الأخبار
أخبار إقليمية
هيئة علماء السودان تؤيد طلب الزوجة الطلاق بسبب تدخين الزوج
هيئة علماء السودان تؤيد طلب الزوجة الطلاق بسبب تدخين الزوج



02-05-2014 11:37 AM

الخرطوم: عواطف عبد القادر
أفتت هيئة علماء السودان بجواز طلب الزوجة الطلاق بسبب تدخين الزوج بإفراط داخل المنزل، وكذلك منعه من أخذ أطفاله إذا ما تم الطلاق. وطالب عضو الهيئة محمد هاشم الحكيم في ورشة تفعيل قانون مكافحة التبغ، الدولة بإيجاد بدائل للتبغ باعتباره يمثل إسرافاً وإهداراً للمال، مؤكداً أن الاتجار بالتبغ «سجاير، تمباك وشيشة» يندرج تحت طائلة أكل أموال الناس بالباطل، لافتاً إلى أن ديوان الزكاة منع جمع الأموال من أماكن بيع التبغ لأنه حرام، داعياً إلى تشديد الضرائب وجعل ظاهرة إرسال الأطفال لشراء السجاير والتمباك جريمة يعاقب عليها القانون، معتبراً التبغ ذروة الإدمان. فيما كشف مصعب برير مدير إدارة تعزيز الصحة بوزارة الصحة الاتحادية، عن رفض هيئة المواصفات والمقاييس السماح بدخول السيجارة الالكترونية للبلاد، مشيراً إلى أن وزارة الصحة متفقة مع المواصفات في نفس المبدأ.

الانتباهة


تعليقات 47 | إهداء 0 | زيارات 5106

التعليقات
#907802 [osmantood]
0.00/5 (0 صوت)

02-06-2014 10:32 AM
يا جماعة لا تتعجلوا أين نص الفتوى ومن هم الموقعين؟؟؟ أحس أنو في شيء غلط


#907694 [أبوديك الديناري]
0.00/5 (0 صوت)

02-06-2014 09:14 AM
هؤلاء جهلاء السودان وليس علماؤه ... الزواج عقد ومعروف أن هذا يقع في دائرة الضرر يعني الطلاق بكون بسسب الضرر اذا كان فعلاٍ ثبت الضرر وبشرط إنها ما تكون عالمة به قبل العقد يعني لو ما ثبت تضررهاضرراً حقيقياً بليغاً وما ثبت إنه هو فاجأها بأنه مدخن وأنها ماكانت عارفة وما كان سترضي لو عرفت مافي طلاق ... وهذه القاعدة حتي مع الخمر يعني لوعارفاك قبل الزواج انك بتسكر مافي طلاق وحتي لو تفاجأت ومافي ضرر عليها مافي طلاق المعيار الضرر الشخصي البليغ الناتج لشيئ عرضي في الحياة الزوجية أو مجهولاً للزوجة ....


#907560 [انصاري]
0.00/5 (0 صوت)

02-06-2014 02:15 AM
ورايكم شنو في تقرير المراجع العام..!!؟؟


#907538 [الخدره]
5.00/5 (2 صوت)

02-06-2014 01:34 AM
بخت نسوان الاحوص الاعور صلاح قوش وبكرى سطلة


ردود على الخدره
[zozo] 02-06-2014 11:10 AM
و الخبير الوطنى


#907509 [الهمباتى الراقد تحت الشدرة]
5.00/5 (1 صوت)

02-06-2014 12:50 AM
يعني الزهجان من مرتو كلو يولع له سيجاره ويجي داخل عليها !


#907499 [إسماعيل البشارى زين العابدين حسين]
1.00/5 (1 صوت)

02-06-2014 12:40 AM
نبصم بالعشره على الفتوى من فقهاء الضلال ونقر مبدأ بمضار التبغ وهم دائما يأتون فى ذيل الأمم ليقولوا لنا هذا من القرآن وذاك فى الحديث الشريف ولكنا نسألهم منذ مجيئهم المشؤوم ماذا كسبنا ؟؟ والسؤال الثانى إلى أين تذهب المطلقات بعد ترك المدخنين ؟؟هل يذهبن للذين يتدخنون على حفر دخان الطلح؟؟؟أليس هؤلاء الناتج والمولود الشرعى لنظام فقهاء الظلام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟دعوا المدخنين وعالجوا الذين يتدخنون ودعوا القضايا الإنصرافيه وابحثوا عن حلول لتلك التى أودت بنا للهاويه


#907489 [manal elhaj]
5.00/5 (1 صوت)

02-06-2014 12:29 AM
وهذه واحدة من ابتلاءات رب العالمين للسودانيين[ هيئة علماءالنسوان ] كل فتاويهم في النسوان ،،طبعا لان اعضائها من حملة الدكتوراة في الحيض والنفاس والنكاح وماشابه ذلك من امور النساء.الله يقرفكم .ديل ناس مرضي نفسيين they are really sick people and suffer from women syndrome.


#907397 [زول النصيحة]
5.00/5 (1 صوت)

02-05-2014 10:39 PM
في ناس عندها مشكلة نفسيةمجرد مايتحدث عالم عن الحلال والحرام والا تظهر في شكل هجوم غير مبرر وغير أخلاقي. يا أخوانا الجماعةقالو من حق الزوجة اذاتضررت ان تطلب الطلاق اسي الغلط شنو!زوجةمتضررةودايرة تفارق زوجها دايرين تغصبوها عليهو ياديمقراطيين؟!


#907381 [عصمتووف]
5.00/5 (1 صوت)

02-05-2014 10:11 PM
ذكرتني بقصة فكي القرية كانت تعجبة زوجة جاره وجده يوما يتبول ناحيىة القبلة استغل جهل الرجل وافتي له بحرمة زوجتة وامواله وان لا يدفن في مقابر المسلمين الا اذا طلقها الساذج البدوي قام بتليقها واقترن بها فكي الحلة بعد فتره شاهده البدوي (الفكي ) يتبول ناحية القبلة وذكره بفتوتة وزشروط التوبة الفكي قال للبدوي اي انا متجة ناحية القبلة لكن ذكري متجة غربا


الاصح هيئة هادمي الملازات وليس هيئة علماء السودان انا اتبرا منكم ولن اخذ واقبل بفتاويكم المضللة تصومون عن المعروف وتفطرون علي المنكر تلك الفتوي سو يسالكم عنها الله وابغض شئ عنده الطلاق بدلا ان تفتوي بصبر المراة علي الزوج المدخن تريدون هدم بيتها وتشريد اطفالها وحرمانهم من حنان ورعاية الاب لتمتلئ شوارع الخرطوم بالفاقد التربوي والشماس وعصابات النقرز والاعتصاب تريدون زيادة المومسات من النساء الحرائر الماجدات من يصرف عليهن وكيف مع النفقة هل الراتب اصلا مكفي الاسره انا ما بقول حرام عليكم لانكم انتم الحرام في اصلة انتم الحرام يمشي علي رجلين بدم ولحم وشحم وغائط ام تلك الفتوي تقصدون بها حسناء صفراء عجزاء من اصول اجنبية زوجها مدخن وتريدون تطليقها وبعدها ينشق منكم مرتد يفتي ببطلانها


ردود على عصمتووف
United States [ديموقراطية] 02-06-2014 01:06 AM
سلام عليك يا واعي.... تحياتي


#907337 [الراجل]
5.00/5 (2 صوت)

02-05-2014 08:51 PM
اتارى الوليه لافه من الصباح من كوشه لى كوشه تلملم فى السبارس وانا الغشيم افتكرتها اشتغلت مع ناس نفايات (الوالى )وماعارف انها مبيته النيه معتمده على (تفاوى) اقصد (فتاوى)علماء السجاير والكندم والبنطلون والرقص والختان الله يذيدكم علما يا (عوالم) جمع عالم بالدارجى


#907276 [الختمى المنشق]
1.00/5 (1 صوت)

02-05-2014 07:11 PM
التمباك والسجاير مافية حرمة
ولايوجد لاحديث ولااية تحرم ذلك وانما فتاوى علماء علي حسب وضعهم النفسي
ولماذا حرم الذنا والخمر صراحة ولم يحرم السجاير
نعم السجاير مضر بالصحة لكنة لايذهب بالعقل
الناس داير تاكل وتشرب وتتعالج وتتعلم
اهلنا واجدادنا كانو بسفو وكانو يموتو بالبلهارسيا والملاريا


#907272 [peter]
5.00/5 (1 صوت)

02-05-2014 06:54 PM
we dont agree


#907255 [Amin]
5.00/5 (1 صوت)

02-05-2014 06:28 PM
التدخين السلبي لا يقل ضرراً عن للتدخين المباشر
خصوصاَ للأطفال والشريك في السكن أو مكان العمل
تسعى الدول لحماية هؤلاء من أضرار التدخين

الزوج العاقل يجنب أهل بيته أضرار عاداته

أتفق في حق الزوجة في طلب الطلاق إذا أصر الزواج على التدخين داخل السكن

التدخين من إمور الدنيا مثله مثل القهوة والشاي والكوكاكولا لا دخل له بالحلال والحرام


#907237 [عاطف]
5.00/5 (4 صوت)

02-05-2014 06:07 PM
ياخوانا افتونا هل رواتب هيئة علماء السودان تندرج تحت اكل اموال الناس بالباطل


#907206 [سبع سيجارات في اليوم ما بتجيب ليه طلاق يا هيئة علماء السودان]
5.00/5 (4 صوت)

02-05-2014 05:34 PM
وماذا تطلب الزوجة إذا كان زوجها متعاطياً للخمر والحشيش والجاجا(القمار) والخمالة وعدم العمل والزنا والعياذ بالله

أنا شخصيا مع محاربة التبغ والتدخين وسف التمباك(رغم اني متعاطي للاثنين) ولكن أرى أن الحملة التي تقودها وزارة الصحة بالتعاون مع كل الجهات،، لا تستحق هذه الفتوى،،

رغم ان التدخين فيه ضرر صحي ومالي لكن التدخين من زمان موجود في السودان ولم تتأذى منها النساء المتزوجات

كان يجب على وزارة الصحة أن تقود حملة موجه وتتبنى الذين يرغبون في ترك التدخين بإنشاء العيادات التي تساعد على الإقلاع من التدخين وعرض فيديوهات لامراض سببها التدخين وعرض حالات كانت مدخنة وشفيت من هذا الداء..


فتوى وإن كانت مقبولة شكلاً إلا أنها فارغة محتوى،، فتدخين التبغ العادي لم ولن يصل بالإنسان لمرحلة عدم الوعي أو السكر،، فهي عادة أكثر من انها مزاج،، شخص تعود على داء واقتناع البعض وأنه منه رغم ايماني بأن ذلك غير صحيح بأنه كيف وأن السيجارة أو السفة تساعد الهدوء والراحة فهي عكس ذلك تماماً.

كان يجب أن تتبنى هيئة علماء السودان بالتعاون مع وزارة الصحة أو العكس عدم التدخين في الأماكن العامة أو المواصلات أو المستشفيات والحدائق العامة،، والقيام بإنشاء محلات على الشوارع كرفانات أو مكان بعيد للتدخين وغيرها من النصائح والبرشورات والعيادات المساعدة والحقن الصينية وغيرها من العلاجات التي تساعد على الإقلاع من التدخين.
ما أظن أن التعاطي بالنسبة للتبغ في السودان يمثل هاجس كبير جداً لأن المتعاطي في اليوم لا يتعدى الخمسة سجارات أو سبع سجارات عكس الاخوة الذين خارج السودان ففي السودان بتلقى الناس بتشرب سيجارة الصباح بعد سيحارة الفطور بعد سيجارة الضهر بعدها سجارة بعد الغداء بعدها سجارة المغرب وسيجارة النوم وفي النص بين هذه السيجارات تخميسات نفس يعني لا تجد من يتعاطى في اليوم علبتين أو ثلاث،،(سبع سيجارات ما بتجيب ليها طلاق ياهيئة علماء السودان)


#907165 [بتاع بتتييخ]
5.00/5 (2 صوت)

02-05-2014 04:36 PM
هى الفتوى دي منو الاصدرا ؟؟؟ حسبو نسوان ؟ ولا ابن الجزمة التانى عبد الحي يوسف ؟؟؟


ردود على بتاع بتتييخ
United States [؟] 02-05-2014 07:22 PM
يجب أن نتأدب ونحن نخاطب الناس والناس مقامات هل ترضى بأن يقول لك أحد يا ابن(......) الكلمة التي كتبها في تعليقك موجهها للشيخ/ عبد الحي يوسف،،، فحتى إن كان مع الانقاذ فلنا اجر الاستماع له ولفتاويه وتوجيهه حتى وإن كان كاذبا فالله عالم به والله اقول هذا الكلام وليس لي علاقة بالمؤتمر الوطني لا من بعيد ولا من قريب
يجب أن نفرق بين دين الله وما يدعيه المؤتمر الوطني،، وأن نحاسب على الفاظنا ومخارجنا قبل أن نتفوه بها فالمسلم ليس بطعان ولا لعان ولا فاحش ولا بذيء


#907136 [locolo]
5.00/5 (2 صوت)

02-05-2014 04:12 PM
إتحاد آصحاب التمباك آو ما يطلقون عليه التمباكا فى مدينه الفاشر لديهم مبنى كبير ( دار إتحاد التمباك )و يدفعون مبالغ كبيره للحكومه فى الفاشر ، فيا ترى هل الاموال التى تدفع للحكومه حرام آم حلال؟ فان كانت الاجابه حرام فلماذا تتحصل الحكومه هذه الاموال ؟ نقطه آخرى لقد إشتكى تجار سوق المواشى بالفاشر والمواطنين الذين يجاورون السوق شمالاً و جنوباً و شرقاً للجهات الحكومية عن الضرر الكبير الذى يسببه مطاحن التمباك الكائن بسوق المواشى و لكن رفضت الحكومه ترحيل السوق و آثرت جمع المال على صحه المواطن الغلبان ، فاين كان هؤلاء السفهاء آقصد العلماء ؟؟!!


#907131 [تينا]
4.00/5 (1 صوت)

02-05-2014 04:03 PM
ههههههههههه الله يجازى محنك يا ((( سليمان ))) يا اخوى ضحكتنى وأزلت ما بى من غم ... أزال الله عنك كل غموم الدنيا قول ااااامين ... تحياتى ...


#907058 [جدودنا زمان]
4.50/5 (2 صوت)

02-05-2014 02:59 PM
دائما علماء الدين المعتدلين بيلجأو لان تكون الفتوى لصالح الشي الاخف ضررا

فيا هيئة علماء السلطان

هل الاخف ضرر السجائر

ولا ضرر تشتيت اسرة

يعني العيال بدل الضرر من السجاير... فبسبب طلاق والدينهم حا يلجأو للاسوء من السجاير

بالله انتو قريتو وين ؟؟؟؟؟؟


ردود على جدودنا زمان
United States [المزغلل] 02-05-2014 06:40 PM
ديل قرو في مدرسة بشة الانتهازية والغوغائية


#907028 [ابو نور]
0.00/5 (0 صوت)

02-05-2014 02:24 PM
يا هئية علماء السلطان والحكام احسب ان هناك مسائل شرعية وفقهية اكبر من التمباك والسجائر التبغ بصورةعامة .افتوا لنا فى الانحلال الاخلاقى الذى انتشر فى البلدوالرشوة والفساد والتطرف والقتل والاغتصاب من قبل نظام سلطانكم شوفى مسببات الفقر والعوز المادى الذى اصبح العامل الاول للطلاق والفساد والانحلال الاسرى
عيب والله وجرم كبير تبدلون دينكم بدنياكم لماذا لا تنصحون السلطان ووتنابلته بفسادههم
بعدين السواد الاعظم من الشعب يتعاطى التمباك وغالبيتهم لو وجدوا ذهاب مسبباته لافعلوا عنه .شوفوا ليكم مسائل اكبر من شاكلة هذه الامور والا سوف يقول لكم الشعب آن الآوان لهذا الشعب ان يمد ارجله ويخرج السنته لكم والعلماء ورثة الانبياء وليس عونة السلطان


#907026 [AburishA]
4.50/5 (2 صوت)

02-05-2014 02:23 PM
أفتت هيئة علماء السودان بجواز طلب الزوجة الطلاق بسبب تدخين الزوج بإفراط داخل المنزل

** داخل المنزل ولا داخل الاوضة !! المنزل ممكن يكون مساحته 1000 متر !!!
** ناس التمباك حظهم القرار ما بشملهم... عماري نمرة واحد!!!
** الراجل العايز ليهو سبب للطلاق بس يجيب ليهو باكو ويقعد سيجارة وراء سيجارة في (انافين) المرا...
** المرا كمان لو عايزة ليها سبب طلاق ما عليها الا تلقط سباريس لو من الشارع وجري على القاضي!

=== نسأل الله ان يحفط الجميع من عدوى الطلاق الذي فاقت نسبته 60% بدون سجاير !!!!


#907023 [كوستا]
0.00/5 (0 صوت)

02-05-2014 02:14 PM
بختكم ناس ديوان الذكاه ماحايشيلو منكم اتاوة ده كلام جميل بس شنو اللخبطه دي تشديد الجمارك انتو تماسيح كبار


#907016 [ساب البلد]
5.00/5 (3 صوت)

02-05-2014 02:02 PM
****** طيب هل يجوز للرجل تطليق زوجته بسبب الدخان ؟؟؟ حساسية و وجع عيون وكتمة ؟؟ برضو ضرر اذا اخذنا بنفس المنطق كلو دخان ******* طيب يا علماء الحيض و النفاس اموال السجائر و التبغ باطل اها اموال التجنيب حلال ******* عمركم ما ح تكونوا علماء يا رمم يا علماء السلطان ****** دائما تفتشوا في صغائر الامور و تخلوا الشي المهم ******


#907009 [الشايل المنقة]
4.88/5 (8 صوت)

02-05-2014 01:53 PM
...ياسلاااام,وين الفتوى دى من زمان..؟..الله ينصر دين دينكم ذاتو,,من هنا ولدكان عمنا طلب طوالى اشترى 5 علب سجاير ,واملأ البيت دخاخين عشان الواحد ينفك ذاتو..!..لكن ممكن الزولة تدمن الريحة وتقول لى حبيبي خمّس لى وانا اخمّس ليك..بالخرمة البي والخرمة البيك..!...طيب هى ذاتا ما قاعدة تتدخن بالحطب كمان ..واللا دة دخان مستحب وما دايرة فتوى..!؟..واحد زارو صاحبو فالبيت ولقاه بيحفر حفرة للدخان,وسألو...
: انت ما عندك 5 حفر السادسة لزوما شنو..!؟
الحفرنجى : والله يا صاحبى انا ذاتى احترت ,ما عرفت دة جمل واللا ارنب..!!
...يا هيئة علماء السودان ,لو سمحتم يا تصدروا فتاوى زى الناس وفى اللحم الحى ,او اصمتوا..لان زى فتواكم دى بتجيب ليكم الكلام و عدم الاحترام ,وبتأثر فينا نحن ذاتو بعدم احترام العلماء ..!!


ردود على الشايل المنقة
[رد على الشايل المنقة] 02-05-2014 07:55 PM
ياخي ضحكتني لمن إتكيفت ههههههههههههههههههههههههههههههههههههههههههههه


#906999 [أبوخـالد]
3.00/5 (3 صوت)

02-05-2014 01:39 PM
دي بدعه جديده لم نسمع بها من قبل ...

و لكن مع هولاء الكيزان اي شـي متوقع ....


#906998 [baddee]
4.74/5 (7 صوت)

02-05-2014 01:38 PM
أولا أ،الاأتعاطى التبغ بشتى أنواعه ومع عظم الموضوع بكل صراحة الا أنه ليس موضوع الساعة مما يجعله يصنف فى خانة الصغائر . بالله بالله عليك ياهيئة الظلماء هل أفتيتم لنا فى موضوع أكثر من مئاتين شاب قتلوا وهم فى ريعان شبابهم ؟ هل أفتيتم لنا فى موضوع الجوع والبؤس والكآبة والفقر المتقع والذل البعيشه السواد الأعظم من الشعب السودانى .اتقوا الله اتقو الله فينا وأحسن تنقطونا بسكاتكم البيستحوا ماتوا.


ردود على baddee
United States [ابو شهاب] 02-05-2014 03:22 PM
انت ماسمعته بالمثل البقول الفايق الهم يذموا ماعندهم شغله يمشوا الصلاه ويجوا يقعدوا فى المكاتب ويشربون القهوه والشاى ولما المزاج يظبط يفتوى ماشاء لهم ولعلمك اذا عاينت بالشباك ساكت حتى دى فيها حرمه وحتى ولو عايز تشم ليك هواء

لسع ما شفت حاجه حبى تعدد الزوجات رفعوا الى 8 زوجات على شرط واحده من كل ولايه ودى من السياسات الجديده ( الانفتاح على الريف ) جاهزين مش لحمايه الدين للزواج


#906993 [aljamed]
4.50/5 (2 صوت)

02-05-2014 01:34 PM
من النادر ان تفتی هيئة علماء السودان لصالح المراة.....احسنتم هذة المرة


#906989 [murmoly]
4.75/5 (3 صوت)

02-05-2014 01:30 PM
يا جماعة بالله افتو لينا , و أفيدونا عن جواز بقاء السلطة الحاكمة رغم ما حل بالوطن و المواطنين من نكبات و خطوب ، و جزاكم الله عنا خير الجزاء


#906982 [Shakespare]
5.00/5 (2 صوت)

02-05-2014 01:25 PM
التدخين السلبي يعني استنشاق الدخان المنبعث من منتجات التبغ التي يستخدمها الآخرون. ويُطلق عليه الدخان غير المباشر. أثبتت العديد من الأدلة العلمية أن دخان التبغ غير المباشر يؤدي إلى العديد من الأمراض تمامًا مثل التدخين المباشر بما في ذلك أمراض القلب والجهاز الدوري وسرطان الرئة وأمراض الجهاز التنفسي وخاصة سرطان الرئة و سرطان الثدي و سرطان الخلايا الكلوية, وفعلا تتضرر الزوجه جدا من التدخين السلبي ويؤثر علي صحتها الإنجابية كذلك.


كسره :
الكلام ده كويس ... بس عليكم الله افتوا لينا في الفساد والدمار الحاصل في البلد ده.


#906978 [ساهر]
5.00/5 (1 صوت)

02-05-2014 01:19 PM
جنس (خرمجة)!!!!!!!!!!!!!!!!!!!!!


#906973 [اب كريت]
5.00/5 (2 صوت)

02-05-2014 01:14 PM
ورايكم شنو يا سادة فى النهب المصلح والمنكل والذى فاحت روائحه من اهل الحكم الرشيد الاسلاموى - ما هو رايكم فى نهب موارد البترول؟ ما هو رايكم فى نهب سودانير؟ ما هو رايكم فى خصخصة المؤسسات الحكومية الرابحة وتشريد الالاف الذين يعولون اسرا؟ ما رايكم فى بيع بواخر الخطوط البحرية بدون مناقصة/مزايدة عليها وفق الاصول ما رايكم ...................... القائمة لم تنته ولكن الحقى على لانى اعتبرتكم علماء


#906959 [امل الحسن]
5.00/5 (2 صوت)

02-05-2014 01:00 PM
طيب يا ناس هيئة علماء النظام ما هى فتواكم فى الاكل من الكوش والثدى وسرقة المال العام والمحسوبية واكل مال الشعب من قبل ناس المؤتمر الوطنى واخوان الشيطان واذلال المواطنيين وقتلهم وتعذيبهم والصالح العام والمحسوبية والتمييز العنصرى واللواط والدعارة واغتصاب الاطفال والنساء وووووووووووووووووووووو


#906944 [سليمان]
5.00/5 (1 صوت)

02-05-2014 12:53 PM
لا ياخي كان كدا من بكره حيكون الطلاق بنسة 99% ههههههههههههههههههههههه
كل الناس بتدخن وشكلها فاطمة دي دايره تتحله من راجلها


#906930 [جاد الرب]
3.00/5 (3 صوت)

02-05-2014 12:47 PM
ههههههههههههههههههههههههههههههههاذكرتني الفتوي بفتوي طلاق الاخوانية في مصر ههههههه زمن الفتاااااااااااااااااوي بي المقاس اما وجد ديوا الافتاء هذا عمل غير هذا لماذا لم يركز عمله علي انصااااااااااااااااااااااح وكشف المستور من الفساد باعمدة الفساد في الدولة وعلي راسهم رئيسنا المشير وبقية حزبه المصون
وتحت اي حق تطلق المراءة فانت ليس لك السلطة علي طلاق نساء الرجاااااااااااااال يا صاحب الفتوي ومن امرك علي الناس


#906926 [الــســيــف الــبــتــار]
5.00/5 (1 صوت)

02-05-2014 12:44 PM
الفاضى بعمل قاضى ؟
اسرافا واهدارا للمال العام وأكل اموال الناس بالباطل ؟
لنقف هنا و ننظر حولنا ومن يشرع و يحرم و يحلل والبلد غرقت فى الوحل و الفساد المنظم و المحمى بالعديد من المصدات الواقيه نظاميه و فقهيه ورجاله و على عينك يا تاجر ننهب و نسرق و الاذن تسمع و العين تدمع و لا حد يستطيع أن يقو بغم ؟
هيئة سفهاء السودان الله اكفينا شركم و يهديكم الى الصلاح و انتم شركاء فى هذا النظام الباغى الاسن وتدعون العلم و المعرفة باصول الدين و فقه التشريع والساكت عن قولة الحق شيطان أخرص ؟
فقه السترة ونهب الاموال العامه و تدمير الوطن والمواطن الم يكن من الموبقات و مخالفة الشرع واذلا ل المواطن و اهانت الذى كرمه المولى عزا و جل فى محكم تنزيله ؟
انهالا من واجبات سفهاء السودان وتقديم النصيه للدعول و الهمبول و غندور والسجمان و الرمدان من النظام وتنويرهم ولكن نظرتكم الى مصالحكم الشخصيه و المكاسب الفردية تحول بينكم و الحق و الحقوق و الواجبات للاسف ؟
لم تقدم المملكة العربيه السعودية على مثل هذه الخطوة التى تتعارض وحرية الفرد و الشريعه الاسلاميه بل اصدرت اومر الى مصلحة الجمارك وزارة التجارة برفع الرسوم الجمركيه ليرتفع بذلك سعر الدخان و يكون التخلى عن التدخين تدريجيا الى أن يتخلص المدخن مع توفير المستشفيات الحكوميه لعلاج المواطن و المقيم من اثار التدخين ؟
فى دولتنا المكلومه لا نجد العلاج الى الامراض العاديه وليست لخبيثه الت علاجها اصبح من المستحيلات ؟
ولكن شر البليه ما يضحك يا سفهاء السودان .


#906919 [شمشات خان]
5.00/5 (3 صوت)

02-05-2014 12:37 PM
طيب والعرقي كيف؟


#906896 [عصام الجزولى]
5.00/5 (3 صوت)

02-05-2014 12:17 PM
ولماذا لا يشمل ذلك تطليق الزوجات من الرجال الذين يتعاضون الخمر أو الميسر أو الزناأوقتل النفس التى حرم الله والاغتصاب وكل الكبائر لماذ التبغ فقط يا هيئة (جهلاء السودان ) ولماذا تتحدثون عن أكل تجار التبغ لاموال الناس بالباطل ولا تتحدثون عن أهل السلطة لماذ تستهدف فتاويكم البائسة الناس المحكومين ولا تمس الحكام ؟ ما هو رأى الدين فى رقيص الرجال وما هو راى الدين فى منح جهاز الامن حصانة ضد المساءلة القانونية وأن يفعلوا ما يشاءون حفاظا على السلطة ؟ قال سيدنا ابن عباس رضى الله عنه (عجبت لكم يا أهل العراق تقتلون الحسن والحسين وتسألوا عن حكم قتل الذبابة فى المسجد الحرام ؟)


ردود على عصام الجزولى
European Union [jack sparrow] 02-06-2014 02:01 AM
الخمر والميسر لا يتسببان في اذي لصحه الزوجة مثل ضرر التدخين السلبي ... كما ان هذه الاشياء لا تحتاج لفتوي ... من حق الزوجة طلب الطلاق إذا ارادت بسبب الخمر أو الميسر أو الزني ..


#906893 [بت قضيم]
5.00/5 (3 صوت)

02-05-2014 12:17 PM
اهو ده الفالحين فيهو ولكن في الامور التي تتعلق بحقوق الانسان كابادة انسان دارفور وجنوب كردفان والنيل الأزرق عاملين فيها أضان الحامل طرشه


#906892 [الدماكي]
5.00/5 (3 صوت)

02-05-2014 12:15 PM
ما شاء الله على علمانا ، دا القدرتو عليهو " عجبت لكم دم السوداني يسفك وانتم تسألون عن دم البعوضه " ما تفتو في مسائل اهم من المسألة دي بكتير ، شكلكم خايفين من الفيل ،


#906884 [ود نقد]
5.00/5 (2 صوت)

02-05-2014 12:08 PM
تدهشنى جدا اهتمامات هيئة علماء السودان واحسهم خارج مسار زمن المواطن السودانى المطحون..التدخين علميا من الاسباب التى تؤدى الى الاصابة بسرطان الرئة..ولكن فى نهاية الامر هو مسالة شخصية نفعها وضررها عايد على فرد...لكن لماذا تدس هيئة علماء السودان رؤوسها فى الرمل ولا تتحدث عن الفساد..وحرمة اكل اموال الشعب..وحرمة الاختلاس...وولع الساسة بالزواج مثنى وثلاث ورباع....وظلم العباد وسجن المظلومين وفصل الناس للصالح العام فقط لانهم لا ينتمون للمؤتمر الوطنى...ووالحرب الدائرة ضد مواطنين سودانيين..وقتل وتشريد الاطفال...وموت المواطنين لعدم توفر الدواء والغذاء..وسوء تصريف اموال الزكاة من قبل ديوان الزكاة..وهل يوجد نص يبيح لديوان الزكاة ارسال موظفيه لدراسة كورسات فى اللغة الانجليزية فى ماليزيا وتكون اقامتهم هم وعائلاتهم على حساب الديوان ومن اموال الزكاة...اليس الفقراء والمساكين وما اكثرهم اولى بهذه الاموال...الكثير من رجال الدين فى السودان يتحدثون وكانهم قادمون من كوكب غير الذى نعيش فيه...يركبون السيارات الفارهة ويسكنون البيوت الفخمة...ولا يرون الذين يتسولون لشراء الطعام او العلاج...ديوان الزكاة يتمنع على الواقفين على ابوابه فى انتظار ان يتصدق عليهم بثمن اجراء عملية جراحية لزوجة او ابن او ابنة...ولكنه يرسل موظفية ومن اموال الزكاة لماليزيا وغيرها..
متى ينزل هؤلاء لمستوى عامة الشعب ويحسوا بآلامه ومعاناته...سؤالى لعلماء الهيئة هل يجوز شرعا تعلم لغة الكفار(كما تنعتونهم فى خطبكم) من اموال بيت المسلمين(ديوان الزكاة)..وهل الاختلاس والنهب والفصل للصالح العام والقتل والتشريد حلال فى عرفكم!!!! ولماذا الصمت عن ما هو اهم!!!


ردود على ود نقد
United States [عاطف] 02-05-2014 06:01 PM
ياريت لو افتو بجواز طلب الطلاق من الرجل الذي اختلس المال العام


#906880 [الممغوص]
4.25/5 (3 صوت)

02-05-2014 12:08 PM
يعنى نفس الفتوى يمكن سحبها على حق المرأة في الطلاق من زوجها المسطول؟؟ شيل شيلتك يا بكري حسن صالح و معاك السفاح بشــــــــة. أما المدخن الخنزير صلاح قوش فأعتقد إنها حتكون حرمانة عليك بالتلاتة. ممكن يحللها ليك صاحبك محمد عطا و بعداك تجيها بالحلال. الله يقرفكم يا علماء السلطان


#906862 [معتدل]
3.00/5 (2 صوت)

02-05-2014 11:52 AM
هذا يعتبر تحريض للمرأة علي الطلاق
فهؤلاء شميتهم انهم يفرقون بين المرء وزوجه والعياذ بالله


#906859 [الكلس]
5.00/5 (3 صوت)

02-05-2014 11:47 AM
وهل يجوزان تطلب الزوجة الطلاق من تاجر الدين وفقيه السلطان الذي لا يصدر الفتوس الا تماشيا مع سياسة الحاكم؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة