الأخبار
أخبار إقليمية
وزيرة الاتصالات: "ليست لدينا أوامر بقفل أي موقع سواء كان الراكوبة أو سودانيز أون لاين"
وزيرة الاتصالات: "ليست لدينا أوامر بقفل أي موقع سواء كان الراكوبة أو سودانيز أون لاين"
وزيرة الاتصالات:
تهاني عبدالله عطية


02-06-2014 07:21 AM
الخرطوم – آدم محمد أحمد

قالت تهاني عبدالله عطية وزيرة العلوم والاتصالات إن الناس يتعاملون مع تطبيقات التواصل الاجتماعي على الهاتف السيار خاصة الواتساب "بسذاجة" وأكدت أنها إذا أرادت قفل هذه التطبيقات فإن الأمر لا يأخذ منها مجرد رفع سماعة التلفون وإصدار أوامر الإغلاق، لكنها نوهت إلى أن الوزارة لا تحبذ إغلاق تلك المواقع ليس لعجزها ولكنها تأمل أن يتعامل الناس معها بإيجابية بعيدا عن نقل الإشاعات والأشياء غير الأخلاقية، ودعت تهاني لتوخي الحذر بعدم الإساءة لأعراض الناس، وأشارت في تصريح صحفي بالمركز العام للمؤتمر الوطني إلى أن الوزارة ممثلة في هيئة الاتصالات لا تميل إلى قفل أي موقع سياسي معارض للحكومة وأضافت: "ليست لدينا أوامر بقفل أي موقع سواء كان الراكوبة أو سودانيز أون لاين"، وأكدت أن قفل المواقع لا يخدم الغرض لكون الحجب يتم داخل السودان فقط بينما تظل تلك المواقع تعمل في خارج الحدود، وأوضحت أن مركز أمن المعلومات يعمل على فلترة تلك المواقع دون حجبها، وقالت تهاني إن الوزارة تعمل بالتعاون مع وزارة العمل على تحديث قانون جرائم المعلومات ليشمل كل الجرائم، ونوهت إلى أن الهكرز شخص يعاني من اضطرابات نفسية ولا يمثل أي دولة أو جهة حتى إن كان منتميا لها.

اليوم التالي


تعليقات 30 | إهداء 0 | زيارات 6834

التعليقات
#909253 [jini]
0.00/5 (0 صوت)

02-08-2014 02:32 AM
والجدد الالكتروني حقك دا ما عنده اضطرابات نفسه!
يا بت يا نكتة يمين الله انتمي ما تفهمي في اى حاجة
طيرة و مبالية السيرة
كلامك يدل على الياس
قفلتوا الصحف الورقية وعناوين تجاردوا الاسفيريةىا دون كيخوتة!
جني


#908572 [ابو خالد]
0.00/5 (0 صوت)

02-07-2014 02:51 AM
يا اخوان ما تروقو شوية وخليها بس تجرب وحا تفشل وبمجرد التجربة نوريكى نحنا هكر كيف بس انصحك قبل المحولة شوفى طريقة لادوات القصر الجمهورى ذاتو وجبى ونتحداكى تقدرى تسوى اى حاجةعععععععععععععععديل كدة


#908485 [البعاتي]
0.00/5 (0 صوت)

02-06-2014 11:37 PM
الظاهر الوزيرة الامورة نائمة في "الدرة" ...

في الشهر الماضي كنت أتابع تجربة مشروع " لون " لشركة قوقل عن إطلاق مناطيد لتوصيل خدمة الانترنت لما يقارب 4 مليار نسمة يقطنون في مناطق نائية لا تصلها خدمات النت، ويكفي للمتلقي تركيب جهاز استقبال في حجم كرة البيسبول لاستقبال الخدمة. وتحلق المناطيد بارتفاعات ضعف ارتفاع الطيران التجاري ...

يا وزيرة يا عفريته اطلعي من " الدرة " ...

الا لعنة علي كلاب المشروع الدعاري، لما اقترفوه في حق الشعب السوداني، والتحية لعالمنا الجليل سمير قبريال


#908404 [OSSEC]
4.00/5 (4 صوت)

02-06-2014 09:25 PM
شكرا جزيلا على التنبيه وسنعمل على حل المشكله


#908359 [Sudane]
0.00/5 (0 صوت)

02-06-2014 08:00 PM
علاقة اله باء بالمواصلات شنو شكش


#908309 [ابو محمد]
5.00/5 (1 صوت)

02-06-2014 06:29 PM
حديث النيل
يا نيل هل مرت عليـك حــوادث
قد كنت عنـها غافـــلا وجهــولا؟
مـا عهـدت مـذ خبـرتــك قابضـا
كفيك عـن وطــن الجمال فتـــيلا
وطن بــه بـدت المحاسـن جهـرة
بآيــات حســـن تنزلـــت تنــزيلا
كـل حسـن يدهشك حسن صـنوه
ولـن تلــقى لــه أو لـذاك بديـــلا
كـم تـأوه عنـــد شطــــك مدنـف
ولكــم آسيــت شاكيــا وعليــــلا
كنـت فـي دجـر الليالــي مؤانسا
لمن جـاء يشكـو وحشة وخليـلا
أما زلت في الصهد واحة ظامئ
أما زلت في سدف الدجى قنديلا
رويـت جدبـا بالنـدى فتمايلـــت
أفنانـــه ثمــلا ذللـــــت تذليـــلا
بكـل صـوب مـن نداك شواهـد
هــي للجمـال تمـــثلا ودليــــلا
سقـي بنوك مـن سلافـك نخـوة
وعـزة نفـس مـا لهــن مثــــيلا
غفـوت من طول المسير هنيهة
ام العشريـن كان وقعهـن ثقـيلا
فهـل بـك مــرت جحافل غـادر
أمسى عزيزهـا مدبـرا وذليــلا
إن مسنا ضـيم تدافعــنا صوبـه
أخـو المذلـة لا يعيــش طويـلا
الحق أن تحـيا الحيــاة بعــــزة
وألا تمشـي بيــن الأنــام قتـيلا
مـن أيــن أتــى هؤلاء تســاؤلٌ
أفـلا أجبـت سؤالنــا يــا نيـلا؟
حملناك بيــن الحنـايـا حقيــقـة
وهمسـات شعـر رتلت ترتيـلا
شمال يستنطـق التاريـخ رملـه
وباسقـات بـه كم رفـدن خليـلا
هل بكيت علـى جنوبنـا حسرة
وذرفت دمعـا مثخــنا وعويـلا
لما يمسك الشعـر عني حسانـه
وما غصت يوما بالعباب طويلا
وغربنا أبدى به الحسـن رسمه
به المكارم قــد عشقـــن حلولا
وشرقنا أيـات حسـنه أشرقــت
بها المحاســن بكــرة وأصــيلا
والجزيرة مــن نــداك فريـــدة
قد توشحت تيجان السنا إكليلا
مبسوطة الكفـين سائغة الجنى
نشوى تزين بالجميل جميـــلا
إن عتبـتُ فلا أخـلك زاجـــرا
وهل على وله المحـب سبيـلا؟
وهل رأيـت من بنيك على المدى
يجـر علـى أرض الكـرام ذلـيلا؟
يا نيل هــل مــرت عليك عمائـم
فأنكرت منـها التكبـير والتهليلا؟
هل أجيـبك ام تجبــني كأنــــــنا
أخذنا مـن جـلل المصاب ذهـولا
مــن أولاء؟ أهـم بنــوك حقيـقة؟
ام شابهـوا الأصل فأتقنوا التمثيلا
أمـا خبـرت فــي بنــيك سماحــة
وطهر نفــوس لا تحسـن التأويلا
مـا يجيــش علــى اللسـان سجيـة
ولا تعــرف الغدرات والتبديـــلا
أبنــاؤك در نضــــيد وجوهـــــر
صغارهـــم وشبابهـــم وكهـــولا
ما ينفع الناس يبقى الدهر خالـدا
ما ضـر ليـس له لعمري مقيــلا
يذهـــب الزبـــد جفــاء لعلــــــة
كيـف استباح شواطـئا وسهـولا؟
فاصفــر منـه بعـد ينعــه قضـبه
وافســد منـــــا أنفســـا وعقــــولا
فاقــد الشــئ لا يعطــــيه وإنمـــا
ينضـح الإنـــاء بمــا بـــه مجبولا
فان كـان ما فيــه طيـــب أذاعــه
إن خبــث بــات بأســره مكبــولا
يجهــد إخفــــاء القبيــح بإصـــبع
ويحسب الطـل مـن عمـاه سيـولا
يـرى انه الرأس فـي كـل موطـن
رجرجة مـا عـداه بـل وذيـــــولا
من ظن أن العلم أضحى برهــنه
لــم يــدر منـــه خوافـيا وفصـولا
نــور الحـــق لا يواريـه باطــــل
مهمـا تدثــر فـي الخداع طويــلا
يا نـيل لا تاســى سيقبـل جمعنا
ليدك مـن حصـن البغـــاة فلولا
لتهوي صروحا بنـوها بريــبـة
اخــذوا هنــاك وقتـلــوا تقتيــلا
كـم سقــوا بلـــد الكرام مذلـــة
بكـــيزان ســوء ملـؤهن غـلولا
لـم يرحموا منا صغيرا لضعفـه
ولا شيخا من مـر السنين نحيلا
اشـاعوا فينـا كـل خـبث ومنكـر
وفتـنا ما اسطاعوا لهــن سبيـلا
مقصدهـم تحطــيم كــل مورث
مــن المكـارم تالــــدا وجميـــلا
فــرق تســد اريقــوا كل دمائهم
فبتــنا بــين مشــرد وقتيــــــــلا
سرطـان شـــر احــاط بـــاذرع
من الازلام والتدليس والتضليلا
كـل جميـل فـي الحيـاة احــــاله
قبحا ومسخـا مشـوها مشــــلولا
يحلفــون على المــراء بجـــرأة
بل يبتدرون التحريــم والتحليلا
هل تناهى اليك وقــع حوافــــــر
سئمن مـن نصـب الخنوع طويلا
اما سمعت صهيلها عبــر المـدي
يزلزل من جمع الطغـاة قبيـــــلا
ما ألفـن سوى الجحاجيح صـحبة
وما خبرن سوى العصي نــزولا
رايــات ايمــان ترفـرف فوقـــها
المرســلات لا جورا ولا تبديـــلا
بالحـــق نطلقـــــــها ؟ الله اكبــــر
لا اله الا الله تصديـقا وتفعيــــــلا
سنهد قلاع الخـوف ليس يعيقنـــا
من الاراذل ترهيـــب وتهويــــلا
وتبلج الحق كالشمـس مســــفرا
تلجلج الباطـل راجفـــا مخـــذولا
ما النصر الا احتـــساب لساعــة
تنبـت فيهــا مـن الطغــاة ذيــولا
يعود للســـــــودان سابق عهــده
بعزم رجال ما بدلـــوا تبدـــــيلا
بعـدا لقـوم يقتلــــون مكارمـــــا
ويدعون ذاك لجاجـــة تاصيــلا
****
ابو محمد


#908308 [المتفائلة جدا]
3.00/5 (2 صوت)

02-06-2014 06:28 PM
ياناس الراكوبة أنا عندى سؤال إنتوا بيل غيتس بقى كوز ولا شنو؟؟ نان الوزيرة المهبولة دى دايرة ترفع سماعة التلفون لمنو عشان يقفل ليها المواقع الإسفيرية حقتنا دى؟؟ ..
الجماعة ديل بعنطظزتهم الفارغة دى أهم ميزة فيهم بيبلعوا كلامهم البقولوهوا والشغلانةدى عندهم من كبيرأخوانه ..الليلة يشتم ويقول حشرات بكرة يبلع كلامه ويسافر لغاية عندالحشرات عشان يعمل معاهم مفاوضات ..يعنى البلع عندهم باقى عادة..
نسيت أقول ليكم حاجة والله أنا مافى شىء مفرحنى اليومين ديل قدر غيظتهم من المواقع البنكتب فيها دى ..إنتوا لو شفتوا كومار عزالدين فى لقاء فى قناة أنغام شدة ما زعلان ومغيوظ مننا زى ما بقولوا المصريين فى الوصف شدة ما مسخن أفاهو(قفاهو) يقمر عيش..قال كتاب المواقع الإلكترونية دى الواحد مابقدر يقاضيهم ولا يحاكمهم وكلهم عايشين خارج السودان ومعاهم جوازات أجنبية كان بقول فى الكلام ده بحسرة ...خليهم يطرشقوا من الزعل ..منكدين علينا ربع قرن من الزمان خليهم يضوقوا النكد...والشىء الظريف قاعدين مكتوفى الأيدى وماعندهم غير شوية كم جدادة وسوسيو كدة ينقدوا فى المواقع...الله الله


#908247 [omar]
0.00/5 (0 صوت)

02-06-2014 05:30 PM
عادي ممكن يكون مافي اوامر وتقومو تقفلوه تطوع ساي منكم
دفاع شعبي .... كان عندكم واحد لافي بس سوط يضرب النساء بحجة اللبس الفاضح


#908088 [البركان]
3.50/5 (3 صوت)

02-06-2014 02:19 PM
امر السودان عجيب و غريب فلو استدار زمان السودان كهيئته الاولي قبل مجئ المشروع الحضاري فامثال هذه المستوزرة شغاله في اي بيت من بيوت شرفاء السودان الذين لا ينتمون للحركة الاسلاموية الشريرة.
لو قطعتوا النت او لم تقطعوه فانتم الان في الموت السريري العميق و الذي لا حياة بعده مثل موت ربيبكم شارون.
لا مكانة لكم في سودان المستقبل و لن تنطلي علينا بعد اليوم الاعيبكم و تبديل جلودكم فالتغيير قادم و لا عفا الله عنما سلف ولاافلات من العقاب.


ردود على البركان
United States [الحضيري] 02-06-2014 08:33 PM
ياخي بطل العنصرية . الزمن ده العبرة بالشهادات الدراسية والعلمية ما بالخلقة واللون والشلاليف والأصل والفصل والشرفاء والكلام الفارغ ده بيقولوهوا في العرس بس . لكن التوزير ما بيعرف عربي من زنجي

[sasa] 02-06-2014 07:31 PM
الاخ بركان اسمح لى ان ارد عبرك على السيد عوض المحامى الخاص لماتسمى بوزيرة الاتصالات ؟؟ وسؤالى ياسيد عوض هل كل من تخرج من جامعة هارفارد او الخرطوم وبدرجة الشرف الاولى بامتياز يستحق ان يكون وزيرا!!!!؟؟؟؟؟ هل هذه تهانيك وزيرة الاتصالات تبرر لها وتشفع لها درجتها الجامعية فى الهنسة الكهربائية او النانو نووية او او ان تكون وزيرة ... هذا استوزار من لايستحق الى من لايستحق ؟؟؟ ان تطبل نسبة لعلاقتك بهذه المرأة التى لعلها الوحيد فى النساء السودانيات بكل سحناتهن والوانهن السياسية وغيرها تستحق ان تكون (((وزيرة))))

هذا زمانك يامهازل فمرحى لعنة الله على الاخون المتاسلمين السودانيين
لعنة الله على كل منتسب لحزب البشكير وحزب الترابى
لعنة اللع على كل من ربى (دقينته) او رفع سبابته وهزها هى لله هى لله لا لثروة ولاجاه .... طز فيكم .... طز فيكم

United States [Awad] 02-06-2014 05:23 PM
البركان

السلام عليكم ورحمة الله وبركاته

ماهي معايير الشرفاء بالنسبة لك؟ حسب ما كُتِب فهي خريحة جامعة الحرطوم كلية الهندسة معناها أنها مؤهلة أمنيتي أن يكون لك نفس مؤهلها حتى يمكنك تقييمها بأنها شغالة سواء كان في بيت أم غيره ، وأمنية أخرى أن تضع نفسك مكان من تسيئ إليهم وهل ترضاه لنفسك وكفى بنفسك عليك حسيباً

تحياتي
عوض

United States [ابن الشمال] 02-06-2014 03:47 PM
انا ماعندي علاقه بيها لكن مااعرفه انها خريجه هندسه كهربا جامعه الخرطوم والاولي في دفعتها ومعروف كهربا الخرطوم نسبتها اعلي من الطب انت جبت كم في الشهاده يابركان


#908063 [سكرتيرة الوزيرة]
4.00/5 (3 صوت)

02-06-2014 02:01 PM
بصراحة هجومكم حار على الوزيرة

هي حلوة وامورة وطيوبه جدا وهمها مصلحة المواطن ما تفهموها غلط


لكن الغايظني منها انها ما بتعرف تلبس وذوقها بلدي في اختيار التياب

انا سكرتيرتها وبعرفها كويس


ردود على سكرتيرة الوزيرة
[قحة الوزيرة] 02-06-2014 10:20 PM
أولا أشك انه الداخله او الداخل باسم سكرتيرة الوزيرة . ما السكرتيرة الحقيقية للوزيرة احتمال يكون عندها سكرتير . لو فرضانا انها سكرتيرة الوزيرة ما ممكن تكون بالغباء دا وتقطع رزقها
وتفصح عن نفسها على الملاء .

نرجع للسيده الوزيرة في كلمتين فقط اعلق انه التصريحات دي مجرد

قحة الوزيرة

والقحة اخير من صمة الخشم

يعني تاني تعليقاتنا نقول ( قحت الوزيرة والقصد صرحت الوزيرة )

European Union [Justin] 02-06-2014 09:21 PM
يعني مرات في تعليقات لما الواحد يقراها بيفقد الأمل في الشعب السوداني !!!

تلاتة معلقين نسوا الموضوع الاساسي وقعدوا يردوا علي المعلقه [سكرتيرة الوزيرة]!!!

وكمان المعلق [عبدالرازق] بيسيء وكمان بيتهم المعلقه بقله الادب !!!

وبعدين المعلقه ماتعلق عن زي الوزيره إذا علقت ..مااصلو النسوان بيعلقوا في هدوم بعض !!!

ياخي فعلا شعب انصرافي بشكل !!!

[nagimoneim] 02-06-2014 05:57 PM
خلاص يا بتاعت العاصمة انتي يالذوقك واستايلك حضري تلبس زيك وزي بنات اخر الزمن فوق للركبة وفساتين شفافة ومع الجسم تظهر الالبسة الداخلية والصدر بره ولا كيف سكرتيرة شنو انتي والله الزيك المؤخرين البلد

United States [Awad] 02-06-2014 05:17 PM
الاستاذه السكرتيرة
السلام عليكم ورحمة الله وبركاته
بعتقد كان الأمر بيكون أكثر صِدقاً وأمانةً إذا كنتِ وجّهت لها هذه النصيحة لها في ما بينكما بخصوص ملابسها وهل تمّ إختيارها لتكون وزيرة أم عارضة أزياء ، وهل أنتِ يا من تلبسي أفضل منها إذا إقتنعنا جدلاً بذلك تحملين مثل مؤهلها وشهادتها وبالتأكيد لا بدليل هي الوزيرة وأنتِ السكرتيرة ومعنى كلمة سكرتير/سكرتيرة أمين للسر فهل أنتِ جديرة بهذه الوظيفة؟

عوض

[عبدالرازق] 02-06-2014 03:32 PM
اذا انت سكرتيرة انت لا تعرفين ادني مهام السكرتيرة وهي الامانة وقبل كل شئ الادب لذا يبدو انك تم تعيينك بواسطة او حاجة زي كده


#908043 [هاكرز وكراك الفرق بينهم]
5.00/5 (1 صوت)

02-06-2014 01:49 PM
الهاكرز:
هو مصمم برامج حماية وسد الثقرات في البرامج الكبيرة اي يقضي ليله ونهاره في خدمة التقنية وسد عيوبها بحلول يتعب من اجلها في مجال البرمجيات والشباكات وحماية السيرفرات ويمكنه إختراقها بكل سهولة .

طبيعه وصفات هذه الشخصية : هادي جدا وذكي ويحسب زمنه بالدقيقه في إنجاز مهمته .

أما الكراكر :
ده الشخص العظامي الذي يعيش على جهد وعظام غيره الهاكرز الحقيقي بمعنى آخر هو يطبق برامج جاهزة اعدها الهاكرز وحصل عليها بطريقه ما واصبح يستغلها بقصد او بالصدفه يعني شختك بختك يجرب البرامج الجاهزة الى ان يصل لمراده ويحقق رغبته في الاختراق والتخريب .

طبيعة وصفات الكراكر:
له شهية متقده في التحدي وقبول التحدي دائما يكون شراني وعصبي لا يحمل اي استفزاز والا لجاء للتحايل على الضحية او فضوله الزائد في الاختراق لجهات حوكمية او جهات عامة لاستعراض امكانياته .

يمكن السودان بطوله وعرضه يوجد هاكرز واحد من بين ملايين المختصين في الشبكات والبرمجيات ، اما البقيه حتى المحترفين هما مجرد ( كراكرز ) مطبقين فقط .


واعمارهم ما بين 17 إلى 32 سن الشباب والعنفوان والتحدي وبعد هذه السنين بكون عندهم فكرة طبعا لكن ما حابين يدخلوا في متاهات اغلبيتهم دخلوا معارك الحاية والمعيشة لكنهم فقط بحموا انفسهم

هذا والله أعلم.........


ردود على هاكرز وكراك الفرق بينهم
[sasa] 02-06-2014 07:36 PM
تفتيحه يا هاكرز وكراك .... أى لايك U

شكريا


#907996 [باسطة]
1.00/5 (1 صوت)

02-06-2014 01:04 PM
شي عجيب في كلامك يا تهاني وزير
نقطة بس من مويه إتنقعت من زير
أنا يا وزيرة بخافلك من صلاح و بشير
أفكاري ما بتتكتف ما بنشفها البشكير
شي عجيب في كلامك يا تهاني وزير
العبرة ما في قرارك تقطعي الأسفير
العبرة إنو العالم ما عبيط و عوير
شي عجيب في كلامك يا تهاني وزير
نقطة بس من مويه إتنقعت من زير
يا وزيرة شمارك جانا في التغيير
ما تهددينا أخيرلك الكوز ملان و كبير

روحنا واحده و فيك إتقسمت لكتير

( عازه قومي كفاك عازه غطي قفاك )


#907994 [حسكنيت]
5.00/5 (1 صوت)

02-06-2014 01:03 PM
عاملين فيها ديمقراطيين ؟؟
طيب حكومتكم بتصادر وتمنع صدور الجرايد ليه ؟
كتلتوا 271 متظاهر فى أربعة يوم ليه؟
أمليتوا على الصحف تكتب مخربين بدل متظاهرين ليه؟
أخرصتوا تاج الدين عرجة ليه ؟
بتزوروا الإنتخابات ليه ؟
بتضربوا الطلبة داخل الجامعات ليه ؟
أى واحد ممكن إدخل على المواقع المنشفة ريقكم دى بال ( Proxy) وبلا فشخرة معاكم


#907978 [اسامة]
0.00/5 (0 صوت)

02-06-2014 12:49 PM
بسم الله الرحمن الرحيم
أعوذ بالله من الشيطان الرجيم


#907918 [شيمس]
4.00/5 (3 صوت)

02-06-2014 12:06 PM
حلوة بالتقاطيع العربية الافريقية الفيكى دى


ردود على شيمس
United States [البعاتي] 02-06-2014 01:09 PM
كده بشه بغير منك، يقوم يرسل راجلها كاودا


#907903 [عزة]
5.00/5 (3 صوت)

02-06-2014 11:54 AM
غيرتى لهجتك
وين الهنجهيه
اوعى تبقى زى نافع البذىء
خليك تحت الحيطه
لاتستفزى الشعب السودانى نحن ما ناقصنك
بطلى جهل لان المواقع الالكترونيه لاانت ولا الجقر لن تستطيعوا قفلها خليك فى حالك


#907869 [asd]
5.00/5 (1 صوت)

02-06-2014 11:27 AM
التهكير والعمل التقني يحتاج (صبر وتدقيق وهدوء) والمرض النفسي (توتر وضيق وقلق) وعشان نكون منصفين يجب ان نعمل استطلاع بين الهكر والنفسيين مع اني متأكد انو مافي هكر داخل السودان لانو مافي جو هكر في بلدنا


#907867 [مع السلامه]
5.00/5 (1 صوت)

02-06-2014 11:25 AM
نرجع لي الصف الاول تاني:

ما الفرق بين الهاكرز hacker والكراكر Cracker ؟


#907861 [مدحت عروة]
5.00/5 (1 صوت)

02-06-2014 11:20 AM
يوجد قضاء لاى منتهك لاعراض الناس!!!
لكن انتو بتصادروا جرايد وتمنعوا كتاب من الكتابة واعنى حكومتك وجهاز امنك ماذا تقولين عن هذا؟؟؟
انتو بتفتكروا معارضة الانقاذ او الحركة الاسلاموية فيه انتهاك لامن الوطن؟؟؟؟
بالعكس تمكنكم ايها الاسلامويون وفرض حكمكم وفكركم على اهل السودان الشرفاء الما حركة اسلاموية هو انتهاك صريح لامن وسلامة الوطن وليس العكس!!!
من تكونون بحق الله حتى تفرضوا انفسكم على السودان وشعبه ومن انتم حتى تعطوا الحرية لهذا وتمنعوها من ذاك ؟؟؟
لكن الفيكم اتعرف من خلال حكمكم للسودان طيلة 25 عام انكم عار على الوطن والدين والله على ما اقول شهيد!!!!كلكم مؤتمر وطنى وشعبى الله لا تبارك فى اى واحد فيكم وبدون فرز!!!!!!!!!!!!


ردود على مدحت عروة
[sasa] 02-06-2014 07:40 PM
اقتباس (مدحت عروة)

((((من تكونون بحق الله حتى تفرضوا انفسكم على السودان وشعبه ومن انتم حتى تعطوا الحرية لهذا وتمنعوها من ذاك ؟؟؟
لكن الفيكم اتعرف من خلال حكمكم للسودان طيلة 25 عام انكم عار على الوطن والدين والله على ما اقول شهيد!!!!كلكم مؤتمر وطنى وشعبى الله لا تبارك فى اى واحد فيكم وبدون فرز!!!!!!!!!!!!)))


نعم يامدحت الله لا باركم فيهم لاوطنى وشعبوى وصادقيا ومرغنيا .... هؤلاء لامزعت لحم فى وجوههم الكالحة المقيتة العابسة السقيمة الله ينتقم منهم دنيا وآخرة


#907842 [عمار جده]
5.00/5 (1 صوت)

02-06-2014 11:05 AM
الهكرز انسان احسن منك لانو مثقف ومخو مفتح والحمدلله


#907833 [IBN ALKHARTUM]
5.00/5 (1 صوت)

02-06-2014 11:01 AM
الوزيرة تفهم في السياسة تمام, وبمساعدة قراء الرآكوبة ونقضهم لها تكون قد ضمنت مكانة خاصة في حزب المؤتمر الوطني والقرب من الرئيس, لأن قاموس السياسة يقول علي مساعدي الحاكم, إظهار ولآئهم للحاكم وكراهية الشعب لهم, لأن لو وجد الحاكم حباً من الشعب لأحد مساعدية, لأصبح ذلك الشخص خطراً علية وسوف يبعد ويدمر.


#907815 [احمد]
5.00/5 (1 صوت)

02-06-2014 10:43 AM
وأكدت أنها إذا أرادت قفل هذه التطبيقات فإن الأمر لا يأخذ منها مجرد رفع سماعة التلفون وإصدار أوامر الإغلاق،

ولد ده وريتينا لكن


#907795 [أسمر جميل فتان]
4.00/5 (1 صوت)

02-06-2014 10:30 AM
يا هلا بالوزيرةعاوز اسال سؤال كلامك ده تعريف جديد للهكرز:
-------------------------------------------------------
"ونوهت إلى أن الهكرز شخص يعاني من اضطرابات نفسية ولا يمثل أي دولة أو جهة حتى إن كان منتميا لها.. "

التعريف ده بحثت عنه في عدة مراجع لم اجد تعريف واحد يشير مجرد اشارة الي ربط "الهكرز" ب "الاضرابات النفسية" التعريف ده جديد يا حاجة تهاني ولا شنو؟؟؟؟
الهكرز هو مبرمج ماهر وضليع وذكي وملم بفنون البرمجة في اختراق المواقع الالكترونية على صفحات الويب والاختراق هنا يعني الدخول الي المواقع بدون اذن من صاحبه واجراء تعديلات على هذا الموقع اما بحذف او اضافة شئ جديد او التعديل في المحتويات الموجودة اصلا، وليس هنالك علاقة بالنفسيات بتاعت الحاجة تهاني!!!!!؟؟؟؟
والهكرز لعلمك يا وزيرة هنالك جهات تتبناهم وجهات اخري تدفع لهم مبالغ مالية نظير القيام بالاعمال التخريبية على صفحات موقع معين لوزارة مثلا او موقع حيوي حكومي.... وفي شركات برمجة تتحدي الهكرز ديل في اختراق مواقعها وذلك بغرض التعرف على الثغرات والاماكن التي يمكن اختراق هذا النظام بغرض معالجتها........ وبعد ده كلو تقولي عنه مريض نفسي يا جماعة الخير الواحد قبل ما يقول تعريف يتاكد منه في الاول وبعدين يتكلم بيه خصوصا ان الكلام ده صادر من شخصية مسئولة يفترض ان تكون الشخصية الاولي في قطاع المعلوماتية في السودان.....

اما مسالة غلق المواقع وحجبها : اقول ليك زماااااااان في بعض الدول الاسلامية لما طلع الدش الهو الطبق الهوائي بتاع التلفزيون قامت الدنيا وقعدت والناس حاربته بشتي الوسائل ومن فوق المنابر وصرفوا فلوس من اجل توقيفه والان اصبحت الاطباق الهوائية موجودة في كل مكان خاصة بعد تصغير حجمها بل واصبح البيت الواحد فيه اكثر من واحد وبعد ما جابو (ال ام بي) مذدوج خفف القصه والان ظهر (ال ام بي) فيه اربع منافذ!!!!!!! والناس الحاربوه زماااان الان مركبينه بمزاااااااج !!!

أذن مما سبق يتضح لنا جليا ان عملية المحاربة لن تكون مجدية خاصة ان سهولة انشاء المواقع وسرعتها اصبح "اسرع من صنع كوب من القهوة" وممكن تقفل موقع اباحي بعد دقيقة واحدة حا تظهر عشرة مواقع اخري بعد ما سعادتكم تكتشفوه بيكونوا الشباب ديل "دخلوا وحملو" كل الملفات الفيديوة والصورية ورسلوها بالوتساب او بغيره!!!!!!!!!!!!!!!! وهكذا دواليك يا "دلاليك" جمع دلوكة....

الجهد المبزول والاموال التي تصرف في عملية المنع والحجب من الافضل في راي الشخصي صرفها على ندوات وورش عمل للتعرف على كيفية قضاء اوقات الفراغ للشباب والطرق المثالية لمحاربة ظاهرة الفراغ القاتل لهم وبناء مسابح وملاعب لهم وتشجيع ممارسة الرياضة في الجامعات والمدارس لصرف الطلاب عن الالكترونيات وتبصيرهم بما قد يتعرضون من جراء ذلك ......

ودمتم


ردود على أسمر جميل فتان
[sasa] 02-06-2014 07:46 PM
مع ودى يا اسمر انت بتتكلم وبتعلم فى واحدة تمشى وتجى وتصرح وتصمت بالروموت كنترول من اللى سواها وزيرة علينا غصبا عننا وباسمنا كمان ..... من الذى يعترف بك يا امانى والله تهانى ... لعلهم تبعكم وحاشيتكم وغدا سيتم تعديل وزارى (( اضان الوزارة والتعديل الوزارى والاستوزار طرشه))) وممكن تكونى بره الجك والله شنو يا انتى آل وزيرة آل بالمناسبة انت الوزيرة رقم كم فى زمن الغفلة الكيزانى هذا؟؟؟


#907785 [أصفر الاسود]
5.00/5 (4 صوت)

02-06-2014 10:16 AM
ليس بمقدورك إغلاق أي موقع
نحن مستعدين إرسال هذه المواقع التي ترغبي بحجبها الى بريدك شخصيا والى موقع الوزارة بالامس قمنا بزيارته بس قلنا نخليه يعمل . ممكن نقوم ننزل عليه كم هائل من أفلام موقع السينما المصرية أو الهندية من نوع الافلام القديمة تخليه يترنح فسينشل أو تنشل حركته خليك في دارك واتركي الراكوبة وسودانيز اون لاين لاهلها واحسن شيء أمور الهدنه خليك في دارك اذا كان بيتك من زجاج فلا ترمي على الاخرين الحجارة


#907759 [القعقاع الفي القاع]
5.00/5 (1 صوت)

02-06-2014 10:01 AM
قلة شغلة. كدي حاولي أحظري الراكوبة. أعوذ بالله من الهلافيت


ردود على القعقاع الفي القاع
United States [حسكنيت] 02-06-2014 01:10 PM
جابوا طاقم هندى ( ما عارف دفعوا ليهو كم )عشان إضرب الراكوبة وحريات وغيرها ، حاولوا كتير ..وأخيرا يئسوا


#907739 [البعاتي]
5.00/5 (3 صوت)

02-06-2014 09:47 AM
يبدو أن "المستوزة" متأثرة ببشة عشان كده بتهدد بقفل "البلف" بتاع الانترنت


#907727 [هكرز سوداني]
5.00/5 (4 صوت)

02-06-2014 09:37 AM
اسمعي يا الحليوة انتي لو عندكم 50 هكرز تبع الجداد الالكتروني في الخارج ما اقل من 500 هكرز بعدين جماعتكم تعبانين ممكن نصلهم لي اجهزتهم بكل سهولة ويسر ولي مكتبك انتي يا الحلوة كان عندك صور شيليها ولا خطابات ويكليكسية سودانية زي عايزة لانكروزر وسايق خاص طلباتكم الشخصية الملخطة بالفساد كلها اسحبيها من الكمبيوتر تبعك .

واحذرك انتي والمعاك حملتنا الجاية بتكون في مكاتبكم وكبار المواقع الحكومية ... زي ما اصغر هكرز مننا هكر ليكم موقع من المواقع الهامة عندك قبل سنة العبو بعيد وخلو الناس تقرا فشلكم وتعرف تعالج مشكلة البلد ...



ردود على هكرز سوداني
European Union [01010101] 02-06-2014 11:56 AM
عفيت منك يا الكلس .. ويا وزيرة دا شغل ال 01 (zero,one)!!! مافى زول بمتلك ناصيته كاملة (لا بيل غيتس ولا حتى إبليس) !! روقوا فى علبكم وسرحوا الصينيين والجنوب أفريقيين العندكم ديل ,, بالجد الأنا بعرفوا من الهاكرز السودانيين مبالغة !! ديل أحفاد بعانخى وتهراقا والحكاية جينات وراثية ..


#907697 [hassan]
0.00/5 (0 صوت)

02-06-2014 09:15 AM
ايه الحكاية اليومين دي الوزيرة طالعة في الكفر
صحي الاختشو ماتو
صحي بلد سايبة
الباقين شغالين لغف ما فاضين


#907663 [ابونديبو]
5.00/5 (2 صوت)

02-06-2014 08:41 AM
اقتباس من كلام الوزيرة الحلوة ( الهكرز شخص يعاني من اضطرابات نفسية ولا يمثل أي دولة أو جهة حتى إن كان منتميا لها.)
خلاص يا ست الكل بقيتي دكتورة في التشخيص ووصف الحالات المرضية؟؟؟؟؟؟؟؟ الهكرز انسان ذكي وكيس فطن
خترق السرية كفاحاً ويفتح المغلق ويكشف المستور !!!!! عجبي هل هذا مريض ؟؟؟من المريض الآن: عديم الفهم
ام الفاهم؟؟؟؟ من أين جاءت هذه الوزيرة؟؟؟؟ وفي أي جامعة تخرجت؟؟؟؟؟؟ كفاية لعب بالبلاد يا ناس..


ردود على ابونديبو
[sasa] 02-06-2014 07:56 PM
عزيزى ابونديبو اسمح لى ان ارد على صاحب الرد عليك المدعو ساهر وهذا نص ماكتبه:- ((الوزيرة كلامها صحيح. الهاكرز إنسان مريض فعلاً، ومخرب. ذكاء اللص لا يبرر عدم معاقبته رغم إعجاب الناس بذكائه. تصور أخى الكريم أن هاكرا ما دخل على المعلومات السرية لأي بنك (بنك السودان المركزي مثلا) وتلاعب في الإيداعات وغيرها ماذا سيحدث؟ وتصور أخى الكريم أن هكرا ما دخل على موقع وزاراة الدفاع السودانية وو..))

ياساهر انت احد هؤلاء:-

* انت بتتريق
* او انت منتفع به من قبل الكيزان مغفل
* او طاشى شبكة وشايلك حمار النوم

عن اى معلومات سرية تتحدث فى السودان وبنك السودان ؟؟؟... عن اى وزارة دفاع بالنبلة ورصد طائرات مقاتلة طافية النور تتحدث؟؟؟ الا تعلم عن خبير المعلوماتية الهندى بشركة سكر كنانة وسرقة الملايين

* لا ياساهر انت اكيييد بتهزر ياجدع انت

European Union [المتفائلة جدا] 02-06-2014 04:59 PM
ياساهر إنت ووزيرتك لو فرضناإنه فعلا الهكرز إنسان مريض وعنده إضطرابات نفسية ..حسى منو الهكرز نحنا ولا إنتوا ؟؟ومنو الحيدخل على معلومات التانى نحنا ولا إنتوا ؟؟المواقع مواقعنا وعاملة ليكم قلق وإنتو الدايرين تهكروها ..يبقى المريض النفسى منو نحن ولا إنتو؟؟
غايتو الإختشوا ماتوا..

United States [ساهر] 02-06-2014 11:28 AM
الوزيرة كلامها صحيح. الهاكرز إنسان مريض فعلاً، ومخرب. ذكاء اللص لا يبرر عدم معاقبته رغم إعجاب الناس بذكائه. تصور أخى الكريم أن هاكرا ما دخل على المعلومات السرية لأي بنك (بنك السودان المركزي مثلا) وتلاعب في الإيداعات وغيرها ماذا سيحدث؟ وتصور أخى الكريم أن هكرا ما دخل على موقع وزاراة الدفاع السودانية وو..

United States [Ageeb] 02-06-2014 10:38 AM
شكرا لك ابونديبو...

لو رجع الشخص "العادي،" مش وزير متخصص وكمان بتاع معلومات، لتعريف مفهوم الكاهكينج على الويكيبيديا لعرف أن الوزيرة "الهمامة" تتحدث بلسان من يعلم بما لا تعلم!

هاكر (بالإنجليزية: Hacker) أو (قرصان إن كان مخرب) عموما كلمة تصف المختص المتمكن من مهارات في مجال الحاسوب وأمن المعلوماتية. و أطلقت كلمة هاكر أساسا على مجموعة من المبرمجين الأذكياء الذين كانوا يتحدوا الأنظمة المختلفة ويحاولوا اقتحامها، وليس بالضرورة أن تكون في نيتهم ارتكاب جريمة أو حتى جنحة، ولكن نجاحهم في الاختراق يعتبر نجاحا لقدراتهم ومهارتهم.

تصنيف الهاكر أخلاقيا

الهاكر ذو القبعة البيضاء (White hat hacker)، ويطلق على الهاكر المصلح.
الهاكر ذو القبعة السوداء (Black hat hacker)، يطلق على الهاكر المفسد، وهو يسمى بالإنجليزية Cracker.
الهاكر ذو القبعة الرمادية (Grey hat hacker)، المترنح بين الإصلاح والعبث.


#907644 [محمد]
3.75/5 (4 صوت)

02-06-2014 08:06 AM
تحياتي
نصيحة حتي لو كان هناك فكرة إغلاق حقو تلغوها..
الافضل إيجاد بديل منافس لجذب القراء..
خلو الناس تذهب لما تشاء وبالمناسبة القارئ السوداني ذكي يأخذ المفيد ويترك غيره.
والله الموفق



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة