الأخبار
أخبار إقليمية
إنفجار أزمة مكتومة بين سلطة الطيران المدني وشركة الخطوط الجوية السودانية
إنفجار أزمة مكتومة بين سلطة الطيران المدني وشركة الخطوط الجوية السودانية
إنفجار أزمة مكتومة بين سلطة الطيران المدني وشركة الخطوط الجوية السودانية


02-06-2014 10:31 PM

الخرطوم- نازك شمام

تفجرت أزمة مكتومة بين سلطة الطيران المدني وشركة الخطوط الجوية السودانية، ففي الوقت الذي قطعت فيه سلطة الطيران المدني بعدم منح (سودانير) حصة من نصيب الشركات الأجنبية العاملة في السودان لجهة أن ذلك يتعارض مع مبدأ العدالة في توزيع الفرص، اتهمت إدارة سودانير سلطة الطيران المدني بتحرير الأجواء وفتح المجال للشركات المنافسة، في وقت اتهمت فيه السلطة سودانير بالتماطل في تطوير طائراتها بالقدر الكافي لمنافسة الشركات الأجنبية، موضحة أن قرار التحرير لا يعني التكاسل عن إحداث التطور. وطالبت سلطة الطيران المدني سودانير بتطوير إمكاناتها للاستفادة من قرار تحرير الأجواء الذي أعلنته السطة في العام 2012.

وأكد مدير سلطة الطيران المدني أحمد ساتي باجوري أن الدولة لن تدعم سودانير، داعيا إدارة الشركة لوقف البكاء على الأطلال والاتجاه للدخول في استثمار مع الحكومة، مبينا أن قرار تحرير الأجواء السودانية وفتح المجال لشركات أخرى إقرار بعدم تدخل الحكومة وإنفاذ لسياسة التحرير الاقتصادي، وطالب باجوري في المنتدى الذي نظمة مجلس الوزراء أمس بشأن وضع مقترحات سودانير، برفع مقترح لمجلس الوزراء لتحديد أولويات الحكومة والطيران المدني.

من جهته أخرى طالب خبراء بإحالة ملف سودانير للنائب الأول لرئيس الجمهورية بكري حسن صالح لتعجيل المعالجات التي دفعت بها سودانير.. وكشف الشريف أحمد عمر بدر رئيس مجلس الإدارة السابق عن رهن مقر سودانير بالعاصمة البريطانية لندن إلى حين سداد الديون الخاصة بها لافتا إلى أن مطالبات الصحف السودانية لسودانير بلغت (750) ألف دولار، وأكد الشريف أن الدعم الحكومي الذي بلغ حوالي (20) مليون دولار لم يساهم في حل مشاكل سودانير، داعيا إلى عدم ضخ المزيد من الأموال وقال :"أموال قارون لن تحل مشكلة سودانير" مطالبا بتحركات سريعة لرفع الحظر المفروض على السودان لإنعاش الناقل الوطني.

اليوم التالي


تعليقات 4 | إهداء 0 | زيارات 5352

التعليقات
#908756 [المتجهجه بسبب الانفصال]
3.13/5 (10 صوت)

02-07-2014 12:10 PM
سودانير انتهيتو منها وما فضلت فيها طيارة
الخطوط البحرية السودانية انتهيتو منها وما فضلت فيها سفينة
السكة حديد انتهيتو منها
اليحوث الزراعية انتهيتو منها
مشروع الجزيرة انتهيتو منو
مصانع الغزل والنسيج انتهيتو منها واصبحتم تستوردوا الفنائل الداخلية ولباساتكم الكبيرة XXXXX Large بسبب أكل مال السحت من الصين،،،
المواطن انتهيتو منو

المحير في الامر الفصاحة وقلة الادب سوء التربية ،، والغمز واللمز ،، حرمنة وجرأة على الله وخلقو


#908590 [حمود]
3.57/5 (7 صوت)

02-07-2014 04:20 AM
يعني عشرين مليون راحت شمار في مرقه كده ساكت. طيب مافي جهات محاسبه. هو زاتو الواحد بسال في منو والله العظيم الواحد بقي زي المساطيل يتكلم براهو زي الاهبل محاسبه شنو يا حمود. المحيرني انو الناس دي لسه عندها أمل والله زكرتونا كوشه الجبل زمااااااان هوي يا حمود ما زماااااااان كمان انت أهبل زمااااااان كوشه الجبل كان فيها حاجات كتيره الواحد كان بلقاها مجدوعه. المهم زكرتونا كوشه الجبل هسه وانتو بعد ما تعملو من المؤسسات كوش عايزين تعمروها تاني. وبعدين نائب الرئيس البتقولوا تودوا ليه الملف بتاع سودانطير ده اول حاجه خلوه يكمل اللفات القدامه وبعد داك انا متأكد ميه في الميه بحلها ليكم تب مش انا حمود ده احلق باقي شنباتي الشايبه دي كان ما حلاها ليكم وكان ما عارفين تصلوه اغشو اسامه داوود بوديها ليكم مع باقي اللفات.
قوموا لفوا بلا سودانير بلا كوش معاكم قال سودانير قال


#908533 [سلطان]
2.38/5 (7 صوت)

02-07-2014 01:02 AM
الخطوط الجوية المنهوبة
الشريف ودبدر SHUT UP أيها اللص تكتل الكتيل وتمشي في جنازتو والمفترض احالتك للتحقيق وعشان بكري حسن صالح يكون في المسار الصحيح يتوجب عليه أن يبدأ بك إنت وإمام الجامع.
وربنا ينتقم منكم دنيا وآخرة إنت والمتعافي.

ملاحظين الأيام دي المتعافي كاتم صوت والحكومة مفلسة وممكن تفتش دفاترها القديمة في "أيتها" لحظة.


#908504 [عمر بدوي]
3.25/5 (6 صوت)

02-07-2014 12:18 AM
الشريف أحمد عمر بدر رئيس مجلس الإدارة السابق هو الحرامي الأول في سرقات سودانير وكان مفروض يكون الآن في سجن كوبر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة