الأخبار
أخبار إقليمية
ضبط إناث ضان زرعت لها أعضاء تناسلية لذكور معدة للتصدير
ضبط إناث ضان زرعت لها أعضاء تناسلية لذكور معدة للتصدير



02-09-2014 05:02 PM

بورتسودان: الخرطوم: باكاش - ابتهاج
أحبطت سلطات المحجر البيطري، المعدِّ لتصدير المواشي إلى خارج السودان، عبر ميناء الأمير عثمان دقنة، بسواكن أمس؛ أحبطت تصدير أكثر من سبعين رأساً من إناث الضان (نعاج)، تمت لها عمليات زراعة أعضاء تناسلية لذكور الضان، بغرض تضليل التفتيش البيطري، وللتمكن من تصديرها للمملكة العربية السعودية. وقالت مصادر إن محاولة التهريب إناث الضان تمت عبر دسها ضمن ماشية تصل لنحو الألف رأس، كانت معدة للتصدير على باخرة السوبر إستار إلى السعودية، وتم استقدام المواشي -بحسب المصادر- من مراعي ولايتيْ كسلا والقضارف صباح أمس الأول، لمحجر سواكن البيطري.
وأشارت المصادر إلى أن سلطات التفتيش البيطري أحبطت العملية أثناء التفتيش الذي يسبق أخذ المواشي إلى عنابر الباخرة، وكشفت عن قيام المهربين بإجراء عملية خياطة أعضاء تناسلية لذكور ضان، بخيوط رقيقة على منطقة الأعضاء التناسلية للإناث، وتم الكشف عنها والحيلولة دون تصدير إناث الضان، وتم تسليم الماشية التي تم إجراء العمليات لها للشرطة؛ فيما احتجزت سلطات الأمن الاقتصادي كلَّ الكمية التي تخص التاجر المالك للمواشي المهربة، والتي تفوق الألف رأس. وتحدثت مصادر عليمة، عن تكرار اكتشاف محاولات تهريب إناث الضان عبر ميناء صادر الثروة الحيوانية بسواكن، وقد سبق أن تم تصدير كمية من إناث الضان، تفوق أربعمائة رأس قبل سبعة أشهر للسعودية، بموجب تصديق صادر من وزير الثروة الحيوانية.
من جهته قال نائب مدير المحجر البيطري، جعفر علي حسين أبو دبيب، في اتصال هاتفي : "إن سلطات المحجر قررت أن تستقي الصحف معلوماتها عن هذه القضية من مكتب وكيل وزارة الثروة الحيوانية بالخرطوم"، وأكد امتناعهم عن الإدلاء بأية معلومات.

السوداني


تعليقات 33 | إهداء 0 | زيارات 10615

التعليقات
#911966 [صدبق]
0.00/5 (0 صوت)

02-11-2014 12:53 AM
بلد حاكمها النعجة أم بيض ، دايرها ماتمشى بالتزوير فى الأمور الثانية !؟

المثل دا سمعتو بيه زمان وأهو اتحقق ليكم


#911772 [تينا]
0.00/5 (0 صوت)

02-10-2014 07:12 PM
دى خيانة عظمى وجريمة كبرى ... خسارة تضيع ثرواتنا بهذا الشكل لحم الخروف السواكنى من أجمل لحوم الخراف الموجودة بالمملكة لأن اللحوم الأخرى بحس فيها رائحة زفارة ولا أطيقها البتة ... لذا يجب انزال أشد العقوبة للذين قاموا بهذا الأمر ليرتدع كل من تسول له نفسه اللعب بثرواتنا ...


#911743 [هنويه]
0.00/5 (0 صوت)

02-10-2014 06:36 PM
عوضنا على الله لكن على الاقل الطب البيطرى ماشى كويس فى السودان


#911388 [salah El hassan]
5.00/5 (2 صوت)

02-10-2014 12:47 PM
سمعنا بى المثل بتاع الثور القالو احلبو .!! لكن النعجة البركبو ليها اعضاء تناسلية ذكورية دى ما سمعنا بيها الا فى عهد الأنقاذ ..!!!عشنا وشفنا ؟؟؟؟؟؟؟؟


#911378 [المعلم]
3.00/5 (2 صوت)

02-10-2014 12:38 PM
شاهدت بأم عيني تاجر مواشي سعودي في جدة وهو يربي ضأن سوداني (سواكني) من أناث الضأن السوداني وقد خصص جزءً من حظيرته لهذه الخراف في جدة وهي "متورتة" بشكل جيد ويبيعها بأسعار أعلى. وقتها اندهشت جداً لوجود إناث ضمن البهائم التي استوردها بنفسه من السودان (أي سافر بنفسه وذهب إلى مناطق الانتاج ووقف على عملية الاختيار والشحن بنفسه) كما ذكر لي وله معرفة ودراية جيدة بمواقع الانتاج!!!


#911324 [أب قرن]
5.00/5 (1 صوت)

02-10-2014 11:56 AM
نعجة حاولت مع نعجة مزورة قايلاها فحل لقتها فشوش معليش خيرها في غيرها


#910959 [beskanofbes]
5.00/5 (1 صوت)

02-10-2014 01:29 AM
ده اكيد عملوها في المستشفي الصيني، لانو عندي قريبي كان عندو وجع في المنطقه الحساسه دي ومشي ل دكتور صيني قال ليهو تعال يوم الاحد نعمل ليك عمليه بس ربك لطف قام نصحو واحد قريبنا تاني قال ليهو انته مجنون تمشي لي دكتور صيني. انته عيان ولا داير تبني كبري،
واسي قريبنا العيان تمام التمام لا عمليه ولا يحزنون


#910939 [jini]
4.50/5 (2 صوت)

02-10-2014 12:33 AM
ابشروا بحكومة اهل القبلة
الترابي المرغنى المهدى
تصدير اناث وذكور بشر وماشية


#910931 [daly]
4.99/5 (7 صوت)

02-10-2014 12:19 AM
طيب ما تفتشو لينا البشكير تشوفو رابطين ليهو شنو .. قادر الله


#910925 [شهاب]
5.00/5 (1 صوت)

02-09-2014 11:53 PM
زمن نميرى صدروا الكركدى بالبذور للصين عشان يوزن
اكتر اليوم الصين من الدول المنتجه
ووزمن الانقاذ تصدر اناث الابل عن طريق شلتين الى اولاد
بمبه واناث الضان الى السعوديه


#910924 [Atif]
4.00/5 (1 صوت)

02-09-2014 11:50 PM
طيب مانحن اهو كويسين المفروض يعينوهم في مستشفي الزيتونة او رويال كير


#910909 [AburishA]
4.50/5 (4 صوت)

02-09-2014 11:23 PM
تزوير قروش قلنا ما مشكلة !!!
تزوير انقلاب الجبهةالاسلامية قلنا مامشكلة
تزوير انتخابات كلنا ما مشكلة !!!
كمان تزوير حيوانات.. وفي الحيوانات اعضاء تناسلية.. ديل ناس معفنين!!!

** كدا ياجماعة اكشفوا لينا على الرئيس والسادة الوزراء ديل ما يكونوا مُزَوَرين!!
لانو فيهم واحدين شايف حركاتهم ما ياها !!!!


#910889 [radona]
0.00/5 (0 صوت)

02-09-2014 10:56 PM
hbu]h glivf hbkhe ]i lhuk]i uvq
وترجمتها
الاعدام لمهرب الاناث ده ماعنده عرض


#910866 [ودكتريتا]
5.00/5 (1 صوت)

02-09-2014 10:18 PM
***أها....رجع دكتور (أبوسن) والزيتونة تانى رجعت لحركاتها....اللهم لا اعتراض فى حكمك يارب العالمين!!


#910834 [رانيا]
5.00/5 (4 صوت)

02-09-2014 08:57 PM
بجد أنا مصدومة . .


ردود على رانيا
[رانيا] 02-10-2014 02:58 PM
صباح الخير يااابرعي ..أقصد يا عمر

United States [OMER] 02-10-2014 12:23 PM
مصدومه من شنو

United States [AburishA] 02-09-2014 11:31 PM
انا قريت الموضوع مرتين تلاتة بين مصدق ومكضب!! العملية دي ممكن ينزلوها في موسوعة جينيس.. تزوير غير اخلاقي... دا لو حصل في دول الغرب.. جمعية الرفق بالحيوان حتقلب عليهم الدنيا,, لك الود


#910832 [فرج دابي]
5.00/5 (1 صوت)

02-09-2014 08:55 PM
في ظل وجود اهل المشروع الحضاري تشوفو اكتر كم حييييييين (بلد تكثر فيه العجائب والغرائب)


#910776 [nagimoneim]
5.00/5 (3 صوت)

02-09-2014 07:24 PM
الفاتحة علي روح الوطنية السودانية وروح الشعب السوداني ما هو فرقنا من اليهود علي الاقل اليهود يموتون في حب وطنهم اما نحن والسلام علينا . سبحان الله مواطنون يقومون بتخريب اقتصاد وطنهم ما الذي يحدث في السودان؟


#910772 [تبوشنب]
5.00/5 (3 صوت)

02-09-2014 07:13 PM
ماذا عن ذبح الاناث فى ولاية الخرطوم بقرار من السلطات


#910770 [بتاع الشاش]
4.00/5 (2 صوت)

02-09-2014 07:12 PM
بالمناسبه حتي الشاشمندي لو زرعتو تيرابو ما بقوم لانو الاثيوبيين مفتحين وقدرو ينهو فعاليه البذور...نزرع ونسقي والشاشه حالفه ماتشتغل...اما في السودان فالمساله بقت علي البشر كمان ...قطع الغيار السودانيه افضل وارخص وده بي شهاده اخوانا الرشايده...هههههه


#910757 [ساب البلد]
5.00/5 (4 صوت)

02-09-2014 06:47 PM
****** للتاريخ ****** اول من سن سنة تصدير الاناث ******** هو المأفون عصام ابن المأفون الاكبر الترابي ****** لقد بدا عمليات التصدير بداية التسعينيات علي مرئي و مسمع المسؤولين ****** لكن يا استاذ ساتي يجب كشف الجهة ***** هل هي شركة ام فرد مع ذكر الاسماء ***** لا يجب التستر علي الفساد ******* هذه جريمة اخطر من الخيانة العظمي ********* يجب تنفيذ حكم الاعدام ****** لان هذا الشخص يهدم اقتصاد البلد ******** بعد 5 او 6 سنين سوف تنتج هذه الاناث الالاف الخراف **** و تلك الدولة بدورها تقوم بتصدير ثروتنا الحيوانية بدلا من استيرادها ********* هناك حالات مماثلة تصدير اناث الابل الي مصر ***********


ردود على ساب البلد
United States [ساب البلد] 02-10-2014 12:53 AM
******** تسلمي يا كنداكة انت زولة ما ساهلة ******* اخواتنا ما نرضي فيهن *******

[رانيا] 02-09-2014 10:24 PM
لا حول ولا قوة إلا باللـه يعني ما بعتقوا أي (إناث) حتى ولو كانت إناث خراف !!
أشكرك (على دعمك لي في موضوع آخر) وأقول لك رب أخ لم تلده الست أم رانيا ..بارك اللـه فيك .


#910751 [حمد]
0.00/5 (0 صوت)

02-09-2014 06:40 PM
الناس مقومة نفسها ساكت
هسة البقر الفريزين دا جاء السودان كيف
عادى فى نقل للسللات المحسنة
زى ما جاءت للسودان من برة


ردود على حمد
United States [abu shawarib] 02-10-2014 10:49 AM
يا حمد ماتعملينا فيها تفتيحة واقرأ رد ( الراعى واعى ) بتمعن وفهم

[الراعى واعى] 02-10-2014 02:10 AM
فرق كبير .. الفريزيان ده بيكون جيل تالت غير قابل للتوليد لانتاج اناث تحمل نفس الصفات الاصلية للبقرة الفريزيان لانهم يحتفظون بجيل الاباء والاجداد لديهم كاسرار عسكرية ..
اما الضان فهى سلالات طبيعية محلية غير محسنة وتتوالد طبيعيا دون انتخاب لصفات الاباء والامهات كما هو الحال فى السلالات الهجين المحسنه كالفريزيان.


#910748 [الحقيقة المرة]
5.00/5 (2 صوت)

02-09-2014 06:36 PM
الأخ باكاش والاخت ابتهاج..
الحقيقة أن من اكتشف القصة حسب مقال الاستاذ الطاهر ساتي هو أحد العمال وليس سلطات المحجر البيطري، واليكم جزء من مقال الأستاذ الطاعر ساتي : ( ضحى البارحة، بميناء سواكن، قبل أن تبحر إحدى السفن بصادر مواشينا إلى دول الخليج، شاهد أحد العاملين بالمحاجر (مشهد غير طبيعي).. شاهد (خروفاً يتبول)، ولكن واقفاً ب( وضع نعجة)، وأهل الريف أكثر الناس علماً بالطريقتين، ومع ذلك يجب الشرح للمنفعة العامة و (كده)..فالذكر - الخروف - يكون واقفاً بوضعه الطبيعي عند التبول، ولكن الأنثى - النعجة - تباعد الأقدام الخلفية عن بعضها، (وقع ليكم؟).. تمام..فالعامل بالمحجر شاهد خروفاً يباعد أقدامه الخلفية عن بعضها، أي كما تفعل (النعجة)، ولذلك أبدى دهشته وإستطلع الأمر ..!! وكان ما كان ..
السؤال ما الذي سيحدث للمصدر ...ز أعتقد لا شيء كالعادة وحسب فقه السترة .


#910740 [ابو احمد]
0.00/5 (0 صوت)

02-09-2014 06:24 PM
انتو متاكديين دى بيضان خروف الربطوها دى ولا دا جربكس دايريين يمشوها بيهو لبعد المسافة وكثرة الضرائيب وقطاعيين الطرق


ردود على ابو احمد
[ادم شيتا] 02-11-2014 12:37 AM
الظاهر عليك ميكانيكى ب ابوحمد ... ذكرتنى نكتة المكانيكى الجا واحد مغترب واتقدم لى زولته واتززجها وسافر عدى ليه سنتين برة لما جات راجعة سالوها اها زولتك عرفتها ..قال ليهم والله ماعرفتها الزول دا كشبها جنس كشب ....ركب ليها لمبات بقدام ولساتك قودير بى وراء وضربها بوية لماعة وركب ليها فرش جديد ودفرنش ودبل قبينة .....لما تجر فيك نور طويل النملة الفى حيطة تشوفها ...


#910739 [الديك اب خيت]
5.00/5 (2 صوت)

02-09-2014 06:23 PM
يعني المثل بتاع النعحة أم بيض تحقق على أرض الواقع...عاش المشروع الحضاري الكيزاني.


#910732 [المهندس سلمان إسماعيل بخيت على]
5.00/5 (3 صوت)

02-09-2014 06:03 PM
أناث وذكور الحمرى والكباشى وصلت باكستان وإنتاجها يباع اليوم فى السوق السعودى لحم ضان جدع أطيب من السودانى بكثير ( المعروف بالسواكنى ) وعشان يسوق يباع لك الكيلو بـ 32 ريال على أنه سواكنى ولن تستطيع أن تميز بين السواكنى والباكستانى لو كان أبوك حسن خليفه العطبراوى ( أبو على ) ياجماعة نحن كسودانين راحت علينا فى الأقطان والصمغ العربى والحبوب الزيتية واللحوم بس نسأل الله يعدل لينا آخرتنا دنيانا خلاص تلفت
أى سودانى يذهب لمحلات اللحوم بشارع غبيره ويقال له دى لحمه سواكنى حيتأكد بأنها نعاجنا الحمرية والكباشية بعدما تجنست باكستانية واللى هربها سودانى مش باكستانى ومن النافذين ولا أستبعد أن يكون شريك فى مزارع الحمرى والكباشى الباكستانية يملوا جيوبهم وان شاء الله السودان يجوع ويستورد لحمته من نيوزيلنده
ضيفوا تدمير صادراتنا من الثروة الحيوانية لما دمره الجماعة


ردود على المهندس سلمان إسماعيل بخيت على
United States [هدهد] 02-09-2014 11:14 PM
ياباشمهندس اذا أصيب القوم فى اخلاقهم فأقم عليهم مأتما وعويلا . المال والاراضى التى بيعت ربما تعود لكن الاخلاق لن تعود وغدا سوف نرى الكثير والكثير من فساد هؤلاء القوم . هذا سرطان نسأل الله ان يعيننا على اجتثاثه واستئصاله .

European Union [ودالباشا] 02-09-2014 07:02 PM
مصيبة البلد ياباشمهندس ليس بنى لصوصية بنى كوز وسياسيتهم التى دمرت الوطن وجابت كوارثة الفاجعة بل انتقل الفيروس وانتشر وعم القرى والحضر واصبحت ازمة ضمائر او قل ازمة امة كاملة ولذالك رجوع السودان كسابق عهده اصعب من كنس هؤلاء اصحاب اللحى والسبابه المرفوعة الذين وطنوا البلاء والمحن والدمار فى البلاد والعباد


#910726 [تمر الفكى]
3.50/5 (5 صوت)

02-09-2014 05:58 PM
دايرين نعرف ناس الجندر رايهم شنو فى الموضوع دا.


#910723 [yousif]
5.00/5 (1 صوت)

02-09-2014 05:53 PM
غباء وجهل مصحوب بجشع وعدم وطنية ولو يدركون ماذا تفغل الشعوب لحماية منتجاتها٠
والعالم اجمع يحمي منتجاتة ماعدا السودان٠للعلم حتي اشجارالبرتقال تعالج بستانيا ويحقن لكي لايتنج بزور يستفاد
منها في الدولة المصدر لها


#910720 [البيطرى مقدم برنامج وجه النهار]
5.00/5 (2 صوت)

02-09-2014 05:48 PM
ده كلو بتحريض من السخط الشيطانى المدعو اسحق فضل وبمعاونة الهندى عزالطين والضو بلال و الجقة حسين خوجلى


#910716 [البيطرى مقدم برنامج وجه النهار]
5.00/5 (1 صوت)

02-09-2014 05:46 PM
اكيد النعاج ديل بكونوا ناس اسحق فضل والهندى عزالدين بتحريض من الضو البلال لانو كان ببيع العيش والفترتية للبهائم بسوق المناقل


#910713 [سامي البارودي]
5.00/5 (2 صوت)

02-09-2014 05:44 PM
حقاً إنه كارثة من جاهل لايعرف قيمة الثروة الحيوانية او حجم الضرر الذي سوف ينتج من جراء هذا عمل فالنتخيل ال70 نعجه كم ستلد خلال السنة وفي ابسط الاحول نقول 70 ضرب 2 يعادل 140 بعد سنتان ضرب 2مايعادل 280 راس ضرب 2 560 من الرئس وهذا خلال خمسة سنوات فقط هل سيحتاج هؤلاء للثروتنة الحيوانية بعد عشرة سنوات إذا إتخذو هذا النهج وهل سيكون المال كافي لذلك التاجر علي مدي تلك السنوات حتماً إنه جهل وهنا نعود لقضية مشابه يقال إنه حدثت في سابق الزمان ولا اعلم إن كانت صحيحة ام لا تتعلق بتصدير الكركدي ام القطن لا داري لي المانية والجماعة من اجل تذويد الكمية كانو بعبو الشوالات بي البزرة (الحب) من اجل زيادة الوزن وتلك الدولة استغلات الموقف واصبح تفرز البزر وتزرعه إلي ان إكتفة ذاتياً ومن بعد ذلك قالت لهم بلو قطنكم ولا كركديك وشربو مويتو ونخشي ان يحدث ذلك حينما نسمع اطبحو ثروتكم واكلو شيتها بأفعال امثال هؤلاء الذينا لاندري من اين خرجو واستولو علي السوق في الداخل والخارج في ظل حكومة تساعدهم علي ذلك لان مثل هذه الاشياء لاتعني لها شيئاً


#910712 [محمد شرف]
5.00/5 (5 صوت)

02-09-2014 05:43 PM
لو بالسهولة دي فتشو الناس كمان ........قادر الله الغش وصل لتغيير الجنس كمان !


#910690 [صلاح علي الشيخ]
5.00/5 (2 صوت)

02-09-2014 05:20 PM
تفتيش بيطري بتاع مين يا نصابين ،و افقتوا يا مرتشين على على تصدير إناث الإبل قبل خمسة سنوات والآن دول الخليج توقفت من استيراد الإبل ، عايزين تداروا خجلتكم ،، دولة كلها مرتشين ، و فاسدين ، اللهم أخسف بها الأرض


#910688 [Abu Mohammed]
5.00/5 (1 صوت)

02-09-2014 05:18 PM
العملية لا تحتاج الى زراعة أعضاء لأن الضان السودانى الآن تم تهريبه من زمان وتربى فى مزارع متخصصة وله مربين ينافسون به فى المنافسات المحلية وبالآف



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة