الأخبار
أخبار إقليمية
التبرعات تنهال على "علي جاد الرب علي أحمد " - من أبناء قرية الفردوس بريفي رفاعة
التبرعات تنهال على "علي جاد الرب علي أحمد " - من أبناء قرية الفردوس بريفي رفاعة
التبرعات تنهال على


( ليت كل الولاة جاد الرب) إبن السودان " الراعي " بالسعودية
02-13-2014 05:47 PM
الطاهر ساتي

:: الإمام علي، كرّم الله وجهه، يدخل مسجداً بعد أن يُمسك لجام بغلته لإعرابي..ثم يعود بنية تحفيز الإعرابي بدرهمين، ولكن يجد البغلة بلا لجام، فالإعرابي قد مضى به (سارقاً).. ويناول غلامه الدرهمين ليشتري لجاماً للبغلة، ويقصد الغلام سوق الديار ثم يعود باللجام المسروق، أي باعه بدرهيمين ..وهنا يقول علي كرَم الله وجهه : (أن العبد يحرم نفسه الرزق الحلال بترك الصبر)..نعم، لو صبر هذا السارق لرزقه الله بالدرهمين (حلالاً طيباً)..ومن نفائس الشيخ الشعراوي، عليه رحمة الله : ( السارق يسرق رزقه، ولو صبر قليلاً لحصل عليه، ولكنه إستعجل أمر ربه و سرقه، فأصبح حراماً)..وعليه، كما الإنتصار في الحرب (صبر ساعة)، فالإنتصار على هوى النفس الأمارة بالسرقة أيضاً ( صبر ساعة)..!!

:: و إبن السودان بالسعودية، علي جاد الرب علي أحمد - من أبناء قرية الفردوس بريفي رفاعة بولاية الجزيرة - كان قد أقسم للسعودي الذي إختبر أمانته بشراء شاة بمائتين ريال : ( ورب الكعبة لو إديتني 200 الف ريال ما أبيع ليك حاجة ما حقتي)، أو هكذا أقسم بمقطع الفيديو الذي تحول إلى مادة إعلامية بإعلام الخليج والمواقع الإلكترونية ومجالس جاليتنا هناك..وقبل أن يمضى الأسبوع على نشر المقطع وعرضه ببعض فضائيات الخليج، تنهال التبرعات والحوافز - بجانب الدعوات الصالحات - على الراعي (علي جاد الرب)..الشيخ السعودي إبراهيم الدويش يحفزه ب (20.000 ريال، والمواطن السوداني أحمد محمد أحمد صالح يحفزه ب ( 10.000 ريال)، والمواطن السعودي أبو محمود يحفزه ب (2000 ريال)، و..( 32.000 ريال)، عفواً، هذا ما رصدته خلال إطلاع سريع لبعض الذين تفاعلوا مع مقطع الفيديو، وبالتأكيد هناك آخرين..!!

:: تأملوا..فالحرام الذي تم عرضه لعلي جاد الرب بتلك الفيافي ( 200 ريال).. ليس مهماً إن كان العرض إختباراً أو جدياً، إذ علي جاد الرب لم يكن يعلم نواياهم.. فالمهم، رفضته نفسه المؤمنة بقيم الدين ومكارم أخلاق أهل الأرض، ليكسب (32.000 ريال)، حلالاً طيباً..فالذي يغادر أهله ووطنه ليعمل راعياً بتلك الفيافي البعيدة عن المدائن والأرياف نظير مبلغ لايتجاوز (1000 ريال)، هم أكثر الناس تعباً وحاجة إلى المال، ومع ذلك هم الأعمق ( صبراً وقناعة).. تحيط بهم وبظروف حياتهم وأوضاع أسرهم كل (دوافع السرقة)، ومع ذلك يقهرون دوافع الحياة الدنيا بتذكر ما هم عليها مقبلون في حياة الآخرة، وهذا ما جسده علي جاد الرب وهو يرفع سبابته إلى السماء مخاطباً السعودي : ( لمن أرقد في الشبر، ح يحاسبني الله ولا إنت؟)..!!

:: المهم..حياتنا العامة - قبل الخاصة – هي التي بحاجة إلى أمانة (علي جاد الرب)..نعم، لكي يتشبع المجتمع وأفراده بمكارم الأخلاق، لا بد من قدوة يقتدون بها، ولا بد من ولاة أمر يكونواً (خُداماً وحراساً لمكارم الأخلاق) وليسواً (حكاماً وسلاطيناً على الشعب)، فالناس على دين ملوكهم..وأن يحتفي أهل الخليج بأمانة علي جاد الرب قد يبدوا طبيعياً لمجمتع يكتظ بالوافدين بغرض المال..ولكن، عندما يحتفي مجتمعنا السوداني - كما مجتمع الخليج - بأمانة علي جاد الرب، فهنا علينا طرح سؤال متوجس من شاكلة : ( ما الجديد في الحدث، لنحتفي به؟).. حسب تاريخ أجدادنا و ما توراثناها من كريم خصالهم، كل فرد في مجتمع بلادنا ( علي جاد الرب)، فما المُدهش؟..سؤال إجابته تعيدنا إلى أهمية إختيار القدوة في كل ساحات العمل العام، بحيث يكون هذا المقتدى به قادراً على ترسيخ الفضائل في المجتمع ..فالمناخ العام الذي صنعته السلطة - و سادتها - ساهم كثيراً في هز ثقة أفراد المجتمع السوداني في أنفسهم وبعضهم، ولهذا صار علي جاد الرب (رمزاً وطنياً)..!!
[email protected]

..


تعليقات 41 | إهداء 0 | زيارات 14966

التعليقات
#916551 [moiez]
0.00/5 (0 صوت)

02-16-2014 12:19 AM
ي سيد م اسمو جاد الرب كدا الجريده دي فقدة مصداقيته بي النسبه لي واسمو الطيب


#916250 [كاره السفارة]
0.00/5 (0 صوت)

02-15-2014 04:05 PM
1 / تضاربت الاقوال عن من هو الراعي الذي تم امتحانه واجتاز الامتحان بجدارة


مره نسمع ونراء انه من شرق سنار ومرة نسمع ونقراء انه من رفاعة ؟ ؟ ؟


2 / اذا كان من سنار او من رفاعة او الشرق او الغرب فانه مفخرة للسودان


وهكذا كل السودانيين ماعدا الحرامية بتاعين المؤتمر والحكومه ولو كان هذا


الامتحان لاحد اعضاء المؤتمر او لناس القصر خاصة للحاج ساطور كان لفح ال


200 ريال وباع ليهم باقي الغنم (( حراميه ))


3/ الجماعه العملوا الاختبار للراعي كانوا عاوزين يظهروا الفرق بين الرواعيه


الراوتبهم الف ريال بالشهر وبين وزراء وسفراء السودان رواتبه عاليه ودخولهم


كبيرة واخلاقهم وامانتهم وشرفهم وضيعة .


4/ سفارة الجن والعفن وسفيرها وقنصلها وكل اركانها كأن الامر لايعنيهم ابدا


المفروض احد كبار السفاره (( كبير الله )) كان يركب عربيته ويمشي يحدد


الراعي ده منو ومن وين ويفاخر بيه بين الجاليات ويكرموه علي اعلي مستوي


5/ سفراء السودان في كل بلاد العالم هم من ارذل السفراء والسفارات


بس فالحين في الضرائب والزكاة ودمغات الجريح والقناة والخدمات مش كده ؟؟


#916194 [sami]
0.00/5 (0 صوت)

02-15-2014 02:32 PM
الراجل حسب الخبر الوارد من صحيفتكم الموقرة اسمه يوسف الزين ومن شرق سنار , واجري معه لقاء في المملكة ورونا الحقيقة


#916070 [سوداني]
0.00/5 (0 صوت)

02-15-2014 12:25 PM
our president learn honesty fron shepherd ok ,


#916057 [sudani]
0.00/5 (0 صوت)

02-15-2014 12:01 PM
باسم الحق اوقفوا مهزلة جاد الرب المحتال ومن ساندوه بالقصائد والثناء القصة مفبركة واخونا قال استغل طيبة هذا الشعب ويعيش بطولة بطله لازال بالمملكة سالتكم بالله تحرو الحقيقة وقدمو التحيه والثناء لمن يستحق


#915826 [sudani]
0.00/5 (0 صوت)

02-15-2014 01:07 AM
منو جاد الرب يااحبة ده واحد محتال فال والله المواقف المرت بيه كثيرة شوف اسبلوب الاحتيال الراعي كما جاء في التوضيح هو الطيب وماننسب امانتو لي واحد يعتبر محتال ويدعي التعفف *


#915590 [kandimr]
5.00/5 (1 صوت)

02-14-2014 05:28 PM
هذا تبرعى للراعى ولكل سودانى مغترب...أوليس من المخجل أن يهاجر (الراعى) و(الزارع) من بلد فسيح وممتلئ بالأنعام.. فالنسقط النظم (الظلامية) التى أدت الى هذه النتيجة.المخزية.الوخيمة!..(الهؤلاء) من (المتأسلمين) و(العسكر) وسدنتهم من (الطائفيين) ونسلهم و(أجهزة) الجباية. والقمع .والتجسس ..ولنناضل لقبرهم وإرسالهم الى جهنم مثواهم..(كفارة) لهم !..بل نقتص منهم وليكون شعارنا (العقاب) أولا..والكنس ثانيا.وليس ما أسموه (الحوار!).والى (القصر والسراى والجنينة والمنشية! حتى (النصر)..لنحقق شعار(زريبة) و(خيمة) و(بهائم) ..أو.. (حواشة) و(قطية) و(بقرة).. (حق) مجانى ومدعوم لكل راشد سودانى وسودانية فى موطنه..أنها أمانة فى أعناقنا فهيا (للكفاح)...وأشحذوا (السلاح)..أرفعوا الهتاف ..نحن رفاق الشهداء *.صدورنا سراقة الكفاح* عيوننا طلائع الصباح* اكفنا الراية البيضاء والسلاح* نبايع السودان سيدا* نبايع الثورة والداً وولدا*.ولتعد يأبننا(الراعى الصالح) لوطنك وليعد وطنك اليك..وليلطف الله بنا جميعا..


#915568 [الحلفاوي القرفان]
0.00/5 (0 صوت)

02-14-2014 04:42 PM
يا اخوانا الراجل اسمه الطيب يوسف الزين من شرق رفاعه وما زال موجودا

باملج ...ما تصدقوا ناس الشروق والبلطجيه من ناس الحكومه ..حتي العشرين

الف الجات من ربنا للراعي المسكين ده دايرين تلهفوهو ...ذكرتني هذه الواقعه

بان ادارة التلفزيون والاذاعه عدلت امتيازات وتقييم اغاني الفنانين واعادة تقييمها

لكسب ود الفنانين في عهد الانقاذ ..المهم الشاعر المؤلف الاغنيه كذا والملحن كذا ..

والفنان كذا ..قال ليك الفنانين اتكبوا علي المبني ..وقاعدين يصرفوا ..

الكابلي راح صرف حقوقه وطلب قيمة اغنية اراك عصي الدمع ...وهي للشاعر الجاهلي ابي فراس

الحمداني ..فصرفوا ليهو حق اللحن والاداء ..فقال لهم ادوني حق الشاعر ..وروهو

التوقيع قالو ليهو علي الطلاق جاء صرف هسع وطلع ....فالجماعه ديل حيجيبوا جاد الرب

ويصرفوا ليهو بشهادة حسين خوجلي انو هو الرجل المعني ...


#915473 [Nazimco]
0.00/5 (0 صوت)

02-14-2014 02:17 PM
الأمانة موجودة فى غالبية الشعب السودانى وارشح هذا الشخص لكى يكون رئيساً للسودان


#915405 [ansary]
3.50/5 (2 صوت)

02-14-2014 12:20 PM
لا أعرف من الذى أتى بهذا الإسم ( على جاد الرب ) و من الذى قال لكم إنه من رفاعة ؟؟؟ من يمارس الصحافة عليه أن يتحرى مصادر الأخبار جيداً حتى لا يصبح أضحوكة فنحن نعيش فى عصر تتوفر فيه كل المصادر بسهولة , الرجل ذهبت له صحيفة تبوك الحدث و أجرت معه حوارأ و إسمه بالكامل :
الطيب يوسف الزين أحمد من شرق سنار و الحوار موجود الآن فى الراكوبة بالصوت و الصورة .


#915344 [نص صديري]
2.00/5 (1 صوت)

02-14-2014 11:01 AM
استغرب ان كل من إهتمو بأمانة الراعي السوداني نسو القضية الاهم وهي ان حتى الرعاة يهاجرون من السودان وهذه مأساة تبين الدرك السحيق الذي وصل له السودان حتى نهاية السبعينات كانت العلاقة بين السودان والسعودية تنحصر في موسم الحج وكان عيب للسودانيين الهجرة من ارضهم نعل الله العوذ والخنوع اباءة وشيمة السودانيين اصبحت ماركة منقرضة لهذا عاد وطن لابواكي له


#915297 [النمر]
2.00/5 (1 صوت)

02-14-2014 09:34 AM
الزول ظهر ما جاد الرب وموجود في السعودية حتي الان كفاية كذب غلي الشعب السوداني الأصيل وتحرو الدقة عن نشر الأخبار في منظومة إعلامكم وأخوها الامين هذا ما زال يرعي الأغنام في املج


#915231 [الرماد الكال حماد]
0.00/5 (0 صوت)

02-14-2014 04:58 AM
الراعي لو طلع شيوعي ههههههههههههه الضحك شرطكم


ردود على الرماد الكال حماد
United States [ساب البلد] 02-14-2014 03:00 PM
****** فعلا شيوعي لان الشيوعين فيهم الامانة و الصدق و عفة اليد ******* لو كان طلع كووووووز كان باع المراح كوووووووولو *************

United States [الحطيبي] 02-14-2014 10:29 AM
عيب عليك... عمر أولاد البلد ما فكروا بطريقتك دي.... فعلا كما استعرت اسمك.... الرماد كال السودان لأنو لآمي المتردية والنطيحة وما ترك السبع بعد أن أكل كل ما هو طيب وكريم .... سبحان الله


#915193 [نيابة عن كل سوداني]
2.00/5 (1 صوت)

02-14-2014 02:05 AM
شكرا للرجل ولنتوقف عن اكل لحمه او نحرص على ذكر ما يريح ضميره وندعو له بالخير في الدنيا والآخرة ونرجو عدم تقطيعه بين القبائل هو سوداني وكفى قولو خيرا في هذا الرجل.


#915122 [halfaa]
2.00/5 (1 صوت)

02-14-2014 12:05 AM
بارك الله فيه ومثله كثر ولكن لا اعلام يكتب عنهم اخلاق السودانيين معروفة للقاصى والداني خاصة عند اهل الخليج ومع ذلك هناك من يحاول ان يشوه صورتهم مثل الاخوان المصرييين دائما بالمرصاد للسودانيين بشكل خاص لانهم ينافسونهم في اي وظيفة تتعلق بالمال ... انا كنت راعي لفترة واعرف حالات كثرة بارك الله لكل من رفع اسم السودان ولعنت الله على المفسدين داخل السودان خاصة الوزراء والولاة وكبار موظفي الدولة عليهم من الله ما يستحقون ..


#915121 [عتيبيه]
4.00/5 (2 صوت)

02-14-2014 12:05 AM
السلام عليكم ورحمه الله وبركاته

اعرض الزواج من علي جاد الرب

انا سعوديه من حائل


ردود على عتيبيه
[بي كرت] 02-14-2014 02:50 PM
يا أختي جاد الرب طلع تايواني ، الياباني لا زال في السعوديه واسمو الطيب الزين شفتي الاسم ده كيف ؟ اسم عاي مسمي .

European Union [sultan] 02-14-2014 01:13 PM
تشرفينا والله ياأصيلة لك مني كل الود والاحترام ولا أملك الا أن أنحني إجلالا لتواضعك.


#915050 [fm3]
3.50/5 (3 صوت)

02-13-2014 10:08 PM
صحيح الانقاذ اتت لتدمر اوفعلا دمرت اخلاق وامانة الشعب الاصيل المعدن الا ما رحم ربي
والفساد ظهر منهم فى البر والبحر
يحدثى احد المعارف الجيران انه كان يعمل بمؤسسه شبة حكومية وعند حلول نهايه الشهر اخبره مسئوله المباشر ان الراتب سوف يتاخر وما عليه الا ان يتصرف
فساله كيف فقال على حسب قوله ان المسئول قال له اسحب جازولين من السياره التى بحوزتة اى هذا السائق ويبيعه فما كان منه الا ان ترك العمل وذهب الى عمل اخر
علما بانه يعول اسره صغيره
فهذا نموزج من محاولات تغير اخلاق الشعب بواسطة المشروع الحضارى
فنسال الله ان يزيل هذا الداء الذى احل بنا


#915038 [AburishA]
5.00/5 (3 صوت)

02-13-2014 09:54 PM
ثم يعود بنية تحفيز الإعرابي بدرهمين، ولكن يجد البغلة بلا لجام، فالإعرابي قد مضى به (سارقاً)..

*** لو واحد من الجماعة ((ديل)) كان لا لمة في البغلة ولا في اللجام..


#915001 [ساب البلد]
3.50/5 (2 صوت)

02-13-2014 08:33 PM
*********** ( السارق يسرق رزقه، ولو صبر قليلاً لحصل عليه، ولكنه إستعجل أمر ربه و سرقه، فأصبح حراماً) ******** يعني يا ود ساتي عبدالله البشير لو صبر ال 16 شركة ح تجيهوا براها ؟؟؟ ******* او الكيزان لو صبروا شوية ال 12 مليار دولار الفي البنوك الماليزية ح تكون حقتهم حلال ؟؟؟ ******


ردود على ساب البلد
United States [الزعلان] 02-14-2014 07:43 PM
** فعلا شيوعي لان الشيوعين فيهم الامانة و الصدق و عفة اليد ******* لو كان طلع كووووووز كان باع المراح كوووووووولو *************
الله يهديك ياشيوعي يادوب ظهرت حقيقتك
عيب عليك... عمر أولاد البلد ياساب البلد ما فكروا بطريقتك دي. السودان لأنو لآمي المتردية والنطيحة وما ترك السبع بعد أن أكل كل ما هو طيب وكريم . سبحان الله. اهنيك علي الشيوعية الاهلة ذاتو خلوها.

European Union [elamin] 02-14-2014 03:30 PM
يا ساب البلد انت عاوز تقول شنو يعنى ليهم يسرقوها والل شنو -- تانى حاجة رزقك هو ما تاكله او تلبسه او تستهلكه لا ما تكنزه فقد يدخر الرجل اموالا طائله و لا يستمتع بها لسبب او لاخر فياتى ورثته و يستمتعوا بها لانها ليست رزقه --فما سرقوه لن يستمتعوا به اما لامراضهم او لاى سبب فصدقنى ستكون محفوظة الا ان ياتى يوم و نستردها و سوف يصرفون منها القليل القليل

United States [ساب البلد] 02-13-2014 11:34 PM
*********** شكرا [الخجوقي] اخوي ***** فعلا الطمع ودر ما جمع ***** اللهم اجعلنا من اكلي حلال رزقك **** وارزقنا حلالا طيبا *******

United States [الخجوقي] 02-13-2014 09:34 PM
يا ساب البلد ما كل ما جمعت هو رزقك ، بل رزقك هو الذي أكلته او تصدقت به او لبسته . لذلك لو صبروا سوف يأتيهم رزقهم وهو الذي ذكرته لك . وعندك الذين ماتوا من الكيران هل أكلوا كل ما جمعوا ام تركوه وراءهم ، تأكد كلما جمعه سوف يتركه خلفه ولو كان حراماً سوف يحاسب عليه .


#914995 [ابو سكسك]
3.50/5 (4 صوت)

02-13-2014 08:30 PM
سيدي الراعي
غايتو لو عملت ليك طريقة وللا حزب حيكون عندك اتباع كثر.


#914962 [عمدة]
5.00/5 (4 صوت)

02-13-2014 07:55 PM
نرجو من الاستاذ الطاهر ساتى والاخوة المعلقين أن اتركوا الرجل فى حاله. فعل ما فعل لمخافة ربه ولعفة نفسه لا لأن يصبح مادة يتناولها الاعلام صباح مساء وقد أكد ذلك برفضه للمبالغ التى تتحدثون عنها متعللا بأنه قد مرت به مواقف كثيرة مشابهة ولكنه لا يذكر هذا الموقف بالتحديد وبالتالى لا يريد تحفيزا. قالرجل فى فهمه لأنه يؤدى المطلوب منه من باب الامانة وعفة النفس ومخافة رب العباد ولا يرجو جزاء ولا شكورا من عبيده. وأحسب أن مثله يتأزّى من أفعالكم هذى. هلا انتهيتم رحمكم الله.


ردود على عمدة
European Union [كلام حلو] 02-14-2014 02:01 AM
كلام حلو لكن الراجل يستاهل كل تقدير وفي رايي حقو ياخد القريشات دي كلها وحيلقى ناس محتاجين ليها بدون ادنى شك..


#914934 [ايهاب محمد]
5.00/5 (2 صوت)

02-13-2014 07:23 PM
راعى الأمانة..على..!!

يسلم أصلك.....
يا على..
تسلم أمك الوالداك..
جاد الرب على ..
أبوك..القبـيل سمــاك..
على..باب العلم..
بالمال الحلال ربـاك..
ساعة الوداع ..
قبال تفـوت وصــاك..
كيف تحـفظ حقـوق الغـير..
كيف تسلك دروب الخـير..
لا تتبع الشيطان..
ما تسمــع كـــلام إنســان..
مهما اداك ..
ياولدى..بالمال الحرام أغــراك..
تخون غيرك..
تخالف شِرعة الخالق..
كنت براك..
يوم سألوك..
عن نعجة..
ما اتساهلت..
ما اتـرددت..
حارس نعيجــاتك..
مبسوط بى قريشاتك..
مرتاح الضمير..شاكر..
منو الشايفك..قلت الله..
منو العارفك..برضوا الله..
كانت اجاباتك..
كافية ما اتعتعت..
هم اغروك..
ما اتهاونت..
شايفين هديماتك..
ما عارفين شنو الجواك..
ما عارفين قناعاتك..
طاعـة ربـى..
هى الجـواك..
خوفك من السواك..
رضيان بالقسموا ليك الرب..
طمعان فى فضل مولاك..
سبحانك ربى..
لا ينسانا لا ينساك..
جاتك تسعى دنيانا..
سيدى الكريم أغناك..
بالمال الحلال..
شان برضك تربى جناك..
زى ما..
جاد الرب على..
أبوك يا على الرباك..
تسلم لينا..
يا راعى الأمانة على..
تسلم بلدى يا على الجايباك..


#914933 [المنجلك]
5.00/5 (1 صوت)

02-13-2014 07:22 PM
هذا هى اخلاق السودانى التى جبلنا عليها اسألك يارب من اين أتى هولاء


#914931 [كرزاي]
4.50/5 (2 صوت)

02-13-2014 07:21 PM
والله بكينا لما سمعنا كلام هذا الرجل الصادق من شدة الفخر والفرح


#914930 [حامدي من دار حامد]
5.00/5 (2 صوت)

02-13-2014 07:19 PM
يا زول هوي ماتسرقو وتزورو التاريخ علي جاد الرب من الكبابيش ساكن ولاية الجزيرة ماتغيرو الحقايق الزول كباشي من كردفان غرب السودان غرابي وانا بعرفو وبعرف جماعته ، هو رجل امين ورفع رأس جميع السودانيين بس تغيير الحقائق دا كان زمااان اسى لا والف لا


ردود على حامدي من دار حامد
European Union [حامدي من دار حامد] 02-14-2014 01:49 PM
يحي يا ولدامي نحن عارفين الجماعه والمزعل صاحبك دا عرف الحقيقة عشان كدا داير يضرب

European Union [حامدي من دار حامد] 02-14-2014 01:43 PM
يحي يا ولد امي ، نحن عارفين الحقايق دي والمزعل صحبك هو عرف ود جادالرب من كردفاني غرابي زي ناهم بسموه عشان كدا ضرب

European Union [يحي] 02-14-2014 09:04 AM
يا الحامدي توا انا فهمت لماذا تصرف ذلك الرجل بهذه الطريقة . الرجال في الغرب بل الانسان في الغرب .فكك من كوراك هؤلاء الانجاس. والله العظيم اوسخ انسان وجدته بالمناطق التي يسمونها مناطق الوعي فهي في الحقيقة مناطق التخلف

European Union [حامدي من دار حامد] 02-13-2014 11:39 PM
يا زول المسمي نفسك سوداني وبس لو كان الزول دا من قبيلتك او من الجلابه كان كبرت وهللت واسى المزعلك لانه نحن وضحنا لك وللقارئ الكريم انه من الكبابيش غرب السودان يسكن الجزيره لكن اعتقد انك عندك نقص في فهم الموضوع او إنك خريج جامعات الكيزان ولذلك صعص وصعب جدا لك فهم التعليق بالصوره المقصوده واللوم مش عليك على المشروع الحضاري !!!!

European Union [حامدي من دار حامد] 02-13-2014 11:28 PM
يا سوداني وبس انت حارقك لانه كباشي كردفاني ولكن لوكان قال من جماعتك كان كبرت وهللت ، نحن قلنا مكتوب في النص من اهل الجزيره وهذا عكس الواقع هو كباشي كردفاني غرباوي وامثاله بكردفان كثر وانت زعلاااان مالك هو رفع رأس السودان فماالعيب ان يذكر كباشي من الكبابيش الكردفانيين ؟؟؟؟؟

United States [سوداني و بس] 02-13-2014 09:44 PM
خلاص رجعت ريمه لعادتها القديمه، من وين و ياتو قبيله و مش عارف شنو ...
ياخ ياخ ياااااااااااخ، ، زهجتونا، ماكم ياخ، ما قالو سوداني ما كفاية؟
عالم مرض ..


#914926 [الرفاعي]
5.00/5 (1 صوت)

02-13-2014 07:09 PM
أيها الشامخ الأبي
يا ابن تهراقا وبعانخي
يا ابن الأكرمين
يا ابن ممالك السودان كرمة ونبتة
وحضارة السلطنة الزرقاء
يا ابن الجزيرة وأرض البطانة
يا حفيد آل اب سن
وبداية وختاماً يا ابن الاسلام وقيمه الفاضلة
يا ابن حضارة ضاربة الجذور في التاريخ التليد
رفعت رؤوسنا في السودان كله من وسطه لشرقه لغربه لشماله لجنوبه
يا ابن أهل العوض أهل العز والكرم والنفس الأبية الراضية المرضية
علمت المتنطعين باسم الدين درساً في الأخلاق لن ينسوه
لا زالت أمة الاسلام في السودان بخير رغم ما فعلته أيدي على بابا والأربعين حرامي الآثمة من نهب وسلب وقتل للأنفس


#914925 [isic]
3.50/5 (2 صوت)

02-13-2014 07:09 PM
والله هسع في ناس أفقر من الراعي ده باﻵﻵف بل بالملايين في الريف السوداني والحضر ومابياخدو حق زول .بالنسبة للناس المستغربين من أمانة هذا الراعي عليهم مراجعة أنفسهم تريليون مرة.


#914922 [عطيات صديق]
5.00/5 (2 صوت)

02-13-2014 07:08 PM
جاد الرب جاد الله عليك وعلي والديك بالرحمة والبركة والمغفرة ويظلكما الله بظله يوم لاظل الا ظله
امين يا رب العالمين


#914920 [ودالباشا]
0.00/5 (0 صوت)

02-13-2014 07:03 PM
اقتباس:
ما الجديد فى الحدث لنتحفى به حسب تاريج اجدادنا وما توارثناه من كريم خصالهم كل فرد فة مجتمع بلادنا(على جاد الرب)فما المدهش

يا استاذ الطاهر السودان نعم ملئ تربية واخلاق جاد الرب ولكن ما عكسه هذا الرجل فى دول المهجر بربك الم يشرف كل السودانيين خارج الوطن اليس فخرا للسودانيين وللوطن رافعا راس المواطن وقامة الوطن المهزوزين فى هذا الوقت بالذات هذا الفخر والاعزاز الم تعجز سفارتنا قاطبة وسفرائنا الميامين المعينين فى دول المهجر وهو من ضمن رسالتهم ويأتينا من من مواطن بسيط فى قلب الفيافى.. هذا هو الجديد


ردود على ودالباشا
United States [fadeil] 02-13-2014 09:32 PM
قولك الحق با ود الباشا فقد رفع هذا الراعي أسهم جميع السودانيين في دول المهجر وهذا يعتبر قمه في الاخلاق التي تربي عليها أبناء السودان منذ الأزل ولا بد من تكريم هذا الرجل الشهم .


#914912 [الهادي بورتسودان]
5.00/5 (1 صوت)

02-13-2014 06:55 PM
فيديو هذا الرجل الأصيل فيه كثير من المضامين والرسائل :-
رسالة لآل المشروع الحضاري سارقي قوت الشعب بأسم الدين "وهي إن هذا الشعب مفطوم على التدين و مخافة الله لا يحتاج لتاصيل وتزكية مجمتع ولا يحتاج حتى لشيخكم البنا ليتعلم الدين "
رسالة لبعض مشايخ الخليج الذين ظنون بفساد عقيدة التوحيد للصوفية .. بأن مخافة الله الشعور بوجوده ومراقبته لا تحتاج حتى لأن تكون ملتحي
رسالة للدعاة إلي الله فالشيخان اللذان جادلا هذا السوداني الشهم " لدرجة أن أبكاهم بصدقه " قد أرسلا رسالة دعوية بمقطع طوله دقيقة .. اهم من آلاف الأشرطة والندوات والمحاضرات
رسالة للشباب بأن تأثير الشبكات الأجتماعية أكبر بكثير من الأعلام التقليدي


#914910 [wad aldosh]
1.50/5 (2 صوت)

02-13-2014 06:48 PM
والله لقدأدمعة عيناي من هذه الكلمات الصادقة و هذا ليس بغريب علي هزا الشعب العظيم . ما احوجنااليوم لهذه الدروس والعبر. فليتعلم البشير وذمرتة من هذه الدوس ( مساجد ضخمة!! وعمارات و مذارع كلها من عرق اليتاما والمساكين و عامة الشعب المسحوق من غلاء المعيشة ) وبعد دا كلوا يقولون هي الله !!!!


#914909 [خريجه]
3.25/5 (3 صوت)

02-13-2014 06:48 PM
ما داير ليك عروس ياجاد الرب بعد الثروه الجاتك دي حاجز المستوى الاكاديمي بتنفي


ردود على خريجه
European Union [ودالباشا] 02-15-2014 07:56 AM
ساب البلد لو كانت رنوية كا اظن كنت علقت كده ولاشنو ياحبة وبدووووون زعل

United States [ساب البلد] 02-13-2014 11:37 PM
****** يا اخوانا براحة علي الخريجة ******* البلد عدمانة العرسان ******* البورة حارة **** هع هع هع هع ***********

United States [الانقاذ قد دنا عذابها] 02-13-2014 08:38 PM
والقال منو هو مامتعلم ؟في جامعيين بالالاف شغالين حمالين ورواعيه في دول الخليج بسبب الوسخ المتاسلمين ثم ثانياوالله لو لوكنت مكانه لو كنت انت اخر بنت في الدنيا مااتزوجك لانك لم تفكري الا في ثروته التي هبطة عليه من السماء بفضل امانته وعفته وانت انتهازيه ودنيه.اعوذ بالله

United States [عبده الحاج حسن] 02-13-2014 07:19 PM
إفتكرتك حا تعرسيه عشان الخُطبة القالا دي مش عشان الثروة الجاتو،أعضيكي في رأسك،


#914897 [ابو كريم]
5.00/5 (4 صوت)

02-13-2014 06:36 PM
رغم فقرة تحدث الرجل بثقة بعزة وكبرياء و انفة وكأنه غني ملك الدنيا ومافيها
هذة الصفة لانعهدها الا في السودانيين
ليست مزايدة واعجاب بالنفس ولكن من لم يعيش في الغربة ويخالط الاجناس الاخرى لايدرك هذة الفرق بيننا والآخرين


#914892 [سودانى]
1.00/5 (1 صوت)

02-13-2014 06:32 PM
خلونا من دا كله هو فى السعودية مصنف عربى ول -------------


ردود على سودانى
European Union [عصمتووف] 02-14-2014 10:26 PM
يسد نفسك عمرك ما بتتعلم نخليك نحن في غيك

[ودالباشا] 02-14-2014 08:55 AM
اجييك بنفس منطقك .. فى ذمتك انت لمن تشوف شكله تصنفه شنو

وكمان مسمى نفسك سودانى ياخى خليك واثق من سودانويتك دى وهى تكفى وابعد من اللتانات دى والناس لسانها اطول منك بس عفيفى النطق والمنطق بعدين السعوديين الخايف منهم ديل اقال ليك كلهم عرب منو يا مهزوز النفس اذا انت تربط مسألة جغرافياً رايك شنو فى الرشايدة اها فى السعودية بصنفوا كيف ياوهم

European Union [حامدي من دار حامد] 02-13-2014 08:57 PM
الحكاية في الامانة والاخلاق ، الموضوع مش عروبه ولا عجم ، الخليجيين مصنفنكم على المستوى غير الريسمي سودانيين افارقه .


#914891 [ordesy]
5.00/5 (1 صوت)

02-13-2014 06:30 PM
اين انت من هذا يا عمر السودان


ردود على ordesy
United States [fadeil] 02-13-2014 09:44 PM
دع هذا الجهلول في حاله فانه لا يعرف غير العويل والهضربه .


#914887 [الحاج]
4.00/5 (5 صوت)

02-13-2014 06:26 PM
يا الطاهر ساتي
علي جاد الرب راعي في السعودية صبر علي رزقه البسيط
عبدالله حسن احمدالبشير كان طبيب بالسعودية ودخله اكبر من الراعي ولكن لم يصبر
جاء الي السودان هو وروجته ايضا طبيبة وهاك يا لغف وهلمجرا


#914886 [ابومروه]
3.75/5 (3 صوت)

02-13-2014 06:26 PM
المجاهد الزبير بشير طه شاف الفديو ده ليعرف الفرق بين مواطن الجزيره و ولاة امر الجزيره


#914882 [ودالشريف]
5.00/5 (1 صوت)

02-13-2014 06:17 PM
لانه ياستاذ الطاهر من بعد الانقاذ فسد السودان واغلب اهله فلا قدوة حسنة كنا مثال يحتذى به واصبحنا نبكي الاطلال على ضياع البلد والاخلاق لذا تجد الكثير يتعجب لامر هذا الزول كيف يرفض المال لانه فى زماننا هذا انعدمت الامانة للاسف واصبح السوداني للاسف مسخا يمشي بين الامم واختلط الحابل بالنابل لماذا وصلنا الى ما نحن فيه لان الفساد فى بلادى اصبح على اعلي مستوى ودون استحاء او خوف او خجل والدولة تحمى المفسدين بل هى المفسدين انفسهم فلماذا لا يصبح هذا الموقف غريبا وعجيبا ونستعجب ونحتفى به تبا لكم ياتجار الدين وتبا لنا لصمتنا عليكم


#914879 [ود احمد]
3.57/5 (5 صوت)

02-13-2014 06:15 PM
يا ريت لو ديوان شئون المغتربين يعفيه من الضريبة طوال مدة إغترابه تكريما له


#914875 [زكريا ابو يحيى]
5.00/5 (4 صوت)

02-13-2014 06:10 PM
و الله رفعت رؤوسنا يا علي جاد الرب تلك الرؤوس التي نكسها البشير طيلة ربع قرن من الزمان حتى أصبحنا مهانين في معظم بقاع العالم الفسيح نسأل الله ان يجود عليك بالجنة كما جاد الناس عليك بالمال .لك مني ألف تحية أيها الأمين في زمن قلت فيه الأمانة .


#914874 [بت قضيم]
3.90/5 (8 صوت)

02-13-2014 06:10 PM
نتمنى ان تكون خطبة الجمعة المباركة القادة عن هذا الانسان خاصة في مسجد النور الذي يؤمه عصام البشير وان تكون الخطبة بوجود رئيس البلد


ردود على بت قضيم
European Union [ام عماره] 02-14-2014 08:34 PM
يا ناس ما بتشوفو جاد الرب طلع ما سوره من الشروق الاصلي الطيب الزين وموجود واتوصلوا ليه السعوديين واستلم الجائزه اما الموجود في رفاعه ده وبستلم التبرعات شوفو الحرامي الوراه منو بلد فيها حاجات غريبه يعني الناس ما شايفه الخبر في الصفحه الرئيسيه للراكوبه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة