الأخبار
أخبار إقليمية
اليابان تعلن عن منحة قدرها 15 مليون دولار لنظافة ولاية الخرطوم
اليابان تعلن عن منحة قدرها 15 مليون دولار لنظافة ولاية الخرطوم
اليابان تعلن عن منحة قدرها 15 مليون دولار لنظافة ولاية الخرطوم


02-15-2014 11:07 PM

الخرطوم (سونا-) أعلن السفير الياباني بالخرطوم السيد ريو يتشي هوريي عن تقديم منحة قدرها 15 مليون دولار لنظافة ولاية الخرطوم في الايام القليلة القادمة واطلاق حملة بالتنسيق مع الولاية تحت شعارعاصمة نظيفة وخضراء ؛ مبيناَ أن المنحة والآليات وصيانتها واحدة من ثلاثة برامج ؛فيما يستهدف البرنامج الثاني تدريب الكوادر السودانية اضافة لبرنامج ثالث يتعلق بإطلاق حملة شعبية تنويرية
مساندة لضمان استمرار الحملة مؤكدا حرص بلاده على تطوير العلاقات مع السودان .
من جانبه أكد الأستاذ بدرالدين محمود وزير المالية والاقتصاد الوطني مساندته للحملة والحرص على إنجاحها داعيا حكومة اليابان لمساعدة السودان على معالجة ديونه الخارجية بالاستفادة من عضويتها في
المؤسسات الدولية لإدارة حوار إيجابي لصالح السودان مشيدا بالعلاقات المتنامية بين البلدين مؤكداَ رغبة بلاده في الإنتقال بالعلاقات الاقتصادية إلى آفاق أرحب ؛ مشيراَ إلى إمكانية توظيف الفرص الواعدة في القطاعات الإنتاجية مثل الزراعة ؛الصناعة ؛ التعدين والقطاعات الأخرى لفائدة البلدين .
وأعرب عن أمله في الاستفادة من خبرات اليابان في مجال التدريب المهني وبناء القدرات وتطوير قدرات المرأة الإنتاجية بما يدفع جهود الدولة في فتح فرص عمل جديدة غير التوظيف الحكومي بهدف معالجة البطالة وخفض الفقر بجانب الاستفادة من التدريب في مجال الاقتصاد الكلي والتدريب الأكاديمي بالتنسيق مع الجامعات .


تعليقات 29 | إهداء 0 | زيارات 2977

التعليقات
#917634 [مواطن]
0.00/5 (0 صوت)

02-17-2014 12:54 AM
تمام بس يبدوا بالبرلمان لانو وسخان شديد وفي كوشة اسمه الموتمرالوطني دي النظافة مابتنفع فيها الايحرقوها .شكرا يابان


#917630 [أبوديدى]
0.00/5 (0 صوت)

02-17-2014 12:51 AM
بدل ال15 دى رسلوا تيم نظافه بى معداتو 7أيام بس بتتضف وأعملوا يوم
سموهوا( يوم النظافه اليابانى) يكون كل سنه أفضل من تدوهم القروش ﻷنهم ببساطه بياكلوها ويزيدوا وساختها تانى!!!!!!!


#917510 [ابوشهد]
0.00/5 (0 صوت)

02-16-2014 10:01 PM
هههههههههههههههههههههه
15 شنو اصلو عيوني زغللو
والله يا كيزان ماشة معاكم بسبوسة
15 مليون دورار عشان نظافة الخرطوم
وانتو حتي الان بتخصموو قروش النفايات من الناس
ما تخافو الله سيدكم
والله انا لو عارف الزول دا عائز يجيب ليكم القروش دي هنا كان قلت ليهو اعمل لينا بيها كبري علي الاقل نكون شفنا حاجة دخلت منكم
لكن تدخلا جيوب الناس دي ياها الما مرقت تاني
لينا الله نحن والله


#917401 [قوز دونقو]
0.00/5 (0 صوت)

02-16-2014 07:40 PM
يا جماعة الخير الطابور دا بتاع الرغيف و لا بتاع الفراخ المدعوم ؟؟؟؟ و الله هنت يا سوداننا حتي اليابان تتبرع ليك علشان تنظف عاصمتك ؟؟ و الله مهزلة ما بعدها مهزلة الوساخة أزكمت الأنوف حتي تأذت منها اليابان ؟؟ فقررت أن تتبرع لنظافتها ؟؟؟
شوف الكلام دا ؟؟ و حكومة السجم و الرماد بتصنع في الأسلحة الكيماوية و الطائرات و كل ما هو مستخدم في ‘بادة البشر ؟؟؟
شعب عجز أن يوفر لقمة العيش لشعبه و نراه يجنب في النقود و يخزنها في البنوك الأجنبية .؟؟؟؟؟
شغالين (( من دقنوا و افتل لو ؟؟؟ طبعا الحكومة ما عايزة تخسر مليم واحد و كلوا من جيب المواطن حتي ستات الشاي و الدرداقات ؟؟؟
يا أمة ضحكت من جهلها الأمم ؟؟؟؟؟


#917343 [معروف]
0.00/5 (0 صوت)

02-16-2014 06:39 PM
ممتاز !!!والجماعة سوف ينجحوا في النظافة .... أقصد نظافة ال 15 مليون


ردود على معروف
European Union [ahmad albabai] 02-16-2014 09:53 PM
هههههههههههههههههههههههه


#917271 [AburishA]
0.00/5 (0 صوت)

02-16-2014 05:38 PM
بالله لو جاك ضيف في بيتك.. وطوالي قام مسك المقشاشة وبدأ يكنس وينضف دا معناها شنو !!!!

** اليابانيين خجلوا من وساختنا !!!

** وساخة النفوس البنضفها شنو !!! كلوركس في عينكم !!!


#917228 [طه]
0.00/5 (0 صوت)

02-16-2014 04:43 PM
الساعدو فى دفن ابو ودس المحافير دا حال ولاية الخرطوم بكرة بحولو الفلوس ماليزيا تااااانى


#917215 [نور منور]
0.00/5 (0 صوت)

02-16-2014 04:31 PM
اليابانيين مساكين ما عارفين وساخة الخرطوم موضوعها شنو .........وال 15 مليون دولار ده قبل ما توصل يكون ناس الحكومة خلاص اقتساموها عنائم وتظل وساخة الخرطوم بند مأكلة شحدة مفتوح يتوارثه الكيزان ابا عن جد .


#917186 [الراصد]
0.00/5 (0 صوت)

02-16-2014 03:50 PM
والي الخرطوم ومعتمديه...غير جديريين بالعاصمة وتحدياتها..


#917177 [Aboahmed]
1.00/5 (1 صوت)

02-16-2014 03:41 PM
المشكله ما في المنحه ... المشكله في انها ماحتصل اصلاً عشان ينضفوا بيها الخرطوم .... لانهم حيقوموا بالواجب وينضفوا المنحه قبل ماتصل .... والله اليابان كان احسن ليها توفر قريشاتها لانها حتدخل جيوب الجماعه والشعب السوداني الفضل ياكل نيم ....


#917148 [سام]
4.00/5 (1 صوت)

02-16-2014 03:18 PM
خبر يحز النفس،يبنون الاف المساجد ويتبولون علي جدرانها..من قال ان النظافة مكلفة..لو وجدت عقول لاصبحت النفايات مادة وقود للكهرباء الحرارية ويمكن ان تغطي استهلاك الاف الاسر،ولكن اصبح المظهر قشور كحال الدين الكيزاني


#917032 [نورة النور نورين أبو نورة]
5.00/5 (1 صوت)

02-16-2014 01:14 PM
بعد 25 سنة من عمر الإنقاذ علا اليابان تتبرع عشان ينضفوا عاصمة المشروع الحضاري بعد أن أزكم (تلوثها) أنوف العالم (أجمع)قال حنسود العالم أجمع قال آي والله سدتو بالوساخة والفساد!


#917011 [مريود]
0.00/5 (0 صوت)

02-16-2014 12:52 PM
يا دوووووووب تزيد الوسخ.


#916839 [الجــــزيرة ابا]
5.00/5 (1 صوت)

02-16-2014 10:27 AM
اليابان دى ما نصيحة وﻻ شنو !
ال 15 مليون دى ممكن يدوها لثورة الشعب بكرة الخرطوم تنضف ومعاها السودان من الورجغة اجمعين .. النظافة الحقيقية هى كنس المؤتمر الوثنى من الخارطة ..


#916794 [مخير]
5.00/5 (1 صوت)

02-16-2014 09:57 AM
الكوش دي يا ربي ريحتها وصلت اليابان واللا شنو ؟؟


ردود على مخير
European Union [ABOALKALAM] 02-16-2014 11:34 AM
نعم يامخير انه تدخل خارجي من اجل النظافة فقد وصلت العاصمة في عهد الوالي الخضر

مرحلة من القذارة والعفانة التي لاتوصف حتي عرف في الأصقاع بنها اوسخ

مكان سكنه بشر في تاريخ البشرية شوارع قذرة ونتنة ومياه اثنة وراكده

ومارة يقضون حاجتهم في الطريق وشوارع مكسرة بنيت ايام الأسنعمار

لقد كانت العاصمة في ايام الوالي السابق عبد المتعافي لا اقول نظيفة ولكن اقل وساخة


#916790 [خبير دفعة ربيع]
4.00/5 (3 صوت)

02-16-2014 09:55 AM
جمبنا ( كوشة ) قرييييييييييبه من بابنا ... والجيران ( حيرونا ) لا قادرين نشتكيهم لا قادرين نقاطعهم ولا قادرين كمان على ( خسارتهم ) ..المهم الكوشه دي لو ما ( شلتوها ) ح ارسل شكوى لى ( يوشهيكو نودا ) يجي يشوف قروشو دي مشت وين


#916771 [amani]
5.00/5 (1 صوت)

02-16-2014 09:40 AM
وزعوها واكولها خلالالالالالالالالالالاص


#916755 [يا عبدالرحمن الرحمن الخضر]
5.00/5 (2 صوت)

02-16-2014 09:35 AM
آلا تخجل حكومة والخرطوم وحكومة السودان _ لمد لمتى نمد قرعتنا للغير - بالله اليس من العيب ان اليابان تاتي لتنظفنا من اوساخنا يا عبدالرحمن الخضر آلا تخجلوا على وجوكهم ، اين تذهب اموال الضرائب التي تقطع من اي مواطن في الخرطوم وفروا منها جزء لنظافة الخرطوم وكل العاصمة بادارة صادقة وامينة حرام عليكم بالله من احد زار اديس ابابا والله حقوا تخجلوا على انه عندكم عاصمة ، آلا تخجلوا من وسخ الخرطوم وامدرمان وبحري وشرق النيل كل انسان يبني ويترك مخلفات بنائه اين البلدية يجب الزام اي انسان حتى لوكان البشير بازالة اي مخلفات يتركها بعد انتائه من اي بناء -- اتركوا المحسوبية واخلص لله اولا ثم الوطن انتم محاسبون امام الله على كل صغيرة وكبيرة يا عبدالرحمن الخضر وحكومتك هذه واذا لم لا تستطيع اتركوا هذا المكان لمخلص اخر ان كان بالبلد مخلص الآن .


اخجلوا اخجلوا اصبحنا مثل القربة المقدودة تأخذوا اموال المواطنين ولا تقدموا ابسط الخدمات حرام عليكم اين تذهبوا من الله يا حكومة الخرطوم والعاصمة المثلثة .

لمتى انتم هكذا الموت في انتظاركم غدا اوبعده ماذا تقولون لله ؟


#916734 [ابو دينا]
5.00/5 (1 صوت)

02-16-2014 09:14 AM
طبعا الجماعة راح يضربوها ويطلعوا قرار انه كله واحد ينظف قدام بيتو ويلم الوسخ ويدفع رسوم النفايات ويضربوها برضو .. ويقولوا للسفير خلاص نضفناها ..


#916705 [البدرابى]
5.00/5 (1 صوت)

02-16-2014 08:23 AM
يعلم الله ويشهد أننا فى حاجه ماسه لتنظيف النفوس عملا بقول المولى عز وجل قد أفلح من زكاها. والله أنه لعار علينا أن يأتينا من يتبرع لنظافة عاصمتنا ولا يسعنى إلا أن أقول كل إناء بما فيه ينضح فلو كانت نفوسنا نظيفة لنظف السودان بأكمله ولنظفت معه الحياه. نسأل الله السلامه.


#916670 [ابوفارس]
5.00/5 (1 صوت)

02-16-2014 06:49 AM
لن تنظف الخرطوم .. بل ستزيدها اتساخاً بمزيد من المفسدين واوساخهم ..,,


#916635 [النابلسي]
0.00/5 (0 صوت)

02-16-2014 02:48 AM
أقترح أن توزع أل١٥ مليون علي عصابة ألأنقاذ علي أن يترجلوا من مناصبهم التى أعتلوها فى غفلة
من الزمان ومن غير حق، وبهذا تكون الخرطوم والسودان قد تمت نظافتهما فى آن معا .


#916616 [سليمان]
4.00/5 (1 صوت)

02-16-2014 01:56 AM
ههههههه انا نفسي اعرف الناس دبل ما عندهوم اخبار عن السودان انو ما برجعو اي ديون ولا كيف
ساي كدا هو بيدو ديووووون والله حاجه عجيبه بس نعمل شنو منتظربن عجايب قدرته


#916613 [ساب البلد]
5.00/5 (2 صوت)

02-16-2014 01:49 AM
********* ديل ح ينضفوا ال 15 مليون ****** قبل ما يفكروا في نظافة الخرطوم ****** يا السيد ريو يتشي هوريي اعتبرها صدقة علي روح المرحوم (بوذا) ***********


#916611 [صادميم]
5.00/5 (1 صوت)

02-16-2014 01:41 AM
هسع عوض الجاز و نافع و علي عثمان بكونوا عملوا ليهم شركات نظافة ووزعوا المنحة عليهم و في انتظار منحة جديدة ليعملوا ليهم شركات على مقاسها


#916588 [لحسوها]
5.00/5 (1 صوت)

02-16-2014 01:04 AM
لا تعليق دى جاتم فى الجرح


#916579 [ALI]
5.00/5 (2 صوت)

02-16-2014 12:51 AM
يا جماعه اخبار الراعي شنو قبض ولا لسه


ردود على ALI
United States [كركاب] 02-17-2014 12:33 AM
ههههههههههههه
يازول انت منتظر تعمل ابوالقاسم والا شنو


#916570 [ماف]
5.00/5 (3 صوت)

02-16-2014 12:36 AM
د واللة الا تجيب معاك ناسك عمال علي محاسبين لانو البلد دا لا فيهو ناس جادين والزمم اللة يرحم


#916554 [اسامة]
5.00/5 (2 صوت)

02-16-2014 12:22 AM
اوعك تدقس يا جانق وانق تيسسشييتسيي
ديل معلمين ووبنهبوها
ياجماعة اوقفوا هذا العبث هؤلاء يتسوولون باسم السودان
ويحولوها لحساباتهم الشخصية باسم السودان زي ولد عوض الجاز!!!
وفي النهاية يبقى السودان غريق بمبالغ اكبر من الحالية ديون على عاتق الشعب
قوموا الى ثورتكم يرحمكم الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة