الأخبار
أخبار إقليمية
دراسة تكشف عن أن 85% من المواطنين راضون عن التعديلات الوزارية الاخيرة
دراسة تكشف عن أن 85% من المواطنين راضون عن التعديلات الوزارية الاخيرة
دراسة تكشف عن أن 85% من المواطنين راضون عن التعديلات الوزارية الاخيرة


02-11-2014 12:35 AM

الخرطوم (سونا)- كشفت دراسة للرأي العام حول التعديلات الوزارية الاخيرة في الحكومة الاتحادية أجراها مركز سوار الذهب لدراسات الديمقراطية والرأي العام أن 85% من المواطنين الذين تم استطلاعهم راضون عن التغيير الذي حدث بالحكومة ولكنهم يرون انه غير كافي .
واعلن د. اسامة بابكر مدير مركز سوار الذهب للديمقراطية ودراسات الرأي العام في مؤتمر صحفي اليوم بالمركز القومي للانتاج الاعلامي ان الدراسة اجريت علي 720 شخص من كافة الفئات والاعمار بمحليات الخرطوم وبحري وأم درمان بولاية الخرطوم باعتبار ان الولاية تمثل سودان مصغر.
واوضح ان الدراسة اعتمدت في عملها علي مقياس ريكارد الخماسي وهو من المقاييس الاحصائية المعمول بها عالميا التي تعمل علي تحليل البيانات مبينا ان الدراسة اعتمدت ايضا علي احصاءات اخر تعداد سكاني تم اجراءه بولاية الخرطوم واضاف ان تحليل الدراسة تم بواسطة خبراء في مجال الاحصاء.
وقال مدير الإعلام بالمركز عبد القادر كاوير ان الهدف من الدراسة يتمثل في سد الفجوة في مجال دراسات الراي العام وتوفير قاعدة بيانات حقيقية في هذا المجال والعمل على تعزيز الديمقراطية والمساهمة في تنمية قضايا الديمقراطية والحكم الرشيد فضلا عن المشاركة في تقييم التجارب الديمقراطية في البلاد والبناء عليها عبر اجراء دراسات علمية ومنهجية لقياس الرأي العام والمساهمة في تدعيم وتطوير قدرات النشئ والباحثين في مجال العلوم السياسية واشاعة ثقافة الديمقراطية والمشاركة الفعلية في حل بعض الاشكالات التي تواجه الراي العام في القضايا العامة .
يذكر ان المركز حمل اسم المشير سوارالذهب تقديرا للدور الذي لعبه في الحياة السياسية السودانية وباعتباره رمزا من الرموز الوطنية الخالدة.


تعليقات 20 | إهداء 0 | زيارات 2031

التعليقات
#912913 [قاطع حبلو]
0.00/5 (0 صوت)

02-11-2014 10:44 PM
ال15قي المية الباقيين ديل بكون رفضو المشاركة في الاستطلاع لان التعديل لم يشمل الولاة


#912859 [عصمتووف]
0.00/5 (0 صوت)

02-11-2014 08:46 PM
وهل كان سوار الذهب نزيها لا تصدعونا بزهد السلطة ليت لو ترك نميري يحكم ما كنا سمعنا وشاهدنا هؤلاء العواليق ليت سوار الذهب صاحب الشخصية المهزوزة الضعيفة لسلمها للشيطان تامر مع الجزولي دفع الله وضيع الانتفاضة ومستفبل البلاد وشعبها اما حكايات الاستطلاع نكته بائخة لو صدرت من سونا او جميع اجهزة الاعلام خاصة مركز س م س الامني غايتوا الا يكون الاستطلاع مر عبر الشروق مرت من هنا يطرشنا


#912787 [Amjad Ibrahim]
0.00/5 (0 صوت)

02-11-2014 06:55 PM
الغريبة الاحصاء السكاني ذاتو ضارب، كيف يستقيم ما انبنى عليه من احصائيات،

كسرة
اكتر تعليق عجبني مركز سروال الضهب للديكتاتورية للاخ ساب البلد


#912653 [Nuha]
0.00/5 (0 صوت)

02-11-2014 04:04 PM
دي ارقام وهميه ودراسه مطبووخه


#912466 [النصر للشعب]
0.00/5 (0 صوت)

02-11-2014 12:53 PM
سيبهم يقول سااى ماف زول عندو ليهم حاجه يصتفحه كلهم


#912410 [مدحت عروة]
0.00/5 (0 صوت)

02-11-2014 12:10 PM
سوار الدهب بتاع انتفاضة ابريل ولا واحد تانى؟؟؟
سوار الدهب بتاع انتفاضة ابريل اللى لمن الجيش انحاز للشعب وقالوا ليه تعال استلم السلطة الانتقالية بصفتك اكبر رتبة فى الجيش قال ليهم لكن انا بايعت النميرى كخليفة للمسلمين ولمن قالوا ليه انه النميرى خلاص الجيش قرر انه ما يرجع للحكم واذا انت ما عايز تقود الفترة الانتقالية سنضعك فى الاقامة الجبرية قام قال ليهم استخير واعطوه مهلة محددة للاستخارة وعندما تاكد ان لاعودة للنميرى وان الوضع خلاص اتغير قام وافق واذاع البيان بتاع 6 ابريل!!!
اعتقد انه راجل صوفى لكنه بيميل للحركة الاسلاموية التى لولا انقلابها على الديمقراطية وانقاذها للسودان لتفتت السودان وتمزق وضاع اقتصاده وعملته!!
شكرا للحركة الاسلاموية على انقاذها للسودان من التمزق والضياع فى الحروب وعدم الاستقرار والتى جعلت من السودان قوة عسكرية واقتصادية فى المنطقة يعمل لهل العالم والقوى العظمى الف حساب!!
السودان الآن فى ظل الانقاذ واحة من الحرية وسيادة القانون والتطور الاقتصادى والتكنولوجى والامن والسلام والاستقرار!!
شكرا لك حسن عبدالله الترابى لتفجير هذه الثورة المباركة التى نقلت السودان الى مصاف العالم الثانى وما نبالغ ونقول الاول!!!
هسع يا قراء الراكوبة تبكوا ولا تضحكوامن هذا التعليق ؟؟؟؟؟
ولا احسن تنضموا للجبهة الثورية؟؟؟؟


#912386 [حميد]
5.00/5 (1 صوت)

02-11-2014 11:48 AM
الحقو رواق جمل نسيبتو أي تقير السودانين موفقين عليهو يشيل علي وخت بكوري قال85في المائه والله ولا خمسه من السودانين الاصلين موفقين علي تقيركم ياكوز ياحرمي ياجزارين البشر


#912384 [صبري الفقري]
5.00/5 (3 صوت)

02-11-2014 11:47 AM
الناس ديل يا اغبياء ياحمير والاتنين نفس الفهم كيف يعني 85% ومن 720 شخص ماكلهم كيزان اولاد كلب


#912376 [ككو حليمة]
5.00/5 (2 صوت)

02-11-2014 11:39 AM
نفسي اعرف منهج الدراسة كان شنو، والفرضيات والاسئلة الفيهو شنو؟ يا جماعة فقعتو مرارتنا، والله صح زي ما قالوا قاعدين تخمخمو فينا سااااكت


#912272 [kamuzu]
5.00/5 (1 صوت)

02-11-2014 10:23 AM
مش دا سوار الطين الذي اتي بهؤلاء الكيزان للسلطة ...العبوا غيرها


#912244 [سوداني وراسي في السماء مرفوع]
5.00/5 (1 صوت)

02-11-2014 10:12 AM
85% هدى تمثلكم انتو كحزب ماتمثل الشعب


#912175 [hassan]
5.00/5 (2 صوت)

02-11-2014 09:25 AM
النسبة دة في ناس المؤتمر الوطني بس ما بتكون
وزراء الترضيات ديل زاتهم وزراء
لمن كمان تقول راضون عن التشكيل الوزاري الجديد
العب غيرها يا مرتزقة


#912144 [kartgi]
5.00/5 (1 صوت)

02-11-2014 08:57 AM
يكفي فقط انه مركز سوار الذهب وكيل السفاح الحصري وسارق بنك ام درمان الوطني واعفا السفاح له من المبلغ المسروق لعنة الله علي المركز وعلي من سمي به وعلي من يدعمه والسلام!!!!


#912066 [ساب البلد]
5.00/5 (4 صوت)

02-11-2014 06:40 AM
********* اذا كان عضوية الموتمر العفني 8 مليون ****** و البشير بفوز 99,9 في المية ****** اكيد الشعب كلو راضي ****** يا ناس مركز سروال الضهب للديكتاتورية ********


#912034 [حمود]
5.00/5 (1 صوت)

02-11-2014 04:12 AM
والله الا يكون استطلعوا رأي الهلالاب عن رأيهم في تغيرات كروجر في مباراه المريخ وكمبالا. قوموا لفوا بلا استطلاع بلا خيبه معاكم.


#912020 [كوز كنافه]
5.00/5 (1 صوت)

02-11-2014 03:19 AM
دي ذي حسابات مسيرة الردع ايام نميري والله ال85%ديل بعدين وبعدين قربت شديد يانافع ماتجد فيهم واحد حتي حمادة ولدك والله يهرب يخليك وانا في وانت في وتذكر دعوات المظلومين دايماً مابتقع واطة ولو سعيد انت موت او انتحر والانقاذ في


#911994 [مواطن]
5.00/5 (3 صوت)

02-11-2014 01:40 AM
مركز وهمي واحصائيات وهمية ..


#911975 [ممكون وصابر]
5.00/5 (2 صوت)

02-11-2014 01:02 AM
والله ما دام البشير بفوز بي نسبة 98% أكيييييد 85% راضين بالتعديلات


#911970 [ابن كوش]
5.00/5 (1 صوت)

02-11-2014 12:58 AM
يا ما نافع يا كذاب ويا منافق. لعنة الله عليك وعلي زيتك يا حقير.


#911962 [من المركز]
5.00/5 (3 صوت)

02-11-2014 12:47 AM
راضون عن التغيرات الاخيره؟؟؟؟؟؟ وين التغيرات دي؟؟؟ هل اطلقت حرية التعبير ؟؟؟ هل اطلقت حرية التنظيم؟؟؟ هل اطلقت الحريه للاعلام؟؟؟؟
ما شاء الله علي المركز دا !!! وعلي رمز الوطنيه الخالده!! للاسف والله انتم شعب عمركم ماتفهموا الوطنيه ولا الخلود ولا الحريه !! انا لن الومكم لانكم حتي الان لم تعيشوها ولن تفهموها اذا كل الناس عاشت تحت ظل الديكتاتوريه العسكريه مثل ما يمسيه الشعب السوداني اب عاج اخوي وسير سير يا بشير . البقاء لله في السودان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة