكسب الحلال هذا الذي تتحدث عنه طريق شائك،العبودية التى نبذها الأسلام قد تكون أفضل من هذا الطريق!!!!!

وغير آسف اذا قلتها لكصريحة بأن ثقافتك ومنطقك هو نتاج بذرة مثقفي الأنقاذ،مع اني أعلم بأنك لست منهم،ولكن للأسف يا أخي محصول نتاجهم يتجلى فيك،عش لوحدك لا تنشغل بغيرك ابني جيب عربية اتزوجوأنسى البلدوأنسى ناسها متع شبابك،والضحية أضبح وعيش وطنش.

United States [بت البلد] 02-06-2014 05:34 AM
http://www.youtube.com/watch?v=m-gRSxE8MPQ


#907513 [ود الفاضل]
5.00/5 (1 صوت)

02-06-2014 12:59 AM
يابت الجنيد اهديك هذه الابيات العريقة وهي تراث العرب عندما كانوا عربا بحق :
لو كان النساء كما ذكرنا لفضلت النساء على الرجال
فما التأنث لاسم الشمس عيب ولا التذكير فخر للهلال .
لك التحيةوالتقير فقد الجقت هذا الفاقد الاخلاقي حجرا وليت هذا الحجر اصاب كل القطيع الذي يحكم السودان ربع قرن حتى اوصله الى هذا الاذلال المقيت . الشعب السوداني فى تاريخه كان مسامحا لكل نظام حكم ، ولكن لايستطيع المواطن السوداني تصور الانتقام الذي سيكون من هؤلاء الذين ساموه سوء العذاب واذلونا حتى كادوا يصدروا حرائرنا وعروضنا للعمل خادمات يصبحن ويمسين فى مهانة لايرضى بها ضب الكدى ... تجوع الحرة بابنت الكرام ولكنها لاتأكل بثييدها . ولولا رجال أنفت نفوسهم الضيم والمهانة وسلكوا دروب المهاجر وذاقوا مر العذاب فى بحثهم المضنى عن العمل والاستقرار بعيدا عن الوطن الحبيب ، واصبحت مراسيلهم تحمل العملات المختلفة الى تراب الوطن لكان اليوم اكثر بنات الوطن يعملن خادمات فى الداخل والخارج ، ولكن خيلان فاطنة قدموا الكثير ولا زالت سواقيهم مدوره لصالح الاهل والعشيرة .. فى حين البشير الاضينة ورفاقه الغشم جففوا الضرع وحرقوا الزرع فى بلاد كانت تقدم الجفنة للضيف مكللة لحما مدفقة ثردا ... ولك التحيةوالاجلال ياابنة الاشراف .


#907460 [الفيل]
5.00/5 (2 صوت)

02-05-2014 11:52 PM
قريت المقال الاول و التعليقات.. و هسع قريت المقال ده مع التعليقات برضو.. و طلعت بحاجة واحدة.. كل الناس عينها في الفيل و تطعن في ضله.. يا جماعة عرب الخليج و العرب بصورة عامة ما شايفين فيكم غير خدامين,, يعني المشكلة في عقلية العرب.. و قبل كده الاردن طلبت خدامات من السودان و الحكومة رفضت.. يعني الموضوع ما اول مرة... حتي في مصر في سودانيات اشتغلو خدامات لتوفير لقمة العيش و بعض منهن اصيبو بامراض نفسية بسبب ذلك.. و بعدين حتي الرجال السودانيين في بعض منهم شغالين خدم منازل في السعودية.. حتي لو كان الاسم مرافق و لا معاون و لا اي حاجة.. تعالو اتلمو كلكم و عمرو بلدكم و خلو الناس يجوكم من بره و يشتغلو عندكم خدم.. لا عيب في اي عمل شريف.. لكن باكد ليكم ان نظرة العرب للسودانيين هي نظرة الاسياد للعبيد.. كان بقيت جعلي و لا شايقي و لا نوباوي و لا غرباوي.. كلو عند العرب صابون
من خرج من داره قل مقداره


#907420 [المنجلك]
4.50/5 (2 صوت)

02-05-2014 11:06 PM
الحق صرفتو نقة كثيرة فى موضوع كان يجب ان يوجه وجهة صحيحة

1- ليس هنالك عيب فى عمل المراة خادمة ولا رائدة فضاء انما الخلل فى عدم وجود حماية للمراة فى اوضاع العمل وهذه الحماية تبداء من التربية وتنتهى الى مستوى التاهيل البدنى والعقلى والمهنى الى القوانيين والمنظمات التى تحمى المراة.

2- اوضاع المراة السودانية مؤسفة وهى كالمستجير بالرمضاء من النار ( جلوسها فى المنزل ام الذهاب للسعودية خادمة) فى كلا الحالتين هى عرضة للاستغلال. وما تعرضت له المراة فى دارفور وكردفان من أثار حرب مباشرة تتعرض له المراة فى مناطق اخرى بصورة غير مباشرة العامل المشترك فقدان التعليم والرعاية الصحية والأسرية.

(ابيت الكلام المغغط وفاضى) لو فاكر انو دى مدرسة يبقى غلطان لو فاكر موية الجبنة بالتبلدى دة غذاء برضو غلطان لو فاكر ذهابك للصيدلية بحل مشكلة اكيد غلطان قرش الحرام ما بنفع. ورب الاسرة دوره غائب يجيب من وين. لمتين نكذب ونتجمل نحن صومال بمعنى الكلمة.


#907329 [كرري]
5.00/5 (3 صوت)

02-05-2014 08:32 PM
اختي العزيزة أسماء الجنيد لاول مرة في حياتي ازرف دمعاتي بعد قراءة
مقال وانا تعمدت ان ابدا تعليقي (باختي) وفي هذة اللحظة تمنيت انك لو
كنت اختي من امي وابي احييك تحية خاصة يا ايتها الشريفة العفيفة
وعزرا لو اغضبك بعض كلمات انصاف الرجال فلو كان كاتب مقال
( عاملات منازل سودانيات بالسعودية) هو حقا سوداني وانا اشك في
ذلك لدفن رأسة في التراب وارتدي القرمصيص واتحزم بي طرحة
وانتظر حتي يأتية الموت وصدقيني يا اختي الكريمة لقد شعرت وانا اقرأ مقالك بانني مشارك في هذة المهانة والمزلة الفكرية فعزرا يا اختي
وعزرا لكل سودانية وما انحنا البنخلي بناتنا يشتغلو خادمات منازل
في دولة بنت كل مؤسساتها بأيدي سودانية حتي صرنا نلقب بالشعب
الامين . يا كاتب المقال استحلفك بالله ان تسأل نفسك هل توافق علي
هذة المهنة اذا عرضت علي بنت من محيطك ..................
افيدنا بالاجابة رحمك الله


#907325 [عكر]
4.00/5 (1 صوت)

02-05-2014 08:22 PM
فلتكتب اللغة ما استطاعت و اللترد النفوس ما تحب ... و يظل الواقع هو الواقع فحينما يجوع الانسان يعرف تمام ما يريد و ما هي اقرب الفرص الممكنة و ليس كل من يكتب محيط بظروف وواقع الناس ..ماذا كنا نتوقع بعد خروج الاف النساء في شوارع الرحمان في العاصمة و جميع مدن السودان يبحثن عن لقمة عيش يهنين بها ..منهن من ارتضن ان يكونن (( ستات للشاي )) وما احقرها مهنة لحواء السودان التي نتشدق بها وننعتها تارة بالمهيرة و مرة بالكنداكة ... واخريات اقل حظ ... باعن الهواء لمن لا يهواء ... و ما ذلنا نجتبي انفسنا بفعل الاخرين و لا نعرف جيدا ... نحن ونحن وحدنا من رمينها فريسة الواقع الاقتصادي القبيح وليدة ارانا الغبية و لهثنا امام و خلف ساسة لا يعروف سياسة بيوتهم ناهيك عن مقدارات امة او وطن ... فلندع الناس في حالها طالما عرفن من اين ياكلن كسرتهن ... و ان كانت بالحرام فحينها الرب اللطف وارحم ... مننا ...!!!


#907318 [كمال العجمى]
4.50/5 (3 صوت)

02-05-2014 08:17 PM
الكاتب عرض وجهة نظره كان أولى بالكاتبة التى نحترمها و نحترم قلمها أن تناقش الموضوع و تفند كلامه بدلا عن الكلام العاطفى --نفس الشىء معظم الذين علقوا على الموضوع أخذتهم الهاشمية و وجهوا الاساءات الى هذا الدكتور و شككوا فى شهاداته تتحدثون غن اخلاق السودانى و شهامة السودانى و تأتون بأفعال و أقوال ليست من صفات السودانى---من له رأى يجب ان يطرحه و من ليس له رأى غير مطالب بالتعليق


ردود على كمال العجمى
European Union [الصادق صديق الصادقين] 02-05-2014 11:42 PM
دون شهادات ولا ألقاب هذا ليس بكلام يصدر من سوداني ... القلم مابزيل بلم... وكفى


#907309 [الراعي واعي]
5.00/5 (2 صوت)

02-05-2014 07:49 PM
دا كلام حبوبات ساكت :: السودانيه في السودان بتشتغل خدامه وغساله ومرمطون : خلو الناس تعيش : الحياه ما في النهايه اصلا مزله : والسودانيه دي هي شنو ؟ اميرة من بنات الملوك : ما حيوان بفتش على معيشتو ::: واسماء الجنيد انتي عرفتي تماما عقليه ناس الراكوبه وبتحبي تنقطي مش قروش ولكن تعليقات : انتي بالجد ما واقعيه وجاريه وراء يابت الجنيد كفيتي ووفيتي وتسلم ايدك :: انت يا بتي قبضتي الثمن وخلي غيرك كمان يعيش ::: دخلت امراه النار في قطه لا اطعمتها ولا تركتها تاكل من خشاش الارض .انت عاوزا تخشي النار ولا شنو ::::


ردود على الراعي واعي
United States [الجنجويدي الضكر] 02-07-2014 02:16 AM
دخلت امرأة النار في قطه يا اخوي تخش كيف النار ويوم القيامه والحساب لسه بدري عليه ممكن تقول سوف تدخل المراة النار بسبب قطه لا اطعمتها او تركتها تاكل من خشاش الارض . المهم والذي جوع شعب كامل ولم يتركه ياكل حتي كمونيه السمك وين يدخل ؟

[معتصم الامين] 02-05-2014 11:27 PM
السودنيه حيوان بفتش على معيشتو ؟!!
والله مافى حيوان غيرك وصحى الحياة مذله بس ليك ولاشكالك وكمان بتتحدث عن الجنة والنار كأنك انسان ؟

Hong Kong [مظلوم من الكيزان] 02-05-2014 11:21 PM
خلاص اذا كده خلى اختك ولا زوجتك تشتغل خادمة فى السعودية ! الخادمة فى السودان فى بلدها ووطنها,اما فى السعودية فتعامل معاملة الرقيق فى الجاهلية. افهموا وشوفوا القصص البتحصل لهن وشوف الدول التى رفضت ان ترسل خادمات للسعودية زى الفلبين,هل الفلبينين اشرف منك ياخى.


#907305 [تينا]
0.00/5 (0 صوت)

02-05-2014 07:42 PM
تسلم من كل شر ان شاء الله اخوى الفاضل ((( حسكنيت ))) ... أشكرك جزيل الشكر على ترحابك وذوقك الراقى والقصيدة الجميلة ... متعك الله بالصحة والعافية ... تحياتى ...


#907285 [مالك الحزين]
0.00/5 (0 صوت)

02-05-2014 07:16 PM
أعرفواتأريخ بلدكم إيها الساده

نبذة عن السكة حديد

إن فكرة إنشاء سكة حديد بالسودان فكرة تمتد فى قدمها إلى عهد محمد على باشا ولقد كانت الأنظار تتجه فيما قبل ذلك نحو نهر النيل باعتباره الطريق الوحيد والذي يمكن أن يربط السودان بالعالم الخارجي إلا أن وجود الشلالات بين أسوان وبربر جعل هذا الأمر حلما لا يمكن تحقيقه . أول محاولة لبناء سكة حديد بدأت فى عهد الخديوي إسماعيل وقد وصل الخط الحديدي فى عهده من حلفا إلى امبكول أي لمسافة 266 كيلومترا وقد توقف عمل السكة الحديد فى عبكة فى ابريل 1875 نسبة لتواجد صخور ضخمة الشيء الذي استوجب استيراد معدات من الخارج لتكسيرها .وقد تواصل العمل فيما بعد حتى وصل الخط سنة 1877 إلى صرص وفى ذلك الوقت كان الجنرال غردون حاكما عاما للسودان ولم يحبذ المشروع إذ رأي انه سوف يلقي عبئا ثقيلا على السودان لا سيما وان الأحوال المالية فى مصر كانت سيئة جدا الشيء الذي جعل العمل يتوقف بوصول السكة الحديد إلى صرص .
فى عام 1884 اقتضت الإستراتيجية العسكرية الاستمرار فى مد الخط الحديدي الذي توقف فى صرص ، وبدأ العمل فى بناء الخط مرة اخرى حتى وصل إلى عكاشه كيلو 141 فى أغسطس 1885 م ونسبة لاحتلال الخرطوم بواسطة قوات المهدية فى ذلك الحين توقف بناء الخط فى تلك المنطقة . بدأ العمل للمرة الثالثة فى سنة 1896 واستمر حتى وصل إلى كرمة فى مايو سنة 1897 وبذا أصبح طول الخط من نقطة البداية إلى نقطة النهاية 327 كيلومتر وقد انتهت مهمة خط السكة الحديد الحربي فى سنة 1897 على اثر انتهاء الحرب فى مديرية دنقلا .
كذلك اقتضت الإستراتيجية الحربية مد خط السكة الحديد ليربط بين وادي حلفا والخرطوم . و بدأ العمل فى سنة 1897 ووصل إلى ابو حمد فى نوفمبر من تلك السنة . واستمر مد الخط من ابوحمد حتى وصل إلى مدينة عطبره فى يوليو سنة 1898 وفى أغسطس سنة 1898 تم تشييد كبري نهر عطبره ووصل الخط إلى الحلفاية فى 31 ديسمبر سنة 1899 .
ومن ناحية أخرى فقد اتضح أن نقل الصادرات والواردات عن طريق المواني المصرية كان يشكل معوقا أساسيا للتطوير الاقتصادي للقطر وعليه فقد تقرر إنشاء خط حديدي فرعي يربط سواكن بالخط الحديدي الرئيسي فى عطبره ، وبناء على ذلك فقد بدأ بناء الخط من سواكن فى عام 1904 ومن الناحية الأخرى فقد بدأ الخط من عطبره بعد ذلك بزمن يسير ، والتقي الخطان فى أكتوبر سنة 1905 بمحطة سلوم الحالية .
فى بداية عام 1905 بدأ تشييد الميناء الجديد قرب نقطة تسمي شيخ برغوث وفي نهاية 1905 بدأ بناء خط حديدي من محطة سلوم الى الميناء الجديد وفي 28 يناير سنة 1906 احتفل اللورد كرومر رسميا بافتتاح سكة حديد البحر الأحمر فى بورتسودان .
ولما أصبح خط حلفا كرمة غير ملائم من الناحية الاقتصادية تقرر قفله فى عام 1905 و تقرر مد خط يربط محطة نمرة 10 بالخط الرئيسي مع كريمه وقد تم تشييد ذلك الخط فى سنة 1906 .
فى ابريل سنة 1909 بدأ العمل فى مد الخط من الخرطوم وفى نهاية ذلك العام وصل الخط إلى مدني واستمر تشييد الخط غرب النهر حتى وصل الأبيض فى ديسمبر سنة 1911 وهكذا فان بناء 962 كيلومتر من الخط الحديدي بين الخرطوم والأبيض كان له الأثر الفعال فى ربط كل من الجزيرة وأواسط كردفان بأسواق العالم . ولذلك تم التفكير فى مد خطوط اضافية تربط تقاطع سنار بالقضارف وكسلا وبورتسودان وكان قد بدأ فى مارس سنة 1928 تشييد خط من كساب الدوليب ( التي وصلها خط من تقاطع سنار فى عام 1926 ) ووصل السوكي فى أكتوبر سنة 1928 .
وفي نهاية نوفمبر سنة 1928 بدأ من ناحية القضارف تشييد خط نحو نهر الدندر عبر الكبرى الذي شيد هنالك وفي فبراير سنة 1929 تقابل الامتدادان شرق الدندر وبذا أكتمل خط هيا سنار بطول 802 كيلومتر .
وفى السنوات الاولي لاستقلال السودان تم تشييد خطوط إضافية لربط المناطق النائية فى غرب السودان وجنوبه بالخط الرئيسي وذلك لكي تصبح تلك المناطق اكثر فعالية وتكاملا مع الاقتصاد السوداني .
وفى مايو سنة 1956 تم امتداد الخط من محطة عرديبه على الخط الرئيسي الى ابو زبد واستمر الامتداد حتى وصل الى بابنوسه فى سنة 1957 والى نيالا فى سنة 1959 وقد تم تشييد خط الجنوب الذي يصل ما بين محطة بابنوسه ومحطة واو فى الفترة ما بين مارس سنة 1959 وفبراير 1962 . ويبلغ طول الخــــــط عرديبه/ نيالا 986 كيلومتر وبابنوسه/واو 445 كيلومتر فى عام 1954 . وامتد الخط من سنار الى الدمازين سنة 1958 ويبلغ طول الخط 227 كيلومتر .
وفى العام 1962 اكتمل تشييد الخط الذي يربط خشم القربه وحلفا الجديده وطوله 70 كيلومتر وقد بلغت أطوال الخطوط الرئيسية خلال الستينات من القرن العشرين 4757 كيلومترا بالإضافة لخطين شيدا عام 1942 لمواجهة ظروف الحرب العالمية الثانية الاول من ربك للجبلين وقد تمت إزالته والثاني من ملويا الى تسني وقد اوقف .
كان آخر امتداد للخطوط الحديدية هي خطوط نقل خام البترول السوداني من محطة المجلد الى ابوجابره بطول 52 كلم ومن مصفاة البترول بجبل ابوخريز شمال الابيض الى محطة الابيض بطول 10 كيلومتر والخط الذي يربط بين مجطة شارف وآبار البترول بمدينة شارف بطول 10 كيلومتر وقد اكتمل تشييدها جميعها بين العام 1995 و 1996م . ومؤخرا خط سد مروي من محطة البان الى موقع السد على نهر النيل بمروي بطول 16 كيلومتر فى العام 2002م .التطور الإداري للسكة الحديد :فى البداية كانت السكة الحديد مصلحة حكومية شانها شان المصالح الاخرى تخضع لرقابة حكومة السودان ولا تتمتع باى قدر من الاستقلال ، كانت كل الوظائف فى الرئاسة والاقسام الخارجية قبل الاستقلال تسند الى العسكريين ولكن الوضع اخذ فى التغيير منذ عام 1902 حيث بدأ المدنيون يشغلون مناصب نظار المحطات وفي اوائل عام 1906 انتقلت رئاسة السكة الحديد والورش من وادي حلفا عالى عطبره . منذ عام 1954 سمح للسكة الحديد بان تتقدم بميزانية منفصلة كما سمح لادارتها بنوع من الاستقلال لكي تدار على اسس تجارية ، تتبع السكة الحديد لوزير النقل ويشرف عليها مدير عام مقره مدينة عطبره وتقوم الهيئة بأداء أعمالها بواسطة رؤساء المصالح تحت اشراف المدير العام.
وفى عام 1967 تحولت مصلحة السكة الحديد الى هيئة تدار بواسطة المدير العام وهو مسئول مسئولية مباشرة امام مجلس الهيئة الذي يتكون من رئيس وستة اعضاء يعينهم وزير النقل والمواصلات آنذاك ولمجلس الادارة سلطات تمكنه من الاشراف وتطوير هذا المرفق ورسم سياسة طويلة المدي يوافق عليها وزير النقل ويتابع مجلس الادارة تنفيذ هذه السياسة ويجوز لوزير النقل من وقت لاخر وبعد التشاور مع المجلس ان يصدر إلية كتابة توجيهات ذات صيغة عامة للصالح العام وطبقا للسياسة العامة للحكومة .
وبعد قيام ثورة 25 مايو قرر مجلس قيادة الثورة فى جلسته رقم 69 التي عقدت بالجهاز المركزي للرقابة العامة فى 29/11/1971م الآتي :اولا : حل مجلس إدارة هيئة السكة الحديد:
ثانيا : تحويل سلطات المجلس للسيد وزير النقل والمواصلات اعتبارا من نفس التاريخ وحتي صدور القانون الذي ينظم هيئة السكة الحديد كاحدي مؤسسات القطاع العام .وأصبحت السكة الحديد منذ ذلك التاريخ تدار بواسطة مدير عام يخضع لسلطات وزير النقل والمواصلات ويعاون المدير العام اثنان من النواب ومراقب مالي وثلاثة مساعدين .وبموجب قانون رقم 29 لسنة 1973 وعملا باحكام المادة 225 من الدستور اصدر اللواء اركان حرب / جعفر محمد نميرى رئيس الجمهورية قانون هيئة سكك حديد السودان والذي بدأ العمل به حسب اعلان السيد / وزير النقل والمواصلات اعتبارا من اليوم الثاني عشر من شهر يوليو سنة 1973م .وتم بمقتضي هذا القانون فصل الميناء ومصلحة النقل النهري والفنادق والمرطبات التي كانت تتبع للسكة الحديد واصبحت ادارات قائمة بذاتها .فى فبراير سنة 1974 شكل السيد وزير النقل لجنتين احداهما لدراسة وتقويم الهيكل الادارى والوظيفي لهيئة السكة الحديد والثانية لدراسة وتقويم شروط خدمة العاملين بالهيئة وقد عهد بهذا الامر الى صفوة من اهل المعرفة والعلم والخبرة فى هذا المجال من العلماء بجامعة الخرطوم والخدمة المدنية .وعلى ضوء هذه التقارير اصبح الهيكل الجديد لهذه الهيئة كالاتي :أ/ مجلس الادارة ويكون بنفس التشكيل الوارد فى القانون .ب/ مدير عام الهيئة وهو الموظف التنفيذي المسئول عن إدارة الهيئة وفقا لسياسة المجلس وتوجيهاته .ج/ خمسة إدارات إقليمية وإدارات عامة مركزية .وفى العام 1981 اصدر رئيس الجمهورية قرارا جمهوريا تم بمقتضاه القرار مقر عام الهيئة الى الخرطوم ، ومنح صلاحيات واسعة لمدراء الاقاليم وجعل مدراء الادارات العامة مستشارين للمدير العام .وفى العام 1985 تم تعديل هذا القرار وتم تحويل الادارات من مستشاريات الى إدارات عامة وفقا لقانون 1973م .تعاقب على إدارة الهيئة منذ الاستقلال وحتى الوقت الحاضر المدراء العامون الآتي بيانهم :

الاســــــــــــــــــــــــــــــــــــــــــــــــــــــم الفترة
من إلى
المهندس / محمد الفضل 28/7/1957م 6/10/1962م
المهندس / أبوبكر على رضا 7/10/1962م 14/9/1966م
المهندس / احمد الأمين حميدة 15/9/1966م 15/11/1966م
السيد / إسماعيل حسين 16/11/1966م 7/12/1968م
السيد/ عبد الرحمن نديم 8/12/1968م 6/6/1969م
المهندس / عبد المنعم عباس 7/6/1969م 15/4/1973م
المهندس/ محمد عبد الرحمن وصفى 17/5/1973م 9/1/1980م
المهندس /يحي عبد الحميد شمس الدين 9/1/1979م 7/2/1980م
المهندس / صالح محمد الطيب 20/4/1980م 4/5/1981م
المهندس / محمد أحمد الطيب 4/5/1981م 28/12/1982م
المهندس / محمد عبد الرحمن وصفى 28/12/1982م 20/11/1983م
السيد / محمد الحسن عثمان عبيد الله 20/11/1983م 25/10/1984م
المهندس / هاشم محمد احمد 25/10/1984م 10/8/1987م
المهندس / محمد احمد الطيب 15/7/1987م 4/1/1991م
د. . / الفاتح محمد على 21/1/1991م 9/2/1995م
المهندس / حسن خليفة عثمان 28/2/1995م 17/8/1997م
المهندس / عمر محمد محمد نور 17/8/1997م 17/11/2006م
المهندس / حمزة محمد عثمان الفاضلابى 17/11/2006م 15/6/2010م
المهندس / مكاوى محمد عوض أوشى 15/6/2010م
دور السكة الحديد فى التنمية الاقتصادية والاجتماعية :1/ ظلت السكة الحديد منذ إنشائها وحتى منتصف السبعينات من القرن الماضي وسيلة النقل الرئيسية بالبلاد وتقوم بنقل أكثر من 90% من صادرات وواردات القطر . الجدول أدناه يوضح نقليات الصادر والوارد منذ مطلع السبعينات من القرن العشرين حتى منتصف الثمانينات :

السنة نقليات السكة الحديد الواردات والصادرات من والى الميناء
صادرات واردات صادرات واردات
72/73 853.573 1.420.947 898.498 1.480.153
73/74 696.883 1.378.662 741.365 1.451.223
74/75 643.933 1.311.742 707.619 1.457.491
75/76 409.149 815.426 926.620 1.717.711
80/81 350.527 900.086 574.635 1.500.144
81/82 342.770 885.185 601.351 1.609.427
82/83 260.768 675.741 532.180 1.324.982
83/84 140.665 481.752 485.052 1.784.267
84/85 34.017 480.786 147.8900 2.289.457
2/ ساهمت السكة الحديد فى تنفيذ كل المشروعات التنموية الاستراتيجية بالبلاد والتي شملت مؤخرا ما يلي :اولا : استكشاف واستغلال خام البترول السوداني :قامت الهيئة بنقل كل معدات وآليات المشروع وعلى راسها معدات مصافي الابيض والخرطوم . شيدت خطوط فرعية من المجلد الى مواقع ابار البترول بابي جابره بطول 52 كيلومترا وخط فرعي آخر من محطة الابيض الى مصفاة البترول بجبل ابوخريز شمال الابيض بطول 10 كيلومتر .قامت بنقل خام البترول السوداني من ابار النفط الى مصفاة البترول منذ العام 1996 وحتي تشييد خط انابيب البترول فى العام 1999م .ثانيا : مشروع سد مروي :قامت السكة الحديد بتشييد خط فرعي من محطة ألبان على الخط ابوحمد/كريمه وحتى موقع السد بمروي على نهر النيل بطول 16 كيلومتر . وأوفت السكة الحديد بكل تعاقداتها لنقل آليات ومعدات ومواد السد من محطة بورتسودان لمسافة تزيد عن 1200 كيلومتر . وتشمل النقليات معدات وآليات ضخمة يفوق طولها 35 قدم – طول عربة السطح .3/ ظلت السكة الحديد تقوم بالإيفاء بكل متطلبات النقل الاستراتيجي وتحت ظروف تشغيلية صعبة ومعقدة للغاية وشمل ذلك ما يلي :قيامها بنقل كل مواد العون الغذائي من الميناء وحتي ولايات دارفور الكبرى لمسافة ترحيل تزيد عن 2100 كيلومترا .قامت بالإيفاء بكل التزاماتها نحو نقل المخزون الاستراتيجي من ولايات النيل الأبيض وسنار حتى محطة نيالا بغرب السودان .ساهمت فى مقابلة معظم الاحتياجات الترحيلية لبعثة الأمم المتحدة إلى ولايات دارفور الكبرى المساهمة فى النهضة العمرانية والاجتماعية :ارتبط قيام الكثير من المدن الرئيسية بالسودان بوصول الخط الحديدي إليها ومثال ذلك مدينة عطبره التي تعتبر عاصمة السكك الحديدية ومسمار وهيا وجبيت بالشرق وبابنوسه ونيالا والرهد بالغرب .... الخ .
كما أن السكة الحديد ظلت هي المورد الرئيسي لإمداد الكثير من المدن والتجمعات السكانية التي تقع على الخط الحديدي بمياه الشرب العذبة وتوصيل الإمداد الكهربائي من مولداتها الضخمة المنتشرة فى العديد من المحطات النائية .
تنتشر فى كل السكك الحديدية الرئيسية أندية ثقافية ورياضية ليست حكرا على عامليها بل تستوعب كل المواطنين المقيمين حول هذه المحطات .
ساهمت السكة الحديد أيضا فى إنشاء المدارس والمراكز الصحية والصيدليات فى العديد من محطاتها الرئيسية وفى زمن مبكر لم تكن ه ه الخدمات فى حجم انتشارها الحالي. فقد أنشأت السكة الحديد مدارس الخدمات الاجتماعية الثانوية العليا للبنين والبنات بمدينة عطبره والتي آلت مؤخرا لوزارة التربية . كما تملك حاليا مركزا صحيا ضخما بمدينة عطبره يحتوي على احدث المعدات والأجهزة الطبية ويقدم خدماته لكل المواطنين وهنالك خطة طموحة لتحويله لمستشفى كامل للعاملين بالهيئة والمواطنين وبالمدينة . كما أنشأت السكة الحديد صيدليات لتقديم الدواء للعاملين والمواطنين بمدينة عطبره وبابنوسه وكريمه .

المصدر موقع الهيئة

مع مؤدتي


#907281 [سوداني متابع]
5.00/5 (1 صوت)

02-05-2014 07:13 PM
بت الجنيد يديك العافية يا دوب بليتي ريقنا . و زي الكاتب دا ما بيشبه حرارة قلب انت . و كان الكاتب يجاوب لي اسيادو الخليجيين ما دايرين رجال سودانيين خدم في بيوتهم !! . اقلاها كان البنوت الشايل همهم لقن الرجال البسافروا و يستروهم , لكن ديل جنس بشر جوا في زمن الطشاش و اكيد ليه علاقة بالوكالات الجابت الوظائف الجهنمية دي .


قولي ليه لا شكراً يا دكتور الخدامات انت !!!!


#907235 [othman saaad]
5.00/5 (1 صوت)

02-05-2014 06:05 PM
بسم الله الرحمن الرحيم
لقد قرأت مقال خادمات أو عاملات سودانيات
بض النظر عن موضوع العمل بحد ذاته ,, فالكاتب تطرق لنقطة مهمة جدا في الخدمة المدتية السودانية,, و هي من بتخذ القرار... وصاحب مكتب الاستقدام الذي تكلم بأنه سوف لن سمح بعمل السودانيت في هذه المهنة كما جاء في الموضوع(
ورد في الأخبار أن من ضمن الوظائف المتاحة بالمملكة العربية السعودية للأشخاص حاملي الجنسية السودانية وظائف خادمات منازل. قرأت تصريحاً لأحد مسئولي مكاتب الاستخدام يشير فيه الى أنهم لن يسمحوا بتوظيف السودانيات في هذه المهنة. ولم يوضح سبب الرفض. غير أنه من الواضح أن المسئول المذكور يعتبر الأمر فيه إساءة للسودان وللسودانيات) ..فالسؤال هو من أين أتي بهذه الصلاحية ..حتي يقوم باتخاذ هذا القرار و الذي هو بحد ذاتة انتهاك للحرية الشخصية,, بل وجعل الناس عبيدا له يشتغلون هذا و لا يشتغلون هذا بل و بجد الاعجاب من البسطاء ,,, أرجو أن تفكروا في هذه النقطة بروية و السلام


ردود على othman saaad
[محمود حجازي] 02-05-2014 09:58 PM
الأمر بسيط انت روح وظف حريم ناسك وما حد رح يتدخل في هالموضوع ،، والرجل يعبر عن الشعور العام لكل السودانين الذين لن يقبلوا بذل كرامة الانسان السوداني ذكرا كان او انثى ،، بمعنى آخر نظاما لن يقبل السودانيون على المستوى الشخصي انت حر وحريم قومك.


#907209 [دحدوح]
0.00/5 (0 صوت)

02-05-2014 05:36 PM
أٌخــتي أُمــي شـِــيــلي مــِنـي شــِـيـلي خُـــتـي


#907202 [العبيدى]
5.00/5 (1 صوت)

02-05-2014 05:27 PM
الأستاذة الفاضلة بت الجنيد، سلمت يداك وسلم قلمك، حرم ما خليتى ليهو جنبة يرقد عليها.
سؤالى: كاتب المقال دكتور طبيب أم يحمل درجة الدكتوراه؟ الأولى ما مشكلة لان غالبية "الجماعة" أطباء
فاشلين وفاسدين. أما الثانية أكيد فيها كلام، وبرضوا كثير من "الجماعة" بروفات ... ساكت
والله المستعان، ولا حول ولا قوة إلا بالله العلي العظيم


ردود على العبيدى
European Union [د. اريج] 02-06-2014 07:23 AM
شكلك للان تتمتع بصحة جيدة والله ماابتلاك لحدى حسى بمرض حرج

والله كان جاتك زايده ساى او حبس بول سببو تضخم بروستات كان عرفت قدر الطبيب وشفتو الملاك الفى يدو الخلاص وماكان قلت كلام زى ده واى واحد مايقدر يدخل كلية طب ترى ببقى زيك كده

بالمناسبة انا لاحظت الحريم المتزوجات كلهن بحترمن الاطباء لانهن دخلن تجربة الولاده وضاقن آلام المخاض وتعسر الولاده البحلهن من زنقتها الله اولا برحمته ثم الطبيب ثانيا وانت بدقو ليك تلفون وانت بتشرب فى الشاى ويمكن بتتونس بره ويقولو ليك المدام اتحلت بالسلامة


#907201 [A BU ALI ALI]
5.00/5 (1 صوت)

02-05-2014 05:27 PM
يوجد اعداد كثيرة من السودانيين كانوا يعملون في دوائر حكوميةمختلفة بدولة الامارت العربية المتحدة وخاصة في وزارة الدفاع والشرطة الاخ الرئيس عمر البشير يعرف ذلك ولكن بعد انتهاء خدماتهم 90% منهم رفضوا الرجوع الى السودان وانا بسأل ما هو عملهم وكيف يعيشون في بلد مثل الامارات والواحد يكون عاطل .


#907198 [الفجري داك]
5.00/5 (2 صوت)

02-05-2014 05:21 PM
التحية والأجلال للكاتبة أختي !
أللة يرحم أخونا الفنان ذيدان بحكايتة عندما قال لسائقة نمشي إتحاد الفنانين ،وعندما جلس كان هنالك بعض الأخوة الفنانين يقوموا بتعريف الضيوف ،دكتور عبدالقادر دكتور حمد الريح د. د.
ذيدان رحمة الله علية علق ياأخوانا السواق ده أقول ليه وديني دار الفنانيين يودينى شارع الدكاترة !!
زمان ماكان في مجال الموسيقى والغناء تخصص ودكتورة كما فى عهد عمر البشكير الأن ونسمع ونشوف من الدكاترة الفشل الزريع كما فى مستشفى الذيتونة وأصحاب الأراء النتنه لبت بلدي . على الراي الأعلامي أن لايرفع ضغطنا بالسماح لهؤلا السجم. والمحررين عليهم أن يرفضوا مقالاتهم وحريقة فيهم وحكومتهم !


#907171 [جبارى]
3.00/5 (2 صوت)

02-05-2014 04:46 PM
شكراً على هذا المقال الرائع فقد كفيت

من أين تحصل هذا الجاهل على شهادته لان ابسط المفاهيم العلمية يقول بعدم إجراء التجربة إذا كنا سلفاً نعرف النتيجة. وهنا التجربة هى الدعوة نفسها؟؟؟

بالبداهة لن يقبل أى سودانى ان تعمل قريبتة خادمة ولو مات من الجوع.

هل كاتب المقال سودانى فعلاً؟


#907141 [AburishA]
5.00/5 (2 صوت)

02-05-2014 04:15 PM
بغض النظر عن رأي الشخصي، مثل هذه المواضيع كان من المفترض ان يتم النقاش فيها من عدة زوايا للوصول الى رؤية مقنعة:
1/ النظر الى هذه المهنة من الناحية الدينية والاجتماعية.
2/ الاسباب والدوافع التي تدفع الانسان لممارستها طوعا كان ام اضطرارا.
3/ شروط العمل.. المرتب/ساعات العمل..الاجازات..الخ
4/ بيئية العمل.. هناك عاملة منزلية تقوم بخدمة شخص واحد فقط (اب..ام..معوق..الخ
5/ مدى توفر الحقوق الانسانية
6/الاعمال التي تدخل في مسمى العاملة المنزلية مثل (مربية اطفال..ممرضة خصوصي..طباخة..الخ.
7/ المقارنة مع الاعمال والافعال التي يقمن بها بعض السودانيات في المهاجر العربية وتحديدا السعودية.زدبي..ليبيا ومصر..
8/ أو اي اسباب تدعو للتحفظات سواء من المعترضين او الموافقين.

** عند مناقشة الموضوع من كل الزوايا يمكن ان نصل لرأي عملي مقنع سلبا كان ام ايجابا عن هذه المهنة موضوع التعليق.


ردود على AburishA
[د/ نادر] 02-07-2014 02:19 AM
هذا الرد لك ولابو سكسك

نرد عليك بالترتيب
1- انا لست متفقها في الدين ولكن ساذكر لك القول الشهير لعمر بن الخطاب وهو متى استعبدتم الناس وقد ولدتهم أمهاتهم أحراراً اما من الناحية الاجتماعية فهي وظيفة مستهجنة للغاية ومهينة وكما ذكرت لك مرارا وتكرارا لا يوجد الا في المناطق المتخلفة او الجزء الداكن من العالم وردود وتعليقات القراء يثبت مدي استهجان المجتمع والذين علقوا في الراكوبة هي عينة مهمة من المجتمع السوداني وفيهم المهندس والمحامي وست البيت والمعلم والطباخ .
2- لا يوجد اي سبب يجعل الشخص ان يمارس هذه المهنة وانا اذكر عندما كانت هنالك صحف اعلانات كان مليئا باعلانات من قبيل اريد ان اعمل سائقا منزليا ويكون عمره في العشرينات براتب لا يتجاوز المائتي جنيه بينما كان هنالك الاف العمال الاجانب يجنون الملايين في شتي الاعمال خاصة في البناء (ولكن في ناس عايزين الضل والترطيبة)
3- شروط العمل وغيرها هذا يا اخي كالحرث في البحر وقد حاول منظمات لها القوة ما تكفي كمنظمة العمل الدولية وايضا العفو الدولية وكلها تتبع للامم المتحدة لم تستطع ان تغير شيئا في الامر وهذه مجتمعات بدوية ولا تعرف شيئا عن القوانين والالتزام بها وخير شاهد علي ذلك مدي ازدرائهم بقوانين المرور.
4- دول الخليج يذهب العامل اليه ولا يملك ادني فكرة عن طبيعة العمل الذي ينتظره ولا اعرف وظائف محددة مثل الطباخة فقط او عمل محدد بساعات معقولة وعطلة ليوم واحد كل اسبوع ليس لدي ادني فكرة ولكن ان وجدت هي استثناء وليست الاصل.
5- الرقم خمسة وستة مكررة اي نفس المعني ومسالة حقوق الانسان هذه بعيدة كل البعد عما يحدث هنا ولا تنطبق الحد الادني لمعاير حقوق الانسان مسالة البدون مثلا موجودة في كل دول الخليج يعني شخص جده مولود في هذه المنطقة ولا يملك هو الجنسية ولا حق التعليم ولا العلاج ولا السفر ويظل حبيسا من المهد الي اللحد وهم بمئات الالاف ولن تحل مشكلتهم بعد. بينما من ذهب الي اوربا وامريكا واستراليا قبل بضعة اعوام يتمتع بكافة الحقوق ومنهم من اصبح رئيسا.
6- المقارنة مع الافعال الاخري انت تقصد الدعارة يا اخي كما ذكرت لك سابقا نعم الفقر يمثل محورا اساسيا للدعارة ولكن هنالك امور كثيرة مهمة للغاية من ضمنها الانحلال الاجتماعي والحروب والتطلعات الغير واقعية الي اخره وانا اعطيك مثالا بسيطا لم يكن الدعارة معروفا في الدول الاشتراكية اي دول اوربا الشرقية وحتي الافلام الفاضحة كانت ممنوعة ولكن الان اصبحت هذه الدول سوقا رئيسيا لتجارة الجنس رغم تحسن اوضاعها الاقتصادية وخاصة تلك التي انضمت الي الاتحاد الاوربي اي تحول المجتمع الي مجتمع استهلاكي هي التي تؤدي الي الكوارث ومنها تجارة الجنس ولا ننسي الواعز الديني وتماسك الاسرة والتربية السليمة ولا يمكن للانسان ان يبيع جسده بدافع الفقر وكما قلت لك سابقا قلما تجد من تلجا الي الدعارة انها انعدمت الخبز
واخيرا نتاجر في المخدرات او نسرق لان الجوع والفقر يسمح بذلك

United States [ود الغرب] 02-05-2014 07:23 PM
يا خي سيب الفلسفة بلا نقاش بلا كلام فاضي انا عايش في السعودية من اكتر من عشرة سنين وشفت وسمعت الكتير عن اوضاع الخادمات في السعودية والمسألة معلومة للجميع وانا متأكد انك انت شخصيا لو سوداني ما حتقبل لاي واحدة من اقاربك تعمل خادمة. في رايي الشخصي ان من يسمح لاي من قريباته تعمل خادمة في السعودية وهو يعلم ما يعلم فهو ليس جديرا بالانتماء لهذا الوطن وهو في مقام الديوث. والتحية والتقدير لاختنا الكريمة كاتبة المقال.


#907134 [ابو سكسك]
5.00/5 (5 صوت)

02-05-2014 04:07 PM
اغلب المعلقين في هذا الامر من المغتربين السودانيين في دول الخليج العربي، وهم في الواقع يستميتون في الدفاع عن مصالحههم الشخصية ليس عن المرأة السودانية. الكلام بتاع حواء السودان رمزا للشرف والنقاء وانو الرجل السوداني رمز للشرف والشهامة ده كلو كلام فارغ، انتم خائفون على مصالحكم الشخصية لا غير. والله لو كانت موافقكم مبدئية لكنا احترمنا ارائكم، ولكن كل مواقفكم نابعة من حب الذات لا اكثر ولا اقل. بالله شوف، واحد بطنوا مليانة كبسة ويجي يقول ليك: المرأة السودنية تموت بالجوع ولا تقبل بالذل والاهانة المرأة السودانية ايه وايه،..... ليه ياخ المرأة السودانية دي تموت بالجوع عشان عزتك انت وكرامتك؟ قاعد ترسل ليها مصاريف؟

والله لو كانت موافقكم مبدئية لكنا احترمنا ارائكم، ولكن كل مواقفكم نابعة من حب الذات لا اكثر ولا اقل. هدفكم كلو انكم تبعدوا المرأة السودانية المحتاجة من العمل كخادمة في السعودية من اجل سمعتكم ومكاسبكم، لكن بعد داك السودنية دي تقعد في البلد تبيع شاي، تشتغل دعارة، تموت بالجوع، يتشردوا اولادها، ما عندكم غرض.

والله العظيم يؤلمني ان ارى المرأة السودانية تعمل كخادمة ذليلة ولكن طالما انني لا استطيع ان اغطي حوجتها، فنفسي لا تسمح لي ابدا ان اقول لها لا تعملي خادمة، وهل من الشهامة ان اوفر لزوجتي وابنائي كل ما يحتاجون اليه ومن ثم اطلب من امرأة اخرى ضعيفة ان تذهب وتموت بالجوع؟

خليك من النساء، والله في السودان ده شوفنا رجال كانوا بهزوا ويرزوا، لكن لما جاهم الفقر والجوع، اصبحوا اذلاء منكسرين، والله الواحد فيهم يشوف الغلط في بيتو وما يقدر يقول بغم....الجوع كافر.

خلاص انتو لو فيكم الشهامة بصحيح، اي زول بأسرته في السعودية او اي بلد اخر يجيب ليهو امرأة سودانية مضطرة عشان تشتغل معاه في البيت.

اسع دي لو السعودية قالت ما نبغى سودانيين لأنهم يبغون الخير لأنفسهم ويمنعون السودانيات الضعيفات من كسب رزقهن، يلا كل سوداني يرجع بلدوا، لو حدث ذلك، سنسمعكم تقولون لالا انحنا ما كنا قاصدين كدي، انحنا ما منعناهم لكن قلنا لم تجي لازم تلتزم بي شنو وشنو، السعودية دي بلد الخير والشنو والشنو....وحتجيبوا ليكم كذا اية قرانية وحديث لاثبات حق المرة في العمل.

اسع دي لو السعودية انشأة شركة كبرى لاستجلاب العاملات من السودان واعلنت عن حوجتها لموظفين من السودانيين المقيمين بحوافز يسيل لها اللعاب، لو حدث ذلك، كلكم حتجروا تقدموا.


بالله عليكم انظروا الي كمية الشهامة المدفقة في الصفحة دي،.... كذب ونفاق وانانية.


ردود على ابو سكسك
[AburishA] 02-06-2014 02:59 PM
ههههههاي.. لقد أفصحت عن (المسكوت عنه). .ولا حجر على الرأى..لك التحية.

United States [الصادق صديق الصادقين] 02-05-2014 11:49 PM
"انتم خائفون على مصالحكم الشخصية لا غير." والله فهم!!!!!!!!!!!
يبدو أنك داخل الشارع غلط.. قوم لف يرحمك الله

United States [الغريب] 02-05-2014 08:22 PM
يالمدعو سكسك كلامك غير صحيح لأنك رجل خانع وبما أنك هكذا فترى كل الناس مثلك اسأل نفسك لماذا السودانيون يتغربون بالسنين حصل في يوم من الأيام واحد من السودانيين سمعت انو شغل مرتو أو بنتوا خادمة ياخادم !!!
هذه أفعال حكومتنا الرخيصة الذليلة التي أذلتنا وأوصلتنا للحضيض تريد فلوس بأي طريقة ومعها الأرزقية النفعية عديمي الشرف أمثالك وأقسم بالله أموت من الجوع ولا تعمل أختي أو امي أو زوحتي خادمة يازبالة من انت لكي تتكلم وتحكم على الجميع بالكذب والنفاق والأنانية نحن رجال اشراف وهذا يكفي لسنا مثلك والحمد لله وكل إناء بما فيه ينضح !!!!!!!!!!!!!!!!!!!!!!!!!!

United States [الباشا] 02-05-2014 08:17 PM
المثل بقول (صاحب العقل يميز) وأيضا ليس الكل بسيء ولكن درء المفاسد مقدم على جلب المصالح وصاحب العقل يميز وشكرا

United States [ود الغرب] 02-05-2014 07:53 PM
عزيزي ابوسكسك يبدو انك قصير النظر او عندك مشكلة مع المغتربين لسبب تعلمه انت.لماذا اتهام الجميع باكذب والنفاق والانانية لمجرد دفاعهم عن سمعة المراة السودانية. كتير من الدول وبعضهم افقر من السودان لا يسمحون لبناتهم باعمل خادمات في السعودية اليمن ومصر وبنغلاديش والهند على سبيل المثال. اندونيسيا اوقفت عمل الخادمات في السعودية ثم عادت ووافقت بشروط صعبة جدا. كثير من خادمات المنزل يرتكبن جرائم قتل انتقاما بسبب الذل والمهانة التي يقابلنها في السعودية وخصوصا من الحبشيات في الاونة الأخيرة. ما ظنك بالسودانيات أخي الكريم.


#907119 [ود المملكة]
5.00/5 (2 صوت)

02-05-2014 03:48 PM
مقال اثلج صدري حتي زرفت دمعتي لانتصار وعلو وسماحة كلمةالحق.
لكي الاف التحايا والتقدير علي المقال الذي اجد نفسي عاجزا امامه لاكتب كلمات شكر وتقدير.
رعاك الله ووفقك ومزيدا من الاراء النيرة.

كل الخزي والعار لذاك الذي يدعي انه دكتور. فانه لا يستحق الدرجة العلمية فلربما تلقاها من احدي دور المؤتمر الوثني.


ردود على ود المملكة
United States [عباس] 02-05-2014 06:53 PM
النخوة فى القلب ماها فى الشهادات اهلنا الغرسوا فينا القيم السمحه ماكانت معاهم شهادات كان معاههم قوب عامره بالنخوة والشهامة .


#907118 [abu sarah]
5.00/5 (1 صوت)

02-05-2014 03:47 PM
للوطن السلام وأيامنا بنقضّيها
عاليين الرؤوس والله ما نوطيها
لي عدو أو صليح مهما تجبّر فيها
واقدار الإله طايعين نسلّم بيها

يا وطني العزيز في رعاية الرحمن
وينجيك الكريم من الضياع وهوان
كنت جسور وقدوة تعلّم الأوطان
وآخر الدور خسئت ومرمطوك كيزان

(أبوسارة)

لقد قلت فأبدعت يا بنت الجنيد .. حفظك الله ورعاك وكثّر من أمثالك .


#907113 [ايمن]
0.00/5 (0 صوت)

02-05-2014 03:39 PM
متوقع لامحالة تدهور العلاقات بين السعودية والسودان لسبب بسيط : العاملة المنزلية او الخادمة ستتعرض لابشع صنوف المعاملة السيئة المعروفة عن هذا الشعب تجاه من يسكنون معهم وتحت كفالتهم سينتج بالتاكيد حالات استفزاز وعندما يستفز السوداني /ة ..الرد سيكون جريمة لامحالة ..وعندها بنعرف كيف التضامن ومؤازرة السودانية الضعيفة ..لن يقل عن حرب خفية ...


#907102 [توم احمد]
5.00/5 (2 صوت)

02-05-2014 03:31 PM
الكبرياء و العزة في النفس هي سبب كتابة هذا المقال فكما هو معروف السودانيون يرون انفسهم احسن خلق الله مثلكم مثل الاسرائيليين يعني ايه لو اختك اشتغلت خدامة ولا شغالة افتكر دي عدم موضوعية و دي واحدة من الاسباب الخلتكم ما تتقدموا لحد اليوم و ان شاء الله عنكم ما مشيتوا قدام يا عفن.


ردود على توم احمد
European Union [الصادق صديق الصادقين] 02-05-2014 11:52 PM
أكاد أجزم بان كاتب هذا التعليق مصري والجواب واضح من عنوانه

United States [الفنجري] 02-05-2014 05:59 PM
والله يا توم احمد انت ما راجل واكيد من اسرة فاكة يا عفن انت........

United States [الأنصاري] 02-05-2014 05:53 PM
والله عيب عليك يا توم احمدان تقول هذا الرأي الفطيرإما لانك لا تعرف عزة النفس الحقيقية أو صاحب هوي 00هل تريد لنا العار والزلة وحتي أختك أنت وهي أمانة في رقبتنا إذا انت بمفهموك هذا وقبلت ان تكون خادمة فلن نرضي بذلك القول ومن يساند هذا الأمر الخطير فاليراجع نفسه بل وتسقط عنه ولاية من يعول من النساء لأنه أصبح فاقد لشرط الرجولة والفحولة والنخوة والشهامة في الولاية000 تسلمي أيتها الشريفة ممثلة لشريفات وطننا العزيز 000 واذا كان حماية العرض والشرف يعني التخلف وعدم التقدم 00 فأشرف للنساء بألف مرة ان يكن ونكون معهن في هذا المركب الشريف وتبا لك ولأمثالك تجار الخزي والعار ولا يخالجني الشك بأنك صاحب مكتب للاستقدام وتريد ان تتكسب من هذا الرجس 000

[sami] 02-05-2014 04:48 PM
اولا قبل كل شيء عزة النفس مطلوبة واذا انت ما عندك عزة نفس فموتك افضل من حياتك تقبل اختك او بنتك تعمل خادمة في السعودية او حتى داخل السودان ؟ رد بسرعة اذا كانت الاجابة نعم فانت عديم الغيرة على محارمك والان كثير من الاسر الخليجية تبحث عن خادمات ارسلهم فورا واستلم رواتبهم واذا كانت الاجابة لا فلماذا المراوغة والنفاق


#907090 [تينا]
5.00/5 (1 صوت)

02-05-2014 03:21 PM
بارك الله فيك اختى اسماء ... أحب أقول للموافقين على الطرح انو راتب الشغالة يعتبر غير مجزى بعد تعبها هذا كله ... نسأل الله أن يفرج هم السودان ويفك كربه وتجلس حواء بلادى فى وطنها معززة مكرمة كما كانت من قبل ...


ردود على تينا
[حسكنيت] 02-05-2014 04:55 PM
عودا حميدا مستطاب ويا مرحبا

( محى الدين فارس) :

لاتنامى
الليل أوغل لا تنامى
الريح أطفات السراج .. وقهقهت خلف الخيام
وفراخك الزغب الصغار .. تراعشت مثل الحمام
وتكومت فوق الحصير .. تكومت مثل الحطام
ناموا على جوع .. فما عرفوا هنا طعم ابتسام
وعلى خدودهمو .. بقايا أدمع .. ورؤى قتام
لا .. لاتنامى
ضجت مذاريب السماء وأعولت ملئ الظلام
وهناك فى قبو الحياة هناك فى دنيا الخيام
تمضى الحياة بلا ابتسام
تمضى كزفرة مومس ضاعت بأطواء الظلام

( لا تغادرى ولا تنامى من أجل هؤلاء)


#907041 [krkasa]
5.00/5 (3 صوت)

02-05-2014 02:44 PM
المراة السودانية اصبحت مهانة في داخل بلدها وليس لها كرامة في عهد الكيزان وخاصة خارج مثلت حمدي ..؟؟!!..ثم ماذا عن الطبيبة التي ضربت بالعقال من قبل (الكفيل)..وعلى رؤس الاشهاد..؟؟..اذا كان هذا هو حال الدكتورة، فما بالكم بالخادمة..؟؟


#907024 [ود احمد]
5.00/5 (1 صوت)

02-05-2014 02:16 PM
.


#907021 [سيف الله عمر فرح]
5.00/5 (2 صوت)

02-05-2014 02:08 PM
استاذة اسماء الجنيد ، جميل جدآ انه الواحد يكون غيور على بنات وطنه ، ومن الدين انه الواحد يحب لأخيه ما يحبه لنفسه .. أنا شخصيآ أرفض رفضآ باتآ أن تعمل بت بلدى عاملة أو خادمة منزل سواء كان داخل او خارج الوطن . بس البيجننا ليه معظم السودانيين رجال ونساء يرضون بعمل حرائرنا كخادمات بداخل الوطن ويرفضون عملها كخادمة بالخارج ؟ ، هل عرضها تكون بأمان بالداخل ومنتهكة بالخارج ؟ ، هل غيرتنا على ديننا أم على وطننا ؟ .. اعتقد لو قمنا بمسح المنازل فى كافورى ، والمنشية ، والرياض والعمارات وما شابههم من احياء سنجد فى 90 % من هذه المنازل خادمات سودانيات 100% !! .. أين غيرتنا ونخوتنا اتجاه هذه النساء ؟ ، لماذا ننكر بعض الحقائق وندفن رؤوسنا فى الرمال ؟ ..
يا استاذة أسماء ، بالله أنت بصفتك صحفية حاولى تعملى دراسة عن ظاهرة عمل السودانيات كخادمات منازل فى العاصمة المثلثة ! ، وانشرى الحقائق بدون عاطفة .

استاذة اسماء ، إذا كانت المهنة وضيعة كما تقولين والمبادىء لا تتجزأ ، لماذا نقبلها بداخل السودان ونرفضها بالخارج ؟ ، ولماذا نقبلها لبعض رجالنا ، ونرفضها لنسائنا ؟ ، والله العظيم حيرتونا ! ، انا بعتقد أنك ظلمتى دكتور عادل الفكى لتساؤلاته المشروعة ، يا استاذة اختلفى معاه كما تريدين ، ولكن ما من حقك تشككى فى سودانيته !..


ردود على سيف الله عمر فرح
European Union [سيف الله عمر فرح] 02-08-2014 11:30 AM
الجمبلق ، ودعمر ، وداحمد ، احترم رايكم ، ومشكورين .
اعتقد الحلال والحرام لا يتغيران من مكان لآخر ، والمهنة الوضيعة هى كذلك ..
بعد تحريم ممارسة تجارة الرقيق فى أوروبا ، اجتمع الحاكم العام الانجليزى بالسادة عبدالرحمن المهدى ، وعلى الميرغنى وآخرون ليبلغهم ان تجارة الرق ممنوع بالقانون !! ، إلا أنهم تحاججوا أن للرق محاسن فى السودان ، وانهم يعاملون عبيدهم برفق وحنان ، وليس كمعاملة الأوربيين للرق !! ، ورجووا الحاكم العام بأن يعفيى السودانيين من المنع ..
إخوانى لا يفوتكم قصة الأم السودانية التى باعت طفلها لتستطيع إطعام بقية أطفالها فى العاصمة المثلثة ، ولا تفوتكم القصص الكثيرة لتعديات جماعات الأمن والشرطة لحرائرنا .. حقوق المرأة فى السودان منتهكة عينك يا تاجر ! ، ماذا يعنى لكم لما مدير الشرطة يعلن أنه قد تم جلد أكثر من 43 الف امرأة فى العاصمة المثلثة خلال عام 2009 م ؟؟؟ ..
يومآ ما ، السودانيون استنكروا عمل بناتهم فى سلك التدريس والتمريض ، بعض السودانيين استنكروا عمل اولادهم كمضيفين فى الطيران بحجة أن طبيعة العمل مثل عمل الخدم .

(( ندعو الله مع ود عمر ، ان لاتحتاج المراة السودانية للعمل بالمنازل داخل او خارج بلدها. اللهم ازح عننا هذا النظام الغشيم واستر علي بلدنا يارحمان يارحيم.)) .

United States [د.أحمد] 02-06-2014 07:35 AM
أخ سيف الدولة أنت التبس عليك الفهم،ثم ان نسبة الخادمات التي ذكرتها خاطئة وقليلة،فقد سادت على أوساط البيوت السودانية الخادمات الأجنبية بل أصبح لدى بعض الأسر المقتدرة تشغيل خادمة أجنبية نوع من "الترف والموضة"!،وأنا من المؤيدين والداعين لسودنة مثل هذه الوظائف،حيث أنها تعود منفعة لأقتصاد البلد واجتماعيا أيضاوتحارب الفقر،ولعل أخي "ود عمر" شرح لك ببساطة الفرق بين عمل السودانية كخادمة بالداخل من ان تعمل بالخارج.

[ودعمر] 02-05-2014 05:43 PM
هنالك فرق كبير ان تعمل المراة داخل دولتها عاملة بمنزل
1- التساوي بين العاملة وصاحبت المنزل امام القانون فكلاهما مواطنتين سودانيتان وهذا لايتوفر بالخارج
2- داخل بلدها يمكن ان تكون زي اي شخص يعمل في وظيفة ما اي انها ستخرج من منزلها في الصباح وستعود بنهاية اليوم
3- اذا لم يعجبها الحال في اي لحظة يمكنها ان تترك العمل وتدي صاحبت العمل بالشلوت
4- بالاضافة لذلك المراة السودانية اعني صاحبت المنزل لايمكن مقارنتها باي حال من الاحوال بالمراة السعودية فانا شخصياُ اعلم العديد من النساء السودانيات كانت لهن فتيات يعملن معهن العلاقة بينها وبين العاملة كانت اكثر من علاقة مجرد عاملة فتعاملها مثل بنتها بدليل ان العلاقة بينهما وبين الفتاة تستمر الي مابعد تركها العمل وزواجها.


ندعو الله ان لاتحتاج المراة السودانية للعمل بالمنازل داخل او خارج بلدها. اللهم ازح عننا هذا النظام الغشيم واستر علي بلدنا يارحمان يارحيم.

United States [الجمبلق] 02-05-2014 04:52 PM
لله درك يا استاذة اسماء وقد هاجم معظم المتداخلين ما كتبه هذا الدكتور واقول للاخ سيف الله السودانية فى الداخل تعمل خادمة كما يحلو لها لانو حريتها فى يدها وقت ما تكون ما عايزه تشتغل هى حره ومافى حد بقدر يقول ليها تلت التلاتة كم ولكن لو علمت ما هى معاملة الخادمات فى بلاد الغربة لتيقنت لماذا يرفض كل سودانى حر ابى ان تعمل سودانية فى هذه المهنة الوضيعة خارجيا ولكنها داخليا ليست وضيعة . وضيعة خارجيا لانها تعامل كالامة تعمل كل شئ وتهان ويعملوا فيها الدايرنو وهى لاحول لها ولاقوة ولا حد حيجيب خبرها ما تقول لى سفارة ولا يحزنون عشان كده سودانية تشتغل خادمة والله ما تلوم الا نفسها فى هذه البلاد الغريبة عليها.


#906990 [المشتهي الكمونية]
3.63/5 (4 صوت)

02-05-2014 01:30 PM
والله عافي منك يا بت الجنيد
طلعتي أرجل من دكتور الهنا العايز نسوان بلدنا يشتغلن خدم
والله كلامك دا يطمن ويؤكد لينا انه بلدنا بخير ما دام فيها الزيك
لكن رجاءا لا تزعلي نفسك كتير لأنه كاتب المقال طلع مجرد أمنجي من كلاب العصابة
أنا مرات كنت بلقالو مقالات أعتقد في جريدة السوداني بتاعة جمال الوالي
بيكتب كلام زي كلام الطير في الباقير وعامل نفسو خبير اقتصادي
كمان بعض الناس أكدوا انو الزول دا كان شغال مع صلاح قوش في الأمن وبرضو قنصل في سفارة في الخارج
وبرضو معلومة مؤكدة عن علاقته بمكاتب تخديم في الخارج ، يعني يسوق في مقاله لبضاعته وعايز يتذاكى لإقناع مكتب العمل بقبول فكرة الخدامة السودانية في منازل الخليجيين
عرفتي يا بت الجنيد القصد من المقال
قال خبير اقتصادي قال


#906952 [ahmed//]
5.00/5 (2 صوت)

02-05-2014 12:57 PM
هذا يظل رايك ، ورأى الكاتب ، أحدكم مع وآخر ضد ، ماهى الخطوة التالية بعد كتابة المقالات ، الكاتب اشار أن هذه الوظائف المطلوبة موجودة لدى مكاتب الإستقدام ، ماهو دورك حتى تتمكنى من المنع، وهل ممكن تذهبوا وتسألوا هذه المكاتب كيف ولماذا ومنْ؟؟؟؟ كيف تمت الموافقة من الجهات الرسمية؟ ومن هى تلك التى ستذهب وتعمل خادمة فى المنازل؟ ولماذا هى ذاهبة (السبب) ؟


ردود على ahmed//
[طيار] 02-06-2014 12:00 AM
طبعا تمت الموافقه من الجهات الرسمية اخوان الشيطان القواديين الديوثين ارتضوا الذلة لنسائنا ليكسبوا حفنة ريالات وللاسف كتب هذا المقال بعد وصول افواج الخادمات للخليج


#906950 [مدحت عروة]
5.00/5 (2 صوت)

02-05-2014 12:56 PM
هو يا اخت اسماء فى اعفن واقذر واوطى واسفل من الكيزان؟؟؟؟
لا يوجد اطلاقا!!!!!!!!
بعد استلامهم للحكم اتضح ان لا دين ولا وطنية او اخلاق سودانية لهم!!
مافى زول ضراهم بشىء من الشعب السودانى وشوفى لمن اتمكنوا عملوا فى الناس شنو وهذا يدل على حقارة معدنهم!!


#906947 [ابو مازن]
5.00/5 (1 صوت)

02-05-2014 12:55 PM
صدقتى وقلتى الحق حين صمت المسئولين كنت اتوقع ان يتم فتح بلاغ وتقديم التيس صاحب المقال للمحاكمة


#906946 [أسمر جميل فتان]
4.25/5 (3 صوت)

02-05-2014 12:55 PM
انا الحيرني في الموضوع انو بشه في خطابه الاخير السجمان دااااااك قال ونادي "بتعزيز الهوية السودانية!!!" وهي تعني في احدي جزئياتها انو النظر الي الشخصية السودانية ومحاولة تشجيع مميزاتها واظهارها وعدم التهاون فيها واعتقد انو النفس الحاااااار ده وعدم القبول بالذلة والاهانة والحقارة تعتبر من المميزات للشخصية السودانية الاصيلة والتي يجب تعزيزها !!!

والزول ده عاوز يرسلوا بناتنا عشان يتذلوا ويتهانوا ونحنا برضوا نتهان بصورة غير مباشرة!!!
وهو بكلامهم الاخرق ده لا رضا الحكومة ولا رضا الشعب فعاوز اسالو سؤال
"انتا يا وهم شايت مع منو؟؟؟"
وشكرا لك يا اسماء على المقال الرائع فانت دوماً تنطقين روعة ودرر مكنونة الله يحفظك
ودمتم


ردود على أسمر جميل فتان
United States [مواطنx] 02-06-2014 05:26 AM
تسلم آسمر،وأنا المحيرني بعض المعلقين البتكلموا وعاملين فيها موضوعيين وبقولوا "البلد فقيرة لي مايشتغلوا" انتو ماحاسين بفقرهم ويسكتوا على كده! يعني أنا ما عارف جد ديل بفكروا كيف،وهم ما جايبين خبر انو بسوقوا لحلول جزئية تبعياتها ضياع السودان وضياع الهوية وانحلال المجتمع السوداني بالكامل آخيرا تقسيم السودان من غير صداع وقلق! وماخفي أعظم.

تسلم أخوي آسمر وأنا بضيف المعلقين العاملين فيها موضوعيين ديل شايتين مع منو و وين بالضبط؟


#906935 [ابن السودان الموحد بحول الله]
5.00/5 (1 صوت)

02-05-2014 12:49 PM
سلام عليكم ورحمة الله اختي الفاضلة اسماء بارك الله فيك وجعلك من بنات السودان الصالحات فائق احترامي وتقديري ليك ولشخصك ارجو ان لا تتنازلي لدرجة مثل هذا الحقير الذي لا يعرف قيمة المراة السودانية ولو هو عندو درجة دكتوارة ارجو ان يتخصص في تاريخ المراة السودانية وعزتها وكرامتها وهي دائما رافعة الراس ولكن يبدو لي مثل هذا الديوس لايعرف ماهي حواء السودان كي تعمل خادمة او او او والله علي الطلاق لو الفقر قتلنا عديييل ماعندنا مراة سودانية تشتغل خدامة في دول الخليج ولو هو عندو اخواتو او بناتو او خالتو خليهن يفتح ليهم الاستقدام ويسحب الجواز منهن جميعا رجال ونساء امثال هولاء لانهم اصلا مافي اي انسان سوداني يقبل او يطرح فكرة مثل هذا الديوس حمنا الله واياكم من امثال هذا القوادين


#906928 [Wad Darfur]
0.00/5 (0 صوت)

02-05-2014 12:45 PM
I bow to show my respect to you our sister Asma for this nice article. How can as Sudanese allow our ladies to work in KSA as house servant.
Although the economic situation in Sudan is really bad and getting worse every day, there is no need to send our ladies to KSA. If there are true Sudanese men, they should have worked hard to overthrow the Kizan, they are causing the disaster of the Sudan.

Our demands in the marginalized areas Darfur, South Kurdufan, and Blue Nile is different for the other part of Sudan, we are fighting for our freedom.


#906912 [زول كادح]
5.00/5 (1 صوت)

02-05-2014 12:29 PM
لكي التحيه وانتى تعطين الدكتور المتدكتر علينا وهو يتلاعب بالالفاظ وكان عامله منزليه لها معني اخر غير الخادمه لا يهمنا الكلمات ما يهمنا طبيعة العمل والتي لا نرضاها لاي سودانيه مهما كان الوضع سيئ فالاكرم لكل سودانيه عزة النفس والقناعة التي هي اهم صفات الانسان السوداني البسيط .. فامثال الدكتور المدعي لا يعرفون معني الذلة والانكسار والله لاموال الدنيا وما فيها لا تساوي لحظة ذل من انسان مثلك .. واكبر دليل حلات الانتحار اليوميه في شريحة عاملات المنازل بالمملكه .. ان الله قد كرم الانسان فكيف يرضي بالذل


#906898 [umfatimah]
5.00/5 (2 صوت)

02-05-2014 12:18 PM
يا د.يكتور انا في السعودية ومحتاجة شغاله ارسل لي اختك او امك او بنتك وانا راح اعطيها اكثر من راتبك .بس لازم تعرف يعني شنو شغاله خارج السودان وبعدين ارسلها ياماعارف حاجه وفاقد منطق


ردود على umfatimah
United States [Awad] 02-05-2014 02:49 PM
الأخت أم فاطمة

السلام عليكم ورحمة الله وبركاته

أشكرك على غيرتك على بنات البلد وأتفق معك تماماً على عدم الموافقة بما طرحه الدكتور لكن في نفس الوقت اسمحي لي اوجِّه ليك صوت لوم خفيف ويتمثّل في أن أخت أو أم أو بنت الدكتور كاتب المقال ليس لهم علاقة بما كتب والمفترض أننا نخاطبه هو ولا نُقحِم أهله في الموضوع. كما انه لم يطلب طلبك هذا من أي شخص بل طرح طرحاًوإن إختلفنا معه فإن أخلاقنا لا تُجيز لنا إساءة أهله الذين لا ذنب لهم ولا يؤاخذون بخطأه

والله يحفظك ويرعاك

تحياتي
عوض


#906895 [زول سوداني مغترب]
5.00/5 (1 صوت)

02-05-2014 12:17 PM
شكراً للكاتبة الرائعة .. المدعو عادل الفكي مفروض "ياخد على قفاه ضربتين تلاتة" حى يفيق من غفوته..


#906885 [ابوشمة]
5.00/5 (1 صوت)

02-05-2014 12:09 PM
شكراً الاستاذة العزيز اسماء لقد كفيتى ووفيتى .. نستاهل نحن فى بلد فيها نيلين ومياه جوفيةوملايين من الاراضى الزراعية الخصبة وبترول وصمغ وثروة حيوانية بالله بلد فيها كل الخيرات دى كيف يكون فيها انسان فقير ... تجوع الحرة ولا تأكل من ثدييها.. لكن معليش والله نحن ما رجال نحن كان رجال بصح ما بنخلى كيزان عفينات زى ديل يحكمونا 25 سنة والكاتب ليهو حق هو بكتب لكن لمن تجى عند امو واختو انها تشتغل خادمة الكلام بقيف هو قاصد فئة معينة بالكلام دا لكن انا بقول للكيزان قلت ادبكم وعنصريتكم دى والله لو طال الزمن لو قصر ..

عليك الله كنا وين وبقين وين زمان حتى العنصرية كانت محترمة .. بين القبائل ..

تقول الرواية أن مشادة قد حدثت بين رعاة إبل موسى ود جلي، ورعاة إبل يوسف سنينات، سيد قبيلة الشكرية وفارسها، الذي كان غائباً في ذلك الحين، حدثت هذه المشادة حول بئر الماء، وانتهت بأن قام قدَّال (مولى يوسف) بقتل بكرة من إبل موسى ود جلي... فاستشاط موسى غضباً وهجم على الشكرية فانتصر عليهم وشتت شملهم، واستاق عدداً من إبل يوسف سنينات، كما أخذ زوجته – آمنة بت حسان – سبيةً، وارتحل مع بقية أفراد قبيلته ميممين شطر ديارهم في غرب السودان...

المشهد يصور لنا موسى ود جلي، أثناء تحركه مع قبيلته عائدين إلى ديارهم الأصلية، وهو يخاطب مسبيِّته آمنة بت حسان، زوجة يوسف.. بعد أن رأي الشكرية، وقد جمعوا فلولهم وجاءوا يتتبعون آثاره ليستنقذوها منه...

موسى – مخاطباً آمنة ومشيراً إلى الشكرية:

أنا دابي الليل ودود الخيل أخوك يا شمَّة
ما بتشوفي داك يا آمنـة فزعك لَـمَّ

آمنة: ما تشوف العريب والدردشة المنلمَّة
ما بصدُّوني منك يا نقيـع السَّمَّـة
كان جاني البسُر بالي، وبفُرْج الهمَّة
حد شكرك وقف، والليلة يومك تَمَّ

حينئذٍ تصل جموع الشكرية، وتخوض معركة خاسرة أخرى مع موسى ود جلي... ثم يواصل موسى ورفاقه مسيرهم صوب ديارهم... بعد أن شتت شمل فلول الشكرية، وحال بينهم وبين تخليص آمنة من قبضته...

وأخيراً عاد يوسف إلى ديار الشكرية... ووجد الحال فيها لا يسر... وجاءه مولاه قدال وهو يبكي... وحكى تفاصيل الفاجعة التي وقعت... حتى قال له:

قدال: وإتَّ في ده، ولَّا ما ساقوا آمنة وقاموا..

يوسف: كيف ساقوها والشكرية كالأعلامو..

قدال: الشكرية ما بنْلامو
جاهم موسى رافع راسو زي الهامو
صدَّاهم حفايا... وبالطريق يتراموا

يوسف: الغرباوي سوَّاها، وعلي نجامو

ثم يتحرك يوسف ومعه قدال متعقبين آثار بني جرار الذي سبوا زوجته آمنة... وهو يترنم:

يوسف: أنا سنينات....
أسد الخلا القنَّـات....
عينيْ حُمُـر شينات....
وبعد الريلة طاري بنات

المشهد يصور لنا قافلة بني جرار وهي في طريقها صوب ديارها الأصلية في براري شمال كردفان ودارفور... هنا ينظر موسى مرة أخرى لآمنة ويقول لها مداعباً:

موسى: بعد زمناً قريب يا آمنـة تصلي بلدنا
تنسي الشكري، يا ندفـة رفاعة الفدنة
خلاص قفَّينا من دار أبْ علي وصعَّدنا
الله يقـدُّوا يوسف... ما حضر واعدنا

الندفة: هي العجلة الفتيَّة

تلتفت آمنة إلى موسى ود جلي (وقد رأت يوسف مقبلاً نحوهم مع مولاه قدَّال)...

آمنة: مهلا لا تَضيـق، لـوك الصبر يا موسى
والندفـة المربعنة جاهـا تور جاموسـا
راجل أمك وصل، وأصبحت كالناموسة
حد شكرك وقف، دابك لحست الخوسة

يقترب يوسف ومولاه قدال من قافلة بني جرار التي يقودها الفارس موسى ود جلي... ويحاول قدال أن يبادر بمصادمة القوم قبل يوسف... ولكن يوسف يتستوقفه قائلاً:

يوسف: أنا الصاقعـة التقـع سرَّايـة
أنا البدخل الحلَقـة.. وبرفتق رايا
قدَّال لا تسير.. حرَّم تقيف بورايا
عاين للعريب، هسَّع تشوف جرايا

بعد ذلك يتبارز يوسف سنينان وموسى ود جلي وتنتهي المبارزة بانتصار يوسف على موسى... يقال أن موسى كان يركب فرساً أنثى (حائلاً) بينما يركب يوسف مهراً ذكراً، وأن الفرس استدارت لتقابل المهر بمؤخرتها... فاستطاع حينها يوسف أن يضع ذباب سيفه على عنق موسى... فطلب منه موسى أن يقتله... فرد عليه يوسف: (إنت راجل ضو قبيلة.. وأنا الضو في البيت ما بكتله... كيف أكتلك إنت ؟؟!!)...

وهكذا يعفو يوسف سنينات، سيد الشكرية وفارسهم، عن موسى ود جلي، سيد بني جرار وفارسهم... وتنتهي هذه المسرحية بمشهد أخير حين يصل موسى إلى ديار قومه بني جرار في شمال دار فور وكردفان، ويوبخه أبوه العم جلي على هذه الهزيمة المخيبة للآمال التي مني بها في أرض البطانة
وتنتحب أمه مرددةً هذه المناحة الحزينة:

زمني كلُّـو أحضِـن وألـِبْ
قايـلاك أسـداً مـا بتنغلـب
يسكَّك الشُّكري، وتجي منقلِـب
الليلة بقطع شطري،وأديهو الكلب


ردود على ابوشمة
United States [sasa] 02-05-2014 02:39 PM
آآآآآآآآآآآآآآآآآه يابوشمة ياود ابوى ياحليلنا نحن من زمن الرجال اولاد الرجال الراضعين من نساء ولدن الرجال؟؟؟؟؟

نحن يابوشمة اخوى فى زمن الرماده وهى لله (وفتاوى الختان وحفرة الدخان ) حليلم ديلك الرجال ...... نعيب زماننا والعيب فينا **** ومالزماننا عيب سوانا

نحن فى زمن عبدالرحمن الخدر وعبدالرهيم مهمد هسين وعمرالبشكير ووداد السيدة الاولى ؟؟؟ عجبى ووزير الاتصالات القلت بتلفون منها تعطل المواقع الاسيفيرية عجبى يابوشمة اللزووووووووووم


لك الود قلبت المواجع على زولا تربايتو فى خلا وريف البطانة ... الله ينتقم منكم ياتجار الدنيا والدين


#906876 [حسكنيت]
0.00/5 (0 صوت)

02-05-2014 12:02 PM
الناس يضعون الإنسان حيث يضع نفسه ومن يهن يسهل الهوان عليه ، ،
وقبيل قلنا ( البطال بقع من الغربال) ،، فالغربال الذى وضعتنا فيه الإنقاذ واسع الفتحات شديد الإهتزاز ، وإن لم نتماسك جيدا فسنسقط الواحد تلو الآخر حتى لا يبقى أحد ولا يبقى شئ


#906870 [8855]
0.00/5 (0 صوت)

02-05-2014 11:57 AM
الاخت بت الجنيد بارك الله فيك وحقيقة مقال رائع وفي الحقيقة الواحد يخجل لأمثال الاهبل كاتب المقال والذي اهان المرأة السودانية وساء لنفسه بهذا الموضوع الحقير والدنئ اذ كيف ترضي ان تعمل حواء السودان بهذه المهن التافهة ومن المعروف ان نساء السودان بنات عز كيف لا وهن رائدات في التعليم ومتقدمات علي جميع نساء العالم في كثير من المجالات لا يسع المجال لذكرها هذ من ناحية ومن الناحية الاخري اين ذهبت الشهامة والمروءة السودانية فالرجل السوداني دائما هو اخو البنات وعشا البايتات وشيال التقيلة وجمل الشيل وووو كثير من الصفات التي لا توجد في اي مجتمع آخر واسالوا المغتربين من هذه المعاني فهم اكثر من يعرف عن الآخرين وشخصي الضعيف الآن موجود بالخارج ونسمع الكثير المثير الممارسات اللااخلاقية والمهينة للمرأة العاملة وعلي وجه الخصوص عاملات المنازل ونسأل الله ان يحفظ السودان وأن ينعم عليهن بالخير والرفاه وجميع ابناءبلادي والوطن كما كان شامخا وفي مصاف الدول .


#906866 [Darfury]
0.00/5 (0 صوت)

02-05-2014 11:55 AM
بت الجنيد متعك الله بصحة وعافية النخوة والشهامة لقد صفع عليه الدهر هنا نموذج حي في ازلال نساءنا بالسعودية بالتحديد في مدينة جدة منطقة يدعي الكرنتينا حيث يقطن فيها مجموعة من المهاجرات الغير شرعية الحاجة ح احدي ضحايا الاستخدام الخارجي ابنة الراحلة الحاجة ح تروي لنا ماساة والدتها في السعودية حيث قالت والدتهابتعمل مع السعوديين زهاء السبع سنين دون انقطاع لا يعرف لها حقوق قانونية واذا طلبت الاجازة يرفض لها لانها مقيمة غير شرعية نظام كفالة وهو عين تجارة الرقيق حيث تعمل الحاجة ذهابا واياباطوال هذة الفترة حتي انتهت بها المطاف في احدي الايام عند الصباح الباكر وهي ذاهب الي مكان العمل وفي الشارع العام بجدة دحسها احد المارة بس

يارتة فاردتها قتيلة الا رحمه الله الحاجة ح واسكنه فسيح جناتة مع الصديقين والشهداء هكذا انطوت صفحتهابصفر كبير من حصاد سبع سنين راحت حقوقها مابين مطرقة محاكم السعودية في دفع الدية وسندان سفارتنا بجدة بمطالبةحقوق اليتامي الذين ينتظروت عدالة السماء .


#906863 [وطنى وبس]
5.00/5 (1 صوت)

02-05-2014 11:52 AM
تحقق السلطات المختصة حول ملابسات الشروع في اغتصاب طالبة جامعية بشارع النيل. وبحسب المصادر، فإن الحادثة وقعت نهاراً جهاراً بشارع النيل، بينما كانت طالبة جامعة جامعة السودان تدرس على الشريط النيلي؛ وحسب المصدر، فإن الطالبة ذهبت إلى الشريط النيلي بشارع النيل بالخرطوم، بغرض الدراسة استعداداً للامتحانات، بعد أن فشلت في العثور على موقع هادئ يساعدها في مذاكرة وحفظ دروسها، فذهبت إلى شارع النيل بغرض الدراسة، وجلست أسفل شجيرات صغيرة لوحدها، وبينما هي تدرس وتراجع دروسها تفاجأت بثلاثة أشخاص غرباء طرحوها أرضاً وأمسكوا يديها في محاولة منهم لشلِّ حركتها وكمموا فمها وشرعوا في اغتصابها عنوة، لتقوم الفتاة بعد أن أفلتت منهم بإبلاغ الشرطة التي مشطت شارع النيل بحثاً عن الجناة.
السوداني ( من الراكوبة منقول )
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
نحن هنا فى بلاد تحترم فيها المراة وهذا ما نجده رغم اننا اجانب فالتحية لشعب وحكومة المملكة ويكفى انك عند نقاط التفتيش لمجرد معك اسرة بكل احترام روح يازول دون ان يسال من اقامات


ردود على وطنى وبس
United States [مواطنx] 02-06-2014 06:13 AM
انت عندك اعاقة فكرية؟؟ده شنو؟نفهم شنو من كلامك ده؟انت دورك شنو في الحياة بصورة عامة،والسودان بصورة خاصة؟؟

جد أخوي انت عايز توصل شنو بكلامك ده؟!ولا بس عايز توصل رسالة تحية للشعب السعودي؟

ولله في خلقه شوؤن.الحمدلله على كل حال.

United States [Sam] 02-05-2014 07:22 PM
السعوديه خلتكم متخلفين. ممتتخخللففيينن عديل كدا.


#906861 [AHMEDJALAL]
0.00/5 (0 صوت)

02-05-2014 11:50 AM
في يوم مشهود ومسطر
اتجمعت كل الناس
وكان جميل المنظر
والمكان تفوح منه ريحة
الند والمسك والعنبر
الكل صفوة والكل زعيم
والكل ساكن افضل البندر
لافي مريض ولافي فقير
ولافي زول دموا معكر
وفي الشارع المنظر غير المنظر
كل الطرمبات عداده صفر
لاخبز لاسكر لاحبوب ولا دواء مقطر
لاموية وكل حنفيات الفقراء بتشخور
والمرضي في المستشفيات حالم مابتسر
ماالوزير لمشافيهم جفف وباع ودمر
عشان الزيتونة تنمو وتكبر
ناس من الفجر تعافر عشان برغيفة تظفر
ياربي ناس القاعة ديل فيهم واحد لينا بذكر
وبفكروا فينا وفي المستقبل
وبذكروا الاغتصبوها ودمروها
ودايرين يحاسبوا اليها رمل
دحين بفكروافي الاتشرد والاتمرد
والبرصاص والقنابل اتورد
وياربي مهمومين بل من حقوا وكرامتوا تجرد
وفي الراح ليه طعم السكر وشكل اللحمة
وفي الواقف في الاسواق والمساجد
كايس الرحمةوفي الضاع في الزحمة
ام الامر جوطه ولخمه
ياربي الناس ديل نسوا جرحنا الغائر
ونسوا الشهيد والثائر
ونسوا جرم القسم البلد واغتصب الحرائر
فجاة الكل انتصلح واتعدل والفلاش دور
..جاء قائد العسكر
وجاء الخرب ودمر
وجاء القتل وفجر
وجاء لبلد شطر
لكن الكل صامت
والعجيبة مافي زول هلل و
ولا في زول كبر
عرفنا الامر خطير
والحدث جلل
ياربي الريس داير يترجل
ياربي ضميروا صحي
وحظنا اتعدل
ياربي داير يقلب الطاولة
ويزيع البيان الاول
ويقول نادم علي الفات
وجاهز للمحاكمة الان واترجل
لكن خاب الامل والحلم اتبخر
بداء الخطاب كان مجهول
ومبتور والواضح انو مبدل
خطاب مخجور ومجوج
لاواضح ولامفسر
ولا حمل جديد
ولابخير بشر
الريس فيه ضاع
وكم مرة اتتعتع واتعثر
والحضور فيه النام والشا رد
وفيه الاصلوا غائب ومودر
وفيه الما فاهم حاجة لحدي
ما الريس اشر
لكن يافاطنة ماتخافي
لسه شبابنا قوى وحاضر
والمستقبل زاهي وانضر
وما شفيته كيف لسبتمبر فجر
ولكل العالم اذهل
وثبت امام الرصاص
لااترجع ولا انكسر
ومن اجل حريتك قدم نفسه وبدموا مابخل
ومازل علي شبابنا يافاطنه معقود الامل
ولسه وهج النضال جواهم
والفجر بايديهم سيطل
وخلاص نوره وصل


#906814 [عمر عبداللطيف]
0.00/5 (0 صوت)

02-05-2014 11:11 AM
شكرا اسماء حواء بلادي لردك الجميل والمقنع هكذه هي بنت بلادي كما هرفنا منها كل اصيل ورائع


#906812 [الشرف البازخ]
4.75/5 (6 صوت)

02-05-2014 11:07 AM
راتب الخادمة المنزلية ، لا يتعدى 800 ريال (أقل من مليون جنيه) ، بدوام يبدأ من صلاة الفجر حتى الثانية صباحاً من اليوم التالي دون أن يتخّلل ذلك اي راحة او قيلولة هذا طوال الاسبوع ، دون إجازة اسبوعية و المهام غير محددة زي ساعات العمل ، يعني تعمل اي حاجة في البيت ، الاجازة السنوية بعد عامان 30 يوم هذا اذا وافق اصحاب المنزل .. وفي الغالب لا يوافقون لحاجتهم الدائمة ولعدم وجود بديل وعدم استطاعتهم العيش بدون خادمة .
ده في الحالات الطبيعية ..


ردود على الشرف البازخ
United States [AburishA] 02-05-2014 03:37 PM
هذا تعليق عملي وعقلاني بغض النظر عن اتفاقي او اختلافي معه ..لكي لا يكون الرفض من اجل الرفض!


#906806 [سودانى]
5.00/5 (2 صوت)

02-05-2014 11:05 AM
لك التحية والتجلةيا الاخت اسماء والله انت ارجل من كاتب المقال وهذا الدكتور ديوس ومريض نفسيا وواطى وما سودانى اصيل واكيد ما عندو اصل قد يكون من ابناء الشارع لكن ما بشبه السودانيين اهل العزة والكرامةوما بنرضى الحقارة من اى بشر كمان يذلون البدو عشان بترولم طاير عليهم ..نحن كدهب مابتغير مهما جعنا لاننا معدنا اصيل ولا بنمشى مدنقرين نحن راسنا فوق وما بتغيرنا الظروف الاقتصادية ولا نركع لاحد لو نموت جوعا.


#906803 [فوفو]
5.00/5 (1 صوت)

02-05-2014 11:05 AM
أختي الكريمة كلامك صحيح ولكن د.عادل لايمكن ان يكون سودانى


#906751 [الخالدى]
5.00/5 (6 صوت)

02-05-2014 10:32 AM
ما اعرفه ان بعض السودانيات يأتين بتأشيرة عاملة منزلية ولكن ليس بغرض العمل ... كل المشكلة ان زوجها لا يستوفى شروط استقدام الزوجه كاصحاب المهن العمالية ... فيطر مكرها لشراء تأشيرة لزوجته كعاملة منزلية او خياطه أو ..... وبمجرد استخراجها لاقماتها يبدأ فى اجراءات نقل كفالتها عليه ... مع العلم ان هناك اقرار يوقع فى السفارة السودانية ان الغرض من تأشيرة الزوجة ليس للعمل ... لا اتخيل ولا اتمنى ان نرى سودانية تعمل خادمه فى المنازل والسودانيين فى السودان بجيبو فى الخادمات الحبشيات ... ارحم واكرم للسودانية ان تكون خادمه فى بيت سودانى يحترمها ويقدرها ولا يتعدى على كرامتها وانسانيتهاونسأل الله ان يصلح حالنا وحال البلد المائل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة