الأخبار
أخبار إقليمية
كمبالا سيتي يهزم المريخ ويعريه أمام جماهيره - شاهد الأهداف
كمبالا سيتي يهزم المريخ ويعريه أمام جماهيره - شاهد الأهداف
كمبالا سيتي يهزم المريخ ويعريه أمام جماهيره - شاهد الأهداف


فاجأ الجماهير السودانية وأحرز هدفين في دقيقتين
02-08-2014 09:34 PM
في تمهيدي بطولة أبطال الدوري الأفريقي، فاجأ المريخ جماهيريه بأداء مخيب للآمال وظهرت العشوائية والضعف والخوار على لاعبيه الذين تفننوا في التمرير الخاطئ.
فريق كمبالا سيتي أحترم منافسه المريخ وظهر متحفظاً في المباراة، حريصاً على الأستفادة من الفرص المتاحة وفعلاً تمكن في دقيقتين من تسجيل هدفين في شوط المباراة الأول، ومن ثم تراجع لتأمين الأنتصار الثمين.

فريق المريخ أجرى تعديلين سريعين في شوط المباراة الأول ساهما في تغيير شكلي في أداء المريخ الذي ظهر باهتاً..

في شوط المباراة الثاني من زمن المباراة أستمر المريخ في عشوائيته وقلة الهمة لدى لاعبيه، اضافة لكثرة التمريرات الخاطئة، وشهد هذا الشوطين حدثين مهمين أولهما تسديدة خطيرة لكمبالا سيتي من داخل منطقة جزاء المريخ اصطدمت بأسفل القائم الأيسر لحارس المريخ.. وثانيهما ضربة جزاء للمريخ أضاعها برعونة مدافعه باسكال.


..




تعليقات 83 | إهداء 0 | زيارات 18913

صفحة 1 من 212>
التعليقات
#911421 [عباس محمد علي]
0.00/5 (0 صوت)

02-10-2014 01:09 PM
هذه هي الرياضة في عهد الكيزان
ياجماهير الكورة في المنتخب والهلال والمريخ أنتم جماهير الثورة الكادحين ما لكم ترضون بحال هلال مريخ ‏الذي صار مهزلة كغيره من مهازل ضروب الرياضة داخل وخارج السودان التي هي مولود وشقيق شرعي ‏لأفلاس وفشل وأزمة النظام مثل أشقائها من الأزمات في كل المجالات الأخرى التي تتفاقم كل يوم بسبب ‏السياسات الفاشلة لأزلام النظام من الرأسمالية الطفيلية المتأسلمة التي تعمل (البزنس) وتتربح في الرياضة ‏والصحة والأعلام...ألخ هي نفس الوجوه ( جمال الوالي ، صلاح إدريس ، ود الجبل ، مأمون حميدة ، عصام ‏البشير ، كرتي ، الخضر ، المتعافي ، الكاروري...ألخ هؤلاء هم المسئولين عن الفشل وأزمة الدواء والغذاء ‏والصحة والمواصلات والرياضة والإعلام وغلاء الأسعار والتضخم والدولار المرتفع والجنيه التعبان...ألخ فلا ‏عزاء لجماهير هلال مريخ الذين يضعون آمالهم كل مرة في الدورة القادمة أن ينصلح الحال ونشيل كأس العالم ‏بعد كأس أفريقيا ليظل الحال كما هو ليزداد سخط وإحباط الجماهير ويزداد سماسرة النهب واللهط ثراء على ‏حساب جماهير الفريقين فقراء الشعب ، هذا هو حال الهلال والمريخ هو كحال السودان الذي تأهل بجدارة ‏لبطولة كأس العالم لـ(أتعس وأفقر) عشرين دولة بإستحقاق و إذا لم يحرز الكأس دون منازع سوف يأتي ‏‏(وصيفا) في عهد الإنقاذ!!! إنتظروا‎ ‎يا ناس المريخ والهلال الهزيمة القادمة واللي بعدها واللي بعدها فلا أمل لكم ‏في ظل‎ ‎هذا النظام !!!! أتحداكم أن يفعل الهلال والمريخ والمنتخب شيئا ‏‎!!!‎
‏------------------------------------------------------‏
هذا كلام فارغ ستبدأ حملة إعلامية شرسة للتبرير الفشل والهزيمة من جديد وتجميل القبيح ولذا سنعيد ما قلناه ‏قبل المباراة وقد كانت النتيجة كما توقعنا هزيمة قادمة‎ ‎وبعدها وبعدها فلا أمل لنا في ظل هذا النظام ولهذا ندعوا ‏جماهير الهلال‎ ‎والمريخ وكل الرياضيين المشاركة في مسيرة هادرة وتخصيص يوم جمعة أو أكثر‎ ‎لتكون جمعة ‏‏(الهلال )،(المريخ)،(أهلي شندي)...ألخ ، لإظهار غضبة الرياضيين ومشاركة الجماهير‎ ‎الساخطة على كل ‏سياسات النظام الخاطئة والمجحفة التي أدخلت البلاد والعباد‎ ‎في أزمات متفاقمة كل يوم ولا حل لها إلا بتغيير ‏النظام ورحيله إلى مذبلة‎ ‎التاريخ‎...‎


#910747 [سودانى شديد]
5.00/5 (1 صوت)

02-09-2014 06:36 PM
نادى المريخ الثقافى الإجتماعى لصاحبه جمال الوالى

(هذا النادى ليس له علاقة بكرة القدم لا من قريب و لا من بعيد)

شروط العضوية:
1- ترديد هتاف الوالى رئيس طوالى
2- شراء جريدتى الصدأ و اليوم التالى
3- عدد 2 صورة فوتوغرافية بخلفية الرد كاسل
4- حضور الحفلات العامة بالرد كاسل
5- ملئ برميل مليار لإعمار الدار

زمل يزمل فهو مزمل أبو الطيران الماسورى


#910714 [الراجل]
5.00/5 (1 صوت)

02-09-2014 05:45 PM
البلد الوحيد بنضع الرجل الغير مناسب فى المكان الغير مناسب امسكها من فوق من راس الدولة وانت نازل مثلا رئيس اتحاد العمال طبيب؟ طبيب الاسنان وزير زراعة وزير السياحة قال لم يدخل بيت الخليفة من قبل .اما الكورة امرها عجيب معظم ادارات الاندية من العساكر والتجار والسماسره.فى مصر القريبه ده وزير الرياضة طاهر ابوزيد لاعب الاهلى السابق وهداف امم افريقيا88 .رئيس الاتحاد الاوروبى بلاتينى من اعظم ماانجبته ملاعب كرة القدم. هنا رئيس الاتحاد معتصم جعفر وكمال شداد مازال حى يرزق(مسخرة) شوف الصحافة الرياضية اللغة الغالبة هى لغة قاع المدينة وجل الصحفيين فاقد تربوى مما يدل على انهم مشجعين متعصبين ليس الا.وامسك الاعبين تلقاهم حايمين انصاص الليالى والسهر بالكوم فى سنتر الخرطوم مع الاداريين.وهذه نتاثج طبيعية فى ظل الفوضى والانحطاط الذى يعيشة السودان الفضل. الهلال كذلك سيخرج من الدور الاول او البعده كما خرج بلد كان اسمة السودان من الدور التمهيدى للتحضر والتقدم


ردود على الراجل
[عاطف العبد -جدة] 02-10-2014 12:19 AM
والله يا الراجل اسمعت اذ ناديت حياً **ولكن لا حياة لمن تنادي ****ولوان ناراً نفخت به أضأت **لكك تنفخ في رماد
كلامك سليم وهو الضع المقلوب عي الشعب المغلوب
سلمت


#910599 [زردية]
4.00/5 (1 صوت)

02-09-2014 03:17 PM
المدربين الاجانب لما بزهجوا من البلد المافيها بيرة باردة ولا كاس ويسكى
يقوموا بالعنية يجلطوا عشان يطردوهم وما يخسروا قروشهم


#910562 [شيخ دهب]
0.00/5 (0 صوت)

02-09-2014 02:25 PM
الله يرحم السودان وشعبه الجميل ..متيين يغشانا الفرح حتي الكورة هزائم وزلة وانكسار


#910560 [ابو احمد]
0.00/5 (0 صوت)

02-09-2014 02:24 PM
أنا أختلف مع الجميع والفرصة مازالت متاحة للمريخ للتأهل الى دور ال 32.
المريخ يمكنه الفوز فى كمبالا بفارق 3 أهداف او بفارق هدفين أوالفوز بالضربات الترجيحية.
ليس هناك مستحيل ما دام يوجد أمل وقد فعلها الهلال من قبل.
المريخ محتاج فقط لرد الثقة لنفسه ولحارس مرمى جاد وصدقونى بأن المريخ سيتأهل وقولوا خير وبلاش تسبيط الهمم الذى أضاع علينا الوطن.
وتذكروا بأن المريخ يمثل السودان و ليس مزمل أبوالقاسم.
وبالمناسبة انا هلالابى موت ولكن لا أكره المريخ وأخب الموردة كدأب معظم مشجعى الهلال.


#910549 [سودانى ساكت]
0.00/5 (0 صوت)

02-09-2014 02:13 PM
والله باسكال مشعلانى ماتشوت الضربة بالطريقة دى.


#910510 [المنجلك]
5.00/5 (1 صوت)

02-09-2014 01:37 PM
ههها ههههاى اللهم لا شماتة الظاهر المريخ خلاص نسى اللعب مع الفرق الافريقية هاك الاوربى دة. ياصهاينة اثناء المبارة بقيف معاكم فى كل الفرق الاجنبية لكن بعد المبارة هلالى بيدور سكين حمرة.


ردود على المنجلك
European Union [jalabi] 02-09-2014 03:36 PM
خلاص إنتو اقرو سورة ياسن وادخلوا بس اقول الله يشفيكم جميعا هو الناس لاقيه تاكل عشان تتابع المؤتمرجيه فى الكورة


#910483 [اسماعيل البدين]
0.00/5 (0 صوت)

02-09-2014 01:18 PM
يا اهل خير عادة المباريات الاعدادية بتكون بتدرج بعد ما الفريق ينتهي من الفترة البدنية والتكتكية ومعرفة المدرب لمقدرات لاعبيه وكيفية طريقة توظيفهم داخل الملعب, ومين يبدأ باللعب ومين يقدر يلعب شوطين وخيارات الهجوم وطرق اللعب هل يهاجم عن طريق الاطراف اما عن طريق العمق....وهكذا ومن ثم يبدأ تنفيذ برنامج المباريات بتدرج بأضعف ثم الاقوي حتي يستطيع المدرب الوصول الي تشكيلة مثالية ...لكن يا كافي البلاء المريخ من بدأ المعسكر بدأ مدافع وقافل وراء وهذه النتيجة دليل واضح لعدم وصول الفريق لمرحلة المباريات التنافسية...وصيام هدافيه عن الوصول الي مرمي الخصوم وعدم وجود قائد للفريق...والاعتماد علي نفخة الاعلام السالب العالمي وما ادراك ما العالمي...فنقول لناس المريخ وخاصة اعلامه السالب يلا خموا وصروا والجايات اكثر بس اتحزمواااا كويس وكتروا حافظات المويه!!!بعد ين يااهل الخير مباريات الدوحة دي لا في شكلها ومضمونها يمكن أن تكون مباريات أعدادية فكلها لعبت بطريقة واحدة المخارجة بأقل الخسائر وبمهاجم واحد...وهدف واحد.


#910431 [lwlawa]
5.00/5 (2 صوت)

02-09-2014 12:37 PM
مريخ الوثبة ..؟؟!! ونحن الآن في انتظار وثبة الهلال لتفسر لنا هذه الوثبة المريخية التمهيدية..والحال من بعضو ..؟؟ لك الله يا وطني وأجارك من تدافع الوثبات والوثابين وأخرجك منها واثبا ..!!


#910422 [adil]
0.00/5 (0 صوت)

02-09-2014 12:31 PM
هذا دليل قاطع لفشل معسكر الدوحه وسياسة الرجل الواحد الذى بيده كل شىء


#910397 [krkasa]
5.00/5 (4 صوت)

02-09-2014 12:16 PM
الحال من بعضوو..؟؟..من ينظر الى الكرة او الرياضة عموما، بمعزل عن السياسة العامة للبلد فهو واهم.. ولو قمت بمقارنة بسيطة بين حال الكرة وحال السياسة فالحال ياهوو ذاتو الحال ..؟؟..وفي جواي صدى الذكرى...!!
فريق كمبالا لم يعري المريخ كما يقول الكاتب، وانما المريخ جاء الى هذه المباراة وهو عريان (امفكو)..؟؟..وموهوم بالعالمية و(امريكا روسيا) قد دنا عذابها ..؟؟!! وان كمبالا سيتي لا يعدو كونه حشرة والمريخ في طريقه الى كاس العالم للأندية مع ناس بايرن ميونيخ والبرسا و..........الخ ..وهذا الوهم من ذاك الموهوم ..؟؟!!


#910383 [m.rashid]
0.00/5 (0 صوت)

02-09-2014 12:08 PM
إطلع برة


#910360 [النشوف اخرتا]
5.00/5 (3 صوت)

02-09-2014 11:53 AM
المريخ ولا الهلال م نافعين


#910358 [فؤاد]
0.00/5 (0 صوت)

02-09-2014 11:49 AM
#تمهيدابي_لاتكلمني


#910352 [كزام]
5.00/5 (9 صوت)

02-09-2014 11:46 AM
هسي المليون دولار الاديتوها لي بايرن ميونيخ عشان يغلبوكم اتنين بس كان اديتوها لي كمبالا
كان غلبتو سبعة هنا و سبعة هناك

ناس ما عندها خيال
بالمنطق كدا معناها كمبالا كان لعب مع بايرن ميونخ بدرن معاهو


#910344 [كوكو]
5.00/5 (5 صوت)

02-09-2014 11:38 AM
كمبالا سيتي سيتي كمبالا كمبالا سيتي سيتي الاراكا

مزمت ابوالفاسد و ابو جهل هيثم زبادي كابو و المهرج سلك و بقية المطبلين هم السبب في الوقعة دي

اكتشاف اخر انو تراوري تفوق على وارغو في درجة الماسورية و راجي احسن ليهو بكمل سكرو الكان فيهو

كلهم رمم و قروش الحرام بتاعة جمال الواطي لا تنفك نظهر في كل مرة بوجهها القبيح


#910342 [المبشتن]
5.00/5 (10 صوت)

02-09-2014 11:38 AM
ﻣﺮﻳﺦ ﺍﻟﺴﻮﺍﺩ ﺍﻟﻠﻴﻠﺔ ﺟﺎﻧﺎ ﺷﻤﺎﺭﻭ
ﺩﺍ ﺍﻟﻴﻮﻏﻨﺪﻱ ﻟﺨﺒﻂ ﻟﻴﻬﻮ ﻛﻞ ﺍﻓﻜﺎﺭﻭ
ﺍﻟﻘﻠﺐ ﺃﻥ ﺍﺑﺎﻙ ﺍﻟﻮﺵ ﺑﺠﻴﺐ ﺍﺧﺒﺎﺭﻭ
ﻳﺎ ﺍﻟﻤﺮﻳﺦ ﺧﻼﺱ ﻣﻦ ﻫﺴﺔ ﻧﺎﺳﻚ ﻃﺎﺭﻭ

ﺍﻟﻨﺠﻤﺔ ﺍﻡ ﺳﻨﻮﻥ ﺍﻟﻠﻴﻠﺔ ﺫﺍﺩﻭ ﺟﺮﺍﺣﺎ
ﻏﻠﺒﻮﻫﺎ ﺍﻟﺸﻔﻮﺕ ﻋﺪﻣﺖ ﻋﺪﻳﻞ ﺍﻟﺮﺍﺣﺔ
ﺗﻴﻢ ﻛﻤﺒﺎﻻ ﻓﻲ ﺍﻟﻤﺮﻳﺦ ﻟﻘﺎﻟﻮ ﻣﺴﺎﺣﺔ
ﻃﺎﺭ ﻭﺩﻋﻨﺎ ﻓﺎﺕ ﺍﻟﻌﺮﺟﺎ ﻋﺎﺩ ﻟﻲ ﻣﺮﺍﺣﺎ

ﻋﺎﻟﻤﻲ ﻗﺎﻟﻮﺍ ﻟﻜﻦ ﻓﻲ ﺍﻷﺻﻞ ﻣﺎﺳﻮﺭﺓ
ﻓﺎﺿﺢ ﺍﻟﺪﻭﻟﺔ ﻋﺎﺩ ﺧﺎﺭﺏ ﺩﻭﺍﻡ ﺍﻟﺼﻮﺭﺓ
ﺍﻟﺨﺒﺮ ﺍﻷﻛﻴﺪ ﺍﻟﺠﺎﺑﺘﻮ ﺍﻟﻌﺼﻔﻮﺭﺓ
ﻣﺮﻳﺨﻜﻢ ﻣﺮﺽ ﻣﺎ ﻋﻨﺪﻭ ﺣﺒﺔ ﻛﻮﺭﺓ

ﺍﻹﺗﻨﻴﻦ ﺻﻔﺮ ﺟﺎﺑﻮﻫﺎ ﻏﺎﻳﺘﻮ ﻓﺮﺣﻨﺎ
ﻃﻴﺮﺕ ﺍﻟﻮﺻﻴﻒ ﻋﺎﺵ ﺍﻟﺤﻤﺎﻡ ﻓﻲ ﻣﺤﻨﺔ
ﻳﺎ ﻣﺮﻳﺦ ﺟﻤﺎﻝ ﻣﺎﻟﻚ ﺩﻭﺍﻡ ﻓﺎﺿﺤﻨﺎ
ﻳﺎ ﺭﻳﺖ ﺯﻭﻟﻨﺎ ﺩﺍﻙ ﻣﻌﻂ ﺍﻟﺴﻠﻚ ﻭﺇﺭﺗﺤﻨﺎ
.


ردود على المبشتن
[sasa] 02-09-2014 03:59 PM
إييييييييييييييع عفارم عليك بشتنتهم بشتنه مرة تستاهل عرضه ( مش العرضة اياها) ومقص منى وزغرودة وشبال من ام العيال إييييييع أبشر

United States [ركابي] 02-09-2014 03:09 PM
لاتشمت في اخيك يعافيه الله ويبتليك.....الهلال برضو مستواهو زي الزفت وحيطلع من البطولة برضو ....السودان انتهي من مجاميعو مش في الكورة بس


#910333 [فلووووجا]
5.00/5 (1 صوت)

02-09-2014 11:32 AM
لم يعلق احد من كتاب الصدى اليوم ولم يكتبو شئ على موقع الصدى لماذا لم تكتب يا المتزمبر هههه قالو العالمى. بسأل؟ فى الدوحه مشو سوووو شنو؟ شكلهم ساهرو فى شاليهاتها واكلو كبثتها وسالت ريالاتهم وراء فتيات الليل ؟


#910328 [كتاحة]
5.00/5 (4 صوت)

02-09-2014 11:27 AM
المريخ اصلا كورتو من زمان بلعبوها في الجرايد

العالمي و البرنس حاور دانتي و امير كمال قلع الكورة من ريبيري و بلة بدل فنيلتو مع مين و موسى بدل لباسو مع فرتكان

و اخرا مستوى زبالة

اها يا المريخاب تاني باروا لي مزمل ابو الفاسد و بقية الرعاع

و عالمي لا تكمبلني


#910313 [أب قرن]
0.00/5 (0 صوت)

02-09-2014 11:14 AM
احسن حاجة ريحتونا من بدري وكل قرد يطلع جبلو وربنا يستر من الفضيحة في (( كم بالا )) !!


#910308 [سوداني 1]
0.00/5 (0 صوت)

02-09-2014 11:11 AM
ما في حل غير المدرب الوطني وقت اصلو النتائج زفت في زفت احسن القروش يشيلها وطني


ردود على سوداني 1
[كوشن تود] 02-09-2014 04:04 PM
صديق أنت مية مية


#910258 [جاد الرب]
5.00/5 (6 صوت)

02-09-2014 10:37 AM
كمبالا سيتي (المريخ / العالمي )
بالامس سطر كمبالا سيتي فوزا مستحقا علي المرخ العالمي كما شاع اخيرا بعد معسكر الدوحة
ولتحليل المباراة فلنقف في محطة الدوحة واللعب اما بايرن ميونخ
اولا ادت اللاعبين احساس بانهم عالميين كما روج الاعلام السالب وانطلت الحيلة امس
ثانيا لاتوجد ادارة في المريخ والفلوس وحدها لا تصنع فريق
ثالثا خلو الفريق من القائد والتعاقد مع انصاف المحترفين
رابعا كروجر ليس مدرب وعليه الرحيل فورا
خامسا ضرورة ارجاع فروق جبرا للمريخ وضرورة ابعاد الاجانب
بالعربي الفصيح لا توجد ادارة في فريق المريخ


#910246 [مواطن بايخ]
5.00/5 (9 صوت)

02-09-2014 10:25 AM
بعجبنى فى اكرم الهادى
ردة الفعل بعد دخول الهدف
بقوم بسرعة عجيبة
تبارك الله !


#910243 [ماسورة]
5.00/5 (4 صوت)

02-09-2014 10:20 AM
شيخ الغفر :
ألا صحيح يا وله يا هريدى
المريخ طلع من التمهيدى ؟
هريدى :
صح يا وله صح

............
(مبارة الباير)

شيخ الغفر :

الا صحيح يابا العمدة
العالمي دور ع الصيت
وطلع من التمهيدى ميط ؟
العمدة :
صح يا وله صح.

...........
شيخ الغفر :
يابا العمدة حيرتنى
يعنى هم طلعم يا مولاى كما خلقتنى ؟
العمدة :
صح يا وله صح.

............
شيخ الغفر :
الا صحيح يابا العمدة فاروق
البرنس خد خاذوق؟
العمدة:
اسكت ياوله ماتوديناش فى دهية..اسكت.


ردود على ماسورة
[one] 02-09-2014 11:53 AM
خليك سودانى يا(ماسورة).


#910237 [سامي]
5.00/5 (1 صوت)

02-09-2014 10:17 AM
ماغلطان المريخ غلطانين انتو والجماهير المسكينة اللى ضيعت وقتها وقروشها فى مشاهدة المريخ هسه لو جاكم ضغط البيعالجكم منو دكاترة فى البلد مافي ؟؟ ياجماعة الكورة والسياسة دي خلوها اسمعوا كلام اخوكم الكبير ؟


#910231 [المريخ الهلال وين؟]
5.00/5 (2 صوت)

02-09-2014 10:14 AM
شوفوا يا جماعة الخير اللاعبين ديل صعاليك جميعهم ولا دراية لهم بالكورة ناس بتاعين حفلات وخمور وبنات ولا مواهب لديهم ابدا عليك بالبحث في فريق يليق بالسودان --- والله لديل يجب تسريحهم الآن جميعا واصلا لا المريخ ولا الهلال الاثنين ما نافعين --------


الحمد لله يوم نميري ما الغى الكورة في السودان اذكر ذلك جيدا في السبيعنات الكورة حقتنا مازالت مريضة مرض لا علاج له ...

بعدين مشكلة الكورة عندنا هناك عنصرية في جلب اللاعبين ،،ن العنصرية هي سبب تدمير السودان سياسيا واقتصاديا وكرويا كذلك ، اهل العاصمة بيدمروا اي لاعب ياتي للعب في فرق الخرطوم وبتعنصروا عليه حتى يترك الكورة نهائي --- دا بلد اهله منحوسين والله لا وطنية وغيره لهم على وطنهم السودان الكبير

على ادراة المريخ تسريح كل لاعبي الحاليين ديل ناس صعاليك ولا مواهب لهم ويجب تبديلهم اليوم قبل الغد ............. والله الواحد حقوا لو ركبوه طيارة وقولوه فتش لينا عن ابلد لاعبي كورة في الدنيا لن يجد ابلد من لاعبي فريق المريخ الحاليين خسارة عليهم الصرف والله حبة بندول لا يستحقوا ان تصرف عليهم ...................... هؤلاء صعاليك ولا يعتمد عليهم في الحاضر او المستقبل
وكذلك فريق الهلال هو الاخر نفس الشاكلة يجب تسريحهم جميعا كلي الفريقين الهلال والمريخ واستبدالهم باجيال ذات مواهب تجمع من كل ولاية من ولايات السودان افضل لاعبين من كل ولاية ....


ومنهما يمكن تكوين فريق يتناسب وسمعة الكورة السودانية --- على جمالي الوالي عمل هذا الاقتراح وتسريح كل صعاليك المريخ والهلال معا ان كانت لكم عقول انتم ؟


ردود على المريخ الهلال وين؟
United States [one] 02-09-2014 11:56 AM
على جمهور المريخ تسريح (الوالى), إن شاء الله تانى نلعب بكرة الشُرّاب.


#910217 [أبو قنبور]
4.50/5 (2 صوت)

02-09-2014 10:06 AM
الصحافة الرياضية هي واحدة من الكوارث السودانية، مثلها مثل الفساد والانهيار الاقتصادي والسياسي والأخلاقي. مثلما وصل إلى السلطة سفهاء القوم فقد أمسك بتلابيب الصحافة الرياضية سفلة القوم إلا من رحم الله.
لقد تبين حال المريخ منذ معسكره بالدوحة القطرية، فقد خاض عدة تجارب خسر كلها وابتلعت شباكه أهداف وأهداف من كل حدب وصوب ولم يحرز شيئاً يذكر من الأهداف. وضح جلياً لكل متابع أن دفاع المريخ مفتوح مثل أرض الملح في أمريكا، أما هجومه فهو مثل إمرأة عجوز تساقطت أسنانها.
هذا هو فريق المريخ الذي يريد الإعلام تصويره مثل الوحش الكاسر ، وطبعاً كل هذه التصاوير مدفوعة القيمة، فلماذا الإحباط ونحن أدمنا الفشل في كل الاتجاهات؟؟؟؟؟


#910211 [كمبالا المفترس]
5.00/5 (4 صوت)

02-09-2014 10:03 AM
المريخ بين والخيال والحقيقة

في الخيال :

المريخ هو الزعيم ،،،، المريخ فريق عالمي ،،،، المريخ أقوى فريق في افريقيا

في الحقيقة :

المريخ يحرس مرماهو أضعف حارس في القارة

المريخ دفاعو شوارع

المريخ خط وسطو مهمته تسليم الكرة للخصم

المريخ مهاجمينو ما بعرفو يجيبو أقوان

المريخ ادارتو ضيعت قروش البلد في افاضي (معسكرات وتسجيلات ومباريات)

المريخ إعلامو ببيع الوهم لجماهيرو

المريخ مستواه اتفضح لأندية الممتاز


#910200 [محمد]
5.00/5 (1 صوت)

02-09-2014 09:57 AM
انامريخابي بركة المريخ الانهزم عشان يوفروا قروش الطيارات اصلوا ماكانوا حايجيبوا حاجة الجماعة ديل افتكروا نفسهم عالمين بعد مباراه باير مييونخ متوقعين يمشوا يلعبوا في دور ابطال اوربا رجعت حليمة لي قديمة كلهم طلعوا مواسير


#910198 [بريش منصور]
5.00/5 (3 صوت)

02-09-2014 09:55 AM
يا أخوانى الآن الأوضاع متردية فى كل شئ وليس كرة القدم فقط، البلد الآن فى أوضاع مزرية ولا إستثناء لكرة قدم أو غيره ، أزماتنا فى كل شئ فى الخبز وفى الغاز وفى الأخلاق وفى المعيشة وكذلك فى الكرة والثقافة والعلاقات الخارجية وووووووووووو فلا تتباكوا هذه هى نتائج الوثبة وسياسة الظلم والتمكين !!!!!


ردود على بريش منصور
United States [أبو قنبور] 02-09-2014 03:43 PM
كلامك تمام يا بريش وكله حقائق، وما تسمع كلام المدعو عماد سالم وتقوم تنقص(الواوات) الكتيرة بتاعتك دي، دي ما (واواوات) دا واو (دكر) مكرر وكتر التكرار يعلم الشطار. الإنهيار عام في كل المناحي والنواحي والاتجاهات والتوجهات، والإحباط أصبح النتيجة المتوقعة لكل عمل في السودان لا يراد به وجه الله، والقادم أصعب، ومع وثبة البشير مش ممكن تغمض عينيك.

[عما د سالم ابراهيم] 02-09-2014 10:34 AM
يابريش منصور لاترمي اللوم علي الاوضاع الحاصله في البلد وماتقوله ليس له علاقه بكره القدم بل ارمي اللوم علي الاداره والمدرب واللعيبه ... عندما فاز الاهلي القاهري ببطوله الانديه العام المضي كانت الاوضاع في مصر اسوأ من بلدنا بالف مره ولكن قوه اداره النادي والاعداد الجاد وعزيمه اللاعبين كانت وراء النتائج التي حققها الفريق الي ان توج بالبطوله .... وعليك الله (

الواوا) بتاعتك الكتيره دي اسحبها


#910176 [ساب البلد مجبور]
3.00/5 (2 صوت)

02-09-2014 09:40 AM
أكثر شي عجبني ...بورة صحف مزمل ....لى قدام
أنا مقتنع أن الفرق السودانية لن تحصل علي كأس في القريب ..دي مش روح إنهزاميه لكنه الواقع المرير لا فكر كروي موجود ولا ثقافة رياضية ..حتي جرينا في الملعب (مكعوج) ...شوف زي الإسمو عنكبه بكون في الجهة الشمال وهو متقدم وبعكس الكورة باليمن ...دى ما حصلت في تاريخ الكره اللهم إلا إذا رجع للخلف ...إرجو إعادة اللقطة لنتعرف علي ضحالة الفكر الكروي عندنا ...
أما عن التدريب ده موضوع كبير ..مدرب طيلة فترة الإعداد ليست لديه تشكيلة ثابته لا يرجي منه ...كلو تجريب في تجريب ..
أما ناس الهلال ناس قريعتي راحت لا يشمتو كثيرا حتي لا تكون شماتة المريخاب فيكم كبيرة بعدين ..كلكم طين في طين ..وبرضو كدى ورونا مصدر فلوس عبدالله أخو الرئيس والحاج عطا المنان ..من أين أتت وكيف نمت ..هل كسبهم حلال ...إذا كان كذلك وأتمني أن يكون حلال ..مبروك عليكم الكأس الأفريقية ...
خلونا من الجعجعة ..


#910175 [المتجهجه بسبب الانفصال]
1.00/5 (1 صوت)

02-09-2014 09:40 AM
الكرة والفرق الرياضية بالنسبة للانقاذ مجالات للكسب السياسي وتجيير الجماهير والعمل التنظيمي من خلال هذه الاندية ،، والسؤال هو من الذي استفاد من المريخ جمال الوالي ام المريخ؟ للأسف لازال كثيرون من المعلقين يعلقون بمعزل عن ربط ما يجري لكرة القدم بالسياسة ،، رغم أن الحكومة حشرت الوالي في المريخ وعبدالله ابن العارف بالله حسن البشير في الهلال والمسألة كلها سياسية ،، شعب عجيب 23 سنة من الدق والذل والتدمير الممنهج وما عايز يفهم الحاصل من المؤتمر الوطني في كافة المجالات ،، أصحوا يا بريش ،،،


ردود على المتجهجه بسبب الانفصال
United States [ابو احمد] 02-09-2014 02:04 PM
24 سنة و 7 شهور و 11 يوم!!!!!!!!


#910165 [مدحت عروة]
5.00/5 (2 صوت)

02-09-2014 09:34 AM
السودان فى عهد الانقاذ كويس فى شنو ؟؟؟
هو كويس فى حاجة واحدة فقط وهى التمزق والحروب وعدم الاستقرار السياسى !!!
مافى غير بلة الغائب البيقدر يصلح من حال البلاد والعباد!!!
مش هو قال فى لقاء صحفى فى صحيفة حكايات انه لو جابوا لاعبين ومدربين على مستوى عال ومحترفين خلوا الباقى على الناقصا بتمها والمقدودة برقعها؟؟؟
شفتوا السودان وصل لى وين؟؟؟
هسع الواحد يضحك ولا يبكى ولا يقطع شعره ولا ينضم للجبهة الثورية؟؟؟؟؟


ردود على مدحت عروة
[كوشن تود] 02-09-2014 04:16 PM
أنضم للجبهة الثورية


#910156 [المعلم]
5.00/5 (1 صوت)

02-09-2014 09:28 AM
يامزمز كروجر قال كنت اود مقابله مورينيو لا جوارديولاوبالمناسبه (كرووجن)تعني (الصدا)
ناس مغلوبين بالحيل


#910148 [فلووووجا]
5.00/5 (2 صوت)

02-09-2014 09:20 AM
اوووووووووووووووف ياحيلكم وين الفريق العالمى يامزمل ههههه


#910133 [دوشكا]
5.00/5 (1 صوت)

02-09-2014 09:01 AM
فضيحة كبرى في تاريخ نادي المريخ الليق الليق يا عواليق


#910114 [asdf]
5.00/5 (6 صوت)

02-09-2014 08:23 AM
عالمي مرشوش في استاده لا تكلمني هاهاهاهاهاهاهاهاهاهاها


#910102 [ابو شريف]
5.00/5 (1 صوت)

02-09-2014 08:06 AM
يا جماعة الخير ... السبب الرئيسي لهذه الكارثة هو المدرب .. والمريخ فيه من اللاعبين واﻻمكانيات واﻻستعداد والمعسكرات والنفسيات والمعنويات والجماهير وقيادة ما تؤهله لحمل الكأس بكل ارتياح .... ولكن رعونة المدرب وتصرفه السيء الذي اضاع احﻻم جميع الجماهير الرياضية في السودان هو السبب الحقيقي لهذه الهزيمه المرة ... لم يضع اللاعب المناسب في المكان المناسب .. ثم قام باستبعاد اهم اللاعبين من قائمة الفريق والمؤثرين مباشرة في تحسين اداء سير اي مباراة .. ثم اجري تعديﻻ سريعا في الشوط اﻻول لعدد اثنين من اللعيبة ليدرك اخطاءه القاتلة .. ولكن هيهات ... ﻻ يدري ماذا يفعل . وانتهت المباراة .. ولو ﻻ لطف الله لكان العدد وصل الي ثﻻثة اهداف في ارضنا ووسط جمهورنا ... والله اعلم في كمباﻻ .. سؤال برئ .. لو كان هذا المدرب ادخل بله جابر وهيثم مع اﻻثيوبي مع راجي ثم اولفيه .. لكان الحال غير ذلك بالتأكيد .. اليس هذا هو الصواب .... سؤال اخير .. هل سيرافق المدرب بعثة الفريق لكمباﻻ ؟؟؟؟؟؟؟؟؟؟؟ الله المستعان ........................................ هﻻﻻبي .....


ردود على ابو شريف
European Union [abuali] 02-09-2014 09:30 AM
زمان قلنا ليكم جداد ميت وحسع فطيس كمان وعندما قلنا تراوري ماسوره ماصدقتوا

United States [محتار فى خلق الله] 02-09-2014 09:18 AM
وا فيضيحتا,وووافضيحتا
هااهاهاهاهاهاهاهاهاهاهاهاهاهاهاهها
بايرن بايرن ميونخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
وشوفوا ليكم شغلة غير كرة القد ياسودانيين ( المصارعة السودانية وبسسسسسسسس)
لكن كرة قد انسوووووووووووووووووووووووووووووووا
مرضنننننننا//جاناااااااااااااااااا السكررررررررررررررررى/جانااااااااااااااا الضغط
لكن نقول


ياهووووووووده السودان اليوم
اللهم اراهتراض


#910083 [حسن جحا من كوستى]
5.00/5 (5 صوت)

02-09-2014 07:00 AM
صدقونى لو لعبوا مع ناشئات الفلبين برضو بتغلبوا


#910071 [Marawan Kanafani]
4.75/5 (3 صوت)

02-09-2014 05:58 AM
أكتر حاجة فاقعة مرارتي كتاب "الصدأ" وليس الصدى يقولوا ليك المريخ سوف يذهب بعيداً في البطولة الأفريقية هذا الموسم، مرة قالوها عن أحمد شوبير لمن حسام البدري كان مدرب ومرة قالوها عن جماهير تابعت التمارين، وفي كل مرة المريخ يذهب بعيداُ "عن" البطولة الأفريقية. أوقفوا مزمل أبو القاسم عن الكتابة وكذلك الجاهل هيثم كابو وأحرموا جمال الوالي من رئاسة المريخ مدى الحياة تستردوا مريخ مانديلا.


ردود على Marawan Kanafani
European Union [ابومازن] 02-09-2014 11:04 AM
والله اتفق معك تماما الاخ مروان -هزيمة المريخ سببها تضليل اعلامه وعلي راسهم الجاهل مزمت ابوالقاسم فهو لا ندري هل هو كاتب ومحلل سياسي ام رياضي وثالثة الاثافي جمال الوالي والذي ينفق علي المريخ من اموال الشعب السوداني (شركات المؤتمر الوطني)كمن لا يخشي الفقر- وبعد ده قول لي المريخ العالمي- امشو يا وهم


#910062 [الواثب]
4.75/5 (4 صوت)

02-09-2014 05:18 AM
مع وثيقة الوثبة الإصلاحية الإنقاذية سيثب المريخ في كمبالا وثوبا لا مثيل له لا يضاهيه وثوب الأسود والنمور... فصبرا جماهير المريخ فإن موعدكم مع الوثبة الكبرى في كمبالا..!!!


ردود على الواثب
[soso] 02-09-2014 11:31 AM
أجمل تعليق.


#910046 [ابو حاتم]
4.94/5 (5 صوت)

02-09-2014 03:14 AM
يا حليلك بالمريخ .....وين ناس ود الياس وعصام الحاج وحجوج وماهل ابو جنة وعادل ايو جريشة.....وين ناس كمال عبد الغني وعاطف القوز وابراهيم عطاو حامد بريمة وعيسى صباح الخير وعصام الدخيش وسانتو وبدر الدين بخيت والمهندس جمال ابو عنجة ...من غير فلوس وفي عهدهم هزمو كل الفرق التونسية من البن زرت الى الترجي ...ومن غير فلوس غيرت ابناء وطن مخلصييين والله انجازات واخلاق وقيم كنا نمشي استاد المريخ عشان نقابلهم ونفتخر بملاقاتهم مع العلم اننا هلالاب بس كنو نحترم مجهوداتهم لانهم اصالة وووطنية....لكن فلوس الحرام ضيعتو بها يا جمال الوالي يت نهاب تنهب مال الشعب الجائع برضو ما بتخجل ...الله يعلم بكل شي ...ارجوك يا جمال ما تلوث تاريخ المريخ شوف ليك مهنة اخري اترك المريخ الذي نعرفة ....رياضة وقوة وعزيمة واصرار والان بقي خيبة وزل وهوان من افعال الوالي الحرامي وما تنسي الاسكندرية وفيها تاريخك الاسود عندما ضربت فيها وانت كوز وحقدت علي الضربوك ومارست عليهم افعال امنك وامن المؤتمر الوطنى شردتهم....والله انا اكتب هذا وكل حزن على حال المريخ ....انا هلالابي والله بس المريخ هو الوجة الاخر للعملة هلال مريخ ...كغاية خيبة يا جمال سمعت المريخ احترمها واحترم الحماهير المريخية


#910041 [عزو]
4.50/5 (3 صوت)

02-09-2014 03:01 AM
ياناس الجرائد مثل الصدي وقوون وووو عليييكم الله بطلوا كتابة وغش اتحولو اكتبو في السياسة كان اصلكم مرضانين غش وسلفقة واموال حرام


#910039 [yasir]
5.00/5 (2 صوت)

02-09-2014 02:47 AM
الالقاب التى حصل عليها جمال الوالى لنفسه منذ توليه لرئاسة المريخ :
1- الرئيس الاعلى شعبية فى العالم العربى.
2- الوالى الغالى رئيس طوالى.
3- والى الجمال.
4- الرئيس الخلوق ( السرقة لا تفسد الاخلاق)
5_ الدكتوراة الفخرية.
بينما كانت محصلة المريخ صفرية طيشية محليا وقاريا


#910035 [عنيد]
5.00/5 (6 صوت)

02-09-2014 02:31 AM
ده مريخ جمال الوالي الامنجي الحرامي - تكببببببببببييييييييييرررررررررر


#910033 [خالد حسن]
5.00/5 (5 صوت)

02-09-2014 02:26 AM
العرجه لمراحها
شوفوا بابا الوالي خلي يبني ليكم الطابق الثالث بقروش الحرام
الكوره عاوزه جو سياسي مستقر
وطالما حاكمنا الحمار البشير ما حا نأمل باي تطور لافي الكوره ولافي غيرها
الكوره كان المؤتمر بشغل بيها الوهم المتابعينها
آن الاوان لتعي الناس ان النجاح في الكوره او غيرها يحتاج لتغيير الوضع السياسي


#909992 [السوداني]
4.75/5 (3 صوت)

02-09-2014 12:55 AM
دي نهاية الدلع والفشخرة الفارغة
عودنا اشباح المريخ دايما بالخذلان
لاروح لا حياة لاكورة لا خلقة لا اخلاق
نفسي اعرف لاعب زي هيثم مصطفي ما يدخل ال 11 لاعب الاساسيين ليه ؟؟؟؟


#909987 [اوبرا]
4.50/5 (3 صوت)

02-09-2014 12:50 AM
سبب تدهور الكرة في السودان مزمل ورمضان .. شغالين نفخ ساااااي في الجرائد المريخ العالمي وسيد البلد .. ههههههههههههههها قومو قلعو وهم .


#909984 [حلفاوي مغبون]
5.00/5 (6 صوت)

02-09-2014 12:47 AM
يحتاج الاخ جمال الوالي لمن يفهمه بات تصدر رجال المال في قيادة الاندية ليس بسبب اموالهم فقط ... وانما لرصيدهم المعرفي وخبراتهم الادارية التي ادت لنجاحهم ....

فاخونا جمال الوالي ( ترليونير ) الغفلة ومستثمر اموال المؤتمر المؤتمر الوطني لم نسمع بادارته ( لدكان بقالة في حي مرزوق ) ليؤهله ذلك لادارة نادي كان يشار اليه بالبنان واصبح الان ( مسخرة ) و( ملطشة ) مثله مثل خطاب ( الوثبة ) ....

لسنا في مكان محاسبة السيد / جمال الوالي على ثروته التي هبطت عليه من السماء مثلها مثل كثير من ( الكرامات ) التي تنزلت على كل من انتمى للمؤتمر الوطني . فهذا شأن الشعب السوداني وهو الاقدر على انتزاع ما نهب منه يوم الحساب ....

لكننا ندعوه ان يرحل غير مأسوفا عليه .... فالمريخ ليست بحاجة لمباني يتكسب منها مقاولي المؤتمر الوطني ... ولا الي مليارات نظير اشباح محترفيه ....

اذهب يارجل ومطبليك ومنافقيك ...... اذهب اثابك الله .... اذهب ودعنا نبني هذا الصرح الشامخ بمال حلال ... وايادي رجال ... اذهب لبودي كيرك ومانكيرك ...ابرم شعرك وقشر بشرة وجه وتمسح وتلمع مع رفاقك بالمؤتمر الوطني .... ودع الغبش يبنوا ما خلفته لهم من خراب ....


#909975 [سودانى طافش]
5.00/5 (14 صوت)

02-09-2014 12:35 AM
فريق كمبالا عرف كيف يرهب المريخ .. فلقد إرتدى لاعبى الفريق فانيلات باللون ( الأزرق ) وهو اللون الذى يرتعب منه لاعبى المريخ .. تكتيك موفق من مدرب ( كمبالا سيتى ) ..!


ردود على سودانى طافش
United States [ركابي] 02-09-2014 06:36 AM
تشيلسي؟؟؟ ده يضربوا بيهو ده وبكرة تشوف ابوازرق ده كان ما اتلطش هو كمان....بلد خربت في كل المجالات بقت علي الكورة


#909974 [Quickly]
5.00/5 (8 صوت)

02-09-2014 12:35 AM
دي ياها نتيجة البحبة بي قروش الحرام في قطر
اموال الشعب السوداني ,,,,,,,!!!!!!!


ردود على Quickly
United States [اوبرا] 02-09-2014 12:50 AM
سبب تدهور الكرة في السودان مزمل ورمضان .. شغالين نفخ ساااااي في الجرائد المريخ العالمي وسيد البلد .. ههههههههههههههها قومو قلعو وهم .


#909952 [الخجوقي]
5.00/5 (2 صوت)

02-09-2014 12:00 AM
طيب يا جماعة قروش المؤتمر دي ما تقع على رؤوسهم وتريحنا منهم من بشيرهم لغفير


#909949 [تنكه]
5.00/5 (1 صوت)

02-08-2014 11:59 PM
الله ده ما المريخ الي نعرفوه ديل غنم ديل حمير ديل نعااام ديل دجاج ديل ....


والله حرااام الي نشوفه ده ،، ياخي دي مهزلة مابعدها مهزلة والله اللاعبين الي شفتهم ماعندهم



اي روح ولا حماااس ولا رجولة .. والله زمااان بدون محترفين ولا سجم المريخ كان يولع الملعب


وهجوم كاسح حتى اخر دقيقة ياسلااام يامريخ ضيعوك وبهدلوك عليهم النعلة ...


#909946 [كومبارس]
5.00/5 (1 صوت)

02-08-2014 11:57 PM
لا نافعين في كورة ولا غيرها من انواع الرياضة حتي الجري مانافين فيه حتي الصعلقة ما نافعين فيها


ردود على كومبارس
[النشوف اخرتا] 02-09-2014 11:46 AM
والله كلامك صح

United States [اوبرا] 02-09-2014 12:51 AM
سبب تدهور الكرة في السودان مزمل ورمضان .. شغالين نفخ ساااااي في الجرائد المريخ العالمي وسيد البلد .. ههههههههههههههها قومو قلعو وهم .


#909943 [جدودنا زمان1]
5.00/5 (6 صوت)

02-08-2014 11:53 PM
الابداع في أي مجال يحاج إلى جو سياسي سليم ونحن نعيش في ظل الانحطاط السياسي فكيف نبدع


ردود على جدودنا زمان1
United States [اوبرا] 02-09-2014 12:50 AM
سبب تدهور الكرة في السودان مزمل ورمضان .. شغالين نفخ ساااااي في الجرائد المريخ العالمي وسيد البلد .. ههههههههههههههها قومو قلعو وهم .

United States [AP MUSTAFA] 02-09-2014 12:07 AM
اكيد اكيداكيد يحتاج لدراسه الوضع السودانى من كل شى سياسه اقتصاد كورة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#909939 [احمد هاشم]
5.00/5 (1 صوت)

02-08-2014 11:50 PM
هاردلك يا اهلنا الجايات الجاب القينان دي بكرة جمال الوالي حيمشي يشتريه ليكم عشان يشوفو ناس كمبالا سيتي مين حيجيب ليهم اقوان في مباراة الرد و كده حنكسب و كلو بقروشنا و الكاس زاتو لو بقينا عليه بنشتريه


#909937 [فتح الرحمن]
5.00/5 (1 صوت)

02-08-2014 11:48 PM
اسف انني اشجع أي فريق سوداني


#909936 [طارق الباز]
5.00/5 (3 صوت)

02-08-2014 11:48 PM
المريخاب لو بطلو العنطزة ممكن يعرفو يلعبو بس فالحين فى الفشخرة والبوبار


#909923 [ابومازن]
5.00/5 (2 صوت)

02-08-2014 11:29 PM
اتو اقعدوا فى باسكالا ما باسكالا باسكالا ما باسكالا لمن كمبالا داك يلقانا


ردود على ابومازن
European Union [عثمان] 02-09-2014 10:34 AM
والله يا ابو مازن احلى تعليق (راقي والله) افرحتنا بعد الحزن العميق بالنتيجة المخيبة وتعليقات الاخوة الجارحة والحزينة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة