الأخبار
أخبار إقليمية
مشروع لانشاء حديقة تخليدًا للزعيم غاندي
مشروع لانشاء حديقة تخليدًا للزعيم غاندي
 مشروع لانشاء حديقة تخليدًا للزعيم غاندي


02-05-2014 11:30 PM

الخرطوم: احلام الطيب:

يتجه السودان لانشاء مشروع حديقة استثنائي يقام بولاية الخرطوم تخليدًا لذكرى الزعيم السياسي والروحي للهند المهاتما غاندي تجسيدًا للعلاقات السودانية الهندية وبحث علي كرتي ونظيره الهندي سلمان خورشيد الذي يزور البلاد هذه الأيام أمس بحثا خطة لتحديد موقع بولاية الخرطوم لاقامة مشروع حديقة تجسيدًا للعلاقات السودانية الهندية. واتفقا على جلب أشجارها من مختلف أقاليم الهند المعروفة عالمياً ،ومن المتوقع تحديد مكان لتشييد الحديقة قريباً لاسيما في ظل وجود جالية هندية كبيرة بالسودان. وقال كرتي إن الجالية ظلت تتمتع باحترام كبير من السودانيين، وهي تمثل رابطاً قوياً بين الهند والسودان.


اخر لحظة


تعليقات 11 | إهداء 0 | زيارات 1891

التعليقات
#908565 [ZA HAGAN]
0.00/5 (0 صوت)

02-07-2014 02:16 AM
What about the father of our independance Mr. Ismael AL Azhari [ God bless his sole} He deserves a big statue where our flag was raised for the first time . Although Gandi was a great man , but what did he do to Sudan ? What about our own heros , who we here today because of their of their contribution to Sudan .


#908523 [نائل]
0.00/5 (0 صوت)

02-07-2014 12:46 AM
لم أكمل هناك جدل واسع في الهند بأن المهاتما غاندي كان مثليا وميالا لصغار السن وكان كذلك عنصريا عندما كان في جنوب أفريقيا ضد الزنوج . أخاف أن أقول بأن الطيور على أشكالها تقع .


#908398 [بت قضيم]
5.00/5 (1 صوت)

02-06-2014 09:09 PM
للمهاتما غاندي شارع بامدرمان بالقرب من مستشفي امدرمان شرقا يتجه للملازمين وغربا الي سوق امدرمان وكان له تمثال في نفس تقاطع الشارع نتساءل لماذا لا يقام نصب تذكاري واسم شارع للشهيد البطل جون قرنق


#908122 [Muhtaar]
2.50/5 (3 صوت)

02-06-2014 02:58 PM
والله كان أفضل مليون مرة الإبقاء على النصب التذكاري للجندي المجهول...

حرام عليكم ، ياخي أعملوا نصب تذكاري للسيد/محمد أحمد المهدي ... ياخي أضعف الإيمان أعملوا نصب تذكاري للسيدة/مهيرة بت عبود...

صحيح ظـــل الـــدوم رمـــاي بعيــــــد. وهذا زمن الصرف البذخي الذي ليس لديه أي معنى ، يعني حاتعملوا الحديقة ... ومثل حديقة الساحة الخضراء ...بوابة وتذاكر .... ومين ياترى صاحب الفكرة الجهنمية دي ... الشعب السوداني كفاهوووووو... قال الروووووووووووووووووووووب ... مش كفاية فضيحة تذاكر الدخول للمسافرين عبر الميناء البري ... حرام والله حرام لو بتعرفوا الحرام... والله إنتو أحسن منكم جماعة بوكـــــو حــرام في نيجيريا...

وسؤال بري هل ياترى الهند بتعرف السيد/ محمد أحمد المهدي ... وهل في أمكانهم بناء حديقة مماثلة لحديقة ونصب تذكاري لغاندي بالخرطوم... وبي كده نقول معرفة الشعوب ببعض ممكن...


#908103 [amir]
5.00/5 (1 صوت)

02-06-2014 02:38 PM
كمان حديقة عشان علي عثمان ونافع والجاز


#907900 [ammar]
5.00/5 (1 صوت)

02-06-2014 11:53 AM
india hhhhhhhhhhhhhh how gandy we now almahadey asmmaail alazhary


#907753 [كوكو]
5.00/5 (1 صوت)

02-06-2014 09:56 AM
لتجدن اشد الناس عداوة للذين امنوا اليهود و الذين اشركوا ، عباد البقر و القرود و كل شئ ، نقيم لهم ذكرى فى ديار الاسلام ، خسئت يا بتاع مواد البناء ، خليها تقوم و مصيرها تمثال الملعون نفسه جنب مستشفى امدرمان


#907690 [المهند]
5.00/5 (1 صوت)

02-06-2014 09:12 AM
ها ياناس الاسلام ماقلتوا اسلام لقيناه اعلام

نسيتو غاندي ماذا فعل بالمسلمين ؟؟؟؟
ولماذا تمت ازالت تمثال عثمان دقنة والان غاندي يالها من مفارقات .....

جدودنا زمان وصونا على شنو ؟؟؟


#907649 [بيكانتو]
4.00/5 (2 صوت)

02-06-2014 08:15 AM
اها الحكاية بدأت امبارح - تعالوا ساعدونا استخراج المياه الجوفيه للزراعة و الليلة نعمل حديقة و جلب اشجارها من مختلف اقاليم الهند ، وين نلقى ليها مويه ؟

يأخى مش فى حاجة زمان اسمها الحديقة العالمية ؟

مرحب بيهم يزرعوا فيها جوز الهند و البهارات من كوشين والشاى و البرتقال اقليم اسام و الصندل من (أوتى ) و المانجو و البابايا و الموز ( كيرالا ) و التفاح و الجوز و اللوز من كشمير
وياريت يعملوا فيها مزرعة دواجن يبيعوا البيض و الفراخ و مزرعة البان و نجرب لبن الجاموس
وتكون فى مخابز - للتندورى و البراتا و الباو و الخبز الإسلايس و الجباتى
و ماتنسوا يعملوا ثمتال لغاندى
و ياريت مترو ارضى ينطلق من الحديقة الهندية لربط العاصمة المثلثه

ونفق مربوط بالمطار من الحديقة الهندية

و ياريت كمان جامعة الحديقة الهندية
ومستشفى الحديقة الهندية
وشويه كده يخصصوا منها جزءا لمدينه صناعية

يعنى تكون إستثنائية مره


#907556 [جنوبي]
5.00/5 (1 صوت)

02-06-2014 02:05 AM
كتر خير الحكومة بعد عملت حاجات كتيييرة لتخليد رموزنا / محمد احمد المهدي والازهري وعلي عبد اللطيف وعبد الفضيل والمحجوب ودقنه وود حبوبه والتعايشي وباقي الناس العاشوا وماتوا في سبيل السودان, والعندنا كلهم خلصوا ما نست تخلد زكري غاندي كمان !!!
هسي ده يسموهو نفاق شنو ؟ سياسي ولآ اجتماعي ولآ نفاق تطوّع سااااكت !!
قالوا شجرة الدليب ضلها برمي بره ,,,,,


ردود على جنوبي
United States [Aboahmed] 02-06-2014 04:03 PM
ياهو ده السودان ..............
محمد احمد المهدي
عبدالله التعايشي
عثمان دقنه
عبدالرحمن النجومي
عبدالفضيل الماظ
علي عبداللطيف
عبدالقادر ود حبوبه
السلطان علي دينار
عماره دنقس
عبدالله جماع
والقائمه طويييييييله ...
ديل كلهم ماعجبوا الكيزان ...
قالوا يعملوا تمثال لي الهندوسي عابد البقر والنار والاصنام ... تخيل ... ويقولوا ليك نحن اسلاميين ...؟؟؟؟؟؟؟ بالله عليك قاعدين يضحكوا على منو ؟؟؟؟؟؟؟؟ هم بيضحكوا على نفسهم وفاكرين الشعب السوداني ده عندو قنابير وما ناقشين حاجه ؟؟؟؟؟!!!!!!!!!!


#907517 [بكري]
0.00/5 (0 صوت)

02-06-2014 01:04 AM
الكيزان في حيرة من أمرهم زمان حاربوا اخوانا الجنوبيين وتسببوا في فصلهم بحجة انهم غير مسلمين مع انهم كتابيين والآن يصادقون البوذيين وهم ليسوا أهل كتاب!!! الكيزان في ورطة كبيرة!! الظاهر عذابهم قد دنا فجهزوا لهم الحطب بس يكون حطب كبار لأنهم ضـخام العجائز..


ردود على بكري
United States [خالد] 02-06-2014 11:01 PM
يا استاذ [shawgi badri] قبل مدة قريبة كنا نسمع أن البوذيين يحرقون المسلمين أحياء
في ميانمار.. فما تقول في ذلك؟!!

United States [shawgi badri] 02-06-2014 02:39 AM
العزيز بكري . البوذيون لايكرهون اي انسان يدعون للتسامح والمحبة . ولايقتلون حتي النمل . غاندي هندوسي . هؤلاء يرفضون اعطاء المسلم ماء لانه نجس واذا شرب بأنائهم يكسرونه او يغسلوه بالتراب سبعة مرات . ذبحوا المسلمين في محطة قطار لانهم شربوا من حنفية المحطة . في الثمانينات هدموا المسجد البابلي التاريخي .
غاندي عاش في جنوب افريقيا . لم يدافع عن السود . وكان الهنود ولا يزالوا يفرقون الافارقة . غاندي كان عشيقا لرجل ابيض في جنوب افريقية . كان ينام عاريا ويحتضن بنات اخته العاريات وهن نساء لكي يثبت انه يمكن ان يتحكم في غريزته الجنسية . كفاية كده؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة