الأخبار
أخبار إقليمية
حزب البشير : (46%) من الشباب عطالة بينهم (18%) بطالة (سافرة)
حزب البشير : (46%) من الشباب عطالة بينهم (18%) بطالة (سافرة)



02-05-2014 11:33 PM

الخرطوم: عبدالباسط إدريس
قال أمين أمانة الشباب بالمؤتمر الوطني حامد ممتاز إن مشكلات الشباب باتت أكبر من إمكانات الحكومة ووصف أوضاع الشباب بمناطق الحرب بالأكثر تضرراً وأنهم يتعرضون لمؤامرة تستهدف التدمير المتعمد لمقدراتهم وتعطيل طاقاتهم وأشار إلى أن نسبة البطالة في أوساط الشباب بلغت 46% منها مايزيد عن 18% وصفها بأنها بطالة (سافرة) وتعد واحدة من العوامل الأساسية لانهيار منظومة الأمن القومي بالبلاد ، وقال ممتاز في لقاء إعلامي ضم عدداً من رؤساء تحرير الصحف وكتاب الأعمدة بمطعم (فنيسيا) بالخرطوم ظهر أمس إن الشباب يجب أن يكونوا جزءاً من صناعة الدستور القادم وشريكاً أساسياً في صناعة المستقبل ، ودعا لتأسيس يوم وطني للشباب من كل عام والعمل على إخراجهم من مربع العنف والحرب الذي أعاق الحياة السياسية والاجتماعية بالبلاد ورفض ممتاز مايثار من اتهامات تتعلق بتكدس السيارات والمخصصات لمنتسبي أمانة الشباب الاتحادية وقال إن كافة السيارات التي تشاهد أمام مقر الأمانة هي لموظفين تم تفريغهم للعمل الشبابي وأن تلك السيارات خاصة بهم وبمؤسساتهم التي يعملون بها وكشف ممتاز عن صدور قرار حزبي بعدم تفريغ الشباب للعمل بأمانة الحزب تفريغا كلياً.

اخر لحظة


تعليقات 7 | إهداء 0 | زيارات 1503

التعليقات
#908618 [ss]
0.00/5 (0 صوت)

02-07-2014 08:00 AM
الحمد لله الواحد تحول من عطاله سافره الي عطاله عادية العافيه درجات


#908420 [الهمباتى الراقد تحت الشدرة]
5.00/5 (1 صوت)

02-06-2014 09:54 PM
علي ما اعتقد البطالة السافرة دي بكون الواحد عاطل وحابس الشارع قاعد في الضل برة ومسوي مشاكل مع اولاد الحلة
يعني لو اتلم جوه البيت بكون دي بطالة عادية. واللله اعلم


#908139 [الهمباتى الراقد تحت الشدرة]
5.00/5 (2 صوت)

02-06-2014 03:17 PM
بطالة عرفناها. سافرة دي شنو كمان!


#908121 [واحد عاطل]
5.00/5 (1 صوت)

02-06-2014 02:57 PM
كزاب قال العطالة 46% انت ما حسبتنا ولا شنو في الحساب كمان دايرة ليها واسطة ولا بس بتحسبو عطالة الموتمر الواطي


#907699 [علي خميس]
5.00/5 (1 صوت)

02-06-2014 09:17 AM
في زول من الشباب ديل اشتكى ليك وللا قال بغم .... الشباب ديل شايفين حالهم وآخر روقه ... نصب واحتيال وفهلوه ... حلال عليكم السودان غنمتوه قوة واقتدارا .... وأعلنتم على رؤوس الأشهاد الراجل اليجي (خطاب البشير في بورتسودان لمن قال جبناها بضراعنا والداير السلطة يشيل السلاح وأنو حيحارب الميرغني بحرائر الشرق، لكن ده ذاتو ما احتاج ليهو!!!) شنو تاني بعد ده !!!


#907591 [ALI]
5.00/5 (2 صوت)

02-06-2014 05:06 AM
معني بطاله سافره والله اعلم ان الشخص لم يجد عمل وماعندو حق التزكره للسفر ومن هنا جاءت كلمه سافره

اول مره في حياتي اعرف انو العطاله انواع

الحمد لله الواحد عاطل عطاله عاديه ما سافره
تسافروا انشاء الله one way


#907526 [مصطفى كونج]
5.00/5 (2 صوت)

02-06-2014 01:16 AM
الحل لانقاذ الشباب من البطالة انه يعملوا يوم وطني للشباب
ودونا محل ما انقذتونا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة