الأخبار
منوعات سودانية
نظامي يقتل شاباً رمياً بالرصاص في نزاع على قطعة أرض
نظامي يقتل شاباً رمياً بالرصاص في نزاع على قطعة أرض
 نظامي يقتل شاباً رمياً بالرصاص في نزاع على قطعة أرض


02-15-2014 11:17 PM

الخرطوم: منال عبد الله :

ألقت السلطات الأمنية القبض على النظامي الذي قتل مواطناً ضرباً بالرصاص ببندقية كلاشنكوف بمدينة الأمل بجبل الأولياء، وكشفت مصادر موثوقة أن النظامي أقر بارتكاب الجريمة وسجل اعترافاً قضائياً بالجريمة التي ارتكبها إثر مشاجرة نشبت بينهما ونزاع حول قطعة أرض بالتعويضات بالمدينة، وأفادت المصادر بأنه تم ضبط أداة الجريمة بعد أخذ الإجراءات الفنية اللازمة بمكان الحادث،
وأحيلت جثة القتيل إلى مشرحة بشائر بالخرطوم، وأوضحت المصادر أن المجني عليه لقي مصرعه متأثراً بالجراح جراء الطلق الناري الذي اخترق جسده في الحال، مبينة أنه في العقد الثاني من العمر، بينما النظامي القاتل في منتصف العقد الرابع.


تعليقات 4 | إهداء 0 | زيارات 2536

التعليقات
#917265 [كيس الموز التحت السرير]
0.00/5 (0 صوت)

02-16-2014 05:32 PM
نصيحه لوجه الله العندو مشروع فى السودان يذهب بنفسه . واوعكم من (الدقسه)


#917204 [kamuzu]
0.00/5 (0 صوت)

02-16-2014 04:14 PM
ما هي حكاية هؤلاء النظاميين
هل يعني ان حاميها حراميها


#916928 [من ضحايا الطيبة]
0.00/5 (0 صوت)

02-16-2014 11:42 AM
كان معي في الغربة صديق عاد الى السودان وفي احد المرات قلت له ماشاء الله السودان في تحسن مستمر في مجال التنمية والبنية التحتية الخ.. ولكن من الناحية الامنية تحت الصفر حرب في الشرق والغرب, قال لي انت اكيد بتشاهد قناة تلفزيون السودان يا اخي تنمية شنو؟ والله السودانيين زاتهم اتغيروا بقوا محتاليين وكذابين ما زي زمان, قال لي طاقية دا بلبسوها لدا وانت لو داير ترجع وتستقر في السودان اما ان تكون محتال او ضحية للمحتاليين قلت له الغربة افضل لي من ان اكون محتال او ضحية للمحتاليين المهم مر الزمن ارسلت قروش لاحد الاقارب عشان يشتري لي منزل اشترى له سيارة وعمل نايم قلت خلاص المرة دي نرسل لزول بعيد من الاقارب عشان يشتري لي منزل اها تعرفت على شخص عن طريق صديق اشتري لي قطعة ارض سكنية وقلت له ابنيها بعد سنتين وشوي اكتشفت ان السمسار قلع الارض وقال الحكومة شالتها والشخص الوكلتة للشراء والبناء ضرب قروش البناء وكمان عمل نايم وقال لي بنيت ليك وكل الامور تمام التمام ورفض يقول لي القطعة السمسار احتال عليها, اكتشفت الا قبل شهريين
لماذا تغير الشعب السوداني؟ بعد ان كنا مضرب للمثل في الامانة والصدق؟


ردود على من ضحايا الطيبة
[الغضنفر] 02-16-2014 04:14 PM
يا أستاذ( من ضحايا الطيبة) .. لا يلدغ المؤمن من جحرٍ مرتين... إذا قريبك لهف قروشك تديها لغريب؟؟ أما أمرك غريب و الله..

كنت تاخد إجازة طويلة شوية و لو بالخصم و تمشي تشوف أمورك بنفسك..
بس إن شاءالله عندك إثباتات تلجأ بيها للقضاء ( و لو أنني أشك في نزاهة معظم القضاة)؟؟ لو ما عندك ربنا يعوضك بس..

أنا لله


#916622 [غاندي محمود]
5.00/5 (1 صوت)

02-16-2014 02:07 AM
عندما حضرت العام الماضي للسودان لاحظت أن كثير من صفات السودانيين إنتهت تماماً و حل محلها ضيق الصدر و سرعة الغضب يعني مستحيل و أنت سايق سيارتك و احد يفتح ليك الطريق لو سايق ركشة واللا سايق كارو و اللا سايق حافلة و اللا ماشي برجولو تضرب ليهو بوري يقول ليك الشارع حق أبوك هههههههه
الناس ( كل الناس ) أصبحت عدائية بصورة غريبة وكل واحد ما مستحمل التاني
الناس بقت مستعدة تعمل مشكلة في كسي تمباك أو في باقي الف جنيه مع الكمساري أو في أي حاجة تخطر ببالك مهما كانت صغيرة أما الحاجات الكبيرة قطعة أرض , بيت , عربية , دكان دي ممكن يحصل فيها طعن واللا ضرب نار عاااااااادي

نسأل الله السلامة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة