الأخبار
أخبار إقليمية
الدقير: "وحدة الاتحاديين ممكن تتم في عزومة عشاء"
الدقير: "وحدة الاتحاديين ممكن تتم في عزومة عشاء"
الدقير:


02-05-2014 10:12 PM

الخرطوم- حسن محمد علي

كشف جلال الدقير الأمين العام للحزب الاتحادي الديمقراطي عن تسلمه لاستقالات وزرائه في الحكومة في غضون شهرين تزامنا مع المواعيد المعلنة لقيام المؤتمر العام للحزب، في وقت دعا فيه التيارات والأحزاب الاتحادية لحوار بشأن كيفية توحيد الاتحاديين وفق المؤسسية، وقال الدقير في مؤتمر صحفي أمس بقاعة الشهيد الزبير إن وزراءه في الحكومة سيخلفهم جيل آخر بعد قيام المؤتمر العام للحزب يتسلم المهام التنفيذية في الحكومة، والسياسية والتنظيمية في الحزب، وامتدح الدقير أداء وزرائه الحاليين رافضا تغييرهم على نسق ما أجرى المؤتمر الوطني من تغييرات وسط وزرائه.

ورأى الدقير أن الظرف الحالي موات لوحدة اتحادية مشيرا إلى أن الظروف تفرض على الأحزاب ذات الأرضية المشتركة الاندماج مع بعضها البعض، وأشاد بإعلان وحدة ثلاثة تيارات اتحادية تم في أوائل الشهر الماضي، وقال إنها ستمهد لإعلان وحدة لكل تيارات الحزب، مشترطا قيام الوحدة على أساس مؤسسي، وقلل الدقير من رؤية البعض باستحالة توحد الاتحاديين وقال إن الوحدة جارية وإن مساعي حزبه لم تتوقف وأردف: "وحدة الاتحاديين ممكن تتم في عزومة عشاء.

اليوم التالي


تعليقات 10 | إهداء 0 | زيارات 1533

التعليقات
#908421 [حد بيعرف احسن م الحكومه!!]
3.00/5 (2 صوت)

02-06-2014 09:54 PM
ود الريح الحساس زمان سأل عصام صديق (سيد البكور) يبدأ بشنو فى ألأول بالغدا ولآ بنوم الظهيره ولآ بالرفث؟ دحين برضو السؤال يتجددونسأل الدقير: حيبدأ ياتو فى ألأول : العشاء.. ولآ الدعوه للعشا .. ولا وحده ألأتحاديين.. ولاالركوع لسلام الأيد والرفع منه؟
شوفو اللابس القميص ألأفرنجى المخطط ما قادر ينتظر الراحل المنحنى وماسك ايد الحسيب النسيب وكان ليهو مراد ما يفكها يكمل سلامو .. قرّب يمسك ألأيد التانيه [س خائف على العصايه تقع!! هل السلام لازمة يكون على الأيد اليمين بس؟ الواقفين ورا المرغنى ديل سلّموا ولآ لسه منتظرين دورهم.. طبعا هم احسن حالا واكثر سعادة على نظرية "الحارى اخير من المتعشى" ألأنجليز بيقولو
It is always better to drive hopefully than to arrive!! بالله موش "محن" سا شوقى !!!
بس كمان نسأل كاتم السر ال سكينوجوا : ايه التغيير النفسى او الجسمانى اللى حصل ليه بعد ما انحنى وسلّم قبل كدا.. وهل الحكاية دى بتحصل طوالى كلما قابل الحسيب ,, ولا السلام بس مرّة واحده!!
هل من وسيله نعرف بيها شعور الحسيب النسيب وتفكيرو مشى بيهو لحد وين فى لحظات انحناء الخلق دى على ايدو!!


#907990 [sasa]
3.00/5 (3 صوت)

02-06-2014 12:58 PM
هذا الاسمو الدقير ماجاب جديد من عندو معروفين تلمكم الفته وتفرتكم الفته ياجهلة ... هل قبل احدكم من قبل يد امه التى ولدته ام جدته ام والده ؟؟؟؟ ام فقط يد الكهنوت ؟؟

اما مايحتاج فعلا لدراسة من علماء وخبراء علم النفس ... كيف لمثقف متعلم يحمل اعلى الدرجات العلمية من ارقى دور العلم العالمية وينحنى ليقبل يد الميرغنى .... وبرضو فى السودان يقال عن عزبة الميرغنى حزب ... هل رؤساء احزاب العالم تقبل ايديهم من قبل اعضاء الحزب !!!!

اعلم سينبرى لى الكثير من الاميييين (ليسوا امى علم) ويردحون


#907743 [Abdo]
3.00/5 (2 صوت)

02-06-2014 09:50 AM
إن تدك هذه الأوثان و حارقي بخورها فلا سبيل لقيام دولة سودانية مثل باقي الدول ذات المؤسسات المحترمة التي تؤسس على المبادئ و إحترام القانون الذي يحفظ حقوق المواطنة للجميع


#907626 [ابو شريف]
3.00/5 (2 صوت)

02-06-2014 07:28 AM
الركوع لله وحده يا جهله ......


#907565 [مواطن]
5.00/5 (1 صوت)

02-06-2014 02:23 AM
هاهاهاهاهاهاهاهاهاهاه بعد اضربوا الفتة ويلحسوا يد الراجل المخرف.لكن ماخبرونا العشاء وين


#907545 [أب عكاز]
5.00/5 (3 صوت)

02-06-2014 01:49 AM
الفتة الفتة
الفتة بردت دخل يدك


#907532 [ماسورة]
5.00/5 (3 صوت)

02-06-2014 01:27 AM
تجمعهم الفتة
وتفرقهم اللحمة

حزب الفتة
اتقسم حتة حتة

شوف صاحبنا ابو قميص
العامل راسو ذى المنقة الممصوصة دا
مستعجل داير يبوس
يد سيدو
شوف اللهفة والكبكبة الفي عيونو
جاهز للوثبة والانقضاض على اليد الشريفة

ناس ذى ديل
ب ساندوتش فول
بتحدوا

اتحادنا
فتة
او ساندوتش حتى..


ردود على ماسورة
United States [الممكون] 02-06-2014 01:56 PM
والله ضحكتنى لمن بكيت..ليه تسمى نفسك ماسورة...
إنت زول مصيبة..


#907527 [تمبول]
0.00/5 (0 صوت)

02-06-2014 01:19 AM
والله البغيل ده حيرنا .. يعني براك اعترفت ان حزبكم وجبة عشاء تجيب راسو .. يااخي انتوا اصلا مجموعة حرامية رخيصة واتتهازية .. لكن الحسب حيطولك ياحرامي وكبيركم العامل كراع جوه وكراع بره ..


#907503 [اسامة على]
0.00/5 (0 صوت)

02-06-2014 12:45 AM
لم يوضح لنا الدقير اين ستتم عزومة العشاء هذه؟ حيث ان مقر اقامة راعى ورئيس الحزب فى لندن ةهنالك فرع فى القاهرة واخر فى الخرطوم!!!!!!!!


#907443 [بت قضيم]
5.00/5 (1 صوت)

02-05-2014 11:34 PM
بالله شوف الدقير البطيني ده وصلت سلوكيات الاحزاب الى هذا الدرك وهذا المستوى ينقسمون ويتشتتون ويتوحدون في وليمة فتة الى هذه الدرجة وصلت قيادات الاحزاب الطائفية اين المبادئ والأخلاق هل ذهبت في المراحيض بعد امتلاء. كروشكم وتفريقها ضمن غائطكم


ردود على بت قضيم
[صالة المغادرة] 02-06-2014 08:29 AM
100فىال100 والله كيفتينى وبسطينى يا بت قضيم وحريقة فى الدقير والبشير وكل اكلى اموال الفقراء والايتام والارامل اشباه الرجال ولا رجال .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة