الأخبار
أخبار إقليمية
وزير الداخلية: (ما دايرين عسكري يعمل ليهو كرش)
 وزير الداخلية: (ما دايرين عسكري يعمل ليهو كرش)


02-06-2014 10:08 PM

الجنينة:أسامة عبدالماجد:

كشف وزير الداخلية عبدالواحد يوسف عن تعيينهم ولأول مرة عناصر نسائية فنية ضمن طاقم الشرطة بغرب دارفور، وأعلن عن رفع شعار ً«الشرطي أولاً»، وشدد على أهمية تطوير الشرطي والاهتمام بها. وقال لدى مخاطبته ضباط وضباط صف وجنود الشرطة بغرب دارفور إن أول الغيث قطرة وإن القطرة تبدأ بتحسين المرتبات، ونوه إلى أهمية التدريب ورفع كفاءة الشرطة، وقال بشيء من الانزعاج «ما عاوزين عسكري يعمل لي كرش»، وزاد لازم نتذكر العسكرية ونعيد «الصفا انتباه مرة أخرى». وتعهد عبدالواحد بإكمال مباني الشرطة ودعم شرطة الولاية بسيارات ومعدات والاهتمام بالخدمات الاجتماعية، وأعلن عن تأسيس مستشفى في كل ولاية.

اخر لحظة


تعليقات 14 | إهداء 0 | زيارات 4517

التعليقات
#909098 [m.saleem]
2.38/5 (4 صوت)

02-07-2014 08:19 PM
الاخ دا وزير ؟؟؟؟؟علي قول عادل امام


#909037 [متقاعد]
2.50/5 (4 صوت)

02-07-2014 06:27 PM
بشبه لي واحد من ناس الانجلو؟


#909032 [متقاعد]
3.32/5 (5 صوت)

02-07-2014 06:20 PM
لعلم الوزير الوهم.كافح الرشوة داخل وزارتك اولا.ثم الادرات الاخري(خاصة المالية)ثم في الاقسام والنقاط.ثم علي الطرق والاسواق.اتحدي انو مافي بوليس مرتشي خاصة مع هذا الوضع.ولو ما اخد بيدو اكل مع مرتشي.واتحدددددداااااااااااااااكككككككككككككككككككككك.الي يوم الدين.


#908884 [النورس]
3.82/5 (5 صوت)

02-07-2014 03:11 PM
ياوزير الداخلية ( ماعاوزين عسكري يعمل ليهو كرش ) دي عندها معنيين : ـ
1/ الكرش البتجي من كثر الاسترخاء وانعدام العمل وشراب الشاي والقهوة ساعتين والفطور اربعة ساعات والقعاد في قهاوي الشيشة ساعتين .
2/ الكرش البتجي من اكل المال الحرام والفساد الاداري والمهني والافراج عن العربات المخالفة وتمرير البضائع المخالفة من الجمارك .
اي معنى هو المقصود ياوزير الداخلية ؟
نأمل ان تسجل موقف يسجله لك التاريخ باحالة كل العناصر الفاسدة بالداخلية الى التقاعد, فقط مانخشاه ان نجد صبيحة اصدار القرار شرطة السودان( ذهبت مع الريح )


#908754 [بت قضيم]
3.63/5 (6 صوت)

02-07-2014 11:09 AM
املوا جيوبكم وربوا دقونكم


#908748 [مواطنx]
3.50/5 (7 صوت)

02-07-2014 11:01 AM
زي ما العساكر بقولوا "الشرطي العندو كرش حرامي"،المهم الكلام ده يا سعادة قولوا لروحك أول،بعدين قولوا لضباط الخرطوم بعديها لعساكر الخرطوم وأمشي خطوة خطوة لغاية ماتصل لدارفور.


#908684 [العنطـــــــــــج]
3.25/5 (6 صوت)

02-07-2014 09:36 AM
هههههههههه شيل شيلتك البشير برجعك الحله تاني، من الله ما خلقك سمعت ليك بوزير بنبز رئيس؟؟؟؟


#908612 [كوز كنافه]
3.00/5 (7 صوت)

02-07-2014 06:25 AM
البلع البلع وجقم جقم والايصالات والرشوة كيفن الكرش مابتجي ياسياتو الجماعة مناشير وتجنيب شغالين انت وين


#908599 [حمود]
3.50/5 (4 صوت)

02-07-2014 04:04 AM
والعملوا كروش سعادتك خلاص العفو والعافية وبعدين لحدي ما تأهلوا الشرطيين والشرطيات واطتنا نحن بتصبح يا سعادتك. عفه اليد وعدم الكروش ما بتحلهم زياده المرتبات بحلهم اليقين والوازع الديني الطلعتوه بالظلم والجشع وأكل مال الناس وقوتهم. وفر مستشفياتك وتاهيلاتك وكان فضل باقي قريشات امشوا استروا بيها الناس البتلقط من الكوش وأكلوا بيها الطلبه وجبات فطور بس يمكن يعرفوا ينجحوا زي أولادكم وأولاد العندهم كروش. لأنو ناس الكروش الفيهم مرقت والانت منتظرهم منهم خير ديل بضحكوا في وشك سااااااي ويصفقوا ليك.
قال ما عايزين كروش قال


#908546 [علي حبور]
3.07/5 (5 صوت)

02-07-2014 12:43 AM
نقص كرشك اولا و كروش من سبقوك على المنصب
يعنى كل ما في راسك تنقيص كروش بس لا والله فالح وشخصت علل البلد و جرائمه في (عسكري بدون كرش) ينفع شعار جامد بجانب شعار(هي لله) يا نكره


#908544 [انصاري]
2.50/5 (5 صوت)

02-07-2014 12:42 AM
هذا الأمنجي الشعبي.. لا يدري مهام وظيفته.. وجاهل حتي بحدود تكليفه.. أنت يفترض أنك وزير داخلية..وظيفة سياسية مدنية وليست عسكرية (( مالك ومال الكروش والصفا والإنتباه).. فالتترك المهام الفنية المهنية لشاغريها.. وتمارس مهامك السياسية.. وتوجه عبر القنوات الرسمية..وفقاً للتسلسل الإداري لجهات الإختصاص...(أنا متأكد وزراء الحيرة واللحظات الاخيرة.. المخلوعين في عهد (الإنقاذ).. ديل مابفهمو حتي أبسط حدود مهاهم...وزير داخلية قال... " لقد شغر هذا المنصب قامات مازالت أسمائهم تملا المكام والزمان..مثل الامير نقدالله الكبير...والشيخ علي عبدالرحمن....وغيرهم من النجوم السواطع..


#908495 [shawgi badri]
3.94/5 (7 صوت)

02-06-2014 11:09 PM
انت يا عبد الواحد ناسي انو البشير ده لسة عسكري وبيلبس كاكي واظبلايطات وقاش مقاس 207 .


#908492 [عصمتووف]
3.57/5 (6 صوت)

02-06-2014 10:56 PM
ما تنسي كرشك انت تلاقيك فرنده وراء وقدام


#908479 [abdelazim]
4.50/5 (5 صوت)

02-06-2014 10:27 PM
بالله ذ شكل وزير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة