الأخبار
أخبار إقليمية
محاكمة سوداني احتال على أموال صديقه المقتول بأمريكا
محاكمة سوداني احتال على أموال صديقه المقتول بأمريكا



02-10-2014 11:00 AM

الخرطوم: مي عز الدين

فصلت محكمة جنايات الخرطوم شمال في قضية دارت أحداثها بالولايات الامريكية المتحدة اتهم فيها مواطن سوداني بالاحتيال على أموال صديقه الذي قتل على يد أحد الأجانب هناك وقضت المحكمة برئاسة مولانا الناصر صلاح الدين الحكم بالسجن عامين ودفع مبلغ 78 ألف دولار. وتعود تفاصيل القضية أن المجني عليه وصديقه يعملان في أمريكا فتهجم أحد الأجانب على صديقه ومات وأوكلت والدة المجني عليه المتهم بالقيام بكل إجراءات الجثمان ومتابعة قضية ابنها المتوفي هناك وقامت بإعطائه كامل حقوقه وهي عباره عن 78 ألف دولار وشهادة تأمين حياة ابنها المتوفى، ولكن المتهم وعد الوالدة بذلك ورجع الى امريكا وبعد مرور فترة أخبر احد الأشخاص هناك ان المتهم تصرف بالمبالغ واحتال عليهم وتم إرجاعه الى السودان وتم الحكم عليه بالسجن ولكنه لم يدفع المبلغ وهو ما زال محظورا من السفر في كل الموانئ لحين سداد المبلغ.

الانتباهة


تعليقات 12 | إهداء 0 | زيارات 9141

التعليقات
#912069 [المنجلك]
0.00/5 (0 صوت)

02-11-2014 06:57 AM
دقيقة الموضوع دة ماراكب عدلوا وبعدين ناس فرجينيا ديل غلطانيين اى تعامل مالى يجب ان يكون له ضوابط اولها الشخص المؤتمن يجب ان يكون محل ثقة. فهناك مسؤلية تقع على جالية فرجينيا.


#911979 [Abu Jackuma]
5.00/5 (1 صوت)

02-11-2014 01:08 AM
لكل من اراد الهجرة الى الغرب احزروا من الصداقة التي تفرضها عليكم الغربه ليس لان كل الناس سيؤن فما زال هناك اناس اصحاب ضمير لكن السيؤن كثر وأصدقاء المصلحه أكثر في هزا الزمان السوداني المؤلم


#911935 [الحسن والحسين]
1.00/5 (1 صوت)

02-11-2014 12:00 AM
يا جماعه فى اى صحيفه فى حاجه أسمها مصححين للغه والله لو ما ود فرجينيا شرح القصه ما كنت فهمت حاجه


#911818 [الحقيقة]
4.00/5 (1 صوت)

02-10-2014 08:25 PM
في واحد سوداني اختلس 985 الف ريال من السعودية وسافر على عجل مستغلا تجاوب وتفاعل صاحب الشركة كما ادعى بغرق ابنته في النيل ولم يعد واكتشفت الحيل والولوة والنصب بعد ذلك وتم اصدار أمر قبض عن طريق الانتربول بتاريخ 29/5/2013 وحتى تاريخه لم يرد أي رد من انتربول السودان ، حتى الاتفاقيات الدولية يتنصلون عنها بحجج واهية وضمير المسئولين مات عديل في السودان وهم يلهثون وراء مال السحت ..


#911817 [ود فرجينيا]
5.00/5 (2 صوت)

02-10-2014 08:24 PM
القصة في ولاية فرجينيا والمرحوم وصديقه والجالية السودانية ماقصرة مع المرحوم واصدقايه لكن هذا الزول جمع الكشف وتعويض التامين وسافر السودان مع الجثمان ونكر المبلغ لوالدة المرحوم لكن الحمدلله السودانيون في فرجينيا ذهبو السودان وحكو الي اهله ماجري والحمدلله الان المحكمة ماقصرة وهذا صديق خاين وانا لو لا ان ربنا طلب السترة لنزلته لكم واسمه وقبيلته ومحل سكنه وعمره لكن هو عار علي كل سوداني لانه خان من سكن معه ودرس معه والمرحوم الله يرحمه رجل مشكور كان ذا ادب وتدين وربنا يرحمه


ردود على ود فرجينيا
United States [مصعب] 02-11-2014 12:42 PM
مشكور علي التوضيح. بس يا ريت توري اسم الزول لو في طريقه . عشان تاني زول يكررها مافي .

United States [ساب البلد] 02-10-2014 09:57 PM
******* يا ود فرجينيا ******** عايزين نعرف المرحوم اتقتل كيف و ليه و المشكلة كانت شنو و منو القتلوا ؟؟؟ *******


#911747 [تينا]
5.00/5 (1 صوت)

02-10-2014 06:43 PM
تسلم من كل شر ((( ساب البلد ))) اخوى وسألت عليك العافية ان شاء الله ... والله فعلا ((( ندلمان ))) أكتر اسم مناسب له ... انسان مجرد من كل شيىء جميل ... ضيع علينا فرحتنا الله يهديه بس ... تحياتى .


#911586 [موسى محمد]
5.00/5 (2 صوت)

02-10-2014 03:43 PM
يخسي عليك وعلى صحبتك، هذا الخسيس لم يحترم صحبة صديقه المقتول ولم يقدر ثقة والدته فيه فقام بأكل السحت.
السجن هين لكن يلقى الدولارات وين في بلدنا المقشطة دي؟؟؟


#911525 [تينا]
5.00/5 (5 صوت)

02-10-2014 02:42 PM
بالله مالك علينا بعد ما فرحنا من أخونا راعى الأغنام الأمين تجى انت تنكد علينا تانى ... الله يهديك بس ...


ردود على تينا
United States [ساب البلد] 02-10-2014 05:31 PM
******* اولا حمدالله علي السلامة وين مختفية ******* و الله نفس التعليق العايز اكتبو بس سبقتيني ****** يديك العافية اختنا تينا ******* فعلا هذا الشخص مثال للندالة لم يراعي الصداقة و الخوة و الملح و الملاح ولا حرمة الميت ولا مشاعر ام المرحوم و اسرته **** فعلا يستحق لقب (ندلمان) بجدارة و (ندلمان) عكس (جنتلمان) *******


#911508 [halfaa]
5.00/5 (1 صوت)

02-10-2014 02:27 PM
يا جماعه براكم عارفين طلبة الزمن دي حتى الدكاترة منهم او منهن من الصعوبة تكتب اسمها بالعربي مش بالانقليزي اقصد بالانقلشششششش


#911368 [جاد الرب]
4.00/5 (2 صوت)

02-10-2014 12:34 PM
وداعا ايها الرجالة هذه ليس بشيم السودانيين اف اف عليك امانة ما مات راجل


#911356 [شهاب]
5.00/5 (2 صوت)

02-10-2014 12:26 PM
انا لله وانا اليه راجعون
تاكل اموال الايتام


#911331 [د]
5.00/5 (2 صوت)

02-10-2014 12:00 PM
والله ما فاهم حاجه الفاهم يشرح لينا!!!!!!


ردود على د
European Union [د] 02-10-2014 06:42 PM
يا أخ قرفان من الكيزان]
سلام,, أولا أنا متعلم أكثر منك
وياريت لو تقرأ الخبربتمعن ,, كنت فهمت قصدى ,, لان الخبر صياغته ركيكه ,, وغير مترابط ,, فأرجو أن يكون عندك حسن ظن بالناس ولاداعى للتريقه على خلق الله

European Union [قرفان من الكيزان] 02-10-2014 03:03 PM
عمرك كم سنة ؟ لو لسه صغير بنصحك ترجع وتبداء دراسة العربي من الصفر ..
شرطا ان يكون المعلم عمره لا اقل من 60 سنة و في كامل قواه العقلية

[علي خميس] 02-10-2014 02:37 PM
إذا كان هو في السجن يمنع من السفر كيف؟؟؟؟؟

Hong Kong [المغترب والمشترق كمان] 02-10-2014 01:26 PM
صائغة هذا الخبر تتعلم الكتابة(الحلاقة) على رؤوس القراء. هذه تلميذة تعاني من انتكاسة الى أمية حبوبتها. اما رئيس التحرير فمش فاضي من عد النقود .

[saeed] 02-10-2014 01:22 PM
استبدل كلمتى قامت بإعطائه - فى السطر الخامس -بكلمتى قامت بتوكيله بإستلام كامل حقوفه .

United States [محروق الحشا] 02-10-2014 01:11 PM
وانت بتفهم اصلا ياتانى الطيش ولا الطيش عديل كدا..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة