الأخبار
أخبار إقليمية
شاهد الفيديو.. خالد الأعيسر يعلن على الهواء استقالته عن إدارة قناة النيلين ويقول أن الدولة السودانية لا تحترم الأنسان
شاهد الفيديو.. خالد الأعيسر يعلن على الهواء استقالته عن إدارة قناة النيلين ويقول أن الدولة السودانية لا تحترم الأنسان
شاهد الفيديو.. خالد الأعيسر يعلن على الهواء استقالته عن إدارة قناة النيلين ويقول أن الدولة السودانية لا تحترم الأنسان


02-15-2014 11:11 PM
عقب تقديمة لمستندات تثبت تعاقد مسبق بين قناة النيلين التي تتبع للفضائية السودانية والتلفزيون الأوغندي منذ 14 يناير 2014 قدم الأستاذ خالد الأعيسر مدير قناة النيلين الرياضية استقالته على الهواء حيث كشف ما قامت به قناة الشروق التي تواصلت مع التلفزيون الأوغندي وقال أنها عرضت مبالغ أعلى من تلك التي قدمتها قناة النيلين بغرض أن تكون حقوق بث المباريات لصالحهم.
وقال خالد أنه يعلن على الهواء استقالته لأنه لا وجود لهم في هذه الدولة التي لا تحترم الأنسان، ولا تحترم العمل، ولا تغلب المصلحة العامة على المصلحة الخاصة.
.


تعليقات 57 | إهداء 0 | زيارات 26806

التعليقات
#917545 [ود كترينا]
0.00/5 (0 صوت)

02-16-2014 10:54 PM
***هو خالد الاعيسر ده تبع ياتو وفد!!! هو تبع وفد الحركة الشعبية قطاع الشمال ولا تبع وفد غندور فى مفاوضات اديس...!!!!
***يا ناس الراكوبة بالله ده موضوع تشغلو الناس بيهو؟؟؟
***واستقالة ولا اقالة حسب الوثبة...زى على ونافع وعوض والحاج ساطور وابراهيم ود المجانين وكمال دموع ومن لف لفهم وماننسى أسامة صاحب عبدالوهاب!!!


#917481 [ود الدخري]
5.00/5 (2 صوت)

02-16-2014 09:18 PM
قمة عدم الاحترام للمشاهدين والسودانين من هذا الاعيسر ( الاعسر )
انت بوق دولة الضلال وتلفزيون الضلال والتيه 25 سنة ونحن مضللين
لابد ان يحاسب الاعيسر وخروجه عن حدود الادب تجاه المشاهد الكريم
انا من بكن الموتمر الوطني ولولاه ما كنت تتحدث بهذه الطريقة
يتحدث وكان التلفزيون ملك خاص له


#917285 [ابو محمد]
5.00/5 (1 صوت)

02-16-2014 05:53 PM
الشكر والتقدير للاخ خالد الاعيسر على التالي:
اولا: الصدق
ثانيا؛ الامانة
ثالثا: الشجاعة
رابعا: الجهر بالحق
خامسا: الاشارة الى الاعور انه اعور !!
سادسا: الوضوح
سابعا: كسر حاجز الخوف وعنه سيكون التعقيب:
هذه سحابة حق تساقطت حجارة من سجيل على شمس قناة الشروق التي لا محالة لها ان تغيب بعد ان غيبت واخواتها شمس السودان لربع قرن من الزمان !! السودانيين بطبعهم يتمتعون بشجاعة فطرية غير مكتسبة وليس الشجاعة المقصودة هنا هي القدرة على العدوان والترهيب ولا يفعل هذا الا من هو ساقط اخلاقيا !! وقد اوفى الشاعر الحاردلو في ابراز شخصية ممدوحه قائلا:
كان أداك وكتـــر ما بقــــول أديـــت
البرسوة الموشّـــح صدره بالسومـيت
دابي الكــر الحجّر شـــــراب سيتيت
كاتال في الخلا وعقبا كريم في البيت
وهي الصفات االغالبة بالفطرة على كل السودانيين شمالا وجنوبا شرقا وغربا ووسطا !! اذا نحن لا نخشى من قول كلمة (لا) لاي كائن كان !! ولسان حالنا يقول : توقد نار وتصبح هبوت !!!
قال رسول الله صلى الله عليه واله وصحبه وسلم ( ليس الشديد بِالصُّرَعَةِ ، إنما الشديد الذي يملك نفسه عند الغضب ) رواه البخاري قال رسول الله صلى الله عليه وسلم : (إنما بعثت لإتمم مكارم الاخلاق ) وهذا هو نهج التربية الذي (كان) في السودان قبل ان ينفث شيخ الجماعة او ابليس العصر الترابي وجنوده من الشياطين قذارة انفاسهم وسموم نقائصهم التي لا تعد ولا تحصى وكفاهم نقيصة الكذب من قبل روابضهم في المقروء والمسموع والمشاهد !!! وكأن التاس لا يعلمون وان الكيزان هم الذين يَعلَمون ويًعَملون !! وان كان باعتقادهم الناس لا يعلمون ماهم يعلمون فالناس ينظرون ويسمعون !!! وكسر حاجز الخوف هو رفع الصوت عاليا في قولة كلمة : لا !! وفي الاثر : (يعجبني الرجل إذا سِيمَ خُطة ضَيْمٍ قال: لا. بملء فِيهِ) قال تعالى: ( يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ{32} هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ) , قال ابن كثير –رحمه الله-: (يحاولون أن يردوا الحق بالباطل , ومثلهم في ذلك من يريد أن يطفئ شعاع الشمس بفيه !! وكما أن هذا مستحيل فذلك مستحيل ) وإن هذا العداء قائم من قيام صوت الحق وأعدائه هم من الكفار والمنافقين !!


ردود على ابو محمد
European Union [ابو علي] 02-16-2014 11:56 PM
راعي العنم في الخلا يعرف ان التلفزيون الاوعندي لا بملك الحق في بث المبارة او حتى بيعها لفناة النيلين وفاقد الشي لا يعطي وانهم ضحكو على النيلين والذي له الحق هو نادي كمبالا سيتي وليس التلفويون الاوعندي الذي دفع له هذا المتعجرف والغشيم في آن من مال الشعب السوداني الغلبان (المال السائب) لانه البلد ده ما عندها وجيع ويجي بعد ده عاوز يعمل عنتر في الفاضي ويكيل التهم يمين وشمال تارة للسفير المسكين وتارة لقناة الشروف والغريب انه صدقوه الناس الاكثر غشامة من الاعبسر وصوروه كبطل في بلد عزت فيه البطولات والذي لا يعرفه الناس ان هذا العيسير هو من كان يكتب التفارير عن طلاب حق اللجوء في لندن وهو اخر من يتكلم عن الوطنية ومفروض ان يحاسب على صفاقته واستفزازاته


#917229 [ساب البلد]
5.00/5 (3 صوت)

02-16-2014 04:43 PM
******** المشكلة وين ********** بديلك جاهز ******** السيدة. فاطنة شاش *******


#917157 [let it rain]
4.88/5 (4 صوت)

02-16-2014 03:24 PM
انت بقيت مدير قناه النيلين كيف لو ما كوز معفن وقناه الشروق برضو حقت كوز معفن والسفير اليوغندي برضو كوز معفن ماهو القاسم المشترك بينكم جميعا؟..كلكم كيزان معفنين حتي ابسط حقوق المواطن بتسلبوها منه عشان مصلحتكم ونزاعاتكم الداخليه اللهم اضرب الظالمين بالظالمين واخرجنا منهم سالمين يارب العالمين


ردود على let it rain
United States [محمد علي المظلوم] 02-16-2014 03:54 PM
ناس تموت بالرصاص في عينها وراسها , وناس تموت بالجوع والمرض والقهر, وانتو جايطين في كلام فارغ وخباثات بينكم وخيانات في اتفه الاشياء يا تافهين.
لو ما احترموك عشان كورة ما تتاسف يا كوز , لانه في ناس ما احترموهم في اعراضهم ولا في معيشتهم.
ربنا ياخدكم كلكم برئيسكم وربنا يطمس علي اموالكم ويسلط عليكم من يريكم كيف يكون عدم احترام الانسان لاخيه الانسان ويسلط علي ذرياتكم وذريات ذرياتكم وذريات ذريات ذلرياتهم ما فعلتوه باولاد الناس في دارفور والمناصير وكردفان والخرطوم.
خسئتم
خسئتم
خسئتم
خسئتم
خسئتم
خسئتم


#917143 [الراكوبابي]
5.00/5 (2 صوت)

02-16-2014 03:11 PM
" لا وجود لهم في هذه الدولة التي لا تحترم الأنسان، ولا تحترم العمل، ولا تغلب المصلحة العامة على المصلحة الخاصة."
بس و الله ده فهم متأخر جداً جداً. يا دااااااابك انت عرفت الكلام ده؟


#917137 [أبومصطفى جيفارا]
3.44/5 (5 صوت)

02-16-2014 03:08 PM
نبتة تبث لواعج عشقها ...لبنيها...عند المنافي والمهاجر...وهم أي بنيها نبل المشاعر
وحين أستقيم أمام مجدكِ.. أهتف بنبض الحناجر... نبتة حبيبتي ...وجه بدرٍ سافرَ..زهو البنادر
لله در بنيكِ...شدو المنابر.. سمر ...السحنات ...بيض السمات...يدركون بين الحروف...والكلمات
لم تزلزل ..قيمهم..عوامل الزمان ..والمكان ...(وكما يقال في الأمثال ((البطن...بطرانة))... والمؤتمرين
المتأمرين..مثال...تحياتي ...لكِ... ولبنيك لا حروف تقال ...بنبض الخفقة والآهة ..ليتَ صدودكِ....وصال

الأستاذ/ [المشتهي الكمونية]..فلتأذن لنا ...بتضمين ما تفضلت به ..ضمن تعليقنا..ونحن ..كما أنت نشتهي
كل شيء عند نبتة ..نشتهي نبتة بدءاً ..وانتهاء..ليتُ لنا بعض مسير من سوق الشجرة لدكاكين الطاهر..ليتُ لنا بعض طوافٍ بها.. وأمدرمان..نشوى ببنيها بنو عذرة... ، ما أشرت ...أليه هل كنا في انتظار هذا لندرك ذلك..
هنا مربط الفرس ...كلما أختلف ...هؤلاء على بعض ريعٍ ...من الكعكة ..عجبا يقول هذا الدولة لا تحترم العمل أي دولة ..يا هذا أم ...أنك معتوه ...أم أنك...مُغيب...عقليا....ويضيف لا تحترم ألإنسان....الآن ...الآن لا تحترم
الإنسان ..الآن...والان فقط ..أدركت... هذا...يا هذا... و ألاف الأطنان من القنابل... تلقى يوميا على أهلنا..بجبال النوبة خاصة وجنوب كردفان عامة ....وأهلنا في معسكرات النزوح...اغتيال الشرفاء اغتصاب النساء ...
لم يحرك ساكنا في الإيعسر ..هذا وحين مس أو أن صح تعبيري تلاشت عمولته ...نطق لسانه..( سكت دهرا ونطق ..كفرا.)..كحاج ماجد سوار...أبتلينا ...بالانتهازيين والسلطويين...ومدعي الثقافة ...من دكاترة هذا العصر والأوان ...بروفسيرات ...يريدون من أبناء نبتة أن يروا بأعينهم ويسمعوا بأذانهم ...يبصموا بالعشرة على أرائهم وأفكارهم ....وأبناء نبتة إناث وذكور أكثر وعيا منهم ...وأنضج فكرا ..متفتحي العقول لهم استنارة البصر والبصيرة ...وليس كل دكتور ...دكتور (القلم ...ما بيزيل بلم)....

[المشتهي الكمونية]
(وهل كانت الدولة السودانية في انتظار الاعيسر ليثبت عدم احترامها للإنسان؟؟؟
النيلين دي ما برضو منبر حكومي زيها زي الشروق وغيرها من القنوات التي تبث سموم الكيزان وأوساخهم ، بلاش إدعاء بطولات وبلاش ضحك على عقولنا، إذا كنت بطل حقيقي روح التحق بالجبهة الثورية وقاتل هؤلاء الذين لا يحترمون الإنسانية)
لكل منا موقع بالجبهة الثورية فلتحق بها ...ساندوا إعلاميا...ماديا ...وعينيا...نحن سادتي أخوة في الوطن هيا لنصنع معا غدنا ...المشرق ...ننعم به ...لنقل ...للمنافي وداعا...
[عبقرينو]
(خالد الاعيسر عبارة عن كوز حردان بكرا بمسحو شنبو بي حاجة وبرجع ولا عزاء للمبادئ )
الأستاذ/عبقرينو ..تحياتي لك ...حقا لا عزاء للمبادىء ...فالشعب ساذج وسطحي ...وحقير...ألا النذر اليسير

تقول الأستاذة/رانيا ....ولتسمح لنا ...بأن ...نستشهد باضاءات حروفها ....الراشدة ..المستنيرة
:يتغير الناس لسببين . .إما أن يكونوا قد تعلموا الكثير, أو تعرضوا للأذى الكبير . . التغيير عندنا ولد تناقض
فالبعض أصبح حكيما والغالبية أصبحت حزينة, كئيبة وحادة الطباع وفوق كل هذا . .هشة . .مع الأسف.:
هيا...أخوة ...الوطن نلحق بركب الرفاق في الجبهة الثورية
. مع الأسف...الغالبية..هشة...ودوما...نقول الشعب صار ساذج..**** .....سطحي ..وحقير ألا
ألا..النذر اليسير...غدا..نكون كما نودُ...وتعود نبتة...كسالف عهدها..
فالبعض أصبح حكيما والغالبية أصبحت حزينة, كئيبة وحادة الطباع وفوق كل هذا . .هشة . .مع الأسف.:
المجد للرجال... للنضال للشهداء... لرجال الجبهة الثورية يقدمون أرواحهم ...من أجلنا..دعوا السلبية هذا وطنكم يناديكم لبوا النداء لنا الإخاء في الوطن لاعرق ولادين ولا قبلية ولا جهوية أمة سودانية شامخة
عاش كفاح الشعب السوداني إناث وذكور فهيا لبوا النداء التحقوا بالجبهة الثورية مدوا لها يد العون حدثوا ..
الملأ عن انتصارتها...مع تحياتي

خاتمة::-- :- يسألني الخليج عنكِ يمازحني..كيف لا.. ما عادت حروفكِ...كيف لا.. تضيء عتمة أحداقي..
كيف لا.. دونكِ لا صيغ مقطع ولا عزف غناء.. نناديكِ كيف لا.. عودي أنتِ الحياة والحياء.. كيف لا
كيف لا


#917041 [alakrory]
0.00/5 (0 صوت)

02-16-2014 01:23 PM
اى انسان مهما كان اذا كانت قروشه كسبها بالحلال وحقتوا مستحيل مستحيل يصرفها على نادى او قناة تلفزيونية لا تعود عليه بفوائد مادية وهذا مثال جمال الوالى


#917017 [طائر الهوى]
2.00/5 (1 صوت)

02-16-2014 12:58 PM
عجبى!!!
يدفعون الملاين فى ألاعداد والسفر والفنادق والبث الحصري لفرق تخرج من دوري ال32 .
والبنيه التحتيه الرياضيه منتهيه والاستادات داخل الاحياء والمدينه الرياضيه اكثر من عشرين سنه ولم تكتمل بعد ؟؟لافرق سنيه لاناشئين ولا براعم لا اكادميات رياضيه .محترفين مواسير ولاعبين محلين خشبين مسوسين.
الرياضه يجب أن يديرها الرياضيون ويخرج منها الانتهازيون والمتسلقون والمتطفلون .


ردود على طائر الهوى
[Aboahmed] 02-16-2014 03:22 PM
انت عايز تقول جمال الخالي اقصد الوالي ولا شنو ؟؟؟؟؟؟؟


#916994 [زول عادي]
3.00/5 (2 صوت)

02-16-2014 12:37 PM
هذه هي نفس الطريقه التي اتبعتها في نقل مباراة المريخ وبايرن موينخ وظللت طول فترة البث المباشر امس تتحدث عن انك (مفتح) وذهبت الى الدوحه ولم تذهب الى دبي لان مكاتب الشروق في دبي وفي هذه المباراة تخطيت السفارة وذهبت الى سمسار وكثير من الجمل الفطيره التي لم نفهم منها شيء سوى انك لا تجيد العمل المنظم ولا تحترم القنوات الزميله ولاتفقه في قوانين الرياضة شيء لانك اتفقت مع التلفزيون اليوغندي ولم تتفق مع النادي والحقوق مملوكه للنادي وليس للتلفزيون اليوغندي .
عموما ستواجه محاكمه كبيره ومستحقه بحقك وذلك للاتي :
1- اتهامك لقناة الشروق بالرشوه وانت ليس لديك دليل على ذلك وحتى ان توفرت الدلائل فان قناة الشروق قناة منافسه ومن حقها ان تفاوض الى اخر رمق .
2- اتهام السفير بالتواطؤ والسفير من مهامه تسهيل عمل كل سوداني مقيم بتلك الدوله او أي جهه او مؤسسه تطلب منه ذلك عليه ان يلبي طلبه بالطرق المشروعه وانت لم تخبر السفاره باتفاقك بالرغم من انك ظللت تتبجح طول فترة البث بانك تلفزيون حكومي وانت الاولى ، لا ياشيخ المواطن اولى من الحكومه .
عموما مشكلتك مع قناة الشروق ومديرها العام محمد خير وليس مع نادي المريخ ورئيسها جمال الوالي
وللمره الاخيره احذر المريخاب


ردود على زول عادي
United States [زول عادي] 02-16-2014 06:02 PM
يا اخوي انت طاشي شبكه ولا شنو ؟؟؟؟
هذا الاعيسر يقول ان التلفزيون الحكومي اولى من القطاع الخاص
وانا اقول المواطن اولى من الحكومه ..أين المشكله؟؟؟؟؟؟
يبدو انك لم تفهم مقصدي جيدا

[Aboahmed] 02-16-2014 03:26 PM
المواطن اولى من الحكومه ؟؟؟؟؟؟؟؟؟؟ الكلام ده من متين يا اخوي؟؟؟؟؟
انا العارفو والناس كلها عارفه انه المواطن ده ولا في حسابات الحكومه اصلاً ..
وانت تدعي انه المواطن اولى ....
اتحداك ورينا متين كان المواطن اولى عند حكومة السجم والرماد دي ....


#916960 [gasim]
2.63/5 (7 صوت)

02-16-2014 12:07 PM
خالد الاعيسر شخص مفترى ومتعجرف - المريخ كيان اكبر منك ومن ابوك ياوسخ واكبر من كل الكيزان وجمال الوالى واكبر من ان تقل ادبك عليهو وتدخل معاهو فى تحدى - الطريقة الانت تكلمت بيها ايها المدعو خالد تدل على قصر فهمك وتدل على ان الذى اتى بك الى هذا المنصب اكثر منك دلاهة استفزازك للدولة السودانية وتحديك لها ليس مهم لانك احد كلابها والا لما وصلت لهذا المنصب وهنالك ملاييين احسن منك فى كل شى - لايمكن لمدير قناة ان يكون بهذة السفالة والانحطاط ان لا ادافع عن دولة المؤتمر الوثنى البطنى ولا عن اى شخص ولكن استفزنى هذا البشر القمئ وهو لايمثل نفسة ناهيك عن قناة قومية وهو يتحدث عن جدوده وامجادهم فى طرد المستعمر اوليس المستعمر افضل منك وسيكون البلد افضل حالا اذا كنا تحت وصايته الى الان لاننا من دمر السودان هو امثالك ايها الخنذير فقط بدا ان تبكى من الدولة لانك انهزمت بافكارك الغبية لماذا تتجاهل نادى المريخ وتحاول ان تتخطاه وتتجاوزه بنقل مبارياتة عنوة اوليس الاولى بك ان تتفاوض مع ادارة المريخ مباشرة وانت تدعى الذكاء لماذا ذهبت الى كمبالا هل كمبالا يلعب لوحدة هذا استفزاز صارخ وارفع التحية ل عبد الصمد وهو يلقنك درس لن تنساه ابدا ولماذا لا تصمت وترفع امرك لادارة التلفزيون القومى اوليس هو صاحب القناة التى تعمل بها ولماذا كل هذا الزعل ان كنت مجرد موظف هل هذا فقط لوطنيتك البليدة التى تدعيها وانك لاتخاف اى سودانى ولا اى احد انت شخص تفتقر لان تكون ناطق ان حيوان


ردود على gasim
United States [ابو احمد] 02-16-2014 05:45 PM
يا Aboahmed]أنت فهمتنى غلط, أنا بقصد فريق المريخ وليس قناة الشروق تعليقا على المعلق أعلاه الذى ذكر فى تعريقه بأن نقل المبارة تخص فريق المريخ وكمبالا سيتى. وبما أن المبارة تلعب فى ارض كمبالا سيتى فأن نقل المبارة من حقه وليس لفريق المريخ دخل فى نقل او عدم نقل المبارة ومن هى الجهة التى يتفق معها كمبالا سيتى فى نقل المبارة.
ارجو مراجعة تعليق المعلق وان يكون قد وضح لك تعليقى ولك الشكر.

[Aboahmed] 02-16-2014 03:29 PM
انت البتقول المريخ ليس له دخل في نقل المباراه ..؟؟؟ لعلمك رئيس نادي المريخ / جمال الوالي .. هو نفسه صاحب قناة الشروق الفضائية ... فهمت الحاصل ولا نشرح اكتر ..؟؟؟؟!!!!!

European Union [صديق الشيخ حمد النيل] 02-16-2014 02:31 PM
ياحليلكم يا النايمين على حيلكم ...هى وينه الكوره الحارقين فيها بنكم ....شعب يلهث من أجل بوش فول ..وأمبولة ملاريا ...وكتاب ....وأنتم تتعاركون فى فارغه ومقدوده ...أبداً ما هنت ياسوداننا يوماً علينا

[ابو احمد] 02-16-2014 12:45 PM
المريخ ليس له دخل فى نقل مبارة كمبالا لان المبارة تقام فى ارض فريق كمبالا سيتى وبذلك تخص فريق كمبالا فقط. نادى المريخ ليس طرف فى القضية والمشكلة هى بين أدارة تلفزيون النيلين وتلفزيون الشروق.
ارجو أن تتأكد من المعلومة فبل التعليق وان تتمتع بروح رياضية.


#916953 [عبداللطيف]
3.50/5 (2 صوت)

02-16-2014 11:59 AM
طالما بلد فيها مرجان احمد مرجان وامثاله الذين افسدو بالفساد والرشاوى اكيد البلد دى ما بتمشى لى قدام واكيد السفير شرب شاى بالينسون


ردود على عبداللطيف
European Union [منداح] 02-16-2014 09:51 PM
يانسون الكيزان ديل عرقهم يانسون


#916919 [المنجلك]
4.25/5 (3 صوت)

02-16-2014 11:38 AM
الامور واضحة حكومة ساقطة والعسكر المؤدلج يحكم بشرعية البندقية ولم ولن يتورع فى ارتكاب المجازر ضد المدنيين فلا محال من انشاء خلايا تستطيع القيام بعمليات نوعية تستهدف رؤساء وازرع النظام .
لا يوجد لدينا خيار سورى او ليبى بل خيار اشبه بالثورة الكوبية التى بداءت من خلايا بعدد الاصبع.


#916904 [تنين]
0.00/5 (0 صوت)

02-16-2014 11:23 AM
وأنا أتفق تماما مع عبقرينو. image


#916880 [محمد عبد الرحمن محمد]
0.00/5 (0 صوت)

02-16-2014 10:56 AM
من المنطق والعقل ان يتم الاتصال بطرفي المباراة ومنها عمل الترتيبات اللازمة لنقل المباراة من السودان ومن ثم يوغندا ولكم الاعيسر بريطاني الجنسيه حاول طمس هوية فريق المريخ بالذهان خلسة الي يوغندا لانه يري بأنه اضطهد في نقل مباراة العالمي وراي ان يسعي للانتقام لنفسه والظهور علي حساب الغير .
كل القنواة تتنافس بمقدرتها علي الفوز بتلفزة أحداث العالم المهمة بالدفع اكثر من الغير وهذه هي الدمقراطيه التي نتمني ان تسود في البلد هل توجد اي غضاضة في ان تدخل قناة الشروق لنقل هذه المبارة
وهل هذا التصرف له اي عواقب لاي جهة من صميم هذه القنواة التنافس الشريف الذي انتهجته الشروق وليس ماقام به الاعيسر من تصرف غير شريف في مباراة العالمي بدولة قطر (الايد المابتقدر تلويها بوسها)


#916874 [الحالم]
5.00/5 (1 صوت)

02-16-2014 10:55 AM
اذا اختلف اللصان بان المسروق اسوا حكومة ماذا تنتج غير لصوص قل فئة او جماعة لم تنال حطها من الظلم في عهد الكيزان اللهم ان تزرهم يضلو عبادك ولم يلدو الا فاجر كفار


#916871 [النشوف اخرتا]
2.50/5 (2 صوت)

02-16-2014 10:54 AM
والله اسوء حكومه مرت على السودان يلخ كفاناظلم وقهر وقش ولعب


#916859 [الصادق]
3.50/5 (2 صوت)

02-16-2014 10:45 AM
الأهم من دا كلو انو المريخ اتاهل و الباقي يجيب الكأس ، والهلال كمان بكرة حايتاهل الف مبروك الخيبة


#916857 [أسمر جميل فتان]
3.50/5 (3 صوت)

02-16-2014 10:44 AM
يا سلام .... تاثرنا بكلامك المؤثر قطعت قلوبنا يا شيخ!!!! حررررررام عليك
يعني يادوبك صحيت بعد 25 سنة نوم في العسل وعرفت انو الحكومة لا تحترم الانسان والانسانية؟!!
يا اخي اتلهي انت وغيرك شايفين المركب بتغرق وكل واحد عاوز ينط بسيناريو مختلف عن الاخر !!!

اللهم اضرب الظالمين بالظالمين واخرجنا من بينهم سالمين!!!
اللهم اضرب الظالمين بالظالمين واخرجنا من بينهم سالمين!!!
اللهم اضرب الظالمين بالظالمين واخرجنا من بينهم سالمين!!!
اللهم اضرب الظالمين بالظالمين واخرجنا من بينهم سالمين!!!
اللهم اضرب الظالمين بالظالمين واخرجنا من بينهم سالمين!!!
ودمتم


#916844 [سمير ادريس]
2.00/5 (1 صوت)

02-16-2014 10:31 AM
أولا للأسف الشي الذي حصل من قناة الشروق والسيد جمال الوالي هذه ليست من شيم السودانيين وده معروفيين بها بعض الجنيسيات الاخري الناس كلها بتعرفها ولكن الشغل من تحت التربيزة ده عندها ناسها يا الوالي ولو انت ما كنت كده ما كنت وصلت للإنت فيه الآن ....
لكن المشكلة عرفت الناس طريقة تفكير الأعيسر لانه هو شخص شكاك جدا وما هو مؤهل لادارة قناة قومية لدولة


#916841 [معاوية ابو عشرة]
2.00/5 (1 صوت)

02-16-2014 10:28 AM
اي سوداني غيور ووطني لازم يحارب من ديناصورات النظام ووالحاقدين و المتسلقين والسماسرة و المتسلقين والمتحزبين المتعنصرين والاخيرة تحتها الف خط وهي السبب في تقديم هذا الشاب الطموح لاستقالته والخاسر هو البلد و مواطن البلد الذي يهاجر ابنائه طبيقا لمقولة لا كرامة لعزيز بين قومه. لك اجر الاجتهاد يا اخي خالد الاعيسر وامثالك لا مجال لهم طال ما هناك ديناصورات


#916838 [امين الشريف]
3.00/5 (1 صوت)

02-16-2014 10:26 AM
يا حليلك يا النايم على حيلك يا دووووووووووووووووووووب عرفت الفساد وعدم احترام الدولة السودانية

للانسنان السوداني - يبدو انك كنت نائم مع اهل الكهف وصحيت الان ...


#916814 [يوسف محمد احمد]
4.25/5 (3 صوت)

02-16-2014 10:15 AM
ايوه يدفع زيادة لانو القروش ما تعبان فيها - حقت الغلابة لو مشت لي مدرسة ولا مستشفى مش احسن
هذا تضارب مصالح الكيزان في بعضهم
الشروق قناة دولة ( الامن ) تحت اسم المالك جمال الوالي الذي كان نكرة وظهر على حساب المريخ والشعب السوداني
هو نظام الكيزان هكزا - لا يوجد نظام ولا محاسبة ضياع واهدار لاموال البلد
الله المستعان


#916806 [غايب السنين]
0.00/5 (0 صوت)

02-16-2014 10:10 AM
كل ماقالة خالد الاعيسر في امس لا علاقة له بالحقيقة اظلاقا وانما هو من باب المكايدات ومحاوللة تغطية فشله الذريع في ادارة القناة التي يفترض انها قناة رسمية رياضية وليست قناة خاصة وابتدأ الامر منذ نقل الاعيسر لماراة المريخ وبايرميونخ الوديه بطريقة غير مشروعة وبدون اي وجه حق ورجاله كده زي ما بقولو وتبعها فصاحة ولداحة واساءة لادارة المريخ وجمهورة واستمر ذات النهج بجري الاعيسر وبسرعة كبيرة لشراء حقوق بث مباراة المريخ وكمبالا ستي ولكن وللاسف الشديد ان الاعيسر اثبت انه افشل اداري حيث تعاقد مع من لا يملك حقوق البث وهذه هي الحقيقة المجردة الاعيسر تعاقد مع الاتحاد اليوغندي ناسيا او متناسيا ان حقوق البث في مثل هذه المباريات مملوكة للاندية وليس الاتحادات ( هذا حديث نائب رئيس نادي كمبالا سيتي اليوغندي لقناة قوون الرياضية امس ) حيث اوضح بانه لم تتقدم اي جهة لشراء حقوق البث للمباراة وانهم تفاجؤ بمحاولة التلفزيون اليوغندي نقل المبارة وقامو بمنعه لعدم وجود اي اتفاق مثبق وان الاتحاد اليوغندي عرض عليهم مبلغ 10 الاف دولار وانهم رفضو .... ده الموضوع باختصار يا اعيسر يافاشل ولا دخل لقناة الشروق به ولا لاي احد به ولست بمدافع عن قناة الشروق ولا عن اي قناة ولست من المتابعين اصلا للقنوات السودانية ولكن الحقيقة يجب ان تقال بعيدا عن التعصب .... اي زول يقعد يجعجع على الهواء (انا ما بخاف من اي زول وما بخاف من الحكومة وانا على الطلاق ... الخ ) اعرفو كيسو فاضي ... ههههه


ردود على غايب السنين
United States [القرفان] 02-16-2014 10:18 AM
هههههههههههههه
كلامك دا كله وبرضو ليس دفاعا !!!
هههههههههههههه
وكمان لست من المتابعين اصلا للقنوات السودانية هههههههههههه
تعال قش لي ريالتي دي هههههههههههههههههااااااااااااي


#916788 [سوداني]
3.00/5 (1 صوت)

02-16-2014 09:54 AM
كل من ركب زورق الإنقاذ وعاش في فسادها ولم يشتم رائحته إلا حين بدأت رياح التغيير تهب ، فالترحب به مقاعد الجماهير وتبارك بخروجه لاعب آخر يجلس على مصاطبها ليس ليتفرج ولكن لاستكمال الشجاعة التي جعلته يقفز من الزورق .ننتظر كشف المزيد من الفساد في مجال الرياضة والإعلام الحكومي وغيرها ، ولايصبح الأمر رد فل شخصي ، ولكنه موقف أخلاقي يعلي من شان صاحبه ، فحكومة الإسلاميين قد تخلت عن الكوادر السودانية من خيرة السفراء ، وأساتذة الجامعات ،والإداريين والأطباء والمهندسين والعمال المهرة والفنيين وغيرهم ممن تعلموا وتدربوا على حساب الشعب السوداني ، وتخلت عنهم حكومة الإسلاميين منذ يونيو 1989 ولازال المحالين لما يسمى بالصالح العام يكافحون ويناضلون من اجل حقوقهم. هذا نظام حكم يستند إلى فكر اسلموي لا يهمه غير النهب ودونك تقارير المراجع العام. الإنقاذ بدأت تفقد كوادرها " فيأرب بهم وبالهم" فهي القطة التي أكلت بنيها، سوف نشهد المزيد من الخارجين على دولة الفساد من الذين فيهم رقشكة حاسة شم بالفساد الذي تعوس فيه الأنقاض وبركها الأسنة


#916781 [سيف الله عمر فرح]
0.00/5 (0 صوت)

02-16-2014 09:49 AM
أستاذ اعيسر ما اكتشفته أنت اليوم ، معظم السودانيين اكتشفوها قبل 24 سنة .
انت كنت فاكر الدولة تحترم الانسان ، وهى تمارس سياسة التمكين لصالح فئة من السودانيين باعتراف رئيس الدولة .. يا زول انت كنت مخدر كل هذه السنين حتى يقرصك جمال الوالى ويصحيك من نومك ؟ .

أستاذ خالد الأعيسر ، أها عرفت أن الدولة لا تحترم الانسان السودانى ! ، ماذا أنت فاعل ؟ ، رح تجاهد فى اسقاط النظام بما تستطيع ، أم رح تبحث عن مكان هبرة تانية غير قناة النيلين ؟ ..


#916769 [ساري]
0.00/5 (0 صوت)

02-16-2014 09:40 AM
عادل شرفي قال..... الحلبي يبيع اي حاجة في سبيل مصلحتو


ردود على ساري
United States [kuku tiya] 02-16-2014 01:51 PM
Ya Sari
Please do not insult respected professional diplomats like the current Ambassador of Sudan to Kampala, Adil Hussein Sharfi. He is a career diplomat who joined the Ministry of Foreifn Affairs back in 1985 during the Aptil Intifiada.Calling him bad names such as Halabi smacks of your ethnic hatered and ignorance.Do you personally know Amb. Sharfi or know his family..This man is anoble and honest diplomat and every one who knows him in the ministry can speak in his favour in terms of his courage, defiance and integrity.It is really sad this open forum tolerates such indecent and inappropraite remarkssuch as'' halabi willing to compromise anything for the aske of making profit''...I would humbly propose that your insulting unfounded comment be deleted and an apology be made to H.e. Adil Sharfi.


#916761 [طرزان]
0.00/5 (0 صوت)

02-16-2014 09:36 AM
قشة ماتعتر ليك ....
انت يالاعيسر لمن خسيت ادارة المريخ ومشيت بثيت مباراة المريخ والبايرن هسي بقى ليك حار ؟
تستـــــــــــــــــــــــاهل اكتر ...


#916731 [locolo]
1.50/5 (3 صوت)

02-16-2014 09:11 AM
لك التحية يا الاعيسر آنت كبير و كبير و فضحت الجماعه آيما فضيحه ربنا يحفظك من الاغتيال من هؤلاء المحرمين الكيزان لعنه الله عليهم الى يوم الدين ....


ردود على locolo
United States [let it rain] 02-16-2014 03:39 PM
هههههههههه انت طيب يامان هو لو ماكوز كان بقا مدير قناه النيلين كيف؟


#916726 [ابو منتصر]
3.50/5 (3 صوت)

02-16-2014 09:05 AM
أن "من الأفضل للشعب ان يمر بتجربة حكم جماعة الأخوان المسلمين” ، وقد أعقب "أبوي" الأستاذ محمود تلك العبارة الجامعة بقائمة من التنبؤات"، والتي عرفت وسط السودانيين "بالسوفات السبعة"، تلخص تجربة السودان مع حكم الأخوان المسلمين مهما تخفوا وراء عباءات المسميات والشعارات. وتتمثل تلك القائمة، والتي تلخص مخرجات تلك التجربة، في الآتي:.......
• "سوف تكون مفيدة للغاية فهي تكشف لأبناء هذا البلد مدى زيف شعارات هذه الجماعة التي:
• سوف تسيطر على السودان سياسياً واقتصادياً،
• ولو بالوسائل العسكرية،
• وسوف يذيقون الشعب الأمرين،
• وسوف يدخلون البلاد في فتنة تحيل نهارها إلى ليل،
• وسوف تنتهي هذه الفتنة فيما بينهم
• وسوف يقتلعون من أرض السودان اقتلاعاً".
الاستاذ محمود محمد طه


#916722 [ahmed//]
3.75/5 (4 صوت)

02-16-2014 09:02 AM
يا أخى خالد قناة الشروق نشأت لتدمير التلفزيون القومى وهذه حقيقة معلومة وتم افراد مساحة لها كبيرة لتضغى فى المشاهدة على اكبر قدر ممكن من المشاهدين على حساب التلفزيون القومى وهذه سياسة المؤتمرجية تدمير البنى الإدارية للشعب كل شىء فى السودان خلقوا له بديل مرادف واستغنوا عن مؤسسات الدولة التى اصبحت ليست لها قيمة لديهم انهم يرتكبون جرائم ضد هذا الشعب بشكل بشع ..


#916717 [ساهر]
5.00/5 (1 صوت)

02-16-2014 08:53 AM
يا أستاذ خالد الأعيسر والله أنت غلطان!!! ببساطة لأن هناك ماكينات تصوير تسمى ون إن فور، أي ماكينة واحدة تقوم بأربع عمليات في وقت واحد. قناة الشروق مملكوكة للرئيس وحرم الرئيس، وقناة التلفزيون الأولي مملوكة لحكومة السودان، كما أن قناة النليلين مملوكة أيضاً لحكومة السودان، والرئيس وحرمه هما السودان، وهما قناة الشروق وقناة السودان الأولى وقناة النيلين وهما كل شيء. فهما ون إن فور بل هما ون إن هاندرد. فما يدخل جيب الرئيس وحرمه يدخل خزانة الدولة، وما يدخل خزانة الدولة يدخل جيب الرئيس وحرمه. يعني كان تأخذ راتبك وتسكت، وتستمع بتلك السفريات المكوكية. أعمل بمبدأ لا أسمع، لا أرى، لا أتكلم. كل من يقول (نــــــــــــــــــو) مصيره الشارع. هذا أمر مؤسف حقاً.


ردود على ساهر
European Union [gasim] 02-16-2014 12:08 PM
خالد الاعيسر شخص مفترى ومتعجرف - المريخ كيان اكبر منك ومن ابوك ياوسخ واكبر من كل الكيزان وجمال الوالى واكبر من ان تقل ادبك عليهو وتدخل معاهو فى تحدى - الطريقة الانت تكلمت بيها ايها المدعو خالد تدل على قصر فهمك وتدل على ان الذى اتى بك الى هذا المنصب اكثر منك دلاهة استفزازك للدولة السودانية وتحديك لها ليس مهم لانك احد كلابها والا لما وصلت لهذا المنصب وهنالك ملاييين احسن منك فى كل شى - لايمكن لمدير قناة ان يكون بهذة السفالة والانحطاط ان لا ادافع عن دولة المؤتمر الوثنى البطنى ولا عن اى شخص ولكن استفزنى هذا البشر القمئ وهو لايمثل نفسة ناهيك عن قناة قومية وهو يتحدث عن جدوده وامجادهم فى طرد المستعمر اوليس المستعمر افضل منك وسيكون البلد افضل حالا اذا كنا تحت وصايته الى الان لاننا من دمر السودان هو امثالك ايها الخنذير فقط بدا ان تبكى من الدولة لانك انهزمت بافكارك الغبية لماذا تتجاهل نادى المريخ وتحاول ان تتخطاه وتتجاوزه بنقل مبارياتة عنوة اوليس الاولى بك ان تتفاوض مع ادارة المريخ مباشرة وانت تدعى الذكاء لماذا ذهبت الى كمبالا هل كمبالا يلعب لوحدة هذا استفزاز صارخ وارفع التحية ل عبد الصمد وهو يلقنك درس لن تنساه ابدا ولماذا لا تصمت وترفع امرك لادارة التلفزيون القومى اوليس هو صاحب القناة التى تعمل بها ولماذا كل هذا الزعل ان كنت مجرد موظف هل هذا فقط لوطنيتك البليدة التى تدعيها وانك لاتخاف اى سودانى ولا اى احد انت شخص تفتقر لان تكون ناطق ان حيوان

European Union [fattah] 02-16-2014 11:28 AM
عامل سنده واحد ونصف على كل قزازة كازوزه على قول يوسف داوود فى المسرحيه الشهيره كان الله فى عونك يابلد


#916712 [المشتهي الكمونية]
4.44/5 (6 صوت)

02-16-2014 08:48 AM
وهل كانت الدولة السودانية في انتظار الاعيسر ليثبت عدم احترامها للإنسان؟؟؟
النيلين دي ما برضو منبر حكومي زيها زي الشروق وغيرها من القنوات التي تبث سموم الكيزان وأوساخهم ، بلاش إدعاء بطولات وبلاش ضحك على عقولنا، إذا كنت بطل حقيقي روح التحق بالجبهة الثورية وقاتل هؤلاء الذين لا يحترمون الإنسانية


#916708 [ABUAMR]
4.50/5 (4 صوت)

02-16-2014 08:35 AM
كمل المشوار لاقرب معسكر للجبهه الثوريه خلي لي البدله في التفتيش -------بطولات زائفه


ردود على ABUAMR
European Union [gasim] 02-16-2014 11:56 AM
ههههههههههههههههههه انا عاوز الحزام لانو اكيد بكون جلد اصلى اشتراهو فى السفريه الاخيره


#916704 [جاكومه]
4.00/5 (1 صوت)

02-16-2014 08:22 AM
اهم حاجة ما جبتوها فى الفديو ( المناقشة بين مجدى والسفير بكمبالا عبر نفس البرنامج على
الهواء مباشرتا ) كانت ذى المثل السودانى "" زنقة ... فى ظاحونة )


#916703 [humam]
0.00/5 (0 صوت)

02-16-2014 08:18 AM
Everybody should boycott Alshroog


#916685 [Ehab]
0.00/5 (0 صوت)

02-16-2014 07:37 AM
بعد الأستماع إلي الحلقه وضح أن السيد السفير قد فشل في إدارة الأزمه بتخبطه في الحديث ووضح أن هناك عدم مصداقيه من السفير ... ودا شي طبيعي لنظام التمكين .. ناس الشروق ما هم إلا بوق النظام الخاص ملتحف بي رجل الأعمال الوالي الظهر مع الأنقاذ ... برضوا أسلوب كيزاني رخيص بداء مع انقلاب الكيزان المشئوم .. الخسه والدناء التي تعاملت بها الشروق أن ثبت ذلك لا تشبه الشعب السوداني بل تشبه الكيزان مستجدي النعمه لذلك لا استغرب ما حدث أن ثبت .. يجب الأستماع إلى قول الشروق حتي نحكم ... لكن بحكم 24 سنه تحت الأحتلال الكيزاني هذا هو أسلوب الكيزان .. الله ينتقم منهم ومن بشيرهم ويرينا فيهم عجائب قدرته في الدنيا والآخره.. أمين


#916677 [النصيحة]
3.50/5 (4 صوت)

02-16-2014 07:16 AM
قشه ما تعتر ليك ، كلكم كيزان حرامية ، نسيت لمن كنت في السفارة السودانية في لندن ودفعاك المستميت عن هذا النظام ، جمال الوالى ضربك في الانكل ، والله الشعب السوداني جاتوا في جرح غيتو نحن نقعد ونتفرج على فضايحكم انتوا والوالى ولسه التقيل قدااااااااااااااااااااام


#916676 [حسن جحا من كوستى]
2.00/5 (1 صوت)

02-16-2014 07:08 AM
هو كان شغال شنو؟؟


#916671 [مونتي رغلو]
3.50/5 (2 صوت)

02-16-2014 06:51 AM
بركاتك يا الطيب يوسف الزين يا راعي الغنم الجميل ... بركاتك ظهرت بدت الضمائر تصحي


#916662 [muslim.ana]
0.00/5 (0 صوت)

02-16-2014 05:41 AM

..


#916661 [muslim.ana]
2.00/5 (1 صوت)

02-16-2014 05:40 AM
هذا زمانك يامهازل فامرحي
القصة ليسة موقف قناة الشروق الكل يعلم ماهي الشروق وما هي اهدافها

المصيبة في سفارات السودان التي تحولت الي مكاتب سمسره لخدمة افراد
الرجاء مشاهدة الفديو كامل لمعرفة القصة كاملةابتداء من الدقيقة 39


#916656 [سومي العسل - الدمام]
3.50/5 (2 صوت)

02-16-2014 05:03 AM
ونحن مالنا نستفيد شنو منكم
لا خير في الشروق ولا النيلين حريقة فيهم الاثنين
والاثنين تابعين للكيزان ..
بس المديدة حرقتني


#916655 [انصاري]
5.00/5 (1 صوت)

02-16-2014 04:42 AM
"الهم أجعل كيدهم.. في نحرهم" أما قصة عدم ..إحترام العمل.. وحقوق الإنسان.. وحتي حقه في الحياة.. دي ما جديدة


#916652 [سودانى طافش]
1.00/5 (1 صوت)

02-16-2014 04:31 AM
والله ووالله أول مرة أسمع بقناة النيلين .. القاعد يشوفها منو ولا حتى تلفزيون السودان زاتو !


#916632 [الدبراوى]
5.00/5 (1 صوت)

02-16-2014 02:37 AM
ما من زمان قلنا ليك بالون تحدى ونفخ وتهديد وفى الاخبر تسسسسسسسسس وياااااااااض


#916628 [ربش]
5.00/5 (1 صوت)

02-16-2014 02:21 AM
كمل جميلك و جر معاك البت شاش .... قطار عجيب يودي ما يجيب ..... أخيراً عرفت و فهمت !!!!!!


#916624 [عبقرينو]
0.00/5 (0 صوت)

02-16-2014 02:11 AM
خالد الاعيسر عبارة عن كوز حردان بكرا بمسحو شنبو بي حاجة وبرجع ولا عزاء للمبادئ


#916623 [خالد حسن]
1.00/5 (1 صوت)

02-16-2014 02:09 AM
شكرا استاذ خالد
هذه دولة تحكمها عصابة لاتراعي للمصلحه العامة للدوله وانما تعمل لمصلحة افرادها كالمدلل جمال الوالي
ولنا ان نسأل من اين لهذا اللص جمال الوالي هذه الاموال؟ انها اموال الشعب التي توزعها عصابة الانقاذ لافرادها
ايهما اولي ياسعادة السفير التلفزيون القومي ام قناة ابن المؤتمر المدلل بخدمتكم؟ هل انت سفير تخدم الدوله ومصالحها ام انك خادم لعصابة الانقاذ؟
ليكم يوم ياكيزان ويامؤتمرجيه نكنسكم فيه كالجرذان


#916577 [شرقاوى]
3.86/5 (11 صوت)

02-16-2014 12:43 AM
سلم على الجماعه معاااااااااااااااااااااااااااك يا الاعيسر..قشه ما تعتر ليك


#916567 [النقر]
3.96/5 (9 صوت)

02-16-2014 12:31 AM
شكرا على الاستقاله يا اخ خالد...ودى شجاعه..ودليل على وطنيه وغيره وامنة على العمل المكلف

اما باقى الوساخه البتسرق من هنا واحولوها هناك عشان تسرق من مكان تانى دى ربنا بيهم!!

مافى وطينه ولا غيره على البلد ....اى زول حايم ببطنو عايز ياكل وياكل ما بهمه بلد ولا تتطور

عالم زباله ووساخه!!
**اتمنى لو انك بتشرح موقفك وحساسيات القضيه بنفس بارد ..وخاصة لشخص فى موقعك..فهكذا تتغلب على هولاء ...وبتدى فرصه للمستمع ان بتابع القضيه بعيد من النفرزه.


غايتو شرفى ولا زعيط ده خارجيتو وحكومتو ما تننظر منهم شى ...وسخ فى وسخ


#916563 [النيل أبونا والجنس سودانى]
4.00/5 (5 صوت)

02-16-2014 12:29 AM
يدوووووب صحيت ما من ٨٩ الحال ده موجود الدولة لا تحترم الأنسان، ولا تحترم العمل، ولا تغلب المصلحة العامة على المصلحة الخاصة. يا الأعيسر جمال الوالى عصرك صاح وبرضو بقروش
الدولة المنهوبة التى لا تحترم الأنسان.


#916555 [الرمق الأخير]
2.38/5 (10 صوت)

02-16-2014 12:22 AM
إنكســر المـرق وإتشتـت الرصــاص !! الكيزان خلاص كل المجالات إنفضحوا فيها !! الإعلام ,, القضاء ,, الإقتصاد ,, الرياضة ,, ..........ألخ .. رحم الله محمود محمد طه


#916534 [خالد احمد]
4.00/5 (6 صوت)

02-16-2014 12:00 AM
دا كلو من الفاسد جمال الوالي
لكن ليكم يوم ياكيزان


#916524 [بت قضيم]
4.00/5 (10 صوت)

02-15-2014 11:46 PM
الوالي + وداد = بنسوي اي شئ عاوزنوا في بلد الهوان


#916523 [عصمتووف]
2.38/5 (8 صوت)

02-15-2014 11:43 PM
هذا موضوع خاص وتنافس بين القنوات والحشاش يملة شبكتوا لا تحشر حقوق الانسان مع فشلكم اضطهاد وقمع الانسان وارسالة وراء الشمس لم يكن الليلة بل منذ سنين اين كنت نائما واكتشفتها حديثا


#916519 [ابومصعب]
2.72/5 (6 صوت)

02-15-2014 11:41 PM
لماذا حولتم القناه الى القمر عرب سات عذبتم العالم نايل سات اسهل عدل عن الاستقاله ارجع للقمر الاول ثم قدمها مرة اخرى ونحن مستعدين ان ندفع حق السنه المجانيه ارحمونا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة