الأخبار
أخبار إقليمية
جهاز المغتربين يتجه لتطوير الاداء وحوسبة المعاملات
جهاز المغتربين يتجه لتطوير الاداء وحوسبة المعاملات
جهاز المغتربين يتجه لتطوير الاداء وحوسبة المعاملات


02-11-2014 12:41 AM

الخرطوم (سونا) - التقى دكتور كرار التهامي الامين العام لجهاز تنظيم شؤون السودانيين بالخارج بوفد شركة هواوي للاتصالات برئاسة وانق جنج مدير فرع السودان .
وبحث اللقاء سبل تطوير معاملات الجهاز وحوسبتها ومشروع الفيديو كونفرس واتفق الجانبان على ان توفد الشركة فنييها لتقييم البنية التقنية للجهاز ومن ثم تقديم رؤيتها للتطوير وحوسبة المعاملات.
جدير بالذكر ان هذا اللقاء جاء بترتيب ومبادرة من وحدة التواصل الالكتروني بالجهاز للاستفادة من الخبرات والانجازات المشهودة للشركة فى مجال تقنية المعلومات.


تعليقات 30 | إهداء 0 | زيارات 2763

التعليقات
#913363 [مجنون]
0.00/5 (0 صوت)

02-12-2014 11:13 AM
مشروع جديد لحوسبة الضرائب الله لايديكم عافية


#912855 [اسماعيل الطيب]
0.00/5 (0 صوت)

02-11-2014 08:42 PM
حسبي الله ونعم والوكيل


#912823 [mohammad saad]
0.00/5 (0 صوت)

02-11-2014 08:01 PM
أهم مشروع يخدم المغتربين حالياً وإلى الأبد هو "حل جهاز المغتربين" فنأمل العمل على تنفيذ هذا المشروع ونحن جاهزون لدعمه حتى النهية!!!!!!!!!


#912676 [الهمباتى الراقد تحت الشدرة]
0.00/5 (0 صوت)

02-11-2014 04:32 PM
دي همبتة جديدة بالكمبيوتر ياحليل الهمباتة الزمان يشيلو من الشبعان ويدوها الجعان اسي بقي الهمباتي كمبيوتر يشيل من المغترب التعبان هلا هلا الهمبتة بقت بالكمبيوتر ساااكت بعد كده .والله تطور عجيب


#912565 [فكرة من مغترب]
0.00/5 (0 صوت)

02-11-2014 02:34 PM
اقترح عليهم انشاء جهاز تنظيم الكيزان العاملين بالداخل تكون ادارة جديدة لاخذ الضرائب والزكاة منهم لان عددهم اكتر من المغتربين ومتاكد حيكون دخلها اكتر من دخل المغتربين الغلابة


ردود على فكرة من مغترب
[كاكا] 02-11-2014 10:39 PM
نريد بطاقة دخول وخروج مدتها 5 سنوات مثل التي تم منحها للسودانيين حاملي الجوازات الأجنبية مقابل 500 الف جنية، وكفى الله الجهاز والمغتربين شر الوجوم والوجوة المكفهرة من موظفات وموظفي الجهاز والأرزقجية المحيطين بهم،،،

[قاطع حبلو] 02-11-2014 04:18 PM
هههههه والله فكرةحلوة ما في زول سبقك عليها علي الاقل بخففو علي المغتربين شوية.


#912448 [omera]
0.00/5 (0 صوت)

02-11-2014 12:41 PM
يظهر من تعليقاتكم كلكم نسوان لانو من سمات النسوان الدعاء والولولة واللطم على الخدود والاستضافات الخجولة في التلفاز والتعبيرات الخائفة


ردود على omera
European Union [احترم نفسك يحترم الاخرين] 02-11-2014 01:26 PM
يظهر من تعليقك ان قاصر النظر والفكرة والبصيرة فيكفي ان نخاطب ادارة الراكوبة ان تحجب مثل هذه التعليقات لانها نشاذ وتدل على قصر في افكار اصحابها ومن غير اطالة ((( ليس لك باي حال من الاحوال ان تطلق كلمات او توصف بعبارات غير لائقة او تبهت او تسئ إلى اي شخص في هذا المنتدى لا حتى من ناحية شرعية ولا قانونية ولا اخلاقية))) ...


#912428 [صديق الكشيمبو]
5.00/5 (1 صوت)

02-11-2014 12:24 PM
لا تحسبن الله غافلا ....
المغترب يحمل عبء أسرته وجماعته ودعوته مستجابة، فالمسافر دعوته مستجابة حتى يرجع إلى أهله..
المغترب السوداني، لا ظهر يستند عليه، ولا محامي يدافع عنه، "تؤخذ باسمه الدنيا جميعا،، وما من ذاك شيء في يديه..
لهفي عليه وحسرتي على من لا وجيع له.. لكنها حسرة تتعالى فوق السحب لتصل تحت أقدام عرش الرحمن لتشكو ما يعانيه هذا الإنسان...


#912383 [المغترب والمشترق كمان]
0.00/5 (0 صوت)

02-11-2014 11:47 AM
جهاز "قطع طريق" المغتربين. يا حليل روبن هود يا التهامي. بختك:!!


#912353 [ممكون وصابر]
0.00/5 (0 صوت)

02-11-2014 11:20 AM
كله لإحكام القبضة على أمول المغتربين


#912338 [سوداني حر]
0.00/5 (0 صوت)

02-11-2014 11:04 AM
فرض الضرائب بطريقة غير مباشرة ،،، يعني يفرضوا رسوم علينا نظام بحدثوا في البيانات والحوسبة عليك الله لو ما كنت مغترب وضغت مرارة الاغتراب كنت قولت شنوووووو يا ود التهامي ،،، نسال الله أن يحاسبكم في الدنيا قبل الأخرة ويكون عظة وعبرة لمن يعتبر من جماعة الفساد والمفسدين .


#912315 [بالساحق والماحق يا التهامي وعلي رئيسك البشير]
0.00/5 (0 صوت)

02-11-2014 10:45 AM
التهامي الكوز اللص المهذب والمدعي الصلاح ظبط أموره مع شركة هواوى وله نصيب وعمولة من هذا العمل من دماء وعرق المغتربين وإن تنكر لذلك.
أولا نستغرب ألا يدافع الرئيس الفاسد عن قراراته القاضية باعفاء المغتربين من الضرائب, فكم من مرة رأينا أن أجهزته تتجاوز تصريحاته أم أنه كان يكذب علي المغتربين ؟ لم يستطع أن يرفع سماعة التلفون ويتصل بوزير المالية ورئيس الجهاز ويقول لهما يا جماعة المغتربين ديل أن عفيتهم من الضرائب وكلمتي ما بتنزل الواطة ...فرئيس مثل هذا الرئيس العاجز لا يستطيع أن يدافع عن قراراته فكيف به يدافع عن وطن وعن حدوده.

هذه الحوسبة بالطبع من أجل مصلحة جهاز شئون المغتربين والحكومة ولن تفد المغترب أو المواطن في الداخل في شيء . لنا الله نحن شعب السودان البائس.

نعلم جيدا أن الحكومة لن تتركنا في حالنا لربطها تجديد الجواز بالرسوم ولا يهمها أن يفقد المغترب وظيفته وطرده من البلد الذي يعمل فيه و إن كان ولا بد من ضريبة نقترح الآتي:

أن يعفي المغترب من أي متأخرات ضريبة متأخرة مع بداية تطبيق هذه الحوسبة حتي تكون البداية من الصفر.
أن تكون الرسوم التي يدفعها المغترب موحدة لا مجزأة.
عدم فرض أي دمغات أو رسوم جديدة في المستقبل إلا بموافقة المغتربين .
عدم ربط تجديد الجواز بهذه الرسوم.
علي أن يكون تجديد الجواز كل خمس أو عشرة سنوات.
أن تكون الرسوم اسميه غير مرهقة للمغترب.
فتح حساب في البنوك الخارجية في البلد الذي يتواجد فيها المغتربين باسم جهاز المغتربين حتي يتم تسديد الرسوم بصورة حضارية.

أن تكون هناك مواقع إلكترونية للسفارات في الخارج تمكن المغترب من الولوج إليها ومعرفة ما عليه من ضرائب ورسوم حتي يقف علي حقيقة ما يدفعه, وحتي لا يفاجيء المغترب نفسه عند وقوفه في شباك السفارة .

بعد كل ذلك إن شاء الله أي قرش دخل علي هذه الحكومة والجهاز من المغتربين يدخل عليها بالساحق والماحق وأولهم رئيس جهاز المغتربين ووزير المالية وعمر البشير.


#912307 [Tolba]
0.00/5 (0 صوت)

02-11-2014 10:40 AM
جهاز افلاس المغتربين . والله الزول قعد فى البلد مافى دخل ,طلع برة لازم يدفع ليهم القريشات الحوشا بالله دة كلام يعنى سيك سيك الفلس ما بخليك .


#912305 [الرزيقي]
0.00/5 (0 صوت)

02-11-2014 10:40 AM
كمغتربين ويهمنا كل ما يتخذ بشأننا, نرجو ألا ننتظر ما يقرره الجهاز بشأننا
لابد أن نعرف تفاصيل المقترح وهل يلبي طوحاتنا ويقلل من معاناتنا في الحصول على التأشيرة والخدمات الأخرى؟ هل يخلق علينا أعباء مالية جديدة؟

نأمل أن يحل المقترح المعاناة ويمكن المغترب من انجاز كل معاملاته عن طريق النوافذ المصرفية وبسدادها يتوجه للمطار للحصول على التأشيرة لحظة مغادرته مع حقه في التأكد وختم التأشيرة فعليا على الجواز في أي وقت إذا أراد ذلك وتخوف من مشكلة في النظام الجديد المقترح حيث ذلك يعني فوات السفر وتضييع الحجز وتأخير السفر وما يترتب عليه.

دعوة للنظر بإيجابية للمقترح والمشاركة فيه من كل صاحب رأي ومن الجاليات والجمعيات وعلى الجهاز فتح نافذة لتلقي الاقتراحات حول هذا الموضوع وكل المواضيع التي تهم المغترب
والله من وراء القصد


#912267 [kamuzu]
0.00/5 (0 صوت)

02-11-2014 10:21 AM
اضيف صوتي للاخ صاحب اقتراح ان من بين المغتربين من اهم اجدر بتنفيذ مثل هذه التقنية فلماذا لا يطرح الموضوع عليهم بدلا من هؤلاء الصينيون .. وضحوا فكرتم ايها الامين للكل وحتما ستنفذ وبايادي سودانية


#912229 [Dukeen]
3.50/5 (2 صوت)

02-11-2014 10:04 AM
للتوضيح بما انني مختص في مجال تقنية المعلومات ، ليعلم الجميع ان ( Video conference ) وترجمتها في ال IT ( نقل المؤتمرات والاجتماعات المرئية والمسموعة من خلال الانترنت ) بالله عليكم ، هل يخدم هذا المشروع المغتربين أو بمعنى أصح المشردين أمثالنا في شيء ، وهو مشروع جدا مكلف حتى لو كان منحه من شركة هاواي تلك لأنه يحتاج الى موارد تقنية وبشرية Resources ، يعني مذيد من المأكلة والنقه واجتماعات وضحك على الدقون ، وفساد جديد، يارا جل اتقي الله ، هؤلاء يستخدمون الاسماء الرنانة (فيديو كونفرنس وغيرها) لتضليل المواطن البسيط ، والله من يسمع هذا المصطلح العلمي يحسب ان مشاكل المغتربين (المشردين) ستحل بهذه الطريقة ؟؟؟
اهم من ذلك وباقل التكاليف اعمل الاتي :
1- اعداد قاعدة بيانات Database وبرنامج حقيقي Application Program للمغتربين
2- ربط جميع سفارات الدولة ومنافذها وجهاز جباياتكم بشبكة LAN and WAN ، لتمكن من ربط البرنامج.
3- خوادم وعتاد شبكة Servers & Hardware من شركات حقيقية وليست صينية
4- تدريب موظفيكم على استخدام البرنامج والاهم من ذلك تدريبهم على خدمة العملاء Costumer Services بذوق وادب واحترام
وذلك فقط لنتمكن من دفع ضرائبكم وغراماتكم المفروضة علينا(حسبي الله عليكم) دون عناء منا ،بمعنى ندفع بدون تعب عشان ما تبقى ميته وخراب ديار
بالمناسبة لو قدمتم شيء بسيط للمغترب المغلوب على امرة كان ممكن يكون كل ما ذكر تطوعا من المغتربين ولا شك في ذلك .

مالكم كيف تحكمون ..


#912228 [سوداني وراسي في السماء مرفوع]
0.00/5 (0 صوت)

02-11-2014 10:04 AM
المغترب تاخدون عليه ضرائب وعوائد وزكاه وغلبان بيدفع مافي حل في أيدة اش الخدمات اللي بلاقيها منكم قصاد اللي بتاخدونة ؟ غير الهم والجرجرة وضياع الوقت فى انهاء معاملاتة الله يكون في العون


ردود على سوداني وراسي في السماء مرفوع
[ود البلد] 02-11-2014 03:43 PM
وشوف آخر ماوصل اليه هذا الجهاز التعبان الذى لايخدم المغترب بشء ان الخروج النهائى بعد ما اكلوا حقو قالوا مسموح ليه بعفش اما الحاجة المهمة وهي السيارة مسموح بيها ولكن بدون تخفيض فى الجمارك والجمارك اعلا من سعر العربية يعنى نهب فى نهب ويامغترب بيع خروجك النهائى لتاجر يستفيد منو اما انت فلا تستطيع شراء سيارة وتوفير جماركا وانت جايي للجحيم نهائى يعنى ميتة مخراب ديار ناس ما فيها خير تونس تسمح للمغترب الذى قضى سنتين فقط بادخال سيارة على الزيرو اي موديل وبدون جمارك نهائى ولا ملين ديل الناس البقدروا مغتربيهم وليس كالسودان بلد الفقر والنكد


#912220 [منصور]
0.00/5 (0 صوت)

02-11-2014 09:59 AM
ياناس نحن نقول حسبنا الله ونعم الوكيل جهاز المغتربين عامل زى ود الوز عندهم لى اى شى مخرج تقول دفعت فى السعودية يقول ليك ما مربوطين مع السعودية دى مشكلة كان فقدت ايصال ياخذ حقهم دبل بياخذ الملاين وما قادرين يشترو برنامج يربط بية كان جابو برنامج ربط بيه من وين ياكل التماسيح


#912198 [ابوملاذ]
0.00/5 (0 صوت)

02-11-2014 09:47 AM
جهاز المغتربين هموا كله جمع الضرائب والحوسبه ده للضرائب فقط . ياتو يوم جهاز المغتربين عمل حاجه في صالح المغترب هم الجهاز تحقيق الربط ليصرف الموظفين في الجهاز الحافز


#912177 [wadrmdan]
3.00/5 (1 صوت)

02-11-2014 09:27 AM
يا دكتور تهامي يوجد بالمملكة العربية السعودية كفاءآت سودانية تعمل في جميع مناحي وإختصاصات الـIT وفيهم الخبراء والمستشارين، واعتقد إنك تعرف منهم من هم بالجامعات والشركات الكبرى لأنك كنت مغترب فلماذا لا تتم الإستفاده منهم والله من وراء حسن المقصد.


ردود على wadrmdan
United States [سوداني حر] 02-11-2014 11:21 AM
اها لو استفاد من الخبرات ديل ،،،، حقوا وينو طيب كيف حيلقى الكومشن حقووووووا يا حبيبنا دا لو ما طلع مساهم في الشركة أو هو زاتو رئيس مجلس إدارة أو مستشار فيها ،،،، الله يكون في عون المغترب والسوووووووووووووووووووووووووووووووووودان


#912176 [abuali]
0.00/5 (0 صوت)

02-11-2014 09:26 AM
الرجاء الربط بين الذى يرشح فى الصحف هذه الايام حول المغتربين ولقاء الاثنين فى تلفزيون الانقاذ بكرار التهامى الذى لمع المغترب واشاد به واقر بضعف الخدمة المقدمة له ولمع المغتربين لاخر حد ومايلى ذلك من ضرائب او تحويل الزامى طبعا التلفزيون مسير والجماعة خلاص مواسيرهم قطت الجنوب حرب /الخليج قالو ليهم اما ايران ام نحن /المؤسسات المالية العالمية رفضت تعطيهم/ قالوا اول ننفخ المغفلين ديل بالاعلام ثم نعمل الذى نعمله ولاحد يفتح فمه والله يستر وطبعا قبل ايام كان هنالك اجتماع بين المالية والجهاز


#912165 [وطني غيور]
0.00/5 (0 صوت)

02-11-2014 09:19 AM
ده شغل بتاع عمولات ولهط و لحس يا كرار التهامي
خلاص جميع بنود اللحس عندك خلصت فكرت في شي جديد تلهط منه يا معفن
لعنة الله عليك وعلى امثالك
يا اكلي عرق المهاجرين والكادحين


#912147 [مريود]
0.00/5 (0 صوت)

02-11-2014 09:01 AM
قال أخ عائد قبل أيام من السودان عندما عرض إيصالا ماليا ليبرهن على أنه دفع قريبا قال أخذه الموظف وذهب به إلى قسم آخلا فكانت النتيجة أن هذا الإيصال مزور وغير رسمس . قال من عندكم وعليه توقيع موظف من هنا ( المغتربين ) .

أخيرا قال له الموظف أنت عارف الناس ديل يتاعين جرجرة وأحسن ليك تدفع تاني وما تدخل في س وج ومشاكل .

صاجبنا قال لي ما عندي وقت وأنا مسافر وفهمت رسالته فدفعت وغادرت.

مبروك جاتكم الحوسبة. هاهاهاهاهاها.

بعدين نحن مطرودين من الخدمة. اللجنةعملت لينا شنو.

دايرين تعويض. إن شاء الله إعفاء ضريبي. بس كفاية.


#912138 [ود يوسف]
0.00/5 (0 صوت)

02-11-2014 08:52 AM
مشروع نصب جديد وأكل أموالنا بالباطل ...


#912100 [كلام خرابيط]
3.00/5 (4 صوت)

02-11-2014 08:11 AM
الكل يريد ان يرتع في خيرات المغتربين (مصيبة والله ) ،، شركات جايبة بنات تشتغل وشركات عايزة تعمل نظام حوسبة وتجيب كمبيوترات وتعمل توصيلات وشركات حتجي بعدها تلغي الكلام دا كلو وتعمل نظام جديد وبعد شوية نفاجأ بعمل وزيرين وكمان طاقم من الادارة جديد لرعاية شئون المغتربين وبعد شوية سيارات جديدة للسادة العاملين بجهاز المغتربين وبالاقساط المريحة جدا وبعد شوية يصبح جهاز المغتربين ينافس جهاز الجمارك ويتمنى الوزراء لو يعملون في جهاز المغتربين ،، وكمان الله يستر من ان يكون يطمع كل الخريجين والاطباء والمهندسين بالاستغناء عن شهاداتهم والعمل في جهاز المغتربين ، والمغترب عندما يريد العودة إلى غربته يجد نفسه مدين من الآخرين بسبب المبالغة في حسابات الرسوم والضرائب والزكاة الغير مبررة وبسبب الغلاء ........... ياناس يا وزير شئون المغتربين انت قايل الناس نايمة في العسل تقوم وتنوم وتسرح على كيفك ،، كلنا شايفين البيحصل دا وكل الناس بترفع اياديها للخالق الله ان ينتقم من كل من يلعب بذمم الناس المغتربين الذين اصبحوا فقراء ومظاليم بسبب السياسات المجحفة من جهاز المغتربين ومن جهاز الجمارك ووزارة التجارة الخارجية ،، هناك من هم افهم واعلم منكم وينظرون من على البعد في افعالكم القبيحة المشينة ،، ولكن لكم ان تقرأوا هذه الآية الكريمة .. قال تعالة ({ قُلْ هَلْ نُنَبِّئُكُمْ بِالأخْسَرِينَ أَعْمَالا (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا (104)) اين ستذهبون من الحساب يوم الحساب ،، واعلموا ان المغفرة التي تنتظرونها وكما يقول الناس عبد مخطئ ورب غفور ،، نعم رب غفور ولكن عندما تعرف انك على خطأ وتتمادى في الخطأ فعلام وكيف وأنى يغفر لك الله وانتم تظلمون غيركم بافعالكم ...


#912082 [محمد فريد عوض]
0.00/5 (0 صوت)

02-11-2014 07:28 AM
كيف يعنى حوسبة المعاملات ماهى الان محوسبه ولا المغترب يدخل على الموقع ويخلص نفسو بنفسو - مش ممكن ابا - فهمونا يعنى شنو الوسبه دى


#912060 [M]
0.00/5 (0 صوت)

02-11-2014 06:22 AM
Yes34


#912029 [سوداني مظلوم]
5.00/5 (1 صوت)

02-11-2014 03:49 AM
بس ميزانيكم بق قائمة على دم المغترب - يا اخي حرام عليكم ده المغترب بعاني من ويلات الغربة- ويوم في الغربة يساوي الف يوم في الوطن مفارقة الاهل والاحباب والوالدين والبنين والصحبة والسبب كلوا سياساتكم الرعناء - السودان له مقومات دولة عظمى لا ينقصه شئ الى ذهابكم الى الجحيم - حرام عليكم انتو ما بتخافوا من المولى يوم تلاقونه - ما هو ردكم بسبب تشريد ابناء الوطن حتى الى اسرائيل دولة العدو والكيان الصهيوني يعني هى أرأف بكم ومن حكومتكم بالمسلمين وفرت لهم الرعاية وسبل كسب العيش - ربنا ياخذكم أخذ عزيز منتصر - ربنا يرينا فيكم يوما اسودا يا أشر من مشى على الارض ويا ظلمة العباد - ربنا ياخذ بظلمنا منكم ويصيبكم بالداء العضال الذي ليس له شفاء انتم ومن ساندكم بقدر ما ظلمتم المواطن السوداني الذي لاذنب له غير انه لم يخرج عليكم - و يضطر اربنا اتيهم ضعيفين من العذاب المهين - سيضطر المواطن السوداني يبحث عن جنسية اخرى غير السودانية بسبب ظلمكم او يضطر الى عدم المجئ الى الوطن ويترك ذلك الى تذهبوا وذهابكم ليس ببعيد عند المولى عز وجل وهذا ليس في حسابكم - ولكنه هو الذي يؤتي الملك من يشاء وينزعه ممن يشاء - اللهم انزع ملكك منهم نزعا واتركهم من بعده مصابين بالذهول والجنون - حتى لا ينعموا بما سرقوه. سبحانك رب العزة عما يصفون وسلام على الانبياء والمرسلين والحمد لله رب العالمين وصلى الله على محمد وعلى اله وصحبه وسلم تسليما كثيرا.


#911993 [دا كلام ما صاااااح]
5.00/5 (2 صوت)

02-11-2014 01:35 AM
عشان تضاف رسوم شركة هواوى للمعاملات؟؟


#911989 [ربش]
5.00/5 (1 صوت)

02-11-2014 01:28 AM
نهب و قلع مقنن .... و ضياع حق الغلابة ..... من لنا سواك يارب .. اللهم شتت شملهم و أرينا فيهم يوماً كيوم قارون و هامان . قولو آمييييييييين.


#911965 [Abu Areej]
0.00/5 (0 صوت)

02-11-2014 12:50 AM
يعني نحن المغتربين مشكلتنا المعاملات؟؟؟ يا راجل ما تختشي شوية شوية بس


ردود على Abu Areej
United States [مغترب] 02-11-2014 09:23 AM
لا لا لا الكلام دا عشان بكرة يضيفو ليك ضريبه جديده اسمها (ضريبة التقنية) ما تستغرب

European Union [ابوريتاج] 02-11-2014 07:55 AM
اهم شيء مشكلة العمولة عشان نشوف المعاملات



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة